संस्कृतगङ्गाधारा
भावविशुद्धा, सरलासिद्धा, संस्कृतगङ्गा धारा ।
पतितपावनी, मुनिमनमोहनी, सकलविश्वशृङ्गारा ॥
संस्कृतगङ्गा धारा ॥ १॥
श्रुतिमणियुक्ता, पुराणचित्ता, शास्त्रशोभिता, विद्यावित्ता ।
यंत्रज्ञाना, शुचिविज्ञाना, तन्त्रमन्त्र ह्यवतारा ॥
संस्कृतगङ्गा धारा ॥ २॥
कविकुलवन्द्या, काव्यसमृद्धा, अतिरमणीया, मधुरा हृद्या ।
भासविलासिनि, कविजनहासिनि, सकलभ्रमपरिहारा ॥
संस्कृतगङ्गा धारा ॥ ३॥
माघव्यासः, कालीदासः, हर्षभारवी, कविवरभासः ।
संस्कृतसिन्धौ, वितरणशीलाः पदरचना व्यापारा ॥
संस्कृतभाषा धारा ॥ ४॥
-- कवि समर्थ श्री
॥ इति ॥
Encoded and proofread by Srinivas Kommireddy
srinivas.kommireddy at googlemail.com