% Text title            : sanyAsigItikA
% File name             : sanyAsigItikA.itx
% Category              : vedanta, misc, sahitya, advice, vivekAnanda
% Location              : doc\_z\_misc\_general
% Author                : Engilsh poem Song of the Sannyasin by Swami Vivekananda, Sanskrit translation by svAmI nityAnanda bhAratI shAstrI vedAchArya uttarakAshI
% Transliterated by     : sunderh at hotmail.com
% Proofread by          : sunderh at hotmail.com, Swami Mahayogananda, Shankara
% Translated by         : http://www.ramakrishnavivekananda.info/vivekananda/volume\_4/writings\_poems/the\_song\_of\_the\_sannyasin.htm
% Description-comments  : meter - Shardulavikridita
% Latest update         : November 28, 2011
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Song of the Sannyasin ..}##
\itxtitle{.. sa.nnyAsi gItikA ..}##\endtitles ##

gItaM gAya sutu~NgatAnasahitaM dUrAtsudUrotthitaM
sa.nsArodbhavadoShalesharahitashshvetAdrigarbhodbhavam .
utpannaM cha vanasthale.atigahane\,\-\-taddhyeva dodhvanyatAM
sanyAsin \! bhava vIrabhAvabharitaH sUdgItha udghoShyatAm ..
                                     \-\-OM tat sat OM .
       shAntiryasya kadApi vai dhanayashaHkAmairna saMbhidyate
       yasmi.nshchApi sumuktidA pravahati j~nAnasya ga~NgA sadA .
       satyAnandavidhAriNI bhagavatI\,\-\-tatrotthitaM gIyatAM
       sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   1
pAshA.nshChindhi tataH svakA.nshcha satataM ye tvAM nibadhnanti vai
sauvarNA.nshcha tathA chamatkR^itimato lohAdiyuktA.nshcha vA .
rAgadveShashubhAshubhaM cha \, \-\-sakalA dvandvAvalI dUyatAM
sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .
       sa.nshliShTo.atha cha daNDito.api kashayA dAsastu dAso hi saH
       sauvarNasya vighaTTito yadi bhavet pAshastu pAsho yataH .
       bandhAyaiva samarthitaH\,\-\-paramataH pAshashcha vichChidyatAM
       sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   2
dUraM gachChatu mohajAlajaTilaM tAmisrabhUtantamaH
yenaitaddhi subuddhivibhramakaraiH sa.nvardhyate.andhantamaH .
evaM mohamayI hi jIvanatR^iShA\-\-sA sarvathA shamyatAM
sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .
       utpatteshcha mR^itiM mR^iteshcha jananaM jIvo.anayAkR^iShyate
       svAtmA yena jitaH sakhe shR^iNu jagattenaiva sa~njIyate .
       viddhyevaM cha sadaiva mokShaNavidhau dhR^ityA vyavasthIyatAM
       sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   3
\" vaptA bhu~NkShyati nishchitaM phalamataH\, kAryaM cha vai kAraNAt
bhadrAdbhadramathAshubhAdashubhamapyetadvyavasthApitam .
shaktaH ko.api na la~NghituM kathamapi \" tvevaM tvayA buddhyatAM
sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .
       \"yastvAkAramavApsyati dhruvamidaM baddho bhaviShyatyasau\"
       etatsatyamathApi bho \! shR^iNu\, sadA muktaH sadAtmA yataH .
       nAmAkAravivarjito.asti cha\-\-tataH tat tvaM hi nishchIyatAM
       sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   4
te jAnanti na satyameva nitarAM ye svapnasa~NkalpitAn
pashyantyeva yathA\-\-pitA cha jananI putrAshcha patnI sakhA .
AtmA li~NgavivarjitaH shR^iNu sakhe \! vyarthaM na vai kalpyatAM
sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .
       AtmA kasya pitA \? tathA kathaya bho \!\-\-kasyAsti putrashcha saH \?
       bandhuH kasya \? tathA ripushcha vada yastveko hi nirli~NgakaH \?
       anyo nAsti tatashcha sarvamayataH\,\-\-tat tvaM hi nishchIyatAM
       sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   5
ekastiShThati nityamuktavibhavaH j~nAtA sadAtmA\, mune \!
nAmAkAravikArakalpanakalAlesho na tasmin mune \!
sAkShAttattvamasIti viddhi satataM j~nAne cha niShThIyatAM
sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .
       taM chAshritya tanoti mohaghaTitAn svapnAn hi mAyA bahUn
       sAkShI dR^ishyatayA vibhAti cha tathA jIvasvarUpastadA .
       sAkShAttattvamasIti viddhi satataM j~nAne cha niShThIyatAM
       sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   6
kutrAnviShyasi muktitAM \? priyasakhe \! nAyaM hi lokastu te
loko.anyo.api na datsyate kathamapi\, grantheShu vai mandire .
vyarthashchAsti parishramo.atra bhavatA svAbhyantare.anviShyatAM
sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .
       yena tvaM paripIDito.asi nitarAM\, haste tvadIye hi tat
       hastenaiva hi dhAryate cha sakalaM tvatpAshajAlaM mahat .
       tasmAchChokavilApanaM tyaja sakhe \! \-\-pAshashcha bho \! muchyatAM
       sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   7
sarvebhyo.astu shivaM tathA na cha bhavenmatto bhayaM prANinAM\,
svarge yastu virAjate\, kShititale nIchaishcha sarpanti ye .
sarveShAmahamasmi jIvanadharAtmeti\,\-\-tvayA kathyatAM
sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .
       AmuShmikyamathaihikaM cha sakalaM bhogaM tyajAmi svakaM
       svargaM\, bhaumamatho tathA cha narakaM\, sarvaM pratIkShAbhayam .
       sanyastaM hi mayeti bho \! kathaya\, cha tvadbandhanaM kartyatAM
       sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   8
tasmAnnaiva vichintyatAM nijavapustiShThatvatho yAtu vA
kAryaM tena susAdhitaM \, tvamadhunA daivArpaNaM tat kR^ithAH .
puShpairarchatu\, pAdamAkShipatu vA ki~nchinna vai kathyatAM
sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .
       pUjA tatra vigarhaNaM kathamapi sthAtuM na vai shaknutaH
       stutyastAvakanindyanidyakagaNAH yatraikyabhAvaM gatAH .
       itthaM shAntamanA bhavAn bhavatu cha dvaitaM na vai dR^ishyatAM
       sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   9
satyaM tatra na bhAsate\, yadi bhavet kAmo\, yasho\, lAlasA
yAM kA~nchitparipashyati striyamatho patnItvabhAvena yaH .
mokShastasya na shakyate kathamapi\,\-\-svAntastataH shudhyatAM
sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .
      svalpaM chApi parigrahantu kurute\, krodhena yo badhyate .
      mAyAdvAravipATanaM nahi sakhe \! duShTairhi sambhAvyate .
      tasmAnmokShavibhAvanAya satataM kAmAdikaM tyajyatAM
      sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   10
mitra \! tvaM hyaniketano bhava sadA\-\-kiM tadgR^ihaM yachcha bho \!
tvAmAchChadAyituM prabhurbhavati \? tu svAchChAdanaM te nabhaH .
shayyA te bhuvi sundarI tR^iNamayI\-\-tatra tvayA shrAmyatAM
sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .
       daivAllabdhamavApya bhojanamathApakvaM susiddhaM tathA
       ki~nchinnaiva vichintyatAM\, priyasakhe \! hyannAchcha pAnnAchcha vA .
       Atmaj~no na hi lipyate.atra bhavatA ga~NgAvadAcharyatAM
       sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   11
satyaM vetti hi kashchideva vibudhaH\, sheShastu vidvikShyate \!
tvAM chaivopahasiShyati hyatha khalastvaM chottamo vartase .
hAsyadveShamatastvayA hi sumahan \!\-\-ki~nchinna vai vIkShyatAM
sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .
       svAtantryeNa cha gamyatAM priyasakhe \! deshAchcha deshaM tathA\,
       mAyAmohasamAvR^itA.nshcha kuru bho \! mohAndhakArAdbahiH .
       tyaktvA kaShTabhayaM tathA sukhachayaM\-dvandvAtparaM sthIyatAM
       sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   12
itthaM chaiva dinAddinaM bhavati chet yAvaddhi karmakShayaH
AtmA mokShamavApsyati\, hyatha punarbhAvo na vartiShyate .
tasmAnmR^ityumukhAt pramuchya\, bhavatA\-\-svAtmanyavasthIyatAM
sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .
       tatrAsmanna cha yuShmadasti cha kuto jIveshabhAvabhramaH
       sarvaM mayyahameva vishvamakhilaM\, chAnandarUpo.asmyaham .
       nityAnandamayashcha\, bho \! tvamasi tat brahmeti nishchIyatAM
       sanyAsin \! bhava  vIrabhAvabharitaH sUdgItha udghoShyatAm ..
                                     \-\-OM tat sat OM .   13
##
\medskip\hrule\medskip
Encoded by Sunder Hattangadi sunderh at hotmail.com,
Proofread by Sunder Hattangadi, Swami Mahayogananda, Shankara

Song of the Sannyasin by Swami Vivekananda
Sanskrit translation by shrImat svAmI nityAnanda bhAratI shAstrI
vedAchArya uttarakAshI
meter - Shardulavikridita 

The English meaning is available at 
http://www.ramakrishnavivekananda.info/vivekananda/volume\_{}4/writings\_{}poems/the\_{}song\_{}of\_{}the\_{}sannyasin.htm

Also see Marathi, Hindi, Bangla translation links at
https://maasarada.blogspot.com/2015/06/uthaao-sanyaasi-uthao-se-taan-himaadri.html
There is one another sanyAsagItI in Marathi available in audio on this site.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}