% Text title            : amarakosho nAmaliNgA.anushAsan Chapter (kANDa) 2
% File name             : amarfin2.itx
% Category              : amarakosha, major\_works
% Location              : doc\_z\_misc\_major\_works
% Author                : amarasin.ha
% Transliterated by     : Avinash Sathaye sohum at ms.uky.edu, Pramod, SV Ganesan
% Proofread by          : Avinash Sathaye sohum at ms.uky.edu, Pramod, SV Ganesan
% Latest update         : April 20, 1997
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Amarakosha Thesaurus Chapter 2 ..}##
\itxtitle{.. amarakosha athavA nAmali~NgA.anushAsanaM kANDa 2 ..}##\endtitles ##

\centerline{amarakoshe dvitIyaM bhUmyAdikANDam |}
\centerline{vargabhedAH|}
(2\.0\.1)  vargAH pR^ithvIpuraxmAbhR^idvanauShadhimR^igAdibhiH
(2\.0\.2)  nR^ibrahmaxatraviT shUdraiH sA~NgopA~NgairihoditAH
\centerline{bhUmivargaH}
(2\.1\.3)  bhUrbhUmirachalA.anantA rasA vishvambharA sthitA
(2\.1\.4)  dharA dharitrI dharaNiH xoNirjyA kAshyapI xitiH
(2\.1\.5)  sarvaMsahA vasumatI vasudhorvI vasundharA
(2\.1\.6)  gotrA kuH pR^ithivI pR^ithvI xmA.avanirmedinI mahI
(2\.1\.7)  vipulA gahvarI dhAtrI gaurilA kumbhinI xamA
(2\.1\.8)  bhUtadhAtrI ratnagarbhA jagatI sAgarAmbarA
(2\.1\.9)  mR^inmR^ittikA prashastA tu mR^itsA mR^itsnA cha mR^ittikA
(2\.1\.10)  urvarA sarvasasyADhyA syAdUShaH xAramR^ittikA
(2\.1\.11)  UShavAnUSharo dvAvapyanyali~Ngau sthalaM sthalI
(2\.1\.12)  samAnau marudhanvAnau dve khilAprahate same
(2\.1\.13)  triShvatho jagatI loko viShTapaM bhuvanaM jagat
(2\.1\.14)  loko.ayaM bhArataM varSham sharAvatyAstu yo.avadheH
(2\.1\.15)  deshaH prAgdaxiNaH prAchya udIchyaH pashchimottaraH
(2\.1\.16)  pratyanto mlechChadeshaH syAnmadhyaddeshastu madhyamaH
(2\.1\.17)  AryAvartaH puNyabhUmirmadhyaM vindhyahimAlayoH
(2\.1\.18)  nIvR^ijjanapado deshaviShayau tU.apavartanam
(2\.1\.19)  triShvAgoShThAnnaDaprAye naDvAnnaDvala ityapi
(2\.1\.20)  kumudvAnkumudaprAye vetasvAnbahuvetase
(2\.1\.21)  shAdvalaH shAdaharite sajambAle tu pa~NkilaH
(2\.1\.22)  jalaprAyamanUpaM syAtpu.nsi kachChastathAvidhaH
(2\.1\.23)  strI sharkarA sharkarilaH shArkaraH sharkarAvati
(2\.1\.24)  desha evAdimAvevavamunneyAH sikatAvati
(2\.1\.25)  desho nadyambuvR^iShTyambusa.npannavrIhipAlitaH
(2\.1\.26)  syAnnadImAtR^iko devamAtR^ikashcha yathAkramam
(2\.1\.27)  surAj~ni deshe rAjanvAnsyAttato.anyatra rAjavAn
(2\.1\.28)  goShThaM gosthAnakaM tattu gauShThInaM bhUtapUrvakam
(2\.1\.29)  paryantabhUH parisaraH seturAlau striyAM pumAn
(2\.1\.30)  vAmalUrashcha nAkushcha valmIkaM pu.nnapu.nsakam
(2\.1\.31)  ayanam vartma mArgAdhvapanthAnaH padavI sR^itiH
(2\.1\.32)  saraNiH paddhatiH padyA vartanyekapadIti cha
(2\.1\.33)  atipanthAH supanthAshcha satpathashchArchite.adhvani
(2\.1\.34)  vyadhvo duradhvo vipathaH kadadhvA kApathaH samAH
(2\.1\.35)  apanthAstvapathaM tulye shR^i~NgATakachatuShpathe
(2\.1\.36)  prAntaraM dUrashUnyo.adhvA kAntAraM vartma durgamam
(2\.1\.37)  gavyUtiH strI kroshayugaM nalvaH kiShkuchatuHshatam
(2\.1\.38)  ghaNTApathaH sa.nsaraNaM tatpurasyopaniShkaram
(2\.1\.39)  dyAvApR^ithivyau rodasyau dyAvAbhUmI cha rodasI
(2\.1\.40)  divaspR^ithivyau ga~njA tu rumA syAllavaNAkaraH   | iti bhUmivargaH
\centerline{puravargaH|}
(2\.2\.41)  pUH strI purInagaryau vA pattanaM puTabhedanam   | atha puravargaH
(2\.2\.42)  sthAnIyaM nigamo.anyattu yanmUlanagarAtpuram
(2\.2\.43)  tachChAkhAnagaraM vesho veshyAjanasamAshrayaH
(2\.2\.44)  ApaNastu niShadyAyAM vipaNiH paNyavIthikA
(2\.2\.45)  rathyA pratolI vishikhA syAchchayo vapramastriyAm
(2\.2\.46)  prAkAro varaNaH sAlaH prAchInaM prAtanto vR^itiH
(2\.2\.47)  bhittiH strI kuDyameDUkaM yadantarnyastakIkasam
(2\.2\.48)  gR^ihaM gehodavasitaM veshma sadma niketanam
(2\.2\.49)  nishAntaM pastyasadanaM bhavanAgAramandiram
(2\.2\.50)  gR^ihAH pu.nsi cha bhUmnyeva nikAyyanilayAlayAH
(2\.2\.51)  vAsaH kuTI dvayoH shAlA sabhA sa.njavanaM tvidam
(2\.2\.52)  chatuHshAlaM munInAM tu parNashAloTajo.astriyAm
(2\.2\.53)  chaityamAyatanaM tulye vAjishAlA tu mandurA
(2\.2\.54)  AveshanaM shilpishAlA prapA pAnIyashAlikA
(2\.2\.55)  maThashChAtrAdinilayo ga~njA tu madirAgR^iham
(2\.2\.56)  garbhAgAraM vAsagR^ihamariShTaM sUtikAgR^iham
(2\.2\.57)  kuTTimo.astrI nibaddhA bhUshchandrashAlA shirogR^iham
(2\.2\.58)  vAtAyanaM gavAxo.atha maNDapo.astrI janAshrayaH
(2\.2\.59)  harmyAdi dhaninAM vAsaH prAsAdo devabhUbhujAm
(2\.2\.60)  saudho.astrI rAjasadanamupakAryopakArikA
(2\.2\.61)  svastikaH sarvatobhadro nandyAvartAdayo.api cha
(2\.2\.62)  vichChandakaH prabhedA hi bhavantIshvarasadmanAm
(2\.2\.63)  stryagAraM bhUbhujAmantaHpuraM syAdavarodhanam
(2\.2\.64)  shuddhAntashchAvarodhashcha syAdaTTaH xaumamastriyAm
(2\.2\.65)  praghANapraghaNAlindA bahirdvAraprakoShThake
(2\.2\.66)  gR^ihAvagrahaNI dehalya~NgaNaM chatvarAjire
(2\.2\.67)  adhastAddAruNi shilA nAsA dArupari sthitam
(2\.2\.68)  prachChannamantardvAraM syAtpaxadvAraM tu paxakam
(2\.2\.69)  valIkanIdhre paTalaprAnte.atha paTalaM ChadiH
(2\.2\.70)  gopAnasI tu valabhI ChAdane vakradAruNi
(2\.2\.71)  kapotapAlikAyAM tu viTa~NkaM pu.nnapu.nsakam
(2\.2\.72)  strI dvArdvAraM pratIhAraH syAddhitardistu vedikA
(2\.2\.73)  toraNo.astrI bahirdvAram puradvAraM tu gopuram
(2\.2\.74)  kUTaM pUrdvAri yaddhastinakhastasminnatha triShu
(2\.2\.75)  kapATamararaM tulye tadviShkambho.argalaM na nA
(2\.2\.76)  ArohaNaM syAtsopAnaM nishreNistvadhirohiNI
(2\.2\.77)  sa.nmArjanI shodhanI syAtsa.nkaro.avakarastathA
(2\.2\.78)  xipte mukhaM niHsaraNaM sa.nnivesho nikarShaNam
(2\.2\.79)  samau sa.nvasathagrAmau veshmabhUrvAsturastriyAm
(2\.2\.80)  grAmAnta upashalyaM syAtsImasIme striyAmubhe
(2\.2\.81)  ghoSha AbhIrapallI syAtpakkaNaH shabarAlayaH   | iti puravargaH
\centerline{shailavargaH|}
(2\.3\.82)  mahIdhre shikharixmAbhR^idahAryadharaparvatAH   | atha shailavargaH
(2\.3\.83)  adrigotragirigrAvAchalashailashilochchayAH
(2\.3\.84)  lokAlokashchakravAlastrikUTastrikakutsamau
(2\.3\.85)  astastu charamaxmAbhR^idudayaH pUrvaparvataH
(2\.3\.86)  himavAnniShadho vindhyo mAlyavAnpAriyAtrikaH
(2\.3\.87)  gandhamAdanamanye cha hemakUTAdayo nagAH
(2\.3\.88)  pAShANaprastaragrAvopalAshmAnaH shilA dR^iShat
(2\.3\.89)  kUTo.astrI shikharaM shR^i~NgaM prapAtastvataTo bhR^iguH
(2\.3\.90)  kaTako.astrI nitambo.adreH snuH prasthaH sAnurastriyAm
(2\.3\.91)  utsaH prasravaNaM vAripravAho nirjharo jharaH
(2\.3\.92)  darI tu kandaro vA strI devakhAtabile guhA
(2\.3\.93)  gahvaraM gaNDashailAstu chyutAH sthUlopalA gireH
(2\.3\.94)  dantakAstu bahistiryak pradeshAnnirgatA gireH
(2\.3\.95)  khaniH striyAmAkaraH syAtpAdAH pratyantaparvatAH
(2\.3\.96)  upatyakAdrerAsannA bhUmirUrdhvamadhityakA
(2\.3\.97)  dhAturmanaHshilAdyadrergairikaM tu visheShataH
(2\.3\.98)  niku~njaku~njau vA klIbe latAdipihitodare   | iti shailavargaH
\centerline{vanauShadhivargaH|}
(2\.4\.99)  aTavyaraNyaM vipinaM gahanaM kAnanaM vanam   | atha vanauShadhivargaH
(2\.4\.100)  mahAraNyamaraNyAnI gR^ihArAmAstu niShkuTAH
(2\.4\.101)  ArAmaH syAdupavanaM kR^itrimaM vanameva yat
(2\.4\.102)  amAtyagaNikAgehopavane vR^ixavATikA
(2\.4\.103)  pumAnAkrIDa udyAnaM rAj~naH sAdhAraNaM vanam
(2\.4\.104)  syAdetadeva pramadavanamantaHpurochitam
(2\.4\.105)  vIthyAlirAvaliH pa~NktiH shreNI lekhAstu rAjayaH
(2\.4\.106)  vanyA vanasamUhe syAda~Nkuro.abhinavodbhidi
(2\.4\.107)  vR^ixo mahIruhaH shAkhI viTapI pAdapastaruH
(2\.4\.108)  anokahaH kuTaH shAlaH palAshI drudrumAgamAH
(2\.4\.109)  vAnaspatyaH phalaiH puShpAttairapuShpAdvanaspatiH
(2\.4\.110)  oShadhyaH phalapAkAntAH syuravandhyah phalegrahiH
(2\.4\.111)  vandhyo.aphalo.avakeshI cha phalavAnphalinaH phalI
(2\.4\.112)  praphullotphullasa.nphullavyAkoshavikachasphuTAH
(2\.4\.113)  phullashchaite vikasite syuravandhyAdayastriShu
(2\.4\.114)  sthANurvA nA dhruvaH sha~NkurhrasvashAkhAshiphaH xupaH
(2\.4\.115)  aprakANDe stambagulmau vallI tu vratatirlatA
(2\.4\.116)  latA pratAninI vIrudgulminyulapa ityapi
(2\.4\.117)  nagAdyAroha uchChrAya utsedhashchochChrayashcha saH
(2\.4\.118)  astrI prakANDaH skandhaH syAnmUlAchChAkhAvadhistaroH
(2\.4\.119)  same shAkhAlate skandhashAkhAshAle shiphAjaTe
(2\.4\.120)  shAkhAshiphAvarohaH syAnmUlAchchAgraM gatA latA
(2\.4\.121)  shirograM shikharaM vA nA mUlaM budhno.a~NghrinAmakaH
(2\.4\.122)  sAro majjA nari tvakstrI valkaM valkalamastriyAm
(2\.4\.123)  kAShThaM dArvindhanaM tvedha idhmamedhaH samitstriyAm
(2\.4\.124)  niShkuhaH koTaraM vA nA vallarirma~njariH striyau
(2\.4\.125)  patraM palAshaM ChadanaM dalaM parNaM ChadaH pumAn
(2\.4\.126)  pallavo.astrI kisalayaM vistAro viTapo.astriyAm
(2\.4\.127)  vR^ixAdInAM phalaM sasyaM vR^intaM prasavabandhanam
(2\.4\.128)  Ame phale shalATuH syAchChuShke vAnamubhe triShu
(2\.4\.129)  xArako jAlakaM klIbe kalikA korakaH pumAn
(2\.4\.130)  syAdguchChakastu stabakaH ku~Nmalo mukulo.astriyAm
(2\.4\.131)  striyaH sumanasaH puShpaM prasUnaM kusumaM sumam
(2\.4\.132)  makarandaH puShparasaH parAgaH sumanorajaH
(2\.4\.133)  dvihInaM prasave sarvaM harItakyAdayaH striyAm
(2\.4\.134)  AshvatthavaiNavaplAxanaiyagrodhai~Ngudam phale
(2\.4\.135)  bArhataM cha phale jambvA jambUH strI jambu jAmbavam
(2\.4\.136)  puShpe jAtIprabhR^itayaH svali~NgAH vrIhayaH phale
(2\.4\.137)  vidAryAdyAstu mUle.api puShpe klIbe.api pATalA
(2\.4\.138)  bodhidrumashchaladalaH pippalaH ku~njarAshanaH
(2\.4\.139)  ashvatthe.atha kapitthe syurdadhitthagrAhimanmathAH
(2\.4\.140)  tasmindadhiphalaH puShpaphaladantashaThAvapi
(2\.4\.141)  udumbaro jantuphalo yaj~nA~Ngo hemadugdhakaH
(2\.4\.142)  kovidAre chamarikaH kuddAlo yugapatrakaH
(2\.4\.143)  saptaparNo vishAlatvak shArado viShamachChadaH
(2\.4\.144)  Aragvadhe rAjavR^ixashampAkachatura~NgulAH
(2\.4\.145)  ArevatavyAdhighAtakR^itamAlasuvarNakAH
(2\.4\.146)  syurjambIre dantashaThajambhajambhIrajambhalAH
(2\.4\.147)  varuNo varaNaH setustiktashAkaH kumArakaH
(2\.4\.148)  pu.nnAge puruShastu~NgaH kesaro devavallabhaH
(2\.4\.149)  pAribhadre nimbatarurmandAraH pArijAtakaH
(2\.4\.150)  tinishe syandano nemI rathadruratimuktakaH
(2\.4\.151)  va~njulashchitrakR^ichchAtha dvau pItanakapItanau
(2\.4\.152)  AmrAtake madhUke tu guDapuShpamadhudrumau
(2\.4\.153)  vAnaprasthamadhuShThIlau jalaje.atra madhUlakaH
(2\.4\.154)  pIlau guDaphalaH sra.nsI tasmi.nstu girisambhave
(2\.4\.155)  axoTakandarAlau dvAva~NkoTe tu nikochakaH
(2\.4\.156)  palAshe ki.nshukaH parNo vAtapoto.atha vetase
(2\.4\.157)  rathAbhrapuShpavidurashItavAnIrava~njulAH
(2\.4\.158)  dvau parivyAdhavidulau nAdeyI chAmbuvetase
(2\.4\.159)  shobhA~njane shigrutIxNagandhakAxIvamochakAH
(2\.4\.160)  rakto.asau madhushigruH syAdariShTaH phenilaH samau
(2\.4\.161)  bilve shANDilyashailUShau mAlUrashrIphalAvapi
(2\.4\.162)  plaxo jaTI parkaTI syAnnyagrodho bahupAdvaTaH
(2\.4\.163)  gAlavaH shAbaro lodhrastirITastilvamArjanau
(2\.4\.164)  AmrashchUto rasAlo.asau sahakAro.atisaurabhaH
(2\.4\.165)  kumbholUkhalakaM klIbe kaushiko gugguluH puraH
(2\.4\.166)  sheluH shleShmAtakaH shIta uddAlo bahuvArakaH
(2\.4\.167)  rAjAdanaM priyAlaH syAtsannakadrurdhanuHpaTaH
(2\.4\.168)  gambhArI sarvatobhadrA kAshmarI madhuparNikA
(2\.4\.169)  shrIparNI bhadraparNI cha kAshmaryashchApyatha dvayoH
(2\.4\.170)  karkandhUrbadarI koliH kolaM kuvalaphenile
(2\.4\.171)  sauvIraM badaraM ghoNTApyatha syAtsvAdukaNTakaH
(2\.4\.172)  vika~NkataH suvAvR^ixo granthilo vyAghrapAdapi
(2\.4\.173)  airAvato nAgara~Ngo nAdeyI bhUmijambukA
(2\.4\.174)  tindukaH sphUrjakaH kAlaskandhashcha shitisArake
(2\.4\.175)  kAkenduH kulakaH kAkatindukaH kAkapIluke
(2\.4\.176)  golIDho jhATalo ghaNTApATalirmoxamuShkakau
(2\.4\.177)  tilakaH xurakaH shrImAnsamau pichulajhAvukau
(2\.4\.178)  shrIparNikA kumudikA kumbhI kaiTaryakaTphalau
(2\.4\.179)  kramukaH paTTikAkhyaH syAtpaTTI lAxAprasAdanaH
(2\.4\.180)  tUdastu yUpaH kramuko brahmaNyo brahmadAru cha
(2\.4\.181)  tUlaM cha nIpapriyakakadambAstu haripriyaH
(2\.4\.182)  vIravR^ixo.aruShkaro.agnimukhI bhallAtakI triShu
(2\.4\.183)  gardabhANDe kandarAlakapItanasupArshvakAH
(2\.4\.184)  plaxashcha tintiDI chi~nchAmlikAtho pItasArake
(2\.4\.185)  sarjakAsanabandhUkapuShpapriyakajIvakAH
(2\.4\.186)  sAle tu sarjakArshyAshvakarNakAH sasyasambaraH
(2\.4\.187)  nadIsarjo vIratarurindradruH kakubho.arjunaH
(2\.4\.188)  rAjAdanaH phalAdhyaxaH xIrikAyAmatha dvayoH
(2\.4\.189)  i~NgudI tApasatarurbhUrje charmimR^idutvachau
(2\.4\.190)  pichChilA pUraNI mochA sthirAyuH shAlmalirdvayoH
(2\.4\.191)  pichChA tu shAlmalIveShTe rochanaH kUTashAlmaliH
(2\.4\.192)  chirabilvo naktamAlaH karajashcha kara~njake
(2\.4\.193)  prakIryaH pUtikarajaH pUtikaH kalimArakaH
(2\.4\.194)  kara~njabhedAH ShDgrantho markaTya~NgAravallarI
(2\.4\.195)  rohI rohitakaH plIhashatrurdADimapuShpakaH
(2\.4\.196)  gAyatrI bAlatanayaH khadiro dantadhAvanaH
(2\.4\.197)  arimedo viT.hkhadire kadaraH khadire site
(2\.4\.198)  somavalko.apyatha vyAghrapuchChagandharvahastakau
(2\.4\.199)  eraNDa urubUkashcha ruchakashchitrakashcha saH
(2\.4\.200)  cha~nchuH pa~nchA~Ngulo maNDavardhamAnavyaDambakAH
(2\.4\.201)  alpA shamI shamIraH syAchChamI saktuphalA shivA
(2\.4\.202)  piNDItako marubakaH shvasanaH karahATakaH
(2\.4\.203)  shalyashcha madane shakrapAdapaH pAribhadrakaH
(2\.4\.204)  bhadradAru drukilimaM pItadAru cha dAru cha
(2\.4\.205)  pUtikAShThaM cha sapta syurdevadAruNyatha dvayoH
(2\.4\.206)  pATaliH pATalAmoghA kAchasthAlI phaleruhA
(2\.4\.207)  kR^iShNavR^intA kuberAxI shyAmA tu mahilAhvayA
(2\.4\.208)  latA govandanI gundrA priya~NguH phalinI phalI
(2\.4\.209)  viShvaksenA gandhaphalI kArambhA priyakashcha sA
(2\.4\.210)  maNDUkaparNapatrorNanaTakaTva~NgaTuNTukAH
(2\.4\.211)  syonAkashukanAsarxadIrghavR^intakuTannaTAH
(2\.4\.212)  amR^itA cha vayaHsthA cha trili~Ngastu bibhItakaH
(2\.4\.213)  nAxastuShaH karShaphalo bhUtAvAsaH kalidrumaH
(2\.4\.214)  abhayA tvavyathA pathyA kAyasthA pUtanAmR^itA
(2\.4\.215)  karItakI haimavatI chetakI shreyasI shivA
(2\.4\.216)  pItadruH saralaH pUtikAShThaM chAtha drumotpalaH
(2\.4\.217)  karNikAraH parivyAdho lakucho likucho DahuH
(2\.4\.218)  panasaH kaNTakiphalo nichulo hijjalo.ambujaH
(2\.4\.219)  kAkodumbarikA phalgurmalayUrjaghanephalA
(2\.4\.220)  ariShTaH sarvatobhadrahi~NguniryAsamAlakAH
(2\.4\.221)  pichumandashcha nimbe.atha pichChilAgurushi.nshapA
(2\.4\.222)  kapilA bhasmagarbhA sA shirIShastu kapItanaH
(2\.4\.223)  bhaNDilo.apyatha chAmpeyashchampako hemapuShpakaH
(2\.4\.224)  etasya kalikA gandhaphalI syAdatha kesare
(2\.4\.225)  bakulo va~njulo.ashoke samau karakadADimau
(2\.4\.226)  chAmpeyaH kesaro nAgakesaraH kA~nchanAhvayaH
(2\.4\.227)  jayA jayantI tarkArI nAdeyI vaijayantikA
(2\.4\.228)  shrIparNamagnimanthaH syAtkaNikA gaNikArikA
(2\.4\.229)  jayo.atha kuTajaH shakro vatsako girimallikA
(2\.4\.230)  etasyaiva kali~NgendrayavabhadrayavaM phale
(2\.4\.231)  kR^iShNapAkaphalAvignasuSheNAH karamardake
(2\.4\.232)  kAlaskandhastamAlaH syAttApichCho.apyatha sinduke
(2\.4\.233)  sinduvArendrasurasau nirguNDIndrANiketyapi
(2\.4\.234)  veNI garA garI devatADo jImUta ityapi
(2\.4\.235)  shrIhastinI tu bhUruNDI tR^iNashUnyaM tu mallikA
(2\.4\.236)  bhUpadI shItabhIrushcha saivAsphoTA vanodbhavA
(2\.4\.237)  shephAlikA tu suvahA nirguNDI nIlikA cha sA
(2\.4\.238)  sitAsau shvetasurasA bhUtaveshyatha mAgadhI
(2\.4\.239)  gaNikA yUthikAmbaShThA sA pItA hemapuShpikA
(2\.4\.240)  atimuktaH puNDrakaH syAdvAsantI mAdhavI latA
(2\.4\.241)  sumanA mAlatI jAtiH saptalA navamAlikA
(2\.4\.242)  mAdhyaM kundaM raktakastu bandhUko bandhujIvakaH
(2\.4\.243)  sahA kumArI taraNiramlAnastu mahAsahA
(2\.4\.244)  tatra shoNe kurabakastatra pIte kurakaNTakaH
(2\.4\.245)  nIlI jhiNTI dvayorbANA dAsI chArtagalashcha sA
(2\.4\.246)  saireyakastu jhiNTI syAttasminkurabako.aruNe
(2\.4\.247)  pItA kuraNTako jhiNTI tasminsahacharI dvayoH
(2\.4\.248)  oNDrapuShpaM japApuShpaM vajrapuShpaM tilasya yat
(2\.4\.249)  pratihAsashataprAsachaNDAtahayamArakAH
(2\.4\.250)  karavIre karIre tu krakaragranthilAvubhau
(2\.4\.251)  unmattaH kitavo dhUrto dhattUraH kanakAhvayaH
(2\.4\.252)  mAtulo madanashchAsya phale mAtulaputrakaH
(2\.4\.253)  phalapUro bIjapUro ruchako mAtulu~Ngake
(2\.4\.254)  samIraNo marubakaH prasthapuShpaH phaNijjakaH
(2\.4\.255)  jambIro.apyatha parNAse kaThi~njarakuTherakau
(2\.4\.256)  site.arjako.atra pAThI tu chitrako vahnisa.nj~nakaH
(2\.4\.257)  arkAhvavasukAsphoTagaNarUpavikIraNAH
(2\.4\.258)  mandArashchArkaparNo.atra shukle.alarkapratApasau
(2\.4\.259)  shivamallI pAshupata ekAShThIlo buko vasuH
(2\.4\.260)  vandA vR^ixAdanI vR^ixaruhA jIvantiketyapi
(2\.4\.261)  vatsAdanI ChinnaruhA guDUchI tantrikAmR^itA
(2\.4\.262)  jIvantikA somavallI vishalyA madhuparNyapi
(2\.4\.263)  mUrvA devI madhurasA moraTA tejanI sravA
(2\.4\.264)  madhUlikA madhushreNI gokarNI pIluparNyapi
(2\.4\.265)  pATAmbaShTA viddhakarnNI sthApanI shreyasI rasA
(2\.4\.266)  ekAShTIlA pApachelI prAchInA vanatiktikA
(2\.4\.267)  kaTuH kaTambharAshokarohiNI kaTurohiNI
(2\.4\.268)  matsyapittA kR^iShNabhedI chakrA~NgI shakulAdanI
(2\.4\.269)  AtmaguptAjahAvyaNDA kaNDUrA prAvR^iShAyaNI
(2\.4\.270)  R^iShyaproktA shUkashimbiH kapikachChushcha markaTI
(2\.4\.271)  chitropachitrA nyagrodhI dravantI shambarI vR^ishA
(2\.4\.272)  pratyakShreNI sutashreNI raNDA mUShikaparNyapi
(2\.4\.273)  apAmArgaH shaikhariko dhAmArgavamayUrakau
(2\.4\.274)  pratyakparNI keshaparNI kiNihI kharama~njarI
(2\.4\.275)  ha~njikA brAhmaNI padmA bhargI brAhmaNayaShTikA
(2\.4\.276)  a~NgAravallI bAleyashAkabarbaravardhakAH
(2\.4\.277)  ma~njiShTA vikasA ji~NgI sama~NgA kAlameShikA
(2\.4\.278)  maNDUkaparNI maNDIrI bhaNDI yojanavallyapi
(2\.4\.279)  yAso yavAso duHsparsho dhanvayAsaH kunAshakaH
(2\.4\.280)  rodanI kachChurAnantA samudrAntA durAlabhA
(2\.4\.281)  pR^ishniparNI pR^ithakparNI chitraparNya~NghrivallikA
(2\.4\.282)  kroShTuvinnA si.nhapuchChI kalashI dhAvanI guhA
(2\.4\.283)  nidigdhikA spR^ishI vyAghrI bR^ihatI kaNTakArikA
(2\.4\.284)  prachodanI kulI xudrA duHsparshA rAShTriketyapi
(2\.4\.285)  nIlI kAlA klItakikA grAmINA madhuparNikA
(2\.4\.286)  ra~njanI shrIphalI tutthA droNI dolA cha nIlinI
(2\.4\.287)  avalgujaH somarAjI suvalliH somavallikA
(2\.4\.288)  kAlameShI kR^iShNaphalI bAkuchI pUtiphalyapi
(2\.4\.289)  kR^iShNopakulyA vaidehI mAgadhI chapalA kaNA
(2\.4\.290)  uShaNA pippalI shauNDI kolAtha karipippalI
(2\.4\.291)  kapivallI kolavallI shreyasI vashiraH pumAn
(2\.4\.292)  chavya.n tu chavikA kAkachi~nchIgu~nje tu kR^iShNalA
(2\.4\.293)  pala.nkaShA tvixugandhA shvada.nShTrA svAdukaNTakaH
(2\.4\.294)  gokaNTako goxurako vanashR^in~NgATa ityapi
(2\.4\.295)  vishvA viShA prativiShAtiviShopaviShAruNA
(2\.4\.296)  shR^ingI mahauShadha.n chAtha xIrAvI dugdhikA same
(2\.4\.297)  shatamUlI bahusutAbhIrUrindIvarI varI
(2\.4\.298)   R^iShyaproktAbhIrupatrInArAyaNyaH shatAvarI
(2\.4\.299)  aheruratha pItadrukAlIyakaharidravaH
(2\.4\.300)  dArvI pacha.npachA dAruharidrA parjanItyapi
(2\.4\.301)  vachogragandhA ShaD.hgranthA golomI shataparvikA
(2\.4\.302)  shuklA haimavatI vaidhyamAtR^isi.nhyau tu vAshikA
(2\.4\.303)  vR^iSho.aTarUShaH si.nhAsyo vAsako vAjidantakaH
(2\.4\.304)  AsphoTA girikarNI syAdviShNukrAntAparAjitA
(2\.4\.305)  ixugandhA tu kANDexukokilAxexuraxurAH
(2\.4\.306)  shAleyaH syAchChItashivashChatrA madhurikA misiH
(2\.4\.307)  mishreyApyatha sIhuNDo vajraH snukstrI snuhI guDA
(2\.4\.308)  samantadugdhAtho vellamamoghA chitrataNDulA
(2\.4\.309)  taNDulashcha kR^imighnashcha viDa~NgaM pu.nnapu.nsakam
(2\.4\.310)  balA vATyAlakA ghaNTAravA tu shaNapuShpikA
(2\.4\.311)  mR^idvIkA gostanI drAxA svAdvI madhuraseti cha
(2\.4\.312)  sarvAnubhUtiH saralA tripuTA trivR^itA trivR^it
(2\.4\.313)  tribhaNDI  rochanI shyAmApAlindhyau tu suSheNikA
(2\.4\.314)  kAlA masUravidalArdhachandrA kAlameShikA
(2\.4\.315)  madhukaM klItakaM yaShTimadhukaM madhuyaShTikA
(2\.4\.316)  vidArI xIrashuklexugandhA kroShTI tu yA sitA
(2\.4\.317)  anyA xIravidArI syAnmahAshvetarxagandhikA
(2\.4\.318)  lA~NgalI shAradI toyapippalI shakulAdanI
(2\.4\.319)  kharAshvA kAravI dIpyo mayUro lochamastakaH
(2\.4\.320)  gopI shyAmA shArivA syAdanantotpalashArivA
(2\.4\.321)  yogyamR^iddhiH siddhilaxmyau vR^iddherapyAhvayA ime
(2\.4\.322)  kadalI vAraNabusA rambhA mochA.nshumatphalA
(2\.4\.323)  kAShThIlA mudgaparNI tu kAkamudgA sahetyapi
(2\.4\.324)  vArtAkI hi~NgulI si.nhI bhaNTAkI duShpradharShiNI
(2\.4\.325)  nAkulI surasA rAsnA sugandhA gandhanAkulI
(2\.4\.326)  nakuleShTA bhuja.ngAxI ChatrAkI suvahA cha sA
(2\.4\.327)  vidArigandhA.nshumatI sAlaparNI sthirA dhruvA
(2\.4\.328)  tuNDikerI samudrAntA kArpAsI badareti cha
(2\.4\.329)  bhAradvAjI tu sA vanyA shR^i~NgI tu R^iShabho vR^ishaH
(2\.4\.330)  gA~NgerukI nAgabalA jhaShA hrasvagavedhukA
(2\.4\.331)  dhAmArgavo ghoshakaH syAnmahAjAlI sa pItakaH 883
(2\.4\.332)  jyotsnI paTolikA jAlI nAdeyI bhUmijambukA
(2\.4\.333)  syAllA~NgalikyagnishikhA kAkA~NgI kAkanAsikA
(2\.4\.334)  godhApadI tu suvahA musalI tAlamUlikA
(2\.4\.335)  ajashR^i~NgI viShANI syAdgojihvAdArvike same
(2\.4\.336)  tAmbUlavallI tambUlI nAgavallyapyatha dvijA
(2\.4\.337)  hareNU reNukA kauntI kapilA bhasmagandhinI
(2\.4\.338)  elAvAlukamaileyaM sugandhi harivAlukam
(2\.4\.339)  vAlukaM chAtha pAla~NkyAM mukundaH kundakundurU
(2\.4\.340)  bAlaM hrIberabarhiShThodIchyaM keshAmbunAma cha
(2\.4\.341)  kAlAnusAryavR^iddhAshmapuShpashItashivAni tu
(2\.4\.342)  shaileyaM tAlaparNI tu daityA gandhakuTI murA
(2\.4\.343)  gandhinI gajabhaxyA tu suvahA surabhI rasA
(2\.4\.344)  maheraNA kundurukI sallakI hlAdinIti cha
(2\.4\.345)  agnijvAlAsubhixe tu dhAtakI dhAtupuShpikA
(2\.4\.346)  pR^ithvIkA chandravAlailA niShkuTirbahilAtha sA
(2\.4\.347)  sUxmopaku~nchikA tutthA kora~NgI tripuTA truTiH
(2\.4\.348)  vyAdhiH kuShTaM pAribhAvyaM vApyaM pAkalamutpalam
(2\.4\.349)  sha~NkhinI chorapuShpI syAtkeshinyatha vitunnakaH
(2\.4\.350)  jhaTAmalAjjhaTA tAlI shivA tAmalakIti cha
(2\.4\.351)  prapauNDarIkaM pauNDaryamatha tunnaH kuberakaH
(2\.4\.352)  kuNiH kachChaH kAntalako nandivR^ixo.atha rAxasI
(2\.4\.353)  chaNDA dhanaharI xemaduShpatragaNahAsakAH
(2\.4\.354)  vyADAyudhaM vyAghranakhaM karajaM chakrakArakam
(2\.4\.355)  suShirA vidrumalatA kapotA~NghrirnaTI nalI
(2\.4\.356)  dhamanya~njanakeshI cha hanurhaTTavilAsinI
(2\.4\.357)  shuktiH sha~NkhaH khuraH koladalaM nakhamathADhakI
(2\.4\.358)  kAxI mR^itsnA tuvarikA mR^ittAlakasurAShTraje
(2\.4\.359)  kuTannaTaM dAshapuraM vAneyaM paripelavam
(2\.4\.360)  plavagopuragonardakaivartImustakAni cha
(2\.4\.361)  granthiparNaM shukaM barhaM  puShpaM sthauNeyakukkure
(2\.4\.362)  marunmAlA tu pishunA spR^ikkA devI latA laghuH
(2\.4\.363)  samudrAntA vadhUH koTivarShA la~Nkopiketyapi
(2\.4\.364)  tapasvinI jaTAmA.nsI jaTilA lomashAmiShI
(2\.4\.365)  tvakpatramutkaTaM bhR^i~NgaM tvachaM chochaM varA~Ngakam
(2\.4\.366)  karchUrako drAviDakaH kAlpako vedhamukhyakaH
(2\.4\.367)  oShadhyo jAtimAtre syurajAtau sarvamauShadham
(2\.4\.368)  shAkAkhyaM patrapuShpAdi taNDulIyo.alpamAriShaH
(2\.4\.369)  vishalyAgnishikhAnantA phalinI shakrapuShpikA
(2\.4\.370)  syAddaxagandhA ChagalAntrayAvegI vR^iddhadArakaH
(2\.4\.371)  ju~Ngo brahmI tu matsyAxI vayaHsthA somavallarI
(2\.4\.372)  paTuparNI haimavatI svarNaxIrI himAvatI
(2\.4\.373)  hayapuchChI tu kAmbojI mAShaparNI mahAsahA
(2\.4\.374)  tuNDikerI raktaphalA bimbikA pIluparNyapi
(2\.4\.375)  barbarA  kabarI tu~NgI kharapuShpAjagandhikA
(2\.4\.376)  elAparNI  tu suvahA rAsnA yuktarasA cha sA
(2\.4\.377)  chA~NgerI chukrikA dantashaTAmbaShThAmlaloNikA
(2\.4\.378)  sahasravedhI chukro.amlavetasaH shatavedhyapi
(2\.4\.379)  namaskArI gaNDakArI sama~NgA khadiretyapi
(2\.4\.380)  jIvantI jIvanI jIvA jIvanIyA madhusravA
(2\.4\.381)  kUrchashIrSho madhurakaH shR^i~NgahrasvA~NgajIvakAH
(2\.4\.382)  kirAtatikto bhUnimbo.anAryatikto.atha saptalA
(2\.4\.383)  vimalA sAtalA bhUriphenA charmakaShetyapi
(2\.4\.384)  vAyasolI svAdurasA vayaHsthAtha makUlakaH
(2\.4\.385)  nikumbho dantikA pratyakShreNyudumbaraparNyapi
(2\.4\.386)  ajamodA tUgragandhA brahmadarbhA yavAnikA
(2\.4\.387)  mUle puShkarakAshmIrapadmapatrANi pauShkare
(2\.4\.388)  avyathAticharA padmA chAraTI padmachAriNI
(2\.4\.389)  kAmpilyaH karkashashchandro raktA~Ngo rochanItyapi
(2\.4\.390)  prapunnADastveDagajo dadrughnashchakamardakaH
(2\.4\.391)  padmATa uraNAkhyashcha palANDustu sukandakaH
(2\.4\.392)  latArkadudrumau tatra harite.atha mahauShadham
(2\.4\.393)  lashunaM gR^i~njanAriShTamahAkandarasonakAH
(2\.4\.394)  punarnavA tu shothaghnI vitunnaM suniShaNNakam
(2\.4\.395)  syAdvAtakaH shItalo.aparAjitA shaNaparNyapi
(2\.4\.396)  pArAvatA~NghriH kaTabhI paNyA jyotiShmatI latA
(2\.4\.397)  vArShikaM trAyamANA syAttrAyantI balabhadrikA
(2\.4\.398)  viShvaksenapriyA gR^iShTirvArAhI badaretyapi
(2\.4\.399)  mArkavo bhR^i~NgarAjaH syAtkAkamAchI tu vAyasI
(2\.4\.400)  shatapuShpA sitachChatrAtichChatrA madhurA misiH
(2\.4\.401)  avAkpuShpI kAravI cha saraNA tu prasAriNI
(2\.4\.402)  tasyAM kaTa.nbharA rAjabalA bhadrabaletyapi
(2\.4\.403)  janI jatUkA rajanI jatukR^ichchakravartinI
(2\.4\.404)  sa.nsparshAtha shaTI gandhamUlI ShaD.hgranthiketyapi
(2\.4\.405)  karchUro.api palAsho.atha kAravellaH kaThillakaH
(2\.4\.406)  suShavI chAtha kulakaM patolastiktakaH paTuH
(2\.4\.407)  kUShmANDakastu karkArururvAruH karkaTI striyau
(2\.4\.408)  ixvAkuH kaTutumbI syAttumbyalAbUrubhe same
(2\.4\.409)  chitrA gavAxI goDumbA vishAlA tvindravAruNI
(2\.4\.410)  arshoghnaH sUraNaH kando gaNDIrastu samaShThilA
(2\.4\.411)  kalambyupodikA strI tu mUlakaM hilamochikA
(2\.4\.412)  vAstukaM shAkabhedAH syurdUrvA tu shataparvikA
(2\.4\.413)  sahasravIryAbhArgavyau ruhAnantAtha sA sitA
(2\.4\.414)  golomI shatavIryA cha gaNDAlI shakulAxakA
(2\.4\.415)  kuruvindo meghanAmA mustA mustakamastriyAm
(2\.4\.416)  syAdbhadramustako gundrA chUDAlA  chakralochchaTA
(2\.4\.417)  va.nshe tvaksArakarmAratvAchisAratR^iNadhvajAH
(2\.4\.418)  shataparvA yavaphalo veNumaskaratejanAH   970
(2\.4\.419)  veNavaH kIchakAste syurye svanantyaniloddhatAH
(2\.4\.420)  granthirnA parvaparushI gundrastejanakaH sharaH
(2\.4\.421)  naDastu dhamanaH poTakalo.atho kAshamastriyAm
(2\.4\.422)  ixugandhA poTagalaH pu.nsi bhUmni tu balvajAH
(2\.4\.423)  rasAla ixustadbhedAH puNDrakAntArakAdayaH
(2\.4\.424)  syAdvIraNaM vIrataraM mUle.asyoshIramastriyAm
(2\.4\.425)  abhayaM naladaM sevyamamR^iNAlaM jalAshayam
(2\.4\.426)  lAmajjakaM laghulayamavadAheShTakApathe
(2\.4\.427)  naDAdayastR^iNaM garmuchChyAmAkapramukhA api
(2\.4\.428)  astrI kushaM kutho darbhaH pavitramatha kattR^iNam  980
(2\.4\.429)  paurasaugandhikadhyAmadevejagdhakarauhiSham
(2\.4\.430)  ChatrAtichChatrapAlaghnau mAlAtR^iNakabhUstR^iNe
(2\.4\.431)  shaShpaM bAlatR^iNam ghAso yavasaM tR^iNamarjunam
(2\.4\.432)  tR^iNAnAM sa.nhatistR^iNyA naDyA tu naDasa.nhatiH
(2\.4\.433)  tR^iNarAjAhvayastAlo nAlikerastu lA~NgalI
(2\.4\.434)  ghoNTA tu pUgaH kramuko guvAkaH khapuro.asya tu
(2\.4\.435)  phalamudvegamete cha hintAlasahitAstrayaH
(2\.4\.436)  kharjUraH ketakI tAlI kharjurI cha tR^iNadrumAH   iti vanauShadhivargaH
                      atha si.nhAdi vargaH
(2\.4\.437)  si.nho mR^igendraH pa~nchAsyo haryaxaH kesarI hariH
(2\.4\.438)  kaNTIravo mR^igAripurmR^igadR^iShTirmR^igAshanaH
(2\.4\.439)  puNDarIkaH pa~nchanakhachitrakAyamR^igadviShaH
(2\.4\.440)  shArdUladvIpinau vyAghre taraxustu mR^igAdanaH  990
(2\.4\.441)  varAhaH sUkaro ghR^iShTiH kolaH potrI kiriH kiTiH
(2\.4\.442)  da.nShTrI ghoNI stabdharomA kroDo bhUdAra ityapi
(2\.4\.443)  kapiplava.ngaplavagashAkhAmR^igavalImukhAH
(2\.4\.444)  markaTo vAnaraH kIsho vanaukA atha bhalluke
(2\.4\.445)  R^ixAchChabhallabhallUkA gaNDake khaDgakhaDginau
(2\.4\.446)  lulAyo mahiSho vAhAdviShatkAsarasairibhAH
(2\.4\.447)  striyAM shivA bhUrimAyagomAyumR^igadhUrtakAH
(2\.4\.448)  shR^igAlava~nchakakroShTupherupheravajambukAH
(2\.4\.449)  oturbiDAlo mArjAro vR^iShada.nshaka Akhubhuk
(2\.4\.450)  trayo gaudheragaudhAragaudheyA godhikAtmaje 1000
(2\.4\.451)  shvAvittu shalyastallomni shalalI shalalaM shalam
(2\.4\.452)  vAtapramIrvAtamR^igaH kokastvIhAmR^igo vR^ikaH
(2\.4\.453)  mR^ige kura~NgavAtAyuhariNAjinayonayaH
(2\.4\.454)  aiNeyameNyAshcharmAdhyameNasyaiNamubhe triShu
(2\.4\.455)  kadalI kandalI chInashchamUrupriyakAvapi
(2\.4\.456)  samUrushcheti hariNA amI ajinayonayaH
(2\.4\.457)  kR^iShNasArarurunya~Nkura~NkushambararauhiShAH
(2\.4\.458)  gokarNapR^iShataiNarshyarohitAshchamaro mR^igAH
(2\.4\.459)  gandharvaH sharabho rAmaH sR^imaro gavayaH shashaH
(2\.4\.460)  ityAdayo mR^igendrAdyA gavAdyAH pashujAtayaH 1010
(2\.4\.461)  adhogantA tu khanako vR^ikaH pu.ndhvaja unduraH
(2\.4\.462)  undururmUShako.apyAkhurgirikA bAlamUShikA
(2\.4\.463)  chuchundarI gandhamUShI dIrghadehI tu mUShikA
(2\.4\.464)  saraTaH kR^ikalAsaH syAnmusalI gR^ihagodhikA
(2\.4\.465)  lUtA strI tantuvAyorNanAbhamarkaTakAH samAH
(2\.4\.466)  nIla~Ngustu kR^imiH karNajalaukAH shatapadyubhe
(2\.4\.467)  vR^ishchikaH shUkakITaH syAdalidruNau tu vR^ishchike
(2\.4\.468)  pArAvataH kalaravaH kapoto.atha shashAdanaH
(2\.4\.469)  patrI shyena ulUkastu vAyasArAtipechakau
(2\.4\.470)  divAndhaH kaushiko ghUko divAbhIto nishATanaH
(2\.4\.471)  vyAghrATaH syAdbharadvAjaH kha~njarITastu kha~njanaH
(2\.4\.472)  lohapR^iShThastu ka~NkaH syAdatha chAShaH kikIdiviH
(2\.4\.473)  kali~NgabhR^i~NgadhUmyATA atha syAchChatapatrakaH 1020
(2\.4\.474)  dArvAghATo.atha sAra~NgaH stokakashchAtakaH samAH
(2\.4\.475)  kR^ikavAkustAmrachUDaH kukkuTashcharaNAyudhaH
(2\.4\.476)  chaTakaH kalavi~NkaH syAttasya strI chaTakA tayoH
(2\.4\.477)  pumapatye chATakairaH stryapatye chaTakaiva sA
(2\.4\.478)  karkareTuH kareTuH syAtkR^ikaNakrakarau samau
(2\.4\.479)  vanapriyaH parabhR^itaH kokilaH pika ityapi
(2\.4\.480)  kAke tu karaTAriShTabalipuShTasakR^itprajAH
(2\.4\.481)  dhvA~NxAtmaghoShaparabhR^idbalibhugvAyasA api
(2\.4\.482)  sa eva cha chira~njIvI chaikadR^iShTishcha maukuliH
(2\.4\.483)  droNakAkastu kAkolo dAtyUhaH kAlakaNThakaH
(2\.4\.484)  AtApichillau dAxAyyagR^idhrau kIrashukau samau 1030
(2\.4\.485)  kru~Nkrau~ncho.atha bakaH kahvaH puShkarAhvastu sArasaH
(2\.4\.486)  kokashchakrashchakravAko rathA~NgAhvayanAmakaH
(2\.4\.487)  kAdambaH kalaha.nsaH syAdutkroshakurarau samau
(2\.4\.488)  ha.nsAstu shvetagarutashchakrA~NgA mAnasaukasaH
(2\.4\.489)  rAjaha.nsAstu te cha~nchucharaNairlohitaiH sitAH
(2\.4\.490)  malinairmallikAxAste dhArtarAShTrAH sitetaraiH
(2\.4\.491)  sharArirATirADishcha balAkA bisakaNThikA
(2\.4\.492)  ha.nsasya yoShidvaraTA sArasasya tu laxmaNA
(2\.4\.493)  jatukAjinapatrA syAtparoShNI tailapAyikA
(2\.4\.494)  varvaNA maxikA nIlA saraghA madhumaxikA 1040
(2\.4\.495)  pata~NgikA puttikA syAdda.nshastu vanamaxikA
(2\.4\.496)  da.nshI tajjAtiralpA syAdgandholI varaTA dvayoH
(2\.4\.497)  bhR^i~NgArI jhIrukA chIrI jhillikA cha samA imAH
(2\.4\.498)  samau pata~Ngashalabhau khadhyoto jyotiri~NgaNaH
(2\.4\.499)  madhuvrato madhukaro madhuliNmadhupAlinaH
(2\.4\.500)  dvirephapuShpaliD bhR^i~Nga ShaTpada bhramarAlayaH
(2\.4\.501)  mayUro barhiNo barhI nIlakaNTho bhuja.ngabhuk
(2\.4\.502)  shikhAvalaH shikhI kekI meghanAdAnulAsyapi
(2\.4\.503)  kekA vANI mayUrasya samau chandrakamechakau
(2\.4\.504)  shikhA chUDA shikhaNDastu pichChabarhe napu.nsake
(2\.4\.505)  khage viha~Ngavihagaviha~NgamavihAyasaH
(2\.4\.506)  shakuntipaxishakunishakuntashakunadvijAH
(2\.4\.507)  patatripatripatagapatatpatrarathANDajAH
(2\.4\.508)  nagaukovAjivikiraviviShkirapatatrayaH
(2\.4\.509)  nIDodbhavAH garutmantaH pitsanto nabhasa.ngamAH
(2\.4\.510)  teShAM visheShA hArIto madguH kAraNDavaH plavaH
(2\.4\.511)  tittiriH kukkubho lAvo jIva~njIvashcha korakaH
(2\.4\.512)  koyaShTikaSh TiTTibhako vartako vartikAdayaH
(2\.4\.513)  garutpaxachChadAH patraM patatraM cha tanUruham
(2\.4\.514)  strI paxatiH paxamUlaM cha~nchustroTirubhe striyau
(2\.4\.515)  praDInoDDInasa.NDInAnyetAH khagagatikriyAH
(2\.4\.516)  peshI kosho dvihIne.aNDaM kulAyo nIDamastriyAm
(2\.4\.517)  potaH pAko.arbhako DimbhaH pR^ithukaH shAvakaH shishuH
(2\.4\.518)  strIpu.nsau mithunaM dvandvaM yugmaM tu yugulaM yugam
(2\.4\.519)  samUhe nivahavyUhasa.ndohavisaravrajAH
(2\.4\.520)  stomaughanikaratrAtavArasa.nghAtasa.nchayAH
(2\.4\.521)  samudAyaH samudayaH samavAyashcha yo gaNaH
(2\.4\.522)  striyAM tu sa.nhatirvR^indaM nikurambaM kadambakam
(2\.4\.523)  vR^indabhedAH samairvargaH sa.nghasArthau tu jantubhiH
(2\.4\.524)  sajAtIyaiH kulaM yUthaM tirashchAM pu.nnapu.nsakam
(2\.4\.525)  pashUnAM samajo.anyeShAM samAjo.atha sadharmiNAm
(2\.4\.526)  syAnnikAyaH pu~njarAshI tUtkaraH kUTamastriyAm
(2\.4\.527)  kApotashaukamAyUrataittirAdIni tadgaNe
(2\.4\.528)  gR^ihAsaktAH paximR^igAshChekAste gR^ihyakAshcha te    | iti si.nhAdivargaH
(2\.5\.529)  manuShyA mAnuShA martyA manujA mAnavA narAH   | atha manuShyavargaH
(2\.5\.530)  syuH pumA.nsaH pa~nchajanAH puruShAH pUruShA naraH
(2\.5\.531)  strI yoShidabalA yoShA nArI sImantinI vadhUH
(2\.5\.532)  pratIpadarshinI vAmA vanitA mahilA tathA
(2\.5\.533)  visheShAstva~NganA bhIruH kAminI vAmalochanA
(2\.5\.534)  pramadA mAninI kAntA lalanA cha nitambinI
(2\.5\.535)  sundarI ramaNI rAmA kopanA saiva bhAminI
(2\.5\.536)  varArohA mattakAshinyuttamA varavarNinI
(2\.5\.537)  kR^itAbhiShekA mahiShI bhoginyo.anyA nR^ipastriyaH
(2\.5\.538)  patnI pANigR^ihItI cha dvitIyA sahadharmiNI
(2\.5\.539)  bhAryA jAyAtha pu.nbhUmni dArAH syAttu kuTumbinI
(2\.5\.540)  pura.ndhrI sucharitrA tu satI sAdhvI pativratA
(2\.5\.541)  kR^itasApatnikAdhyUDhAdhivinnAtha svaya.nvarA
(2\.5\.542)  pati.nvarA cha varyAtha kulastrI kulapAlikA
(2\.5\.543)  kanyA kumArI gaurI tu nagnikA.anAgatArtavA
(2\.5\.544)  syAnmadhyamA dR^iShTarajAstaruNI yuvatiH same
(2\.5\.545)  samAH snuShAjanIvadhvashchiriNTI tu suvAsinI
(2\.5\.546)  ichChAvatI kAmukA syAd vR^iShasyantI tu kAmukI
(2\.5\.547)  kAntArthinI tu yA yAti sa.nketaM sAbhisArikA
(2\.5\.548)  pu.nshchalI dharShiNI bandhakyasatI kulaTetvarI
(2\.5\.549)  svairiNI pA.nsulA cha syAdashishvI shishunA vinA
(2\.5\.550)  avIrA niShpatisutA vishvastAvidhave same
(2\.5\.551)  AliH sakhI vayasyAtha pativatnI sabhartR^ikA
(2\.5\.552)  vR^iddhA paliknI prAj~nI tu praj~nA prAj~nA tu dhImatI
(2\.5\.553)  shUdrI shUdrasya bhAryA syAchChUdrA tajjAtireva cha
(2\.5\.554)  AbhIrI tu mahAshUdrI jAtipu.nyogayoH samA
(2\.5\.555)  aryANI svayamaryA syAtxatriyA xatriyANyapi
(2\.5\.556)  upAdhyAyApyupAdhyAyI syAdAchAryApi cha svataH
(2\.5\.557)  AchAryAnI tu pu.nyoge syAdaryI xatriyI tathA
(2\.5\.558)  upAdhyAyAnyupAdhyAyI poTA strIpu.nsalaxaNA
(2\.5\.559)  vIrapatnI vIrabhAryA vIramAtA tu vIrasUH
(2\.5\.560)  jAtApatyA prajAtA cha prasUtA cha prasUtikA
(2\.5\.561)  strI nagnikA koTavI syAddUtIsa.nchArike same
(2\.5\.562)  kAtyAyanyardhavR^iddhA yA kAShAyavasanA.adhavA
(2\.5\.563)  sairandhrI paraveshmasthA svavashA shilpakArikA
(2\.5\.564)  asiknI syAdavR^iddhA yA preShyA.antaHpurachAriNI
(2\.5\.565)  vArastrI gaNikA veshyA rUpAjIvAtha sA janaiH
(2\.5\.566)  satkR^itA vAramukhyA syAtkuTTanI shambhalI same
(2\.5\.567)  viprashnikA tvIxaNikA daivaj~nAtha rajasvalA
(2\.5\.568)  strIdharmiNyavirAtreyI malinI puShpavatyapi
(2\.5\.569)  R^itumatyapyudakyApi syAdrajaH puShpamArtavam
(2\.5\.570)  shraddhAlurdohadavatI niShkalA vigatArtavA
(2\.5\.571)  ApannasattvA syAdgurviNyantarvatnI cha garbhiNI
(2\.5\.572)  gaNikAdestu gANikyaM gArbhiNaM yauvataM gaNe
(2\.5\.573)  punarbhUrdidhiShUrUDhA dvistasyA didhiShuH patiH
(2\.5\.574)  sa tu dvijo.agredidhiShUH saiva yasya kuTumbinI
(2\.5\.575)  kAnInaH kanyakAjAtaH suto.atha subhagAsutaH
(2\.5\.576)  saubhAgineyaH syAtpArastraiNeyastu parastriyAH
(2\.5\.577)  paitR^iShvaseyaH syAtpaitR^iShvasrIyashcha pitR^iShvasuH
(2\.5\.578)  suto mAtR^iShvasushchaivaM vaimAtreyo vimAtR^ijaH
(2\.5\.579)  atha bAndhakineyaH syAdbandhulashchAsatIsutaH
(2\.5\.580)  kaulaTeraH kaulateyo bhixukI tu satI yadi
(2\.5\.581)  tadA kaulaTineyo.asyAH kaulateyo.api chAtmajaH
(2\.5\.582)  AtmajastanayaH sUnuH sutaH putraH striyAM tvamI
(2\.5\.583)  AhurduhitaraM sarve.apatyaM tokaM tayoH same
(2\.5\.584)  svajAte tvaurasorasyau tAtastu janakaH pitA
(2\.5\.585)  janayitrI prasUrmAtA jananI bhaginI svasA
(2\.5\.586)  nanAndA tu svasA patyurnaptrI pautrI sutAtmajA
(2\.5\.587)  bhAryAstu bhrAtR^ivargasya yAtaraH syuH parasparam
(2\.5\.588)  prajAvatI bhrAtR^ijAyA mAtulAnI tu mAtulI
(2\.5\.589)  patipatnyoH prasUH shvashrUH shvashurastu pitA tayoH
(2\.5\.590)  piturbhrAtA pitR^ivyaH syAnmAturbhrAtA tu mAtulaH
(2\.5\.591)  shyAlAH syurbhrAtaraH patnyAH svAmino devR^idevarau
(2\.5\.592)  svasrIyo bhAgineyaH syAjjamAtA duhituH patiH
(2\.5\.593)  pitAmahaH pitR^ipitA tatpitA prapitAmahaH
(2\.5\.594)  mAturmAtAmahAdyevaM sapiNDAstu sanAbhayaH
(2\.5\.595)  samAnodaryasodaryasagarbhyasahajAH samAH
(2\.5\.596)  sagotrabAndhavaj~nAtibandhusvasvajanAH samAH
(2\.5\.597)  j~nAteyaM bandhutA teShAM kramAdbhAvasamUhayoH
(2\.5\.598)  dhavaH priyaH patirbhartA jArastUpapatiH samau
(2\.5\.599)  amR^ite jArajaH kuNDo mR^ite bhartari golakaH
(2\.5\.600)  bhrAtrIyo bhrAtR^ijo bhrAtR^ibhaginyau bhrAtarAvubhau
(2\.5\.601)  mAtApitarau pitarau mAtarapitarau prasUjanayitArau
(2\.5\.602)  shvashrUshvashurau shvashurau putrau putrashcha duhitA cha
(2\.5\.603)  da.npatI ja.npatI jAyApatI bhAryApatI cha tau
(2\.5\.604)  garbhAshayo jarAyuH syAdulbaM cha kalalo.astriyAm
(2\.5\.605)  sUtimAso vaijanano garbho bhrUNa imau samau
(2\.5\.606)  tR^itIyAprakR^itiH shaNDhaH klIbaH paNDo napu.nsake
(2\.5\.607)  shishutvaM shaishavaM bAlyaM tAruNyaM yauvanaM same
(2\.5\.608)  syAtsthAviraM tu vR^iddhatvaM vR^iddhasa.nghe.api vArdhakam
(2\.5\.609)  palitaM jarasA shauklyaM keshAdau visrasA jarA
(2\.5\.610)  syAduttAnashayA DimbhA stanapA cha stana.ndhayI
(2\.5\.611)  bAlastu syAnmANavako vayasthastaruNo yuvA
(2\.5\.612)  pravayAH sthaviro vR^iddho jIno jIrNo jarannapi
(2\.5\.613)  varShIyAndashamI jyAyAnpUrvajastvagriyo.agrajaH
(2\.5\.614)  jaghanyaje syuH kaniShThayavIyo.avarajAnujAH
(2\.5\.615)  amA.nso durbalashChAto balavAnmA.nsalo.n.asalaH
(2\.5\.616)  tundilastundibhastundI bR^ihatkuxiH pichaNDilaH
(2\.5\.617)  avaTITo.avanATashchAvabhraTo natanAsike
(2\.5\.618)  keshavaH keshikaH keshI valino valibhaH samau
(2\.5\.619)  vikalA~NgastvapogaNDaH kharvo hrasvashcha vAmanaH
(2\.5\.620)  kharaNAH syAtkharaNaso vigrastu gatanAsikaH
(2\.5\.621)  khuraNAH syAtkhuraNasaH praj~nuH pragatajAnukaH
(2\.5\.622)  Urdhvaj~nurUrdhvajAnuH syAtsa.nj~nuH sa.nhatajAnukaH
(2\.5\.623)  syAdeDe badhiraH kubje gaDulaH kukare kuNiH
(2\.5\.624)  pR^ishniralpatanau shroNaH pa~Ngau muNDastu muNDite
(2\.5\.625)  valiraH kekare khoDe kha~njastriShu jarAvarAH
(2\.5\.626)  jaDulaH kAlakaH piplustilakastilakAlakaH
(2\.5\.627)  anAmayaM syAdArogyaM chikitsA rukpratikriyA
(2\.5\.628)  bheShajauShadhabhaiShajyAnyagado jAyurityapi
(2\.5\.629)  strI rugrujA chopatAparogavyAdhigadAmayAH
(2\.5\.630)  xayaH shoShashcha yaxmA cha pratishyAyastu pInasaH
(2\.5\.631)  strI xutxutaM xavaH pu.nsi kAsastu xavathuH pumAn
(2\.5\.632)  shophastu shvayathuH shothaH pAdasphoTo vipAdikA
(2\.5\.633)  kilAsasidhme kachChvAM tu pAma pAmA vicharchikA
(2\.5\.634)  kaNDUH kharjUshcha kaNDUyA visphoTaH piTakaH striyAm
(2\.5\.635)  vraNo.astriyAmIrmamaruH klIbe nADIvraNaH pumAn
(2\.5\.636)  koTho maNDalakaM kushThashvitre durnAmakArshasI
(2\.5\.637)  AnAhastu nibandhaH syAdgrahaNIrukpravAhikA
(2\.5\.638)  prachChardikA vamishcha strI pumA.nstu vamathuH samAH
(2\.5\.639)  vyAdhibhedA vidradhiH strI jvaramehabhaga.ndarAH
(2\.5\.640)  shlIpadaM pAdavalmIkaM keshaghnastvindraluptakaH
(2\.5\.641)  ashmarI mUtrakR^ichChram syAtpUrve shukrAvadhestriShu
(2\.5\.642)  rogahAryagada.nkAro bhiShagvaidyau chikitsake
(2\.5\.643)  vArto nirAmayaH kalya ullAgho nirgato gadAt
(2\.5\.644)  glAnaglAsnU AmayAvI vikR^ito vyAdhito.apaTuH
(2\.5\.645)  Aturo.abhyamito.abhyAntaH samau pAmanakachChurau
(2\.5\.646)  dadruNo dadrurogI syAdarshorogayuto.arshasaH
(2\.5\.647)  vAtakI vAtarogI syAtsAtisAro.atisArakI
(2\.5\.648)  syuH klinnAxe chullachillapillAH klinne.axNi chApyamI
(2\.5\.649)  unmatta unmAdavati shleShmalaH shleShmaNaH kaphI
(2\.5\.650)  nyubjo bhugne rujA vR^iddhanAbhau tundilatundibhau
(2\.5\.651)  vilAsI sidhmalo.andho.adR^i~NmUrchChAle mUrtamUrchChitau
(2\.5\.652)  shukraM tejoretasI cha bIjavIryendriyANi cha
(2\.5\.653)  mAyuH pittaM kaphaH shleShmA striyAM tu tvagasR^igdharA
(2\.5\.654)  pishitaM tarasaM mA.nsaM palalaM krvyamAmiSham
(2\.5\.655)  uttataptaM shushkamA.nsaM syAttadvallUraM trili~Ngakam
(2\.5\.656)  rudhire.asR^iglohitAsraraktaxatajashoNitam
(2\.5\.657)  bukkAgramA.nsaM hR^idayaM hR^inmedastu vapA vasA
(2\.5\.658)  pashchAdgrIvAshirA manyA nADI tu dhamaniH shirA
(2\.5\.659)  tilakaM kloma mastiShkaM gordaM kiTTaM malo.astriyAm
(2\.5\.660)  antraM purItagulmastu plIhA pu.nsyatha vasnasA
(2\.5\.661)  snAyuH striyAM kAlakhaNDayakR^itI tu same ime
(2\.5\.662)  sR^iNikA syandanI lAlA dUShikA netrayormalam
(2\.5\.663)  nAsAmalaM tu si.nghANaM pi~njUShaM karNayormalam
(2\.5\.664)  mUtraM prasrAva uchchArAvaskarau shamalaM shakR^it
(2\.5\.665)  purIShaM gUthavarchaskamastrI viShThAvishau striyau
(2\.5\.666)  syAtkarparaH kapAlo.astrI kIkasaM kulyamasthi cha
(2\.5\.667)  syAchCharIrAsthni ka.nkAlaH pR^iShThAsthni tu kasherukA
(2\.5\.668)  shirosthani karoTiH strI pArshvAsthani tu parshukA
(2\.5\.669)  a~NgaM pratIko.avayavo.apaghano.atha kalevaram
(2\.5\.670)  gAtraM vapuH sa.nhananaM sharIraM varShma vigrahaH
(2\.5\.671)  kAyo dehaH klIbapu.nsoH striyAM mUrtistanustanUH
(2\.5\.672)  pAdAgraM prapadaM pAdaH pada~NghrishcharaNo.astriyAm
(2\.5\.673)  tad granthI ghuTike gulphau pumAnpArShNistayoradhaH
(2\.5\.674)  ja~NghA tu prasR^itA jAnUruparvAShThIvadastriyAm
(2\.5\.675)  sakthi klIbe pumAnUrustatsa.ndhiH pu.nsi va~NxaNaH
(2\.5\.676)  gudaM tvapAnaM pAyurnA bastirnAbheradho dvayoH
(2\.5\.677)  kaTo nA shroNiphalakaM kaTiH shroNiH kakudmatI
(2\.5\.678)  pashchAnnitambaH strIkaTyAH klIbe tu jaghanaM puraH
(2\.5\.679)  kUpakau tu nitambasthau dvayahIne kakundare
(2\.5\.680)  striyAm sphichau kaTiprothAvupastho vaxyamANayoH
(2\.5\.681)  bhagaM yonirdvayoH shishno meDhro mehanashephasI
(2\.5\.682)  muShko.aNDakosho vR^iShaNaH pR^iShThava.nshAdhare trikam
(2\.5\.683)  pichaNDakuxI jaTharodaraM tundaM stanau kuchau
(2\.5\.684)  chUchukaM tu kuchAgraM syAnna nA kroDaM bhujAntaram
(2\.5\.685)  uro vatsaM cha vaxashcha pR^iShThaM tu charamaM tanoH
(2\.5\.686)  skandho bhujashiro.nso.astrI sa.ndhI tasyaiva jatruNI
(2\.5\.687)  bAhumUle ubhe kaxau pArshvamastrI tayoradhaH
(2\.5\.688)  madhyamaM chAvalagnaM cha madhyo.astrI dvau parau dvayoH
(2\.5\.689)  bhujabAhU praveShTo doH syAtkaphoNistu kUrparaH
(2\.5\.690)  asyopari pragaNDaH syAtprakoShThastasya chApyadhaH
(2\.5\.691)  maNIbandhAdAkaniShThaM karasya karabho bahiH
(2\.5\.692)  pa~nchashAkhaH shayaH pANistarjanI syAtpradeshinI
(2\.5\.693)  a~NgulyaH karashAkhAH syuH pu.nsya~NguShThaH pradeshinI
(2\.5\.694)  madhyamA.anAmikA chApi kaniShThA cheti tAH kramAt
(2\.5\.695)  punarbhavaH kararuho nakho.astrI nakharo.astriyAm
(2\.5\.696)  prAdeshatAlagokarNAstarjanyAdiyute tate
(2\.5\.697)  a~NguShThe sakaniShThe syAdvitastirdvAdashA~NgulaH
(2\.5\.698)  pANau chapeTapratalaprahastA vistR^itA~Ngulau
(2\.5\.699)  dvau sa.nhatau sa.nhatatalapratalau vAmadaxiNau
(2\.5\.700)  pANirnikubjaH prasR^itistau yutAva~njaliH pumAn
(2\.5\.701)  prakoShThe vistR^itakare hasto muShTyA tu baddhayA
(2\.5\.702)  sa ratniH syAdaratnistu niShkaniShThena muShTinA
(2\.5\.703)  vyAmo bAhvoH sakarayostatayostiryaganantaram
(2\.5\.704)  UrdhvavistR^itadoH pANinR^imAne pauruShaM triShu
(2\.5\.705)  kaNTho galo.atha grIvAyAM shirodhiH kandharetyapi
(2\.5\.706)  kambugrIvA trirekhA sA.avaTurghATA kR^ikATikA
(2\.5\.707)  vaktrAsye vadanaM tuNDamAnanaM lapanaM mukham
(2\.5\.708)  klIbe ghrANaM gandhavahA ghoNA nAsA cha nAsikA
(2\.5\.709)  oShThAdharau tu radanachChadau dashanavAsasI
(2\.5\.710)  adhastAchchibukaM gaNDau kapolau tatparA hanuH
(2\.5\.711)  radanA dashanA dantA radAstAlu tu kAkudam
(2\.5\.712)  rasaj~nA rasanA jihvA prAntAvoShThasya sR^ikkiNI
(2\.5\.713)  lalATamalikaM godhirUrdhve dR^igbhyAM bhruvau striyau
(2\.5\.714)  kUrchamastrI bhruvormadhyaM tArakAxNaH kanInikA
(2\.5\.715)  lochanaM nayanaM netramIxaNaM chaxuraxiNI
(2\.5\.716)  dR^igdR^iShTI chAsru netrAmbu rodanaM chAsramashru cha
(2\.5\.717)  apA~Ngau netrayorantau kaTAxo.apA~Ngadarshane
(2\.5\.718)  karNashabdagrahau shrotraM shrutiH strI shravaNaM shravaH
(2\.5\.719)  uttamA~NgaM shiraH shIrShaM mUrdhA nA mastako.astriyAm
(2\.5\.720)  chikuraH kuntalo vAlaH kachaH keshaH shiroruhaH
(2\.5\.721)  tadvR^inde kaishikaM kaishyamalakAshchUrNakuntalAH
(2\.5\.722)  te lalATe bhramarakAH kAkapaxaH shikhaNDakaH
(2\.5\.723)  kabarI keshavesho.atha dhammillaH sa.nyatAH kachAH
(2\.5\.724)  shikhA chUDA keshapAshI vratinastu saTA jaTA
(2\.5\.725)  veNI praveNI shIrShaNyashirasyau vishade kache
(2\.5\.726)  pAshaH paxashcha hastashcha kalApArthAH kachAtpare
(2\.5\.727)  tanUruhaM roma loma tadvR^iddhau shmashru pummukhe
(2\.5\.728)  AkalpaveShau nepathyaM pratikarma prasAdhanam
(2\.5\.729)  dashaite triShvala.nkartA.ala.nkariShNushcha maNDitaH
(2\.5\.730)  prasAdhito.ala.nkR^itashcha bhUShitashcha pariShkR^itaH
(2\.5\.731)  vibhrADbhrAjiShNurochiShNU bhUShaNaM syAdala.nkriyA
(2\.5\.732)  ala.nkArastvAbharaNaM pariShkAro vibhUShaNam
(2\.5\.733)  maNDanaM chAtha mukuTaM kirITaM pu.nnapu.nsakam
(2\.5\.734)  chUdAmaNiH shiroratnaM taralo hAramadhyagaH
(2\.5\.735)  vAlapAshyA pAritathyA patrapAshyA lalATikA
(2\.5\.736)  karNikA tAlapatraM syAtkuNDalaM karNaveShTanam
(2\.5\.737)  graiveyakaM kaNThabhUShA lambanaM syAllalantikA
(2\.5\.738)  svarNaiH prAlambikA.athoraHsUtrikA mauktikaiH kR^itA
(2\.5\.739)  hAro muktAvalI devachChando.asau shatayaShTikA
(2\.5\.740)  hArabhedA yaShTibhedAdguchChaguchChArdhagostanAH
(2\.5\.741)  ardhahAro mANavaka ekAvalyekayaShTikA
(2\.5\.742)  saiva naxatramAlA syAtsaptavi.nshatimauktikaiH
(2\.5\.743)  AvApakaH pArihAryaH kaTako valayo.astriyAm
(2\.5\.744)  keyUrama~NgadaM tulye a~NgulIyakamUrmikA
(2\.5\.745)  sAxarA~NgulimudrA syAtka~NkaNaM karabhUShaNam
(2\.5\.746)  strIkaTyAM mekhalA kA~nchI saptakI rashanA tathA
(2\.5\.747)  klIbe sArasanaM chAtha pu.nskaTyAM shR^i~NkhalaM triShu
(2\.5\.748)  pAdA~NgadaM tulAkoTirma~njIro nUpuro.astriyAm
(2\.5\.749)  ha.nsakaH pAdakaTakaH ki~NkiNI xudraghaNTikA
(2\.5\.750)  tvakphalakR^imiromANi vastrayonirdasha triShu
(2\.5\.751)  vAlkaM xaumAdi phAlaM tu kArpAsaM bAdaraM cha tat
(2\.5\.752)  kausheyaM kR^imikoshotthaM rA~NkavaM mR^igaromajam
(2\.5\.753)  anAhataM niShpravANi tantrakaM cha navAmbare
(2\.5\.754)  tasyAdudgamanIyaM yaddhautayorvastrayoryugam
(2\.5\.755)  patrorNaM dhautakausheyaM bahumUlyaM mahAdhanam
(2\.5\.756)  xaumaM dukUlaM syAddve tu nivItaM prAvR^itaM triShu
(2\.5\.757)  striyAM bahutve vastrasya dashAH syurvastayordvayoH
(2\.5\.758)  dairghyamAyAma ArohaH pariNAho vishAlatA
(2\.5\.759)  paTachcharaM jIrNavastraM samau naktakakarpaTau
(2\.5\.760)  vastramAchChAdanaM vAsashchailaM vasanama.nshukam
(2\.5\.761)  suchelakaH paTo.astrI syAdvarAshiH sthUlashATakaH
(2\.5\.762)  nicholaH prachChadapaTaH samau rallakakambalau
(2\.5\.763)  antarIyopasa.nvyAnaparidhAnAnyadho.nshuke
(2\.5\.764)  dvau prAvArottarAsa~Ngau samau bR^ihatikA tathA
(2\.5\.765)  sa.nvyAnamuttarIyaM cha cholaH kUrpAsako.astriyAm
(2\.5\.766)  nIshAraH syAtprAvaraNe himA.anilanivAraNe
(2\.5\.767)  ardhorukaM varastrINAM syAchChaNDAtakamastriyAm
(2\.5\.768)  syAt triShvAprapadInaM tatprApnotyAprapadaM hi yat
(2\.5\.769)  astrI vitAnamullocho dUShyAdyaM vastraveshmani
(2\.5\.770)  pratisIrA javanikA syAttiraskariNI cha sA
(2\.5\.771)  parikarmA~Ngasa.nskAraH syAnmArShTirmArjanA mR^ijA
(2\.5\.772)  udvartanotsAdane dve same AplAva AplavaH
(2\.5\.773)  snAnaM charchA tu chArchikyaM sthAsako.atha prabodhanam
(2\.5\.774)  anubodhaH patralekhA patrA~Ngulirime same
(2\.5\.775)  tamAlapatratilakachitrakANi visheShakam
(2\.5\.776)  dvitIyaM cha turIyaM cha na striyAmatha ku~Nkumam
(2\.5\.777)  kAshmIrajanmAgnishikhaM varaM bAhlIkapItane
(2\.5\.778)  raktasa.nkochapishunaM dhIraM lohitachandanam
(2\.5\.779)  lAxA rAxA jatu klIbe yAvo.alakto drumAmayaH
(2\.5\.780)  lava~NgaM devakusumaM shrIsa.nj~namatha jAyakam
(2\.5\.781)  kAlIyakaM cha kAlAnusAryaM chAtha samArthakam
(2\.5\.782)  va.nshikAgururAjArhalohakR^imijajo~Ngakam
(2\.5\.783)  kAlAgurvaguru syAttu ma~NgalyA malligandhi yat
(2\.5\.784)  yaxadhUpaH sarjaraso rAlasarvarasAvapi
(2\.5\.785)  bahurUpo.apyatha vR^ikadhUpakR^itrimadhUpakau
(2\.5\.786)  turuShkaH piNDakaH sihlo yAvano.apyatha pAyasaH
(2\.5\.787)  shrIvAso vR^ikadhUpo.api shrIveShTasaraladravau
(2\.5\.788)  mR^iganAbhirmR^igamadaH kastUrI chAtha kolakam
(2\.5\.789)  ka~NkolakaM koshaphalamatha karpUramastriyAm
(2\.5\.790)  tailaparNikagoshIrShe harichandanamastriyAm
(2\.5\.791)  tilaparNI tu patrA~NgaM ra~njanaM raktachandanam
(2\.5\.792)  kuchandanaM chAtha jAtIkoshajAtIphale same
(2\.5\.793)  karpUrAgurukastUrIkakkolairyaxakardamaH
(2\.5\.794)  gAtrAnulepanI vartirvarNakaM syAdvilepanam
(2\.5\.795)  chUrNAni vAsayogAH syurbhAvitaM vAsitaM triShu
(2\.5\.796)  sa.nskAro gandhamAlyAdyairyaH syAttadadhivAsanam
(2\.5\.797)  mAlyaM mAlAsrajau mUrdhni keshamadhye tu garbhakaH
(2\.5\.798)  prabhraShtakaM shikhAlambi puronyastaM lalAmakam
(2\.5\.799)  prAlambamR^ijulambi syAtkaNThAdvaikaxikaM tu tat
(2\.5\.800)  yattiryak xiptamurasi shikhAsvApIDashekharau
(2\.5\.801)  rachanA syAtparisyanda AbhogaH paripUrNatA
(2\.5\.802)  upadhAnaM tUpabarhaH shayyAyAM shayanIyavat
(2\.5\.803)  shayanaM ma~nchaparya~Nkapalya~NkAH khaTvyA samAH
(2\.5\.804)  gendukaH kanduko dIpaH pradIpaH pIThamAsanam
(2\.5\.805)  samudgakaH sa.npuTakaH pratigrAhaH patadgrahaH
(2\.5\.806)  prasAdhanI ka~NkatikA piShTAtaH paTavAsakaH
(2\.5\.807)  darpaNe mukurAdarshau vyajanaM tAlavR^intakam   | iti manuShyavargaH
(2\.6\.808)  sa.ntatirgotrajananakulAnyabhijanAnvayau     | atha brahmavargaH
(2\.6\.809)  va.nsho.anvavAyaH sa.ntAno varNAH syurbrAhmaNAdayaH
(2\.6\.810)  vipraxatriyaviT shUdrAshchAturvarNyamiti smR^itam
(2\.6\.811)  rAjabIjI rAjava.nshyo bIjyastu kulasa.nbhavaH
(2\.6\.812)  mahAkulakulInAryasabhyasajjanasAdhavaH
(2\.6\.813)  brahmachArI gR^ihI vAnaprastho bhixushchatuShTaye
(2\.6\.814)  Ashramo.astrI dvijAtyagrajanmabhUdevavADavAH
(2\.6\.815)  viprashcha brAhmaNo.asau ShaTkarmA yAgAdibhirvR^itaH
(2\.6\.816)  vidvAnvipashchiddoShaj~naH sansudhIH kovido budhaH
(2\.6\.817)  dhIro manIShI j~naH prAj~naH sa.nkhyAvAnpaNDitaH kaviH
(2\.6\.818)  dhImAnsUriH kR^itI kR^iShTirlabdhavarNo vichaxaNaH
(2\.6\.819)  dUradarshI dIrghadarshI shrotriyachChAndasau samau
(2\.6\.820)  mImA.nsako jaiminIye vedAntI brahmavAdini
(2\.6\.821)  vaisheShike syAdaulUkyaH saugataH shUnyavAdini
(2\.6\.822)  naiyAyikastvaxapAdaH syAtsyAdvAdika ArhakaH
(2\.6\.823)  chArvAkalaukAyatikau satkArye sA.nkhyakApilau
(2\.6\.824)  upAdhyAyo.adhyApako.atha syAnniShekAdikR^idguruH
(2\.6\.825)  mantravyAkhyAkR^idAchArya AdeShTA tvadhvare vratI
(2\.6\.826)  yaShTA cha yajamAnashcha sa somavati dIxitaH
(2\.6\.827)  ijyAshIlo yAyajUko yajvA tu vidhineShTavAn
(2\.6\.828)  sa gIrpatIShTayA sthapatiH somapIthI tu somapAH
(2\.6\.829)  sarvavedAH sa yeneShTo yAgaH sarvasvadaxiNaH
(2\.6\.830)  anUchAnaH pravachane sA~Nge.adhItI gurostu yaH
(2\.6\.831)  labdhAnuj~naH samAvR^ittaH sutvA tvabhiShave kR^ite
(2\.6\.832)  ChAtrAntevAsinau shiShye shaixAH prAthamakalpikAH
(2\.6\.833)  ekabrahmavratAchArA mithaH sabrahmachAriNaH
(2\.6\.834)  satIrthyAstvekaguravashchitavAnagnimagnichit
(2\.6\.835)  pAramparyopadeshe syAdaitihyamitihAvyayam
(2\.6\.836)  upaj~nA j~nAnamAdyaM syAjj~nAtvArambha upakramaH
(2\.6\.837)  yaj~naH savo.adhvaro yAgaH saptatanturmakhaH kratuH
(2\.6\.838)  pATho homashchAtithInAM saparyA tarpaNaM baliH
(2\.6\.839)  ete pa~nchamahAyaj~nA brahmayaj~nAdinAmakAH
(2\.6\.840)  samajyA pariShadgoShThI sabhAsamitisa.nsadaH
(2\.6\.841)  AsthAnI klIbamAsthAnaM strInapu.nsakayoH sadaH
(2\.6\.842)  prAgva.nshaH prAg havirgehAtsadasyA vidhidarshinaH
(2\.6\.843)  sabhAsadaH sabhAstArAH sabhyAH sAmAjikAshcha te
(2\.6\.844)  adhvaryUdgAtR^ihotAro yajuHsAmargvidaH kramAt
(2\.6\.845)  AgnIgrAdyA dhanairvAryA R^itvijo yAjakAshcha te
(2\.6\.846)  vediH pariShkR^itA bhumiH same sthaNDilachatvare
(2\.6\.847)  chaShAlo yUpakaTakaH kumbA sugahanA vR^itiH
(2\.6\.848)  yUpAgraM tarma nirmanthyadAruNi tvaraNirdvayoH
(2\.6\.849)  daxiNAgnirgArhapatyAhavanIyau trayo.agnayaH
(2\.6\.850)  agnitrayamidaM tretA praNItaH sa.nskR^ito.analaH
(2\.6\.851)  samUhyaH parichAyyopachAyyAvagnau prayogiNaH
(2\.6\.852)  yo gArhapatyAdAnIya daxiNAgniH praNIyate
(2\.6\.853)  tasminnAnAyyo.athAgnAyI svAhA cha hutabhukpriyA
(2\.6\.854)  R^iksAmidhenI dhAyyA cha yA syAdagnisamindhane
(2\.6\.855)  gAyatrIpramukhaM Chando havyapAke charuH pumAn
(2\.6\.856)  AmixA sA shR^itoShNe yA xIre syAddadhiyogataH
(2\.6\.857)  dhavitraM vyajanaM tadyadrachitaM mR^igacharmaNA
(2\.6\.858)  pR^iShadAjyaM sadadhyAjye paramAnnaM tu pAyasam
(2\.6\.859)  havyakavye daivapitrye anne pAtraM sruvAdikam
(2\.6\.860)  dhruvopabhR^ijjuhUrnA tu sruvo bhedAH sruchaH striyaH
(2\.6\.861)  upAkR^itaH pashurasau yo.abhimantrya kratau hataH
(2\.6\.862)  paramparAkam shamanaM proxaNaM cha vadhArthakam
(2\.6\.863)  vAchyali~NgAH pramItopasa.npannaproxitA hate
(2\.6\.864)  sA.nnAyyaM haviragnau tu hutaM triShu vaShaT kR^itam
(2\.6\.865)  dIxAnto.avabhR^ito yaj~ne tatkarmArhaM tu yaj~niyam
(2\.6\.866)  triShvatha kratukarmeShTaM pUrtaM khAtAdi karma yat
(2\.6\.867)  amR^itaM vighaso yaj~nasheShabhojanasheShayoH
(2\.6\.868)  tyAgo vihApitaM dAnamutsarjanavisarjane
(2\.6\.869)  vishrANanaM vitaraNaM sparshanaM pratipAdanam
(2\.6\.870)  prAdeshanaM nirvapaNamapavarjanama.nhatiH
(2\.6\.871)  mrtArthaM tadahe dAnaM triShu syAdaurdhvadehikam
(2\.6\.872)  pitR^idAnaM nivApaH syAchChrAddhaM tatkarma shastrataH
(2\.6\.873)  anvAhAryaM mAsike.n.asho.aShTamo.ahnaH kutapo.astriyAm
(2\.6\.874)  paryeShaNA parIShTishchAnveShaNA cha gaveShaNA
(2\.6\.875)  sanistvadhyeShaNA yA~nchA.abhishastiryAchanArthanA
(2\.6\.876)  ShaTtu triShvarghyamarghArthe pAdyaM pAdAya vAriNi
(2\.6\.877)  kramAdAtithyAtitheye atithyarthe.atra sAdhuni
(2\.6\.878)  syurAveshika AganturatithirnA gR^ihAgate
(2\.6\.879)  prAghUrNikaH prAghUNakashchAbhyutthAnaM tu gauravam
(2\.6\.880)  pUjA namasyApachitiH saparyArchArhaNAH samAH
(2\.6\.881)  varivasyA tu shushrUShA paricharyApyupAsanA
(2\.6\.882)  vrajyATATyA paryaTanaM charyA tvIryApathe sthitiH
(2\.6\.883)  upasparshastvAchamanamatha maunamabhAShaNam
(2\.6\.884)  prAchetasashchAdikaviH syAnmaitrAvaruNishcha saH
(2\.6\.885)  vAlmIkashchAtha gAdheyo vishvAmitrashcha kaushikaH
(2\.6\.886)  vyAso dvaipAyanaH pArAsharyaH satyavatIsutaH
(2\.6\.887)  AnupUrvI striyAM vAvR^itparipAThI anukramaH
(2\.6\.888)  paryAyashchAtipAtastu syAtparyaya upAtyayaH
(2\.6\.889)  niyamo vratamastrI tachchopavAsAdi puNyakam
(2\.6\.890)  aupavastaM tUpavAsaH vivekaH pR^ithagAtmatA
(2\.6\.891)  syAdbrahmavarchasaM vR^ittAdhyayanarddhirathA~njaliH
(2\.6\.892)  pAThe brahmA~njaliH pAThe vipruSho brahmabindavaH
(2\.6\.893)  dhyAnayogAsane brahmAsanaM kalpe vidhikramau
(2\.6\.894)  mukhyaH syAtprathamaH kalpo.anukalpastu tato.adhamaH
(2\.6\.895)  sa.nskArapUrvaM grahaNaM syAdupAkaraNaM shruteH
(2\.6\.896)  same tu pAdagrahaNamabhivAdanamityubhe
(2\.6\.897)  bhixuH parivrAT karmandI pArAsharyapi maskarI
(2\.6\.898)  tapasvI tApasaH pArikA~NxI vAcha.nyamo muniH
(2\.6\.899)  tapaHkleshasaho dAnto varNino brahmachAriNaH
(2\.6\.900)  R^iShayaH satyavachasaH snAtakastvApluto vratI
(2\.6\.901)  ye nirjitendriyagrAmA yatino yatayashcha te
(2\.6\.902)  yaH sthaNDile vratavashAchChete  sthaNDilashAyyasau
(2\.6\.903)  sthANDilashchAtha virajastamasaH syurdvayAtigAH
(2\.6\.904)  pavitraH prayataH pUtaH pAShaNDAH sarvali~NginaH
(2\.6\.905)  pAlAsho daNDa AShADho vrate rAmbhastu vaiNavaH
(2\.6\.906)  astrI kamaNDaluH kuNDI vratinAmAsanaM bR^iShI
(2\.6\.907)  ajinaM charma kR^ittiH strI bhaixaM bhixAkadambakam
(2\.6\.908)  svAdhyAyaH syAjjapaH sutyAbhiShavaH savanaM cha sA
(2\.6\.909)  sarvainasAmapadhva.nsi japyaM triShvaghamarShaNam
(2\.6\.910)  darshashcha paurNamAsashcha yAgau paxAntayoH pR^ithak
(2\.6\.911)  sharIrasAdhanApexaM nityaM yatkarma tadyamaH
(2\.6\.912)  niyamastu sa yatkarma nityamAgantusAdhanam
(2\.6\.913)  xauram tu bhadrAkaraNaM muNDanaM vapanaM triShu
(2\.6\.914)  kaxApaTI cha kaupInaM shATI cha strIti laxyataH
(2\.6\.915)  upavItaM brahmasUtraM proddhR^ite daxiNe kare
(2\.6\.916)  prAchInAvItamanyasminnivItaM kaNThalambitam
(2\.6\.917)  a~Ngulyagre tIrthaM daivaM svalpA~NgulyormUle kAyam
(2\.6\.918)  madhye.a~NguShThA~NgulyoH pitryaM mUle tva~NguShThasya brAhmam
(2\.6\.919)  syAdbrahmabhUyaM brahmatvaM brahmasAyujyamityapi
(2\.6\.920)  devabhUyAdikaM tadvatk.chChaM sAntapanAdikam
(2\.6\.921)  sa.nnyAsavatyanashane pumAnprAyo.atha vIrahA
(2\.6\.922)  naShTAgniH kuhanA lobhAnmithyeryApathakalpanA
(2\.6\.923)  vrAtyaH sa.nskArahInaH syAdasvAdhyAyo nirAkR^itiH
(2\.6\.924)  dharmadhvajI li~NgavR^ittiravakIrNI xatavrataH
(2\.6\.925)  supte yasminnastameti supte yasminnudeti cha
(2\.6\.926)  a.nshumAnabhinirmuktAbhyuditau cha yathAkramam
(2\.6\.927)  parivettAnujo.anUDhe jyeShThe dAraparigrahAt
(2\.6\.928)  parivittistu tajjAyAnvivAhopayamau samau
(2\.6\.929)  tathA pariNayodvAhopayAmAH pANipIDanam
(2\.6\.930)  vyavAyo grAmyadharmo maithunaM nidhuvanaM ratam
(2\.6\.931)  trivargodharmakAmArthaishchaturvargaH samoxakaiH
(2\.6\.932)  sabalaistaishchaturbhadraM janyAH snigdhAH varasya ye   | iti brahmavargaH
(2\.7\.933)  mUrdhAbhiShikto rAjanyo bAhujaH xatriyo virAT    | atha xatriyavargaH
(2\.7\.934)  rAjA rAT pArthivaxmAbhR^innR^ipabhUpamahIxitaH
(2\.7\.935)  rAjA tu praNatAshaShasAmantaH syAdadhIshvaraH
(2\.7\.936)  chakravartI sArvabhaumo nR^ipo.anyo maNDaleshvaraH
(2\.7\.937)  yeneShTaM rAjasUyena maNDalasyeshvarashcha yaH
(2\.7\.938)  shAsti yashchAj~nayA rAj~naH sa samrADatha rAjakam
(2\.7\.939)  rAjanyakaM cha nR^ipatixatriyANAM gaNe kramAt
(2\.7\.940)  mantrI dhIsachivo.amAtyo.anye karmasachivAstataH
(2\.7\.941)  mahAmAtrA pradhAnAni purodhAstu purohitaH
(2\.7\.942)  draShTari vyavahArANAM prADvivAkAxadarshakau
(2\.7\.943)  pratIhAro dvArapAladvAsthadvAsthitadarshakAH
(2\.7\.944)  raxivargastvanIkastho.athAdhyaxAdhikR^itau samau
(2\.7\.945)  sthAyuko.adhikR^ito grAme gopo grAmeShu bhUriShu
(2\.7\.946)  bhaurikaH kanakAdhyaxo rUpyAdhyaxastu naiShkikaH
(2\.7\.947)  antaHpure tvadhikR^itaH syAdantarva.nshiko janaH
(2\.7\.948)  sauvidallAH ka~nchukinaH sthApatyAH sauvidAshcha te
(2\.7\.949)  shaNDho varShavarastulyau sevakArthyanujIvinaH
(2\.7\.950)  viShayAnantaro rAjA shatrurmitramataH param
(2\.7\.951)  udAsInaH parataraH pArShNigrAhastu pR^iShThataH
(2\.7\.952)  ripau vairisapatnAridviShaddveShaNadurhR^idaH
(2\.7\.953)  dviD vipaxAhitAmitradasyushAtravashatravaH
(2\.7\.954)  abhighAtiparArAtipratyarthiparipanthinaH
(2\.7\.955)  vayasyaH snigdhaH savayA atha mitraM sakhA suhR^it
(2\.7\.956)  sakhyaM sAptapadInaM syAdanurodho.anuvartanam
(2\.7\.957)  yathArhavarNaH praNidhirapasarpashcharaH spashaH
(2\.7\.958)  chArashcha gUDhapuruShashchAptapratyayitau samau
(2\.7\.959)  sA.nvatsaro jyautiShiko daivaj~nagaNakAvapi
(2\.7\.960)  syurmauhUrtikamauhUrtaj~nAnikArtAntikA api
(2\.7\.961)  tAntriko j~nAtasiddhAntaH satrI gR^ihapatiH samau
(2\.7\.962)  lipikAro.axaracharaNo.axarachu~nchushcha lekhake
(2\.7\.963)  likhitAxaravinyAse (sa.nsthAne) lipirlib(bh)irubhe striyau
(2\.7\.964)  syAtsa.ndeshaharo dUto dUtyaM tadbhAvakarmaNI
(2\.7\.965)  adhvanIno.adhvago.adhvanyaH pAnthaH pathika ityapi
(2\.7\.966)  svAmyamAtyasuhR^itkosharAShTradurgabalAni cha
(2\.7\.967)  rAjyA~NgAni prakR^itayaH paurANAM shrenayo.api cha
(2\.7\.968)  sa.ndhirnA vigraho yAnamAsanaM dvaidhamAshrayaH
(2\.7\.969)  ShaDguNA: shaktayastisraH prabhAvotsAhamantrajAH
(2\.7\.970)  xayaH sthAnaM cha vR^iddhishcha trivargo nItivedinAm
(2\.7\.971)  sa pratApaH prabhAvashcha yattejaH koshadaNDajam
(2\.7\.972)  bhedo daNDaH sAma dAnamityupAyachatuShTayam
(2\.7\.973)  sAhasaM tu samo (damo) daNDaH sAma sAntvamatho samau
(2\.7\.974)  bhedopajApAvupadhA dharmAdyairyatparIxaNam
(2\.7\.975)  pa~ncha triShvaShaDaxINo yastR^itIyAdyagocharaH
(2\.7\.976)  viviktavijanachChannaniHshalAkAstathA rahaH
(2\.7\.977)  rahashchopA.nshu chAli~Nge rahasyaM tadbhave triShu
(2\.7\.978)  samau visrambhavishvAsau bhreSho bhra.nsho yathochitAt
(2\.7\.979)  abhreShAnyAyakalpAstu desharUpaM sama~njasam
(2\.7\.980)  yuktamaupayikaM labhyaM bhajamAnAbhinItavat
(2\.7\.981)  nyAyyaM cha triShu ShaT sa.npradhAraNA tu samarthanam
(2\.7\.982)  avavAdastu nirdesho nideshaH shAsanaM cha saH
(2\.7\.983)  shiShTishchAj~nA cha sa.nsthA tu maryAdA dhAraNA sthitiH
(2\.7\.984)  sudharaNA sudhArA strI susthitiH sudashonnatiH
(2\.7\.985)  Ago.aparAdho mantushcha same tUddAnabandhane
(2\.7\.986)  dvipAdyo dviguNo daNDo bhAgadheyaH karo baliH
(2\.7\.987)  ghaTTAdideyaM shulko.astrI prAbhR^itaM tu pradeshanam
(2\.7\.988)  upAyanamupagrAhyamupahArastathopadA
(2\.7\.989)  yautakAdi tu yaddeyaM sudAyo haraNaM cha tat
(2\.7\.990)  tatkAlastu tadAtvaM syAduttaraH kAla AyatiH
(2\.7\.991)  sA.ndR^iShTikaM phalaM sadyaH udarkaH phalamuttaram
(2\.7\.992)  adR^iShTaM vahnitoyAdi dR^iShTaM svaparachakrajam
(2\.7\.993)  mahIbhujAmahibhayaM svapaxaprabhavaM bhayam
(2\.7\.994)  prakriyA tvadhikAraH syAchchAmaraM tu prakIrNakam
(2\.7\.995)  nR^ipAsanaM yattadbhadrAsanaM si.nhAsanaM tu tat
(2\.7\.996)  haimaM ChatraM tvAtapatraM rAj~nastu nR^ipalaxma tat
(2\.7\.997)  bhadrakumbhaH pUrNakumbho bhR^i~NgAraH kanakAlukA
(2\.7\.998)  niveshaH shibiraM ShaNDhe sajjanaM tUparaxaNam
(2\.7\.999)  hastyashvarathapAdAtaM senA~NgaM syAchchatuShTayam
(2\.7\.1000)  dantI dantAvalo hastI dvirado.anekapo dvipaH
(2\.7\.1001)  mata~Ngajo gajo nAgaH ku~njaro vAraNaH karI
(2\.7\.1002)  ibhaH stamberabhaH padmI yUthanAthastu yUthapaH
(2\.7\.1003)  madotkaTo madakalaH kalabhaH karishAvakaH
(2\.7\.1004)  prabhinno garjito mattaH samAvudvAntanirmadau
(2\.7\.1005)  hAstikaM gajatA vR^inde kariNI dhenukA vashA
(2\.7\.1006)  gaNDaH kaTo mado dAnaM vamathuH karashIkaraH
(2\.7\.1007)  kumbhau tu piNDau shirasastayormadhye viduH pumAn
(2\.7\.1008)  avagraho lalATaM syAdIShikA tvaxikUTakam
(2\.7\.1009)  apA~Ngadesho niryANaM karNamUlaM tu chUlikA
(2\.7\.1010)  adhaH kumbhasya vAhitthaM pratimAnamadho.asya yat
(2\.7\.1011)  AsanaM skandhadeshaH syAtpadmakaM bindujAlakam
(2\.7\.1012)  pArshvabhAgaH paxabhAgo dantabhAgastu yo.agrataH
(2\.7\.1013)  dvau pUrvapashchAjja~NghAdideshau gAtrAvare kramAt
(2\.7\.1014)  totraM veNukamAlAnaM bandhastambhe.atha shR^i~Nkhale
(2\.7\.1015)  anduko nigaDo.astrI syAda~Nkusho.astrI sR^iNiH striyAm
(2\.7\.1016)  dUShyA (chUShA) kaxyA varatrA syAtkalpanA sajjanA same
(2\.7\.1017)  praveNyAstaraNaM varNaH paristomaH kutho dvayoH
(2\.7\.1018)  vItaM tvasAraM hastyashvaM vArI tu gajabandhanI
(2\.7\.1019)  ghoTake vIti (pIti)turagatura~NgAshvatura~NgamAH
(2\.7\.1020)  vAjivAhArvagandharvahayasaindhavasaptayaH
(2\.7\.1021)  AjAneyAH kulInAH syurvinItAH sAdhuvAhinaH
(2\.7\.1022)  vanAyujAH pArasIkAH kAmbojAH bAhlikA hayAH
(2\.7\.1023)  yayurashvo.ashvamedhIyo javanastu javAdhikaH
(2\.7\.1024)  pR^iShThyaH sthaurI sitaH karko rathyo voDhA rathasya yaH
(2\.7\.1025)  bAlaH kishoro vAmyashvA vaDavA vADavaM gaNe
(2\.7\.1026)  triShvAshvInaM yadashvena dinenaikena gamyate
(2\.7\.1027)  kashyaM tu madhyamashvAnAM heShA hreShA cha nisvanaH
(2\.7\.1028)  nigAlastu galoddesho vR^inde tvashvIyamAshvavat
(2\.7\.1029)  AskanditaM dhauritakaM rechitam valgitaM plutam
(2\.7\.1030)  gatayo.amUH pa~ncha dhArA ghoNA tu prothamastriyAm
(2\.7\.1031)  kavikA tu khalIno.astrI shaphaM klIbe khuraH pumAn
(2\.7\.1032)  puchCho.astrI lUmalA~NgUle vAlahastashcha vAladhiH
(2\.7\.1033)  triShUpAvR^ittaluThitau parAvR^itte muhurbhuvi
(2\.7\.1034)  yAne chakriNi yuddhArthe shatA~NgaH syandano rathaH
(2\.7\.1035)  asau puShparathashchakrayAnaM na samarAya yat
(2\.7\.1036)  karNIrathaH pravahaNaM DayanaM cha samaM trayam
(2\.7\.1037)  klIbe.anaH shakaTo.astrI syAdgantrI kambalivAhyakam
(2\.7\.1038)  shibikA yApyayAnaM syAddolA pre~NkhAdikAH striyAm
(2\.7\.1039)  ubhau tu dvaipavaiyAghrau dvIpicharmAvR^ite rathe
(2\.7\.1040)  pANDukambalasa.nvItaH syandanaH pANDukambalI
(2\.7\.1041)  rathe kAmbalavAstrAdyAH kambalAdibhirAvR^ite
(2\.7\.1042)  triShu dvaipAdayo rathyA rathakaDyA rathavraje
(2\.7\.1043)  dhUH strI klIbe yAnamukhaM syAdrathA~NgamapaskaraH
(2\.7\.1044)  chakraM rathA~NgaM tasyAnte nemiH strI syAtpradhiH pumAn
(2\.7\.1045)  piNDikA nAbhiraxAgrakIlake tu dvayoraNiH
(2\.7\.1046)  rathaguptirvarUtho nA kUbarastu yuga.ndharaH
(2\.7\.1047)  anukarShI dArvadhaHsthaM prAsa~Ngo nA yugAdyugaH
(2\.7\.1048)  sarvaM syAdvAhanaM yAnaM yugyaM patraM cha dhoraNam
(2\.7\.1049)  paramparAvAhanaM yattadvainItakamastriyAm
(2\.7\.1050)  AdhoraNA hastipakA hastyArohA niShAdinaH
(2\.7\.1051)  niyantA prAjitA yantA sUtaH xattA cha sArathiH
(2\.7\.1052)  savyeShThadaxiNasthau cha sa.nj~nA rathakuTumbinaH
(2\.7\.1053)  rathinaH syandanArohA ashvArohAstu sAdinaH
(2\.7\.1054)  bhaTA yodhAshcha yoddhAraH senAraxAstu sainikAH
(2\.7\.1055)  senAyAM samavetA ye sainyAste sainikAshcha te
(2\.7\.1056)  balino ye sahasreNa sAhasrAste sahasriNaH
(2\.7\.1057)  paridhisthaH paricharaH senAnIrvAhinIpatiH
(2\.7\.1058)  ka~nchuko vArabANo.astrI yattu madhye saka~nchukAH
(2\.7\.1059)  badhnanti tatsArasanamadhikA~Ngo.atha shIrShakam
(2\.7\.1060)  shIrShaNyaM cha shirastre.atha tanutraM varma da.nshanam
(2\.7\.1061)  urashChadaH ka~NkaTako jAgaraH kavacho.astriyAm
(2\.7\.1062)  AmuktaH pratimuktashcha pinaddhashchApinaddhavat
(2\.7\.1063)  sa.nnaddho varmitaH sajjo da.nshito vyuDhaka~NkaTaH
(2\.7\.1064)  triShvAmuktAdayo varmabhR^itAM kAvachikaM gaNe
(2\.7\.1065)  padAtipattipadagapAdAtikapadAtayaH
(2\.7\.1066)  padgashcha padikashchAtha pAdAtaM pattisa.nhatiH
(2\.7\.1067)  shastrAjIve kANDapR^iShThAyudhIyAyudhikAH samAH
(2\.7\.1068)  kR^itahastaH suprayogavishikhaH kR^itapu~Nkhavat
(2\.7\.1069)  aparAddhapR^iShatko.asau laxyAdyashchyutasAyakaH
(2\.7\.1070)  dhanvI dhanuShmAndhAnuShko niSha~NgyastrI dhanurdharaH
(2\.7\.1071)  syAtkANDavA.nstu kANDIraH shAktIkaH shaktihetikaH
(2\.7\.1072)  yAShTIkapArashvathikau yaShTiparshvathahetikau
(2\.7\.1073)  naistri.nshiko.asihetiH syAtsamau prAsikakauntikau
(2\.7\.1074)  charmI phalakapANiH syAtpatAkI vaijayantikaH
(2\.7\.1075)  anuplavaH sahAyashchA.anucharo.anucharo.abhicharaH samAH
(2\.7\.1076)  purogA.agresarapraShThA.agrataHsarapuraHsarAH
(2\.7\.1077)  purogamaH purogAmI mandagAmI tu mantharaH
(2\.7\.1078)  ja~NghAlo.atijavastulyau ja~NghAkarikajA~Nghikau
(2\.7\.1079)  tarasvI tvarito vegI prajasvI javano javaH
(2\.7\.1080)  jayyo yaH shakyate jetuM jeyo jetavyamAtrake
(2\.7\.1081)  jaitrastu jetA yo gachChatyalaM vidviShataH prati
(2\.7\.1082)  so.abhyamitro.abhyamitrIyo.apyabhyamitrINa ityapi
(2\.7\.1083)  UrjasvalaH syAdUrjasvI ya Urjo.atishayAnvitaH
(2\.7\.1084)  svAdurasvAnurasilo rathiko rathiro rathI
(2\.7\.1085)  kAmagAmyanukAmIno hyatyantInastathA bhR^isham
(2\.7\.1086)  shUro vIrashcha vikrAnto jetA jiShNushcha jitvaraH
(2\.7\.1087)  sA.nyugIno raNe sAdhuH shastrajIvA.a.adayastriShu
(2\.7\.1088)  dhvajinI vAhinI senA pR^itanA.anIkinI chamUH
(2\.7\.1089)  varUthinI balaM sainyaM chakraM chA.anIkamastriyAm
(2\.7\.1090)  vyUhastu balavinyAso bhedAdaNDA.a.adayo yudhi
(2\.7\.1091)  pratyAsAro vyUhapArShNiH sainyapR^iShThe pratigrahaH
(2\.7\.1092)  ekebhaikarathA tryashvA pattiH pa~nchapadAtikA
(2\.7\.1093)  pattya~NgaistriguNaiH sarvaiH kramAdAkhyA yathottaram
(2\.7\.1094)  senAmukhaM gulmagaNau vAhinI pR^itanA chamUH
(2\.7\.1095)  anIkinI dashA.anIkinyaxauhiNyatha sa.npadi
(2\.7\.1096)  sa.npattiH shrIshcha laxmIshcha vipattyAM vipadApadau
(2\.7\.1097)  AyudhaM tu praharaNaM shastramastramathA.astriyau
(2\.7\.1098)  dhanushchApau dhanvasharAsanakodaNDakArmukam
(2\.7\.1099)  iShvAso.apyatha karNasya kAlapR^iShThaM sharAsanam
(2\.7\.1100)  kapidhvajasya gANDIvagANDivau pu.nnapu.nsakau
(2\.7\.1101)  koTirasyA.aTanI godhAtale jyAghAtavAraNe
(2\.7\.1102)  lastakastu dhanurmadhyaM morvI jyA shi~njinI guNaH
(2\.7\.1103)  syAtpratyAlIDhamAlIDhamityAdi sthAnapa~nchakam
(2\.7\.1104)  laxyaM laxaM sharavyaM cha sharAbhyAsa upAsanam
(2\.7\.1105)  pR^iShatkabANavishikhA ajihmagakhagA.a.ashugAH
(2\.7\.1106)  kalambamArgaNasharAH patrI ropa iShurdvayoH
(2\.7\.1107)  praxveDanAstu nArAchAH paxo vAjastriShUttare
(2\.7\.1108)  nirastaH prahite bANe viShA.akte digdhaliptakau
(2\.7\.1109)  tUNopAsa~NgatUNIraniSha~NgA iShudhirdvayoH
(2\.7\.1110)  tUNyAM khadge tu nistri.nshachandrahAsA.asiriShTayaH
(2\.7\.1111)  kauxeyako maNDalAgraH karavAlaH kR^ipANavat
(2\.7\.1112)  tsaruH khaDgAdimuShTau syAnmekhalA tannibandhanam
(2\.7\.1113)  phalako.astrI phalaM charma sa.ngrAho muShTirasya yaH
(2\.7\.1114)  drughaNo mudgaraghanau syAdIlI karavAlikA
(2\.7\.1115)  bhindipAlaH sR^igastulyau parighaH parighAtinaH
(2\.7\.1116)  dvayoH kuThAraH svadhitiH parashushcha parashvadhaH
(2\.7\.1117)  syAchChstrI chA.asiputrI cha ChurikA chA.asidhenukA
(2\.7\.1118)  vA pu.nsi shalyaM sha~NkurnA sarvalA tomaro.astriyAm
(2\.7\.1119)  prAsastu kuntaH koNastu striyaH pAlyashrikoTayaH
(2\.7\.1120)  sarvAbhisAraH sarvaughaH sarvasannahanArthakaH
(2\.7\.1121)  lohAbhisAro.astrabhR^itAM rAj~nAnAM nIrAjanAvidhiH
(2\.7\.1122)  yatsenayA.abhigamanamarau tadabhiSheNanam
(2\.7\.1123)  yAtrA vrajyA.abhiniryANaM prasthAnaM gamanaM gamaH
(2\.7\.1124)  syAdAsAraH prasaraNaM prachakraM chalitArthakam
(2\.7\.1125)  ahitAnpratyabhItasya raNe yAnamabhikramaH
(2\.7\.1126)  vaitAlikA bodhakarAshchAkrikA ghANTikArthakAH
(2\.7\.1127)  syurmAgadhAstu magadhA bandinaH stutipAThakAH
(2\.7\.1128)  sa.nshaptakAstu samayAt sa.ngrAmAdanivartinaH
(2\.7\.1129)  reNurdvayoH striyAM dhUliH pA.nsurnA na dvayo rajaH
(2\.7\.1130)  chUrNe xodaH samutpi~njapi~njalau bhR^ishamAkule
(2\.7\.1131)  patAkA vaijayantI syAtketanaM dhvajamastriyAm
(2\.7\.1132)  sA vIrAsha.nsanaM yuddhabhUmiryA.atibhayapradA
(2\.7\.1133)  ahaM pUrvamahaM pUrvamityahaMpUrvikA striyAm
(2\.7\.1134)  AhopuruShikA darpAdyA syAtsa.nbhAvanA.a.atmani
(2\.7\.1135)  ahamahamikA tu sA syAt parasparaM yo bhavatyaha~NkAraH
(2\.7\.1136)  draviNaM taraH sahobalashauryANi sthAma shuShmaM cha
(2\.7\.1137)  shaktiH parAkramH prANo vikramastvatishaktitA
(2\.7\.1138)  vIrapANaM tu yatpAnaM vR^itte bhAvini vA raNe
(2\.7\.1139)  yuddhamAyodhanaM janyaM praghanaM pravidAraNam
(2\.7\.1140)  mR^idhamAskandanaM sa.nkhyaM samIkaM sA.nparAyikam
(2\.7\.1141)  astriyA.n samarA.anIkaraNAH kalahavigrahau
(2\.7\.1142)  sa.nprahArA.abhisa.npAta kalisa.nsphoTa sa.nyugAH
(2\.7\.1143)  abhyAmarda samAghAta sa.ngrAmA.abhyAgamA.a.ahavAH
(2\.7\.1144)  samudAyaH striyaH sa.nyat.hsamityA.a.ajisamid.hyudhaH
(2\.7\.1145)  niyuddhaM bAhuyuddhe.atha tumulaM raNasa.nkule
(2\.7\.1146)  xvedA tu si.nhanAdaH syAt kariNAM ghaTanA ghaTA
(2\.7\.1147)  kra.ndana.n yodhasa.nrAvo bR^i.nhita.n kariga{ji}R^itam
(2\.7\.1148)  visphAro dhanuShaH svAnaH patAhA.a.adambarao samau
(2\.7\.1149)  prasabha.n tu balAtkAro haTho.atha skhalita.n Chalam
(2\.7\.1150)  ajanya.n klIbamutpAta upasa{ga}R^iH sama.n trayam
(2\.7\.1151)  mU{ChA}R^i tu kashmala.n moho.Apyavama{da}R^istu pIdanam
(2\.7\.1152)  abhyavaskandana.n tvabhyAsAdana.n vijayo jayaH
(2\.7\.1153)  vairashuddhiH pratIkAro vairani{ya}R^iAtana.n cha sA
(2\.7\.1154)  pradrAvod.hdrAvasa.ndrAva sa.ndAvA vidravo dravaH
(2\.7\.1155)  apakramo.apayAna.n cha raNe bha.ngaH parAjayaH
(2\.7\.1156)  parAjitaparAbhUtau triShu naShTatirohitau
(2\.7\.1157)  pramApaNa.n niba{ha}R^iNa.n nikAraNa.n vishAraNam
(2\.7\.1158)  pravAsana.n parAsana.n niShUdana.n nihi.nsanam
(2\.7\.1159)  ni{vA}R^isana.n sa.nj~napana.n ni{ga}R^inthanamapAsanam
(2\.7\.1160)  nista{ha}R^iNa.n nihanana.n xaNana.n pariva{ja}R^inam
(2\.7\.1161)  ni{vA}R^ipaNa.n vishasana.n mAraNa.n pratighAtanam
(2\.7\.1162)  udvAsana pramathana krathanojjAsanAni cha
(2\.7\.1163)  Alambhapi~njavisharaghAtonmAthavadhA api
(2\.7\.1164)  syAt pa~nchatA kAladharmo diShTAntaH pralayo.atyayaH
(2\.7\.1165)  anto nAsho dvayormR^ityurmaraNa.n nidhano.astriyAm
(2\.7\.1166)  parAsuprAptapa.nchatvaparetapretasa.nsthitAH
(2\.7\.1167)  mR^itapramItau triShvete, chitA chityA chitiH striyAm
(2\.7\.1168)  kaba.ndho.astrI kriyA yuktamapamUrdhakalevaram
(2\.7\.1169)  shmashAna.n syAt pitR^ivana.n kuNapaH shavamastriyAm
(2\.7\.1170)  pragrahopagrahau ba.ndyA.n, kArA syAt ba.ndhanAlaye
(2\.7\.1171)  pU.nsi bhUgnyasavaH prANAshchaiva.n, jIvo.asudhAraNam
(2\.7\.1172)  AyurjIvitakAlo, nA jIvaturjIvanauShadham    | iti xatriyavargaH
\centerline{vaishyavargaH|}
(2\.8\.1173)  Uravya Uruja aryA vaishyA bhUmispR^isho vishaH    | atha vaishyavargaH
(2\.8\.1174)  AjIvo jIvikA vA{tA}R^i vR^ittirva{ta}R^inajIvane
(2\.8\.1175)  striyA.n kR^iShiH pAshupAlya.n  vANijya.n cheti vR^ittayaH
(2\.8\.1176)  sevA shvavR^ittiranR^ita.n kR^ishiru~nChashila.n tvR^itam
(2\.8\.1177)  dve yAchitA.ayAchitayoryathAsa.nkhy.n mR^itA.amR^ite
(2\.8\.1178)  satyAnR^ita.n vaNigbhAvaH, syAdR^iNa.n pa{yu}R^ida~nchanam
(2\.8\.1179)  uddhAro.a{tha}R^iprayogastu kusIda.n vR^iddhijIvikA
(2\.8\.1180)  yA~nchayA.a.apta.n yAchitaka.n nimayAdApamityakam
(2\.8\.1181)  uttama{NA}R^i.adhama{Nau}R^i dvau prayoktR^i grAhakau kramAt
(2\.8\.1182)  kusIdiko vA{dhu}R^iShiko vR^iddhyAjIvashcha vArdhuShiH
(2\.8\.1183)  xetrAjIvaH ka{Sha}R^ikashcha kR^iShikashcha kR^iShIvalaH
(2\.8\.1184)  xetra.n vraiheyashAleya.n vrIhishAlyudbhavochitam
(2\.8\.1185)  yavya.n yavakya.n yaShTikya.n yavA.a.adibhavana.n hi yat
(2\.8\.1186)  tilyatailInavan mAShomA.aNubha~NgAdvirUpatA
(2\.8\.1187)  maudgInakaudravINA.a.adi sheShadhAnyodbhavaxamam
(2\.8\.1188)  shAkaxetrA.a.adike shAkashAkata.n shAkashAkinam
(2\.8\.1189)  bIjAkR^ita.n tUprakR^iShTe sItya.n kR^iShTa.n cha halyavat
(2\.8\.1190)  triguNAkR^ita.n tR^itIyAkR^ita.n trihalya.n trisItyamapi tasmin
(2\.8\.1191)  dviguNAkR^ite tu sa{va}R^i.n pU{va}R^i.n shambAkR^itamapIha
(2\.8\.1192)  droNA.a.aDhakA.a.adi vApA.a.adau drauNikA.a.aDhakikA.a.adayaH
(2\.8\.1193)  KharIvApastu khArIka uttma{NA}R^i.a.adayastriShu
(2\.8\.1194)  pun.hnapu.nsakayorvapraH kedAraH xetramasya tu
(2\.8\.1195)  kaidAraka.n syAt kaidA{ya}R^i.n xetra.n kaidArika.n gaNe
(2\.8\.1196)  loShTAni leShTavaH pu.nsi koTisho loShTabhedanaH
(2\.8\.1197)  prAjana.n todana.n totra.n khanitramavadAraNe
(2\.8\.1198)  dAtra.n lavitramAbandho yotra.n yoktramatho phalam
(2\.8\.1199)  nirISha.n kuTaka.n phAlaH kR^iShako lA.ngala.n halam
(2\.8\.1200)  godAraNa.n cha sIro.atha shamyA strI yugakIlakaH
(2\.8\.1201)  ISha lA.ngalada.NDaH syAt sIta lA~NgalapaddhatiH
(2\.8\.1202)  pu.nsi medhiH khale dAru nyasta.n yat pashubandhane
(2\.8\.1203)  AshurvrIhiH pATalaH syAchChitashUkayavau samau
(2\.8\.1204)  tokmastu tatra harite kalAyastu satInakaH
(2\.8\.1205)  hareNureNukau chA.asmin koradUShastu kodravaH
(2\.8\.1206)  ma.ngalyako masUro.atha makuShThaka mayuShThakau
(2\.8\.1207)  vanamudge sa{Sha}R^ipe tu dvau ta.ntubhakadambakau
(2\.8\.1208)  siddhArthastveSha dhavalo godhUmaH sumanaH samau
(2\.8\.1209)  syAd yAvakastu kulmAShashchaNako harimanthakaH
(2\.8\.1210)  dvau tile tilapejashcha tilapi~njashcha niShphale
(2\.8\.1211)  xavaH xutAbhijanano rAjikA kR^iShNikA.a.asurI
(2\.8\.1212)  striyau ka~Ngupriya~NgU dve atasI syAdumA xumA
(2\.8\.1213)  mAtulAnI tu bha~NgAyA.n vrIhi bhedastvaNuH pumAn
(2\.8\.1214)  ki.nshAruH sasyashUka.n syAt kaNisha.n sasyama~njarI
(2\.8\.1215)  dhAnya.n vrIhiH stambakariH stambo guchChastR^iNAdinaH
(2\.8\.1216)  nADI nAla.n cha kANDo.asya palAlostrI sa niShphalaH
(2\.8\.1217)  kaDa~Ngaro busa.n klIbe dhAnyatvachi tuShaH pumAn
(2\.8\.1218)  shUko.astrI shlaxNatIxNA.agre shamI shimbA triShUttare
(2\.8\.1219)  R^iddhamAvasita.n dhAnya.n pUta.n tu bahulIkR^itam
(2\.8\.1220)  mAShA.a.adayaH shamIdhAnye shUkadhAnye yavA.a.adayaH
(2\.8\.1221)  shAlayaH kalamAdyAshcha ShaShTikAdyAshcha pu.nsyamI
(2\.8\.1222)  tR^iNadhAnyAni nIvArAH strI gavedhurgavedhukA
(2\.8\.1223)  ayogra.n musalo.astrI syAdudUkhalamulUkhalam
(2\.8\.1224)  prasphoTana.n shU{pa}R^imastrI chAlanI tita{u}H pumAn
(2\.8\.1225)  syUtaprasevau kaNDolapiTau kaTakili~njakau
(2\.8\.1226)  samAnau rasavatyA.n tu pAkasthAnamahAnase
(2\.8\.1227)  paurogavastadadhyaxaH sUpakArAstu ballavAH
(2\.8\.1228)  ArAlikA AndhasikAH sUdA audanikA guNAH
(2\.8\.1229)  ApUpikaH kAndaviko bhaxyakAra ime triShu
(2\.8\.1230)  ashmantamuddhAnamadhishrayaNI chullirantikA
(2\.8\.1231)  a~NgAradhAnika.A.ngArashakaTyapi hasantyapi
(2\.8\.1232)  hasanyapyatha na strI syAda~NgAro.alAtamulmukam
(2\.8\.1233)  klIbe.ambarIpa.n bhrAShTro nA kandurvA svedanI striyAm
(2\.8\.1234)  ali~njaraH syAnmaNika.n ka{ka}R^i{yya}R^ilurgalantikA
(2\.8\.1235)  piTharaH sthAlyukhA kuNDa.n kalashastu triShu dvayoH
(2\.8\.1236)  ghaTaH kuTanipAvastrI sharAvo va{dha}R^imAnakaH
(2\.8\.1237)  R^ijISha.n piShTapachana.n ka.nso.astrI pAnabhAjanam
(2\.8\.1238)  kutUH kR^itteH snehapAtra.n saivA.alpA kutupaH pumAn
(2\.8\.1239)  sa{va}R^imAvapana.n bhANDa.n pAtrAmatre cha bhAjanam
(2\.8\.1240)  da{vi}R^iH kambiH khajAkA cha syAt taddUrdAruhastakaH
(2\.8\.1241)  astrI shAka.n haritaka.n shigrurasya tu nADikA
(2\.8\.1242)  kalambashcha kadambashcha veShavAra upaskaraH
(2\.8\.1243)  tintiDIka.n cha chukra.n cha vR^ixAmlamatha vellajam
(2\.8\.1244)  marIcha.n kolaka.n kR^iShNabhUShaNa.n dha{ma}R^ipattanam
(2\.8\.1245)  jIrako jaraNo.ajAji kaNAH kR^iShNe tu jIrake
(2\.8\.1246)  suShavI kAravI pR^ithvI pR^ithuH kAlopaku~njikA
(2\.8\.1247)  Ardraka.n shR^i~Ngabera.n syAdatha ChatrA vitunnakam
(2\.8\.1248)  kustumbaru cha dhAnyAkamatha shuNThI mahauShadham
(2\.8\.1249)  strInapu.nsakayorvishva.n nAgara.n vishvabheShajam
(2\.8\.1250)  AranAlakasauvIrakulmASha.abhishutAni cha
(2\.8\.1251)  avantisomadhAnyAmlaku~njalAni cha kA~njike
(2\.8\.1252)  sahasravedhi jatuka.n balhIka.n hi~Ngu rAmaTham
(2\.8\.1253)  tat.hpatrI kAravI pR^ithvI bAShpikA kabarI pR^ithuH
(2\.8\.1254)  nishA.a.akhyA kA~nchanI pItA haridrA varava{Ni}R^inI
(2\.8\.1255)  sAmudra.n yat tu lavaNamaxIva.n vashira.n cha tat
(2\.8\.1256)  saindhavo.astrI shItashivaM mANimanthaM cha sindhuje
(2\.8\.1257)  raumakaM vasukaM pAkyaM biDaM cha kR^itake dvayam
(2\.8\.1258)  sauvarchale.axaruchake tilakaM tatra mechake
(2\.8\.1259)  matsyaNDI phANitaM khaNDavikAre sharkarA sitA
(2\.8\.1260)  kUrchikA xIravikR^itiH syAdrasAlA tu mArjitA
(2\.8\.1261)  syAttemanaM tu niShThAnaM trili~NgA vAsitA.avadheH
(2\.8\.1262)  shUlAkR^itaM bhaTitraM cha shUlyamukhyaM tu paiTharam
(2\.8\.1263)  praNItamupasampannaM prayastaM syAtsusaMskR^itam
(2\.8\.1264)  syAtpichChilaM tu vijilaM saMmR^iShTaM shodhitaM same
(2\.8\.1265)  chikkaNaM masR^iNaM snigdhaM tulye bhAvitavAsite
(2\.8\.1266)  ApakkaM paulirabhyUSho lAjAH puMbhUmni chA.axatAH
(2\.8\.1267)  pR^ithakaH syAchchipiTako dhAnA bhR^iShTayave striyaH
(2\.8\.1268)  pUpo.apUpaH piShTakaH syAtkarambho dadhisaktavaH
(2\.8\.1269)  bhissA strI bhaktamandho.annamodano.astrI sa dIdiviH
(2\.8\.1270)  bhissaTA dagdhikA sarvarasA.agre maNDamastriyAm
(2\.8\.1271)  mAsarA.a.achAmanisrAvA maNDe bhaktasamudbhave
(2\.8\.1272)  yavAgUruShNikA shrANA vilepI taralA cha sA
(2\.8\.1273)  mraxaNA.abhya~njane tailaM kR^isarastu tilaudanaH
(2\.8\.1274)  gavyaM triShu gavAM sarvaM goviDgomayastriyAm
(2\.8\.1275)  tattu shuShkaM karISho.astrI dugdhaM xIraM payassamam
(2\.8\.1276)  payasyamAjyadadhyA.a.adi trapsyaM dadhi dhanetarat
(2\.8\.1277)  ghR^itamAjyaM haviH sarpirnavanItaM navodghR^itam
(2\.8\.1278)  tattu haiya~NgavInaM yat hyoghodohodbhavaM gR^itam
(2\.8\.1279)  daNDAhataM kAlasheyamariShTamapi gorasaH
(2\.8\.1280)  takraM hyudashvin mathitaM pAdAmbvardhAmbu nirjalam
(2\.8\.1281)  maNDam dadhibhavaM mastu pIyUSho.abhinavaM payaH
(2\.8\.1282)  ashanAyA bubhuxA xud grAsastu kavalaH pumAn
(2\.8\.1283)  sapItiH strI tulyapAnaM sagdhiH strI sahabhojanam
(2\.8\.1284)  udanyA tu pipAsA tR^iT tarpo jagdhistu bhojanam
(2\.8\.1285)  jemanaM leha AhAro nighAso nyAda ityapi
(2\.8\.1286)  sauhityaM tarpaNaM tR^iptiH phelA bhuktasamujjhitam
(2\.8\.1287)  kAmaM prakAmaM paryAptaM nikAmeShTaM yathepsitam
(2\.8\.1288)  gope gopAla gosaMkhya godhugAbhIra vallavAH
(2\.8\.1289)  gomahiShyA.a.adikaM pAdabandhanaM dvau gavIshvare
(2\.8\.1290)  gomAn gomI gokulaM tu godhanaM syAtgavAM vraje
(2\.8\.1291)  triShvAshitaMgavInaM tadgAvo yatrA.ashitAH purA
(2\.8\.1292)  uxA bhadro balIvarda R^iShabho vR^iShabho vR^iShaH
(2\.8\.1293)  anaDvAn saurabheyo gauruxNAM saMhatirauxakam
(2\.8\.1294)  gavyA gotrA gavAM vatsadhenvorvAtsakadhainuke
(2\.8\.1295)  uxA mahAn mahoxaH syAdvR^iddhoxastu jaradgavaH
(2\.8\.1296)  utpanna uxA jAtoxaH sadyo jAtastu tarNakaH
(2\.8\.1297)  shakR^itkaristu vatsasyAd damyavatsatarau samau
(2\.8\.1298)  ArShabhyaH ShaNDatAyogyaH ShaNDo gopatiriTcharaH
(2\.8\.1299)  skandhadeshe svasya vahaH sAsnA tu galakambalaH
(2\.8\.1300)  syAnnastitastu nasyotaH praShThavAD yugapArshvagaH
(2\.8\.1301)  yugA.a.adInAM tu voDhAro yugyaprAsaMgyashAkaTAH
(2\.8\.1302)  khanati tena tadvoDhA.asyedaM hAlikasairikau
(2\.8\.1303)  dhurvahe dhurya dhaureya dhurINAH sadhurandharAH
(2\.8\.1304)  ubhAvekadhurINaikadhurAvekadhurAvahe
(2\.8\.1305)  sa tu sarvadhurINaH syAdyo vai sarvadhurA.a.avahaH
(2\.8\.1306)  mAheyI saurabheyI gaurusrA mAtA cha shR^i~NgiNI
(2\.8\.1307)  arjunyaghnyA rohiNI syAduttamA goShu nauchikI
(2\.8\.1308)  varNA.a.adibhedAtsaMj~nAH syuH shabalIdhavalA.a.adayaH
(2\.8\.1309)  dvihAyanI dvivarShA gaurekA.abdA tvekahAyanI
(2\.8\.1310)  chaturabdA chaturhANyevaM tryabdA trihAyaNI
(2\.8\.1311)  vashA vandhyA.avatokA tu sravadgarbhA.atha saMdhinI
(2\.8\.1312)  AkrAntA vR^iShabheNAtha vehad garbhopaghAtinI
(2\.8\.1313)  kAlyopasaryA prajane praShThauhI bAlagarbhiNI
(2\.8\.1314)  syAdachaNDI tu sukarA bahusUtiH pareShTukA
(2\.8\.1315)  chiraprasUtA baShkayaNI dhenuH syAtnavasUtikA
(2\.8\.1316)  suvratA sukhasaMdohyA pInodhnI pIvarastanI
(2\.8\.1317)  droNaxIrA droNadugdhA dhenuShyA bandhake sthitA
(2\.8\.1318)  samAMsamInA sA yaiva prativarShaprasUtaye
(2\.8\.1319)  Udhastu klIbamApInaM samau shivakakIlakau
(2\.8\.1320)  na pumsi dAma saMdAnaM pashurajjustu dAmanI
(2\.8\.1321)  vaishAkhamanthamanthAna manthAno manthadaNDake
(2\.8\.1322)  kuTharo daNDaviShkambho manthanI gargarI same
(2\.8\.1323)  uShTre kramelakamayamahA~NgAH karabhaH shishuH
(2\.8\.1324)  karabhAH syuH shR^i~NkhalakA dAravaiH pAdabandhanaiH
(2\.8\.1325)  ajA cChAgI shubhachChAgabastachChagalakA aje
(2\.8\.1326)  meDhrorabhroraNorNAyu meSha vR^iShNaya eDake
(2\.8\.1327)  uShTrorabhrA.ajavR^inde syAdauShTrakaurabhrakA.a.ajakam
(2\.8\.1328)  chakrIvantastu vAleyA rAsabhA gardabhAH kharAH
(2\.8\.1329)  vaidehakaH sArthavAho naigamo vANijo vaNik
(2\.8\.1330)  paNyAjIvo hyApaNikaH krayavikrayikashcha saH
(2\.8\.1331)  vikretA syAdvikrayikaH krAyikakrayikau samau
(2\.8\.1332)  vANijyaM tu vaNijyA syAn mUlyaM vasno.apyavakrayaH
(2\.8\.1333)  nIvI paripaNo mUladhanaM lAbho.adhikaM phalam
(2\.8\.1334)  paridAnaM parIvarto naimeyaniyamAvapi
(2\.8\.1335)  pumAnupanidhirnyAsaH pratidAnaM tadarpaNam
(2\.8\.1336)  kraye prasAritaM krayyaM kreyaM kretavyamAtrake
(2\.8\.1337)  vikreyaM paNitavyaM cha paNyaM krayyA.a.adayastriShu
(2\.8\.1338)  klIbe satyApanaM satya~NkAraH satyAkR^itiH striyAm
(2\.8\.1339)  vipaNo vikrayaH saMkhyAH saMkhyeye hyAdasha triShu
(2\.8\.1340)  viMshatyA.a.adyAH sadaikatve sarvAH saMkhyeyasaMkhyayoH
(2\.8\.1341)  saMkhyA.arthe dvibahutve stastAsu chA.a.anavateH striyaH
(2\.8\.1342)  pa~NkteH shatasahasrA.a.adi kramAddashaguNottaram
(2\.8\.1343)  yautavaM druvayaM pAyyamiti mAnA.arthakaM trayam
(2\.8\.1344)  mAnaM tulA~Nguliprasthairgu~njAH pa~njA.a.adyamAShakaH
(2\.8\.1345)  te ShoDashA.axaH karSho.astrI palaM karShachatuShTayam
(2\.8\.1346)  suvarNabistau hemno.axe kurubistastu tatpale
(2\.8\.1347)  tulA striyAM palashataM bhAraH syAdviMshatistulAH
(2\.8\.1348)  Achito dasha bhArAH syuH shAkaTo bhAra AchitaH
(2\.8\.1349)  kArShApaNaH kArShikaH syAt  kArShike tAmrike paNaH
(2\.8\.1350)  astriyAmADhakadroNau khArI vAho niku~nchakaH
(2\.8\.1351)  kuDavaH prastha ityA.a.adyAH parimANA.arthakAH pR^ithak
(2\.8\.1352)  pAdasturIyo bhAgaH syAdaMshabhAgau tu vaNTake
(2\.8\.1353)  dravyaM vittaM svApateyaM rikthamR^ikthaM dhanaM vasu
(2\.8\.1354)  hiraNyaM draviNaM dyumnamartharaivibhavA api
(2\.8\.1355)  syAtkoshashcha hiraNyaM cha hemarUpye kR^itA.akR^ite
(2\.8\.1356)  tAbhyAM yadanyat tatkupyaM rUpyaM tad dvayamAhatam
(2\.8\.1357)  gArutmataM marakatamashmagarbho harinmaNiH
(2\.8\.1358)  shoNaratnaM lohitakaH padmarAgo.atha mauktikam
(2\.8\.1359)  muktA.atha vidrumaH puMsi pravAlaM punnapuMsakam
(2\.8\.1360)  ratnaM maNirdvayorashmajAtau muktA.a.adike.api cha
(2\.8\.1361)  svarNaM suvarNaM kanakaM hiraNyaM hemakATakam
(2\.8\.1362)  tapanIyaM shAtakumbhaM gA~NgeyaM  bharma karvuram
(2\.8\.1363)  chAmIkaraM jAtarUpaM mahArajatakA~nchane
(2\.8\.1364)  rukmaM kArtasvaraM jAmbUnadamaShTApado.astriyAm
(2\.8\.1365)  ala~NkArasuvarNaM yachChR^i~NgIkanakamityadaH
(2\.8\.1366)  durvarNaM rajataM rUpyaM kharjUraM shvetamityapi
(2\.8\.1367)  rItiH striyAmArakUTo na striyAmatha tAmrakam
(2\.8\.1368)  shulbaM mlechChamukhaM dvyaShTavariShTodumbarANi cha
(2\.8\.1369)  loho.astrI shastrakaM tIxNaM piNDaM kAlAyasA.ayasI
(2\.8\.1370)  ashmasAro.atha maNDUraM siMhANamapi tanmale
(2\.8\.1371)  sarvaM cha taijasaM lauhaM vikArastvayasaH kushI
(2\.8\.1372)  xAraH kAcho.atha chapalo rasaH sUtashcha pArade
(2\.8\.1373)  gavalaM mAhiShaM shR^i~NgamabhrakaM girijA.amale
(2\.8\.1374)  sroto~njanaM tu mauvIraM kApotA~njanayAmune
(2\.8\.1375)  tutthA~njanaM shikhigrIvaM vitunnakamayUrake
(2\.8\.1376)  karparI dAviMkAkkAtodbhavaM tutthaM rasA~njanam
(2\.8\.1377)  rasagarbhaM tArxyashailaM gandhAshmani tu gandhikaH
(2\.8\.1378)  saugandhikashcha chaxuShyAkulAlyau tu kulatthikA
(2\.8\.1379)  rItipuShpaM puShpake tu puShpakaM kusumA~njanam
(2\.8\.1380)  pi~njaraM pItanaM tAlamAlaM cha haritAlake
(2\.8\.1381)  gaireyamarthyaM girijamashmajaM cha shilAjatu
(2\.8\.1382)  volagandharasaprANapiNDagoparasAH samAH
(2\.8\.1383)  DiNDIro.abdhikaphaH phenaH sindUraM nAgasaMbhavam
(2\.8\.1384)  nAgasIsakayogeShTavaprANi triShu pi~nchaTam
(2\.8\.1385)  ra~Ngava~Nge atha pichustUlo.atha kamalottaram
(2\.8\.1386)  syAtkusumbhaM vahnishikhaM mahArajanamityapi
(2\.8\.1387)  meShakambala UrNAyuH shashorNaM shashalomani
(2\.8\.1388)  madhu xaudraM mAxikA.a.adi madhUchChiShTaM tu sikthakam
(2\.8\.1389)  manaHshilA manoguptA manohvA nAgajihvikA
(2\.8\.1390)  naipAlI kunaTI golA yavaxAro yavAgrajaH
(2\.8\.1391)  pAkyo.atha sarjikAxAraH kApotaH sukhavarchakaH
(2\.8\.1392)  sauvarchalaM syAdruchakaM tvakxIrI vaMsharochanA
(2\.8\.1393)  shigrujaM shvetamArichaM moraTaM mUlamaixavam
(2\.8\.1394)  granthikaM pippalImUlaM chaTikAshira ityapi
(2\.8\.1395)  golomI bhUtakesho nA patrA~NgaM raktachandanam
(2\.8\.1396)  trikaTu tryUpaNaM vyopaM triphalA tu phalatrikam
| iti vaishyavargaH 9, atra mUlashlokAH 111
\centerline{shUdravargaH|}
(2\.8\.1397)  shUdrAshchA.avaravarNAshcha vR^iShalAshcha jaghanyajAH   | atha shUdravargaH
(2\.8\.1398)  AchaNDAlAt tu saMkIrNA ambaShThakaraNA.adayaH
(2\.8\.1399)  shUdrAvishostu karaNo.ambaShTho vaishyAdvijanmanoH
(2\.8\.1400)  shUdrAxatriyayorugro mAgadhaHxatriyAvishoH
(2\.8\.1401)  mAhiSho.aryAxatriyayoH xattA.aryAshUdrayoH sutaH
(2\.8\.1402)  brAhmaNyAM xatriyAt sUtastasyAM vaidehako vishaH
(2\.8\.1403)  rathakArastu mAhiShyAt karaNyAM yasya saMbhavaH
(2\.8\.1404)  syAch chaNDAlastu janito brAhmaNyAM vR^iShalena yaH
(2\.8\.1405)  kAruH shilpI saMhataistairdvayoH shreNiH sajAtibhiH
(2\.8\.1406)  kulakaH syAt kulashreShThI mAlAkArastu mAlikaH
(2\.8\.1407)  kumbhakAraH kulAlaH syAt palagaNDastu lepakaH
(2\.8\.1408)  tantuvAyaH kuvindaH syAt tunnavAyastu sauchikaH
(2\.8\.1409)  ra~NgAjIvashchitrakaraH shastramArjo.asi dhAvakaH
(2\.8\.1410)  pAdakR^ich charmakAraH syAd vyokAro lohakArakaH
(2\.8\.1411)  nADindhamaH svarNakAraH kalAdo rukmakArakaH
(2\.8\.1412)  syAchChA~NkhikaH kAmbavikaH shaulbikastAmrakuTTakaH
(2\.8\.1413)  taxA tu vardhakistvaShTA rathakArashcha kAShThataT
(2\.8\.1414)  grAmA.adhIno grAmataxaH kauTataxo.anadhInakaH
(2\.8\.1415)  xurI muNDI divAkIrtinApitA.antAvasAyinaH
(2\.8\.1416)  nirNejakaH syAd rajakaH shauNDiko maNDahArakaH
(2\.8\.1417)  jAbAlaH syAdajAjIvo devAjIvastu devalaH
(2\.8\.1418)  syAn mAyA shAmbarI mAyAkArastu pratihArakaH
(2\.8\.1419)  shailAlinastu shailUShA jAyAjIvAH kR^ishAshvinaH
(2\.8\.1420)  bharatA ityapi naTAshchAraNAstu kushIlavAH
(2\.8\.1421)  mArda~NgikA maurajikAH pANivAdAstu pANighAH
(2\.8\.1422)  veNudhmAH syurvaiNavikA vINAvAdAstu vaiNikAH
(2\.8\.1423)  jIvAntakaH shAkuniko dvau vAgurikajAlikau
(2\.8\.1424)  vaitaMsikaH kauTikashcha mAMsikashcha samaM trayam
(2\.8\.1425)  bhR^itako bhR^itibhuk karmakaro vaitaniko.api saH
(2\.8\.1426)  vArtAvaho vaivadhiko bhAravAhastu bhArikaH
(2\.8\.1427)  vivarNaH pAmaro nIchaH prAkR^itashcha pR^ithagjanaH
(2\.8\.1428)  nihIno.apasado jAlmaH xullakashchetarashcha saH
(2\.8\.1429)  bhR^itye dAseradAseyadAsagopyakacheTakAH
(2\.8\.1430)  niyojyaki~NkarapraiShyabhujiShyaparichArakAH
(2\.8\.1431)  parAchitapariskandaparajAtaparaidhitAH
(2\.8\.1432)  mAndastundaparimR^ija AlasyaH shItako.alaso.anuShNaH
(2\.8\.1433)  daxe tu chaturapeshalapaTavaH sUtthAna uShNashcha
(2\.8\.1434)  chaNDAlaplavamAta~NgadivAkIrtijana~NgamAH
(2\.8\.1435)  nipAdashvapachAvantevAsichANDAlapukkasAH
(2\.8\.1436)  bhedAH |  kirAtashabarapulindA mlechChajAtayaH
(2\.8\.1437)  vyAdho mR^igavadhAjIvo mR^igayurlubdhako.api saH
(2\.8\.1438)  kauleyakaH sArameyaH kukkuro mR^igadaMshakaH
(2\.8\.1439)  shunako bhapakaH shvA syAdalarkastu sa yogitaH
(2\.8\.1440)  shvA vishvakadrurmR^igayAkushalaH saramA shunI
(2\.8\.1441)  viT.hcharaH sUkaro grAmyo varkarastaruNaH pashuH
(2\.8\.1442)  AchChodanaM mR^igavyaM syAdAkheTomR^igayA striyAm
(2\.8\.1443)  daxiNA.arurlubdhayogAd daxiNermA kura~NgakaH
(2\.8\.1444)  chauraikAgArikastenadasyutaskaramopakAH
(2\.8\.1445)  pratirodhiparAskandipATachcharamalimluchAH
(2\.8\.1446)  chaurikA stainyachaurye cha steyaM loptraM tu taddhane
(2\.8\.1447)  vItaMsastUpakaraNaM bandhane mR^igapaxiNAm
(2\.8\.1448)  unmAthaH kUTayantraM syAd vAgurA mR^igabandhanI
(2\.8\.1449)  shulbaM varATakaM strI tu rajjustriShu vaTI guNaH
(2\.8\.1450)  udghATanaM ghaTIyantraM salilodvAhanaM praheH
(2\.8\.1451)  puMsi vemA vAyadaNDaH sUtrANi nari tantavaH
(2\.8\.1452)  vANirvyUtiH striyau tulye pustaM lepyA.a.adikarmaNi
(2\.8\.1453)  pA~nchAlikA puttrikA syAd vastradantA.a.adibhiH kR^itA
(2\.8\.1454)  jatutrapuvikAre tu jAtupaM trApuShaM triShu
(2\.8\.1455)  piTakaH peTakaH peTAma~njUShA.atha viha~NgikA
(2\.8\.1456)  bhArayaShTistadA.a.alambi shikyaM kAcho.atha pAdukA
(2\.8\.1457)  pAdUrupAnat strI saivA.anupadInA padA.a.ayatA
(2\.8\.1458)  naddhnI vardhnI varatrA syAdashvA.a.adestADanI kashA
(2\.8\.1459)  chANDAlikA tu kaNDola vINA chaNDAlavallakI
(2\.8\.1460)  nArAchI syAdeShaNikA shANastu nikaShaH kaShaH
(2\.8\.1461)  vrashchanaHpatraparashurIpikA tUlikA same
(2\.8\.1462)  taijasAvartanI mUShA bhastrA charmaprasevikA
(2\.8\.1463)  AsphoTanI vedhanikA kR^ipANI kartarI same
(2\.8\.1464)  vR^ixAdanI vR^ixabhedI Ta~NkaH pAShANadAraNaH
(2\.8\.1465)  krakacho.astrI karapatramArA charmaprabhedhikA
(2\.8\.1466)  sUrmI sthUNA.ayaHpratimA shilpaM karma kalA.a.adikam
(2\.8\.1467)  pratimAnaM pratibimbaM pratimA pratiyAtanA pratichChAyA
(2\.8\.1468)  pratikR^itirarchA puMsi pratinidhirupamopamAnaM syAt
(2\.8\.1469)  vAchyali~NgAH samastulyaH sadR^ixaH sadR^ishaH sadR^ik
(2\.8\.1470)  sAdhAraNaH samAnashcha syuruttarapade tvamI
(2\.8\.1471)  nibhasaMkAshanIkAshapratIkAshopamA.a.adayaH
(2\.8\.1472)  karmaNyA tu vidhAbhR^ityAbhR^itayo bharma vetanam
(2\.8\.1473)  bharaNyaM bharaNaM mUlyaM nirveshaH paNa ityapi
(2\.8\.1474)  surA halipriyA hAlA parisrud varuNAtmajA
(2\.8\.1475)  gandhottamAprasannerAkAdambaryaH parisrutA
(2\.8\.1476)  madirA kashyamadye chApyavadaMshastu bhaxaNam
(2\.8\.1477)  shuNDApAnaM madasthAnaM madhuvArA madhukramAH
(2\.8\.1478)  madhvAsavo mAdhavako madhu mAdhvIkamadvayoH
(2\.8\.1479)  maireyamAsavaH sIdhurmandako jagalaH samau
(2\.8\.1480)  saMdhAnaM syAdabhiShavaH kiNvaM puMsi tu nagnahUH
(2\.8\.1481)  kArottaraH surAmaNDa ApAnaM pAnaghoShThikA
(2\.8\.1482)  chapako.astrI pAnapAtraM sarako.apyanutarShaNam
(2\.8\.1483)  dhUrto.axadevI kitavo.axadhUrto dyUtakR^it samAH
(2\.8\.1484)  syurlagnakAH pratibhuvaH sabhikA dyUtakArakAH
(2\.8\.1485)  dyUto.astriyAmaxavatI kaitavaM paNa ityapi
(2\.8\.1486)  paNo.axeShu glaho.axAstu devanAH pAshakAshcha te
(2\.8\.1487)  pariNAyastu shArINAM samantAt nayane.astriyAm
(2\.8\.1488)  aShTApadaM shAriphalaM prANivR^ittaM samAhvayaH
(2\.8\.1489)  uktA bhUriprayogatvAdekasmin ye.atra yaugikAH
(2\.8\.1490)  tAddharmyAdanyato vR^ittAvUtdyA li~NgA.antare.api te
  | iti shUdravargaH 10 atra mUlashlokAH 46 || xe ||
(2\.8\.1491)  ityamarasiMhakR^itau nAmali~NgAnushAsane dvitIyaH kANDo
(2\.8\.1492)  bhUmyA.a.adiHsA.a~Nga eva samarthitaH | atra mUlashlokAH 735
(2\.8\.1493)  sarve cha militvA  750  pra  kA mU shlo 281 | xe shlo 18 sarve  mi  299 |
(2\.8\.1494)  evaM mU shlo 1017 xe shlo 32  sarve mi 1049

##

Encoded and proofread by Avinash Sathaye sohum at ms.uky.edu
Wed Aug 21 16:17:39 EDT 1996
Assisted by Pramod, SVGanesan

Avinash : Original 1940 edition by Panshikar,
except it was Nirnayasagar Press not Chaukhamba.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}