Vanara Ashtakam

 वानराष्टकम् 
ईर्षी दक्षः क्रतौ रूपं स्तब्धःशुष्केन्धनं जवः ।
      दुर्मन्त्रिणमिति श्लोकाः कथिता वानराष्टके ।
ईर्षी घृणीत्वसन्तुष्टः क्रोधनो नित्यशङ्कितः ।
      परभाग्योपजीवी च षडेते दुःखभागिनः ॥ १॥

दक्षः श्रियमधिगच्छति पथ्याशी कल्यतां सुखमरोगी ।
उद्यक्तो विद्यां तथा धर्मार्थयशांसि विनीतः ॥ २॥

क्रतौ विवाहे व्यसने रिपुक्षये
      यशस्करे कर्मणि मित्रसङ्ग्रहे ।
प्रियासु नारीषु तथैव बान्धवे
      प्यतिव्ययो नास्ति नराधिपाष्टसु ॥ ३॥

रूपं जरा सर्वसुखानि तृष्णा
      खलेषु सेवा पुरुषाभिमानम् ।
याञ्चा गुरुत्वं गुणमात्मपूजा
      चिन्ता बलं हन्त्यदया च लक्ष्मीम् ॥ ४॥

स्तब्धस्य नश्यति यशो विषमस्य मैची
      नष्टक्रियस्य कुलमर्थपरस्य धर्मः ।
विद्याफल व्यसनिनः कृपयस्य पुस्तं
      राज्यं प्रमत्तसचिवस्य नराधिपस्य ॥ ५॥

शुष्केन्धने वह्निरुपैति वृद्धिं
      वालेषु शोक श्चपलेषु कोपः ।
कान्तासु कामो निपुणेषु चित्तं
      धर्मो दयावत्सु महत्स्सु धैर्यम् ॥ ६॥

जवोहि सप्तेः परमं विभूषणं
      चपाङ्गनायाः कृशता तपस्विनः ।
द्विजस्य विद्यैव मुनेरपिक्षमा
      पराक्रमः शस्त्रबलोपजीविनाम् ॥ ७॥

दुर्मस्त्रिणं कमुपयाति न नीतिदोषाः
      सन्तापयन्ति कमपथ्यभुजं न रोगाः ।
कं स्त्री न मोहयति कं न निहन्ति मृत्युः
      कं स्वीकृता न विषयाः परितापयन्ति ॥ ८॥

इति वानराष्टकं समाप्तम् ।

Encoded and proofread by Aaditya Kalyanaraman