% Text title            : viShNustutiHbrahma
% File name             : viShNustutiHbrahma.itx
% Category              : vishhnu, vishnu
% Location              : doc\_vishhnu
% Proofread by          : PSA Easwaran psawaswaran
% Description/comments  : Edited by S. V. Radhakrishna Shastriji
% Acknowledge-Permission: Mahaperiaval Trust
% Latest update         : April 12, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIviShNustutiH brahmakRRitA ..}##
\itxtitle{.. shrIviShNustutiH brahmakR^itA ..}##\endtitles ##

j~nAto.asi me.adya suchirAnnanu dehabhAjAM
na j~nAyate bhagavato gatirityavadyam |
nAnyattvadasti bhagavannapi tanna shuddhaM
mAyAguNavyatikarAdyadururvibhAsi || 1||
rUpaM yadetadavabodharasodayena
shashvannivR^ittatamasaH sadanugrahAya |
Adau gR^ihItamavatArashataikabIjaM
yannAbhipadmabhavanAdahamAvirAsam || 2||
nAtaH paraM parama yadbhavataH svarUpaM
AnandamAtramavikalpamaviddhavarchaH |
pashyAmi vishvasR^ijamekamavishvamAtman
bhUtendriyAtmakamadasta upAshrito.asmi || 3||
tadvA idaM bhuvanama~Ngala ma~NgalAya
dhyAne sma no darshitaM ta upAsakAnAm |
tasmai namo bhagavate.anuvidhema tubhyaM
yo.anAdR^ito narakabhAgbhirasatpasa~NgaiH || 4||
ye tu tvadIyacharaNAmbujakoshagandhaM
jighranti karNavivaraiH shrutivAtanItam |
bhaktyA gR^ihItacharaNaH parayA cha teShAM
nApaiShi nAtha hR^idayAmburuhAt svapuMsAm || 5||
tAvadbhayaM draviNagehasuhR^innimittaM
shokaH spR^ihA paribhavo vipulashcha lobhaH |
tAvanmametyasadavagraha ArtimUlaM
yAvanna teM.a~NghrimabhayaM pravR^iNIta lokaH || 6||
daivena te hatadhiyo bhavataH prasa~NgAt
savAshubhopashamanAdvimukhendriyA ye |
kurvanti kAmasukhaleshalavAya dInAH
lobhAbhibhUtamanaso.akushalAni shashvat || 7||
kShuttR^iT᳐tridhAtubhirimA grarardyamAnAH
shItoShNavAtavarShairitaretarAchcha |
kAmAgninA.achyuta ruShA cha sudurbhareNa
sampashyato mana urukrama sIdate me || 8||
yAvatpR^ithaktvamidamAtmana indriyArtha\-
mAyAbalaM bhagavato jana Isha pashyet |
tAvanna saMsR^itirasau pratisa~Nkrameta
vyarthApi duHravanivahaM vahatI kriyArthA || 9||
ahnyApR^itArtakaraNA nishi niHshayAnA
nAnAmanorathadhiyA kShaNabhagranidrAH |
daivAhatAtharrachanA tradaShayo.api deva
yuShmatprasa~NgavimukhA iha saMsaranti || 10||
tvaM bhAvayogaparibhAvitahR^itsarojaH
Asse shrutekShitapatho nanu nAtha puMsAm |
yadyaddhiyA ta urugAya vibhAvayanti
tattadvapuH praNayase sadanugrahAya || 11||
nAtiprasIdati tathopachitopachAraiH
ArAdhitaH suragaNairhR^idi baddhakAmaiH |
yatsarvabhUtadayayA.asadalabhyayaiko
nAnAjaneShvavahitaH suhR^idantarAtmA || 12||
puMsAmato vividhakarmabhiradhvarAdyaiH
dAnena chogratapasA vratacharyayA cha |
ArAdhanaM bhagavatastava satkriyArtho
dharmo.arpitaH karhichiddhriyate na yatra || 13||
shashvatsvarUpamahasaiva nipItabheda\-
mohAya bodhadhiShaNAya namaH parasmai |
vishvodbhavasthitilayeShu nimittalIlA\-
rAsAya te nama idaM chakR^imeshvarAya || 14||
yasyAvatAraguNakarmaviDambanAni
nAmAni ye.asuvigame vivashA gR^iNanti |
tenaikajanmashamalaM sahasaiva hitvA
sayAntyapAvR^itamR^itaM tamajaM prapadye || 15||
yo vA ahaM cha girishashcha vibhuH svayaM cha
sthityudbhavapralayahetava AtmamUlam |
bhittvA tripAdvavR^idha eka uruprarohaH
tasmai namo bhagavate bhuvanadrumAya || 16||
loko vikarmanirataH kushale pramattaH
karmaNyayaM tvadudite bhavadarchane sve |
yastAvadasya balavAniha jIvitAshAM
sadyashChinattyanimiShAya namo.astu tasmai || 17||
yasmAdvibhemyahamapi dviparArdhadhiShNya\-
madhyAsitaH sakalalokanamaskR^itaM yat |
tepe tapo bahusavo.avarurutsamAnaH
tasmai namo bhagavate.adhimakhAya tubhyam || 18||
tirya~NmanuShyavibudhAdiShu jIvayoni\-
ShvAtmechChayA.a.atmakR^itasetuparIpsayA yaH |
reme nirastaratirapyavaruddhadehaH
tasmai namo bhagavate puruShottamAya || 19||
yo.avidyayA.anupahato.api dashArdhavR^ittyA
nidrAmuvAha jaTharIkR^italokayAtraH |
antarjale.ahikashipusparshAnukUlAM
bhImormimAlini janasya sukhaM vivR^iNvan || 20||
yannAbhipadmabhavanAdahamAsamIDya
lokatrayopakaraNo yadanugraheNa |
tasmai namasta udarasthabhavAya yoga\-
nidrAvasAnavikasannalinekShaNAya || 21||
so.ayaM samastajagatAM suhR^ideka AtmA
sattvena yanmR^iDayate bhagavAnbhagena |
tenaiva me dR^ishamanuspR^ishatAdyathAhaM
srakShyAmi pUrvavadidaM praNatapriyo.asau || 22||
eSha prapannavarado ramayA.a.atmashaktyA
yadyatkariShyati gR^ihItaguNAvatAraH |
tasmin svavikramamidaM sR^ijato.api cheto
yu~njIta karmashamalaM cha yathA vijahyAm || 23||
nAbhihradAdiha sato.ambhasi yasya puMso
vij~nAnashaktirahamAsamanantashakteH |
rUpaM vichitramidamasya vivR^iNvato me
mA rIriShIShTa nigamasya girAM visargaH || 24||
so.asAvadabhrakaruNo bhagavAn vivR^iddha\-
premasmitena nayanAmburuhaM vijR^imbhan |
utthAya vishvavijayAya cha no viShAdaM
mAdhvyA girA.apanayatAt puruShaH purANaH || 25||

iti shrImadbhAgavatAntargatA brahmakR^itA shrIviShNustutiH samAptA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}