धन्या कन्याकुमारि
त्रिसिन्धुतीरे त्रिलोकजननि
जयति त्रिगुणेश्वरि, धन्या कन्याकुमारि ॥ धृ॥
गङ्गाजलनिधिवन्दितचरणा
सिन्धुजलधिसंप्रार्थितकरुणा
हिन्दुमहोदधिविहितस्तवना
महालवाधीश्वरि, धन्या कन्याकुमारि ॥ १॥
पूर्वसागरे उदीयमानः
अपरसागरे विलीयमानः
सवितासंध्यावन्दनमनीषम्
कुरुते निरहंकारी, धन्या कन्याकुमारि ॥ २॥
पूर्वाचल एकतो बलीयाम्
पश्चिमाचलो परतोतिमहान्
तरुवरचामरवीजनमनीषम्
संतनुते प्रहरी, धन्या कन्याकुमारि ॥ ३॥
दीपमालिकाप्रकाशमाना
सुविहितचन्दनपङ्कलिंपना
सुस्मितवदना प्रसन्ननयना
विभाति परमेश्वरि, धन्या कन्याकुमारि ॥ ४॥
Encoded and proofread by Shashikant Joshi shashikgp at gmail.com
http://blog.practicalsanskrit.com/