% Text title            : Greatness of Sanskrit
% File name             : saMskRRitamahattvam.itx
% Category              : article, misc, sAhitya
% Location              : doc\_z\_misc\_general
% Transliterated by     : Shankara shankara underscore 2000 at yahoo.com
% Proofread by          : Shankara shankara underscore 2000 at yahoo.com
% Description-comments  : vishvasaMskRitashatAbdigranthAntargatam lekhanam
% Latest update         : May 28, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Greatness of Sanskrit ..}##
\itxtitle{.. saMskR^itamahattvam ..}##\endtitles ##

(vishvasaMskR^itashatAbdigranthAntargatam lekhanam)
saMskR^itamahattvaM granthopakramashcha

devAsuradaityadAnavarAkShasAdyakhiladevayoninirvisheShasamAdR^itam\,
nikhilamAnavama~Ngalapradam\,
sanAtanajainabauddhachArvAkadaishikavaideshikasakala\-
vaidikAvaidikamatamatAntarAnuyAyijanamanomodakaM
saMskR^itaM hi susaMskR^itAnAmAryANAM jIvanasarvasvam\,
sarvAdijagadgurorbrahmaNo mukhebhyaH svayaM
pravR^ittA vAk\, devAnAM sarvavyavahAraprasUrdivyA chAmoghA cha gIH\,
vedopavedabrAhmaNAraNyakopaniShatsmR^itipurANopapurANashikShAkalpa\-
vyAkaraNaniruktachChandojyautiShanyAyavaisheShikasAkhyayogamImAMsAvedAntAdi\-
sarvadarshanakoShakAvyanATakAkhyAnakAkhyAyikAlaDUArachatuHShaShTikalA\-
sa~NgItachaturvargagajagavAshvapuruShalakShaNachikitsAgranthetihAsA~NgasUtra\-
jAtakabhAShyavArtikavyAkhyAdyakhilavADmaya\-janmabhUH\,
nikhilavishvabhAShA.a.adijananI\, mAnavajIvanasyAdimadhyAvasAneShu sadA
samapekShitA vANI |

athavA saMskR^itabhAShAyA vayaM kAn guNAn gAyAma ? gAyanto.api cha
kathaM teShAM pAramAsAdayAma ? iyaM hi bhAShA.asmAsu bhAratIyatvaM
jAgarayati\, bhAratIyeShvekatAM sa~nchArayati\, na kevala bhAratIyAH
prAdeshikIreva\, yAvad vaidaishikIrapi bhAShAH pariShkaroti\,
mAnavamAtrasya mastiShkaM saMskaroti\, tatra j~nAnavij~nAnaprabhAM
prasArayati\, taddhR^idaye sarvadA.a.anandasandohamArohayati\,
satpathapravR^ittiM janayati\, sadguNagauravaM prakaTayati\,
vishvabandhutAM vistArayati\, sarvabhUteShvekatvaM pradarshayati\,
sarvataH shAntiM saMsthApayati\, tyAgaM\, tapaH\, santoShaM\,
sevAM cha shikShayati\, vishvakalyANabhAvanAmudbhAvayati\,
pa~nchashIlaparishIlanamAvirbhAvayati\, j~nAnavij~nAnayoH
samanvayamAtanoti\, bhuktiM muktiM chAviroghenodvelayati\,
dharmArthakAmamokShAMshchaturo.api puruShArthAnU sAdhyatayA
samupasthApayati\, aihikamAmuShmikaM chetyubhayavidhamapyutkarShaM
sampAdayati\, karmaNi\, j~nAne\, bhaktau cha samamanuyunakti\, satyaM\,
shivaM\, sundaraM tatkimapi tattvaM sannidhApayati\, vAchi lAlityaM
si~nchati\, mAdhuryadhArAbhiH karNau kR^itArthayati\, vishvasyApi
vishvasya chetashchamatkaroti\, pUrveShAmapi pUrvajAnAM yashashcha
saMsmArayati | kiM bahunA\, iyaM kalpalateva naH kiM kiM na sAdhayati ?

eShA cha bhArate samudbhUtApi ga~Ngeva sarvatra jegIyate\, sarvAneva
cha pAvayati | bhArate vaidikA avaidikAshchetyubhaye.api sampradAyAH
svasvavichAraparipATIprabandheShu bhAShAntarANi svIkurvANA
api yadyat sthAsnutAM\, spaShTatAM\, mAnyatAM cha ninIShanti\,
tattadasyAmeva bhAShAyAM pratinibadhnanti | svasvAbhimataM cha
mataM sarvajanasaMvedyatAM netuM jainAH\, bauddhA apImAmeva bhAShAM
purA saMshrayante | chArvAkA lokAyatAshchApi svasvadarshanAnyasyAmeva
bhAShAyAM prabadhnanti | yAvad bahirapi bhAratAd dUradUratareShu desheShu
saMskR^itasAhityaM sarvato.apratihataprasaraM pravishati | vedeShu\,
darshaneShu\, purANeShu\, kAvyeShu\, tathAvidheShu chAnyeShu viShayeShu
pAshchAtyairvidvadbhiH kR^itA gaveShaNAsteShAM saMskR^itabhAShAbhirucheH
prabalAni pramANAni santi |

yasmin kasmiMshchiddeshe\, yasyAM kasyA~nchichcha jAtau jAtena
yena kenApi mAnavena saMskR^itabhAShAyA adhyayanAdhyApanAdinA\,
sampAdanaprakAshanAdinA vA sevA sampAditA\, sa sarvo.api mAnavo.asmAkaM
mAnanIyaH\, shlAghanIyashchAsti | tathApyanAdikAlAtpravR^ittAyA asyAH
saMskR^itabhAShAyAH sArvakAlikaH sevAvidheritihAsashchaturAnanAdapi
chaturatareNa kenachana kavinA kovidena vA na sampAdayituM shakyate iti
gatAmeva shatAbdImAshrityAyaM granthaH sandR^ibhyate | tatrApi kAlo yathA
niravadhiH\, pR^ithivyapi tathA vipuleti pR^ithivyAM bhArataM varShaM\,
bhArate varShe cha tadIyamuktamA~NgaM jambUsametaM kAshmIramevAvAlambyAyaM
samupakramaH | samastasyApyasya deshasya pradesho.ayaM
maulibhUto.apyadyAvadyairnarairutthApitAbhirvipadbhirabhibhUyamAno.astItyasmai
svastaye\, enaM prati bhAratAbhijana\-jana\-bhAvanAjAgaraNAya
chet evAyaM shubhArambhaH | kramashastu kR^itsnAyA api
surasarasvatIsevAparipUtamR^itsnAyA bhuvo.asyAM saMskR^itopahAryANAM
kAryANAM tatkAryakarANAM chAyaM vishada itihAsaH prastUyamAna evAsti |

iti
##
Encoded and proofread by Shankara shankara underscore 2000 at yahoo.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}