कुरुत वीराः कर्मधीरा
कुरुत वीराः कर्मधीरा मातृपदयुगवन्दनम् ।
मातृवन्दनतो नितान्तं आप्यतां परमं पदम् ॥ ध्रुवम् ॥
किन्नु वो मृदु मञ्जुवदने दीनतापरिलाञ्छनम् ।
स्मरत यूयं वीरमुनिकुलसम्भवा नवपल्लवाः ॥ १॥
त्यजत दैन्यविषादभावं सर्वश्रेयोहारकम् ।
हरत सर्वजनान्तरङ्गं स्वीयविक्रमकर्मणा ॥ २॥
चरत धर्मपथेन पूर्वजदर्शितेन सदा मुदा ।
नयत विश्वगुरुत्वमचिरात् आर्षभारतमातरम् ॥ ३॥
--- रणजित
% Text title : Kuruta Virah Karmadhira % File name : kurutavIrAHkarmadhIrA.itx % itxtitle : kuruta vIrAH karmadhIrA % engtitle : kuruta vIrAH karmadhIrA % Category : misc, sanskritgeet % Location : doc_z_misc_general % Sublocation : misc % Author : raNajit % Language : Sanskrit % Subject : philosophy/hinduism/religion % Indexextra : (gItAni) % Acknowledge-Permission: Samskrita Bharati https://www.samskritabharati.in % Latest update : October 3, 2021 % Send corrections to : (sanskrit at cheerful dot c om) % Site access : https://sanskritdocuments.org
This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.