% Text title            : Yogarahasya by Dattatreya
% File name             : yogarahasya.itx
% Category              : yoga
% Location              : doc\_yoga
% Author                : Vedic Tradition
% Transliterated by     : Sovarel Vlad vlad.sovarel at yahoo.com
% Proofread by          : Sovarel Vlad vlad.sovarel at yahoo.com
% Description-comments  : Yoga Rahasya ascribed to Dattatreya Muni
% Latest update         : February 24, 2002
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Lord Dattatreya's Secret of Yoga ..}##
\itxtitle{.. yogarahasyaM shrIdattAtreyavirachitam ..}##\endtitles ##
            yogAdhyAyaH
j~nAnapUrvo viyogo yoH j~nAnena saha yoginaH |
sA muktirbrahmaNA cha aikyamanaikyaM prAkR^itairguNaiH || 1\.1||
muktiryogAttathA yogaH samyagj~nAnAnmahIpate |
j~nAnaM duHkhodbhavaM duHkhaM mamatAsaktachetasAm || 1\.2||
tasmAtsa~NgaM prayatnena mumukShuH santyajennaraH |
sa~NgAbhAve mametyasyAH khyAterhAbiH prajAyate || 1\.3||
nirmamatvaM sukhAyaiva vairAgyAddoShadarshanam |
j~nAnAdeva cha vairAgyaM j~nAnaM vairAgyapUrvakam || 1\.4||
tadgR^ihaM yatra vasatistadbhojyaM yena jIvati |
yanmuktaye tadevoktaM j~nAnamaj~nAnamanyathA || 1\.5||
upabhogena puNyAnAmapuNyAnA~ncha pArthiva |
karttavyAnA~ncha nityAnAmakAmakaraNAttathA || 1\.6||
asa~nchayAdapUrvasya kShayAtpUrvArjjitasya cha |
karmaNo bandhamApnoti sharIraM na punaH punaH || 1\.7||
etatte kathitaM rAjanyogaM chemaM nibodha me |
yaM prApya brahmaNo yogI shAshvatAnnAnyatAM vrajet || 1\.8||
prAgevAtmAtmanA jeyo yoginAM sa hi durjayaH |
kurvIta tajjaye yatnaM tasyopAyaM shR^iNusva me || 1\.9||
prANAyAmairdaheddoShAndhAraNAbhiH cha kilviSham |
pratyAhAreNa viShayAndhyAnenAnIshvarA~NguNAn || 1\.10||
yathA parvatadhAtUnAM doShAH dahyanti dhAmyatAm |
tathendriyakR^itA doShAH dahyante prANanigrahAt || 1\.11||
prathamaM sAdhanaM kuryAtprANAyAmasya yogavit |
prANApAnanirodhastu prANAyAma udAhR^itaH || 1\.12||
laghumadhyottarIyAkhyaH prANAyAmastridhoditaH |
tasya pramANaM vakShyAmi tadalarka shR^inuShva me || 1\.13||
laghuH dvAdashamAtrastu dviguNaH sa tu madhyamaH |
triguNAbhistu mAtrAbhiH uttamaH parikIrtitaH || 1\.14||
nimeShonmeShaNo mAtrAkAlo laghvakSharastathA |
prANAyAmasya sa.nkhyArthaM smR^ito dvAdashamAtrikaH || 1\.15||
prathamena jayetsvedammadhyamena cha vepathum |
viShAdaM hi tR^itIyena jayeddoShAnanukramAt || 1\.16||
mR^idutvaM sevyamAnastu si.nhashArdUlaku~njarAH |
yathA yAnti tathA prANo vashyo bhavati yoginaH || 1\.17||
vashyaM nattaM yathechChAto nAgaM nayati hastipaH |
tathaiva yogI svachChandaH prANaM nayati sAdhitam || 1\.18||
yathA hi sAdhitaH si.nho mR^igAn hasti na mAnavAn |
tadvanniShiddhapavanaH kilviShaM na nR^iNAH tanum || 1\.19||
tasmAdyuktaH sadA yogI prANAyAmaparo bhavet |
shrUyatAM muktiphalada tasyAvasthAchatuShTayam || 1\.20||
dhavastiH prAptiH tathA sa.nvitprasAdashcha mahIpate |
svarupaM shR^iNu chaiteShAM kathyamAnamanukramAt || 1\.21||
karmaNAmiShTaduShTAnAM jAyate phalasa.nkShayaH |
chetaso apakaShAyatva yatra sA dhavastirachyate || 1\.22||
aihikAmuShmikAn kAmAn lobhamohAtmakAn svayam |
nirudhyAste yadA yogI prAptiH sA sArvakAlikI || 1\.23||
atItAnAgatAnarthAnviprakR^iShTatirohitAn |
vijAnAtIndusUryarkShagrahANAM j~nAnasampadA || 1\.24||
tulyaprabhAvastu sadA yogI prApnoti sampadam |
tadA sa.nviditi khyAtA prANAyAmasya sa.nsthitiH || 1\.25||
yAnti prasAdaM yenAsya manaH pa~ncha cha bAyavaH |
indriyAnIndriyArthAshcha sa prasAd iti smR^itaH || 1\.26||
shR^iNUsva cha mahIpAla prANAyAmasya lakShaNam |
yu~njatashcha sadA yogaM yAdR^igvihitamAsanam || 1\.27||
padmarddhAsanaM chApi tathA svastikamAsanam |
AsthAya yogaM yu~njIta kR^itvA cha praNavaM hR^idi || 1\.28||
samaH samAsano bhUtvA sa.nhR^itya charaNAvUbhau |
sa.nvR^itAsyaH tathaivoru samyagviShTabhya chAgrataH || 1\.29||
pAShNibhyAM li~NgavR^iShaNAvaspR^ishanprayataH sthitaH |
ki~nchidunamitashirA dantaiH dantAnna sa.nspR^ishet || 1\.30||
sampashyannAsikAgraM svaM dishashchAnavalokayan |
rajasA tamasau vR^ittiM sattvena rajasastathA |
sa Adya nirmale tattve sthito yu~njIta yogavit || 1\.31||
indriyANIndriyArthebhyaH prANAdInmana eva cha |
nigR^ihya samavAyena pratyAhAramupakramet || 1\.32||
yastu pratyAharetkAmAnsarvA~NgAnIva kachChapaH |
sadAtmaratirekasthaH pashyatyAtmAnamAtmani || 1\.33||
sa bAhyAbhyantaraM shauchaM nipAdyAkaNThanAbhitaH |
pUrayitvA budho dehaM pratyAhAramupakramet || 1\.34||
tathA vai yogayuktasya yogino niyatAtmanaH |
sarve doShAH praNashyanti svasthashchaivopajAyate || 1\.35||
vIkShate cha paraM brahma prAkR^itA.nshcha guNAnpR^ithak |
vyomAdiparamANu~ncha tathAtmAnamakalmaSham || 1\.36||
itthaM yogI yatAhAraH prANAyAmaparAyaNaH |
jitAM jitAM shanairbhUmimAroheta yathA gR^iham || 1\.37||
doShAnvyAdhI.nstathA mohamAkrAntA bhUranirjitA |
vivardhayati nArohettasmAdbhUmimanirjitAm || 1\.38||
prANAnAmupasa.nrodhAtprANAyAma iti smR^itaH |
dhAraNetyuvyate cheyaM dhAryyate yanmano yayA || 1\.39||
shabdAdibhyaH pravR^ittAni yadakShANi yatAtmabhiH |
pratyAhriyante yogena pratyAhArastataH smR^itaH || 1\.40||
upAyashchAtra kathito yogibhiH paramarShibhiH |
yena byAdhyAdayo doShA na jAyante hi yoginaH || 1\.41||
yathA toyArthinastoyaM yantranAlAdibhiH shanaiH |
ApibeyUstathA vAyuM pibedyogI jitashramaH || 1\.42||
prANnAbhyAM hR^idaye chAtra tR^itIye cha tathorasi |
kaNThe mukhe nAsikAgre netrabhrumadhyamUrddhasu || 1\.43||
ki~ncha tasmAtparasmi.nshcha dhAraNA paramA smR^itA |
dashaitA dhAraNAH prApya prApnotyakSharasAmyatAm || 1\.44||
tasya no jAyate mR^ityurna jarAna cha vai klamaH |
na shrAntiravasAdottha turIye satataM sthitiH || 1\.45||
iyaM vai yogabhUmiH syAt saptaiva parikIrttitaH |
yatra sthite brahmasthitiM labhate nAtra sa.nshayaH || 1\.46||
nAdhmAtaH kShUdhitaH shrAnto na cha vyAkulachetanaH |
yu~njIta yogaM rAjendra##!## yogI siddhyarthamAdR^itaH || 1\.47||
nAtishIte na choNShe vai na dvandvenAnilAtmake |
kAlesveteShu yu~njIta na yogaM dhyAnatatparaH || 1\.48||
sashabdAgnijalAbhyAse jIrNagoShThe chatuShpathe |
shuShkaparNachaye nadyAM shmashAne sasarIsR^ipe || 1\.49||
sabhaye kUpatIre vA chaityavalmIkasa.nchaye |
deSheShveteShu tattvaj~no yogAbyAsaM vivarjayet || 1\.50||
sattvasyAnupapattau cha deshakAlaM vivarjayet |
nAsato darshanaM yoge tasmAttatparivarjayet || 1\.51||
dR^iLhatA chittashuddhishcha jayate nAtra sa.nshayaH |
sthAnakAlaprabhAveNa nishchayaM viddhi bhUmipa |
tanmayasya kutashchintA deshakAlamayI tathA || 1\.52||
deshAnitAnanAdR^itya mULhatvAdyo yunakti vai |
vighnAya tasya vai doShA jAyante tannibodha me || 1\.53||
bhAdhiryaM jaLatA lopaH smR^itermUkattvamAndhatA |
jvarashcha jAyate sadyastattadaj~nAnayoginaH || 1\.54||
pramAdAdyogino doShA yadyete syushchikitsitam |
teShAM nAshAya karttavyaM yoginAM tannibodha me || 1\.55||
snigdhAM yavAgUmatyuShNAM bhuktvA tatraiva dhArayet |
vAtagulmaprashAntyarthamudAvartte tathodare || 1\.56||
yabAgUM vApi pavanaM vAyugranthiM pratikShipet |
tadvat kalpe mahAshailaM sthiraM manas dhArayet || 1\.57||
vighAte vachano vAchaM vAdhiryyaM shravaNendriyam |
yathaivAmraphalaM dhyAyettR^iShNArtto rasanendriye || 1\.58||
yasmin yasmin rujA dehe tasmi.nstadupakAriNIm |
dhArayeddhAraNAmuShNe shItAM shIte cha dAhinIm || 1\.59||
kIlaM shirasi sa.nsthApya kAShthaM kAShThena tADayet |
luptasmR^iteH smR^itiH sadyo yoginastena jAyate || 1\.60||
dyAvApR^ithivyau vAyvagnI vyApinAvapi dhArayet |
amAnuShAtsastvajAdvA vAdhAstvetAshchikitsitAH || 1\.61||
amAnuyaM sattvamantaryoginaM pravishedyadi |
vAyvagnidhAraNenainaM dehasa.nsthaM vinirddaheta || 1\.62||
evaM sarvAtmanA rakShA kAryyA yogavidA nR^ipa##!##|
dharmArthakAmamokShANAM sharIraM sAdhanaM yataH || 1\.63||
pravR^ittilakShaNAkhyAnAdeyAgino vismayAt tathA |
vij~nAnaM vilayaM yAti tasmAdgopyAH pravR^ittayaH || 1\.64||
alolyamArogyamaniShThuratvaM gandhaH shubho mUtrapurIShamalpam |
kAntiH prasAdaH svAsaumyatA cha yogapravR^itteH prathamaM hi chihum || 1\.65||
anurAgI jano yAti parokShe guNakIrttanam |
na bibhyati cha sattvAni siddherlakShaNamuttamam || 1\.66||
shItoShNAdibhiratyugrairyasya vAdhA na vidyate |
na bhItimeti chAnyabhyastasya siddhirupasthitA || 1\.67||
           iti yogAdhyAyaH ||
              yogasiddhiH
upasargAH pravarttante dR^iShTe hyAtmani yoginaH |
ye tA.nste sampravakShyAmi samAsena nibodha me || 2\.1||
kAmyAH kriyAstathA kAmAn mAnuShAnabhivAj~nati |
striyo dAnaphalaM vidyAM mAyAM kupyaM dhanaM divam || 2\.2||
devatvamamareshatvaM rasAyanachayaH kriyAH |
marutprapatanaM ya~njaM jalAgnyAveshanaM tathA |
shrAddhAnAM sarvadAnAnAM phalAni niyamA.nstathA || 2\.3||
tathopavAsAtpUrttAchcha devatAbhyarchchanAdapi |
tebhyashchebhyashcha karmabhya upasR^iShTo.abhivA~nchati || 2\.4||
chittamithaM varttamAnaM yatnAdeyAgI nivarttayet |
brahmasa~Ngi manaH kurvvannupasargAtpramuchyate || 2\.5||
upasargairjitairebhirUpasargAstutaH punaH |
yoginaH sampravarttante sAttvarAjasatAmasAH || 2\.6||
prAtibhaH shrAvaNo daivo bhramAvarttau tathAparau |
pa~nchaite yoginAM yogavighnAya kaTukodayA || 2\.7||
vedArthAH kAvyashAstrArthA vidyAshilpAnyasheShataH |
pratibhAnti yadastyeti prAtibhaH sa tu yoginaH || 2\.8||
shabdArthAnakhilAn vetti shabdaM gR^ihnati chaiva yat |
yojanAnAM sahasrebhyaH shrAvaNaH so.abhidhIyate || 2\.9||
samantAdvIkShate chAShTau sa yadA devatopamaH |
upasargaM tamapyAnthardaivamunmattavadbudhAH || 2\.10||
bhrAmyate yannirAlambaM sano doSheNa yoginaH |
samastAchAravibhra.nshAdbhramaH sa parikIrttitaH || 2\.11||
Avartta iva toyasya j~nAnAvatto yadAkulaH |
nAshayechchittamAvartta upasargaH sa uchyate || 2\.12||
etairnAshitayogAstu sakalA devayonayaH |
upasargairmahAghorairAvarttante punaH punaH || 2\.13||
prAvR^itya kanvalaM shulkaM yogI tasmAnmanomayam |
chintayetparamaM brahma kR^itvA tatpravaNaM manaH || 2\.14||
yogayuktaH sadA yogI laghvAhAro jitendriyaH |
sUkShmAstu dhAraNAH sapta bhUrAdyA mUrddhna dhArayet || 2\.15||
dharitrIM dhArayedyogI tatsaukhyaM pratipadyate |
AtmAnaM manyate chorvviM tadbandha~ncha jahAti saH || 2\.16||
tathaivApsurasaM sUkShmaM tadvadrUpa~ncha tejasi |
sparshaM vAyau tathA tadvadvibhratastasya dhAraNAm |
vyomnaH sUkShmAM pravR^itti~ncha shabdaM tadvajjahAti saH || 2\.17||
manasA sarvabhUtAnAM manasyAvishate yadA |
mAnasIM dhAraNAM vibhranmanaH sUkShma~ncha jAyate || 2\.18||
tadvadbuddhimasheShANAM sattvAnAmetya yogavit |
parityajati samprApya buddhisaukShmyamanutamam || 2\.19||
parityajati sUkShmANi sapta tvetAni yogavit |
samyagvij~nAya yo.alarka##!## tasyAvR^ittirna vidyate || 2\.20||
etAsAM dhAraNAnantu saptAnAM saukShmyamAtmavAn |
dR^iShTvA tataH siddhiM tyaktvA tyaktvA paraM vrajet || 2\.21||
yasmin yasmi.nshcha kurute bhute rAgaM mahIpate##!##|
tasmi.nstasmin samAsaktiM samprApya sa vinashyati || 2\.22||
tasmAdviditvA sUkShmANi sa.nsaktAni parasparam |
parityajati yo dehI sa paraM prApnuyAtpadam || 2\.23||
etAnyeva tu sandhAya sapta sUkShmANi pArthiva |
bhUtAdInAM virAgo.atra sadbhAvaj~nasya muktaye || 2\.24||
gaddhAdiShu samAsaktiM samprApya sa vinashyati |
punarAvarttate bhUpa##!## sa brahmAparamAnuSham || 2\.25||
saptaitA dhAraNA yogI samatItya yadichChati |
tasmi.nstasmi.nllayaM sUkShme bhUte yAti nareshvara##!##|| 2\.26||
devAnAmasurANAM vA gandharvvoragarakShasAm |
deheShu layamAyAti sa~NgaM nApnoti cha kvachit || 2\.27||
aNimA laghimA chaiva mahimA prAptireva cha |
prAkAmya~ncha tatheshitvaM vashitva~ncha tathAparam || 2\.28||
yatra kAmAvasAyitvaM guNAnetA.nstathaishvarAn |
prApnotyaShTau naravyAghra##!## paraM nirvvANasUchakAn || 2\.29||
sUkShmAt sUkShmatamo.aNIyAn shIghratvaM laghimA guNaH |
mahimA.asheShapUjyatvAt prAptirnAprApyamasya yataH || 2\.30||
prAkAmyasya cha vyApitvAdIshitva~ncheshvaro yataH |
vashitvAdvashimA nAma yoginaH saptamo guNaH || 2\.31||
yatrechchAsthAnamapyuktaM yatra kAmAvasAyitA |
traishvaryyakAraNairebhiryoginaH proktamaShTadhA || 2\.32||
muktisa.nsUchakaM bhUpa##!## paraM nirvANamAtmanaH |
tato na jAyate naiva varddhate na vinashyati || 2\.33||
nApi kShayamavApnoti pariNAmaM na gachChati |
ChedaM kledaM tathA dAhaM shoShaM bhuyAdito na cha || 2\.34||
bhutavargAdavApnoti shabdAdyairhriyate na cha |
na chAsya santi shabdAdyAstadbhoktA tairna yujyate || 2\.35||
yathA hi kanakaM khantamapadravyavadagninA |
dagdhadoShaM dvitIyena khantenaikyaM vrajennR^ipa##!##|| 2\.36||
na visheShamavApnoti tadvadyogAgninA yatiH |
nirddagdhadoShastenaikyaM prayAti brahmaNA saha || 2\.37||
yathAgniragnau sa.nkShiptaH samAnatvamanuvrajet |
tadAkhyastanmayo bhuto na gR^ihyeta visheShataH || 2\.38||
pareNa brahmaNA tadvat prApyaikyaM dagdhakilviShaH |
yogI yAti pR^ithagbhAvaM na kadAchinmahIpate##!##|| 2\.39||
yathA jalaM jalenaikyaM nikShiptamupagachChati |
tathAtmA sAmyamabhyeti yoginaH paramAtmani || 2\.40||
           iti yogasiddhiH ||
              yogicharyyA
alarka uvAcha |
bhagavan##!## yoginashcharyyaM shrotumichChAmi tattvataH |
brahmavartmanyanusaran yathA yogI na sIdati || 3\.1||
dattAtreya uvAcha |
mAnApamAnau yAvetau prAptyudvegakarau nR^iNAm |
tAveva viparItArthau yoginaH siddhikArakau || 3\.2||
mAnApamAnau yAvetau tAvevAntharviShAmR^ite |
apamAno.amR^itaM tatra mAnastu viShamaM viSham || 3\.3||
chakShuHpUtaM nyaset pAdaM vastrapUtaM jalaM pibet |
satyapUtAM vadedvANIM buddhipUta~ncha chintayet || 3\.4||
AtityashrAddhayaj~neShu devayAtrotsaveShu cha |
mhAjana~ncha siddhyarthaM na gachChedyogavit kvachit || 3\.5||
vyaste vidhUme vya~NgAre sarvasmin bhukravarjane |
adeta yogavidbhaikShyaM na tu triShveva nityashaH || 3\.6||
yathaivamavamanyante janAH paribhavasti cha |
tathA yuktashcharedyogI satAM vartma na dUShayan || 3\.7||
bhaikShyaM charedgR^ihastheShu yAyAvaragR^iheShu cha |
shreShThA tu prathamA cheti vR^ittirasyopadR^ishyate || 3\.8||
atha nityaM gR^ihastheShu shAlIneShu charedyatiH |
shraddadhAneShu dAnteShu shrotriyeShu mahAtmasu || 3\.9||
ata UrddhaM punashchApi aduShThApatiteShu cha |
bhaikShyacharyyA vivarNeShu jaghanyA vR^ittiriShyate || 3\.10||
bhaikShyaM yavAgUM takraM vA payo yAvakameva vA |
phalaM mUlaM priya~NguM vA kaNapiNyAkashaktavaH || 3\.11||
ityete cha shubhAhArA yoginaH siddhikArakAH |
tatprayu~njyAnmunirbhaktyA parameNa samAdhinA || 3\.12||
apaH pUrvaM sakR^it prAshya tuShNInbhUtvA samAhitaH |
prANAreti tatastasya prathamA hyAnthatiH smR^itA || 3\.13||
apAnAya dvitIyA tu samAnAyeti chAparA |
udAnAya chaturthI syAt vyAnAyeti cha pa~nchamI || 3\.14||
prANAyAmaiH pR^ithak kR^itvA sheShaM bhu~njIta kAmataH |
apaH punaH sakR^it prAshya Achamya hR^idayaM spR^ishet || 3\.15||
asteyaM brahmacharya~ncha tyAgo.alobhastathaiva cha |
vratAni pa~ncha bhikShuNAmahi.nsAparamANi vai || 3\.16||
akrodho gurushushruShA shauchamAhAralAghavam |
nityasvAdhyAya ityete niyamAH pa~ncha kIrttitAH || 3\.17||
sArabhUtamupAsIta j~nAnaM yat kAryyasAdhakam |
j~nAnAnAM va dhA SheyaM yogavighnakarA hinsA || 3\.18||
idaM j~neyamidaM j~neyamiti yastR^iShitashcharet |
api kalpasahasreShu naiva j~neyamavApnuyAt || 3\.19||
tyaktasa~Ngo jitakrodho laghvAhAro jitendriyaH |
vidhAya buddhhyA dvArANi mano dhyAne niveshayet || 3\.20||
shUnyeShvevAvakAsheShu guhAsu cha vaneShu cha |
nityayuktaH sadA yogI dhyAnaM samyagupakramet || 3\.21||
vAgdantaH karmadantashcha manodantashcha te trayaH |
yasmaite niyatA dantAH sa tridantI mahAyatiH || 3\.22||
sarvamAtmamayaM yasya sadasajjagadIdR^isham |
guNAguNamayaM tasya kaH priyaH ko nR^ipApriyaH || 3\.23||
vishuddhabuddhiH samaloShThrakA~nchanaH samastabhUteShu cha tatsamAhitaH |
sthAnaM paraM shAshvatamavya~ncha paraM hi gatvA na punaH prajAyate || 3\.24||
vedAH shreShThAH sarvayaj~nakriyAshcha yaj~nAjjapyaM j~nAnamArgashcha japyAt |
j~nAnAddhyAnaM sa~NgarAgavyapetaM tasminprApte shAshvatasyopalabdhiH || 3\.25||
samAhito brahmaparo.apramAdI shuchistathaikAntaratiryatendriyaH |
samApnuyAdyogamimaM mahAtmA vimuktimApnoti tataH svayogataH || 3\.26||
           iti yogicharyyA
##
Encoded by Vlad Sovarel vlad.sovarel at yahoo.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}