% Text title            : trirangAShTakam Octad on Tricolour Rashtradhvaja
% File name             : trirangAShTakam.itx
% Category              : misc, aShTaka, vrajakishora
% Location              : doc\_z\_misc\_general
% Author                : Vrajakishora Tripathi
% Transliterated by     : Vrajakishora Tripathi
% Proofread by          : Vrajakishora Tripathi
% Latest update         : August 22, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Trirangashtakam Octad on Tricolour ..}##
\itxtitle{.. trira~NgAShTakam ..}##\endtitles ##
shIrShAMshe ramaNIyaku~Nkumanibho varNo sushauryAtmako
     madhyAMshe dhavalaH prashAntacharito yasyAH paribhrAjate |
nimnAMshe haritaM samR^iddhibharitaM chihnaM manora~njakaM
     vande bhAratabhAgyavardhanaratAM tAM nastrira~NgAM sadA || 1||
yasyAM rAjati sundaraM bahuguNaM chakraM svarApUritaM
     dyaurvarNAkalitaM mahAyudhasamaM nityaM riputrAsadam |
hindusthAnavikAsavardhanakaraM rAShTrasya shauryAspadaM
     vande bhAratabhAgyavardhanaratAM nastAM trira~NgAM sadA || 2||
muktAkAshatale yadA chalati sA vai bhAratIyA mudA
     sa~NgItena tadIyabhavyalalitaM kurvanti susvAgatam |
tadbhAvaM sukhadaM vikAsabharitaM jAnAti rAShTrapriyo
     vande bhAratabhAgyavardhanaratAM tAM nastrira~NgAM sadA || 3||
yA stambAd gagane prakhelati muhU rAShTronnatisthApinI
     yasyA rUpaguNAdiko vijayate chittaM narANAM kShaNAt |
yAM dR^iShTvA paradeshashAsakagaNaH sha~NkAkulaH sarvadA
     vande bhAratabhAgyavardhanaratAM tAM nastrira~NgAM sadA || 4||
yA bhUmau parirAjate janapade kAryAlaye veshmani
     saMsthAne janamAnase pratikare yAnedya bhavyotsave |
toye potagaNe punashcha nabhasi vyomAyane bhAsate
     vande bhAratabhAgyavardhanaratAM tAM nastrira~NgAM sadA || 5||
rAShTraM rAShTrapatishcha rAShTrajanatA rAShTrasya mantrI varo
     rAShTrAmAtyagaNaH pradhAnasachivo rAShTrIyamantrAlayaH |
netAro hi dalasya shAsakagaNo gAyanti natvApi yAM
     vande bhAratabhAgyavardhanaratAM tAM nastrira~NgAM sadA || 6||
rAjyANAM pramukhAdhikArinikarastanmukhyamantryAdayaH
     sainyAshChAtragaNashcha shikShakatatirnyAyAlayAsyAdhipAH |
deshapremijanA namanti nitarAM gItvA yadIyaM yasho
     vande bhAratabhAgyavardhanaratAM tAM nastrira~NgAM sadA || 7||
vande bhAratamAtaraM bahutaraM tatsaMvidhAnaM mudA
     svAdhInA~NkitarAShTriyaM janagaNaM ramyaM trira~Ngadhvajam |
dharmANAM nirapekShatAM natashirAs tatsArvabhaumaM prati
     vande lokamataM pradeshanikaraM tad\-rAShTragItaM sadA || 8||

iti shrIvrajakishoravirachitaM trira~NgAShTakaM sampUrNam |

##
Composed, encoded and proofread by Vrajakishora Tripathi.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}