% Text title            : NamaH Katyayanaya
% File name             : namaHkAtyAyanAya.itx
% Category              : misc, sahitya, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : May 13, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. NamaH Katyayanaya ..}##
\itxtitle{.. namaH kAtyAyanAya ..}##\endtitles ##
lekhakaH \- nandapradIptakumAraH
      namonamo.astu shabdAya vArttikA.amalamUrtaye |
      shrutadharAya shAntAya kAtyAyanAya yogine ||
sa.nskR^itavyAkaraNa\-vA~Nmaye kAtyAyanaH vArtikakArarUpeNa parichayaH prAptaH | asau mahAtmA mahAn vaiyAkaraNa AsIt | asya \ldq{}vararuchiH\rdq{} iti nAmAntara AsIt | mahArAja\-samudraguptaH kR^iShNacharitra\- kAvye munikavi\-varNanaprasa.nge  abhANi\-
     \ldq{}yaH svargArohaNaM kR^itvA svargamAnItavAn bhuvi |
     kAvyena ruchireNaiva khyAto vararuchiH kaviH ||
     na kevalaM vyAkaraNaM pupoSha dAkShIsutasyeritavArtikairyaH |
     kAvye.api bhUyo.anu chakAra taM vai kAtyAyano.asau kavikarmadakShaH || \rdq{}
iti svargArohaNakAvyakarturasya vArtikakArasya vararucheshcha nAnAshlokAH vaidyakIye shAr~NgadharapaddhatyA.n, saduktikarNAmR^ite evaM subhAShitamuktAvalyAdigrantheShu samupalabhyante | kvAsau kAtyAyana ityasmin viShaye jigamiShA jAyate | kAtyAyanashabdo vastuto gotrapratyayAntaH sidhyati | skandapurANe eko yAj~navalkya\-putraH kAtyAyana AsIt | tatputro vararuchiH | sashcha vishvAmitrava.nshajo yaj~navidyAyAH vilakShaNastathA shrauta\-gR^ihya\-shulyasUtrAdInAM sUtragranthAnAM praNetA AsIt | so.api shukla\-yajurvedasya A.ngirasAyanasya vA kAtyAyanashAkhAyAH pravartakaH yAj~navalkyasya pautratvena nirUpitaH, yasya samayaH khrI0pU0chaturthashatAbdI tR^itIyashatAbdI vA manyate | mahAbhAShye\- \ldq{}priyataddhitA dAkShiNAtyAH\rdq{} (1/1/3) anena vAkyena saH dAkShiNAtya\-pradeshIya iti vaktuM shakyate |  anyatra eko gobhilaputraH kAtyAyano yaH ChAndogyaparishiShTasya kartA eva | aparaH prAkR^itaprakAshakAraH vararuchiryo vAsavadattAyAH rachanAkAraH subandho mAtulaH ShaShThashatAbdIya AsIt |   anyeShu kAtyAyaneShu ekaH kaushikagotriyaH, aparaH  A.ngirasagotriyaH, anyashcha bhArgavagotriyaH, shrutAH |  kintu vArtikakAraH kAtyAyanaH kAtyagotriya katya\-R^iShe apatyaH khrI0pU0 pa~nchamashatAbdIya iti kechana draDhayanti | anyatra dR^ishyate maharSheH kAtyAyanasya kaThora\-tapasA santuShTA satI svayamAdimAtA bhagavatI tadva.nshe kanyArUpeNa samutpannA babhUva | kAlAntare sA mahiShAsurasya vinAshaM  kR^itavatI | punaH anya\- matAnusAraM kAtyAyanaH dAkShiNAtya\-nivAsI tathA pANineH sAkShAt shiShya AsIditi | etadviShaye  mahatI sha.nkA vartate | kathAsaritasAgare somadevabhaTTa\-matAnusAraM kAtyAyanaH kaushAmbeH nivAsI abhUt | tasya pitA somadattaH mAtA cha  vasudattA AstAm | pUrvajanmani saH puShpadantanAmA gandharva babhUva | mAheshvarIshApAt martyabhUmau mAnavarUpeNa vararuchinAmnA jAtaH, yaH khalu varShasya shiShya AsIt | pANinirapi vararucheH gurubhrAtA eva |  yachchokta.n\-
      \ldq{}praNidhAnAdatha j~nAtvA jagAdaivamumApatiH |
      yogI bhUtvA pravishyedaM puShpadantastadAshR^iNot ||
      jayAyai varNitaM tena ko.anyo jAnAti hi priye |
      shrutvetyAnAyayaddevI puShpadantamatikrudhA ||
      martyo bhavAvinIteti vihvalaM taM shashApa sA\rdq{} \-\-\-|
iti nandi\-virodhasatve.api shiva\-pArvatIsambAdaM  guptabhAvena yogabalena puShpadantaH shrutavAn | etasmAtkAraNAt pArvatI shApitA tasmai |  skanda\-purANAnusAraM purA yAj~navalkyasyAshramaH Anarte\-gujurAte AsIt | pashchAttasmin mithilAyAM gate tatputraH kAtyAyanaH mahArAShTraM prati prasthitaH | yadi vArtikakAraH kAtyAyanasya pautro.abhUttarhi pANinottaravarttI j~nAyate, yadi pANineH sAkShAt shiShyastarhi tasya samakAlIna eva j~nAyate, iti mahAn vivAdasya viShayaH | vastusthitidarshanena kAtyAyanaH pANineH pUrvavarttIti nishchetuM shakyate | sa.nprati vararuchipraNIta\-vArttikaviShaye sa.nkShepata Alochyate.atra | tatra

vArttikaM nAma vR^ittirgranthasUtravivR^itiH | tattu svatantratayA nopalabhyate | vArttikasvarUpaM tu\-
      \ldq{}uktAnuktaduruktAnAM chintA yatra pravartate |
      taM granthaM vArttikaM prAhuH vArttikaj~nAH manIShiNaH\rdq{} ||
vR^ittiH+kathAdibhyaH Thak | uktAnuktaduruktArthavyaktIkArakagrantho visheSho vArttikaH | yadvA yatra prAgukta\-anukta\-duruktAdiviShayANAM vichAro  vivakShyate  tat vArttikamiti khyAtam | hemachandreNApi hemashabdAnushAsane \ldq{}uktAnuktaduruktAnAM vyatikArI tu vArttikam\rdq{} uktam | rAjashekharakR^ita\-kAvyamImA.nsAyAM cha \ldq{}uktAnuktaduruktachintA vArttikami\rdq{} ti samarthitam | nAgeshAchAryAH tatkR^ita\-udyotaTIkAyAM \ldq{}uktAnuktaduruktachintAkaratva.n\rdq{} vArttikatvamAhuH | anena spaShTaM pramANIkriyate yat pANinisUtrakR^itatridoShaparihArAya vararuchinA bhagavatA vArttikaM praNItam |   vArttikANAM  sa.nkhyAnirddhAraNe na kenApi  samarthaH, yatohi bhAShyakAreNa bahUnAM vArtikakArANAM matAni nAmAni cha sa.ngR^ihItAni | yadbhavatu kAtyAyanasya vArttikaM pANinIyavyAkaraNasya mahatvapUrNama.ngam | vArttikaM vinA pANinIya\-vyAkaraNamasa.npUrNameva | atyAdhunikA vaiyAkaraNAH vararucheH prathama\-vArttikaM \ldq{}siddheH shabdArthasambadhe\rdq{} prAchInAH \ldq{}rakShohAgamaladhvasa.nndehAH prayojanam\rdq{} vA gR^ihItvA bhagavatA pata~njalinA mahAbhAShyArambhaH vihitaH iti svIkurvanti |  sAyaNAchAryeNa R^igvedabhAShyArambhe vyAkaraNasya prayojanasambandhe\- \ldq{}tasyaitasya vyAkaraNasya  prayojanavisheSho vararuchinA vArttike darshitaH \ldq{}rakShohAgamaladhvasa.nndehAH prayojanam\rdq{} uktam | \ldq{}etAni rakShAdIni prayojanAni prayojanAntarANi cha mahAbhAShye pata~njalinA spaShTIkR^itAni\rdq{} | iti |

kAtyAyanaH prakR^itapakShe pANino na doShadraShTA kintu samAlochaka evAsIt  | pANinIyasUtrANAmapUrNatAmAkalayya atyAvashyakarUpeNa tena vArttikANAM nirmANaM vihitam | kutrApi pANiniM boddhumasamarthaH san pratikUla\-mantavyo vihitaH saH | pashchAt  bhAShyakAraH vararuchimataM khaNDayitvA pANiniM samarthitavAn | kAtyAyanaviShaye.atra mayA di~NmAtraM pradarshitam | alamati vistareNa | sham |

                                       \-\-\- lekhakaH \- nandapradIptakumAraH
##
Written by Dr. Pradipta Kumar Nanda, Kendrapara, Orissa pknanda65 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}