जय भारतमाता नीराञ्जना आरती
(गीतिका)
जय भारत-माता
जय जय भारत माता ।
शक्ति भक्ति-सुख-दात्री,
जय भारत-माता ॥ जय०॥
स्नेह-सुधा-रस सिक्ता,
गुण-गण-भूति-वहा ।
ऋषि-मुनि-पूजित-पादा,
गौरव-शान्ति-सुधा ॥ जय०॥
विश्वशान्ति-उपदेष्ट्री,
ज्ञान-भानु-हृत-शोका ।
अरि-दल-दलन-सुपूता,
आत्म-त्याग-कृत-तोषा ॥ जय०॥
जीवनदात्री सुखदा
वरदा भूतियुता ।
संसृति शोक-निरोद्धी,
करुणामय हृदया ॥ जय०॥
तव चरणार्पित-देहा,
परिहृत निज शुचि-गेहा ।
क्रान्ति-सुधा रस-स्फीता,
कति न स्वर्गमुपनीता ॥ जय०॥
क्रान्तिकारि-जन-वन्द्या,
शान्तिपरैरभिनन्द्या ।
गरिमाऽहृत भव-भूति
मुक्ता-मणि-गण-सूति ॥ जय०॥
देशभक्त बलिदानैः,
परिहृत-निज-सतापैः ।
अद्य शान्ति-सुख-हृष्टा
गुणि-गण-गुण-सम्पुष्टा ॥ जय०॥
तव चरणामृत-पूता,
भरत-सुता रवि-रूपा ।
तव चरणे बलिदानं
विदधतु वीर-वरा ॥ जय०॥
Proofread by Mandar Mali