% Text title            : sAvitrIkRita yamastotram
% File name             : yamastotrasAvitrikritaBVP.itx
% Category              : misc, stotra
% Location              : doc\_z\_misc\_general
% Transliterated by     : Singanallur Ganesan singanallur at gmail.com, PSA Easwaran
% Proofread by          : Singanallur Ganesan, PSA Easwaran
% Description-comments  : brahmavaivartapurANa prakRitikhaNDa adhyAya 28
% Latest update         : January 31, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yamastotra by Savitri ..}##
\itxtitle{.. yamastotraM sAvitrIkR^ita brahmavaivartapurANAntargatam ..}##\endtitles ##

athAShTAviMsho.adhyAyaH |
shrI nArAyaNa uvAcha |
harerutkIrtanaM shrutvA sAvitrI yamavaktrataH |
sAshrunetrA supulakA yamaM punaruvAcha sA || 1||
sAvitryuvAcha |
harerutkIrtanaM dharma svakuloddhArakakAraNam |
shrotR^iNAM cha vaktR^iNAM janmamR^ityujarAharam || 2||
dAnAM cha vratAnAM cha siddhInAM tapasAM param |
yogAnAM cha vedAnAM sevanaM kIrtanaM hareH || 3||
muktatvamamaratvaM vA sarvasiddhitvameva vA |
shrIkR^iShNasevanasyaiva kalAM nArhanti ShoDashIm || 4||
bhajAmi kena vidhinA shrIkR^iShNaM prakR^iteH param |
mUDhAM mAmabalAM tAta vada vedavidAM varaH || 5||
shubhakarmavipAkaM cha shrutaM nR^iNAM manoharam |
karmAshubhavipAkaM cha tanme vyAkhyAtumarhasi || 6||
ityuktvA sA satI brahmanbhaktinamrAtmakaMdharA |
tuShTAva dharmarAjaM cha vedoktena stavena cha || 7||
sAvitryuvAcha |
tapasA dharmamArAdhya puShkare bhAsvaraH purA |
dharmAMshaM yam sutaM prApa dharmarAjaM namAmyaham || 8||
samatA sarvabhUteShu yasya sarvasya sAkShiNaH |
ato yannAma shamanamiti taM praNamAmyaham || 9||
yenAntashcha kR^ito vishve sarveShAM jIvinAM param |
karmAnurUpakAlena taM kR^itAntaM namAmyaham || 10||
bibharti daNDaM daNDyAya pApinAM shuddhihetave |
namAmi taM daNDadharaM yaH shAstA sarvakarmaNAm || 11||
vishve yaH kalayatyeva sarvAyushchApi saMtatam |
atIva durnivAryaM cha taM kAlaM praNamAmyaham || 12||
tapasvI vaiShNavo dharmo saMyamI vijitendriyaH |
jIvinAM karmaphaladaM taM yamaM praNamAmyaham || 13||
svAtmArAmashcha sarvaj~no mitraM puNyakR^itAM bhavet |
pApinaM kleshado yasya putro mitro namAmyaham || 14||
yajjanma brahmaNo vaMshe jwalantaM brahmatejasA |
yo dhyAyati param brahma brahmavaMshaM namAmyaham || 15||
ityuktvA sA cha sAvitrI praNanAma yamaM mune |
yamastAM viShNubhajanaM karmapAkamuvAcha ha || 16||
idaM yamAShTakaM nityaM prAtarutthAya yaH paThet |
yamAttasya bhayaM nAsti sarvapApAtpramuchyate || 17||
mahApApI yadi paThet nityaM bhaktyA cha nArada |
yamaH karoti taM shuddhaM kAyavyUhena nishchitam || 18||

iti shrIbrahmavaivarte mahApurANe prakR^itikhaNDe nAradanArAyaNasa.nvAde
sAvitrrikR^itayamastotraM nAmAShTAviMsho.adhyAyaH ||
##
brahmavaivartapurANa prakRitikhaNDa adhyAya 28
Encoded and proofread by
Singanallur Ganesan singanallur at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}