% Text title            : Atha Nyasanushasanam
% File name             : nyAsAnushAsanam.itx
% Category              : misc, sahitya, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : May 13, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Atha Nyasanushasanam ..}##
\itxtitle{.. atha nyAsAnushAsanam ..}##\endtitles ##
lekhakaH \- nandapradIptakumAraH

bhagavato vedasya prAyogikaM mahatvameva karmakANDaM nAma | vishAlaM chAsya bhAratIyakarmakANDakalevaram | mantrabrAhmaNAtmakaH shabdarAshiH sarvato hi duradhigamaH | tasya vedasya prAyogikaM svarUpaM karmakANDaM paramadurgamamiti nAviditaM viduShAm | gahanatattvasya chintanaM sUkShmarItyAssmin virAjatetamAm | veda\-brAhmaNavachanAnAM prayogAtmikAyAH sR^iShTereva karmakANDe sannivesho dR^ishyate | bhAratIyamanIShiNAM vichitrA devopAsanAshailI atra  bR^ihadAkAreNa prApyate | bhAratIyakarmakANDAnAM kechidda.nshAH sAkShAd vedapratipAdakAH   shrotrAparaparyyAyAH kechichcha vedamUlaka\- smR^itipurANAdivibhinnadharmagranthoktAH R^iShimaharShibhiH sAkShAtkR^itadharmabhirvivR^itAH kechid hi  tattadvedamUlakashAstrachChAyAshritAH alokikashaktisa.npannA satyavAgbhiH suvyavasthitAH virAjatetamAm | devatAnAM santoShAya taiH bahuvidhA prayogAH vidhayashcha pradattAH | teShu prayogeShu nyAsatattvamanyatamam | tatra nyAso nAma svA.ngeShu devatApratimAsu vA mantrAdInAM  sanniveshaH | nyasyate anena iti nyAsaH | ni upasargapUrvaka as dhAtoH gha~n pratyayayogena nyAsashabdaH siddhyati | mantrabIjAnAM devasharIre  yathAsthAneShu sa.nsthApanena mR^iNmayIpratimA dhAtunirmitavigraho ghaTo vA devatvamApnoti | deshikasya daivIbhAvaH samudeti, devo bhUtvA devaM yajediti nyAyAt |  tathAhi prapa~nchasAre\-
     Atmano devatAbhAvapradAnAddevateti cha |
     padaM samastatantreShu vidvadbhiH samudIritam ||(6/5)
iti | nyAso pUjakasya sadupArjitaM dhanam | tasya satpAtreShu viniyogo nyAsaH | ayaM nyAsaH sAdhakaM sarvadA rakShati | pitR^imAtR^ivat paripAlayati | yathAvidhi nyAse kR^ite tasya pUjanakAlIna\-sAdhanakAlIna cha vighnAH sarvathA vinashyanti | yachchoktaM kulArNave\-
     nyAyopArjitavittAnAma.ngeShu viniveshanAt |
     sarvarakShAkarAddevi nyAsa ityabhidhIyate || (17/56)
iti | nyAsakartA viShNulokaM gachChati | tatra vaikuNThIyasukhamanubhavituM pArayati | sAkShAnnArAyaNo bhavitumarhatIti vakShyamANaM pramANaM draDhIkaroti | tathAhi pAdme\-
     shikhAyAM shrIdharaM nyasya shikhAdyaH shrIkaraM tathA |
     hR^iShIkeshaM tu kesheShu mUrdhni nArAyaNaM param ||
     evaM nyAsavidhiM kR^itvA sAkShAnnArAyaNo bhavet |
     yAvannavyAharet ki~nchit tAvadviShNumayaM sthitaH || (6/79/17)
iti | karmabhede shAstre bahuvidhAH nyAsA uktAH | teShu a.nganyAsaH,karanyAsaH, R^iShyAdinyAsaH, jIvanyAsaH, pIThanyAsaH, praNavanyAsaH, mAtR^ikAnyAsaH, bahirmAtR^ikAnyAsaH, antarmAtR^ikAnyAsaH,sR^iShTinyAsaH, sthitinyAsaH,sa.nhAranyAsaH, ha.nsanyAsaH mUlamantranyAsaH,ka.nThAdinyAsaH,ShoDhAnyAsaH,prapa~nchanyAsaH,yoginInyAsaH, grahanyAsaH,keshavAdinyAsapramukhA mukhyAH | eteShAM prayogAH prAyashaH sarvapUjAsu antarbhUtA bhavanti | etadatiriktAH bahavo nyAsAH tantragrantheShu dR^ishyante |  chatuShaShThi sa.nkhyakAH nyAsAH tantrAdi AgamagrantheShu prayuktA bhavanti | eteShu nyAseShu mAtR^ikAnyAsasya mahimA shreShThaH | mAtR^IkANAM prayogastu mAtR^ikAnyAsaH | svachChande \- na vidyA mAtR^ikA parA (11/199) iti mAtR^ikAnyAsasya sarvashreShThatA pramANIkR^itA | api cha lalitAsahasranAmastotre mAtR^ikAnyAsaH O.nkArAt samudbhUtaH sarvama.ngalakaraH paramAnandadAyakaH sarvasiddhipradAyaka iti paramAchAryeNa shrImadAdisha.nkareNa svakIye bhAShye samullikhitaH | mAtR^ikAnyAsashchaturdhA vibhaktaH | tasya phalabhedo.api shUyate | yaduktaM tantrasAre\-
     chaturddhA mAtR^ikA proktA kevalA vindusa.nyutA |
     savisargA sobhayA cha rahasyaM shR^iNu kathyate ||
     vidyAkarI kevalA cha sobhayA vR^iddhikAriNI |
     savisargA putradA cha savindu vittadAyinI ||
iti mAtR^ikAnyAsaH chaturvidhaH | teShu vinduH=anusvArasahitaH, aM namaH lalATe iti prathamaH, vittadAyakaH sarvasa.npat vidhAyakaH | kevalaH sapraNavaH | OM namaH lalATe iti dvitIyaprakArako mAtR^ikAnyAsaH, sarvavidyApradAyakaH  | aH namaH lalATe iti savisargastR^itIyaH, putrapradAyakaH AnandadAyakaH |  aM aH namaH lalATe iti ubhayashchaturthaH, vR^iddhikArako vikhyAtaH tantrashAstre bahuShu AgamanigamayAmalagrantheShu |
etadviShaye.api chAnyatra nivandhe\-
     omAdyanto namonto vA savinduvinduvarjitaH |
     pa~nchAshadvarNavinyAsaH kramAdukto manIShibhiH ||
iti pa~nchAshadvarNAnAM sapraNavapuraHsaraM namo.antena prayogaH vinduyukta ayukto vA mAtR^ikAnyAso vihitaH | api cha tantrAntare\-
     vAgbhavaM kAmabIjaM cha shrIbIjaM cha tritArakam |
     shaktishrIkAmabIjaM cha tritAraM munayo viduH ||
shaktibIja.n, shrIbIja.n, kAmabIjaM cha tritArakam | yadvA vAgbIjaM kAmabIjaM shrIbIjamiti etAni bIjatrayANi tArakasa.nj~nitAni uktAni | mAtR^ikAnyAse.api eteShAM sa.nyuktaprayogaH sarvasiddhikArakaH | sR^iShTisthitisa.nhArakrameNa triprakArako mAtR^ikAnyAsaH kalpitaH | kalpoktavidhinA eteShAM prayogaH avashyameva karaNIyaH | yachchoktaM vIrachUDAmaNau\-
     mAtR^ikAtritayaM kuryAt sR^iShTisa.nhArakasthitam |
     nyAsaM kuryAt maheshAni kalpoktaM cha visheShataH ||
anyatra kulArNave anyanyAseShu ShoDhAnyAsasya kIrtanaM bhUtam | ayaM ShoDhAnyAsaH sarveShu shreShThaH | tathA hi \-
     prapa~ncho bhuvanaM mUrttirmantradaivatamAtaraH |
     mahAShoDhAhvayo nyAsaH sarvanyAsottamottamaH || (4/20)
ityatra prapa~nchanyAsa\-bhuvananyAsa\-mUrtinyAsa\-R^iShyAdinyAsa\- mAtR^ikAnyAseShu ShoDhAnyAsaH agre dhAvati | kiM bahunA R^iShiChandodevAn vinApi nyAsa akaraNIyaH | anena nyAsaphalaM pUrNatayA na labhyate | yachchoktaM shAradAtilake\-
     R^iShiChandodevatAnAM vinyAsena vinA yadA | 
     japyate sAdhito.apyeSha tasya tuchChaphalaM bhavet ||(4/30)
iti | api cha mahAphalaM tAvat merutantre\-
     yo nyAsakavachachChando mantraM japati taM priye |
     dR^iShTvA vighnA palAyante si.nhaM dR^iShTvA yathA gajAH ||
iti vishvakalyANakAmanAparakANi bhAratIyakarmakANDAni mahatAssdareNa sa.npAdanIyAni | pUjanasthaleShu nirdiShTaniyamAnusa.nndhAnenAtra pUjAphalasambhavAt | tantragrantheShu AsanashuddhyAdArabhya brAhmaNabhojanAntaM yAni karmANi asmAkaM kR^ite nirdiShTAni santi tAnyevAsmAbhiravashyameva shAstroktaniyamena sa.npAlanIyAni | tathA hi bhagavatA gItAyA.n\-
     tasmAt shAstraM pramANaM te kAryAkAryavyavasthitau |
     j~nAtvA shAstravidhAnoktaM karmakartamihArhasi || (16/24)
ityalaM vistareNa |

                                       \-\-\- lekhakaH \- nandapradIptakumAraH
##
Written by Dr. Pradipta Kumar Nanda, Kendrapara, Orissa pknanda65 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}