% Text title            : shivayogadarpaNam
% File name             : shivayogadarpaNam.itx
% Category              : yoga, shiva
% Location              : doc\_yoga
% Author                : Shivagoraksha
% Transliterated by     : DPD
% Proofread by          : DPD, NA
% Latest update         : July 11, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shivayogadarpaNam ..}##
\itxtitle{.. shivayogadarpaNam ..}##\endtitles ##

bhruvormadhye shivasthAnaM manastatra vilIyate |
j~nAtavyaM tad padaM divyaM tatra kAlo na vidyate || 1||
sUryAchandramasormadhye mudrAM dadyAchcha khecharIm |
nirAlambe mahAshUnye brahmachakraM vyavasthitam || 2||
tattvaM bIjaM haThaH kShetramaudAsInyaM jalaM tribhiH |
unmanI kalpalatikA sadya evodbhaviShyati || 3||
atyAhAraH prayAsashcha prajalpo niyamagrahaH |
janasa~Ngashcha laulya~ncha ShaDbhiryogo vinashyati || 4||
utsAho nishchayaM dhairyaM tattvaj~nAnArthadarshanam |
janasa~NgaparityAgaH ShaDbhiryogaH prasiddhyati || 5||
haThaM vinA rAjayogo rAjayogaM vinA haThaH |
na siddhyati tato yugmaM manIShI tat samabhyaset || 6||
na dR^iShTilakShANi na chittabandho na deshakAlau na cha vAyurodhaH |
na dhAraNA dhyAna parishramo vA samedhamAnesati rAjayoge || 7||
tArakAgrasthitaM tejastadbindusyUtirte yadi |
yogaM tArakamityAhuryogino brahmavAdinaH || 8||
bhAlordhvagollATavisheShamaNDale
     nirantaraM chidgagane mahAmanAH |
satArakaM visphuradIkShaNena
     vilokayechchet sa tu siddhimApnuyAt || 9||
dvAdashA~NguladUre.asmin shirodeshe mahAprabhe |
prAdeshamAtravyAyAmaM jyotiHpu~njaM mahAdbhutam || 10||
taddarshanena satatamamR^itattvaM bhaviShyati |
tArakaM durbharAmbhodhestArakaM mokShakArakam || 11||
amanaskAt siddhirasmAdabhyAsena bhavatyalam |
atimUDhamativyaktamatiramyamanAmayam || 12||
AtmasthAnaM paraM guptaM j~nAyate guruvAkyataH |
unmeShaH pratipachchakShuramAvAsyAstalochanam || 13||
ardhAvalokanaM yat syAt paurNamAsIM vadanti tAm |
AdidvayaM parityajya tR^itIyantu samabhyaset || 14||
paurNimAdR^iShTiyogena sthitvA tArakalakShaNe |
sAvadhAnena yogIndrastiShThachchet sa sukhI bhuvi || 15||
tAlumUle dvAdashA~NgulyagrabhAgasya madhyame |
purato bAhyahInaM chet tamorUpaM prakAshate || 16||
tanmadhyabhAge chidyonimanodR^iShTyA nirantaram |
vilokayechchet tatkAle jyotiHpu~njaM mahAdbhutam || 17||
akhaNDendusamAkAraM paraM chinmayAtmakam | ?
satyaj~nAnAnandarUpaM mahAli~NgaM prakAshate || 18||
japayogAnabhij~nasya manaHsthairyaM na jAyate |
gurUNA shAmbhavI mudrA dattA chellabhate dhruvam || 19||
vaktre prANAnilaM pUryaM vahnisthAnAnilaM tathA |
Aku~nchayed galaM ki~nchinnAdo vyakto bhaviShyati || 20||
nissaMshayena manasA vartate yadi nishchalaH |
rAjayogIti vikhyAto yoganidrAsamAshritaH || 21||
ashrusampAtaparyantamAchAryaistrATakaM smR^itam |
vyApArashUnye manasi sthirayostArayorbahiH || 22||
chAndrI kalA chidAkAshAdAvirbhavati yoginaH |
samadR^iShTiravAgdR^iShTiriti ?? tridhA || 23|| ??
kAkAkShinyAyatastatra samyak syAd bindudarshanam |
manaH pavanayogena yAvachChaktipradhAnakam || 24||
tAvanmAtrantu vishrAmya chidAkAshaM tu lakShayet |
AkAshe tiShThate sUryaH sarvayogeShu gopitaH || 25||
lakShaikalagne manasi hyamanaskaM prajAyate |
samanaske tu sa~njAte svarUpaM samprajAyate || 26||

|| iti shivagorakShakR^ita shivayogadarpaNaM sampUrNam ||
##
Encoded and proofread by DPD, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}