% Text title            : viThThalAShTottarashatanAmastotram
% File name             : viThThalAShTottarashatanAmastotram.itx
% Category              : vishhnu, aShTottarashatanAma, vishnu
% Location              : doc\_vishhnu
% Proofread by          : PSA Easwaran psawaswaran
% Source                : padmamuprANa
% Latest update         : March 10, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIviThThalAShTottarashatanAmastotram ..}##
\itxtitle{.. shrIviThThalAShTottarashatanAmastotram ..}##\endtitles ##

shrutvA nAmasahasraM shrIviThThalasya guNAnvitam |
pArvatI paripaprachCha sha~NkaraM lokasha~Nkaram || 1||
shrIpArvatyuvAcha ||
devadeva mahAdeva devAnugrahavigraha |
aShTottarashataM nAmnAM tasya devasya me vada || 2||
janaH kalimalAdigdho.alasaH kAmAvilo jaDaH |
pAThAdyasya sakR^idvApi saushIlyAdiyuto bhavet || 3||
tadahaM shretumichChAmi tavAj~nAtaM na vidyate |
ityukto bhAryayA shambhuH saMsmaran puruShottamam || 4||
kaTisthitakaradvandvaM jagAda nagaputrikAm |
shrIsha~Nkara uvAcha
devi lokopakArAya kR^itaH prashnastvayAnaghe || 5||
hitAya sarvajantUnAM nAmnAmaShTottaraM shatam |
shrIviThThalasya devasya vAgmisiddhipradaM nR^iNAm || 6||
aShTottarashatasyAhamR^iShiH prokto manIShibhiH |
Chando.anuShTubdevatA shrIviThThalaH parikIrtitaH || 7||
dhyAyechChrIviThThalAkhyaM samapadakamalaM padmapatrAyatAkShaM
gambhIrasnigdhahAsaM kaTinihitakaraM nIlameghAvabhAsam |
vidyudvAso vasAnaM maNimayamakuTaM kuNDalodbhAsigaNDaM
mAyUrasragvibhUShAbhayavarasahitaM kaustubhodbhAsitA~Ngam || 8||
OM klIM viThThalaH puNDarIkAkShaH puNDarIkanibhekShaNaH |
puNDarIkAshramapadaH puNDarIkajalAplutaH || 9||
puNDarIkakShetravAsaH puNDarIkavarapradaH |
shAradAdhiShThitadvAraH shAradendunibhAnanaH || 10||
nAradAdhiShThitadvAro nAradeshaprapUjitaH |
bhuvanAdhIshvarIdvAro bhuvanAdhIshvarIshvaraH || 11||
durgAshritottaradvAro durgamAgamasaMvR^itaH |
kShullapeshIpinaddhorugopeShTyAshliShTajAnukaH || 12||
kaTisthitakaradvandvo varadAbhayamudritaH |
tretAtoraNapAlasthatrivikrama itIritaH || 13||
titaUkShetrapo.ashvatthakoTIshvaravarapradaH |
sa eva karavIrastho nArInArayaNeti cha || 14||
nIrAsa~NgamasaMsthashcha saikatapratimArchitaH |
veNunAdena devAnAM manaH shravaNama~NgalaH || 15||
devakanyAkoTikoTinIrAjitapadAmbujaH |
padmatIrthasthitAshvattho naro nArAyaNo mahAn || 16||
chandrabhAgAsaronIrakeliloladigambaraH |
sasadhrIchItsavIShUchIritishrutyartharUpadhR^ik || 17||
jyotirmayakShetravAsI sarvotkR^iShTatrayAtmakaH |
svakuNDalapratiShThAtA pa~nchAyudhajalapriyaH || 18||
kShetrapAlAgrapUjArthI pArvatIpatipUjitaH |
chaturmukhastuto viShNurjaganmohanarUpadhR^ik || 19||
mantrAkSharAvalIhR^itsthakaustubhoraHsthalapriyaH |
svamantrojjIvitajanaH sarvakIrtanavallabhaH || 20||
vAsudevo dayAsindhurgogopIparivAritaH |
yudhiShThirahatArAtirmuktakeshI varapradaH || 21||
baladevopadeShTA cha rukmiNIputranAyakaH |
guruputraprado nityamahimA bhaktavatsalaH || 22||
bhaktArihA mahAdevo bhaktAbhilaShitapradaH |
savyasAchI brahmavidyAgururmohApakArakaH || 23||
bhImAmArgapradAtA cha bhImasenamatAnugaH |
gandharvAnugrahakaro hyaparAdhasaho hariH || 24||
svapnadarshI svapnadR^ishyo bhaktaduHsvapnashAntikR^it |
ApatkAlAnupekShI chAnapekShe.apekShito janaiH || 25||
satyopayAchanaH satyasandhaH satyAbhitArakaH |
satyAjAnI ramAjAnI rAdhAjAnI rathA~NgabhAk || 26||
si~nchanaH krIDano gopairdadhidugdhApahArakaH |
bodhinyutsavayuk tIrthaH shayanyutsavabhUmibhAk || 27||
mArgashIrShotsavAkrAntaveNunAdapadA~NkabhUH |
dadhyannavya~njanAbhoktA dadhibhukkAmapUrakaH || 28||
bilAntardhAnasatkelilolupo gopavallabhaH |
sakhinetre pidhAyAshu ko.ahampR^ichChAvishAradaH || 29||
samAsamaprashnapUrvamuShTimuShTipradarshakaH |
kuTilIlAsu kushalaH kuTilAlakamaNDitaH || 30||
sArIlIlAnusArI cha vAhakrIDAparaH sadA |
kArNATakIratirato ma~NgalopavanasthitaH || 31||
mAdhyAhnatIrthapUrekShAvismAyitajagattrayaH |
nivAritakShetravighno duShTadurbuddhibha~njanaH || 32||
vAlukAvR^ikShapAShANapashupakShipratiShThitaH |
AshutoSho bhaktavashaH pANDura~NgaH supAvanaH || 33||
puNyakIrtiH paraM brahma brahmaNyaH kR^iShNa eva cha |
aShTottarashataM nAmnAM viThThalasya mahAtmanaH || 34||
iti te kathitaM devi pavitraM ma~NgalaM mahat |
trikAlamekakAlaM vA yaH paThenniyataH shuchiH || 35||
karasthAH siddhayastasya satyaM satyaM vadAmyaham |
aputro bahuputraH syAdavidyaH sarvavidyate || 36||
nirdhano dhanado nUnaM bhavedasya niShevaNAt |
avinAbhUtabhAryashcha jitArAtirnirAmayaH || 37||
bahunoktena kiM devi harivallabhatAmiyAt |
sUta uvAcha
shrutvA tanmahadAshvaryamaShTottarashAM param || 38||
punaH punaH praNamyeshaM pArvatI vAkyamabravIt |
pArvatyuvAcha
tatkShetravasatishchaiva tattIrthasyAvagAhanam || 39||

tanmUrtidarshanaM chaiva tannAmAvalikIrtanam |
dehi me sarvadA svAminnekAgramanasA vibho || 40||

shrIsha~Nkara uvAcha
tadastu tava deveshi mamApyetanmanIShitam |
ityuktvA prayayau tasya nivAsaM paramAdarAt || 41||

iti shrIpadmamuprANAntargataM shrIviThThalAShTottarashatanAmastotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}