% Text title            : vishvarUpaprakaTanam
% File name             : vishvarUpaprakaTanam.itx
% Category              : vishhnu, krishna
% Location              : doc\_vishhnu
% Transliterated by     : PSA Easwaran
% Proofread by          : PSA Easwaran
% Latest update         : January 3, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishvarupaprakatanam ..}##
\itxtitle{.. vishvarUpaprakaTanam ..}##\endtitles ##
sampUrNAkArabodhastava khalu gamito mokSha ityAtmavidbhiH
     tatpAdaM te padAbjaM muraharabhuvanAkAramityAgamoktam |
tasmAnmohopashAntyA tadupari bhagavan labdhumevAmR^itatvaM
     bhUman pAdAmbujAtaM tava munitatibhirmR^igyate yuktametat || 1||
sarvAn lokAn svasa~NgAdduritagurubharAtpAvayantyAH prakAmaM
     svardhunyAste padAbjaM kila bhavati bhavasthAnamAshcharyadhAma |
kShantavyaprArthanAyAM padapatanamiva shreya anyanna chAsti
     natyarthashchApi pUrNaH padabhajanavidhestatpadAbjaM vishiShTam || 2||
vij~nAnaM jAyamAnaM shrutishikharagirAM tattvamasyAdivAkyAt
     tadvAkyArthapratItiM prathamataramapekSheta sA tatpadArtham |
pAdaM te yatsamastatribhuvanamayamityUrdhvatashchAmR^itatvaM
     tattvaM rUpau murAre tava padakamalaM tvaM padArthastadanyat || 3||
dhIraH kashchinmanIShI shikharamurusamAroDhukAmaH padAbhyAM
     sopAnAnAM padAni kramamanu sa pumAn la~Nghayanneva yAti |
prAthamyena tvada~NghriM bhajata urupadaM labhyate hi krameNa
     tatpAdAbjaM prapanno viharati bhavato dhAmni hR^idyena vadye || 4||
saudhanyAdhArabhUmiH kathamiva tadavasthApane hetubhUta\-
     stadvaddeva tvada~Nghristava shubhavapuSho dhAraNe mUlabhUtaH |
tadbho! saMsArabhItiprashamananipuNaM svargaga~NgAmarandaM
     deva tvatpAdapadmaM subahu vijayate sachchidAnandasAram || 5||
dvaitaM mithyeti tattvaM taditaradanaghaM bahvasatyaM tatastvaM
     mAtardvaite vimugdhA mama kila mahitAM naiva jAnAsi bhUtim |
so.ahaM vai vAsudevastava sutapadavIM prAptavAnapyaho te
     mohaH koveti cheShTA vilasitavachasA dvya~Ngulono babhAse || 6||
shuddhaM dhAmAmba tattvaM taditaramalinasvAntamUDhAbhigamyaM
     naivetIva prajeshAM kaluShitahR^idayAmIrShyayA baddhukAmAm |
shrAntAM naShTorumohAM yadupatiranushAsan babhau dvya~NgulonaH
     kAruNyaM naShTamohe kila lasati haressatyaniShThe subhadre || 7||
AtmAnAtmAvivekAtkaluShitadhiShaNaM devyahaM devadeve
     mAyApAshena gADhaM bhavagahanapathe sannibad.hdhya kShipAmi |
taM mAnantaM kathaM vA dadhimathanaguNenAprameyaM nibaddhuM
     mohaste tattvabodhAdvilayamupanayAmyeSha gR^ihNIShva kAmam || 8||
tau  dveShau narasya prathamatararipU tatkR^itA ghoraduHkha\-
     pIDA saMsAravArdhau tadiha kila tayornaiva gachChedvashatvam |
tAbhyAM mukto hi bhaktaH prabhavati purudhA santamIshaM hariM mA\-
     mityevaM dvya~NgulonaH svayamupadishatIvAtra nATyaM chakAra || 9||
yo vA duHkhaM sukhaM vA jayamapajayamapyAyamamba vyayaM vA
     shItaM voShNaM sakhAyaM taditaramapi vA sampadaM vA.a.apadaM vA |
dhyAyan sAmyena nityaM prashamitanikhiladvandvadharmo bhavedvA
     tadvashyo.ahaM bhaveyaM na tu viShamamaterityashaM dvya~Ngulonam || 10||
mR^itsnAmatsIti mAturvachanamupanishamyaiva devaH prakAmaM
     vaktraM vyAdAya lokaM sakalamapi vibhurdarshayAmAsa modAt |
kukShau me bhUtajAlaM nikhilamapi vasatyeva kiM tanmR^idA me
     bhuktenApIti devaH svakamahimabharaM nATyatassuvyanakti || 11||
bAlAH kAmaM mamedaM vilasitamadhikashraddhayA pashyateti
     mR^itsnAmAdAya modAtsarabhasamahaho bhuktavAn gopabAlaH |
sarvaM lokaM yugAnte sagirivananadIsAgarArkendutAraM
     sAmodaM khAdato me kiyadidamiti tAn yo.ajagAddevadevaH || 12||
prAyo bAlayatheva svavihR^itisharaNAH pAMsupa~NkAdilIlA\-
     mR^idbhakShAstadvadIshaH kapaTanaravapurmAyayA mohayaMstu |
mR^itsnAM khAdan svamAtussvakashishudhiShaNAdUShitAyAH prabodhaM
     kartuM vaktre mukundassakalabhuvanamapyAshu sAkShAchchakAra || 13||
jAyante sarvabhUtAnyapi nikhilagurormatta etAni jIva\-
     ntyante mayyeva yAnti pralaya iti vidaM svasya nATyena kurvan |
madbhaktA martyabhAvaM mama kila manasA vismaranto bhajadhvaM
     sha~NkA chetsyAjjananyai mama mukhakuhare darshitaM chintayantu || 14||
glAnirdharmasya vR^iddhirduritasamudayasyApi yarhyeva bhUyAt
     tarhyevAhamprakAsho duritatatimahaM nAshayAmyeva shaktyA |
nAhaM martyo maheshaH kila mayi kalilaM mA kurudhvaM janA i\-
     tyambAyA vishvarUpaprakaTanasaraNiM bodhayAmAsa devaH || 15||

iti vishvarUpaprakaTanaM sampUrNam |
##
Encoded and proforead by PSA Easwaran psaweswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}