% Text title            : bhramarAShTakam
% File name             : bhramarAShTakam.itx
% Category              : misc, sahitya, advice, aShTaka
% Location              : doc\_z\_misc\_general
% Transliterated by     : Aaditya Kalyanaraman
% Proofread by          : Aaditya Kalyanaraman
% Description/comments  : From Kavya Sangraha, A Sanskrit Anthology, Dr. John Haeberlin, 1847
% Latest update         : April 29, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhramara Ashtakam ..}##
\itxtitle{.. bhramarAShTakam ..}##\endtitles ##
gandhADhyAsau bhuvanaviditA ketakI svarNavarNA
      padmabhrAntyA kShudhitamadhupaH puShyamadhye papAta |
andhIbhUtaH kusumarajasA kaNTakaishchinnapakShaH
      sthAtuM gantuM dvayamapi sakhe naiva shakto dvirephaH || 1||
gandhADhyAM navamallikAM madhukarastyaktvA gato yUthikAM
      daivAttA~ncha vihAya champakavanaM pashchAt saroja~NgataH |
va~Nghastatra nishAkareNa vidhinA krandatyasau mUDhadhIH
      santoSheNa vinA parAbhavapadaM prApnoti mUDho janaH || 2||
ye.amI te mukulodgamAdanudinaM tvAmAshritAH ShaTpadA
      ste bhrAmyanti phalAdvahirbahirato dR^iShTvA na sambhAShase |
ye kITAstavadR^ikpatha~ncha na gatAste tvatphalAbhyantare
      dhik tvAM chUta yataH parAparaparij~nAnAnabhij~no bhavAn || 3||
nItaM janma navInanIrajavane pItaM madhu svechChayA
      mAlatyAH kusumeShu yena satataM kelI kR^itA helayA |
teneyaM madhugandhalubdhamanasA gu~njAlatAM sevyate
      hA dhig daivakR^itaM saeva madhupaH kA~NkAM dashAM nAgataH || 4||
palAshakusumabhrAntyA shukatuNDe madhuvrataH |
patatyeSha shukopyenaM jambubhrAntyA jighAMsati || 5||
dR^iShTvA sphIto bhavadalirasau lekhyapadmaM vishAlaM
      chitraM chitraM kimiti kimiti vyAharan niShpapAta |
nAsmin gandho nacha madhukaNA nAsti tatsaukumAryaM
      ghUrNanmUrddhnA bata natashirA vrIDayA nirjagAma || 6||
alirasau nalinIvanavallabhaH
      kumudinIkulakelikalArasaH |
vidhivashena videshamupAgataH
      kuTajapuShparasaM bahu manyate || 7||
rAtrirgamiShyati bhaviShyati suprabhAtaM
      bhAsvAnudeShyati hasiShyati padmajAlam |
itthaM vichintayati koShagate dvirephe
      hA hanta hanta nalinIM gaja ujjahAra || 8||

iti bhramarAShTakaM samAptam |
##
Encoded and proofread by Aaditya Kalyanaraman

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}