% Text title : Saddarshanam % File name : saddarshanam.itx % Category : vedanta, misc, sAhitya, upadesha, gaNapati-muni % Location : doc\_z\_misc\_general % Author : Vasishtha Ganapati Muni's Sanskrit version of Ramana Maharshi's Tamil Ulladu Narpadu (Forty Verses on Reality) % Proofread by : Sunder Hattangadi % Description-comments : The Collected Works of Vasishtha Kavyakantha Ganapati Muni Vol 04-12 % Latest update : July 8, 2013 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Saddarshanam ..}## \itxtitle{.. saddarshanam ..}##\endtitles ## shrIbhagavadramaNamaharShi\-virachita\-drAviDagranthasya saMskR^itAnuvAdAtmakam ma~Ngalam satpratyayAH kiM nu vihAya santaM hR^idyeSha chintArahito hR^idAkhyaH | kathaM smarAmastamameyamekaM tasya smR^itistatra dR^iDhaiva niShThA || 1 || mR^ityu~njayaM mR^ityubhiyAshritAnA\- mahaMmatirmR^ityumupaiti pUrvam | atha svabhAvAdamR^iteShu teShu kathaM punarmR^ityudhiyo.avakAshaH || 2 || granthArambhaH sarvairnidAnaM jagato.ahamashcha vAchyaH prabhuH kashchidapArashaktiH | chitre.atra lokyaM cha vilokitA cha paTaH prakAsho.apyabhavatsa ekaH || 3|| tattvagranthamAlA Arabhyate jIvajagatparAtma\- tattvAbhidhAnena mataM samastam | idaM trayaM yAvadahaMmati syAt sarvottamA.ahaMmatishUnyaniShThA || 4|| satyaM mR^iShA vA chididaM jaDaM vA duHkhaM sukhaM veti mudhA vivAdaH | adR^iShTalokA nirahaMpratIti\- rniShThA.avikalpA paramA.akhileShTA || 5|| sarUpabuddhirjagatIshvare cha sarUpadhIrAtmani yAvadasti | arUpakAtmA yadi kaH prapashyet sA dR^iShTirekA.anavadhirhi pUrNA || 6|| yatpa~nchakoshAtmakamasti dehaM tadantarA kiM bhuvanaM chakAsti | dehaM vinA pa~nchavidhaM tadetat pashyanti ke vA bhuvanaM bhaNantu || 7|| shabdAdirUpaM bhuvanaM samastaM shabdAdisattendriyavR^ittibhAsyA | sattendriyANAM manaso vashe syAt manomayaM tadbhuvanaM vadAmaH || 8|| dhiyA sahodeti dhiyAstameti lokastato dhIpravibhAsya eShaH | dhIlokajanmakShayadhAma pUrNaM sadvastu janmakShayashUnyamekam || 9|| bhavantu saddarshanasAdhanAni parasya nAmAkR^itibhiH saparyA | sadvastuni prAptadAtmabhAvA niShThaiva saddarshanamityavehi || 10|| dvandvAni sarvANyakhilAstripuTyaH ki~nchitsamAshritya vibhAnti vastu | tanmArgaNe syAdgalitaM samastaM na pashyatAM sachchalanaM kadApi || 11|| vidyA kathaM bhAti na chedavidyA vidyAM vinA kiM pravibhAtyavidyA | dvayaM cha kasyeti vichArya mUla\- svarUpaniShThA paramArthavidyA || 12|| boddhAramAtmAnamajAnato yo bodhaH sa kiM syAtparamArthabodhaH | bodhasya bodhyasya cha saMshrayaM svaM vijAnatastaddvitayaM vinashyet || 13|| nidrA na vidyA grahaNaM na vidyA gR^ihNAti ki~nchinna yathArthabodhe | nidrApadArthagrahaNetarA syAt chideva vidyA vilasantyashUnyA || 14|| satyashchidAtmA vividhAkR^itishchit sidhyetpR^ithaksatyachito na bhinnA | bhUShAvikArAH kimu santi satyaM vinA suvarNaM pR^ithagatra loke || 15|| tadyuShmadorasmadi sampratiShThA tasmin vinaShTe.asmadi mUlabodhAt | tadyuShmadasmanmativarjitaikA sthitirjvalantI sahajAtmanaH syAt || 16|| bhUtaM bhaviShyachcha bhavatsvakAle tadvartamAnasya vihAya tattvam | hAsyA na kiM syAdgatabhAvicharchA vinaikasa~NkhyAM gaNaneva loke || 17|| kva bhAti dikkAlakathA vinA.asmAn dikkAlalIleha vapurvayaM chet | na kvApi bhAmo na kadApi bhAmo vayaM tu sarvatra sadA cha bhAmaH || 18|| dehAtmabhAve j~najaDau samAnA\- vekasya dehe hR^idi dIpta AtmA | Akramya dehaM cha jagachcha pUrNaH parasya meyaM tanumAtramAtmA || 19|| aj~nasya vij~nasya cha vishvamasti pUrvasya dR^ishyaM jagadeva satyam | parasya dR^ishyAshrayabhUtamekaM satyaM prapUrNaM pravibhAtyarUpam || 20|| vidheH prayatnasya cha ko.api vAda\- stayordvayormUlamajAnatAM syAt | vidheH prayatnasya cha mUlavastu sa~njAnatAM naiva vidhirna yatnaH || 21|| yadIshiturvIkShaNamIkShitAra\- mavIkShya tanmAnasikekShaNaM syAt | na draShTuranyaH paramo hi tasya vIkShA svamUle pravilIya niShThA || 22|| AtmAnamIkSheta paraM prapashye\- dityAgamokteH sulabho na bhAvaH | nAtmaiva dR^ishyo yadi kA katheshe svayaM tadannIbhavanaM tadIkShA || 23|| dhiye prakAshaM paramo vitIrya svayaM dhiyo.antaH pravibhAti guptaH | dhiyaM parAvartya dhiyontare.atra saMyojanAnneshvaradR^iShTiranyA || 24|| na vakti deho.ahamiti prasuptau na ko.api nAbhUvamiti pravakti | yatrodite sarvamudeti tasya dhiyA.ahamaH shodhaya janmadesham || 25|| deho na jAnAti sato na janma dehapramANo.anya udeti madhye | aha~NkR^itigranthivibandhasUkShma\- sharIrachetobhavajIvanAmA || 26|| rUpodbhavo rUpatatipratiShTho rUpAshano dhUtagR^ihItarUpaH | svayaM virUpaH svavichArakAle dhAvatyaha~NkArapishAcha eShaH || 27|| bhAve.ahamaH sarvamidaM vibhAti laye.ahamo naiva vibhAti ki~nchit| tasmAdahaMrUpamidaM samastaM tanmArgaNaM sarvajayAya mArgaH || 28|| satyA sthitirnAhamudeti yatra tachchodayasthAnagaveShaNena | vinA na nashyedyadi tanna nashyet svAtmaikyarUpA kathamastu niShThA || 29|| kUpe yathA gADhajale tathAnta\- rnimajjya buddhyA shitayA nitAntam | prANaM cha vAchaM cha niyamya chinvan vindennijAha~NkR^itimUlarUpam || 30|| maunena majjanmanasA svamUla\- charchaiva satyAtmavichAraNaM syAt | eSho.ahametanna mama svarUpa\- miti pramA satyavichAraNA~Ngam || 31|| gaveShaNAtprApya hR^idantaraM tat patedahantA paribhugnashIrShA | athAhamanyatsphurati prakR^iShTaM nAha~NkR^itistatparameva pUrNam || 32|| aha~NkR^itiM yo lasati grasitvA kiM tasya kAryaM parishiShTamasti | ki~nchidvijAnAti sa nAtmano.anyat tasya sthitiM bhAvayituM kShamaH kaH || 33|| Aha sphuTaM tattvamasIti veda\- stathApyasamprApya parAtmaniShThAm | bhUyo vichAro matidurbalatvaM tatsarvadA svAtmatayA hi bhAti || 34|| na vedmyahaM mAmuta vedmyahaM mA\- miti pravAdo manujasya hAsyaH | dR^igdR^ishyabhedAt kimayaM dvidhAtmA svAtmaikatAyAM hi dhiyAM na bhedAH || 35|| hR^itprApya saddhAma nijasvarUpe svabhAvasiddhe.anupalabhya niShThAm | mAyAvilAsaH sadasatsarUpa\- virUpanAnaikamukhapravAdAH || 36|| siddhasya vittiH sata eva siddhiH svapnopamAnAH khalu siddhayo.anyAH | svapnaH prabuddhasya kathaM nu satyaH sati sthitaH kiM punareti mAyAm || 37|| so.ahaMvichAro vapurAtmabhAve sAhAyyakArI paramArgaNasya | svAtmaikyasiddhau sa punarnirartho yathA naratvapramitirnarasya || 38|| dvaitaM vichAre paramArthabodhe tvadvaitamityeSha na sAdhuvAdaH | gaveShaNAtprAgdashame vinaShTe pashchAchcha labdhe dashamatvamekam || 39|| karomi karmeti naro vijAnan bAdhyo bhavetkarmaphalaM cha bhoktum | vichAradhUtA hR^idi kartR^itA chet karmatrayaM nashyati saiva muktiH || 40|| baddhatvabhAve sati mokShachintA bandhastu kasyeti vichAraNena | siddhe svayaM svAtmani nityamukte kva bandhachintA kva cha mokShachintA || 41|| rUpiNyarUpiNyubhayAtmikA cha muktistrirUpeti vido vadanti | idaM trayaM yA vivinaktyahandhI\- stasyAH praNAshaH paramArthamuktiH || 42 || saddarshanaM drAviDavA~NnibaddhaM maharShiNA shrIramaNena shuddham | prabandhamutkR^iShTamamartyavANyA\- manUdya vAsiShThamunirvyatAnIt || 43 || sattattvasAraM saralaM dadhAnA mumukShulokAya mudaM dadAnA | amAnuShashrIramaNIyavANI\- mayUkhabhittirmunivAg vibhAti || 44|| || saddarshanaM samAptam|| ## Proofread by Sunder Hattangadi \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}