% Text title            : bAlabodhaH
% File name             : bAlabodhaH.itx
% Category              : misc, krishna, puShTimArgIya, vallabhaachaarya, upadesha
% Location              : doc\_z\_misc\_general
% Author                : vallabhAchArya
% Proofread by          : PSA Easwaran psawaswaran
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bAlabodhaH ..}##
\itxtitle{.. bAlabodhaH ..}##\endtitles ##

natvA hariM sadAnandaM sarvasiddhAntasa~Ngraham |
bAlaprabodhanArthAya vadAmi suvinishchitam || 1||
dharmArthakAmamokShAkhyAshchatvAro.arthA manIShiNAm |
jIveshvaravichAreNa dvidhA te hi vichAritAH || 2||
alaukikAstu vedoktA sAdhyasAdhanasaMyutAH |
laukikA R^iShibhiH proktAstathaiveshvarashikShayA || 3||
laukikAMstu pravakShyAmi vedAdAdyA yataH sthitAH |
dharmashAstrANi nItishcha kAmashAstrANi cha kramAt || 4||
trivargasAdhakAnIti na tannirNaya uchyate |
mokShe chatvAri shAstrANi laukike parataH svataH || 5||
dvidhe dve dve svastataH sA~Nkhyayogau prakIrtitau |
tyAgAtyAgavibhAgena sA~Nkhye tyAgaH prakIrtitaH || 6||
ahantAmamatAnAshe sarvathA niraha~NkR^itaH |
svarUpastho yadA jIvaH kR^itArthaH sa nigadyate || 7||
tadarthaM prakriyA kAchitpurANe.api nirUpitA |
R^iShibhirbahudhA proktA phalamekamabAhyataH || 8||
atyAge yogamArgo hi tyAgo.api manasaiva hi |
yamAdayastu kartavyAH siddhe yoge kR^itArthatA || 9||
parAshrayeNa mokShastu dvidhA so.api nirUpyate |
brahmA brAhmaNatAM yAtastadrUpeNa cha sevyate || 10||
te sarvArthA na chAdyena shAstraM ki~nchidudIritam |
ataH shivashcha viShNushcha jagato hitakArakau || 11||
vastunaH sthitisaMhArau kAryau shAstrapravartakau |
brahmaiva tAdR^ishaM yasmAtsarvAtmakatayoditau || 12||
nirdoShapUrNaguNatA tattachChAstre tayoH kR^itA |
bhogamokShaphale dAtuM shaktau dvAvapi yadyapi || 13||
bhogaH shivena mokShastu viShNuneti vinishchayaH |
loke.api yatprabhurbhu~Nkte tanna yachChati karhichit || 14||
atipriyAya tadapi dIyate kvachideva hi |
niyatArthapradAnena tadIyatve tadAshrayaH || 15||
pratyekaM sAdhanaM chaitad.hdvitIyArthe mahAn shramaH |
jIvAH svabhAvato duShTA doShAbhAvAya sarvadA || 16||
shravaNAdi tataH premNA sarvaM kAryaM hi siddhyati |
mokShastu sulabho viShNorbhogashcha shivatastathA || 17||
samarpaNenAtmano hi tadIyatvaM bhaveddhruvam |
atadIyatayA chApi kevalashchetsamAshritaH || 18||
tadAshrayatadIyatvabud.h{}dhyai ki~nchitsamAcharet |
svadharmamanutiShThan vai bhAradvaiguNyamanyathA ||
ityevaM kathitaM sarvaM naitajj~nAne bhramaH punaH || 19||

iti shrIvallabhAchAryavirachito bAlabodhaH sampUrNaH |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}