% Text title            : bhagavatstuti brahmavaivartapurANe
% File name             : bhagavatstutiBVP.itx
% Category              : purana, stotra
% Location              : doc\_z\_misc\_general
% Transliterated by     : Dinesh Agarwal  dinesh.garghouse at gmail.com
% Proofread by          : Dinesh Agarwal  dinesh.garghouse at gmail.com
% Description-comments  : brahmavaivartapurANa brahmakhaNDam adhyAya 30
% Latest update         : January 27, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhagavatstuti from brahmavaivartapurANa ..}##
\itxtitle{.. bhagavatstutI brahmavaivartapurANe ..}##\endtitles ##

atha triMsho.adhyayaH |
shrInArAyaNa uvAcha |

lambodaro harirUmApatirAdisheShabrahmAdayaH suragaNA manavo munIndrAH |
vANIshivAtripathagAkamalAdikAshcha saMchintayebhdagavatashcharaNAravindam || 1||

sansArasAgaramatIva gabhIraghoraM dAvAgnisarpapariveShTitecheShTitA~Ngam |
saMla~Nghya gantumabhivA~nChati yo hi dAsyaM saMchintayedbhagavatashcharaNAravindam || 2||

govardhanoddharaNakIrtiratIvakhinnA bhUrdhAritA cha dashanAgrata eva chA.a.adrA |
vishvAni lomavivareShu bibharturAdeH saMchintyedbhagavatashcharaNAravindam || 3||

vedA~NgavedamukhaniHsR^itkIrtiraMshairvedA~Ngvedajanakasya harervidhAtuH |
janmAntakAdibhayashokavidIrNadehH saMchintyedbhagavatashcharaNAravindam || 4||

gopA~NganAvadanapa~NjaShaTpadasya rAseshvarasya rasikAramaNasya puMsH |
vR^indAvane viharato vrajveShaviShNoH saMchintyedbhagavatashcharaNAravindam || 5||

chakShurnimeShapatito jagatAM vidhAtA tatkarma vatsa kathituM bhuvi kaH samarthaH |
tvaM chApi nAradamune paramAdareNa sa~nchintanaM kuru hareshcharaNAravindam || 6||

yUyaM vayaM tasya kalAkalAMshAH kalAkalAMshAH manavo munIndrAH |
kalAvisheShA bhavapAdmamukhyA mahAnvirA~N yasya kalAvisheShaH || 7||

sahashrashIrShA shirasaH pradeshe bibharti sidhArthasamaM cha vishvam |
kUrme cha sheSho mashko gaje yathA kUrmashcha kR^iShNasya kalAkalAMshaH || 8||

golokanAthasya vibhoryasho.amalaM shrutau purANe nahi kiMchana sphuTam |
na pAdmamukhyAH kathituM samarthAH sarveshvaraM taM bhaja pAdmaputra || 9||

vishveShu sarveShu cha vishvadhAmnaH santyeva shashvadvidhiviShNurudrAH |
teShAM cha saMkhyAH shrutayashcha devAH paraM na jAnanti tamIshvaraM bhaja || 10||

karoti sR^iShTiM sa vidhervidhAtA vidhAya nityAM prakR^itiM jagatprasUm |
brahmAdayaH prAkR^itikAshcha sarve bhaktipradAM shrIM prakR^itiM bhajanti || 11||

brahmasvarupA prakrR^itirna bhinnA yayA cha sR^iShTiM kurute sanAtanaH |
striyashcha sarvAH kalayA jagatsu mAyA cha sarve cha tayA vimohitAH || 12||

nArAyaNI sA paramA sanAtanI shaktishcha puMsaH paramAtmanashcha |
AtmeshvarashchApi yayA cha shaktimAMstayA vinA sraShTumashakta eva || 13||

gatvA vivAhaM kuru vatsa sAMprataM kartu prayuktashcha pitunirdeshaH |
gurornideshapratipAlako bhaveH sarvatra pUjyo vijayI cha saMtatam || 14||

swapatnIM pUjyedho hi vastrAlaMkArachandanaiH |
prakR^itisatasya saMtuShTA yathA kR^iShNo dvijArchane || 15||

sA cha yoShitsvarupA cha prativishveShu mAyayA |
yoShitAmapamAnena parAbhUtA cha sA bhavet || 16||

divyA strI pUjitA yena patiputravatI satI |
prakR^itiH pUjitA tena sarvama~NgaladAyinI || 17||

mUlaprakR^itirekA sA pUrNabrahmAswarupiNI |
sR^iShTau pa~nchavidhA sA cha viShNumAyA sanAtanI || 18||

prANAdhiShThAtR^IdevI yA kR^iShNasya paramAtmanaH |
sarvAsAM preyasI kAntA sA rAdhA parikIritA || 19||

nArAyaNapriyA lakShmIH sarvasampatsvarupiNI |
vAgadhiShThAtR^idevI yA sA cha pUjyA sarasvatI || 20||

sAvitrI vedamAtA cha pUjyarUpA vidheH priyA |
shaMkarasya priyA durgA yasyAH putro gaNeshvaraH || 21||

iti shrIbrahmvaivarte mahApurANe brahmkhaNDe sautishaunakasaMvAde
bhagavatstutitatsvarupamAYAsvarUpavarNanaM nAma triMsho.adhyAyaH || 30||

##
\medskip\hrule\medskip
brahmavaivartapurANa brahmakhaNDam adhyAya 30

Encoded and proofread by Dinesh Agarwal dinesh.garghouse at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}