% Text title            : Advice on the (Maha)Bharata Composition Conveyed by Valimiki to Vyasa
% File name             : mahAbhAratatattvopadeshaHvAlmIkikRRitaH.itx
% Category              : misc, advice, vyAsa, bRihaddharmapurANam
% Location              : doc\_z\_misc\_general
% Author                : Valmiki
% Proofread by          : NA
% Description/comments  : Brihaddharmapuranam | pUrvakhaNDaH | adhyAyaH 30| 1\-40 ||
% Latest update         : March 27, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Valmikiproktah Mahabharatatattvopadeshah ..}##
\itxtitle{.. vAlmIkiproktaH mahAbhAratatattvopadeshaH ..}##\endtitles ##
vAlmIkiruvAcha |
vedavyAsa kimAdau tvaM shrotumichChasi samprati |
tadahaM bhAratAdInAM vIjaM te pravadAmi vai || 1||
vyAsa uvAcha |
kIdR^ishaM bhArataM nAma kiM phalaM tasya tadvada |
kena vAhaM kariShyAmi kena shaktirbhavenmama || 2||
vAlmIkiruvAcha |
bhArataM kR^itavAn pUrvaM devo nArAyaNaH svayam |
rAmAyaNaM tasya vIjaM parAtparataraM matam || 11||
Adau rAmAyaNaM devo brahmaNe dattavAn purA |
datta~ncha brahmaNA mahyaM shlokabaddhaM mayA kR^itam || 12||
vistArita~ncha ruchiraM vedArthasArasammatam |
punashcha bhArataM kartuM brahmaNA deshito.apyaham || 13||
naiva svIkR^itavAn pUrvaM bhArataM kartumeva cha |
bhAratasya vidhAnAya tvaM nArAyaNanirmitaH || 14||
rAmAyaNAchcha vistIrNaM tvaM mahAbhArataM kuru |
rAmAyaNaparIpATyA tvaM mahAbhArataM kuru || 15||
rAmAyaNasya kAvyasya bhAratasya cha vai mune |
visheShAt shR^iNu madvAkyAnnArAyaNanirUpitam || 16||
eka eva svayaM devaH paramAtmA vibhuH prabhuH |
kAlAkAshasvarUpo.asau sukhaduHkhavivarjitaH || 17||
so.ayaM mAnuShatAM gatvA svechChayA kamalApatiH |
chikrIDa jagatImadhye rakShovadhachChalena vai || 18||
dharmAMshcha darshayAmAsa varNAshramavibhAgashaH |
ahaM tadvarNayiShyAmi kAvyaM rAmAyaNAhvayam || 19||
paramAtmasvarUpasya sItAnAthasya cheShTitam |
varNitaM chaikarUpasya tachCharIravisheShavat || 20||
saeva devo bhagavAn kR^iShNaH kamalalochanaH |
jIvadvitIyashchikrI.Da bhUbhArakShayahetave || 21||
jIvAtmaparamAtmAnau naranArAyaNAvubhau |
arjunashcha tathA kR^iShNastAveva svechChayA sthitau || 22||
pa~nchAnAM pANDuputrANAM tR^itIyo yo.arjuno naraH |
kR^iShNashcha devakIputro vAsudevo.akhilArttihA || 23||
nArAyaNo vAsudevo narashchaivArjunAhvayaH |
naranArAyaNamayaM tanmahAbhArataM viduH || 24||
ekaM nArAyaNamayaM kR^itaM rAmAyaNaM mayA |
rAmAyaNe bhArate cha visheSho.ayamudAhR^itaH || 25||
gopanIyo hyayaM panthA na vAchyaM yasya kasyachit || 26||
IdR^ishaM bhArataM proktaM naranArAyaNAtmakam |
bhArataM paramaM puNyaM bhArataM devasammitam |
bhArataM bhavane yasya tasya hastagato jayaH || 27||
bhAratasya samudrasya merornArAyaNasya cha |
aprameyANi chatvAri puNyatoyaguhAguNAH || 28||
bhAratasyAntarIkShasya kAlasya cha harerapi |
aprameyANiM chatvAri bhAvaH sImA gatiH kriyA || 29||
bhAratasya cha ga~NgAyA shivasya cha harerapi |
aprameyANi chatvAri nAmapuNyArthashaktayaH || 30||
bhArataM shrUyate svarge bhArataM shrUyate kShitau |
bhArataM shrUyate chaiva pAtAle paramAdaraiH || 31||
bhArate vividhA arthA bhArate vividhA kathA |
bhArate ShaDdarshanAni bhArate dharmasa~nchayAH || 32||
na bhAratamanAshritya kathA kAchit pravarttate |
AhAramanapAshritya sharIrasyeva dhAraNam || 33||
yadrAtrau kurute pApaM brAhmaNastvindriyaishcharan |
mahAbhAratamAkhyAya pUrvAM sandhyAM vimu~nchati || 34||
yadahnA kurute pApaM brAhmaNastvindriyaishcharan |
mahAbhAratamAkhyAya sandhyAM mu~nchati pashchimAm || 35||
pUjayeddhArataM gehe sthApayet bhArataM gehe |
dadyAchcha bhArataM sadbhyaH paThedapi || 36||
sa eva paramashrImAn sArthakaM tasya janma cha |
vR^iShotsargashata~nchaiva gayAshrAddhashataM tathA || 37||
rAjasUyAshchamedhau cha yaj~no vipuladakShiNau |
sadakShiNau bhAratasya shravaNaM pATha eva cha |
tulyAnyetAni karmANi mithaH pratinidhInyapi || 38||
dakShiNA bhAratasyApi AtmA sarvasvameva cha |
sarvasvaM bhArate dadyAt sarvasvaM pitR^imAtR^iShu || 39||
sarvasvaM guruve dadyAt sarvasvaM yAchake kramAt |
ityevaM te phalaM proktaM bhAratasya samAsataH || 40||

|| iti bR^ihaddharmapurANe triMshattamo.adhyAye vyAsamaharShe
vAlmikIdvArA (mahA)bhAratatattvopadeshaH sampUrNaH ||

|| bR^ihaddharmapurANam | pUrvakhaNDaH | adhyAyaH 30| 1\-40||


##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}