% Text title            : parameshvarastutisArastotram
% File name             : parameshvarastutisArastotram.itx
% Category              : misc, stotra, vedanta, brahmAnanda
% Location              : doc\_z\_misc\_general
% Author                : mauktikarAmodAsInashiShyabrahmAnanda
% Proofread by          : PSA Easwaran
% Latest update         : June 13, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Parameshvarastutisarastotram ..}##
\itxtitle{.. parameshvarastutisArastotram ..}##\endtitles ##

shrIgaNeshAya namaH || 
tvamekaH shuddho.asi tvayi nigamabAhyAmalamayaM
prapa~nchaM pashyanti bhramaparavashAH pApaniratAH |
bahistebhyaH kR^itvA svapadasharaNaM mAnaya vibho
gajendre dR^iShTaM te sharaNada vadAnyaM svapadadam || 1||

na sR^iShTeste hAniryadi hi kR^ipayAto.avasi cha mAM
tvayAneke guptA vyasanamiti te.asti shrutipathe |
ato mAmuddhartuM ghaTaya mayi dR^iShTiM suvimalAM
na riktAM me yAch~nAM svajanarata kartuM bhava hare || 2||

kadAhaM bhoH svAminniyatamanasA tvAM hR^idi bhajannabhadre 
saMsAre hyanavarataduHkhe.ati virasaH |
labheyaM tAM shAntiM paramamunibhiryA hyadhigatA
dayAM kR^itvA me tvaM vitara parashAntiM bhavahara || 3||

vidhAtA chedvishvaM sR^ijati sR^ijatAM me shubhakR^itiM
vidhushchetpAtA mA.avatu janimR^iterduHkhajaladheH |
haraH saMhartA saMharatu mama shokaM sajanakaM
yathAhaM muktaH syAM kimapi tu tathA te vidadhatAm || 4||

ahaM brahmAnandastvamapi cha tadAkhyaH suviditaH
stato.ahaM bhinno no kathamapi bhavattaH shrutidR^ishA |
tathA chedAnIM tvaM tvayi mama vibhedasya jananIM
svamAyAM saMvArya prabhava mama bhedaM nirasitum || 5||

kadAhaM he svAmin janimR^itimayaM duHkhanibiDaM
bhavaM hitvA satye.anavaratasukhe svAtmavapuShi |
rame tasminnityaM nikhilamunayo brahmarasikA
ramante yasmiMste kR^itasakalakR^ityA yativarAH || 6||

paThantyeke shAstraM nigamamapare tatparatayA
yajantyanye tvAM vai dadati cha padArthAMstava hitAn |
ahaM tu svAmiMste sharaNamagamaM saMsR^itibhayAdyathA
te prItiH syAddhitakara tathA tvaM kuru vibho || 7||

ahaM jyotirnityo gaganamiva tR^iptaH sukhamayaH
shrutau siddho.advaitaH kathamapi na bhinno.asmi vidhutaH |
iti j~nAte tattve bhavati cha paraH saMsR^itilayAt
atastattvaj~nAnaM mayi sughaTayestvaM hi kR^ipayA || 8||

anAdau saMsAre janimR^itimaye duHkhitamanA
mumukShussan kashchidbhajati hi guruM j~nAnaparamam |
tato j~nAtvA yaM vai tudati na punaH kleshanivahaiH
bhaje.ahaM taM devaM bhavati cha paro yasya bhajanAt || 9||

viveko vairAgyo na cha shamadamAdyAH ShaDapare
mumukShA me nAsti prabhavati kathaM j~nAnamamalam |
ataH saMsArAbdhestaraNasaraNiM mAmupadishan
svabuddhiM shrautIM me vitara bhagavaMstvaM hi kR^ipayA || 10||

kadAhaM bho svAminnigamamativedyaM shivamayaM
chidAnandaM nityaM shrutihR^itaparichChedanivaham |
tvamarthAbhinnaM tvAmabhirama ihAtmanyavirataM
manIShAmevaM me saphalaya vadAnya svakR^ipayA || 11||

yadarthaM sarvaM vai priyamasudhanAdi prabhavati
svayaM nAnyArtho hi priya iti cha vede praviditam |
sa AtmA sarveShAM janimR^itimatAM vedagaditaH
tato.ahaM taM vedyaM satatamamalaM yAmi sharaNam || 12||

mayA tyaktaM sarvaM kathamapi bhavetsvAtmani matiH
tvadIyA mAyA mAM prati tu viparItaM kR^itavatI |
tato.ahaM kiM kuryAM na hi mama matiH kvApi charati
dayAM kR^itvA nAtha svapadasharaNaM dehi shivadam || 13||

nagA daityAH kIshA bhavajaladhipAraM hi gamitAstvayA
chAnye svAminkimiti samaye.asmi~nChayitavAn |
na helAM tvaM kuryAstvayi nihitasarve mayi vibho
na hi tvA.ahaM hitvA kamapi sharaNaM chAnyamagamam || 14||

anantAdyA vij~nAnaguNajaladheste.antamagamannataH
pAraM yAyAttava guNagaNAnAM kathamayam |
gR^iNanyAvaddhitvA janimR^itiharaM yAti paramAM
gatiM yogiprApyAmiti manasi buddhvAhamanavam || 15||

iti shrImanmauktikarAmodAsInashiShyabrahmAnandavirachitaM
parameshvarastutisArastotraM sampUrNam || 

##

Proofread by PSA EASWARAN

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}