% Text title            : vijnaptishlokAH
% File name             : vijnaptishlokAH.itx
% Category              : vishhnu, krishna, puShTimArgIya
% Location              : doc\_vishhnu
% Author                : kalyANabhaTTa
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. vijnaptishlokAH ..}##
\itxtitle{.. vij~naptishlokAH ..}##\endtitles ##

yaddainyaM tvatkR^ipAheturna tadasti mamANvapi |
tAM kR^ipAM kuru rAdhesha yathA te dainyamApnuyAm || 1||
sarveShAM jIvitaM loke dR^iShTaM sarvArthasAdhakam |
glAnyekaphalakaM jAtamadhunA mama jIvitam || 2||
kartuM punarathAkartumanyathA kartumIshvare |
sAmarthyaM yanmayA dR^iShTaM tvayyevAto na saMshayaH || 3||
taM na pashyAmi yasyAgre vArtAM svasya manogatAm |
uktyA taduttaraM labdhA mano vishrAmaye kShaNam || 4||
atIva nIchA matprANA mUrkhA api gatatrapAH |
svasthityayogyakAle.api yatastiShThanti sAmpratam || 5||
shAstraM niyAmakaM tAvadyAvat pUrNakR^ipA na te |
kR^ipayA te supUrNasya naiva ko.api niyAmakaH || 6||
subhagA evaM jAnanti priyasaubhAgyajaM sukham |
taddhInAyAstadIyeti prasiddhiH sharaNaM sakhi || 7||
priyasa~NgamarAhityAdvyarthAH sarve manorathAH |
nirapatrapatAsiddhyai jIvAmi sakhi sAmpratam || 8||
na labdhastAdR^ishaH ko.api yasyAgre svamanogatAm |
vArtAmuktvA svamAtmAnaM kShaNaM vishrAmayAmyaham || 9||
shrImukhAlokane tasya priyasya cha bahirgatau |
pakShmApakAropakArau nirNetuM naiva shaknumaH || 10||
adya shvo vA parashvo vA kadAchitkR^ipayiShyati |
nAtha ityAshayA sarvaM gataM janma karomi kim || 11||
tathApi tvatkR^ipAkA~NkShAM mano me nirapatrakam |
kaM vA hetuM sunishchitya karotIti na vedamyaham || 12||
svabhAvataH sadA meghaH sarveShAM jIvanapradaH |
jAne.arkasyaiva daurbhAgyaM so.api yattamupekShate || 13||
tvadIyatvamapi j~nAtvA mayi kAlAdayaH prabho |
prabhavanti tato manye tvatkR^ipAshUnyatAM mayi || 14||
eteShAmahamevAsmi sarvasvamiti sundara |
jAnAsyasmAkamaj~nAne.apyataH kartA svato.akhilam || 15||
vij~naptau vA.aparAdhe vA pAkhaNDe vA maduktayaH |
paryavasyanti kutreti na jAne.ahaM vimUDhadhIH || 16||
durbhagAsi tathApi tvaM mA tyaja svapriyAntikam |
kadAchitkR^ipayA pashyet priyastvadbhAgyayogataH || 17||
viraheNAtitaptAM mAM smarechchet prANavallabhaH |
tathApi dviguNaM duHkhaM soDhuM naivAli pAraye || 18||
rAjyAyogye tadAkA~NkShA daNDaprAptyai yathA bhavet |
tvatsevAyAmahaM tAdR^ik tadvadAptA dashAmimAm || 19||
svIyaM kR^itAgasaM chettvaM dUrasthaM kuruShe yadi |
itaH paro.adhiko daNDastvadIyasya na vidyate || 20||
viyogo bAdhate tAvadyAvaddhR^idyeva te sthitiH |
yadA bahistadA neti vichitreyaM sthitiH sakhe || 21||
bhUrjatvagiva me doShA niHsarantyeva sarvashaH |
tathApyananyagatike tvatkShameti na me bhayam || 22||
baliShThA api maddoShAstvatkShamAgre.atidurbalAH |
tasyA IshvaradharmatvAddoShANAM jIvadharmataH || 23||
matprANAnAM svato lajjA naivAsti parato.api cha |
sthitiM prApyApi no yAnti ihAmutra cha garhitAm || 24||
tvaddarshanavihInasya tvadIyasya tu jIvitam |
vyarthameva yathA nAtha durbhagAyA navaM vayaH || 25||
gataH sa kAlo yatrAsItsudurlabhakR^ipA mayi |
idAnImIdR^ishaH kAlo yatra tvaM gocharo.api na || 26||
tvadIyAnAM sukhaM duHkhaM na lokasadR^ishaM bhavet |
tvatsevAyAM sukhaM sarvaM no chettasya viparyayaH || 27||
matvA svakIyatAM nAtha roSheNa kR^ipayA tava |
tADanaM lAlanaM vApi paramAnandadaM mama || 28||
tvadviyuktasya jIvasya tvadIyasyApi nityatA |
sa~NgaM vinA na chaivAstu vij~nApanamidaM mama || 29||
yAdR^igbhAgyaM purA me.abhUttanmahattvaM na vedmyaham |
yenAsIttvatkR^ipA pUrNA sudurlabhatarA mayi || 30||
mA jIvatAttvadIyo yastava sevAvivarjitaH |
satyA vij~naptireShA me nAtha tvaM manuShe yadi || 31||
svasthityayogyaM matvApi machCharIraM mamAsavaH |
yanna tyajanti tenAhaM manye tAnnirapatrapAn || 32||
tvatkR^ipAtaH purA nAtha mayA kAlAdayaH prabho |
tuchChIkR^itAH sAmprataM mAM bAdhante tvatkR^ipAM vinA || 33||
tvatsevAyAmayogyasya tvadIyasya mama prabho |
ityeva hi parAkAShThA abhAgyasyeti me matiH || 34||
tuchChIkR^itAstvatkR^ipAtaH pUrvaM kAlAdayo mayA |
smR^itvA tadvairamadhunA bAdhante tvatkR^ipAM vinA || 35||
mahAnasakurukShetre kavalArkagrahe sati |
satpAtre svodare datte tasya vR^iddhau kimadbhutam || 36||
kurukShetre dAnavR^iddhiH shrUyate nAnubhUyate |
dAnasya matkurukShetre vR^iddhiH sadyo.anubhUyate || 37||

iti shrImaThapatikalyANabhaTTavirachitAH shrIvij~naptishlokAH sampUrNAH |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}