% Text title            : bhagavachCharaNastotram
% File name             : bhagavachCharaNastotram.itx
% Category              : misc, stotra, vedanta, brahmAnanda
% Location              : doc\_z\_misc\_general
% Author                : mauktikarAmodAsInashiShyabrahmAnanda
% Proofread by          : PSA Easwaran
% Latest update         : June 13, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhagavat Sharanastotram ..}##
\itxtitle{.. bhagavachCharaNastotram ..}##\endtitles ##

shrIgaNeshAya namaH||
(anuShtup vR^ittam \-)
sachchidAnandarUpAya bhaktAnugrahakAriNe |
mAyAnirmitavishvAya maheshAya namo namaH || 1||
(vasantatilakA vR^ittam \-)
rogA haranti satataM prabalAH sharIraM kAmAdayo.apyanudinaM pradahanti chittam |
mR^ityushcha nR^ityati sadA kalayan dinAni tasmAttvamadyasharaNaM mama dInabandho || 2||
deho vinashyati sadA pariNAmashIlashchittaM cha khidyati sadA viShayAnurAgi |
buddhiH sadA hi ramate viShayeShu nAntastasmAttvamadyasharaNaM mama dInabandho || 3||
Ayurvinashyati yathAmaghaTasthatoyaM vidyutprabheva chapalA bata yauvanashrIH |
vR^iddhA pradhAvati yathA mR^igarAjapatnI tasmAttvamadya sharaNaM mama dInabandho || 4||
AyAvdyayo mama bhavatyadhiko vinIte kAmAdayo hi balino nibalAH shamAdyAH |
mR^ityuryadA tudati mAM bata kiM vadeyaM tasmAttvamadyasharaNaM mama dInabandho || 5||
taptaM tapo na hi kadApi mayeha tanvA vANyA tathA na hi kadApi tapashcha taptam |
mithyAbhibhAShaNapareNa na mAnasaM hi tasmAttvamadyasharaNaM mama dInabandho || 6||
stabdhaM mano mama sadA na hi yAti saumyaM chakShushcha me na tava pashyati vishvarUpam |
vAchA tathaiva na vadenmama saumyavANIM tasmAttvamadyasharaNaM mama dInabandho || 7||
sattvaM na me manasi yAti rajastamobhyAM viddhe tadA kathamaho shubhakarmavArtA |
sAkShAtparaMparatayA sukhasAdhanaM tattasmAttvamadyasharaNaM mama dInabandho || 8||
pUjA kR^itA na hi kadA.api mayA tvadIyA mantraM tvadIyamapi me na japedrasaj~nA |
chittaM na me smarati te charaNau hyavApya tasmAttvamadyasharaNaM mama dInabandho || 9||
yaj~no na me.asti hutidAnadayAdi yukto j~nAnasya sAdhanagaNo na vivekamukhyaH |
j~nAnaM kva sAdhanagaNena vinA kva mokShastasmAttvamadyasharaNaM mama dInabandho || 10||
satsaMgatirhi viditA tava bhaktihetuH sA.apyadya nAsti bata paMDitamAnino me |
tAmantareNa na hi sA kva cha bodhavArtA tasmAttvamadyasharaNaM mama dInabandho || 11||
dR^iShTirna bhUtaviShayA samatAbhidhAnA vaiShamyameva tadiyaM viShayIkaroti |
shAntiH kuto mama bhavetsamatA na chetsyAttasmAttvamadyasharaNaM mama dInabandho || 12||
maitrI sameShu na cha me.asti kadApi nAtha dIne tathA na karuNA muditA cha puNye |
pApe.anupekShaNavato mama mutkathaM syAttasmAttvamadyasharaNaM mama dInabandho || 13||
netrAdikaM mama bahirviShayeShu saktaM nAntarmukhaM bhavati tAmavihAya tasya |
kvAntarmukhatvamapahAya sukhasya vArtA tasmAttvamadyasharaNaM mama dInabandho || 14||
tyaktaM gR^ihAdyapi mayA bhavatApashAntyai nAsIdasau hR^itahR^ido mama mAyayA te |
sA chAdhunA kimu vidhAsyati neti jAne tasmAttvamadyasharaNaM mama dInabandho || 15||
prAptA dhanaM gR^ihakuTumbagajAshvadArA rAjyaM yadaihikamathendrapurashcha nAtha |
sarvaM vinashvaramidaM na phalAya kasmai tasmAttvamadyasharaNaM mama dInabandho || 16||
prANAnnirudhya vidhinA na kR^ito hi yogo yogaM vinA.asti manasaH sthiratA kuto me |
tAM vai vinA mama na chetasi shAntivArtA tasmAttvamadyasharaNaM mama dInabandho || 17||
j~nAnaM yathA mama bhavetkR^ipayA gurUNAM sevAM tathA na vidhinA.akaravaM hi teShAm |
sevA.api sAdhanatayA viditAsti chitte tasmAttvamadyasharaNaM mama dInabandho || 18||
tIrthAdisevanamahAvidhinA hi nAtha nAkAri yena manaso mama shodhanaM syAt |
shuddhiM vinA na manaso.avagamApavargau tasmAttvamadyasharaNaM mama dInabandho || 19||
vedAntashIlanamapi pramitiM karoti brahmAtmanaH pramitisAdhanasaMyutasya |
naivA.asti sAdhanalavo mayi nAtha tasyAstasmAttvamadyasharaNaM mama dInabandho || 20||
govinda shaMkara hare girijesha mesha shambho janArdana girIsha mukunda sAmba |
nAnyA gatirmama kathaMchana vAM vihAya tasmAtprabho mama gatiH kR^ipayA vidheyA || 21||
etatstavaM bhagavadAshrayaNAbhidhAnaM ye mAnavAH pratidinaM praNatAH paThanti |
te mAnavA bhavaratiM paribhUya shAntiM gachChanti kiM cha paramAtmani bhaktimaddhA || 22||
iti shrImanmauktikarAmodAsInashiShyabrahmAnandavirachitaM bhagavachCharaNastotraM sampUrNam||

##


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}