% Text title            : AtmopadeshaH
% File name             : AtmopadeshaH.itx
% Category              : misc, advice, aShTaka
% Location              : doc\_z\_misc\_general
% Author                : Durgaprasad DvivedI
% Transliterated by     : Lalitha Mallikarjunan
% Proofread by          : Lalitha Mallikarjunan, Kamini Viswanathan
% Latest update         : December 10, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. AtmopadeshaH ..}##
\itxtitle{.. AtmopadeshaH ..}##\endtitles ##
shAstrapratiShThA guruvAkyaniShThA
sadAtmadR^iShTiH paritoShapuShTiH |
chatasra etA nivasanti yatra
sa vartamAno.api na lipyate.aghaiH || 1||
          uddeshya bhedena vidheyabhede 				
          shAstrANyanekAni bhavanti tAvat |
          tatrAstikairAdriyamANameva
          vibhAvanIyaM paramArthasid.hdhyai || 2||
vyAkhyAvalenAbhiniveshabhAjA
prameyabhedo  bahudhAbhyudeti |
tatrAsti mAtsaryakala~NkamuktA
muktAvadAtA dhiShaNA pramANam || 3||
          tarko.apratiShThaH shrutayo vibhinnA
          naiko R^iShiryasya mataM pramANam |
          dharmasya  tatvaM nihitaM guhAyAM		
          mahAjano yena gataH sa panthAH || 4||
aneka shAstrArthavimarshanena
tattanmahAvyaktinidarshanena |
traikAlikaj~nAnavikasvareShu
mahAjanatvaM guruShUpadiShTam || 5||
          yadetakatputrakalatramitra \-
          vidveShyudAsInacharAcharaM hi |
          tannAmarUpAkhyavikAravarjaM
          brahmeti vedAntavido vidanti  || 6||
tadAtmaratnaM na bahushrutena
na vA taporAshivalena labhyam |
prakAshate tattu gurUpa diShTa \-
j~nAnena janmAntarakhaNDakena || 7||
          jAtyA guNena kriyayA cha samyag
          gatapramAdo vidadhadvidheyam |
          labheta yattena sadaiva tuShyan
          yateta bhAgyArpitakAryakAyaH || 8||
niShkAmachittena kilaikatAnaH
parAmR^ishanvastu gurUpadiShTam |
udArabhAvo rachayeta saukhyaM
paraM pareShAmapi kiM svaniShTham || 9||

iti shrIdurgAprasAdadvivedIvirachitaH AtmopadeshaH sampUrNaH ||
##

Encoded by Lalitha Mallikarjunan
Proofread by Lalitha Mallikarjunan, Kamini Viswanathan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}