% Text title            : varNoddhAratantravachanAni Explanation of construction of Devanagari letters
% File name             : varNoddhAratantravachanAni.itx
% Category              : misc, sahitya
% Location              : doc\_z\_misc\_general
% Author                : shabdakalpadruma of Radha Kanta Deb. Detailed explanation by Ganapatishastri Hebbar (1902-1987) in Sanskrit and Marathi
% Transliterated by     : Milind Khadilkar
% Proofread by          : Milind Khadilkar, NA
% Latest update         : September 11, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. varNoddhAratantravachanAni Explanation of construction of Devanagari letters ..}##
\itxtitle{.. varNoddhAratantravachanAni ..}##\endtitles ##
               (a)
dakShataH kuNDalI bhUtvA ku~nchitA vAmato gatA |
tatordhvasa~NgatA rekhA dakShordhvA tAsu sha~NkaraH ||
vidhirnArAyaNashchaiva santiShThetkramataH sadA |
ardhamAtrA shaktirUpA dhyAnamasya prachakShate ||
               (A)
akArarUpamAsAdya dakShakroDAyatA tvadhaH |
brahmAdayastathA shaktistAsu tiShThanti nityashaH ||
               (i)
UrdhvAdhaH kubjitA madhye rekhA tatsa~NgatA bhavet |
lakShmIrvANI tathendrANI kramAttAsveva saMvaset ||
shIrShAdhaH ku~nchitA rekhA dakShordhvA kAmarUpiNI |
mAtrAshaktiH koNayutA dhyAnamasya prachakShate ||
               (I)
UrdhvAdhaH ku~nchitA madhye trikoNAdhogatA punaH |
adhogatA koNashIrShA ku~nchitA dakShataH shubhA ||
shIrShAddakShe koNayutA ku~nchitordhvagatA punaH |
chandrasUryAgnirUpA sA mAtrAshaktiH prakIrtitA ||
               (u)
UrdhvAdho madhyataH kubjA rekhA vAmagatA shubhA |
tiShThanti vAyuvahnIdrAH shaktirmAtrA parA smR^itA ||
               (U)
tadrUpAdhogatA rekhA kubjitA vAmataH shubhA |
tiShThanti tAsu rekhAsu yamAgnivaruNaH kramAt ||
adhordhvagAminI mAtrA lakShmIrvANI cha sA smR^itA ||
               (R^i)
UrdhvAddakShagatA vakrA trikoNA vAmataH stataH |
punasvadhodakshagatA mAtrAshaktiH parA smR^itA ||
mAtrAsy brahmaviShNvIshAstiShThanti kramataH parAH |
               (R^i)
tadrUpAdhogatA dakShA vAmataH ku~nchitA tvadheH |
punardakShagatA rekhA tAsu brahameshaviShNavaH ||
mAtrAshaktiH parAj~neyA dhyAnamasya pravakShate ||
               (L^i)
rekhAdhaH kuNDalI vakrA dakShato vAmato gatA |
vahnIshavAyavastAsu nityaM santi cha nityashaH ||
               (L^I)
tatkroDatulyarUpA cha rekhA sA vaiShNavI smR^itA |
tatsu (tAsu) vandyAH sureshAni! durgA vANI sarasvatI ||
               (e)
ku~nchitA vAmato rekhA dakShakoNA.a.ayatA tvadhaH |
punarvAmagatA saiva tAsu vahnIshavAyavaH ||
               (ai)
ekArarUpamadhye tu ki~nchiddakShe tadordhvataH |
chandrendrabhAnavastAsu mAtrAshaktiH kramAtsmR^itA |
tridhAshaktimayI pUrvA durgA vANI sarasvatI ||
               (o)
vAmataH kuNDalIbhUtvA dakShAnmadhye tu ku~nchitA |
ki~nchiddakShagatA yA tu ku~nchitA vAmatastvadhaH |
brahmeshaviShNavastAsu mAtrA tu brahmarUpiNI |
shaktishcha paramA saiva dhyAnamasya pravakShate ||
               (au)
okAradakShamadhye tu gatA tUrdhvagatAyatA |
ki~nchitsA vAmato vakrA tAsu brahmeshaviShNavaH |
shaktirmadhyagatA rekhA dhyAnamasya pravakShyate ||
               (aM)
akArarUpa shIrShe tu dakShiNe bindurUpiNI |
brahmA viShNushcha rudrashcha kramashastAsu tiShThati |
yA tu bindumayI rekhA saivAdyA shaktirUpiNI ||
               (aH)
akArarUpadakShe tu dvibinduradha UrdhvataH |
brahmeshaviShNavastAsu mAtrAshaktiH samIritA |
bindudvayAnvitA rekhA saivAdyA shaktirIritA ||
               (ka)
vAmarekhAbhavedbrahmA viShNurdakShiNarekhikA |
adhorekhA bhavedrudro mAtrA sAkShAt sarasvatI ||
kuNDalI chA~NkushAkArA madhyashUnyaM sadAshivaH |
kadambagolakAkAraM kakAraM bhAvayetsudhIH ||
               (kha)
shivarUpA vAmarekhA dakSharekhA prajApatiH |
adhorekhA viShNurUpA sAkShAdbrahmasvarUpiNI ||
vAmAdvAmagatA rekhA vahnirUpA cha sA smR^itA |
mAtrA kuNDalinI sAkShAtkhakAraH pa~nchadaivataH ||
               (ga)
adhaH ku~nchitarekhA yA gANeshI sA prakIrtitA |
tato dakShagatA yA tu kamalA tatra saMsthitA ||
adhogatA tato yA tu tasyAmIshaM sadA vaset |
               (gha)
sR^iShTirUpA vAmarekhA ki~nchidAku~nchitA tataH |
kuNDalIrUpamAsthAya tato.adhogatya dakShataH ||
ata UrdhvaMgatA rekhA shambhurnArAyaNastayoH |
brahmasvarUpiNI devI mAtrAshaktiH prakIrtitA ||
               (~Na)
UrdhvAdhaH kramato rekhA ki~nchidAku~nchitA tataH |
adhogatA kuNDalI tu mAtrA shaktisvarUpiNI |
rekhAtrayeShu brahmeshaviShNavaH santi devatAH ||
               (cha)
vArtAkuvartulAkAra UrdhvAdhaH kramato gataH |
rekhAtrayeShu chandrAgnisUryAstiShThanti nityashaH |
shaktirmAtrA tu vij~neyA dhyAnamasya prachakShate ||
               (Cha)
UrdhvAdadhogatA rekhA ku~nchitA kuNDalI tataH |
punashchAdhogatA tAsu santi brahmeshaviShNavaH ||
               (ja)
UrdhvAdhaH ku~nchitA rekhA tAsu brahmeshasaMvibhuH |
vAgdevI kamalA nityA dvidhA mAtrA prakIrtitA ||
               (jha)
trikoNakuNDalIrUpA vAmadakShiNayogataH |
kramashastAsu tiShThanti chandrasUryAgnayaH priye ||
tatra kroDagatA mAtrA shaktirbrahmasvarUpiNI |
UrdhvamAtrA tathendrANI madhye nArAyaNI smR^itA ||
               (~na)
kuNDalIrUpamAsAdya dakShato vAmatastathA |
R^ijushchAdhogatA mAtrA vAmataH ku~nchitA punaH ||
tiShThanti tAsu nityAsu sUryendravaruNAH sadA |
kuNDalIdvayarUpA tu yA mAtrA madhyataH sthitA |
mahAshaktisvarUpA sA dhyAnamasya prachakShate ||
               (Ta)
UrdhvAdhaH kramato rekhA kuNDalIrUpatastvadhaH |
tiShThanti tAsu nityAsu kuberayamavAyavaH ||
mAtrA koNagatA chordhvA tata UrdhvagatA tu sA |
yA nityA paramA shaktishchaturvargapradAyinI ||
               (Tha)
vArtAkuvartulAkAro rekhAdhiShThitadaivataH |
tiShThanti kramato nityaM chandrasUryAgnayaH priye |
mAtrAhInastUrdhvashikhaShThakAraH parameshvari ||
               (Da)
UrdhvAdhaH kramato rekhA madhye tvAku~nchitA tathA |
lakShmIrvANI bhavAnI cha kramashastatra saMsthitA |
brahmarUpA tathA mAtrA mahAshaktiH prakIrtitA ||
               (Dha)
UrdhvAdhaH kramato rekhA vAmadakShiNato gatA |
tataH sA kuNDalIrUpA viShNvIshabrahmarUpiNI |
mahAshaktimayI mAtrA dhyAnamasya prachakShate ||
               (Na)
kuNDalItvagatA rekhA madhyatastata UrdhvataH |
vAmAdadhogatA saiva punarUrdhvaM gatA priye ||
               (ta)
Adau bindustato madhye kuNDalItvavApya sA |
dakShAdvAmagatA nityA brahmaviShNvIsharUpiNI ||
               (tha)
ku~nchitA kuNDalI bhUtvA vAmAddakShiNatastataH |
vAmataH ku~nchitA bhUtvA dakShAdho dakShato gatA ||
UrdhvaM R^ijvAyatA rekhA surA ga~NgAdayaH kramAt |
vANI bhavAnI lakShmIshcha dhyAnamasya prachakShate ||
               (da)
trishaktisahitaM devi tribindusahitaM tathA |
AtmAditattvasaMyuktaM dakAraM praNamAmyaham ||
               (dha)
trikoNarUparekhAyAM trayo devA vasanti hi |
vishveshvarI vishvamAtA vAmataH skandhataH sthitA ||
               (na)
vAmataH kuNDalI rekhA UrdhvAdhaH kramataH sthitA |
chandrAgnisUryarUpA sA mAtrA vANI prakIrtitA ||
               (pa)
ku~nchitA vAmarekhAyA koNAddakShiNato.aparA |
ku~nchitA sA.api vij~neyA mAtrA vAmodgatA tathA |
shambhurbrahmA bhagavatI kramashastAsu tiShThati ||
               (pha)
vakrA vAmagatA rekhA tato.adhaH sa~NgatA bhavet |
tasmAdUrdhvagatA bhUtvA dakShamArabhya kuNDalI ||
brahmA viShNushcha rudrashcha kuNDalI brahmarUpiNI |
mAtrA vAmAddakShiNataH kramashaH parikIrtitA ||
               (ba)
trikoNarUpiNI rekhA viShNvIshabrahmarUpiNI |
mAtrAshaktiH parAj~neyA dhyAnamasya prachakShate ||
               (bha)
UrdhvAdhaH kramato rekhA vAme vakrA tu kuNDalI |
punashchAdhogatA saiva ata UrdhvagatA punaH |
brahmAshambhushcha viShNushcha kramashastAsu tiShThati ||
athavA \-
ki~nchidAku~nchitA rekhA vAmAddakShiNato gatA |
tato vakrA vAmagatA tAsu vANyAdayaH kramAt |
R^ijumAtrA madhyagatA koNAddakShagatA punaH |
mahAshaktisvarUpA sA dhyAnamasya prachakShate ||
##The verse for ma is repeated as for bha, as an alternative##
               (ma)
UrdhvAdhaH kramato rekhA vAme vakrA tu kuNDalI |
punashchAdhogatA saiva ata UrdhvagatA punaH |
brahmAshambhushcha viShNushcha kramashastAsu tiShThati ||
               (ya)
UrdhvAdhaH kramato rekhA chatuShkoNamayI shubhA |
nArAyaNeshavidhayaH tAsu tiShThanti nityashaH |
mAtrA kuNDalinI j~neyA dhyAnamasya prachakShate ||
               (ra)
dakShataH kuNDalI rekhA vAmAddakShagatApyadhaH |
punardakShagatA dvedhA tato.adhogatya chordhvataH ||
bhavAnI sha~Nkaro vahnistAsu tiShThanti nityashaH |
ardhamAtrA brahmarUpA mahAshaktiH prakIrtitA ||
athavA \-
UrdhvAdha kramato rekhA trikoNAdhogatA hi sA |
vidhirIshaH keshavashcha tAsu tiShThanti nityashaH ||
UrdhvasthitA tu yA mAtrA sA shaktiH parikIrtitA |
tasya madhyagatA rekhA vahnirUpA hi sA smR^itA |
nirguNo.asau sadA varNo na kadAchid guNI bhavet ||
               (la) (La)
kuNDalItrayasaMyuktA vAmAddakShagatA tvadhaH |
punarUrdhvagatA rekhA tAsu nArAyaNaH shivaH |
brahmA shaktishcha santiShThet dhyAnamasya prachakShate ||
               (va)
koNatrayutA rekhA brahmaviShNushivAtmikA |
mAyA shaktiH parA nityA dhyAnamasya prachakShate ||
               (sha)
ku~nchitA vAmato dakShagatA tu gokR^itistvadhaH |
punarUrdhvagatA tAsu vahnichandradivAkaraH |
mAtrA bhavati vij~neyA dhyAnamasya prachakShate ||
               (Sha)
chatuShkoNamayI rekhA vAmAddakShiNataH kramAt |
vahnIndraviShNavastAsu tiShThanti kramataH sadA ||
UrdhvamAtrA shaktirUpA mahAlakShmIsamA smR^itA |
mAtrA madhyagatA yA tu vAgdevI sA parA smR^itA ||
               (sa)
ku~nchitA vAmato dakShagatA cha gokR^itistvadhaH |
punarUrdhvagatA tAsu vahnichandradivAkarAH |
mAtrA bhavAnI vij~neyA dhyAnamasya prachakShate ||
               (ha)
UrdhvAdAku~nchitA madhye kuNDalItvaM gatA tvadhaH |
punarUrdhvaM gatA saiva tAsu brahmAdayaH kramAt |
mAtrA cha pArvatI j~neyA dhyAnamasya prachakShate ||

iti shabdakalpadrumAntargatAni varNoddhAratantravachanAni samAptA |
##

Encoded and proofread by Milind Khadilkar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}