% Text title : Bhakti Manjari by Sri Rama Varma Kulasekhara Perumal, Maharaja of Trvancore % File name : bhaktimanjarI.itx % Category : major\_works % Location : doc\_z\_misc\_major\_works % Author : Swati Tirunal Svātitirunāl, 1813-1846, published 1904 % Proofread by : Proofread by PSA Easwaran (dashaka 1-2 initially proofread by DKM Kartha) % Latest update : December 28, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Bhaktimanjari ..}## \itxtitle{.. bhaktima~njarI ..}##\endtitles ## || shrIH || shrIgaNeshAya namaH | svAti shrIrAmavarmava~nchimahArAjapraNItA bhaktima~njarI | \section{atha prathamashatakam |} AnandAmR^itasArasantatimayasvArAjyamUrdhAbhiShi\- ktAtmannambujanAbha! te1 charaNayornatvA muhuH sAdaram | etAvat punararthaye kuru kR^ipAmApatsu sampatsu vA bhUyAt tvatpadapadmayoravirataM bhaktirmamAcha~nchalA || 1\.1|| 1\. \rdq{}te\rdq{} iti tavetyasyArthe.avyayam | yadi tu Atmanniti pR^ithak padaM kR^itvA tadarthaH paramAtmA visheShyatvenAshrIyate, tadA\rdq{}nAmantrite samAnAdhikaraNe sAmAnyavachanam\rdq{} (8\-1\-73) iti visheShyavAchipadasyAmantritAvidyamAnavadbhAvapratiShedhAt ShaShThyantayuShmachChabdasyaivAyamAdeshaH\rdq{}te\rdq{} iti | 1yAmAhuH shrutishekharAdhvapathikAH 2pArAsharAdyA dR^iDhaM tvatkAruNyarasAptisiddha3latikAmavyAjamodapradAM ki~nchAsheShasamIhitArthaghaTanAnaipuNyayuktAM nR^iNAm | tasyai na spR^ihayeta ko nu bhuvane pApAdR^ite shrIpate !|| 1\.2|| 1\. yatpadena pUrvoktA bhaktiH parAmR^ishyate | 2\. parAsharasyemau pArAsharau vyAsashukau tadAdyAH 3\. siddhalatikA siddhauShadhiH | ki~ncha tvaM cha kirITine svasuhR^idAM mukhyAya yuddhA~NgaNe bandhUnAM nidhanotthapAtakabhayodvignAya tatsArathiH | shreyomArgashateShu shaMsasi hi yadyAmeva mukhyAM dR^iDhaM tat tAmeva mama sthirIkuru javAdambhojanAbhAdhunA || 1\.3|| jAtyA yAstvabalA hare! paramanAghrAtAtmavidyArasAH svairiNyo rahitAH satAmaghahatA sa~Ngena chAnAratam | gopyo 1jAradhiyApyavApya nanu yAM bhaktiM padAmbhoruhe bhAvatke tutuShurbhavet kathamiyaM no tApahantrI nR^iNAm || 1\.4|| 1\. kAmAddveShAdbhayAt snehAdyathA bhaktyeshvare manaH | Aveshya tadaghaM hitvA bahavastadgatiM gatAH || gopyaH kAmAdbhayAt kaMso dveShAchchaidyAdayo nR^ipAH | sambandhAdvR^iShNayaH snehAdyUyaM bhaktyA vayaM vibhoH ||\rdq{} iti shrIbhAgavatam | AstAM tAvadidaM sadA ripudhiyApi tvAM smarantaH khalA bhUpAshchaidyamukhAshcharAcharajagajjAlaikabandhuM hare ! | tvAmApurbata tAdR^ishe tvayi harau labdhA hi bhaktiH parA kaM nAj~nAninamapyavAptakushalaM kuryAdvibho ! mAdR^isham || 1\.5|| lakShmIkAnta ! 1gururgururguNanidheryasyoddhavasya dhruvaM dharmiShThAvalihAramadhyataralo yo vA budhaiH kIrtitaH | so.apyeSha tvayi vIkShya bhaktimachalAM gopA~NganAnAmagAd\- vismeratvamimAM tvadIyacharaNe bhaktiM parAM dehi me || 1\.6|| 1\. bR^ihaspatiH | lIlAmAnuShavigraheNa bhavatA sampreShitA deva ! ye gopA hanta nirAkR^itA dvijavarairannArthino yaShTR^ibhiH | bhUyastadgR^ihiNIjanArpitamadan bhaktaM cha bhaktiM vilo\- 1kyAdA muktimaho tadIyadayitavrAtorulajjAvahAm || 1\.7|| 1\. dattavAn tadgR^ihiNIjanAyeti sheShaH | prahlAdo.asuravaMshajaH shishurapi tvatpAdapa~Nkeruhe bhaktiM prApya jahau 1gurUktamashubhAyaiveti jAnannasau | lebhe naiva rujAM cha tAtakalitAM tvatpremapAtreShu chA\- pyAsIdyat prathamo mamApi disha tadbhaktiM parAM tAdR^ishIm || 1\.8|| guruNA asurAchAryeNa pitrA vA uktamupadiShTam | bAlye kAmamaruntudai1rnigaditairmAtuH sapatnyA gR^ihAd\- yAto hanta vanaM sa nAradamunerlabdhatvadArAdhanaH | sarvotkR^iShTamavApa taddhruvapadaM 2chauttAnapAdiryayA sA bhaktistava pAdayoH kimiva na shreyaH samApAdayet || 1\.9|| 1\. vachanaiH | 2\. dhruvaH | bhAsvadvaMshapayodhipArvikavidhau 1nAbhAgasUnau kR^itaH shApo.abhUnnanu mogha eva muninA kruddhena durvAsasA | bhUyastvaM sharaNArthine.api munaye chakrAyudhopadrutA\- yArAdAshu 2shashaMsithAsya nR^ipatereveha samprINanam || 1\.10|| 1\. ambarIShanAmake rAj~ni | 2\. sharaNatvena kathitavAn | evaM tvatpadapadmayoranudinaM nyastAtmanAmAtmano\- .apyutkarShe nanu vA~nChasi tvamadhikaM yat sindhukanyApate ! | tat kAruNyasudhAmbudhau tvayi pare sattvaikasAndre sthirAM bhaktiM bhaktajanapriyAdya vitara shrIpadmanAbha ! prabho !|| 1\.11|| santyevAtra bahUni kaiTabharipo! vartmAnyaho dehinAM saMsArAnalakIlatApashamane dakShANi nissaMshayam | tAnyetAni 1sammIkShitAnyapi 2yathA bhaktau tathA teShu chet saukaryaM sahasA jagattrayapate! tAnyeva gR^ihNImahe || 1\.12|| 1\. samIkShitAnyapi samyaggurulaghubhAvaM prati paryAlochitAni chetyarthaH | 2\. yathetyAdivAkyasya kintvityAdiryodhyaH saukaryAbhAvAt tAni na gR^ihNIma iti tadvAkyatAtparyam | yogaH karma tapaH samAdhiranishaM ga~NgAditIrthATanaM dAnaM vAtra hare ! vratAnyapi tathA chAndrAyaNAdInyaho | sarvotkR^iShTatamAnyapi tvasukaratvaM nAma vachmyAdarA\- deteShvekasha ekamekamadhunA yAvanmati shrIpate !|| 1\.13|| lakShmIkAnta! mumukShavo.atha katichit tvaShTA~NgayogAdhvanA tvAmevAtra bhajanti 1tAramanuchintyAntaH paraM nirmalam | prANAnapyabhiyamya hanta viShayAdAhatya sarvendriyA\- NyutkShipyAtha 2suShumNayA nanu 3ShaDAdhAraistathA mArutam || 1\.14|| 1\. saMsAratArakaM praNavarUpaM vA | 2\. nADIvisheSheNa | 3\. nAbhiH, hR^idayam, uraH, tAlumUlaM, bhrUmadhyaM, mUrdhA ityete ShaDAdhArAH | mArgo.asau sutarAmaninditataro.apyAptyai tavAsmin kalau netA tAdR^ishavartmani prathamataH prAyo gururdurlabhaH | 1labdhe.apyevamanuShThitau hi kushalA na syurnarA yattataH sarveShAM sukaratvamatra bhagavan ! pashyAmi no vartmani || 1\.15|| 1\. arthAdgurAviti visheShyasya lAbhaH | kechit karmaNi niShThitAH shubhatame vedodite sAdhavaH svargAptyai kratubhiryajanti vividhaistvAmeva yaj~neshvaram | svAhAkArasamujjvalaishcharupuroDAshAgravishrANita\- prAjyAjyAptahavissutR^iptavikasatsendrAmarAsyAmbujaiH || 1\.16|| lokotkR^iShTatamAnyamUnyapi vibho! karmANyamIShAM para\- ntvAchAryaH punarR^itvijo.abhijanatA dravyaM 1tathApekShitam | lupte karmaNi ki~nchidAshu bhavitA kartushcha doSho mahAM\- stasmAt sarvajanInatAM na dadhate karmANyamUni dhruvam || 1\.17|| 1\. idamAchAryAdiShvanveti, \ldq{}napuMsakamanapuMsakenaikavachchAsyAnyatarasyAm\rdq{} (1\-2\-69) ityekasheSha ekavattvaM cha | eke sadgurubhAShitA~njanalasadvij~nAnadR^iShTyA jagan\- mithyArUpamavekShya chAtra sahasA sarvArthasantyAginaH | dhanyAH parvatagahvareShu satataM kAlaM nayanto vibhuM tvAmeveha bhajanti nispR^ihadhiyo vAyvambuparNAshanAH || 1\.18|| mAyAmohitachetasAmiha kalau lakShmIpate! prANinAM nityaM vittakaLatraputraviShayeShvatyantasaktAtmanAm | AsthAsmin pathi bho nikAmamayute syAdvA na vA kasyachit sarveShAM na vilokayAmi hi tataH saukaryamantrAdhvani || 1\.19|| dhatte yatsmR^itirapyaghaughatimire lIlAM parAM bhAsvato yAmadyApi bibharti sAdaramumAnAthaH svayaM maulinA | tasmin jahnusutAmbhasIha sakR^idapyAmajjatAM dehinAM puNyaM vaktumahIshvaro.api bibhR^iyAt kiM deva! paryAptatAm || 1\.20|| klAntiM nistulitAM sharIramanasordeshATanaprApitAM kShuttaTtApamapAramannasalilAdInAmabhAvAt kvachit | soDhuM shaktimataiva sAdhyamamalaM puNyaM tadetattataH saukaryaM sakalasya naiva kalaye 1karmaNyamuShminnapi || 1\.21|| 1\. tIrthayAtrArUpe | dAridryAtapajanyatApatatihR^idvittasvarUpAtapa\- trAbhAvena sudussahena nitarAM viprAya saMsIdate | tattApodyadapAratR^iTprashamanAsaktA anUnAni ye dAnAni pratipAdayanti sajalaM te puNyavanto 1dR^iDham || 1\.22|| 1\. asaMshayam | gobhUvastrahiraNyahastituragAdIni prabho ! bhUtale dAtuH pAtakakhaNDanAni bahusho dAnAni santi dhruvam | 1apyevaM dhanashAlinaiva bhuvane sAdhyAnyathaitAni yat saukaryaM sakalasya naiva kalayAmyatrApi mArge tataH || 1\.23|| 1\. evamapi | muchyante khalu rauravAdinarakebhyo hi dhruvaM pApino\- 1apyArAdA2charaNena garhitatamA yasyochchakairachyuta! | tasyAtho vratasa~nchayasya mahimA chAndrAyaNAdyasya vai jAyetAmbujavAsinIdhava ! vibho ! vAggocharaH kasya vA || 1\.24|| 1\. dUrAt idaM cha mochanakriyAyAmanveti | 2\. idaM mochanakriyAyAM karaNam | evaM satyapi mArga eSha vimalo martyairihAsmAdR^ishai\- rvAchaivAlamupAsituM hi sulabho no karmaNA jAtuchit | tasmAnno kalayAmi vishvajanatAsaukaryamatrApyaho mArge hanta mahIyasA hi vapuShaH khedena labhye prabho !|| 1\.25|| tvadbhaktistu tavAvatAracharitAdyAkarNanena svayaM prApyA khedalavaM vinaiva vimalaj~nAnAmR^itApAdinI | syAnandUrapate! jayatyahaha yA saivAchirAt tvatpada\- dvandvAmbhoruhayoshchakAstu hR^idaye premArdritA mAmake || 1\.26|| pUrvoktAnyapi cha vratAdimamahAkarmANyaho dehinAM pApAnyeva lunanti no chiratarAM shaure! dR^iDhAM 1vAsanAm | tvadbhaktiH khalu 2taddvayImapi haratyAnandamUrtte! yata\- stasmAt saiva sadA sthirA mama bhavatvityarthanA mAmikA || 1\.27|| 1\. pApavAsanAm | 2\. pApaM tatprayojakavAsanA chetyetaddvayam | yasmAnmAnasasArasAntarudite bhaktiprakarShe naraH puNyairachyuta! koTijanmarachitaiH kAruNyalabdhaistava | AnandasphuTaharShabAShpapuLakI sarvAdhiko jR^imbhate tasmAdbhaktirasAt paraM sumadhuraM no vastu jAnAmyaham || 1\.28|| sadyaH kShALitapApakardamakulAstvadbhaktirUpAmR^ita\- srotashshItaLadhArayAnavarataM tvayyeva raktAshayAH | 1nirdvandvA viShayeShu nispR^ihadhiyo ye sAdhavaH sa~nchara\- ntyetAn dhanyatamAnavAptakushalAn vishvesha! manyAmahe || 1\.29|| 1\. dvandvaM sukhaduHkhAdirUpaM, tasmAnniShkrAntAH yeShAmAnananissR^itaM khalu jagatkarNAmR^itaM tAvakaM nAmAnantapuresha! sAndrasukhadaM tApatrayonmUlanam | taiH sAkaM mama sa~Ngamo.astvavirataM bhaktottamaistAvakai\- raj~nAnAmiha mAdR^ishAmapi nR^iNAM sanmArgasandarshibhiH || 1\.30|| tvayyevArpitachetasaH khalu dR^iDhaM sarvAtmanA ye janA\- stvadgAthAmR^itasiddhabheShajavidhUtAsheShapApAmayAH | jAtyA vA nanu karmaNAtha bhuvane te garhitA apyaho nUnaM me guravastvamI iti dR^iDhA bhUyAnmadIyA matiH || 1\.31|| ambhodeShviha chAtakAvaliriva protphullapadmAkare haMsAnAM nikaro yathA himakare yadvachchakoravrajaH | mAkandeShu madhau yathA pikatatiH puShpeShu bhR^i~Ngo yathA svAmin ! mAmakamAnasaM viharatAM tvayyeva nityaM hare !|| 1\.32|| bhu~njAnasya sarojanAbha! pibataH snAnaiShiNaH khAdato nidrAloraTato vayasyanikaraiH sambhAShamANasya vA | adhyAso hR^idi me sadA vilasatu 1shrIpadmanAbhAtmako yo vA vAgviShayetarAmitasukhaM sUte kShaNAt prANinAm || 1\.33|| 1\. bhagavadabhinno.ahamiti j~nAnam | jAyante nanu jantavo.atra bahavo brahmANDabhANDodare jIvantyapyudaraikapoShaNaratAH stokAnyahAni dhruvam | kShIyante sahasA punarjanimR^itiprottu~Ngabha~NgAkule saMsArAmbunidhau patanti cha bhavadbhaktiplavAbhAvataH || 1\.34|| kAmakrodhamukhaistimi~NgilakulairghorairalaM dustara\- stvadbhaktyaiva bhavAmbudhiH sugahanaH so.ayaM tarItuM kShamaH | sA bhaktistu gurUpadeshajanitAjjanyA vivekodayAt 1sa syAnmAnuShajanmanIshvara ! yataH shlAghyaM 2tadeva dhruvam || 1\.35|| 1\. vivekodayaH | 2\. mAnupajanmaiva | AsAdyApi ramesha ! durlabhataraM janmaitadatyuttamaM tvatsevAmayabhUribhAgyasukhade labdhvA cha vaMshe janim | yo vA hanta yateta naiva manujaH kAruNyalAbhAya te dhigdhigjanma cha tasya kUpakuhare magnasya yadvatpashoH || 1\.36|| loke varShashataM nR^iNAM parimitaM lakShmIpate! jIvitaM tasyArdhe bhagavan ! nishAtmakatayA yAtyeva nissaMshayam | sheShArdhe viniyujyate dhanasutAgArAdike yena vA tvatpAdasmaraNaM vinaiva bhuvane ko.anyo.atra garhyastataH || 1\.37|| santyeke bhuvanaikanAtha ! viShayAsaktA manuShyAdhamA ye svapne.api bhavatkathAmR^itakaNAsvAdaM na jAnantyaho | prApyApi svayamashrameNa bhagavan ! janmAnvavAye vare nUnaM hyAtmahanastvamI madhuripo ! sadbhirvinindyA1 yataH || 1\.38|| 1\. nindAyA vadhaparyAyatvAdAtmaghAtitvamabhaktAnAM yuktamiti bhAvaH | AyurnIraruhachChadoparilasatpAnIyalolaM tada\- pyAdhivyAdhikulaiH sudussahataraiH prAyeNa duHkhapradam | labdhvA tvAM na bhajeta yo gatiraho kA syAdihAsyAmbudhau vAtoddhUtavikarNadhArataraNerlIlAmalaM bibhrataH || 1\.39|| manyante sudR^iDhaM svadharma iti ye hA hanta vittArjanaM yoShitsa~Ngijanaishcha sa~Ngatiraho sarvArthadAtrIti cha | paishunyaM parapIDanaM nanu parA vidyeti martyAdhamA\- steShAM kA gatirantato.atha kudhiyAM naivAvagachChAmyaham || 1\.40|| vartante bhuvi 1niShkrayAH subahusho vedoditAH pApmanAM ghorANAmapi bhaktavatsala ! hare ! ga~NgAvagAhAdikAH | labdhvA mAnuShajanma sarvasukhadaM yo vA na saMsevate pAdAmbhojayugaM tvadIyamamalaM 2kA vAsya vai niShkR^itiH || 1\.41|| 1\. prAyashchittAni | 2\. tvadasevApAtakasya prAyashchittaM nAstIti bhAvaH | daityAre! bhavadIyamandiravaropAnte vasanto.apyaho kechijjAtuchidAlaye tava padanyAsaM cha1 no kurvate | antaH shrIharipAdapadmayugalaM no dhyAyatAM j~nAninAM kiM devAlayayAtrayeti vachasA sammohayanto jaDAn || 1\.42|| 1\. ayamavadhAraNe | gAthAyAH shravaNe taveha kuhachiddhanyaiH prasakte janai\- stvallIlAmakarandapAnaviShaye mattadvirephAyitaiH | sadyaH kechana laukikoktikathanAnyevArabhante janA mUDhA hanta kutUhalena mahatA sArdhaM svatulyaiH khalaiH || 1\.43|| gAyantaM bhavadIyadivyacharitAnyuchchairvilajjaM tathA nR^ityantaM galitAshrugadgadagiraM bhaktottamaM tAvakam | loke hanta hasanti kechana khalAH sadyo bruvanto mithaH pronmattaM tvavalokayainamavashaM nirlajjamitya~njasA || 1\.44|| yo nAmAni japatyananta ! bhavato.asau jalpako gaNyate yo maunI tava pAdachintanarataH so.ayaM jaDAtmeti cha | mUrkhairyanna tadIsha! chitramavanau ghorAmayaiH pIDitA adhyasyanti hi tiktatAM sumadhureShvapyuchchakairvastuShu || 1\.45|| dR^iShTe tAvakapAdapadmayugalAsakte virakte jane sarvaiH pUjyatame janA hi katichi1ttaddhelanaM kurvate | dauShTyopArjitavittasambhavamadastabdhAshayAnAM puraH kurvantya~njalimAdareNa cha punarhA hanta mohAndhatA || 1\.46|| 1\. tasya helanamanAdaram | loke karmasu nirmaleShvalamanuShTheyaM hi maunavrataM tvannAmAkSharakIrtenaikaviShaye kurvanti 1nAma dhruvam | chitte 2choparatiM samastaviShayAt prApyAM vihAyAshvimAM tvatpAdasmaraNAdramAvara! vahantyeke manuShyAdhamAH || 1\.47|| 1\. nAmeti prAkAshye | 2\. nivR^ittim | sarvaj~no.asmi mahattame nanu kule jAto.asmi tulyo mayA ko vAsmin 1jagatIti deva! kudhiyaH kechinmadAndhAshayAH | vittasyaiva hi lipsayA bahuvidhairyaj~nairyajanto mudhA tvAM vismR^itya patanti hanta vivashA andhe tamasyAvile || 1\.48|| 1\. manyamAnA iti sheShaH | atyutkR^iShTakulodbhavo.astu nitarAM 1vij~nAtaShaDdarshano vishvairmAnyatame sthito.astu mahati sthAne cha kiM tAvatA | yasyAntaH samudeti naiva bhagavan! bhaktistvayi shrIpate! pUrvokto.asya guNavrajaH khalu vR^ithA yadvaddhutaM bhasmani || 1\.49|| 1\. vij~nAtAni ShaDdarshanAni nyAyavaisheShikasA~NkhyayogamImAMsAvedAntAtmakAni yena saH | shAstrAbhyAsasamArjitaH suvimalo bodhodayo dehibhiH karmANyAcharitAnyapIha bhuvane 1yatsAdhanAnyeva hi | tAmaprApya ramesha ! bhaktimamalAM teShveva rajyanti ye nUnaM yAnti sadR^ikShatAmahaha te vyarthe tuShAghAtibhiH || 1\.50|| 1\. bodhodayaH karmANi cha yasyA bhakteH sAdhanAnyeva bhavanti, na tu svAtantryeNa puruShArtha sAdhayituM kShamANi bhavantIti tAtparyam | ambhojAkSha ! narasya yasya pibataH karNau jaganma~NgalaM tvadgAthAmR^itamatra naiva bhuvane tau gartatulyau dhruvam | jihvA yasya cha no japatyavirataM ramyANi nAmAni te maNDUkyeva hi sA vR^ithA pralapati prAptau paraM prAvR^iShaH || 1\.51|| mauliryasya cha pAdapadmayugale kuryAt praNAmaM na te lakShmIkomalapANiyugmamR^idite nirvyAjaharShAkulam | unnamradyutiratnadIpramakuTenApya~nchitaM taM vR^ithA bhAraM tAvadavaimi nUnamavaneH shrIpadmanAbha ! prabho !|| 1\.52|| santaptottamahemaka~NkaNavareNAla~NkR^itAvapyaho yau bAhU jalajAkSha ! naiva kurutaH premNA saparyAM tava | tau manye vipine bhayAnakatamaiH shArdUlamukhyairmR^igai\- rjuShTe riktajane samuchChritataroH shAkhopamAvityaham || 1\.53|| netre yasya na pashyataH sakutukaM divyAni rUpANi te vishvAnandakarANi dAnavaripo ! 1pi~nChAyite te dhruvam | pAdau yasya cha mandiraM na bhajataH shaure ! muhustAvakaM nUnaM hanta mahIruhAM vanabhuvAM tau janmabhAjau hare !|| 1\.54|| 1\. varhasthitanetrakavanniShphale ityarthaH yatsa~NgAt samavApa jahnutanayA sarvAghavidhvaMsane vaidagdhyaM munimAnasAbjanilaye ye rAjahaMsAyite | samparkAnnu1 tayostvadIyapadayoH sphItaM tulasyAH paraM saurabhyaM na hi veda yo.atra manujo 2jIvanmR^ito.asau dR^iDham || 1\.55|| 1\. nushabda utprekShAyAM abjAdhivAsitapadasamparko hi tulasyAH saurabhasamR^iddhau hetuH sambhAvyate | 2\. anena vyarthaghrANendriyatvaM pratipAdyate | syAnandUrapuresha ! sAdhu kalitaistvannAmadheyAkSharai\- rvishveShAM shravaNadvayIpuTasudhAdhArAbhiShekapradaiH | no vA vikriyate mukhaM na kutukaM nAnandabAShpo dR^ishoH sarvA~Nge pulakaM cha yasya na manastasyAshmatulyaM dhruvam || 1\.56|| ramyApi dhvanimaNDitApi yamakaprAsojjvalApi prabho ! prauDhArthApyanavadyagadyagaNayukpayAnvitApi dhruvam | shrIjAne ! yadi sAhitI tava guNAlApairalaM varjitA dhik tAM moghatamAM vR^ithApralapitaprAyAmihAdhokShaja !|| 1\.57|| nirdoSheNa satAM matena vidhinA samyaktayAnuShThitaM vaikalyaM cha vinA virodhaphaladaM mantrasya tantrasya vA | anyUnottamadakShiNaM cha sumahat karmApi no chedaho lakShmInAtha! bhavatparaM viphalatAmevApnuyAttaddhruvam || 1\.58|| deshe yatra vasanti naiva bhagavaMstvatpAdabhaktA janA yatrAho na gR^ihe gR^ihe sakutukaM prastUyate te kathA | kalpyante na cha yatra tAvakamude sarvottamAshchotsavA desho.ayaM tridivopamo.api sahasA tyAjyo naraiH sAdhubhiH || 1\.59|| yasminnIsha ! dine kShaNArdhamapi vA nAsvAdyate sAdaraM tvadgAthAmayanirbharAmR^itajharI saMsAratApApahA | tanmanye bata durdinaM bhuvi nR^iNAM bhogIndrashAyin ! mudhA meghachChannadinasya durdinamiti khyAtirbudhaiH kalpitA || 1\.60|| annaM svAdvapi ShaDrasojjvalataraiH pIyUShasaMspardhimbhi\- ryuktaM vApyupadaMshakaishcha vividhaiH shraddhAvitIrNaM cha vA | bhaktyA chet tadanarpitaM hi bhavate nishsheShavishvAtmane chaNDAlAlayakUpatoyavadapi1 tyAjyaM bubhukShAnvitaiH || 1\.61|| 1\. apirbhinnakramaH bubhukShAnvitairapIti yojyam | lokAn 1vAnupapIDya hanta vivashAn nyAyena chaivArjitaM pAtrApAtravivekasaMyutatayA 2dedIyamAnaM cha vA | dravyaM syAdyadi nArpitaM nanu yathAshaktIha tubhyaM mudA nUnaM tattu kapAlasaMsthajalavat tyAjyaM paraM sAdhubhiH || 1\.62|| 1\. apIDayitvA | 2\. atishayena dIyamAnam | samphullotpalapadmagarbhavilasatki~njalkasaMvAsitaM saMyuktaM 1triguNAtmakena salilenAdhvanyakhedAvaham | ramyaM chApi saraH svapAdarajasA vishvaM punAnairna che\- jjuShTaM bhAgavataistu 2vAyasasaraHprAyaM vidustadbudhAH || 1\.63|| 1\. shaityalaghutvamAdhuryarUpaguNatrayavatetyarthaH | 2\. kShudrasAratulyamityarthaH | tantrI nAdavimishritaM layayutaM tArasvanAtyujjvalaM shrotrAnandakaraM chariShNubhiralaM 1grAmatraye.api svaraiH | gItaM tAvakanAmanirbharasudhAjuShTaM na chettatpuna\- 2rvyarthaM vyarthamaraNyarodanamiva prAyo ramAvallabha !|| 1\.64|| 1\. grAmANAM svarasandohAnAM traye \ldq{}ShaDjagrAmo bhavedAdau madhyamagrAma eva cha | gAndhAragrAma ityetadgrAmatrayamudAhR^itam ||\rdq{} ityuktarUpe | 2\. udvegAddviruktiH | dAtA chAshritavatsalashcha sadayaH satyakShamAmaNDito j~nAtA dhIraguNo jitendriyagaNo gambhIrachetAstathA | trAtA chApyanujIvino.atha nikhilAdApatsamUhAt prabhuH pAtA tvachcharitAmR^itasya na yadi tyAjyo dR^iDhaM sajjanaiH || 1\.65|| dAnAmbhassravasiktagaNDavilasanmAta~NgaShaNDaM puna\- rvyAvalgatpavamAnavegaturagAn saudhAMstathAbhra~NkaShAn | bibhrANo.apyatha sampadaM cha bhuvane sa~NkhyAtigAM mAnava\- stvadbhaktyA rahito yadIha sa dR^iDhaM garhyo.atiniHsvAdapi || 1\.66|| syAnandUrapate! 1vyayena mahatA tantanyamAnA bhR^ishaM vAditrAravagItanartanamukhairAnandasandAyinaH vishvotkR^iShTamahotsavA api kR^itAstvatprItaye no yadi bhrAjante na hi chandrikeva vitatA shUnye mahAkAnane || 1\.67|| 1\. dhanatyAgena | sarvaj~nasya gurorapIha vachanaM tvadbhaktilAbhAya no hetuH syAdyadi heyameva tR^iNavattatsAramapya~njasA | bAlenApi yaduktametadiha chettvadbhaktatAsAdhakaM tadvedoditavadramesha ! samupAdeyaM muhuH shraddhayA || 1\.68|| naiveyaM jananI na chaiSha janako na syAdayaM sadguru\- rnaitanmitramidaM na shAstramamalaM na syAdayaM cha prabhuH | 1yA saMsAramahAmburAshitaraNasyopAyabhUtAM hare ! bhaktiM prApayituM tvayIha bibhR^iyAnnaivesha ! 2niShNAtatAm || 1\.69|| 1\. yatpadasya yathAyogaM li~NgavipariNAmo bodhyA | 2\. kushalatAm | 1utpattipramukhA mukunda ! 2sadR^ishAH ShaDbhAvabhedA nR^iNAM sthAsnUnAmiha bhUruhAM khagamR^igAdInAmapi prANinAm | bhaktyaiva dhruvamekayAtra puruShastebhyo 3varIyAn smR^ita\- stasyAH prAptimR^ite sthitasya puruShasyaiShAM cha bhedo hi kaH || 1\.70|| 1\. utpattisattAvR^iddhipariNAmApakShayanAshAH | 2\. sAdhAraNAH | 3\. atishayena ururmahAn | vAchA kiM bahunAtra yadyadavanau dattaM tatheShTaM hutaM karmAnuShThitamuttamaM sumahatA kleshena taptaM tapaH | tattat tvanniratena hanta manasA no chedihAnuShThitaM shrIjAne ! samavApnuyAdviphalatAmeveti nissaMshayam || 1\.71|| tasmAnnUnamanantapuNyanivahairjanmottamaM mAnavaM prApteneha sharIriNA1nyaviShayAnAsaktachittaM bhR^isham | sAdhyA yattvayi bhaktireva satataM sarvAtmanA sarvathA tattAmeva disha tvadekasharaNasyAmbhojanAbhAdya me || 1\.72|| 1\. idaM sAdhanakriyAvisheShaNam | sA bhaktiryadi padmanAbha ! padayoH shaure ! tavAsAditA sadyastadvashago bhavAn svavashagabrahmANDabhANDo.apyaho | antaHprodyadapAradivyakaruNApUro hi teShAM nR^iNAM kiM kiM vA~nChitamAshu na pradishati svIyA~NghrisaMsevinAm || 1\.73|| loke dussahashItavAtatapanakleshAMstR^iNIkR^itya te kAruNyAmR^italipsayaiva charatoH pUrvaM kilograM tapaH | bhaktiM vIkShya hare! prasannahR^idayo 1yaddevakI2shUrayoH putratvaM gatavAn svayaM trijagatAM kartushcha kartA bhavAn || 1\.74|| 1\. yasmAdityarthaH tasmAditi cha pUrvapadye gamyam | 2\. shUreti vasudevaparam | a~Nke tvAmadhiropya mUrdhni cha samAghrAyAchyutAnukShaNaM svA~Ngulyagratalena hanta chibuke 1tau spR^iShTavantau yadA | tAvatkomaLasR^ikkayugmavigaladgokShIrabindvanvitaM dR^iShTvA te hasitaM bhR^ishaM jahR^iShatuH ko.anyo hi dhanyastataH2|| 75 || 1\. devakIvasudevau | 2\. devakIvasudevAbhyAm | mayyevArpitadR^iShTireSha pR^ithuko mandaM hasatyAdarA\- dityevaM savivAdayoH kila mithaH pitrostavAnukShaNam | bhAgyaM varNayituM batodyamakR^itAM loke kavInAmati\- prauDhAnAmapi padmanAbha ! shithilAyante na keShAM giraH || 1\.76|| lAlAsyandimukhAravindavigaladvyaktetaraM bhAShitaM pAyampAyamatIva karNayugalenAmbeti tAteti te | romA~nchodayaharShabAShpasahita1stAbhyAmavApto hi yaH 2svAnandastamihApnuyAt kimu naro lokAdhipatye.api vA || 1\.77|| 1\. pitR^ibhyAm | 2\. AtmAnandaH | shaure ! prAktana eva janmani dR^iDhaM tvatpAdasaMsevayA samprAptatvadupAntasevanamahAbhAgyodayAnAM hare ! | gopInAM cha 1tathA nikAmamakaroH kaM kaM prasAdaM na vA loke yatsumahIyasApi tapasA hantAnavApyaM janaiH || 1\.78|| 1\. yathA pitrostathA | nR^ityan pallavakomalena charaNenAsAM puro ma~njulaM gAyan veNuraveNa ki~ncha navanItAptyai tada~Nke lagan | tadgehasthitashikyasaMsthitapayashchauryeShu tAsAM punaH shrutvA kopavachAMsi modamagamaH stotre yathA 1sAtvatAm || 1\.79|| 1\. bhAgavatAnAm | kAlindIpuline ramesha! divasammanyAsvaho yAminI\- Shvekaikatra tuShAradIdhitiruchA tAbhiH pravR^itto mudA | kartuM rAsaratotsavaM paramadAH kaM kaM pramodaM na vA 1tAsAM yastu babhUva keshava! surarShINAmapIrShyAspadam || 1\.80|| 1\. sambandhasAmAnye paShThI | tAbhya ityarthaH | 1taismAdeva muhurmuhuH savinayaM kAruNyavArAnnidhiM tvAM sarvaj~namapIha mandadhiShaNaH so.ahaM tvadekAshrayaH | yAche tvatpadabhaktimeva satataM sarvArthadAM saspR^ihaM tatprAptau na vilambaleshamapi hA soDhuM samartho.asmyaham || 1\.81|| 1\. bhaktermahAphalatvAdeva | sA bhaktishcha matA dvidhA budhajanaistvattattvasandarshibhi\- statraikA tu sakAmabhaktiraparA niShkAmabhaktiH smR^itA | trailokyesha! tayorvR^iNe paramahaM niShkAmabhaktiM dR^iDhaM tachChraiShThyAvagamena hetubhiritaH saMvakShyamANaiH param || 1\.82|| sevAM prApya tavA~Nghripa~Nkajayugasyaike janAH saspR^ihaM yAchante bhuvi 1kAmitaM 2halahala kShudraM sukhAbhAsadam | labdhvA kalpataruM samastaphaladaM martyo yathA yAchate stokaM vastu daridrabhogyamavamaM bhAgyena hIno bhR^isham || 1\.83|| 1\. abhIShTavastu | 2\. halahaleti ralayorabhedAt kaShTe dviruktirharashabdasya, yathA \ldq{}shiva shiva\rdq{} iti shivashabdasya | smaryate cha kaShTAshcharyAdaubhagavannAma | tathA cha pAdmapurANaM \ldq{}Ashcharye.api bhaye shoke kShudhite nAma vA mama | vyAjena vA smaredyastu mama sAyujyamApnuyAt\rdq{} iti etatkavinAnyatrApyayaM shabdaH prayuktaH, yathA \ldq{}harasi mudhA kimu halahala kAlam\rdq{} iti | pAdAmbhojayugaM svakIyamanishaM sarvAtmanAbhyarchatAM martyAnAM sakalArthadaM dR^iDhamamI tvAmarthayante tu yat | bhogAn kShudratamAn jagattrayapate! naitadvichitraM ghaTo gR^ihNAti dhruvamalpameva salilaM pUrNe.api ratnAkare || 1\.84|| rAShTre hastagate dhane.api vipule bhogeShu chAnyeShu vA tvatsevAbhavasammadasya kaNama1pyaddhA na vindeta yat | martyo hanta varIyasI nanu tato niShkAmarUpaiva te bhaktiH saiva mamo2dayatvavirataM lakShIpate! chetasi || 1\.85|| 1\. satyam | 2\. anudAttattvalakShaNamAtmanepadamanityamiti parasmaipadasAdhutA | iTakiTakaTI gatAvityatra prashliShTasyedhAtorvA rUpam | tatrApIsha! paraM trimUrtiShu tavaivA~NghridvayArAdhanaM sarvotkR^iShTamiti sma veditumalaM santi pramANAnyaho | lakShmInAtha! bahUni vedavachasAM sArAtmakeShu prabho ! shrImadbhAgavatAdiShu pratipadaM dR^ishyAni nissaMshayam || 1\.86|| bhaktAdhIna ! purANasa~Ngraha iti khyAte hi sarvottame granthe sarvapurANasantativachassArAtmake sAdaram | nUnaM tvanmahimaiva kaiTabharipo! nissaMshayaM varNyate tachchAsIdayi naH pramANamamalaM tvanmukhyatAvedane || 1\.87|| syAnandUrapurAdhinAtha! bhagavan ! yanmantrashAstrasya chA\- pyAdau nIlatanostrimUrtyadhikatA 1proktA tavaiva sphuTam | shaure ! 2tainnnijagAda ki~ncha 3sa~NkalaM tvAmeva nAnyaM yata\- stasmAt tvatpadabhaktireva sakalashreyaH pradeti dhruvam || 1\.88|| 1\. \ldq{}anantabhoge vimale phaNAyutavirAjite shayitaM shAr~NgiNaM sharvashauripadmabhuvastadA tuShTuvurhR^iShTamanaso viShTarashravasaM vibhuM sUktibhiH stutibhiH prItaH svamUrtiM sa vyadarshayat || nIlotpaladalaprakhyAM nIlaku~nchitamUrdhajAm |\rdq{} ityAdiprapa~nchasAravachanaiH prakaTitetyarthaH | 2\. mantrashAstram | 3\. pUrNam | svAmin ! varjitapakShapAtakaNikAH 1shrIsha~NkarasvAmina\- stvAmevAchyutamAmananti sakaleShvAdyaM jagatkAraNam | tvanniShThorusahasranAmavilasadvyAkhyAsvarUpaM puna\- shchakrustajjayama~NgalAbhidhamaho granthaM cha te tuShTaye || 1\.89|| 1\. shrIsha~NkarabhagavatpAdAH | ekaikaM vibudhavraje tvaditarAnArAdhya shaure! narA ekaikaM samavApnuyurnanu varaM govinda ! nAto.adhikam | bhaktAnAM sakaleShTade tvayi parAnandaikamUrttau sthite tAneveha bhajanti kechidatha tatteShAM na kiM mandatA || 1\.90|| tasmAdyattava sevayaiva manujastApatrayAddUrato muktaH sarvasukhaM shrameNa rahito 1bhu~Nkte.anyathA durlabham | tanme tvatpadabhaktireva sahasA bhUyAditi shrIpate ! yAche tvAmaravindanAbha! jagati svAdIyasI sA hi me || 1\.91|| 1\. anyathA durlabhaM tvatsevAvirahe duShprApam | bhaktAshcha trividhAH smR^itAstava padadvandvaikaraktAshayA lokeShUttamamadhyamAdhamaguNairyuktA batAdhokShaja! | teShAM bhedamahaM tvadIyakR^ipayA ki~nchidvadAmi prabho ! shrImadbhAgavate.anudR^iShTamadhunA skandhe kilaikAdashe || 1\.92|| sarveShvatra charAchareShu bhagavan ! bhUteShu pashyet sudhI\- stvadbhAvaM bhuvane.ambujAkSha ! rahito yo bhedadR^iShTyA pumAn | sarvANi tvayi yashcha deva! kalayedbhUtAni vishvAtmake sAndrAnandasudhAmbudhau muraripo! bhaktottamo.asau smR^itaH || 1\.93|| Ishe taM samanushriteShvatha jaDeShvaddhA dviShatsu kramAd\- bhaktiM 1sauhR^idabhAvama~Nga! karuNAM kuryAdupekShAM cha yaH | 2bhAvenAchyuta! tAratamyasahitenAmbhojanAbha! prabho ! 3pUrvokteShvatha teShu teShvayamaho bhaktaH smR^ito madhyamaH || 1\.94|| 1\. sauhArdabhAvanAm | 2\. bhAvanayA | 3\. IshAdiShu | chittAmbhoruhasambhR^itapratinavapremodayenAdarAt tvadrUpArchanameva yo bhuvi pumAn shraddhAluratrehate | tvadbhakteShu tathetareShu rahito maitryA nikAmaM budhaiH so.ayaM vishvajagannivAsa ! bhagavan! bhaktaH smR^itaH prAkR^itaH || 1\.95|| tAsu tvaM vitarAshu kaiTabharipo! sarvottamAmeva me bhaktiM kAmama1hammametyatidurAdharShAbhimAnApahAm | kAruNyAmR^itadhArayA nijapadAnamrAvanodyuktayA svAmin ! dustaramohavAridhimahAvarte paribhrAmyate || 1\.96|| 1\. ahammametyAkArasyAtidurdharShAbhimAnasya nAshikAm | shaure ! syAdadhikAritA mama kathaM bhakterihAsyAH 1paraM prApyAyAH purupuNyarAshibhiriti prApnomi no 2kuNThatAm | loke yanna hi durlabhaM kimapi samprApte tvadIye punaH kAruNye 3bhavinAmadhokShaja! samastAbhIShTasandAyake || 1\.97|| 1\. kevalaM idaM purupuNyarAshibhirityanenAnveti | 2\. bhagnotsAhatAm | 3\. saMsAriNAm | 1vAchATo bhavati kShaNena manujo mR^iko.api yadvaibhavAt mUrkhaH paNDitatAmupaiti sahasA pa~Ngurgatau pATavam | bhikShAshI cha kuberatAM muraripo! loke daridraH pumAM\- stattAdR^ikkaruNArase tava punarlabdhe.atra kiM durlabham || 1\.98|| 1\. bahubhAShI | ArUDhe dinanAyake sati tamastiShThennu1 pUrvAchalaM meghe varShati nirbharaM na viramet kiM chAtakAnAM tR^iShA | rogAH kiM prashamaM na yAnti sahasA labdhe hi divyauShadhe prApte tvatkaruNArase kimu layaM no yAnti sarvApadaH || 1\.99|| 1\. tiShThennu na tiShThedityarthaH | antaryAmitayA samastajagatAM te prerakasyAdhunA kiM vAchyaM bahu deva ! mandamatinA bhogIndrashAyin ! mayA | kAruNyAmR^itavArirAshilaharIsamplAvitA~NghridvayA\- mbhojAnamrasamastaloka ! kuru mAM 1tvadbhaktipUrNAntaram || 1\.100|| 1\. tvadbhaktipUrNaM AntaraM mano yasya tam | iti svAtishrIrAmavarmava~nchimahArAjavirachitAyAM bhaktima~njaryAM prathamashatakam | \section{atha dvitIyashatakam |} shrAvaM shrAvaM paramakaruNAvaibhavaM tAvakInaM bhakteShvaddhA prakaTitamaye hanta sa~NkhyAtigeShu | 1udvAntAtiprachurapulakaM padmanAbhAdhunA me cheto majjatyatulitatame sAndramodAmburAshau || 2\.1|| 1\. idaM shravaNakriyAyA visheShaNaM majjanakriyAyA vA | sarveShvasminnajita ! bhuvane vastuShu stokabhAvaM prApteShvaMhodalana! karuNApekShayA te murAre! | vakShye sAmyaM sudR^iDhamavanau kena vA mAdhavAsyA 1nishsheShArtiprasaravanadAvachChaTAkAlikAyAH || 2\.2|| 1\. nishsheShArttiprasarasyaiva vanadAvachChaTAyAH kAlikA meghamAlA tasyAH | dhyAtuM 1vA tvannirupamakR^ipApUrapIyUShasindhu\- prauDhasrotogatimahaha yannaiva shaktaM mano me | lakShmIjAne! tava gurukR^ipAbhAramIshAdya voDhuM sAmarthyaM syAdayi kathamaNorasya me 2mAnasasya || 2\.3|| 1\. apyarthe vAshabdaH | 2\. punarmanaso nAmagrahaNamanAdarArtham | 1vAchApyetAM kathamapi hare ! shaMsituM 2chedyatiShye vAcho divyA api na paTavo varNane hanta tasyAH | evambhAve giridhara ! paraM maunamevAtra kAryaM yadyapyetaM nishamaya tathA3pyAshayaM me murAre !|| 2\.4|| 1\. kR^ipAm | 2\. asya vAkyasyAnantaraM\rdq{}tanna shakyate\rdq{} ityadhyAhAro bodhyaH | ashakyatve hetudvitIyapAdenopapAdyate | 3\. abhisandhi vakShyamANam | jAtaM puShTaM varada ! rahitaM chAtha rogairasahyai\- retadvarShma tribhuvanajanArAdhya ! shaktyaiva yasyAH | shaure ! tasyA nutimiha yathAshaktyaho tvatkR^ipAyA no kurve chedbhavati hi kathaM shAradA me tvanindyA || 2\.5|| nityaM lakShmImurasi sarasaM bibhratApi tvayAti\- prItyA muShTiH pR^ithukakalitA svIkR^itA yat kuchelAt | tasmAdaj~nasya cha mama vachaH prItaye no kathaM te devarShINAmapi nutipadAtItabhUmno.apyajasram || 2\.6|| indradyumnAhvayanarapatishchandanAdrau ramesha ! tvatsevAyAM niratahR^idayaH prAgapashyanmunIndram | prAptopAntaM mahitatapasaM 1tvaurvasheyaM prashapta\- stena shrImannatulitaruShA 2hastibhUyaM prapede || 2\.7|| 1\. agastyam | 2\. rAjatvam | bhUyastAvat subahu viharan shailavarye trikUTe dugdhAmbhodherayi! sahachairairmadhyabhAji svakIyaiH | prApte grIShme mihirakiraNairvyAkulAtmA nikAmaM svechChaM svachChe sarasi kuhachidyUthapo.avAtarat saH || 2\.8|| hUhUnAmA murahara! tadA ko.api gandharvavaryo nakrAtmatvaM sapadi gamito devalasyAtha shApAt | tiShThaMstasmin sarasi sahasA taM gajendra padAgre jagrAhAsau hahaha dashanairlohasUchIshitAgraiH || 2\.9|| bhUyo 1yudhyan sa tu gajapatistena sArdhaM sahasraM varShANyArto hR^idi samuditAtItajanmotthabhaktiH | tvAmabhyarchaMsta2nutaratanuH puShkaraiH puShkarAttai\- rapyastAvIt praNatasukhadaM 3nirguNena stavena || 2\.10|| 1\. anudAttettvalakShaNasyAtmanepadasyAnityatvAdakaraNam | 2\. AhArAbhAvAdatikR^ishasharIraH | 3\. guNAtItasvarUpapareNa | shrutvA stotraM pramuditamanA vainateyAdhirUDhaH prApyopAntaM nihatatamasA hanta chakreNa nakram | hatvA sadyo jagadabhayasandAyinA pANinA taM spR^iShTvA dantIshvaramagamayaH svIyasArUpyamAshu || 2\.11|| lIlAlolAM jaladhitanayAmapyanAdR^itya tAva\- nmu~nchan devImayi! sarabhasaM hanta nIlAmilAM cha | ma~nchaM chArAt phaNipatimayaM te.atyajadyo hi 1vegaH santrANe.asya dvipakulapateH kaM na sammodayet 2saH || 2\.12|| 1\. tvarA 2\. vegaH ArtatrANe tava hi bhagavan ! baddhadIkShatvamuchchai\- rlokeshAtaH paramayi hare! kiM tvayA dyotanIyam | yadgoptuM taM gajaparivR^iDhaM vegato.agAH priyAchcha tyaktvA ma~nchAt kShudhitatR^iShitaM vatsakaM gaurivArttam || 2\.13|| tasmAnnUnaM tava charaNayoryaH samAsaktachetA eSho.anAtho.apyahaha na bhajedvAchyatAM 1tatpadasya | yannAthenAchyuta! sa bhavatA viShTapAnAM trayANAM syAnandUrAdhipa ! dR^iDhataraM nAthavattAmupaiti || 2\.14|| 1\. anAthashabdasya | madhyebhUpaM 1vidhutavasanA yAj~nasenI sudInA kauravyeNAchyuta! kumatinA hanta dushshAsanena | hA kR^iShNeti vyasanabharitA deva! chukrosha yAvat tAvat prAdAH sadayamamitAM mAlikAM vAsaso.asyAH || 2\.15|| 1\. hR^itavastrA prApte tasyAH sadayitataterhanta ghore.avamAne kShoNIshAnAM sadasi mahatAmIsha! dauShTyAdripUNAm | 1vemavyApAramapi cha 2turIsparshaleshaM vinA yA shrIman ! vAsAMsyatanuta jayet sA kR^ipAchAturI te || 2\.16|| 1\. \rdq{}puMsi vemA vAyadaNDa\rdq{} ityamaraH | 2\. turI tantuveShTanasUkShmadAruvisheShaH | yaH shokebhyo bata janamamuM mochayeddAruNebhyo novA~nChan pratyupakR^itilavaM so.ayamevAtra bandhuH | anye tAvaddhanahatiparA bandhavo nAmamAtrAt 1tvanniShThA2to bhavati vishadA bandhutA padmanAbha !|| 2\.17|| 1\. tvadgatA | 2\. pratyupakArAnapekShayA bhaktashokamochanAddhetoH | ki~nchAmuShmin sthiracharamaye tvadvashe sarvaloke ye nAthatvena cha bhuvi narA bandhubud.hdhyA cha martyAn | tulyAvasthAn janimR^itijuShastulyabAhva~NghrishIrShAn bho manyante na kimiyamaho mandataiveha teShAm || 2\.18|| kiM vA snigdhaiH phalamasusamaiH kiM phalaM j~nAtibhirvA kiM vittenApi cha bata bahukleshalabdhena jantoH | kAle vAme tadidamakhilaM vyarthatAmeva yAyAt tatrApyenaM puruShamavituM tvatkR^ipaiveha dakShA || 2\.19|| tasmAt sarvairiha hi manujaiH sarvathA sarvakAle kAryo yatno jagati sumahAMstvatkR^ipAptyai nikAmam | tasyAM bhUyastarasucharitairmAdhavAsAditAyAM labhyaM sharme1rayitumahirADapyatIvApragalbhaH || 2\.20|| 1\. varNayituM syAnandUreshvara ! nanu purA pannagAdhIshama~nche shrIbhUmIbhyAmanupamarasaM prollasantaM bhavantam | draShTuM prAptAH sanakamukhayogIshvarAH pArShadAbhyAM ruddhA jAtA jayavijayasa.nj~nAyutAbhyAM tavaiva || 2\.21|| teShAM tAvadviShayapaTalInispR^ihANAmapi drAk kopashchakre nanu hR^idi padaM preraNAt bhostavaiva | 1taistau2 sadyo haricharaNasaMsevanAyuktacheShTau shaptau yoniM bhajatamachirAdAsurImityupendra !|| 2\.22|| 1\. sanakAdiyogIshvaraiH 2\. jayavijayau | shokodrekAkulitahR^idayau pArShadau tAvadetau natvAnatvA muhurapi vibho ! pAdayorhanta teShAm | prApte ghore suraripujanuShyapyajasraM bhavennau viShNoH pAdasmR^itiriti bhR^ishaM prArthayAmAsatustAn || 2\.23|| prAptastAvadbahirayi bhavAn patrirAjAdhirUDho lakShmyA yukto munivaratatiM vIkShya hR^iShTaH stuvAnAm | dR^iShTvA dInau 1niravadhi nijau pArShado 2mAmupetaM kaShTaM janmatritayaviratAvityavochaddayAdram || 2\.24|| 1\. dIdhAtvarthabhUtakShayakriyAvisheShaNamidam | 2\. prApnutam | jAtau bhUyo ditisutatayA kAshyapAt pArShadau tau tatraiko.abhUdagaNitabalAndho hiraNyAkShanAmA | anyo nAmnA kashipurasuro.abhUddhiraNyAdishabda\- stAvatyantaM bhuvanamakhilaM pIDayAmAsaturdrAk || 2\.25|| 1dhAtrIM toye murahara! tayordAnavaH 2pUrvamukto magnAM chakre hahaha kumatiryAvadatyantakhinnAm | tAvaddhAtrA dharaNidharaNAyArthitastvaM 3tadIyA\- nnAsArandhrAdayi! samabhavaH sUkShmavArAharUpaH || 2\.26|| 1\. bhUmim | 2\. prathamaM nirdiShTaH (hiraNyAkShaH) | 3\. dhAtR^isambandhinaH | sadyo jAto girisamavapuH svIyadaMShTrAgrabhAge vibhrat kShoNIM bahirupagato vIkShya yuddhArthinaM tam | daityaM hatvA bhujadhR^itagadaM roShavegAruNAkShaM shrImannetat trijagadagadaM chAkarostvaM salIlam || 2\.27|| shaure ! tAvat pramuditatamA nirjareshAH sashakrA mandAraprasavapaTalIM mUrdhni te.a1vAkirantaH | divyaiH stotrairnigamavachasAM sArabhUtairbhavantaM lakShmIjAne ! nunuvuradhikaM yaj~narUpaM paresham || 2\.28|| 1\. avA~NAvupasargau | evaM bhUmerapi sumahitAt sa~NkaTAdrakShiturvai tvatto nAnyA gatiratidR^iDhaM prANinAM mAdR^ishAM yat | bhAgaM 1tasyAH kamapi jagadArAdhanI2yAshritAnAM tasmAnnityaM tava tu karuNApUramevAshraye.aham || 2\.29|| 1\. bhUmeH | 2\. prANivisheShaNamidam | kalpe kalpe khalavihataye satparitrANaheto rUpANyevaM sarasamurarIkR^itya chetoharANi | tattatkAleShvajita ! karuNAmachyutAviShkR^itAM te ko vA dAkShyaM jagati bibhR^iyAdvaktumambhojanAbha!|| 2\.30|| j~nAtvA kR^ittaM jhaTiti bhavatA bhrAtaraM dAnavendraH sadyo jAtaH kanakakashipuH krodhashokAkulAtmA | tiShThaMshchakre sadasi kumatirdAnavAnAM pratij~nAM jeShyAmyArA1dajita ! sahasA tvAmitIshAndhabuddhiH || 2\.31|| 1\. iyaM sambuddhirajayyatvasphoraNAya pratij~nAvAkyamadhyagatA kavinA kR^itA | athavA \ldq{}ajitasahasA\rdq{} ityekaM padam | aparAjitena baleneti tadarthaH | taptA ghoraM tadanu sa tapaH prINayitvA viri~nchiM tuShTAttasmAt suranaramR^igAdyairavadhyatvamAptaH | dR^iptaH shakrAdaharata divaM tvAmanAdR^itya tAvad\- vishvaM chaitatsakalamachirAt pIDayAmAsa gADham || 2\.32|| prahlAdAkhyaH samajani sutastasya garbhasthitAve\- vAptatvatpAdakamalaratirnAradAt tApasendrAt | so.ayaM jAtyAsurashishurapi tvanniviShTAshayatvA\- dAsIdbhaktiprasarasumahAnATake 1sUtradhAraH || 2\.33|| 1\. nirvAhakaH | bhUman! bAlye.apyasurapaTalImadhyagasyAsya chAsyA\- nno niryAtaM kila tava guNAlApato.anyat kadApi | yattadyuktaM tR^iNakaluShajambAlamR^itkaNTakAnAM madhyastho.api tyajati sahajaM kiM maNiH kAntibhAram || 2\.34|| dR^iShTvA putre tava charaNayorbhaktimaj~nAtapUrvAM svIyaiH sadyaH kimidamiti sa vyAkulo dAnavendraH | aichChattaM tvayyatha virahitaM hanta bhaktyA vidhAtuM tejobha~NgaM rachayitumiva prauDha1pa~nchAsyasUnoH || 2\.35|| 1\. prauDhasiMhaDimbhasya | shaNDAmarkAhvayaditisutau kalpayAmAsa bhUyaH prahlAdasyAchyuta ! gurutayA dAnavAchAryashiShyau | tAbhyAM bhaktestvayi sa 1pR^ithuko vArito.a2pyarbhakebhyo bhaktestattvaM dR^iDhamakathayaddeshikAsannidhAne || 2\.36|| 1\. arbhakaH | 2\. sahAdhyAyibhyo bAlebhyaH | AhUto.asAvatha gurugR^ihAdekadA bhaktamauliH pR^iShTaH pitrA vada pR^ithuka! me kiM nvadhIteShu sAram | proche tAvatsajalanayano hanta romA~nchitA~NgaH sAraM shaureH padabhajanameveti nissaMshayaM saH || 2\.37|| shrutvA vAkyaM vadanagalitaM dussahaM hanta sUno\- stvatpAdAbjAdvimukhamatibhi1rdAnavaH pApakR^ityaiH | sehe naiva tribhuvanapate ! svAdu dugdhaM vimishraM prAleyAbhAlasita2sitayA ramyayA3rochakIva || 2\.38|| 1\. hiraNyakashipuH 2\. sharkarayA | 3\. annadveShavAniva | roShitvAtho kanakakashipu1rdeshikAbhyAM prakAmaM nUnaM hyeShA sahajamatirevAtmajasyeti jAnan | nAnopAyAn vyatanuta paraM tasya hatyai durAtmA tvatpAdAbje nihitamanaso hanta mohAndhachetAH || 2\.39|| 1\. sampradAne chaturthI | AhUyArAt pratibhayatarAn dAnavAn shastrapANI\- netAn proche svakulahatakaM satvaraM taM 1hateti | ghnantaH shastrairvapuShi tamamuM hanta bhinnAstragAtrAH peturvajrasthiratarakR^ipAka~nchukenAvR^ite te || 2\.40|| 1\. hanterloTo madhyamabahuvachanam | bhagnodyogastadanu danujo dandashUkAn sutIvrAn dR^iShTighrANeShvapi viShamayAn prerayAmAsa hantum | prahlAdaM taM tvayi dhR^itaratiM 1pannagArAtiketau mAta~NgendraM bata bisaguNeneva bandhuM madAndham || 2\.41|| 1\. idaM visheShaNaM dandashUkashaktikuNThatvasphorakam | tasyAj~nAM tAM tadanu phaNinaH kAmamAdR^itya sarve vyAtanvAnA ahamahamikAM taM dashantaH saroShAH | bhagnaprAyA galitarudhirA vainateyairadR^ishyaiH prApyopAntaM ditikulapateH sannatA evamUchuH || 2\.42|| daityendrAmI vayamiha bhavatputraghAte na shaktAH phUtkArodyadgaralashikhayA sAgarochChoShiNo.api | ityuktvaite punaratha gatAH pUrvamudruShya dAkShyaM naitachchitraM dvividha1vachanaM hA dvijihvA2dhipAnAm || 2\.43|| 1\. prAgvIravAdaM prakAshya pashchAt svAshaktikathanarUpama vyavasthitabhAShaNam | 2\. avyavasthitabhAShishreShThAnAM sarpashreShThAnAM cha | shrutvA vAkyaM tadidamadhipo vyAkulo dAnavAnA\- mAhUyArAt sutamakathayaddeva! sAmoktibhedaiH | tvatpAdAje ratimatulitAnandadAM hanta 1bha~NktuM 2so.ayaM viShNau ratimakhilade kastyajedityabhANIt || 2\.44|| 1\. tyAjayitumityarthaH | 2\. prahAdaH bhUyaH kruddho dvipaparivR^iDhAn pInashuNDogradantAn hantuM putraM nijamatikhalaH prerayAmAsa daityaH | te taM roShAnniravadhi yathAshakti sampIDayanto\- .apyenaM ki~nchidvyathayitumapi shrIsha! shaktA na chAsan || 2\.45|| tiShThan pashchAdatha gurukule dAnavebhyaH shishumyo guhyaM tUpAdishadayi paraM 1tattvamevaiShe bhaktyA | 2shrutvA chAdApayadatha garaM tachcha sUdaiH 3sa tasmai so.ayaM pItvA tadapi samabhUnnirvyathaH prAgvadeva || 2\.46|| 1\. prahlAdaH | 2\. tattvaM tattvopadeshanaM vA shravaNakriyAyAH karma | 3\. hiraNyakashipuH | bhUyo j~nAtvA tava padayugAdaprakampAshayaM taM putraM harmyAjjitahimagireH pAtayAmAsa yAvat | tAvat kShoNI nanu bhagavatI komalAbhyAM gR^ihItvA pANibhyAM taM vyatanuta 1bhavatyasya bhakteH prashaMsAm || 2\.47|| 1\. tvayi | bhagnodyogaH punarapi khalo nAgapAshena baddhvA rAtrau sindhau tanayamasuraiH kShepayAmAsa yAvat | tAvannAgA garuDadalitAH sopahAraH 1samastaut sindhushchainaM2 sa cha suvimalaM tvadvapurdraShTumaichChat || 2\.48|| 1\. saMstutavAn | 2\. prahlAdam | sthitvA sindhau stuvati bhagavaMstvAmathAsmin1 samodaM pratyakShastvaM khalu nayanayostasya bhUtvA kShaNena | prAdA bhaktiM viShayapaTalInispR^ihAyA~Nga! tasmai bhUyaH so.atha tribhuvanapate ! lokabAhyashchachAra || 2\.49|| 1\. prahlAde | pitrA pR^iShTaH sadasi cha samAnIya yaM sevase tvaM viShNuM kkAsAviti sa tu tadA sarvagaM tvAM jagAda | tarhi stambhe kitava ! na kuto dR^ishyate.atreti roShAt stambhaM hastoddhR^itavarakR^ipANena chAghaTTayat saH || 2\.50|| AsIt sadyo bhuvanamakhilaM kampayan ko.api shabdaH kurvan bhItyA kanakakashipuM naShTacheShTaM kShaNArdham | tenArAveNa tu bata chachAlAsanAt padmajanmA 1tAvat stambhAt samajani bhavadrUpamatyantadhoram || 2\.51|| 1\. tadA shrIman ! kaNThAdupari mR^igarAjAtmakaM tasya chAdho bibhradrUpaM tribhuvanatataM mAnavaM ghoradaMShTram | vyomasparshiprachuradhavalashrIsaTAjAlamAtA\- mrAkShaM tatte vapurayi paraM nArasiMhaM namAmi || 2\.52|| dR^iShTvA taM tvAM pratibhayatarAkAramatyantabhIto\- .apyantadhairyaM bahirabhinayan dAnavendro durAtmA | khaDgaiH shUlaiH sumahitagadAsAyakaishchaiSha 1yudhyan j~nAtvA 2kampaM tava tu puratashchApatadbhagnayatnaH || 2\.53|| 1\. yuddhamAtmana ichChan | 2\. kopATopajaM chalanam | gR^ihNan daityaM svayamatha nije pAtayannUruyugme bhittvA vakShaH kulishaparuShaistasya tUrNaM nakhAgraiH | pAyampAyaM rudhiramachirAt taM 1vihAyAsuraughaM kR^itsnaM hatvApyayi na samabhUH shAntakopogravahniH || 2\.54|| 1\. taM vihAya pramItaM hiraNyakashipuM dUratastyaktvetyarthaH | brahmeshAdyAH sakalamarutaH kampamAnA vidUre sthitvA maulau 1mukulitakarA mAnasAmbhojajAtam | modaM hatyA tribhuvanaripordAnavendrasya vaktre ki~nchinmAtraM prakaTayitumapyapragalbhA babhUvuH || 2\.55|| 1\. sA~njalibandhAH | sadyo dhAtrA murahara! tava prINanAyArthito hi prahlAdaste charaNayugale drAk papAtAtha yAvat | tAvadbhaktekShaNavigalitAmeyamanyustadIye kR^itvA maulau karamayi! varAnapyadAstvaM vareNyAn || 2\.56|| bhaktAdhIne bhavati shanakaiH shAntamanyAvamartyAH sendrA maulau suratarusumAnyachyutAvAkirantaH | rejurbherIM paramakutukadyotikAM vAdayanto gandharvAshcha shrutilayayutaM kIrtipUraM jaguste || 2\.57|| ye ye pUrvaM tridivanilayA daityarAjena dauShTyA\- nnAnArUpAM nirupamashuchaM prApitAste cha sarve | tuShTA naShTyA trijagadahitasyAsya daityasya tAvat pratyekaM tuShTuvurayi hare ! nArasiMhAkR^itiM tvAm || 2\.58|| itthaM bhakteShvajita ! dR^iDhamAviShkR^itAyAH kR^ipAyA ekaM vA te vilasitamaho ko bhavedvaktumIshaH1| evambhAve kva tava gaNanAtItakAruNyabhUmA keyaM vAcho vitatiriha me bAlishasyAmbujAkSha !|| 2\.59|| 1\. shaktaH | dR^iShTvApyevaM tava karuNayA dAruNAbhyo vipadbhyo muktAn bhaktAnaparigaNitAn yasya nodeti buddhiH | samprAptuM 1tAmayi paramavAggocharAnandadAtrIM ko.anyo loke bhavati hi tato.apyArttabandho ! vigarhyaH || 2\.60|| 1\. karuNAm | evaM bhakteShvaparigaNiteShvIsha! sandarshitAyA leshenApi snapaya bhagavan ! mAM kR^ipAyA murAre ! | tenaivAyaM bhavati kamalAnAyakAtyantadhanyaH kiM no dadyAtsukhamanupamaM bindumAtraM sudhAyAH || 2\.61|| trailokyeshaM nirupamatamAnandasAndrasvarUpaM tvAM ko vij~nApayitumahakaM1 padmanAbhAtmavA~nChAm | 2yadyapyeShA mama khalu parA prArthanA dInabandho ! kAryo nityaM nanu mayi madIyo.ayamityeSha bhAvaH || 2\.62|| 1\. alpo.aham | 2\. anena tathApItyasyAkShepaH | brahmA shakro.api cha haridadhIshAstathAnye cha yasyAH sphUrtyaivedaM bhuvanamahitaM sAndrasAmrAjyamApuH | yA vA loke sakalaparitApApahantrI janAnAM seyaM nityaM shishirayatu mAM tvatkR^ipA shAr~NgapANe!|| 2\.63|| daityArAte! jagati manujairdurlabhAnatra bhogAn vishvairmAnyAmamitasukhadAM sArvabhaumasthitiM vA | bhAgyAvAptaM nidhimapi dhaneshasmayadhvaMsinaM vA tuchChAn manye tava hi karuNApekShayA nirvisha~Nkam || 2\.64|| prApyaM syAchchedbhuvi samadhikaM sharma bhogAdiShu prA\- gukteShvIsha! tvadurukaruNAlabhyasaukhyAnma1hAntaH | sphItaM rAjyaM subahu vinidhAyAtmajeShu kShaNena prAptAH kasmAdvanamavanipAstApasaistulyashIlAH || 2\.65|| 1\. asya tarhItyAdi | asti shrImanniha parimitiH sharmaNAmapyamartye\- ndrAvApyAnAM makhashatalasatpuNyapAkoditAnAm | ko vA kuryAjjagati bhavadIyAnukampAlavasya prAptyA janyasya tu parimitiM sharmaNaH pa~NkajAkSha !|| 2\.66|| bhaktavrAtAdhihara! bhavataivArpite svAdhikAre sthitvA bhogAMstribhuvanadurApAn rameshAshnuvAnAH | apyambhojAsanaharamahendrAdayaH kAmayante yAmevAsyAH kimiha madhuraM bhUtale tvatkR^ipAyAH || 2\.67|| yasyAH prAptyai niyatamavanau vishvavandyA mahAnto dAnasnAnavratajapamakhAdIni karmANi kR^itvA | nUnaM vindantyaparigaNitaM sharma yalleshalAbhe kastAM vA~nChenna hi tava kR^ipAM mAdR^isho bAlisho.api || 2\.68|| syAnandUreshvara! jayati te divyakAruNyarUpaM dhvastApAyaM kimapi hi dhanaM rAjachorAdyahAryam | nityaM tR^iShNAjanakamapi lokesha ! yogIshvarANAM nirdvandvAnAM nikhilaviShayAvA~NmukhAnAmagaNyam || 2\.69|| 1sarvAbhIShTAn vitarati nR^iNAM yatnaleshaM vinAho mUlAdutpATayati sahasA pAdapaM pAparUpam | rakShatye2tAn murahara! tathA dAruNAbhyo vipadbhyaH kiM kiM saukhyaM bhuvi na janayeddehinAM te.anukampA || 2\.70|| 1\. arthAniti sheShaH | 2\. narAn | yasyAH prAptyA paramakR^ipaNo.apyatra martyaH kShaNena prApnotyuchchaiH shriyamakhilasampUjyatAM chArtabandho ! | yasyAM ki~nchit paramapuruShAvA~NmukhAyAM kubero.a\- pyasvo hi syAt srajati na mudaM kasya vA sA kR^ipA te || 2\.71|| pArAvAraH parilasati te sAndrakAruNyapIyU\- ShAtmA svachChaH satatamachalo nityapUrNo hyabha~NgaH | magnA ye.asmin kalitataraNAste dR^iDhaM mohasindho\- rye chAmagnAH 1suniyatamamI hanta mohAbdhimagnAH || 2\.72|| 1\. sunishchitam | loke labdhuM varada ! vividhAnIpsitAn sAdhanIbhU\- teyaM shaure ! tava hi karuNetyAhureke mahAntaH | nAyaM pakSho mama tu sakalApekShayA1syA 2varatvAt 3etanniShThe dhruvamavitathe sAdhyatAsAdhanatve || 2\.73|| 1\. karuNA\- 2\. uttamAbhIShTatvAt | 3\. karuNAniShThe | tvatkAruNye dishati sakalaM vA~nChitaM mAnavAnAM yAch~nApekShAlavavirahitaM vishvapUrNe hyanante | ye yAchante suraparivR^iDhodyAnadeshaikaniShThaM mandAradruM niyatamadhamAste mR^igebhyo.api bhUman !|| 2\.74|| pApAtmAnaM rachayati kamapyatra puNyena pUrNaM nissvaM ka~nchit kalayati tathA sarvasAmrAjyayuktam | praj~nAhInaM kamapi cha vidhatte hi vAgIshatulyaM kiM kiM chitraM prakaTayati vA tvatkR^ipA nendrajAlam || 2\.75|| 1paryAptiH syAdajita ! chirakAlopabhoge.akhileShu shrIman ! vastuShvapi bata sudhAsannibheShvatra puMsAm | nityaM bhUyo.apyaghahara! samAsvAdyamAnaM pramodaM dAtuM dakShaM navamiva vinA te.anukampAM kimanyat || 2\.76|| 1\. alambhAvaH | lakShmIjAne! jagati karuNA nityapUrNA prapA te nUnaM puMsAma1mR^itamanishaM modasAndraM dishantI | yajjAyante varada ! rahitAstR^iShNayA yAmavAptAH syAnandureshvara! nanu 2bhavagrIShmakAloShNakhinnAH || 2\.77|| 1\. mokShaM sudhAM cha | 2\. bhavashabdaH saMsAre | ghorAj~nAnaprachuratimiraM nAshayan dasyujAlaM rAgadveShAdimayamachirAddhAvayan hanta dUre | pApashreNImayamaramadhaH pAtayaMstaM 1divAndhaM sAdhustomAmbujamukhakaro bhrAjate tvatkR^ipArkaH || 2\.78|| 1\. ulUkam | no dakSho.ahaM kimiha bahunA tvatkR^ipAyA vilAsaM stotuM bhogIndrashayana ! manovAgatItaM nikAmam | kintvaitAvat paramahamavaimyArttabandho! narANAM bhUrishreyovitaraNavidhau tatsamAnA tu saiva || 2\.79|| tasmAdyAche tribhuvanapate! tvatkR^ipAmeva so.ahaM nishsheShArtiprashamanaparAM deva! dAsastvadIyaH | sarvAbhIShTAnyayi vitarataste kilAyAchitAnya\- pyasyechChApUraNamayi kiya1nme kR^ipAvArirAshe !|| 2\.80|| 1\. alpamityarthaH aj~natvAdapyajita ! suguNairvarjitatvAt kR^ipAyAH pAtratvaM me yadi na hi tava shrIdharA1stAM tadetat | jAgartyeko nanu mama guNo yattvadekAshrayatvaM so.ayaM doShAn harati sakalAn pAtratAM chAvahenme || 2\.81|| 1\. na gaNanAmarhatItyarthaH tatra hetuH parArdhe darshitaH | doShairyukto.apyayi parijanashchedihAnanyanAtho jAtu tyAjyo na bhavati hR^iShIkesha ! tatsvAminAsau | loke mAtA bahuShu tanayeShvekamatyantamUDhaM kachchijjahyAduta mama suto nAyamityullapedvA || 2\.82|| ambhojAkSha ! pratipadamaho nityamAgassahasraM tanvAnAnAmalamaviduShAM mAdR^ishAM chAparAdhAn | tuchChIkurvannava karuNayA nistulAnandadAtryA no chet kA vA gatirayi hare! nastvadekAshrayANAm || 2\.83|| Ishe ki~ncha tvayi vikirati svAnukampAsudhAyA leshaM tApatrayahara! mayi shrIdharAnanyanAthe | pApAj~nAnaprasarakaluShakrodhamohAdayo me chitte sthAnaM kathamiva parAnandamUrte! bhajeyuH || 2\.84|| syAdekatrAchyuta ! nanu tamastejasoH kiM 1nivAso dAridyasyApi cha bhuvi tathA sampadaH sambhavet kim | aj~nAnasyApi cha kimu bhavet tadvadIsha ! shrutasya tvatkAruNyasya cha kimu bhavet tadvadaMhaHkulasya || 2\.85|| 1\. ayamuttaravAkyeShvapi kartA | ki~nchAptAyAM murahara! mayA te.anukampAsudhAyAM kiM bhUyobhirmama guNagaNairabdhijAbhUmijAne ! | tasyAmeva kShitidhara ! mayA drAganAsAditAyAM kiM vA loke phalamiha madIyairguNAnAM sahasraiH || 2\.86|| daityArAte! jagati sudhiyastvatkR^ipAmarjayeyu\- rbhaktyA yogena cha nanu tapassampadA vA mahAntaH | apyaj~nAnAM murahara! punarmAdR^ishAM chAprameyaM dAtuM sharmArhasi karuNayA dInabandho ! tvameva || 2\.87|| kurvantyaddhA kimapi karuNAM svIyabhR^ityeShu devA anye loke yadi chirataraM sevitAH kleshapUrvam | eShA naiva 1prakR^itirayi te vishvapUrNAnukampA\- sindhoryattat kuru mayi kR^ipAM mAdhava! svIyadAse || 2\.88|| 1\. svabhAvaH | tvaM me mAtA tvamasi janakastvaM gurustvaM hi bandhu\- stvaM bho daivaM paramiti jagatsArvabhaumAnuvelam | tvayyevAlaM nihitahR^idayaM mandamapyAshvamanda\- premodbhutaprachurakR^ipayA mAmavA1nanyanAtham || 2\.89|| 1\. rakSha | shaure ! 1dR^ishyaM jagati kimapi tvanniShevAM vinA no dAtuM dakShaM shubhamiti ramAnAtha ! nishchitya bADham | tvAmeveshaM sharaNamupayAtaM svakIyAnukampA\- srotovR^iShTyA shishiraya javAt padmanAbhAdarAnmAm || 2\.90|| 1\. no dR^ishyamiti yojanA, nopalabdhuM shakyamityarthaH tvatsevAtiriktasya shubhadAnadakShasya vastuno.anupalabdhipramANAdabhAva eveti bhAvaH | dAsyaM vA~nChantyamitadhiShaNA yasya 1sanyastadaNDA yanmahAtmyaM nigamavachasAmapyatikrAntavartma | taM tvAmIshaM bhuvi kushaladaM viShTapAnAM trayANAM prApto.asmyaddhA sharaNamatha me kiM tvadanyAshrayeNa || 2\.91|| 1\. santyaktadaNDAH, \ldq{}na daNDaM na shikhAM nAchChAdanaM na bhaikShaM charati paramahaMsa\rdq{} iti mahopaniSha duktalakShaNAH paramahaMsA iti yAvat | loke vA~nChA bhavati hi nR^iNAM vastuni shreShTha eva shrImatpadmAramaNa! sakalApekShayA vItasha~Nkam | shraiShThyasyApIshvara! nanu paraM shreShThatAdAturanyaM tvattaH kaM vA sharaNamupayAmIha kAruNyasindho !|| 2\.92|| yo vA devastribhuvanapate ! varNyate 1labdhavarNai\- stasyotkarSho niyatamitarApekShayA hanta vAchyaH | 2evambhUtaM murahara! punaH kevalaM pakShapAtA\- dutkarShaM bhostava na kathaye kintu satyaM bravImi || 2\.93|| 1\. vichakShaNaiH | 2\. uktanyAyasiddhamityarthaH etachchotkarShavisheShaNam | jAne naiva praNatashubhada! chChadmavAdaM kadApi hyagre vAchyaM priyamiti dhiyA chAtha naitanmayoktam | yadvai satyaM nigamavachasAM shreNibhiryachcha gItaM yanme bhAtaM hR^idi nanu tava preraNAttattvavocham || 2\.94|| bhUyo bhUyaH savinayamahaM prArthaye sindhukanyA\- jAne ! tAM te nirupamakR^ipAdhoraNImeva nityam | 1dAnautsukyAnmanasi kimapi hyarthinAM chAvakAshaM 2yAch~notpatteH parama3dishatA kiM mamechChA na pUryA || 2\.95|| 1\. ayAchitAbhIShTadAnakautukAdityarthaH 2\. dehIti vAkyaprayogasyetyarthaH | 3\. asya tvayeti visheShyamadhyAhartavyam | trailokyAdhIshvara! mayi kadA syAddR^iDhaM te.anukampe\- tyevaM naktandivamayi paraM chintayA me yutasya | vA~nChArUpA varada! latikA tvatkR^ipArUpapIyU\- ShAsikteyaM bhavatu saphalA padmanAbhArttabandho !|| 2\.96|| patritrAtA iva hi jananIM svAmasa~njAtapakShAH stanyaM vatsA iva cha nitarAM kShutparishrAntadehAH | prAleyArto nara iva paTaM hanta hemantakAle tvatkAruNyaM spR^ihayati bhR^ishaM shrIpate ! mAnasaM me || 2\.97|| ChAyAvR^ikShaM pathika iva cha grIShmakAloShNakhinnaH sa~NkhyAhInaM nidhimiva naraH ki~ncha nissvo nitAntam | vR^iShTiM sArAmiva cha manujo deva! kedAravR^ittiH sotkaNThaM me hR^idayamadhunA tvatkR^ipAmIsha! labdhum || 2\.98|| vidyAlipsurnara iva bhR^ishaM sadguruM vishvamUrte! tejasvI nirmalamiva yasho niShThito1 2janyabhUmau | karttA sadyaHphalamiva hare ! karmaNAmuttamAnAM kAruNyaM te spR^ihayati bhR^ishaM bho madIyaM hi chetaH || 2\.99|| 1\. atyantAsaktaH | 2\. yuddhA~NgaNe | tasmAchChaure ! vigalitavilambaM tvadIyAnukampA\- pIyUShAbdherabhinavatarA vIchayo mAnasaM me | kurvantvaddhA subahu muditaM vishvanetrAdhi1bhAra\- ChedodagrAnupamasuShamAvAsa! rAjIvanAbha!|| 2\.100|| 1\. dR^iShTavastudarshanajanyaH sadvastvadarshanajanyashcha vyathAtishaya AdhibhArapadasyArthaH | iti svAtishrIrAmavarmava~nchimahArAjavirachitAyAM bhaktima~njaryAM dvitIyashatakam | \section{atha tR^itIyashatakam |} shrIman ! bhogIndrashAyinnachiravikasitendIvarashreNikAnti\- stomATopaprakAmaprashamanapaTutAshAlinI sA tvadIyA | kAntirdehasya mallochanayugamanishaM tanvatI samprahR^iShTaM tApaM manmAnasotthaM 1trividhamapi haratva~njasA ka~njanAbha !|| 3\.1|| 1\. AdhyAtmikAdhibhautikAdhidaivikarUpam | brahmA shambhuH surANAmadhipatirR^iShayo devagandharvasa~NghAH pAyaM pAyaM hare ! yAM nijanayanapuTairna hyatR^ipyan murAre ! | seyaM te rUpasampannikhilajanahR^idunmAdane baddhadIkShA stotuM kenesha! shakyA bhavati jaladhijAvallabhAsyAM dharaNyAm || 3\.2|| mAdhuryAdapyaho yajjagati sumadhuraM yatra sArasyapu~njA\- llokotkR^iShTAnnitAntaM sarasamapi cha yanma~njulatvAchcha ma~nju | mA~NgalyAchcheha yadvai murahara! sutarAM ma~NgalaM tAdR^ishaM te rUpaM kasyeha chetasyajita ! na janayet kautukaM kaiTabhAre !|| 3\.3|| yeShAM cheto manAgapyanagha! vashayituM 1nAlamIsha! trilokyAM 2vastu shrIbhUmijAne! kimapi hi niyataM nirmalaj~nAnabhAjAm | teShAM yogIshvarANAmapi hR^idi satataM mohasandAyinI te dehashrIH kena vA syAdbhuvi paramupameyA kavIndrairvareNyaiH || 3\.4|| 1\. na samartha bhavatIti sheShaH | 2\. idaM bhavanakriyAyAH kartR^i | lAvaNyaM te murAre! jagati kathayituM sodyamAstat kavIndrA yAvachChaktIha pa~NkeruhanilayamukhA apyaho j~nAnavantaH | vAcho dhATIM 1vyayIkR^itya cha nanu sakalAM svAmatho bhagnayatnA jAyante hanta tadvaibhavakathanavidhau kasya vA dakShatA syAt || 3\.5|| 1 vyayayitvetyarthaH | ki~ncha shrIpa~NkajAkSha ! tribhuvanajanatAnetrasAra~Ngapota\- vrAtasyAho vashIkR^ityatinipuNataraM vAgurAtvaM prapannA | shobhA te yAvadakShNorbhavati hi puratastAvadevAshrudhArA\- romA~nchAsImatAgadgadvachanavashAt ko bhavet stotumIshaH || 3\.6|| syAnandUresha ! yAsau rachayati dR^iShadA tulyamapyatra chetaH svAyattaM dAruNAMhaHkulashamanachaNasvIyachAritrarAshe ! | tAM te lAvaNyadhArAmayamadhurasudhAdhoraNI lochanAbhyAM bhUman ! pAtuM nitAntaM prabhavati bhuvane kaH pumAnalpapuNyaH || 3\.7|| 1chitraM shaure ! dadhAno.apyayi tanusuShamAshreNibhirhanta sAmyaM shlakShNAbhirnirjarendropalasamaruchibhishchA~njanakShmAdharasya | 2rAgaM chetasyasImaM janayasi bhagavaMstattvabodhapradIpa\- jyotirvidhvastamohapravitatatamasAM mAdhavAna~njanAnAm || 3\.8|| 1\. Ashcharya, janyajanakayorvairUpyAt | 2\. AruNyamAsaktiM cha | yeShAM tAvat pradAyAmitasukR^itaparIpAkapu~njaikalabhyaM loke janmottamaM mAnuShamavikalatAM chAtha sarvA~NgakeShu | netrAbhyAM te sharIrapratinavasuShamAmekadApi prapAtuM phAle rekhAM na vinyasyati dR^iDhama1dayasteShvaho padmajanmA || 3\.9|| 1\. nirghR^iNo bhavati | pIyUShAmbhonidhiH kiM kimu bata sujanashreNibhAgyaikasImA vishveShAM lochanendIvarasukhakaraNe baddhadIkShaH kiminduH | mAdhuryasyAprameyasya tu kimu paramA janmabhUrityaho te kAntirDolAyitaM naH kalayati hR^idayaM saMshayeShvIdR^isheShu || 3\.10|| tyaktvA vA~nChAM samasteShvayi bata viShayeShu kShaNAdArttabandho ! bhUtvA parNAnilAsvAdanavihitaratiH parvatAnAM guhAsu | sthitvA tIvraM tapaH shrInilaya! kR^itavatA pUrvajanmanyudAraM prApyaM loke kimanyat phalamiha tapaso mUttisandarshanAt te || 3\.11|| ambhojAkShAnuvelaM nikhilajanataterdarshanAdeva tR^iptiM dAtuM baddhodyamAyAM tava tanusuShamArUpapIyUShaveNyAm | yatnAdabdheravAptaM 1kimapi sukhakaraM kevalaM pAnakAle pAyampAyaM prahR^iShyantyayi surabhavane hA kimarthaM tvamartyAH || 3\.12|| 1\. IShat | nUnaM tvatkAntirUpAmR^itarasalaharIkaumudI nirmaleyaM bhaktAnAM mAnasotthaM sakalamapi tamaH kurvatI saMvinaShTam | yasmAt taddarshanenAchyuta! sujanasamUhAkShinIlotpalAni premAshrusphItadhArAmayamatha makarandaM javAdudgiranti || 3\.13|| shuddhaj~nAnAmR^itAmbhonidhinavalaharIkShAlitAMhaH kala~NkA loke shrInAradAdyA muninikaravataMsAH sadA lochanAbhyAm | yAM devAsvAdayanto.apyagadhara! 1yugavannetrasammIlanotthaM pratyUhaM bhAvayanti 2kShaNikamavashayet kaM na sA tAvakAbhA || 3\.14|| 1\. kalyAdimahAkAlavat | 2\. kShaNasthAyinam | chitraM kAntistvadIyA dinakaratanayAtIrarAjattamAla\- kShoNIruTparNanIlApyayi shashidhavalAM kIrttirAshiM prasUte | draShTR^INAM mAnavAnAM janayati hR^idaye ki~ncha 1rAgaM murAre! chetovAchAmagamyaM niyatamavirataM dandashUkAriketo!|| 3\.15|| 1\. AruNyamanurAgaM cha | kAntyA sAmyaM tavehAchyuta ! jaladagaNo voDhumAshvamburAshe\- stoyaM gR^ihNan nikAmaM nabhasi jaDamayastUchChrito yAvadeShaH | tAvat svasthApakarShe tava tanusuShamApekShayA vIkShya shokAt mu~nchantyashrUNi lakShmIpriyatama ! parito varShadhArAmiSheNa || 3\.16|| lavdhuM shobhAM tvadIyAM kulishabhR^idupalAdarshagarvApanetrIM syAnandUresha! vA~nChAbharabharitamanAMsyachyutendIvarANi | sthitvA naktandivaM mAdhava! nanu sarasi svachChatoyaughapUrNe manye tIvraM tapasyantyatidR^iDhamanasA tyaktanidrANi rAtrau || 3\.17|| ekIbhUyAtra loke tribhuvanasujanashreNibhAgyaikapu~njo rUpaM ki~nchit samAlambya hi bhuvanahitAyaiva jAgarti nUnam | evaM chet 1kIdR^ishaM tat kathaya suruchiraM rUpamityatra pR^iShTa\- shchedvakShye2 nIlanIlaM virachitashayanaM 3pannagasvAminIti || 3\.18|| 1\. ki~NguNakam | 2\. uttarayiShyAmi | 3\. AdisheShe | durvAdurvAragarvaprasaraghanaghaTAdUranirvAsanAtya\- ntodbhrAmyanmA1rutantyAstava hi tanurucherIsha! jAtA 2prashastiH | trailokyaM sharvabhUbhR^itsamaruchi sahasA kurvatI varNamanyaM shvetimnaH pItaraktAdikamiha niyataM hanta naShTaM vidhatte || 3\.19|| 1\. mArutavadAcharantI mArutantI, tasyAH | 2\. kIrttiH | ki~nchAsyAmudyatAyAM tava tanusuShamAsambhavAyAM hi kIrtyAM jetuM vastvatra loke sakalamapi sitaM svIyadhAvalyabhUmnA | manye shItAMshuruchchairbhayabharitamanA nAtha! pIyUShadhArA\- visrAvachChadmanAsau visR^ijati nitarAM sveda1bindupravAham || 3\.20|| 1\. bhayasAttvikabhUtam | kAntyAH kIrttyA tavehAchyuta! bhuvanatale pa~NkajAkShAvadAte pArAvArAH parAtman! jagati suviditAH saptasa~NkhyAmitAste | prAptA varNena sAmyaM kalashajaladhinA hanta sarve.api 1jihvai\- kAvedyAnyonyabhedA varada! samabhavannityavaimyastasha~Nkam || 3\.21|| 1\. jihvayA ekayA rasavaichitryAdAvedayituM shakyaH parasparabhedo yeShAM te | ki~ncha tvadvarShmakAntyudbhavavimalayashomAlikA kR^itsnameta\- chChaure ! brahmANDabhANDaM nanu nijamahasA tanvatI sA valarkSham | dhvAntaM sarvAsu dikShvapyayi bata 1mR^igayantI na shaknoti labdhuM yat tadyuktaM nivAsaH kva bhavati hi tayorachyutaikatra loke || 3\.22|| 1\. dhavalIkaraNechChayAnviShyantI pItvA kAntiM tvadIyAM nijanayanasahasreNa shakreNa muktAM chetaHpa~NkeruhodyatpratinavakutukadyotikAM bAShpadhArAm | dR^iShTvA svaspardhinI kAchana divi taTinI seyamityeva matvA manye jahnostanUjA nivasati kupitA chAndrachUDe jaTAnte || 3\.23|| pAtuM netrAmbujAbhyAM tava tanusuShamAM vishvasammohadAtrIM shaure ! vItAntarAyaM dR^iDha1manimiShatAM hetubhUtAM surANAm | dAturdhAtuH prashaMsAM nanu vachanashatairhanta kR^itvApi tR^iptiM prAptaH ko2 vA nu vAchAmadhipatisadR^isho.apyatra gIrvANavR^inde || 3\.24|| 1\. nirnimeShatvam | 2\. animiShatayApi devAstvadrUpadarshanaviShaye na tR^iptimApuriti tAtparyam | kiM dugdhAmbhodhikanyAnayanayugarucho melanAdIsha! kiM vA sArdhaM gopA~NganAbhiH subahuviharaNAdyAmunAmbhasyudAram | kiM vA dUrvAdalAbhAsamaruchitulasIdAmashobhAnuSha~NgAd\- vishvonmAdAvahAM tvaM vahasi nanu tanau shyAmatAM sArasAkSha !|| 3\.25|| bhUman! vR^indAvanAntargatanibiDatamAlAvalIsaMshrayAt kiM kiM vA mAyUrabarhAkalitasulalitottaMsashobhAnuSha~NgAt | kiM vA nirvyAjamodAkulatarajananIsA~njanAshrupravAhA\- sekAt tvaM nailyama~Nge vahasi nanu jaganmAnasonmAdashaktam || 3\.26|| bhaktottaMsorupuNyAtmaka! tava suShamArUpiNI nimnageyaM bhAti shrImannapUrvA nanu bhuvanatale kApyaye vItasha~Nkam | yA netrAbhyAM prapAtuM janayati kutukaM vItatR^iShNAkulAnAM yogIndrANAM vidUrIkR^itahR^idayasamudbhutavairi1vrajAnAm || 3\.27|| 1\. vairivrajetyasya kAmAdyariShaDvargasyetyarthaH | loke vA~NmAnasAgocharamapi sakalaM sharma 1jaj~nurmahAnta\- stuchChaM yallabdhijanyAnupamatarasukhApekShayA nirvisha~Nkam | enAM nirvANasaukhyAmR^itarasalaharImapyavAptA 2baterShyAM yasmai kurvanti tasmAt kimiha bhuvi 3paraM tAvakAlokabhAgyAt || 3\.28|| 1\. j~nAtavantaH 2\. IrShyAM kurvanti asharIratayA tAvakAlokabhAgyavirahAt | 3\. utkR^iShTam | bhaktyAbhIkShNaM prasannena hi nanu bhavatA mAdhavAnanyayAho santo devArpyamANeShvapi varada! vareShvindrabhogAdiShu drAk | bhUtvApekShAvihAnAH sakutukamanishaM yanmuhuH kAmayante tasmAt tvanmUrtisandarshanabhavakutukAdvedmi no saukhyamanyat || 3\.29|| ki~ncha pratyekama~NgeShvayi tava bhagavan ! vIkShiteShvatra lokai\- ranyonyotkarShavattvAdanagha! suShamayA nAtha! teShAM nikAmam | dR^iShTiH kutreha deyetyanupamavichikitsAkulaM jAyate no loke kasyeha chittaM tribhuvanajanasandohasantApahArin !|| 3\.30|| tejovisphUrtidUrIkR^itabahalatamorAshimadhyAhnavelA\- bhrAjiShNuprauDhapa~Nkeruhasakha1shatakoTismayadhvaMsinIbhiH | paryuptenoruratnAlibhiriha makuTenA~nchitasyottamA~Nga\- syAbhA te sharma nirmAtvanudinamayi me bhUrikAruNyarAshe !|| 3\.31|| 1\. shatakoTishabdaH sa~NkhyAvachanaH | teShAM bhAso maNInAM 1puraTamayakirITA~nchitAnAM tava drA\- guplutyAkAshadeshe chirataramamale vyApya tatreha bhUman ! | nAnAvarNaughasammelanamiShamavalambyAlamanyonyametA manye janyaM vitanvantyahamahamikayA garvapUrNAntara~NgAH || 3\.32|| 1\. puraTashabdaH suvarNe | lokAnAM bhUrikAntivrajanilayabhavaddivyakoTIrajAgra\- nAnAratnaughajAtAM nabhasi visR^imarAM pashyatAM kAntiveNIm | 1tArAH shAratvamApurna hi bhavati tathetyevamAdyairvivAdai\- rjAyante bhaktakalpadrusama! mukharitA naiva ke ke digantAH || 3\.33|| 1\. etadAdinA tathetyantena vivAdAkAravisheSho darshitaH | sarvatra vyomadeshe subahu visR^imarAM ki~ncha tAM ratnashobhAM vIkShyAmeyAM nikAmaM kimapi nanu mahaH stokamAkAshasaMstham | namratvaM prAptamArAdapajayabhavayA lajjayA vA~nChati 1svaM 2goptuM manye valArerdhanuriti bhuvanakhyAtayA sa.nj~nayaiva || 3\.34|| 1\. svakIyam | 2\. apahnotum | syAnandUraprabho! hATakamayamakuTodbhAsinAnAmaNInAM kAntirvyomA~NgaNe mAdhava! tava vitatA sAdhu kasyeha chitte | tvatprItyai vAsavAdyaiH sakalasuragaNairvyomarUpe 1vitAne baddhAyA mAlikAyAH suraviTapisumAnAM na sha~NkAM vidhatte || 3\.35|| 1\. \ldq{}astrI vitAnamullocha\rdq{} ityamaraH | pAdAmbhojAvanamrAkhilaparijanasandohasarvArthadAne nityaM baddhodyamashvAmitarasaphaladaH pArijAto hare ! tvam | nAnAratnorushobhA~nchitanavamakuTachChadmanA puShpito.asi prAyo dAtuM phalAnIshvara ! sukR^itaparIpAkalabhyAni lokaiH || 3\.36|| sadyaH prodyadvivasvatpaTukiraNasamUhAnuSha~NgaprakAma\- protphullAmbhoruhAntargatamadhurasapAnodyatAM 1bhR^i~NgaveNIm | dhikkurvan keshapAshastava masR^iNaruchirbADhamAku~nchitAgraH shaure ! chetasyasImaM janayatu 2kutukaM mAmake dInabandho !|| 3\.37|| 1\. bhR^i~NgaveNyAH padmapratyAsattivisheShaNaM keshapAshasya mukhapratyAsattiM gamyAmabhisandhAya kR^itam | 2\. santoSham | snigdhatvaM sarvalokasya hi janayitumIshAtmanIvAprameyaM 1snigdhatvaM deva ! yo vA prakaTayati paraM keshapAshastvadIyaH | tasyAbhAM vishvachetoharaNapaTutarAM shaMsituM kasya vA syAd\- dAkShyaM bhogIndrashAyin ! surapatiguruNA sannibhasyApi bhUmau || 3\.38|| 1\. masR^iNatvamanuraktatvaM cha | AbaddhAnAM kachAgre tava masR^iNatare chArumandArajAtI\- kundAdInAM sumAnAM prachuraparimalo vyApya sarve digantam | nAsAyAH kasya vA no rachayati nitarAM dhanyadhanyatvamasmin loke shrIbhUmijAne ! sthiracharakalite hanta vAchAmagamyam || 3\.39|| ki~ncha shrIpa~NkajAkSha ! prachuramadhukarashreNinIle kachAgre baddhA kundAdipuShpAvaliratidhavalA tAvake shlakShNakAntau | sha~NkAM kasyeha chetasyajita ! na janayennAtha! tArAgaNAnAM rAtrau vyomA~NgaNe nirbharamasitaruchau rAjatAM nirmalAnAm || 3\.40|| sAphalyaM netrasR^iShTerbhavati bhuvi nR^iNAM darshanAdeva yasyA yA nityaM dAruNAMhomayatimirakule mitralIlAM bibhakti | yA vai chetAMsi puMsAM kutukajalanidhau majjayatyaprameye seyaM te vaktralakShmIH pradishatu kushalaM sarvadA me murAre!|| 3\.41|| yogIndrANAM taponishchalatamamanasAM mIlitAnIkShaNAni spaShTaM yAsau vidhatte kShaNamatha vigalanmIlanAnyArtabandho ! | tAM te vaktrasya shobhAmanagha! kathayituM leshamAtreNa vA syAd\- vaidagdhyaM kasya vAsmin jagati madhuripo! labdhavarNasya bhUman ! || 3\.42|| chandrAmbhoje tvadAsyena hi bhuvi samatAM labdhumAttaprayatne aprApyainAM chireNApyahaha paramime bhagnayatne cha bhUtvA | mandAkShAnno sahete dR^iDhamanagha! mitho darshanaM tatra loke mithyAdhyAropitaM vai kavikulatilakairetayorvairavattvam || 3\.43|| 1doShAsaktyA sametaH satatamapi dadhAno.ayamantaH 2kala~NkaM 3sUryAvirbhAvalIno vidhurayamakhilAmodasandAyinA te | sAmyaM 4vaktreNa lavdhuM nanu yadi yatate bhagnayatnaH kathaM vA na syAt shrIdAnavAre ! bhuvanagatatamodhvaMsabaddhodyamena || 3\.44|| 1\. doShasambandhena rAtrisambandhena cha | 2\. apavAdama~NkaM cha | 3\. sUrisAnnidhyAsahano bhAskarasAnnidhyAsahanashcha | 4\. guNavattvamadoShatvaM veti vyatireko vaktre bodhyate tadvisheShaNAbhyAm | yo.asAvantarnitAntaM madhuhara! 1rajasAkrAntamUrtirmurAre ! yashchAyaM chAprasannaH suniyatamudaye2 hanta 3rAj~no 4dvijAnAm | padmaH so.ayaM vadAsyena hi bhuvi samatAM prApnuyAdvA kathaM te sattvAvAsAyitena dvijamunipaTalItApasarva~NkaSheNa || 3\.45|| 1\. rajoguNena puShpadhUlyA cha | 2\. AvirbhAve.abhivR^iddhau cha | 3\. prabho, 4\. traivarNikAnAM viprANAM cha | 1sAmyaM kenApi dharmeNa hi 2kimapi bhavedyadyaho tulyatA syAd\- vAchyA teneha loke nanu kavinikarairvastunastasya shaure ! | ramye vastunyasheShe.apyayi mukhasuShamApekShayA te nikR^iShTe bhUmannete kathaM vA jagati tadupamAnatvarmAptuM3 samarthAH || 3\.46|| 1\. saMvAdaH | 2\. Ipat | 3\. upalabdhum | lAvaNyasyAMshamAtraM tava mukhakamalasyeha lipsuH shashA~Nko majjan 1lAvaNyapUrNe dinamanu jaladhAvuchChrito vyomadeshe | dR^iShTvA tvadvaktralakShmIM dhruvamapi cha nijAM bimbitAM tu tvadIye bhUShAvR^inde salajjo 2mahayati kusumaistvAmuDuvrAtarUpaiH || 3\.47|| 1\. lAvaNyaM saundarya lavaNarasavattvaM cha, tena pUrNe | 2\. pUjayati | kechit prAhuH kilA~NkaM jaladhisamuditaM kardamaM prAhureke bhUchChAyAmAhuranye hariNa iti pare prAhurunnamradhAmnaH | tArAnAthasya madhyollasitamayi hare! 1mechakatvaM nikAmaM manye.ahaM tvanmukhAbhAkalanajanitayA lajjayaivoditaM tat || 3\.48|| 1\. mAlinyam | naShTe svIye kala~Nke tava vadanaruchA tulyatA syAnmameti bhrAntyAtyantaM mR^igA~NkaH sphuTamayi jaladhau kShAlayaMstAH kalAH svAH | naivApetaH kala~NkAdbhavati madhuripo! yat tadetanna chitraM 1mitrAnte bhrAjamAnasya cha bhuvi 2kumudaM puShyatashchAtivelam || 3\.49|| 1\. suhR^innAshe sUryAstamaye cha | 2\. kutsitasantoShaM kairavaM cha | chandrAbjAdIni vaktrasya hi paramupamAnatvamApAditAni shrIman ! loke kavIndraiH suniyatamupamAla~NkriyAdyotanArtham | tvadvaktrasyeha kAntyAmaghahara ! manasA chintitAyAM nikAmaM tasyA devopamAnIbhavitumayi dR^iDhaM 1sA paraM syAt samarthA || 3\.50|| 1\. sA paraM tvadvaR^ikAntiH kevalaM ananvayashchAla~NkAraH | premArdrIbhUtavaimAnikavaralalanAvR^indapANiprakAma\- prodvellachchAmaraughodgatapavanachalairAvR^itaM chAlakAgraiH | bhAlaM te bAlasomapratibhaTasuShamaM mAnasAbje madIye nityaM nirvyAjarUpAM vikiratu bhagavan! kAmapi premadhArAm || 3\.51|| bhAle tasmin vishAle tava hariNamadenA~nchitaM chordhvapuNDraM saurabhyotkarShasaMvAsitanikhilaharichchakravAlena shaure ! | dR^iShTvA kasyeha chetaH pratinavakutukAmbhodhikallolamagnaM no sa~njAyeta bhaktottamasukR^itaparIpAka! rAjIvanAbha!|| 3\.52|| loke bhUShAgaNebhyo murahara! sakalebhyo 1varIyastaraM tat syAnandUresha ! nUnaM rachayati tilakaM bhUShitaM bhAladesham | bhAvatkaM bhAladeshaM mR^igamadatilakaM 2tvetedAshritya bADhaM nissImashrIniketaM svayamanagha! paraM chAshnute bhUShitatvam || 3\.53|| 1\. svArthe vA taravat, atishayaparamakoTivivakShayA vA bhUyastaravat | 2\. tushabdo visheShe lokasAdhAraNatilakavyAvR^itte | bhAlaM te pa~nchamIshItalaruchisuShamAsArachauraM nirIkShya shrIman ! chandrodarasthe giridhara ! hariNe chAdhikaM 1sArabhUtA | manye kastUrikeyaM jagati samuchitAvAsabhUmirmamaiShe\- tyevaM matvA nivAsaM rachayati tilakachChadmanA te lalATe || 3\.54|| 1\. chandrA~NkahariNasambandhimadabhUtetyarthaH shakrAshmorvIdharasyAnagha! vishadatame sAnudeshe bhavantI dvedhA 1saptAshvakanyA yadi punarajita ! syandate tAvadeShA | shrIman ! vishvaikaramye tava niTilataTe bhrAjitasyesha! 2sAmyaM kastUrIpa~NkarAjattilakaparivR^iDhasyApnuyAddInabandho !|| 3\.55|| 1\. yamunA | 2\. vitataR^ijUrdhvarekhAtmakatvAt puNDramya sAmyakathanam | ambhojAvAsasharvatridashaparivR^iDhAdyAH sadaiveha yasyAH kAruNyollAsasaMsUchakachalanalavaM prArthayante nitAntam | seyaM bhrUtallajasyAchyuta ! nanu yugalI tAvakInA mameha shreyAMsyambhojanAbha! pradishatu sahasA nAtha ! bhUyAMsi bADham || 3\.56|| pAdAmbhojAvanamrAkhilaparijanasantApavichChedashauNDa\- sphItAmeyAnukampArasajaladhitara~NgAyitaM tat tvadIyam | bhrUyugmasyAprameyaM jagati vilasitaM pashyataH kasya tAva\- chchetaH piyUShasindhau bhavati na sahasA magnamAmajjamuchchaiH || 3\.57|| yAsau 1chillIlatA te tribhuvanajanasammohane baddhadIkShA vakratvaM bibhratI satyapi dR^iDhamanishaM chAtmanIshAmbujAkSha ! | yogIndrAgresarANAM paramR^ijumanasAM bhAti sammodadAtrI vaktuM tasyA vilAsaM jagati nu katamaH shrIpate! kovidaH syAt || 1\. bhrUlatA | sR^iShTisthityapyayA bhostrijagadadhipate! viShTapAnAM trayANAM yasyAdhInA vilAsasya hi tava bhagavan ! bhrUyugasyArttabandho ! | mAhAtmyaM tasya loke kathayitumaravindAkSha ! kasyeha vA syAd dAkShyaM vAchAmadhIshena tu samadhiShaNasyApi rAjIvanAbha !|| 3\.59|| bhaktyA nirvyAjayAharnishamakhilaparItApavidhvaMsanaM tat pAdadvandvaM svakIyaM dinamanu bhajatAM sajjanAnAM nikAmam | sarvAbhIShTaughavishrANanamayamaha1saMsUchidolAvilAsaM nUnaM sa tvaM bibharShyachyuta! purukaruNo 2bhrUlatAchChadmanochchaiH || 3\.60|| 1\. mahashabda utsave | 2\. abhIShTadAnAdeshabhAviShu bhrUlatAchalaneShu dolAvyApArasambhAvanA | prodyattigmAMshurashmivyatikaravikachIbhUtapa~NkeruhashrI\- chauraM kAruNyarUpAmR^itarasalaharInityapUrNaM tvadIyam | netradvandvaM trayANAmapi nanu jagatAM kShemadaM mAmakInaM santApaughaM samastaM shamayatu sahasA padmanAbhAtivelam || 3\.61|| syAnandUresha! yadvai sumahitatapasAM rAshibhishchAnavApyaM tat sarvaM vindate.asau jagati hi manujo 1yaddarAlokanena | tena tvaM lochanapreritamadhurakaTAkShAmR^itenAdarAnmAM si~nchAshu tvatpadaikAshrayamurukaruNAvArirAshe ! sadaiva || 3\.62|| 1\. yasya kaTAkShAmR^itasya darAlokanena iShadgocharIbhAvena | lakShmIjAne! tuShAradyutikiraNatatirvishvachetobhirAmA pIyUShasrotasAlaM suragaNamakhilaM tanvatI hR^iShTapuShTam | yasminnAlakShyamANe bhavati 1mihirarashmichChaTAvat sutIvrA taM shrImaMstvatkaTAkShaM jagati na katamaH kAmayetesha ! martyaH || 3\.63|| 1\. tulyArthe vatiH vishiShTA cha bhavanakriyA tasya prayojikA | ambhojaM poShayatyanvahamiha kiraNairAtmano vAsareshaH pIyUShAMshustathA mAdhava! kumudakulaM poShayatyeva nityam | netradvandve tvadIye dR^iDhataramubhayoH sannivAsAt tadeta\- nnidrAlutvaM haratyeva hi kumudasarojAtayonirvisha~Nkam || 3\.64|| lokAmodapradAyipratinavatilasUnorukAntipravAha\- prauDhAha~NkAranirmUlanachaNasuShamAvarShiNI vishvaramyA | daityAre ! nAsikA te janayatu kutukaM mAnasAbje madIye hyashrAntaM tvatpadAmbhoruhayugalagate sarvalokAdhinAtha!|| 3\.65|| tAdR^igdivyaprabhAdhoraNinichayabhR^itA nAsikAtallajena shrImaMste vyarthamevAkalayati bhuvane champakaM 1sAmyabhAvam | yasmAt sarveShu puShpeShvapi varada ! rasagrAhiNA ShaTpadenA\- pyastaM tat sAmyalipsu trijagadabhimatAnAM na kenAtra heyam || 3\.66|| 1\. sAmyabhAvanAm | sarveShA~nchApakarShAdiha hi nanu nijApekShayA bhUtale.asmi\- nnarhatyasyAM jagatyAM kimapi saha mayA 1nAsikAM vastu nUnam | ityevaM vya~njayatyeva hi kila nijayA 2sa.nj~nayaivesha! yAsau tasyAH shaure ! bhaveyuH kathamiva parametAni sAmyAvahAni || 3\.67|| 1\. neti AsikAmiti cha chChedaH, atha chaikaM padam | 2\. \rdq{}nAsikA\rdq{} ityevaMrUpayA | nAnAvarNaprasUnollasitatarulatAmaNDitodyAnadesha\- 1bhrAjatsadyovipakkAruNatarasuShamApUrNabimbIphalaM tat | dhikkurvan vishvaramyo nanu sakalajagannAtha! dantachChadaste cheto nityaM madIyaM shishirayatu muhuH premapIyUShavR^iShTyA || 3\.68|| 1\. bhrAjaditi parasmaipadamAtmanepadasyAnityatvAt | bandhUkaM padmarAgaM punarapi sahakArasya tat pallavaM vA mAdhvImR^idvIkarAshiM muramathana ! sitAkhaNDamishraM payo vA | kAntyA mAdhuryadharmeNa cha paramadharIkurvataste.adharasya shrIman ! kasmAnna jAne kavibhiradhara ityatra sa.nj~nA vitIrNA || 3\.69|| kAruNyAmbhonidhe.asau bhavadadharamaNirhanta naShTaM vidhatte loke yannirvisha~NkaM 1madhumadhurimasa~njAtasAndrAvalepam | naitachchitraM tadasyAchyuta! madhumathanasyA~NgabhAvaM gatasye\- tyevaM jAne.ahamambhoruhadalanayana ! shrIramAbhUminAtha!|| 3\.70|| 1\. madhushabdo makarande daityabhede cha | mAdhuryeNeha yo.asau tribhuvanaviditenAnvahaM 1sharkarAyAH syAnandUresha! loke vitarati nitarAM 2sharkarAtvaM murAre ! | so.ayaM vishvaikaramyachChaviradharamaNistAvakIno na keShAM vAchAM 3pAraM kavInAmaghashamana ! paraM gAhate no jagatyAm || 3\.71|| 1\. khaNDavikArasya | 2\. upalavisheShatvaM nIrasatvAdatha cha khaNDavikAratvam | 3\. agocharatvam | chitraM bimbAdharaste trijagadadhipate! chArusandhyAbhravarNaH samprApto.apIha loke padamurumahasaH padmarAgasya samyak | bhAti shrIpadmanAbha! dhruvamiha hi padaM nirvyalIkasya bhUman ! padmAgArasya nAtha! pratimuhuradhikaM vR^iddhibhAjo murAre !|| 3\.72|| tA dugdhAbdhestara~NgA iva cha tuhinarashmermayUkhA ivApi bhrAjanmuktAphalAnIva cha bisasamudAyA ivApyArttabandho ! | dikShu vyAptatvadIyAnupamatamayashorAshivachchollasantyo mAdhuryAdrIH smitAbhAstava bhuvanapate ! santataM mAM punantu || 3\.73|| AvAsaM yaM mahAnto viduraparimitasyAnishaM sharmarAshe\- ryasmin vA~nChAM prakurvantyaghashamana ! sadA vItatR^iShNA munIndrAH | yo.asau brahmANDabhANDAntaragajanamanashshchauryavidyApravINaH shaure ! tvanmandahAsaM tamiha kathamahaM shaMsituM syAM samarthaH || 3\.74|| tAmAsAdyAmbujAkSha ! pratipadalalitAM mandahAsadyutiM te netradvandvotpalAbhyAmayi paramupalenAtha tulyAshayo.api | shrIman ! ko vA manovAgaviShayatarasammodapIyUShasindhau magnaH prApa~nchike vastuni nanu sakale.apyApnuyAnno virAgam || 3\.75|| loke.asmin kevalaM yA harati nanu tamo bAhyamevAmR^itAMsho\- rjyotsnA sApyambujAkShAkalayati katamatkautukaM no janAnAm | evambhAve munInAmapi hR^idayatamonAshinI mandahAsa\- syAbhA te kIdR^ishaM no jagati na janayet kautukaM vishvapuMsAm || 3\.76|| tAdR^igvishvAbhirAmaprachuraruchiyute 1mandrahAse tvadIye bimboShThasyeha ki~nchidvikasanavishadIbhUtanistulyakAntiH | shaure ! dantAvaliste sudR^iDhamavikasatkundapuShpAvadAtA nityaM mandetaraM me janayatu hR^idaye modamindIvarAkSha !|| 3\.77|| 1\. mandahAsasamaya ityarthaH | nAnAratnaughashobhA~nchitamakaravarAkArakarNadvayAla\- ~NkArapratyagrakAntiprasaramilanasa~njAtashAratvamuchchaiH | syAnandUresha! gaNDasthalayugamayi te nAkanAthopalAda\- rshATopadhvaMsashauNDaM dalayatu sakalaM mAmakaM tApabhAram || 3\.78|| snigdhe shyAme kapole tava bhuvanapate! vimbitaM karNabhUShA\- yugmaM dolAyamAnaM jagati kalayataH kasya vA lochanAbhyAm | chetasyuchchairna sha~NkAmaghahara ! janayenmInayoH 1sUrajAyA\- stoyApUrNe hrade mAdhava ! nanu sarasaM khelatoshchAtivelam || 3\.79|| 1\. yamunAyAH | prAchInorvIdharAgroditamihiraruchaH kaustubhasyesha ! kAntyAH samparkeNAlama~NgIkR^itavikachajapApuShpashobhastvadIyaH | atyantaM shlakShNakAntervarada! 1devarasyeha darpApahArI kaNThaH kuNThetaraM me janayatu hR^idaye nAtha ! vaikuNTha ! modam || 3\.80|| 1\. sha~NkhashreShThasya ChAyAsUnurbabhUvAchyuta! jagati kathaM pa~NgupAdaH suto vai sAdR^ishyaM nUnamApnoti hi kila janakasyAtra sR^iShTau vidhAtuH | evaMrUpA visha~NkA mama hi 1parihR^itA kaustubhasyAbhayA te sAhasrANAM 2padAnAmapi gaganamaNeH 3pa~NgutAprAptihetoH || 3\.81|| 1\. pa~Nguputrasya pa~NgupadatvauchityAditi bhAvaH | 2\. kiraNAnAM charaNAnAM cha padashabdaprakrame\rdq{}pulli~NgaH kiraNe punaH\rdq{}iti medinI | 3\. pa~NgutAyAH pratihatagatitvasya prApterhetoH gatipratighAtashcha kaustubhAbhayAbhibhavAt | vishvavyAptasvakIyAnupamatamaruchishreNibhiH sarvatejo\- jetR^itvodbhUtagarvaprasarabhR^itamanA hanta rAjIvabandhuH | shobhAM te kaustubhasya smayabharashamanImAtmano.apIha dR^iShTvA sAyaM sAyaM dhruvaM majjati kila jaladhau vrIlayA vyAkulAtmA || 3\.82|| j~nAtvA te kaustubhasyAmitatamasuShamAmAlayA nirjitaM svaM bhartAraM tigmabhAnuM muramathana! dishastasya jAyA dashApi | sAya~NkAlonmiSha1tpATalimabharamiSheNAlametAH svarkAye\- pvAviShkurvanti lajjAM vadanasarasijeShvanvahaM dInabandho !|| 3\.83|| 1\. kAdAchitke pATaligni lajjAvikAratvamutprekShyate | ki~ncha shrIman ! prabhAbhirvikachatarajapApuShpasaMsparddhinIbhi\- stasyAtho kaustubhasyAchyuta! jagati samaste.api jAte prasanne | loke.asmin dhvAntanAshAt tribhuvanaviditA dhvAntasa.nj~nA prapede nUnaM sAdharmyamuchchairiha hi shashaviShANAdibhiH shabdajAlaiH || 3\.84|| vishvAta~NkapradAyiprachuratarabhujaprauDhatejomadAndhI\- bhUtasvAntAsuraughasmayashamanavidhau dakShiNo dakShiNaste | bAhuH paryuptanAnAmANivalayagaNenAdhikaM shobhamAnaH sarvAbhyo mAM vipadbhyaH sakutukamavatu shrIpate! tAvakInam || 3\.85|| parya~Nke nAtha! vAtAshanavarakalite sanmR^iNAlAvadAte vinyasto bAhureSho.achyuta! tava bhagavan ! jAnuparyantalambI | tvannAthAnAM nikAmaM murahara! kR^ipaNAnAM punarmAdR^ishAnAM dAtuM nUnaM batAnugrahamiha hi samastAdhivichChedashauNDam || 3\.86|| AnamrAyAH padAgre nikhilajanataterdUritAsheShatApe sarvAbhIShTaughavishrANanavidhipaTutAmasya te vIkShya bAhoH | lajjAbhArAkulAtmA nanu suraviTapI nirvyayAnAM phalAnAM vyAjAt 1gopAyatIhAchyuta! sudR^iDhamasau namratAM lajjayAptAm || 3\.87|| 1\. apahnute | Abrahmastambaparyantamiha hi bhuvane jIvajAlAstvanantA dAtR^itvenaiva yasyAjita ! tava karuNAvAridhe! nAtha! bAhoH | jAyante ki~ncha jIvanti cha varada ! dR^iDhaM hR^iShTapuShTA bhavanti shrIman ! stotuM tamenaM bhavati na kutukI ko nu martyo.atra loke || 3\.88|| syAnandUresha ! nAmnA sphuTamapi cha guNenesha! yastAvakIno bAhurvAmatvamuchchairmuramathana! dadhAno.api nistulyakAntiH | nityaM 1vAmetaratvaM vahati nijapadAmbhojabhakteShu satsu shreyAMsyuchchaistarANi pradishatu sa cha me bhUrikAruNyarAshe !|| 3\.89|| 1\. anukUlatvaM asavyatvaM cha | dugdhAmbhorAshiputryA kuvalayarachitA vIkShito mAliketi sphUrjadbhUripratApaiH kulishamiti bhiyA nAtha! dR^iShTo.asurendraiH | bhaktaiH santAparUpAtapashamanapaToH shAkhino nAtha! shAkhe\- tyuchchairAlakShito.asau jayatu jayatu govinda ! savyo bhujaste || 3\.90|| 1AmodAkR^iShTavishvasthitasakalajanA2modabhArA~NgarAgA\- lepaprodbhUtabhUriprabhamaghahara! te nAtha! vakShaHkapATam | rArAjadvanyamAlAparimalalaharIvyAptanishsheShalokaM kAruNyAbdhervishAlaM shamayatu sakalaM mAmakaM tApabhAram || 3\.91|| 1\. Amodeti santoShe | 2\. Amodeti saurabhe | tasmin vakShasyasImAdbhutaruchipaTalAnityavAsAyite te rAjantIM vanyamAlAM vividharuchiyutaiH puShpajAlaiH pinaddham | dR^iShTvA prAvR^iTpayodollasitashatamakheShvAsasha~NkAparItaM na syAt kasyeha chetaH pratinavakutukAmbhodhimagnaM cha bhUman !|| 3\.92|| trailokyaprasphurattvatprachuratarayashorAshisAmyAvahena shrImanmuktAmayenAchyuta! tava lasitaM nAtha! hAreNa samyak | vakShashChAyApathenAdhikadhavalaruchA maNDitasyAtivelaM vyomnaH sAdR^ishyamApnoti hi varada ! dR^iDhaM patrimUrddhanyapatra !|| 3\.93|| ki~nchAsmin vakShasi tvaM marakata1talimaprauDhashobhAhare sve shrIvatsA~NkaM jaganmohanamayi vahasi shrIdharAsheShapuMsAm | kShAntiM sAgassu cha svAM prakaTayitumaho yattadetanna chitraM trailokyAdhIshvarasya prachuratarakR^ipAbdheH 2kShamAnAyakasya || 3\.94|| 1\. talimeti talpe | 2\. bhUmidevIpateH kShAntinetushcha | antasthAnAM trayANAmapi nanu jagatAmIsha! sImAtrayaM yo daityAre! kukShideshaH kalayati tisR^iNAM ChadmanA te valInAm | romAvalyA tamAlakShitiruhapaTalIkAntisAmyaM vahantyA yukto.asau nistulaM me janayatu hR^idaye kautukaM shAr~NgapANe !|| 3\.95|| yasmin bhR^i~NgAyamANo vidhiriha vadanebhyashchaturbhyo galantyA vedAnAM dhArayedaM tribhuvanamakhilaM sAdhu pUtaM vidhatte | tAdR^ik tvannAbhipadmaM nirupamaruchisandohavAsAyitaM me nAtha! shreyAMsi dadyAnniravadhi jagadArAdhitaM padmanAbha !|| 3\.96|| nAnAratnaprabhArUShita kanakamayAnarghakA~nchIguNena shrIman ! vibhrAjamAnaH kila bhuvanapate ! tAvako madhyabhAgaH | atyantaM kArshyashAlyapyalamakR^ishatarAM deva! lakShmI dadhAna\- shchetasyakShINarUpaM janayatu satataM mAmake modabhAram || 3\.97|| sa~NgrAmAmeyavIryAsuravarapaTalItrAsadAyitvadIya\- sphUrjadbhUripratApopamavishadaruchA sAdhu pItAmbareNa | UrU tAvAvR^itau te shikhigalasuShamAbhArachauryau cha ja~Nghe nityaM shrIpadmanAbha! prachurataramaye ma~NgalaM me dishantu || 3\.98|| loke yadvai rasAladrumamR^idulalasatpallavasyAtimAtraM kAThinyaM samprayachChatyanagha! mR^idutayA svIyayA vishvabandho ! | tAdR^iglakShmIkarAmbhoruhamR^idumR^iditaM chApi raktatvamuchchai\- rAdatte yat tadetannanu padayugalaM te mama shreyase stAt || 3\.99|| yatsantApAbdhimajjatsakalasujanasandohahR^inmandarAdre\- ruddhArAtyantadakShAM varada ! kamaThatAM chakrapANe ! dadhAti | tariman pAdAmbuje te nikhilabhuvanasambhUtihetornitAntaM bhUyAdbhUyo ratirme satatamavihatA shrInidhe! padmanAbha !|| 3\.100|| iti svAtishrIrAmavargava~nchimahArAjavirachitAyAM bhaktima~njaryAM tR^itIyashatakam | \section{atha chaturthashatakam |} samastajagadudbhavasthitilayaikahetoH puna\- rlasadbhuvanama~NgalAdbhutaguNaikadhAmnaH param | tavaiva karuNAtmikA varada ! kaumudI mAmakaM manogatatamaH kulaM haratu sarvamapya~njasA || 4\.1|| akhaNDatarachidrasAmbudhimayo.api mAyAM svataH sR^ijan jagadanekadhA 1vitathamapyaho bhAsayan | 2premodamayi vindase 3tava ramesha! sargakramaM kimapyayi jagadguro ! kathayituM javAdutsahe || 4\.2|| 1\. asatyamapi | 2\. pramodaM vindala iti yojanA | krIDasItyarthaH tathA cha sUtritaM bAdarAyaNena \ldq{}lokavat tu lIlAkaivalyam\rdq{} iti | 3\. tathA krIDatastava | anantasukhasambhR^itaM triguNakAladeshAtigaM prabho! paramathAdvayaM prachurachinmayaM brahma tat | vilesitha vibho! punaH pralaya Ishvara ! 1prAkR^ite tadA jagati nAbhavat kimapi kAraNaM tvAM vinA || 4\.3|| 1\. prAkR^ite pralaye mahApralaye \ldq{}prakR^itau saMsthitaM vyaktamatItapralayaM tu yat | tasmAt prAkR^itasa.nj~no.ayamuchyate pratisa~nchara\rdq{} iti viShNupurANam | sR^ijAmi jagadityaho tava babhUva vA~nChA yadA tadaiva bhavato.ajani tribhuvanesha ! mAyA svayam | tato.ajani jagadguro ! 1bhuvanahetutattvaM mahat 2tato.ahamiti sa.nj~nitaM nanu babhUva tattvaM javAt || 4\.4|| 1\. jagatkAraNIbhUtaM tattvam || 4\.2\. aha~NkArAkhyam | tadeva khalu sAtvikI varada! rAjasI tAmasI\- hyaha~NkR^itiriti tridhA pariNataM babhUva prabho ! | tataH 1karaNamAnino 2ravisamIrasomAdikAn manashcha suShuve ramAramaNa ! tatra vai sAtvikI || 4\.5|| 1\. j~nAnendriyapa~nchakasya karmendriyapa~nchakasya chAdhiShThAtR^InityarthaH | 2\. \ldq{}digvAtArkapracheto.ashvivahnIndropendramitrakAH\rdq{} iti bhAgavatoktA dasha somashchetyekAdasha devA ityarthaH | tatrAshchiparyantAH pa~ncha shrotratvakchakShurjihvAghrANAnAM, ka(brahma) paryantAH pa~ncha vAkpANipAdapAyUpasthAnAmadhiShThAtAraH | somastu manaso.adhiShThAtA | tataH sapadi rAjasI paramaha~NkR^itistatkShaNAt sasarja karaNAnyaho dasha tathaiva chAdhokShaja! | punaH prasuShuve javAdapi cha tAmasAha~NkR^iti\- rmukunda ! gaganAdikAnyanagha! pa~ncha bhUtAnyaho || 4\.6|| 1amI bhavadanupraveshavashatastavApyaikatAM hiraNmayamayi prabho! vyadadhurekamaNDaM mahat | tadetadatha kAraNAmbhasi puraiva sR^iShTe sthitiM chakAra karuNAnidhe ! bahushatAnyaho vatsarAn || 4\.7|| 1\. bhUtendriyAdayo bhAvAH | tato.aNDamayi saMvibhidya cha hiraNmayaM tatpuna\- shchireNa khalu kAraNAmbhasi sunirmale.avasthitam | kShaNAnnanu ramApate! samudabhUjjaganma~NgalaM chaturdashajaganmayaM tava vapurvirADAhvayam || 4\.8|| tato nanu hiraNyagarbha iti sa.nj~nayAtyunnate vilesitha jagatpate! sapadi satyaloke svayam | 1se vai sphuTavijR^imbhitAbhitarajovikAro javA\- daho samudabhUdalaM pravikasatsisR^ikShArasaH || 4\.9|| 1\. hiraNyagarbho brahmA | 1tadarthamanavApya bodhamiha so.atha chintAkulI\- kR^itAtmahR^idayo manAgakhilanAtha ! tasthau svayam | tadA tapatapetyaho giramananta ! vaihAyasI\- mamuM 2paramashishravo virachayaMstapaHpreraNAm || 4\.10|| 1\. sR^iShTyanukUlamityarthaH 2\. tvaM shrAvitavAn | ka eSha hi pumAnidaM vachanamabravInmAmihe\- tyasau tu vichikitsayA prachalitAntara~NgaH svayam | vilokya sakalAsvapIsha ! bata dikShu dR^iShTvA vibho ! 1na ki~nchidapi so.akaronnanu tapaH sahasraM samAH || 4\.11|| 1\. ayaM nashabdo dR^iShTvetyanena sambadhyate | adR^iShTvetyarthaH | tato hR^idayapa~NkajoditavariShThabhaktyudbhava\- pramodapulakAshrugadgadatarAkSharAyArchate | svamAshu parituShyatA bhuvananAtha ! tasmai punaH pradarshitamayi tvayA nijapadaM vikuNThAbhidham || 4\.12|| kadAchidapi yatra 1no vikurute hi mAyA puna\- rvimohamadaroShabhImukharasAstu dUraM gatAH | sadaiva vilasatyaho sukhamayIsha ! yasmin dashA tadetadalamadbhutaM jayati bho ! vikuNThaM padam || 4\.13|| 1\. no vikurute kAryAnukUlaM vikAraM na prApnoti | chaturbhujavirAjitA vishrutasha~NkhachakrAyudhAH kalAyakusumaprabhAH suparivItapItAmbarAH | vasanti sakalAshcha yatra hi lasadvimAnAlayA\- stathAvidhama1nopamaM jayati tadvikuNThaM padam || 4\.14|| 1\. anupamam | na arthakaM \ldq{}ana\rdq{} ityavyayamasti | lasattulasikAvanaprachurasaurabhasrotasA nikAmasurabhIkR^itAkhilaharidvitAnA~NgaNam | japAruchiravidrumollasitama~njulastambhayu~N\- nirarghamaNigopuraM jayati tadvikuNThaM padam || 4\.15|| anekavanitAjanairabhivR^itA sadaivendirA prasUrnanu jagattrayasya cha mukunda ! yatra svayam | lasatyayi bhavatkaTAkSharasapAnabaddhaspR^ihA tadIsha! bhuvanAdbhutaM jayati bho vikuNThaM padam || 4\.16|| itIha paridarshite nanu pade vikuNThAbhidhe bhuja~NgapatishAyinaM smitasudhA~nchitAsyAmbujam | ghanAghanalasaddyutiM parilasatpisha~NgAmbaraM bhavantamayi dR^iShTavAn sukR^itavArirAshirvidhiH || 4\.17|| tadA prachurasammadodgatanirargalAshruH sa hi praNamya padapadmayostava samastapApachChidoH | prayachCha karuNAnidhe ! bhuvanasR^iShTidakShAM matiM mametyayamayAchata tribhuvaneshvara ! tvAmalam || 4\.18|| svakIyapadapa~Nkaje natamamuM vilokyAdarAt svapANisarasIruheNa kila tasya pANiM spR^ishan | bhavenma1tirayIha te 2na cha nibaddhatA sR^iShTibhi\- stvitIsha! samudIrayaMstamakaroH paTuM nirmitau || 4\.19|| 1\. matiH sR^iShTAnukUlaM j~nAnam | 2\. sR^iShTibhirnibaddhatA na cha bhavediti | sambandhaH sR^iShTibhirnibaddhatA cha rajoguNabaddhatvam | tathA cha shrIbhAgavataM \- \ldq{}R^iShimAdyaM na badhnAti pApIyAMstvAM rajoguNaH | yanmano mayi nirbaddhaM prajAH saMsR^ijato.api te ||\rdq{} 1chaturyugasahasrasammitadinena chaikena vai nijena sa sR^ijan jagadvarada ! tAvatIM yAminIm | nayatyajita ! nidrayA tvayi nilIya sR^iShTaiH samaM tvimAmayi vidurnishAM pralayamIsha ! naimittikam || 4\.20|| 1\. chaturyugasahasraM hi brahmaNa ekamaharbhavati | kadAchana ramApate! nanu dinAvasAne vidhiH suShuptiniratAshayo bhavati sannililye svayam | jaganti cha yayustadA jaTharabhAgamIshasya te tadAbhavadidaM jagat sakalama~njasaikArNavam || 4\.21|| prabodhaya ! rayeNa mAmahaha kalpakAlAvadhA\- vitIha samudIrya bho varada ! kAlashaktiM punaH | prasuptamanagha! tvayA sakalajIvarUpAtmanA svakIyajaTharasthitairakhilalokajAlaiH samam || 4\.22|| chaturyugasahasramevamajita ! prasupte tvayi prabudhya hi puraiva shaktirayi deva! kAlAbhidhA | prabuddhamakarot sapadyayi bhavantamAttAdaraM ramAvara! charAcharAtmakasamastalokAtmakam || 4\.23|| vibudhya cha tadA bhavAn salilagarbhashAyI vibhu\- rvilokya sakalAnyaho nanu jaganti lInAnyalam | nijAntariha cha sthiteShvanagha! teShu sUkShmAtmanA dadau varada ! dR^iShTimIshvara! kR^ipAmR^itasyandinIm || 4\.24|| tato.ajani jagatpate! tava hi nAbhirandhrAdaho samastajagadAtmakaM kamalamekamatyadbhutam | athAvirabhavadramAramaNa ! tatra dhAtA punaH kShaNAt sarasijodare nikhilavedarAshiH svayam || 4\.25|| itIha jagatAM pate! prathita1pAdmakalpe puna\- vivardhitasarojabhUH pravilasatkR^ipAvAridhiH | vilesitha jagattrayIrachanakautukI yo bhR^ishaM sa mAmava sarojanAbha! sakalApadAM sa~nchayAt || 4\.26|| 1\. \rdq{}tasyaiva chAnte kalpo.abhUdyaM pAdmamabhichakShate | yaddharenAbhisarasa AsAllokasaroruham ||\rdq{}iti shrIbhAgavatam | vasan sa tu sarojabhUstava tu nAbhijAte.ambuje kuto nu jaladhAvidaM samajanItyapashyan svayam | tadAkalanakautukAt sakaladikShu pashyannaho babhUva chaturAnano vilasadR^iShTanetraH prabho !|| 4\.27|| payonidhisamudbhavaM kamalameva pashyannasau tadAshrayamaye bhavadvapurananta ! nAlokayan | ihAmburuhamadhyago niravalambakaH kastvahaM kuto.ajani saroruhaM tvidamitashi ! so.achintayat || 4\.28|| dhruvaM jalaruho.asya vai kimapi kAraNaM sambhave\- ditIha chaturAnano.atha manasA vinishchitya saH | svayogabalato javAt 1samavaruhya nAlAntare\- .apyameyaruchitundilaM tava vapurna chodaikShata || 4\.29|| 1\. samavaruhyApIti yojyam | kAraNadarshanArthaM prayatnavisheShaM kR^itvApIti tadarthaH | nivR^itya punarapyasau sarasije 1purAvadvidhi\- stvadIyakaruNArasAyanamavAptukAmaH sphuTam | tapaH paramamAsthito madhuripo ! shataM vatsarAn samastaviShayAvalIvimukhamAnasaH sAdaram || 4\.30|| 1\. pUrvavat | prasannahR^idayasya te madhuripo! svarUpaM paraM vilokya tapaso.avadhau sarasijAsano.antardR^ishA | prahR^iShTahR^idayo hare! disha dhiyaM jagannirmitau mamAtipaTumityasau sarasama~njasAyAchata || 4\.31|| avApnuhi samastalokakulasR^iShTidAkShyaM javAd\- vidhehi punarapyaho nanu tapo vidhe! sAdaram | bhavennirupadhirmayi prachurabhaktirapyanvahaM taveti samudIrayaMstamakaroH prasannAshayam || 4\.32|| punashcha kalayaMstapaH sa khalu vatsarANAM shataM tapomatibale tato hi samavApya pUrvAdhike | vilokya chalitaM jale sarasijaM samIreNa vai tvadIyabalavarddhitaH salilamArutau chApibat || 4\.33|| tvadIyakaruNAbalAjjalaruheNa tena drutaM jagattrayamaho punarvirachayan svayambhUH svayam | manuShyamR^igapakShibhUruhasarIsR^ipAdyAnasau guNAMshcha vividhAnatho nanu sasarja lakShmIpate !|| 4\.34|| sasarja sanakaM hR^idA munivaraM sanandAbhidhaM sanAtanamaho punarnanu sanatkumAraM tathA | amI varada ! sR^iShTikarmaNi tu tena hi preritA\- stvadIyapadalolubhA na jagR^ihustadIyAM giram || 4\.35|| ruShaM khalu tadoditAM sapadi rundhato.asya sphuTaM bhruvoH paramihAntarAdajani satvaraM sha~NkaraH | padAni vitarA1hvayAnapi cha me viri~nchetyasau ruroda nanu tena vai samudabhUt sa rudrAbhidhaH || 4\.36|| 1\. nAmAni | avApya vanitAH sa vai vidhiniyogato nirmitiM yadA samupachakrame nanu tadAtha tannirmitAn | vilokya sa bhayAnakAn sapadi rudrasa~NghAn prajA na vai sR^ija tapashcharetya2mumuvAcha pAthojabhUH || 4\.37|| 2\. rudram | tato.ajani marIchiratrirapi chA~NgirAshchA~NgataH pulastyapulahau punarbhuguvasiShThadakShAstathA | tvadIyapadasevakaH sapadi nAradastApaso ramAvara! vidheralaM bhuvanasR^iShTidakShasya vai || 4\.38|| sR^ijaMstadanu kardamaM varada ! dharmamukhyAMstathA vidhAya cha sarasvatIM vidhirabhUdana~NgAkulaH | tadA tu bhavadAj~nayA sanakadakShamukhyaiH sutai\- rasau subahu bodhito madhuripo ! tamaH svaM jahau || 4\.39|| vidhAya nigamAn punaH sa tu tathopavedAn vidhiH svakIyamuvR^ivR^indatastvayi sadA nibaddhAshayaH | manuShyakulanirmitiM manu1tadIyajAyAtmanA vidhAtumamalAshayaH svayamathAyamArabdhavAn || 4\.40|| 1\. shatarUpAbhidhA manujAyA | athAhamahinAthatalpashayana ! 1kShamAsaMsthitiM sashailakulavArirAshinikarAntarIpAtmikAm | kramAt kathayituM kimapyayi samutsuko.asmi prabho ! tadarthamayi te kR^ipA patatu mayyananyAshraye || 4\.41|| 1\. bhUsannivesham | lasatyajita! lakShayojanamitaH punastAvatA ramesha ! lavaNAbdhinA parivR^ito.antarIpottamaH | bhuvo varada ! madhyagaH suvidito.atha jambUriti 1svamAnasadR^ishochChrayeNa lasito.a2ntare meruNA || 4\.42|| 1\. nijasthaulyAnurUpaunatyena | 2\. madhye | ilAvR^itasamAhvayaM lasati varShamasyAbhito hare! navasahasrayojanamitaM tu tasyottare | bhavanti hi tathonnatAstvavadhiparvatAH 1shR^i~Ngavan\- mukhA api cha ramyakapramukhamIsha ! 2varShatrayam || 4\.43|| 1\. shR^i~NgavAn nIlaH shvetaH iti trayaH | 2\. ramyakaM hiraNmayaM kururiti | tathaiva vilasatyaho varada! dakShiNasyAM dishi tribhistvavadhiparvatairniShadhahemakUTA1dibhiH | yutaM tu harivarShakimpuruShamukhya 2varShatrayaM samastabhuvanaikanAyaka ! sarojanAbha ! prabho !|| 4\.44|| 1\. AdipadagrAhyo himAlayaH | 2\. tR^itIyaM tu bhAratavarSham | purodishi cha gandhamAdanasamAkhyasImAdriNA yutaM lasati ketumAlamiti varShamatyuttamam | tathaiva khalu mAlyavannagayutaM pratIchyAM dishi prabho! lasati varShamamburuhanAbha ! bhadrAshvakam || 4\.45|| dishAmaja! chatuShTaye giri1chatuShTayaM bhAsate sphuTaM tvayutayojanapramitavistarochChrAyayuk | suvarNadharaNIdharasya nanu mandarAdyaM kShite\- ravAptamatinishchalAM madhuripo! tvavaShTambhatAm || 4\.46|| 1\. mandaro merumandaraH supArshvaH kumuda iti girichatuShkam | amIShu dharaNIdhareShvapi chaturShu 1chUtAdibhU\- ruhottamachatuShTayaM lasati sindhukanyApate ! | tadIyaphalanissR^itAstvanagha! nimnagA vartmabhi\- shchaturbhiriha sechayantyalamilAvR^itaM santatam || 4\.47|| 1\. chUtajambUkadambanyagrodharUpavR^ikShachatuShkam | lasanti girayaH pare nanu 1kura~Ngavaika~Nkata\- trikUTashishirAdayaH kanakabhUdharaM chAbhitaH | gatAstvajita ! kesaratvamatha tasya chAShTau tathA mahAgirivarAH puna2rjaTharadevakUTAdayaH || 4\.48|| 1\. kura~NgAdayo viMshatirgirayaH | 2\. jaTharadevakUTapavanapAriyAtrakailAsakaravIratrishR^i~NgamakarAkhyAH | atho dashasahasrayojanasahasrayuktA purI lasatyajita ! merumUrdhani hi madhyato brahmaNaH | imAmanu kilAbhito niyamitAstathAShTau 1puro digIshanilayAstadIyaka2chaturthabhAgena vai || 4\.49|| 1\. nagarANi | 2\. pUrvoktapurImAnaturIyamAnenetyarthaH | tavaiva nanu vAmanasya khalu vAmapAdA~NgulI\- nakhAhatajagatkaTAhavivareNa chAntargatA | atIva mahatA punarjagadadhIsha ! kAlena vai divi dhruvapade shanairavatatAra sA jAhnavI || 4\.50|| niShichya punarindumaNDalamathAlaye brahmaNo nipatya nanu merumUrdhani chireNa jahnoH sutA | 1chaturbhiriha nAmabhiH paramiyaM chaturdhA bhava\- ntyasheShamavanItalaM samatanot pavitraM bhR^isham || 4\.51|| 1\. sItAlakanandAchakShurbhadretyevaMrUpaiH | navasvapi cha varSharAjiShu purA paraM kIrtite\- ShvasheShajagatIpatirnanu bhavAn ramAvallabhaH | lasatyajita ! mUrtibhirnavabhirachyutAtmochitaiH pR^ithak pR^ithagupAsito navabhirIsha ! 1bhaktottamaiH || 4\.52|| 1\. te yathA \-\-ilAvR^ite bhavaH, bhadrAshve bhadrashravAH, harivarShe prahlAdaH, ketumAle ramA, ramyake manuH, hiraNmaye pitR^igaNAdhipatiH, kuruShu bhUH, kimpuruShe hanumAn, bhArate nArada iti | atho hayagaveShaNodyatatarairalaM kalpitA lasanti sagarAtmajaiH paramihAShTasa~NkhyAyutAH | samastajagatIpate! sphuTamupAntarIpottamAH purA hi samudIritasya varadAntarIpasya vai || 4\.53|| dvilakShatamayojanaH suvidito hare ! plakSha i\- tyathAsti punarikShutoyanidhinA.a.avR^ito dvIparAT | nadIbhirachalaistathA hyapi cha varShakaiH saptabhi\- ryuto nanu bhajanti bhAnumayi deva ! tadvAsinaH || 4\.54|| tato dviguNitottarottaravishAlatAshAlino lasanti paramantarIpanikarAshcha saptApare | yathAkramamihAbdhibhidadhighR^itAdibhirveShTitA bhajanti khalu tatra tatra vibudhAn pR^itha~NmAnavAH || 4\.55|| svamUrnyayi digIshapattanachatuShTayenAnvito vR^ito.asti parishuddhatoyanidhinA tathA puShkaraH | ravestu kanakAchalaM niyamatastvabhikrAmataH sR^itiH shirasi yasya vai paramupAsitabrahmaNaH || 4\.56|| tataH paramasheShasattvanivahairalaM varjitA bhavatyajita ! mR^iNmayI vasumatI tathA kA~nchanI | tataH paramihAvR^itAndhatamasena kApi kShati\- rlasatyakhilalokagItamahimanna1lokAbhidhA || 4\.57|| 1\. alokAkhyA | iti kShitigirIndravArinidhivarShakadvIpapu\- ~NgavavrajamayI punaH sakalasattvajAlAshritA | anekatamarAShTrapattananadIvanairmaNDitA shatArdhashatalakShayojanamiteyamurvI smR^itA || 4\.58|| nabhasyatha divAkarendusahitAmitaprojjvala\- graharkShakalitaM punarvarada ! tejasAM maNDalam | bhajanti bhuvi kechidatra nanu 1shiMshumArAtmanA charantamakhileShu rAshiShu yathAkramaM tvAM sadA || 4\.59|| 1\. shiMshumArAkhyajantusaMsthAnena | shiMshumArasaMsthAnaM cha shrIbhAgavate chaturthaskandhe trayoviMshAdhyAye vivR^itam | adho bhuvi rasAtalAdibhuvanAni sapta prabho ! lasanti khalu bhoginAmanagha! vAsabhUtAnyaho | tato.apyalamadhaH sthito vahati bhUmimenAM phaNA\- sahasratalasusthitAmavirataM phaNIndraH svayam || 4\.60|| itIha parikalpite jagati vidyamAneShvaho bahuShvanagha! janmarAshipu muhuH sharIrI bhraman | anantasukR^itAvalIsuparipAkakAle puna\- rbhajatyajita ! mAnavIyamiha janma sarvottamam || 4\.61|| durAsadaparAkramA vipuladehasattvojjvalA apIha bhuvi kesaridvipatarakShumukhyA mR^igAH | vivekalavavarjitAH khalu yatastadIyaM tataH paraM viphalameva deva ! nanu janma nissaMshayam || 4\.62|| iyaM hi jananI pitA tvayamasau madIyo guruH suto.ayamayamagrajastvavarajo.ayamityAdyaho | vivichya hR^idi vedituM kalayituM cha shAstraM paraM vinA jagati mAnujaM kimiha janma dakShaM bhavet || 4\.63|| itIha bahudhA punaHpunarapIshvarA1lakShite samastapuruShArthasAdhanasamarthamatrAvanau | surAsurasudurlabhaM nanu manuShyajanmaiva yad\- bravImi hi tadudbhavAdikamihAtra sa~NkShepataH || 4\.64|| 1\. Alochite AlochanAyAM kR^itAyAM satyAmiti yAvat | svakarmabalachoditaH prathamato jananyAstvayaM jano jaTharagahvaraM vishati mAMsapiNDAtmakaH | tato.a~NkuritamaulipANicharaNaH kramAjjAyate tvadekasharaNo hare! dashabhira~Nga! mAsaiH sphuTam || 4\.65|| asahyatarapUtigandhirudhirAmiShAntrAvilAt kadA bahirito vrajAmyahamitIha vA~nChan bhR^isham | balAdatha samIritaH sapadi sUtikAvAyunA rudannatha narAkR^itirbhuvi ramesha ! sa~njAyate || 4\.66|| tataH svajananIstanAsvadanamAtrapuShyattanuH krameNa parivardhitaH punarathAnnapAnAdibhiH | bhavatyatha paTuH shanaishchalitumapyatho bhAShituM kalaM sa janayanmudaM samadhikAM svapitroH sphuTam || 4\.67|| tato.ajita ! kalAsu hanta gurubhiH paraM shikShito\- .apyasau vahati dAkShyamAsu niyataM yathAvAsanam | marau taditarAvanAvapi cha bIjamuptaM samaM dadAti hi mahIguNAnuguNameva tAvat phalam || 4\.68|| tridhA bhavati dehinAM prakR^itirapyaho sAttvikI ramAramaNa ! rAjasI hyapi cha tAmasIti prabho ! | pravR^ittirakhileShu hanta bhavatIha kR^ityeShvaho punarnijaguNAnurUpamayi nAtha ! teShAM pR^ithak || 4\.69|| bhavanti hR^idayodbhavA bhuvi nR^iNAM tu ShaD vairiNo mukunda ! bhR^ishadurdamAH prabalakAmaroShAdayaH | jitAstvajita ! yena te sa sukR^itI jito yastu tai\- rna chArita bhuvanatraye.api cha 1tathAvidhaH pAtakI || 4\.70|| 1\. jitatulya ityarthaH | tamaH kaluShitAshayAH katichidatra yoShitsvaho bhramanti hi sukhabhrameNa bhuvi pApakR^ityA narAH | patanti shalabhA yathA 1shikhini bhakShyabuddhayA svayaM svanAshamanavekShya hanta 2baDishe cha mInA yathA || 4\.71|| 1\. amau | 2, matsyabandhane | pare nanu dhanArjanaikaniratA narAH pApinaH svabharturahitaM cha chauryamathavA paropadravam | vidhAya samupArjayanti hi dhanaM tvanAlochya hA taTitsphuritabha~Nguratvamiha 1tasya vishvArttihan !|| 4\.72|| 1\. dhanasya | avApya jagadIshvare bhavati bhaktimatyuttamA\- manantasukR^itavrajairayi nikAmameke janAH | vidhUya nirayAvaheShvalamamIShu1 vA~nChAM sadA paraM sukhamavApnuvanti kR^ipayA tavAdhokShaja !|| 4\.73|| 1\. dhaneShvityarthaH | athAhamaravindanAbha! kathayAmi varNAshramo\- chitaM suparishuddhamIsha! nanu dharmamadyAdarAt | tvayaiva paramuddhavAya nijabhaktavaryAya taM purA samupadiShTamatra kR^ipayaiva te ki~nchana || 4\.74|| ramAvara! sudurlabhaM bhuvi manuShyajanmaiva tad\- bahuShvatha vivekalesharahiteShu dehiShvaho | tato.apyatidurAsadaM nanu mahIsuratvaM hare ! vinA shramalavaM naro bhajati yatra sevAM tava || 4\.75|| tato.ahamiha sAmprataM tadiha janma sarvottamaM tavaiva kR^ipayA punarjagati vindatA dehinA | vidheyamalamAshramottamachatuShTayasyochitaM bravImi nanu dharmamIsha! bhavatA paraM kalpitam || 4\.76|| athopanayanAdavApya manujo dvijatvaM paraM vasan gurukule sadA hyajinamekhalAdaNDadhR^it | akhaNDitatanUruho.apyatha hutAnalaH sandhyayo\- rvinItahR^idayo guroH sa nigamAnadhIyIta cha || 4\.77|| 1prage cha divasAvadhau svagurave samAnIya sa\- nnivedya paramattumarhati sa bhaikShamannaM shuchi | nikAmamatha varjayedapi vadhUmukhAlokanaM sadaiva kalayedguroH sakutuka~ncha shushrUShaNam || 4\.78|| 1\. prAtaH | iti vratamakhaNDitaM nigamashikShaNAntAvadhi dvijo nanu vahan punaH svagurave tathA dakShiNAm | vitaryi cha yathAsamR^iddhi sahasA tvadIyAj~nayA vivarjitamadastyajet tamimamAshramaM tvAdimam || 4\.79|| vivikShu1ratha bhUsuraH svayamatho gR^ihasthAshramaM satImatha yavIyasImapi samAnavarNodbhavAm | nikAmamajugupsitAM vidhivadudvahet sAdaraM guNAkR^itimukhairaho paramathAnurUpAM vadhUm || 4\.80|| 1\. veShTumichChuH | avApya dayitAM dvijaH paramathAnuraktAM nije tayA samamakhaNDitaM satatamagnihotraM dadhat | yajechcha purudakShiNairapi makhaistu yaj~neshvaraM bhavantamatha paurNamAsapashubandhadarshAdibhiH || 4\.81|| akAmakaluShIkR^itaH paramathAnasUyastathA dayAlurakhileShu bhUtanivaheShu dAntAshayaH | nikAmaparituShTadhIH paramathAlpalAbhena cha tvayIsha ! nirataH sadA nanu bhavedgR^ihasthAshramI || 4\.82|| vivikShuratha kAnanaM svatanayeShu bhAryAM nijAM nidhAya tu sahaiva vA vanabhuvaM dvijaH 1pravrajet | nayechcha vana eva bhAgamakhilaM tR^itIyaM puna\- rmunirnanu nijAyuSho vidhR^itavalkalo nispR^ihaH || 4\.83|| 1\. vAnaprastho bhavedityarthaH | trikAlamapi chAcharedatha jalAshaye majjanaM svavR^ittimiha vanyamUlaphalarAshibhiH sAdhayet | punaH shayanamAcharennanu nishAsvaho 1sthaNDile sadA paramaduShkaraM bhuvi tapashcharet tatparaH || 4\.84|| 1\. nirAstaraNe bhUtale | yadA samupajAyate hi nirayAtmakeShvAtmano viraktiratha lokarAshiShu nikAmamatra dvijaH | tadA trijagatAM gurau 1bhavati lagnachetA dR^iDhaM ramAvara! parivrajet svamanasA vidhUtAgnikaH || 4\.85|| 1\. tvayi | vahannatha kamaNDaluM varada ! veNudaNDaM tathA charet paramanispR^iho bhuvamimAmasakto bhR^isham | vidhUtamadamatsaro vihitasAmyabhAvo.akhile\- Shvaho na hi rato bhavedapi cha 1badivAdAdiShu || 4\.86|| 1\. vAdivAdo jalpavitaNDAdirUpastadAdiShu | 1nyasedbhuvi padaM yatiH pathiShu dR^iShTipUtaM charan pibedapi jalaM punarjagati vastrapUtaM bhR^isham | vadedalamaninditAmahaha satyapUtAM giraM tathA hR^idayapUtameva khalu karma sarvaM charet || 4\.87|| 1\. asadhAturbhauvAdikaH dhAtUnAmanekArthatvAnnyasyedityarthaH vihAya tu vigarhitAnapi chaturShu varNeShvaho samaM jagati saMyamI svabharaNAya bhikShAM charet | sakR^it tvaniyateShu nAtha! sadaneShu saptasvaho bhavechcha parituShTadhIH 1subahu tatra 2labdhAndhasA || 4\.88|| 1\. paritoShakriyAvisheShaNam | 2\. labdhenAnnena | iti tvadupakalpite nanu yatiH svadharme rataH samastaviShayAvalIvimukhamAnasaH santatam | hR^idambujasamudbhavatprachurabhaktibhAro.a1vadhau charAcharajagadguruM niyatamApnuyAt tvAM param || 4\.89|| 1\. dehAvasAne | athAhami1taraistribhirnalinanAbha! varNairjaga\- tyupAsyamakhilaM pR^ithak pR^ithagananta ! dharme varam | krameNa kathaye yathAmati tavaiva kAruNyata\- shchaturdashajaganniyanturamitAnubhAvasya cha || 4\.90|| 1\. kShatriyavaishyashUdraiH | avApya dharaNIpatitvamiha bAhujo nyAyato nijAH praNihitaH prajAH svasutavadbhR^ishaM pAlayet | dhanaM cha 1tadupAhR^itaM subahu devabhUdevayoH 2kR^ite tu viniyojayedatha yathochitaM santatam || 4\.91|| 1\. prajAbhiH karatvena samarpitam | 2\. tAdarthye.avyayam | yudhi sthiraparAkramaH parilasadyashobhAjanaM vadAnyavaratAM dadhat satatamarthisa~NgheShvaho | vashI cha paramAstiko nigamagItavarNAshramA\- didharmaparipAlane cha nirato bhavedbhUpatiH || 4\.92|| athAtra pashurakShayA cha kR^iShibhirvaNigvR^ittibhiH svakAlamanishaM nayedajita ! vaishyajAtiH svayam | 1dvijasya 2paricharyayA virahitaH svayaM pApmanA katha~nchidiha shUdrajAtirapi kalpate shreyase || 4\.93|| 1\. traivarNikasya | 2\. iyaM pApmavirahitattve hetuH | vidhAtumanishaM matiM tanujuSho.asya sanmArgagAM mukunda ! bahavo lasanti 1guravo dharAmaNDale | tadIyaguNamAkalayya cha vidhUya doShAvalIM naro vigatasaMshayaM na tu vimohamatrApnuyAt || 4\.94|| 1\. te cha bhUmyAdaya uttarashloke vakShyante | kShamA cha marudambaraM salilamagnirindU1 raviH kapota2shayusindhavaH shalabhapuShpaliT sindhurAH | tatheha 3madhuhA 4mR^igo.apyatha tathANDajaH5 6pi~NgalA mukunda ! kuraro.arbhako.apyatha kumArikA bANakR^it || 4\.95|| 1\. induH | 2\. shayurajagaraH | sindhuH samudraH | 3\. mAkShikahartA | 4\. hariNaH 5\. mInaH 6\. tannAmikA veshyA | ahiH paramathorNanAbhiriha sindhukanyApate ! 1supeshakR^iditIritAstu guravashchaturviMshatiH | amI jagati charyayA hi nijayaiva puMsAM satAM hitA2mupadishanti nAma saraNiM shubhAvAptidAm || 4\.96|| 1\. kITasya bhramaratvApAdako bhR^i~NgavisheShaH | 2\. upadeshashcha shrIbhAgavate ekAda shaskandhe 7, 8, 9 adhyAyeShu vivR^itaH | vilokya cha batedR^ishAniha shubhAptihetUn bahUn vivekarAhatAstu ye bhuvi charanti pApAnyaho | nibadhya yamapUruShairahaha kAlapAshairdR^iDhai\- ramI nirayayAtanAM bahu bhavanti nItA mR^itau || 4\.97|| luThantamatha dAruNe narakasImni hAhetyaho rudantamadhikaM kShudhApyatha pipAsayA vyAkulam | vimardya shitahetibhirvikaruNaM samAkarShaya\- ntyatIva bata taptatAmrakalite tale pApinam || 4\.98|| vimochayitumIdR^ishAnnarakasa~NkaTAt prANinaM murAntaka! paTIyasI tava hi bhaktirekaiva sA | 1imAM tu navadhA jagau danujabAlakebhyaH purA bhavatpadaparAyaNottamatamaH sa 2kAyAdhavaH || 4\.99|| 1\. bhaktim | 2\. kayAdhurhiraNyakashiporbhAryA tasyA apatyaM prahlAdaH || 1shrutirvarada ! kIrtanaM smaraNama~NghrisaMsevanaM ramAvara ! tathArchanaM tvapicha vandanaM dAsatA | tvayaiva saha sakhyamachyuta ! nivedanaM chAtmana\- stvitIha navadhA smR^itA bhavati bhaktiratyuttamA || 4\.100|| 1\. shravaNam | iti svAtishrIrAmavarmava~nchimahArAjavirachitAyAM bhaktima~njaryAM chaturthashatakam | \section{atha pa~nchamashatakam |} atha sarasijanAbha! tvatkR^ipaikAvalambA\- dahamiha navadhA taM kalpitaM bhaktimArgam | kathayitumayi sadyastUtsahe.a~Nga! krameNa plavamiva1 bhuvi labdhvA pAralipsuH payodheH || 5\.1|| 1\. uDupena sAgaratitIrShUpamayA bhaktimArgakathanarUpAshakyakArya\- pravR^ittasyAtmano loke parihasanIyatvaM dyotyate | navasu cha bata bhUman ! bhaktimArgeShvathAdyAM tava guNagaNalIlAkarNanAkhyAM tu bhaktim | shramalavarahitAM tAM chetasaH shAntidAtrIM kathayitumayi ki~nchit prArabhe bhUramesha !|| 5\.2|| iha hi jagati santi prAptaye tvatkR^ipAyA muramathana! bahUnyevA~Nga ! vartmAni nUnam | tadidamakhilamuchchairduShkaraM hanta sAdhyA 1sasukhamakhilalokairbhaktirekaiva sA te || 5\.3|| 1\. sAdhanakriyAvisheShaNamidam | shamayati bhuvi pApAnyeva saMsArabhAjAM na tu sudR^iDhatarAM tAM vAsanAM 1vartma sarvam | harati 2tadubhayaM yadbhaktiravyAhatA tva\- yyatha sakalajanArthyA saiva nirdhUtasha~Nkam || 5\.4|| 1\. sarve vartma bhaktimArgAtiriktaM mArgajAtam | 2\. pApatadvAsanAdvayam | api cha paramavekShyaH karmaNAM chetareShA\- miha bhuvi sakalAnAM chAdhikArI murAre ! | 1samamakhilajanairapyashrameNAchyutAnu\- ShThitiShu kimiha shakyaM bhaktivat tvayyanante || 5\.5|| 1\. avisheSheNetyarthaH | nikhilabhuvanabandho ! nAtha! tatrApi mukhyaM tava charitasudhAyAH shashvadAkarNanaM tat | 1yadiha paramani2chChannapyasau hanta dehI jagati bhavati yasmAddUritaH sarvapApaiH || 5\.6|| 1\. AkarNanam | 2\. anichChayA kurvannapItyarthaH | priyamiha rasanAyA yanna tadrogashAntyai prabhavati gadahAri svAdutAM vA na dhatte | praNudati bhuvi pApaM ra~njayantI hR^iduchchai\- stava charitasudhA sA bheShajAyeva dugdham || 5\.7|| tava charitasudhAyA dhArayA pUraNIye sati sakalajanaughAH karNakUpe svakIye | tadahitakaraNAyevopalAbhyAM pidhAnaM dadhati bhuvi kimarthaM kuNDalAhvAyutAbhyAm || 5\.8|| viShayamayadavAgnijvAlayA pIDitAnA\- 1magaNitabalakAmakrodhavairyarditAnAm | jananamaraNarUpe sAgare majjatAM hA gatiriha hi vinA kA tvatkathAsvAdabhAgyAt || 5\.9|| 1\. agaNitabalau yo kAmakrodhAveva vairiNau tAbhyAmarditAnAm | pariharati cha pApaM hanta tApatrayaM cha pradishati bhuvi sarve vA~nChitaM mAnavAnAm | janayati hR^idi bhaktiM shrIpate! tvayyasImAM kimiha dishati saukhyaM no kathAsvAdanaM te || 5\.10|| anudinamavagAhaiH puNyatIrtheShu yadvai phalamalamupabhu~Nkte yattapobhirmakhairvA | tadakhilamiha lokastvashrameNAshnute.asau sakR^idapi tava gAthAM karNayorAkalayya || 5\.11|| smaraNaniratapApavyUhavichChedashauNDa\- stvamayi bhuvanabandho! kIrtyase 1yatra shashvat | shravaNapuTayugalyA tAM samAsvAdya gAthAM ka iha na kR^itakR^ityo jAyate nAtha! martyaH || 5\.12|| 1\. gAthAyAm | jagati danujavairin ! yaH pumAnAttamodaM 1bhavati dhR^itaratInAM sajjanAnAM samAje | nishamayati na gAthAM kIrtyamAnAM tvadAyAM na bhavati badhiro vai tatsamo hanta nUnam || 5\.13|| 1\. tvayi | anishamalamanarthaughAvahAsatprasa~NgAn\- nishamayati kathAM te projya hA mandabhAgyaH | 1sumadhurima balAdapyarpitaM nAma hitvA paya iha parikhAdatyuShTrakaH kaNTakAn drAk || 5\.14|| 1\. shobhano madhurimA yasya tat | ahaha 1khalajanAnAM karNashUlAyitaistaiH paruShavachanajAtairvikShataM karNarandhram | yadi na hi tava gAthArUpapIyUShavR^iShTyA shishirayati vigarhyaH kaH 2paraH syAt tato.api || 5\.15|| 1\. idaM paruShavachanajAtairityanenAnveti | 2\. anyaH | navarasaparimishrairyA tvadIyApadAnai\- rnavanavamatha modaM mAnavAnAM vidhatte | dinamanu tava gAthAM tAdR^ishIM sAdhu shR^iNva\- nnapi nanu bhuvi tR^iptiM kaH prayAto manIShI || 5\.16|| shukabhR^igusanakAdyA hanta nairguNyasaktA api jagati munIndrA nAtha! yasyAM kathAyAm | tava 1paramanuraktAstUttamashlokalIlA\- vivashitamatayo.amI kena 2vA~nChyA na sA syAt || 5\.17|| 1\. atyartham | 2\. kAmyAH | dhanatanayakalatrAgArabandhUn nirasyA\- pi cha tR^iNavadaraNye maunivR^ittiM shritAnAm | vigalita1mamatAhantAdidoShavrajAnA\- mapi janayati saktiM sA kathAdhoraNI te || 5\.18|| 1\. mamatA mamedamityAbhimAnaH ahantAha~NkAraH | akhilaviShayajAlAvA~NmukhA ye tvajasraM shrutiyugasukhadAbhistAvakIbhiH kathAbhiH | muramathana ! nayante kAlamAmodabhUmnA paramasukR^itino.amUn nAtha ! manyAmahe tAn || 5\.19|| tavaguNagaNalIlAkIrtaneShu prasakte\- Shvatha vigalitadehAdismR^itirvItalajjaH | hasati lapati gAyatyuchchakaiH ki~ncha nR^itya\- tyalamajita ! batonmAdIva hA lokabAhyaH || 5\.20|| amaraparivR^iDhatvaM vA 1rasAyAH patitvaM kamalabhavapadaM vA yogasiddhIshcha bahvIH | tR^iNamiva hR^idi matvA tvatkathAyAmajasraM muramathana ! ramante sAdhavastadrasaj~nAH || 5\.21|| 1\. bhUmeH | bhavati hi bhuvi saktirlaukikeShvatra puMsA\- 1mapi paramakhilAnAM bhogishAyin ! raseShu | amitasukR^itaputraireva chAlaukike vai 2kutukamiha rase tvadbhaktirUpe 3samIyAt || 5\.22|| 1\. asya akhilAmityanena sambandhaH | 2\. abhilAShaH | 3\. upanamet | jagati bhavati vishveShAM rasAnAM samUhaH suniyatamatituchCho yadrasApekShayAho | tamiha rasamavAptuM bhaktisa.nj~naM nipIyA\- chyuta ! charitasudhAM te kaH paTuH stokapuNyaH || 5\.23|| yadi na vahati sarvebhyo 1varIyastaratvaM muramathana! rasebhyo bhaktisa.nj~no raso.asau | jahurahaha kimarthaM lipsayA tasya bhUpA dhanamapi nanu rAShTraM chAtha bhogAn samastAn || 5\.24|| 1\. atishayena urutvam | bhUyastarashabdavachcha varIyastarashabdo bodhyaH | varada ! janapade vA yatra sa~NkIrtyate te nanu charitasudhA sA sAdaraM pratyagAram | narapatirapi tatratyaH prajAshchAtha sarvAH suniyatamanubhAvAt pAvitAH syurhi tasyAH || 5\.25|| api cha bhuvi pumAn yaH kArayatyuchchakaiste muramathana ! kathAyAH kIrtanaM svIyagehe | nijapatiguNalIlAsvAdatuShTAtha padmA tamiha bata vidhatte sarvasampatsamR^iddham || 5\.26|| bahubhiriha tapobhirvaShmaNaH kleshasAdhyai\- rapi bata puruShArthA ye.anavApyA ime.api | dR^iDhamiha vashagAH syurlabdhabhaktestvayIshe kimuta bhuvanabandho ! sampadashcha~nchalAstAH || 5\.27|| aghashamana ! tathApi tvatpade labdhabhakti\- stR^iNamiva manute yat sampadashchAshramAptAH | tadiha na khalu chitraM prApya ratnaM tvanarghaM ka iva jagati kAchaM chetanaH 1shraddadhIta || 5\.28|| 1\. AdriyetetyarthaH | draDhayati nanu bhaktiM tAM janAnAM kathA te tava guNagaNalIlAbhirjaganma~NgalAbhiH | madhurarasavimishraM bheShajaM bAlakAnAM kalayati gadashAntiM yadvadIshAshrameNa || 5\.29|| tata iha nanu martyaiH sarvathA sarvakAle\- Shvapi bhavamayasindhoH pAramAptuM sayatnaiH | tava charitasudhaivAtyantamAsvAdanIyA nikhilaviShayajAlAvA~NmukhaiH sAndramodam || 5\.30|| 1muramathana! 2tadarthaM tAvakeShvAlayeShu pratidinamathavAho gehasImni svakIye | tvayi ratahR^idayenesheha bhUmIsureNA\- chyuta ! paThanamaghaghnaM kArayet tvatkathAyAH || 5\.31|| 1\. bhagavatkathAgrantho yatra yena yathA paThanIyaH, granthasya paThitA paThanakArayitA shrotA cha yadguNaka iShyate, tadetat sarve saparikaramasmAt padyAt prabhR^iti pa~nchatriMshatA padyaiH pratipAdyate | 2\. bhavasindhupAraprAptyartham | surabhilasumavR^indaishchAtha dIpairanarghai\- rapi paramupahAraishchAtha nAnAprakAraiH | manasi sudR^iDhabhaktyA nAtha! varyo saparyA savinayamativelaM kArayet 1pustakasya || 5\.32|| 1\. tvachcharitaparasya bhAgavatAdigranthasya | pratidinamapi dadyAchChAkasUpAdimishraM purudadhighR^itadugdhaM taNDulaM chAtha 1tasmai | tava charitasudhAyA dhArayA shrotR^ikarNA\- najita ! nanu punAnAyAdareNa dvijAya || 5\.33|| 1\. saparyAkartre | api 1bhavadavatArapraShThadivyaprasa~Nge\- pvajita ! viratiShUchchaiH skandhakAdhyAyayorvA | murahara! savisheShaM kAraye2nmaNDanAni prachurakadalikAbhiH puShpamAlAgaNaishcha || 5\.34|| 1\. bhavadavatArapraShThA bhavadavatAramukhA ye divyAH prashastAH prasa~NgA vAchanaparyAyaprAptAH praghaTTakAsteShu | 2\. ala~NkArAn , arthAchcharitapaThanadhiShNyasya | tadanu parisamAptau tvatkathAkIrtanasya pramuditamatiruchchairbhUsurANAM shuchInAm | bhujagashayana ! kuryAt tR^iptimannena tAvat 1suruchibhirupadaMshairanvitenAdareNa || 5\.35|| 1\. shobhanA ruchirbhoktR^INAM yeShu taiH | dvijamapi tava gAthAvAchakaM pUjayitvA malayajasumamAlyairarghyapAdyaishcha bhaktyA | muditamajita ! kurvaMstaM nameddakShiNAbhi\- rvasanavaradukUlairvitta1shAThyaM vinaiva || 5\.36|| 1\. dhanalobhamityarthaH | dvijavara! vadanAt te nissR^itAmadya gAthAM muramathiturihAkarNyAsmi jAtaH kR^itArthaH | iti madhuravachobhiH prINayechchainamuchchaiH savinayamatha vItachChadmaleshaM shubhArthI || 5\.37|| 1tadanu virachayaMstaM sAdhu2yAnAdhirUDhaM dvijamayi tava gAthAvAdinaM prItipUrvam | vimalanigamaghoSheNAtha vAditranAdai\- rapi samamamumAshu preShayedasya geham || 5\.38|| 1\. surabhilasumetyAdibhiretadantaiH shlokaiH pratipAditaH pustakatatpaThitR^ipUjAkramo va~nchimahArAjairadyApi prAyeNAnuvartyate | 2\. yAnaM shivikAdi | bhavati nigamavij~nAgresaro.atha dvijanmA vijayamatha narendrashchApnuyAdyuddhabhUmau | draviNamamitamApnotIha vaishyashcha bhaktyA tava charitamihAkarNyAshu shudro.api saukhyam || 5\.39|| iti sakR^idapi yo vA nAtha ! martyaH kathAM te nishamayati hR^idambhojollasadbhaktibhUmA | sa iha sakalavandyo dUritaH sarvapApai\- stava dayitatamashcha syAdalaM vItasha~Nkam || 5\.40|| yadi na bhavati shaktaH kartumevaM kathAyAH shravaNamayi dhanasyAbhAvatastarhi martyaH | murahara! paramuchchairhanta yatnena gatvA sadasi nanu satAM tAM shashvadAkarNayeta || 5\.41|| anudinamiha yAvachChakti puShpaM phalaM vA sakutukamupahAraM kalpayan pustakAya | sphuradurutarabhaktyA nAtidUre cha tiShThan mukulitakarayugmaH syAt kathAkarNanArthI || 5\.42|| turagavadatilolaM svaM prakR^ityaiva cheto 1vashamalamupanetuM j~nAnabhAjApyashakyam | viShayavipinamArgAt sannivartyAtivelaM charitanishamane te saktamuchchairvidadhyAt || 5\.43|| punarativiphalAbhiH kaNThashoShaikadAbhi\- rmurahara! tava gAthAkarNanAya pravR^ittaH | na hi 2kimapi nayeta vyarthamevAtra kAlaM hahaha kaluShavArtAbhiH paraM laukikIbhiH || 5\.44|| 1\. Ayattatvam | 2\. IShadapi | yaduditamiha gAthAvAchakena dvijena sphuradurutarabhaktyA tat sadopAdadIta | shamalashamanadakShatvatkathAvAdinaM taM gururayamiti samya~NmAnase bhAvayeta || 5\.45|| prakaTayitumapi svaM shAstravaiduShyamaddhA sadasi samupaviShTe mAdhava! shrotR^ivR^inde | na cha kimapi vidadhyAchChuShkavAdaM kathAyA murahara! kathayitrA nyUnavidyena vApi || 5\.46|| api cha manujabud.hdhyA yastvavaj~nAM vidhatte 1bhavati bhavaparItApaughavichChedashauNDe | bahuShu virachitAstAste.avatAreShu lIlA muramathana! nishamya drAgasau 2nArakaH syAt || 5\.47|| 1\. tvayi | 2\. narakasambandhI | tata iha nikhileshaH shrIhariH shiShTaduShTA\- vananihatividhAnAyAvatIrNo dharaNyAm | iti dR^iDhatarabhaktyA nAtha! tuShyet kathAyAM tava tu vigaladashrushchAtha romA~nchitA~NgaH || 5\.48|| prakaTitamayi bhakteShvanvahaM teShu teShu sphuTamasharaNabandho! te dayAlutvamuchchaiH | shravaNayugalapAtryA samyagAsvAdya bhaktiM bhavati nirupadhiM drAg vishvamUrtau vidadhyAt || 5\.49|| api paramitarebhyo varNayaMstAH kathAste jagadaghahR^itidakShAH sAdhu kAlaM nayeta | iti tava tu kathAyAmeva sakto.atra martyo vigalitavichikitsaM modamApnotyanantam || 5\.50|| atha kathayitumadya prArabhe.ahaM guNAnAM 1samudayamuchitaM hi shrIpate ! shrotR^ivaktroH | tava natajanabandhornAtha! kAruNyaleshA\- diha nikhilajanAnAM j~nAnadAnapravINAt || 5\.51|| 1\. shrotushcha vaktushchAnurUpam | yadi na bhavati sAmyaM shrotR^ivaktrorguNAnAM bhavati na rasalabdhistarhi pAThe shrutau vA | ajita ! tata iheShTau tau samAnau guNena tvayi vidhR^itamanaskau tvatkathAsvAdalolau || 5\.52|| iha hi jagati vaktA te kathAyAstu bhUyA\- daghashamanaparAyA nAtinIchochchashabdaH | na cha varada ! vilubdho nApyasUyAdiduShTo na cha punaralaso vA nApyaho krodhashAlI || 5\.53|| na cha bhavitumihArhatyeSha yoShAjitAtmA na cha vigatatamobhiH sAdhubhirvairakArI | na cha madakaluShIbhUtAshayo nApyadAnto na cha kuTilamatirvA no nR^ishaMsashcha jAtu || 5\.54|| virahita iha doShairIdR^ishairIsha! vaktA tvayi dR^iDhatamabhaktyA dUritAsheShapApaH | sujanasadasi modAdetya divyAsanastha\- stava mahitakathAyAH prArabhetA~Nga ! pATham || 5\.55|| madhumathana ! tathaivAdyantaniShThaM tu padyaM varada ! tava kathAyAM skandhakAdhyAyayorvai | sakutukAmaha deva! dviH paThet 1so.athavA triH praNatimatha vidadhyAt prachChakaH shrAvakashcha || 5\.56|| 1\. kathAvaktA | ajita ! guNasamUhairI1dR^ishaireva yukta\- stvayi 2ratahR^idamAnI mAdhavAhetuvAdI | varada ! tava kathAyAH sArasa~NkShepadakSho bhavati jagati martyaH shrotR^imukhyo.atra nUnam || 5\.57|| 1\. vakturuktaiH | 2\. saktamanAH | ya iha bhavati vaktA sAttvikaH sa prashasto danujamathana ! madhyo rAjasastAmaso.antyaH | bhavati nanu vibhAgaH shroturapyevameva tridashanuta! guNAnAM bhedatastu trayANAm || 5\.58|| ya iha jagati kR^itsnaM tvatkathAyAH kilArthaM svararasabharabhAvairanvitaM samprakAshya | sphuTamahaha sabhAyAM shrAvayedvItasha~NkaM sa bhavati kila martyaH sAttviko nAtha! vaktA || 5\.59|| api sakalamajAnaMstvatkathAyAH kilArthaM sphuTamadhikamanoj~nenAnvitaM cha svareNa | sadasi sakutukaM yaH shrAvayedatra martyaH sa bhavati nanu vaktA rAjaso vArijAkSha !|| 5\.60|| tava charitasudhAyA yastvihAbudhyamAnaH kimapi sarasamarthaM nirbharaj~nAnahetum | virahitarasaleshaM chAsphuTaM shrAvayedvai sa bhavati bhuvi vaktA tAmasashrAdhamashra || 5\.61|| manasi sudR^iDhabhaktyA sarvakarmANi hitvA 1parilasadurumodaM yaH pumAnArttabandho ! | nishamayati kathAM te dakShiNAM cheha datvA vidhivadajita ! sa shrotA smR^itaH sAttviko.asau || 5\.62|| 1\. nishamanakriyAvisheShaNamidam | punarajita ! samodaM yaH prasa~NgAchChR^iNoti pravitatabhavabAdhAhAriNIM tAM kathAM te | tanumapi cha dadAno dakShiNAM vAchakAya smR^ita iha bhuvi sa shrotA bhR^ishaM rAjaso.asau || 5\.63|| virahita iha bhaktyA kautukenApi yo vA nishamayati kathAM te hetuvAdyarthagarhI | alasamatirapIsha! krodhano dakShiNAM vA dishati bhuvi na vA shrotA bhavet tAmaso.asau || 5\.64|| ayamadhamatamo.api shrotR^iShu tvatkathAyAH phalamiha bhuvi ki~nchit prApnuyAt te.anubhAvAt | kalashajaladhitIraM saMshrito dugdhabindoH kaNamapi na kimApnotIsha ! loke khalo.api || 5\.65|| 1muramathana ! purANAnIha santyeva yuShma\- nnavaguNagaNalIlAvarNanairbhAsitAni | jagati jayati tatrApyastapApaM tu tadbhA\- gavatamiha purANaM yat 2tvayaiva praNItam || 5\.66|| 1\. ita A shatakAntAdbhAgavatapurANasya mahimopashlokyate | 2\. vyAsarUpeNetyarthaH | amaraviTapino vai vedarUpasya divyaM phalamiha shukavaktrAnnissR^itaM tadrasArdram | shrutipuTayugalena svairamAsvAdya tadbhA\- gavatamayamajasraM ke na tuShyanti santaH || 5\.67|| iha jagati bahUnyevA~Nga! shAstrANi santi sphuTamahaha vivAdasthAnabhUtAni kiM taiH | 1bhavati bhuvanabandhau bhaktimAptuM vinA bhA\- gavatamiha hi shAstraM syAt kimanyat samartham || 5\.68|| 1\. tvayi | apicha jagati ye nAmAnyashAstreNa tadbhA\- gavatamiha hi shAstraM manvate hanta tulyam | vigalitavichikitsaM daivamevaiShu 1bhUyAd\- vimukhamatighanAj~nAnAndhakArAvR^iteShu || 5\.69|| 1\. bhavanaM kavirAshAste manvAnAnAmAkroshArtham | prachuraduritapa~NkenAvile.asmin kalau bhA\- gavatamiha yadi syAnno satAM tApahArI | gatiratha bhuvi puMsAM kA bhavennaShTadR^iShTe\- riva vanabhuvi rAtrau riktasArthasya sadyaH || 5\.70|| asulabhamiha yatnAnmartyajanmAdhigamyA\- pyajita ! jagati ye vA mAnavAH pApabhAjaH | divasamiha nayantyAsvAdaleshaM vinA bhA\- gavatamayasudhAyAstajjanirhA vR^ithaiva || 5\.71|| yadiha bhuvi janAnAM vA~nChitaM deva! kR^itsnaM dishati cha dR^iDhabhaktiM tvayyasheShAdhinAthe | tadayi bata vinindantyatra ye vA punarbhA\- gavatamahaha heyA dUrataste visha~Nkam || 5\.72|| tridivabhuvi yathA vA nirjarANAM mahendro nabhasi nanu yathA vA tArakANAM himAMshuH | surasaridapi yadvannimnagAnAM tathA bhA\- gavatamapi purANAnAM nikAmaM vareNyam || 5\.73|| 1surabhirapi cha yadvadvishvamUrte! pashunAM muramathana! tithInAM yadvadekAdashI cha | 2shrutimaya iha yadvat pakShabhAjAM suparNo bhavati nanu purANAnAM tathedaM vareNyam || 5\.74|| 1\. kAmadhenuH | 2\. vedamayaH | sakalanigamavedAntAgameShvadvitIyo\- .apyavihatadhiShaNo vA sarvashAstreShu vidvAn | manuja iha murAre! tvatprasAdaM vinA bhA\- gavatanihitamarthaM naiva jAnAti gUDham || 5\.75|| apicha bhuvi pumAMstatpAThagoShThyAM tu yo vA prakaTayati vibhutvaM vAvalepaM durAtmA | dhruvamiha hi manuShyAstasya samparkabhAjo\- .apyalamaghasamudAyasyAspadatvaM vrajanti || 5\.76|| prathama iha tathaivAsya1 dvitIyashcha pAdau bhavati nanu tR^itIyo vai chaturthastathorU | smR^ita iha kila nAbhiH pa~nchamashchAtha ShaShTho hR^idayamapi cha bAhU saptamashchAShTamashcha || 5\.77|| 1\. bhAgavatasya | navama iha tadIyaH kaNThadeshastathAsyaM bhavati hi dashamo.asya tvatkalIlArasArdraH | niTilataTamapi syAt tadvadekAdasho dvA\- dasha iha hi shikhA syAt skandha IshAsya shaure !|| 5\.78|| iti khalu pR^ithaga~NgaiH skandharUpaistu tairdvA\- dashabhirapi sameto.ayaM purANAvataMsaH | kR^ita iha bhavataiva vyAsarUpeNa bhaktiM janayitumayi puMsAM bhUyase shreyase syAt || 5\.79|| atha phaNivarashAyin ! sAdhavo naiva ke ke 1bhavati dhR^itamanaskAstvetadAkarNya sadyaH | hR^idi janitavirAgaj~nAnabhaktiprakarShA\- stava nanu 2kR^ipayA.a.aptA modabhAraM tvapAram || 5\.80|| 1\. tvayi | 2\. naivAptA iti sambandhaH, kintu prAptA evetyarthaH | bhujavidhR^itarathA~NgenAlama~NguShThamAtre\- Na hi nanu bhavatA drauNyastrato mAtR^igarbhe | 1avita iha purA yaH 2so.atha jAto.anvavAyaM bhuvanaviditamuchchairmaNDayan pANDavAnAm || 5\.81|| 1\. rakShitaH | 2\. parIkShit | parita iha 1valantaM garbhadeshe bhavantaM 2tvakalayaditi 3vAho tatra dR^iShTena tulyaH | ka iti bhuvi 4parIkSheteti vA dharmajastaM samatanuta parIkShitsa.nj~nakaM sAdhu pautram || 5\.82|| 1\. sa~ncharantam | sphAyaditivat parasmaipadam | 2\. aikShatetyarthaH 3\. Aho iti pakShAntare | 4\. evaM chobhayathA parIkShichChabdo vyutpAdito bhavati \ldq{}garbhe paritashcharantaM kR^iShNamaikShata\rdq{} iti, \ldq{}garbhadR^iShTadevasaMvAdI ka iti bhuvi parIkSheta\rdq{} iti cha | tadanu nanu vivR^iddhaM pUrvapakShenduvat taM vayasi samuchite prApte.atha rAjye.abhiShiktam | vyatanuta hR^idi vAtsalyAnvitashchAjamIDha\- shchaturudAdhiparItAM so.api bhUmiM shashAsa || 5\.83|| atha paramupayeme tAmirAvatyabhikhyAM narapatitilako.asAvuttarasyesha ! putrIm | punariha janayAmAsAtha tasyAM tanUjAM\- shchatura iha manoj~nAnAtmatulyAn murAre !|| 5\.84|| narapatirapi so.ayaM taM kR^ipAchAryamaddhA nijagurumatha kR^itvA jAhnavItIradeshe | bhavati vidhR^itachetAstvAjahArAshvamedha\- tritayamalamakAmaH sarvasampatsamR^iddhaH || 5\.85|| tadanu sa tu nishamya svIyarAjye praviShTaM kalimahaha vijetuM taM vinishchitya bADham | asitaturagayuktaM syandanaM svaM mR^igendra\- dhvajayujamadhirUDho digvijityai pratasthe || 5\.86|| atha murahara! jitvA ma~nju bhadrAshvakAdIn 1balimapi jagR^ihe.asau nAtha ! tebhyo mahAtmA | apicha sa tu mahimno gAyakAn vai 2svakeShAM tava cha dhanasamR^iddhAn vyAtanodbhaktishAlI || 5\.87|| 1\. karam | 2\. pANDavAnAm | iti khalu narapAlo digjayotkaH sa dharma 1vR^iShatanumapi pR^ithvIM deva! gorUpayuktAm | akaruNamiha padbhyAM hanyamAnAvapashya\- 2nniravadhi kalinAho shUdrarUpeNa dInau || 5\.88|| 1\. vR^iShabharUpam | 2\. dIdhAtvarthe visheShaNamidam | abhayamatha vachobhiH sAntvapUrvaiH sa 1tAbhyAM nR^ipatiriha vitIrya shrIsha! hantuM kaliM tam | vidhR^itamatirasiM drAgAdade yAvadeSho\- .achyuta ! sharaNamupAgAt tAvadetaM sa bhItaH || 5\.89|| 1\. pR^ithvIdharmAbhyAm | sapadi sa sharaNaprAptAvane baddhadIkShaH svavasatipadamuchchairyAchamAnAya tasmai | nR^ipatiratha vitIrya dyUtahemA~NganAdyaM 1padamapi gamayAmAsAshu rAShTrAnnijAt tam || 5\.90|| 1\. vAsasthAnamityarthaH | vR^iShatanumapi dharmaM satyarUpaikapAdaM tribhirahaha tapashshauchAnukampAmayaistaiH | nR^ipatiratha sa pAdairyojayitvA vidhAya kShitimapi gatakhedAM pAlayAmAsa kR^itsnAm || 5\.91|| tadanu sa tu kadAchit svairamAkheTa1saktaH karakalitasharAsaH paryaTan kAnanAntam | aruNakiraNataptaH kShutpipAsAkulo hya\- ~Ngirasa iha maharSherAshramaM sa~njagAma || 5\.92|| 1\. mR^igayAparaH | munimahaha samAdhau susthitaM mIlitAkShaM narapatiratha dR^iShTvA tatra toyaM yayAche | sa tu bhavati parAtman ! nyastachetAstadAnIM kimapi na girametasyAshR^iNodbhUmibhartuH || 5\.93|| hR^idi samuditamanyustAvadevaiSha1 koTyA dhanuSha iha gatAsuM vyAlamasyAMsadeshe | narapatirapi nikShipyAshu yAtaH purIM svA\- mavamatamahaha svaM manyamAno nitAntam || 5\.94|| 1\. parIkShit | tanaya iha maharShestasya shR^i~NgIti nAmnA virachitamaparAdhaM vIkShya rAj~nA svatAte | ita iha divase vai saptame takShako.amuM dashatu vinayahInaM cheti kopAchChashApa || 5\.95|| narapatirapi shApaM tannishamyAyamaddhA dhanatanayakalatrAgArarAShTrAdiShu drAk | sphuTamuditavirAgaH svIyaputre nyadhAt svaM dhR^itasuvimalabodho rAjyabhAraM mahAtmA || 5\.96|| atha nR^ipatirasau prAyopaveshAptimichChaM\- staTabhuvamabhisamprApyAshu jahnoH sutAyAH | akhilaviShayavA~nChAM dUrato hanta hitvA nyavasadayi guNAsvAdaikabaddhaspR^ihaste || 5\.97|| tadanu samabhijagmustatra vishvaM punAnA muramathana! munIndrA nAradAdyAstadAnIm | ta iha bhavati bhaktiM tasya dR^iShTvAtimAtraM pramuditamanasastaM nAtha! shashlAghire.alam || 5\.18|| ajita ! tadanu tatropAgamadvyAsaputro jhaTiti sakalasandehApanodaikadakShaH | nR^ipatirapi cha tasyaivAsyapa~NkeruhAdbhA1\- gavatamiha nipIya prApa muktiM sukhena || 5\.99|| 1\. bhAgavatasya makarandarUpatvaM gamyam | tata iha vipulAdhivyAdhikallolabhAjo ghanatarabhavasindhoH pArasamprAptilolaiH | virahitaviShayechChAleshamambhojanAbhA\- chyuta! charitasudhaivAsvAdanIyA tvadIyA || 5\.100|| iti svAtishrIrAmavarmava~nchimahArAjavirachitAyAM bhaktima~njaryAM pa~nchamashatakam | \section{atha ShaShThashatakam |} athAhaM shrIbhUmIramaNa ! kathayAmyadya kimapi dvitIyAM tvannAmnAmaghashamanasa~NkIrtanamayIm | murArAte ! bhaktiM tava karuNayaivAnatajana\- sphuTAj~nAnadhvAntaprakaraharaNaikaprathitayA || 6\.1|| ameyaM loke.asmin rasabharamavApnoti hi pumAn 1japAdyeShvekasminnapi varada! te nAmni kathite | rasAbhij~nA nAmnAM yadi bhavati jihvAtra na nR^iNAM 2rasaj~nAkhyAmanvarthayitumatha shaktA kathamasau || 6\.2|| 1\. japahomAdiShu | 2\. rasaj~neti nAmadheyam | phalAdInyAsvAdyAchyuta ! sumadhurANIha bhuvane samatvaM hyadhyasya1tyatha yadamR^itenaiShu manujaH | murArAte! shAr~Nginniyamatishayoktistada2mR^itaM tvasau sAkShAnnAmnAM kalayati tavAsvAdanavashAt || 6\.3|| 1\. idaM vAkyArambhe | 2\. sudhAM mokShaM cha | ramAjAne! yasmin na hi bhavati tR^iptistanubhR^itAM tathAbhUtaM vastu trijagati na khalvasti kimapi | tvadIyAnAM nAmnAM murahara ! samAsvAdanavidhau munIndrA apyApuH kimapi na hi tR^iptiM shukamukhAH || 6\.4|| aghAnAM vichChittyai muramathana ! yatnaM vidadhatAM tapobhiH saMvIkShya shramamayi janAnAM karuNayA | tvayaivAyaM sandarshita uchitamArgo nanu satAM tvadIyAnAM nAmnAM sugama iha sa~NkIrttanamayaH || 6\.5|| yathA mAtA sveShAmahaha gadashAntiM tanubhuvAM vidhAtuM bhaiShajyena hi sumadhureNaiva yatate | tathA puMsAM pApAnyatha shamayituM tvatprakaTite hyaho mArge saktiM ka iha na vidadhyAdaja ! sudhIH || 6\.6|| guNastAvannaisargika iha murAre! mukharatA rasaj~nAyAH puMsAM galitavichikitsaM yadi tadA | asadvAdebhyastAM kathamapi nivarttyAchyuta! kuto bhavannAmAsaktAM na hi vidadhate hanta manujAH || 6\.7|| rasebhyaH sarvebhyo.apyayi bata variShThe hi madhure rase jihvA prItiM rachayati samastasya jagataH | sudhAdhArAto.apyachyuta ! sumadhure nAmapaTalI\- samAsvAde saktiM tava na dadhate bhAgyarahitAH || 6\.8|| sahasrANAM nAmnAM nanu jagadaghadhvaMsanakR^itAM kShaNArdhe tvekasminnapi bata gR^ihIte rasanayA | kR^itArthatvaM prApnotyalamiha sharIrI kimu puna\- rhare teShAmevAnudinamiha sa~NkIrtanaparaH || 6\.9|| tathA sadratnaughairapi vijitasaptAshvaruchibhiH kR^itA kaNThAsaktA sragiha manujaM bhUShayati no | yathA mAlA nAmnAmaghashamana ! kaNThAbharaNatAM prapannA te shrImannirupamakR^ipApUrajaladheH || 6\.10|| nidAnatvaM prAptairanudinamanarthasya vachanai\- rnayan sarve kAlaM kShaNamiha bhavannAmakathanAt | kathaM dhautAghaH syAditi mama na sandehakaNikA kaNo 1vA kastUryA harati nanu durgandhamatulam || 6\.11|| 1\. vAshabdo.apyarthe dR^iShTAnte vA | sphuli~NgaH sUkShmo vA dahati hi yathA tUlanivahaM paraM tIvrAn rogAn harati cha yathaivau1Shadhamaho | yathA dhvAntaM shAntiM nayati guru bAlo dinamaNi\- stathA pApavrAtaM harati bhuvi nAmaikamapi te || 6\.12|| 1\. atrApi sUkShmapadaM vipariNAmena sambadhyate | sa vai snAtastIrtheShvaghashamana ! sarveShu manujaH sa yaj~neShvaddhA dIkShita iha hi sarveShu vidhivat | yadIye jihvAgre nanu danujavairinnanudinaM nirastAsheShAghaM parilasati nAmaikamapi te || 6\.13|| adharmANAM mukhyAspadamiti nikAmaM bhuvi satAM vinindApAtratvaM paramanubhavannapyatha kaliH | prasUte sarvArthAn varada ! tava 1nAmagrahaNato yato grAhyastasmAdajani jagadArAdhya ! nitarAm || 6\.14|| 1\. kR^ite yad.hdhyAyato viShNuM tretAyAM yajato makhaiH | dvApare paricharyAyAM kalau taddharikIrtanAt || iti bhAgavatam | bhajante tvAM martyA murahara! tapobhiH kR^itayuge yajante tretAyAmatha makhavarairbhUriphaladaiH | niShevante tvAM dvApara iha hi tantroktavidhinA kalau nAmnAM sa~NkIrtanamayi samAshritya sudhiyaH || 6\.15|| samudbhUtA martyA murahara! kR^itAdiShvapi yuge\- Shvaho yasya prAptyai janimahaha vA~nChanti hi kalau | athAsya tvannAmAsvadanamayapuNyasya hi tulAM samAroDhuM shaure! kimiha bhuvi vastu prabhavati || 6\.16|| ashaktAnAM loke charitumaja! karmANi vimalA\- nyaho vedoktAnyudbhaTaduritashAntyai madhuripo ! | paraM shUdrAdInAmapi kushalado.asau vijayate sphuTaM nAmAsvAdastava kR^ipaNalokaikasuhR^idaH || 6\.17|| athAdhyetuM vedAn murahara! paDa~Ngairapi yutAM\- stathAgniShTomAdInapi nanu vidhAtuM bhuvi makhAn | paraM kAlo nirdiShTa iha hi mahadbhistava ramA\- pate! nAmAsvAdastvaja! sakalakAleShu vihitaH || 6\.18|| abhuktvA bhuktvA vA phaNishayana ! saMsnAya vidhivat tvathAsnAtvA tiShThannuta nanu shayAno.apyatha naraH | murAre! gR^ihNIyAt tribhuvanagatAghaughashamane suniShNAtaM nAmnAM samudayamasha~NkaM tava bhR^isham || 6\.19|| salIlaM sa.NllApAdiShu cha savayaskairapi janai\- stathaivaikAnte vA sadasi 1gamanAyAnasamaye | sudhAdhArAsArasmayabharanirAsaikanipuNaM hare! nAmochchAryaM tava rahitasandehamanisham || 6\.20|| 1\. gatAgatakAle | abud.hdhyA devAnuShThitamiha hi karmaikamapi na vrajedambhojAkSha ! trijagati cha sAphalyamamalam | bhavannAmAsvAdastvatha punarabud.hdhyApi rachitaH phalaprAptyai heturbhavati jagadArAdhya ! bhavinAm || 6\.21|| ihAj~nAtvA j~nAtvApi cha gururujA pIDitatanu\- ryathA martyo divyauShadhamatha samAsvAdya sahasA | bhavenmukto rogairmurahara! tathA nAmapaTalI\- samAsvAdastvatko dishati 1shamabud.hdhyApi rachitaH || 6\.22|| 1\. shaM sukham | tathA 1sa~NketArthaM vishadamapahAsArthamapi vA punarnarmoktyA vA varada ! tava nAmAvaliraho | gR^ihItA martyAnAmapaharati pApaM kimu puna\- rmanassphUrjadbhaktyA bhujagavarashAyin ! nigaditA || 6\.23|| 1\. \rdq{}sA~NketyaM pArihAsyaM vA stobhaM helanameva vA | vaikuNThanAmagrahaNamasheShAghaharaM viduH || (bhAga | 6\. 2\. ) murAre! yatnenApyahaha mahatA hi tvaditarAn surAnArAdhyAyaM bhavati viphalodyoga iha vai | manuShyastvaM tu shrIramaNa ! nijanindAparagirA\- mapi sphItaM shreyo 1dishasi karuNAbhArajaladhe!|| 6\.24|| 1\. tathA cha tvAmanupAsIno manuShyo mUDha iti tAtparyam | ashAmyadrogAdhiprasabhashithilIbhUtahR^idayo viyukto hanta svairapi khalu suhadbhishcha vijane | vane tiShThan martyaH sakR^idapi bhavannAma kalayan bhavenmukto nUnaM sakalakadanaiH pUrvamuditaiH || 6\.25|| sapatnairatyugrAyudhaparilasadbAhubhiralaM parIto vA yuddhA~NgaNabhuvi sahAyairvirahitaH | punashchorairvyAghrAdibhirapi tathAbhidruta ihA\- lapaMste nAmAni vrajati manujo naiva vipadam || 6\.26|| tathA rAj~nA prodyanniravadhikaroShAndhamanasA nihantuM chAj~napto.apyurubhayadakArAgR^ihagataH | apAre majjantyAmapi cha jaladhau nAvi tarasA japaMste nAmAnyachyuta ! shuchamavApnoti na pumAn || 6\.27|| saputraH putrArthI bhavati narapAlo.atimahita\- stathA rAShTrArthI mAdhava! nanu sukhArthI sukhayutaH | yashasvI tallipsurbhavati sukR^itechChushcha sukR^itI na kiM kiM vA dadyAchChubhamahaha te nAmamahimA || 6\.28|| prabhAvena shrImannapi cha tava nAmnAmiha naro daridro.api syAdya1kShapatisadR^ishaishvaryanilayaH | tathA mandapraj~no.api cha bhavati vAchaspatisamo murAre! kiM prApyaM kushalamiha martyaiH paramitaH || 6\.29|| 1\. yakShapatiH kuberaH | bahUktyA kiM sammochayitumiha loke janamamuM vipadbhyaH sarvAbhyastvapi cha kushalaM dAtumatulam | na dakShastvannAmAmR^itarasasamAsvAdanasukhAt paro mArgo yat tanmatiriha vidheyA hi sakalaiH || 6\.30|| samastApaddUrIkaraNapaTutaikAdhivasatiM tathA sImAtItaprachurasukhavishrANanaparAm | imAM tvannAmAlImayanavasudhAsAndralaharIM kathaM shaknotyAsvAdayitumavanau bhAgyarahitaH || 6\.31|| rasaj~nAyAstR^iptiM dinamanu sudhAMshorayi hare ! karebhyashchyotantyA divi virachayanto.api sudhayA | amartyAstvannAmAsvadananirateShvIsha! dadhate yadIrShyAM 1tattulyaM kimiha tadaho sarvasukhadam || 6\.32|| 1\. tvannAmAsvAdanatulyam | sukhAvAptirloke na bhavati vinaiva shramalavaM janAnAmityAstAM varada ! bhuvi vArttA madhuripo ! | sukhenaivAvAptuM sukhamayi manovAgaviShayaM paTurmArgo rAjatyayamiha bhavatkIrttanamayaH || 6\.33|| aTan snAtuM tIrtheShvakhiladuritadhvaMsuiShu naro tairvA bhUyobhiH paramakaThinaiH kashitatanuH | sukhaM ya bhu~Nkte tadiha hi vinaiva shramalavaM bhavannAmAsvAde niratahR^idayo hanta labhate || 6\.34|| akArAdyairvarNaiH pariNatasharIrA suvimalA girAM devI bhartrA kamalajanuShA satyabhuvane | sthitA sArdhaM padmAsanabhuvi tathA no sakutukA yathA tvannAmatvaM vibudharasanAgreShu gamitA || 6\.35|| yathA chetoramyaM vahati nanu mAdhuryamadhikaM 1samatvaM sarvatrApi cha varada ! khaNDasya shakalaH | 2tathA tvannAmnAmachyuta ! nanu sahasraM madhuripo ! mithaH ki~nchotkarShe vigatavichikitsaM kalayati || 6\.36|| 1\. tulyAkhAdaviShayatvam | 2\. mAdhurye samatvaM cha bahatItyarthaH | murArAte! teShvapyahishayana ! nAmasvayi tava sphuTaM nAmAni dvAdasha varada ! mukhyAni bhagavan ! | athaiteShAM sa~NkIrtanadhR^itaraterbhAgyamahimA paraM 1pAraM vAchAM vrajati na hi kasyAtra viduShaH || 6\.37|| 1\. agocharam | api shrIgopIchandanatilakasandhAraNamaho bhavannAmAnye1tAnyanavaratamuchchArya kalayet | tathaivArchAyAM te dR^iDhaduritashAntyai nijahR^idi sphuradbhaktyunmeShaM sarasamupayu~njIta cha naraH || 6\.38|| 1\. dvAdasha | athaiteShvekaM dvAdashasu tava nAmasvayi pumAn japellabdhvAchAryAdiha niyamaniShThaH pratidinam | na sa~NkhyAnyUnatvaM murahara! kadApIha rachaye\- jjapannAdhikyena tvatha phalamavApnoti bahulam || 6\.39|| murAre ! yo martyo niyamamima1mAjanmamavanau dR^iDhaM dhatte bhaktyA bhavati karuNApUrajaladhau | sa vai pUjyo bhUtvA bhuvi divi manuShyairapi surai\- rapAraM prApnoti tribhuvanapate ! sharma niyatam || 6\.40|| 1\. janmanaH prabhR^iti anashcha (5\-4\-108) iti vadAmi shrIjAne! kimapi japamAlAtha manujai\- rvidheyA kaiH kairvastubhiriti cha sa~NkShipya sahasA | phalaM chAvApyaM tadvirachitajapenApi cha pR^ithag\- yathAshaktyadyAhaM tribhuvanajanastutyamahiman !|| 6\.41|| vidheyA sha~NkhairvA muramathana! raupyeNa cha puna\- stathA cha svarNenoragashayana ! bho nimbajaphalaiH | tathA padmAkShairvA maNibhirapi vA vidrumagaNaiH punarmuktAbhirvA varada! japamAlA hi manujaiH || 6\.42|| prakuryAdatrAShTottarashatamayI vA nanu pumAn japArthaM mAlAM te madhumathana! nAmnAmaghabhidAm | tadardhaM pAdaM vA punarahaha kurvanniha tato.a\- pyalaM nyUnAM vindatyajita ! na phalaM tajjapabhavam || 6\.43|| japannIshA~NgulyA vrajati phalamekaM punaraho japan rekhAbhirvai bhajati hi phalaM chAShTaguNitam | tathA.a.apnotIshAchChasphaTikamaNibhishchAyutamaho punarlakShaM muktAmaNibhirapi martyastvayi rataH || 6\.44|| tathA padmAkShairvai bhajati dashalakShaM punaraho phalaM koTiM hemnA varada ! rachitairIsha ! maNibhiH | anantaM vai bhu~Nkte phalamayi japannIsha ! tulasI\- maNivrAtairbhaktyA bhujagashayana ! tvatpriyatamaiH || 6\.45|| bhavadbhaktAgryatvaM prakaTayitumanyebhya iha vai janebhyo brUte chediha hi japasa~NkhyAM virachitAm | phalaM no vindetAchyuta ! nanu tato jAtuchidapi prakAshyA no kasmaichidapi japasa~NkhyAtra sudhiyA || 6\.46|| nR^iNAM bhuktiM muktiM vitarati bhavannAmapaTalI\- samAsvAdo nissaMshayamayi tathApyatra manujaH | akAmaM tvannAmAnyaghashamana ! sa~NkIrtya bhuvane phalaM bhu~Nkte.anantaM tava karuNayA kaiTabharipo !|| 6\.47|| murAre ! tvannAmasvapi cha bhuvane dvAdashasu tad\- varIyaH shrInArAyaNa iti hi nAmAghashamanam | japannetannityaM praNavanatiyuktaM nanu pumAn prasAdena shrImaMstava sukhamavApnotyanupamam || 6\.48|| ya itthaM bhaktyA tvayyakhilajagadIshe.anavarataM nayatyaddhA kAlaM varada ! tava nAmAni kalayan | yamaM vA tadbhR^ityAn pratibhayatarAkArasahitAn na pashyet svapne.api prashamitasamastAghanikaraH || 6\.49|| asadvR^itto nIchaH shaThamatiratIvAlasatama\- stathA kAmakrodhAkulitahR^idayo vAtra manujaH | lapannante nArAyaNa iti hi nAmAtishubhadaM nirastAdhivrAtaM vrajati nanu kaivalyamamalam || 6\.50|| abhUt kanyAkubje murahara! purAjAmila iti shruto vipraH ko.apyAgamanigamavit sAdhucharitaH | vahan bhaktiM pitroratha samadhikAM susthiramatiH svadharme nirdoShe pratidinamapi shrutyabhihite || 6\.51|| atha prApte shrIman ! vayasi tu vivAhArthamuchite savarNAM chAgarhyAM sa punarupayeme nanu satIm | tayA sAkaM chA1khaNDitamiha vitanvan suramahI\- surAgnInAM pUjAmanayadatha kAlaM kamapi saH || 6\.52|| 1\. vitananakriyAvisheShaNamidam | kadAchidyAto.asau vanamatha nideshAnnijapituH samAnetuM vipro nanu kushapalAshAdi sahasA | nivR^itto netrAbhyAmakalayadalajjAM tu kulaTAM tataH kA~nchinmUrtAmiva vipadamagre pathi nijAm || 6\.53|| madonmattA dhR^iShTA muhurapi padanyAsaviShaye chalantI chAvyaktaM kimapi nigadantI cha vachanam | hasantI sA chA1kAraNamahaha shUdreNa sahitA svatulyenopAntaM tvaritamiyamApAsya kulaTA || 6\.54|| 2\. akasmAt | vidhAtuM magnaM taM kaluShanirayAvartakuhare galAsajjatpAshAyitanijabhujAyugmalatayA | samAshliShTaH so.ayaM dvija iha tayA dhIramatira\- pyashakto.abhUt kAmAshugavivashatAM soDhumamitAm || 6\.55|| tato bhrashyattejAH sakalasuguNaishchAtha rahitaH svadharme vA niShThAvirahitamatiH pApavasatiH | satAM heyashchAsIdahaha sahasaivaiSha bhuvane na dussa~NgaH kaM kaM nayati vipadaM vA tanubhR^itam || 6\.56|| anAthau jIrNA~Ngau subahu jarayA hanta pitarau samutsR^ijyAkANDe sapadi dayitAM svAM cha yuvatim | mahApApiShThAyA ahaha kulaTAyA 1nivasane sa ninye kAlaM svaM satatamapi dauvArika iva || 6\.57|| 1\. gR^ihe | viyujyante yadvajjagati dhanahInasya shanakaiH sakAshAt puMso vai niyatamiha bhR^ityAshcha suhR^idaH | tathA viprAdasmAt kuTilakulaTAsa~NgamajuSho guNAH sarve yAtAH kramasha iha lopaM vidhivashAt || 6\.58|| atho dhyAyaMshchetasyanishamapi tAmeva kulaTAM viyogaM vai tasyAH kShaNamapi cha soDhuM hyakushalaH | haraMstasyai pitryaM sakalamapi pApo dhanamaho sa tAM nindyaH sarvaiH subahu ramayAmAsa kumatim || 6\.59|| pranaShTe vai pitrye nanu tadanu vitte.atha sakale sa nirasvatvaM j~nAtvA gamitamahahAtmAnamachirAt | punadyUtaishchauryAdibhiratitarAM garhitatamai\- rupAyaiH sampAdya draviNamatha tasyai bata dadau || 6\.60|| sa pashyaMstAmevAnudinamidamIyAM giramaho nishamyAtiprItaH shravaNaparuShAM hanta sudhiyAm | samastaM tatprItyai kimiha bahunA karma kalayan vR^ithA ninye kAlaM janimapi variShThAM nanu nijAm || 6\.61|| tatastasyAM putrAn dasha sa janayAmAsa kumati\- rdvijo.ayaM puMshchalyAM punarahaha teShvapyayi vibho ! | kaniShTho.abhUnnArAyaNa iti hi nAmnAtha dayitaH svapitroratyantaM prachurataradurmArgaratayoH || 6\.62|| hasantaM bAlaM taM satatamapi chAvyaktavachasA lapantaM jAnubhyAM kathamapi charantaM bhuvi punaH | patantaM saMvIkShya drutagatiShu khelantamajire kiyantaM na prAptaH pramadamiha mohAkulamatiH || 6\.63|| atho lIlAsaktaM tamahaha nirIkShyAtimudito mumochAshrUNyuchchaiH saha dayitayA nishchalatanuH | aho santyajyaiva prachurabhavasantApashamanIM smR^itiM te yogIndrairapi madhuripo! vA~nChitatarAm || 6\.64|| apashyan vAlaM taM kShaNamapi viShaNNo.atha nitarAM sa pashyan bhUyo.api pramuditamanAH sAshrunayanaH | pradhAvante dUre svayamanudadhAvAtijaraTho\- .apyupAdAyotsa~Nge tamahaha, nidhAtuM jaDamatiH || 6\.65|| luThan sArdhaM tenaiva hi sa khalu pa~NkAvilatame mahIdeshe vibhrat tamiha galadeshe.api cha muhuH | manAgruShTenAnena hi rachitasantADanamukhe\- ShvathAgassu prAptaH kimapi na hi roShaM sa 1dashamI || 6\.66|| 1\. vR^iddhaH | na bhu~Nkte mUDhAtmA shishumamumasambhojya kuhachi\- nna pAnIyaM ki~nchit pibati sa tu tasmai tadadishan | aho svapne.api tvatsmR^itimayamahAbhAgyarahitaH sa vR^iddhaH pApairapyahaha vayasevAbhavadiha || 6\.67|| athaivaM vai sUnoH kuTilakulaTAgarbhajanuShaH samAsakto.asau lAlanabharaNakR^ityeShu satatam | batAShTAshItyabdapragaNitavayasko.api jaDadhI\- rna 1vedAsannaM smAntakamahaha mohAkulamatiH || 6\.68|| 1\. veda smeti yojyam | apashyat samprApte hahaha mR^itikAle paravashaH sughorAn vakrAsyAn jvaladanalatulyAkShiyugalAn | yamapreShyAMstu trIn bhujakalitapAshAn svamiha vai samAnetuM prAptAna bhR^ishamakaruNAneSha savidhe || 6\.69|| sa bhIto dR^iShTvA tAn sarabhasamupAnte nanu javAt 1samAyAto baddhuM svamiha bata pAshena sudR^iDham | vidUre krIDantaM pR^ithukamatidInaH khalu samA\- juhAvAho nArAyaNamayamathochchairvivashadhIH || 6\.70|| 1\. AgachChataH | nishamyAho dehaM svakamavashamaddhA visR^ijata\- shchyutaM vaktrAnnAmAchyuta ! tava tu pIyUShasadR^isham | samAjagmurvegAdbhavadanucharAH pItavasanA ghanAbhAshchatvAro daravararathA~NgAnvitabhujAH || 6\.71|| vikarShantashchainaM sudR^iDhamiha pAshena sahasA nibadhyAho dInaM nirurudhuramI tAn yamabhaTAn | niruddhAste sadyo vidhutavichikitsaM giramimAM samAchakhyurdUtAn prati tava bhR^ishaM vismitadhiyaH || 6\.72|| niSheddhAraH ke vA rahitabhayamAj~nAM trigajati prabhorbhAsvatsUnoH suniyatamadhR^iShyAmahaha naH | kuto vApyAyAtAH punariha kimarthaM subahu 1no nirodhaM nishsha~NkaM kurutha vadata kShipramadhunA || 6\.73|| 1\. hadaM prabhorityanenAnveti | yuvAnaH ke yUyaM sajalajaladAnIlaruchaya\- stvamI sarve rAjattaTidupamapItAmbaradharAH | chaturbAhArAjaddaravararathA~NkAmbujagadA lasanmuktAhArAH smitasulalitAsyA vadata naH || 6\.74|| iti proktA dUtAstava tu yamadUtaiH paramamUn prahasyedaM vAchA jagaduratigambhIratarayA | iha prAptA yUyaM yadi bhavatha vaivasvatabhaTAH svarUpaM dharmasyApyatha taditarasyeha gadata || 6\.75|| kathaM dhAryo daNDo bhavati nanu daNDyeShvatha nare\- ShvihA1sthAnaM kiM vA samuchitamihA2syA~Nga ! bhuvane | naro daNDyaH kR^itvA kimiha jagati syAditi cha te bhavaddUtaiH pR^iShTA jagaduralametAmayi giram || 6\.76|| 1\. aviShayaH | 2\. daNDasya | shrutiprokto dharmaH suniyatamadharmastaditaraH shrutiH sAkShAnnArAyaNa iti vayaM sAdhu shR^iNumaH | tapo vedA yaj~nAH punariha hi dharmashcha vibudhA\- stataH sambhUtA ityabhidadhurR^iShIndrAH sudhiShaNAH || 6\.77|| ravirvahnirgAvo marudapi nabhaH somadivasau dishaH kAlaH sandhyA svayamapi cha dharmastviti param | matAstvete vai sAkShiNa iti hi dharmasya bhuvane guhAyAM nyastasyeva hi subahu gUDhasya munibhiH || 6\.78|| adharmo vij~nAto jagati para1metairnanu bhava\- tyapi sthAnaM daNDasya cha samuchitaM nItinipuNaiH | naraH pApaM yo yAdR^ishamiha vidhatte sa tu punaH paratrAtho daNDaM sapadi labhate tAdR^ishamaho || 6\.79|| 1\. etaiH ravivahnyAdibhirnimittabhUtairityarthaH\rdq{}etairadharmo vij~nAtaH sthAnaM daNDasya yujyate | iti bhAgavatam | ayaM vipraH pUrvaM kvachana divase tAtavachanAd\- vanaM yAtaH pashyannahaha kulaTAM kAmapi tadA | smarArtaH svaM dharmaM sakalamapi santyajya vidadhe yataH pApmAnaM taM 1tadajita ! nayAmo nu narakam || 6\.80|| 1\. tasmAt | iti shrutvA vAchaM sapadi yamadUtairnigaditA\- mamUn pratyUchuste bhavadanucharA nItinipuNAH | vachobhirvai garbhIkR^itasakalashAstrairmR^idubhira\- pyaho gambhIrArthairamalataradharmaikanirataiH || 6\.81|| adharmo hA kaShTaM vishati nanu dharmaikamanasAM sabhAM vaH 1shAstR^INAM sakalajagatAM nirbhayatarAm | adaNDyeShvaMhobhirbhuvi virahiteShvapyatha nare\- ShvalaM daNDo yadvai dhriyata iha niShkAraNamaho || 6\.82|| 1\. shAsitR^INAm |iDabhAva AgamashAsanAnityatvAt | prajAnAM shAstAro bhuvi sakalabhUteShu cha samAH paraM nyAyye mArge nihitamatayaH sAdhucharitAH | yadA vaiShamyaM tAsvahaha rachayanti hyasharaNA\- stadA tAH kaM loke sharaNamupagachChantu kR^ipaNAH || 6\.83|| 1jagatyatra shreyAn rachayati pumAn yadyaditara\- stadevAho vA~nChatyanishamavichAryaiva niyatam | pramANaM yadvAsau kalayati tadeveha manujAH samastA nishsha~NkaM paramanusarantyAshu vidhivat || 6\.84|| 1\. \rdq{}yadyadAcharati shreShThastattadevetaro janaH | sa yat pramANaM kurute lokastadanuvartate ||\rdq{}iti bhagavadgItA | yada~Nke vinyasya svashira iha loko.ayamakuto\- bhayaM nidrAtyaddhA satatamapi visrabdhamuchite | svayaM dharmAdharmau pashuvadavijAnan kathamamuM sa vai drogdhuM chArhatyakaruNamathAtmaikasharaNam || 6\.85|| kR^itA vishvotkR^iShTA niyatamamunA niShkR^itiraho kR^itAnAM pApAnAmapi paramanantAsu janiShu | yaduchchairvyAjahre paramavivasho 1nAma jagatI\- pateH padmAbharturjagati sakalAghaughashamanam || 6\.86|| 1\. ajAmilena | jagAdAsau1 vegAdasuvigamakAle vivashadhI\- shchaturvarNaM 2nArAyaNamayamabudhyApi cha yadA | tadAnIM jAtA niShkR^itirapi nijAnAM sumahatA\- maghAnAM sarveShAM rahitavishayaM he yamabhaTAH !|| 6\.87|| 1\. nArAyaNeti | 2\. asya visheShyamanuvartanIya nAma iti | suvarNasteno vApyahaha gurudAreShu cha rata\- stathA mitradrohI pitR^inR^ipavadhUhiMsanaparaH | tathAnye vai pApA jagati nanu sarve.apyaghakulAd\- bhaveyurmuktAH shrIramaNashubhanAmagrahaNataH || 6\.88|| tathA no pUtaH syAnnara iha tapobhivratashataiH paraM tIrthasnAnAdibhirapi samastAghashamanaiH | yathA padmAbharturmadhurataranAmagrahaNata\- 1stadIyAnAM sevAdibhirapi bhavet pAvitatamaH || 6\.89|| 1\. padmAbhartR^ibhaktAnAmityarthaH | trilokaikArdhAshe nirupamakR^ipAbhArajaladhau harau bhaktyA hInena tu virachitAnyatra bhuvane | phalaprAptyai karmANyahaha na bhavantyeva hi marau yathA bIjAvApaH kumatiShu cha vidyAvitaraNam || 6\.90|| paraM sadbhirnindyo.apyalamatidurAchAranilayo\- .apyaho daNDyo.apyasmin jagati nanu martyaH sakR^idapi | prabhorlakShmIbhartuH kathayati hi nAmaikamapi ya\- dyasau shikShAM nArhatyahaha na hi sandehakANakA || 6\.91|| atashchainaM mA mA nayata narakaM hanta rAchatA\- khilAMhonirveshaM1 suniyatamadaNDArhamadhunA | punaH sandehashchedvachasi khalu naH svaM patimaho yamaM tattvaM dharmasya tu sugahanaM pR^ichChata bhaTAH !|| 6\.92|| 1\. nirvesha iha niShkR^itiH | iti shrutvA vANIM bhavadanucharANAM yamabhaTA yayuH praShTuM dharmaM paramamatha vaivasvatamamI | vimuchyainaM pAshAdahaha purupIDAvahatamAd\- dvijaM sadyo yAmyAt paramavivashaM bhUrijaraDham || 6\.93|| 1guNAnmukto.apyaddhA nanu sakaladoShaivarahito (Taipo) dvijastAvat taM bhAgavatamiha dharmaM nirupamam | nishamyodyadbhaktistvayi paramakAruNyanilaye vavande te dUtAn svabhayahR^itihetUn sa shirasA || 6\.94|| 1\. viShNubhaktyAdiguNarahito.api | vivakShaM j~nAtvA taM dvijamiha tadA svAn prati javAt tirodhAnaM chakrurmurahara! bhavatpArShadavarAH | tataH svIyaM pApaM sakalamapi sa~nchintya sahasA mahAntaM nirvedaM sa samupajagAmaivamalaghum || 6\.15|| aho kaShTaM vR^iddhau subahu pitarau chAtha dayitA\- manAthAM santyajya svayamiha sunIchAM tu kulaTAm | samAshrityAdharme niratahR^idayo.asau nanu jano dhruvaM yAsyatyaddhA nanu narakamatyantakaluSham || 6\.96|| vyakarShan ye badhvA subahu vivashaM mAM rashanayA ghR^iNAvarjaM yAtAH kva bata bhR^ishabhImAkR^itijuShaH | vimuktaM mAM tebhyo vyadadhuriha ye te.api cha gatAH kva vA svapno vAsau kimiti paramaM vismayamagAt || 6\.97|| bhR^ishaM pApiShThasyApyahaha mama vaktrAdvigalitaM murAreryannAma prachurabhavasantApashamanam | tato bandhaM mokShye sudR^iDhamiti nishchitya manasA yayau 1ga~NgAdvAraM sapadi sa munIndraiH parivR^itam || 6\.98|| 1\. haridvAram | sthito devAgAre kuhachidiha saMvakShya sa tu tAn bhavaddUtAn natvA svavapuradhiga~NgaM cha visR^ijan | avApto vaikuNThaM jhaTiti sa vimAnena tu yamo bhavadbhaktyudrekAddR^iDhamatha rurodhAhaha nijAn || 6\.99|| asadvR^itto viprastvayama1ghabhR^ito.ajAmila iha prayAtaH sAyujyaM dR^iDhamahaha yatkIrtanavashAt | tathAbhUtAnAM te phaNishayana ! nAmnAmavirataM samAsvAde kAryA matirakhilalokaiH sakutukam || 6\.100|| 1\. pApabharitaH | iti svAtishrIrAmavarmava~nchimahArAjavirachitAyAM bhaktima~njaryAM ShaShTashatakam | \section{atha saptamashatakam |} ambhojanAbha! kathayAmyatha tAM tR^itIyAM bhaktiM hatAkhilamalAM smaraNAtmikAM te | shaure ! vidhehi sahasA kR^ipayA tadarthaM vANIM mamesha! nitarAM chaturAmidAnIm || 7\.1|| puMsAM sakR^it smaraNamAtrakR^itAmaghaughaM sadyo yato harasi tena budhairajasram | sa~NkIrtyase hariritIsha! tathAvidhasya kaM vA smR^itirna bhavataH kurute kR^itArtham || 7\.2|| kiM vA smR^itairbahubhirachyuta ! bandhahetu\- bhUtaiH phalaM vrajati vastubhiratra dehI | yaM saMsmaran na patatIsha ! punarbhavAbdhau tasya smR^itiH kila tavaiva sadA vidheyA || 7\.3|| nUnaM manashchapalameva nR^iNAM kShaNArdha\- mapye1kataH sthirayituM sutarAmashakyam | yadyapyananta ! bhavadIyaniShevayAthA\- pyabhyAsatastadidamAshu vashaM nayeta || 7\.4|| 1\. ekatra | naisargike varada ! satyapi mAnavAnA\- mambhoruhAkSha ! manasaH sphuTamasthiratve | yadyat prabho ! priyatamaM khalu tatra tatra cheto vishiShya ramate svayameva nUnam || 7\.5|| tasmAnnaraH priyatamaM khalu vastu yadyat tattadbhavatparamaho satataM vidadhyAt | tenAkhilesha! labhate smaraNaM taveha yatnaM vinaiva jagatIha vidhUtasha~Nkam || 7\.6|| gIte yadIha ramate hR^idayaM manoj~ne tantrIninAdasukhadAyini tarhi martyaH | gIteShu tAvakacharitrarasojjvaleShu yu~njIta mAnasamajasramanantashAyin !|| 7\.7|| yadyambujAkSha ! ramate hR^idayaM kathAsu ramyAsu tarhi manujaH satataM prabho ! te | nAnAvatAraguNakIrtanasambhR^itAsu saktaM manaH khalu kathAsu sadA vidadhyAt || 7\.8|| Alekhyakarmasu tathaiva sakautukaM chet chetohareShu hR^idayaM manujastadAsau | netrotsavAn madhuripo! tava mUrtibhedA\- nAlikhya tatra viniyojya manaH prahR^iShyet || 7\.9|| cheto jagatrayapate ! pratimAsu chitrA\- svAmodabhAg yadi tadA pratimAstvadIyAH | kR^itvA suvarNamaNibhUShaNabhAsamAnA yu~njIta tatra hR^idayaM karuNaikasindho!|| 7\.10|| etAdR^ishAdmuraripo! manujaH susAdhA\- 1dabhyAsataH smR^itimavApya vibho ! tvadIyAm | loke bhavet sakalapApakulAdvimukto yatnaM vinaiva dhutasaMshayaleshamatra || 7\.11|| 1\. abhyAsAt | kAryA na chaiva bhuvanesha ! vichAraNAtra smR^itvA yathAruchi bhavantamanantashAyin ! | pApAt kathaM bhavati mukta itIha yat tvaM svasmartura~Nga ! shubhado.asi hi sarvathApi || 7\.12|| loke smaranti sudhiyo hi bhavantamIshaM j~nAtvA svarUpamamalaM tava vedavedyam | smartuM 1tathA kathamamI prabhavanti bhUman ! lakShmIpate! jaDadhiyo nanu 2mAdR^isho.api || 7\.13|| 1\. yathA sudhiyaH 2\. madvidhA api | tasmAnnijAM samanusR^itya manaHpravR^ittiM tvAmambujAkSha ! satataM smaratAM janAnAm | tulyaM prasIdasi kiletyayi boddhumasti kAruNyabhArajaladhe! bahu naH pramANam || 7\.14|| gopyastvanAratamihAmburuhAkSha ! vAkyai\- rvedyaM hya1kR^itrimagirAM parachitsvarUpam | tvAM jAra ityakhilanAtha ! hR^idabjamadhye smR^itvA yayuH paramahaMsagatiM kShaNena || 7\.15|| 1\. vedAnAm | dhanyau hi deva1kasutAnakadundubhI tau tvAM putravatsalatayA hR^idi bhAvayitvA | samprApatuH kila paraM tava dhAma nityaM sammodasAndramamalaM vinivR^ittihInam || 7\.16|| 1\. devakIvasudevau | gopAstathA jalajanAbha ! vayasyabhAva\- mAlambya sAdhu satataM hR^idaye nidhAya | tvAM prApuramburuhanetra ! bhavAmburAsheH pAraM paraM bhuvananAtha ! vinA shrameNa || 7\.17|| chaidyAdayaH sakalagarhyatamAH sumUDhAH smR^itvAkhilesha ! ripubhAvanayA bhavantaM nityaM charAcharajagannivahaikabandhuM muktA babhUvurachirAt kimito.api chitram || 7\.18|| bhItyA cha bhojanR^ipatiH prapibaMshcha khAdan gachChan svapannatha lapan hR^idaye.anuchintya | tyAmeva santatamagAdbhuvanaikabandho ! sAyujyamAshu tava khalvasurAMshajo.api || 7\.19|| tasmAdvibho ! kathamapIha bhavantameva yo vai naraH smarati mAdhava! sarvadApi | so.ayaM vimukta iha pApakulAdasheShAt tvAmApnuyAdvihagavAhana ! nirvisha~Nkam || 7\.20|| rAgeNa vatsalatayApi cha sauhR^idena dveSheNa hanta bhayabhAvanayA smR^ito.api | yastvaM prasIdasi nR^iNAM sa kathaM na bhUyA\- stuShTo.anishaM kalayatAM hR^idi pUrNabhaktyA || 7\.21|| tasmAnnaro jagati durjayabhImabhIma\- ShaDvairirUpa1pR^ithusattvasamAkulaM tam | shaure ! titIrShurakhilesha! bhavAmburAshiM nityaM bhavatsmaraNameva hi shIlayeta || 7\.22|| 1\. pR^ithusattvetyasya nakrAdiprANItyarthaH | vishvaikanAtha ! kathayAmyadhunAhamatra tvad.hdhyAnayogamaravindadalAyatAkSha! | sarvAghajAtashamanaikanidAnabhUtaM bhaktaikagamya ! kR^ipayA hi tavaiva bhUman !|| 7\.23|| mitre ripau varada ! pApiShu puNyavatsu svIye pare cha samabuddhiralaM prashAntaH | tulyAshmaloShTakanakashcha sarojanAbha ! dhyAnechChurachyuta! bhavet tava sarvadApi || 7\.24|| sarvatra nispR^ihamatishcha viviktadesha\- sevI yatAtmahR^idayastvaparigrahashcha | bhUtvAsanaM dR^iDhataraM parikalpayechcha deshe shuchau na khalu tu~Ngamaho na nIcham || 7\.25|| kR^itvAmbareNa bhagavannathavAjinena yadvA kushairvimalamAsanamatra ti1ShThan | prekShyAtmano.atha sahasA khalu nAsikAgraM maunI jitendriyagaNashcha disho na2pashyan || 7\.26|| 1\. AsAna ityarthaH 2\. na~narthakanashabdasamAsaH sandhArayannapi cha varShma shirashcha kaNThaM svaM sthANuvat sthirataraM cha samaM nikAmam | bhR^itvAnishaM nanu mitAshananidra Isha ! dhyAyedbhavantamaravindadalAkShamevam || 7\.27|| 1padmAsanastha iha mAdhava! mAnavo.asau kR^itvo2nmukhaM vidhunibhaM praNavena sadyaH | hR^itpadmamachyuta! tato.anu vikAsayet taM tvad.hdhyAnalipsurajita ! triguNairmurAre !|| 7\.28|| 1\. Urvorupari vinyasya samyak pAdatale ubhe | a~NguShThau cha nibadhnIyAddhastAbhyAM vyutkramAt tataH || padmAsanamidaM proktam\rdq{} iti tantrasAraH | 2\. Urdhvamukham | tasyopari dyumaNisoma1shuchIn krameNa smR^itvA tatastaduparIha kalAyabhAsam | sha~NkhAripa~NkajagadA~nchitapANipadmaM shrIvatsakaustubhadhara~ncha vichintayet tvAm || 7\.29|| 1\. shuchiragniH | yattvavyayaM varada ! dhAma tavAtidivyaM shAntaM prashAntamatibhirmunibhirniShevyam | smR^itvA pumAn prathamametadadhokShajAtha dhyAyedihe1shvara! bhavantamachintyashaktim || 7\.30|| 1\. dhAmni | lakShmIpate! jagati yAnti mahAnubhAvAH santo yadachyuta ! paraM tava dhAma nityam | sarvottamaM jayati tadvinivR^ittihInaM vaikuNThasa.nj~nitamanantasukhaikasAndram || 7\.31|| bhaktottamA vidhutamatsararAgavairA yasminnanAratamaho nivasanti puNyAH | tat tAdR^ishaM tava padaM tu vikuNThasa.nj~naM chetasyaho na janayenmudamIsha ! kasya || 7\.32|| bhAtyetadIsha ! vividhairnayanAbhirAmai\- rjuShTaM punarjanapadairatha hR^iShTapuShTaiH | yatrAmbujAkSha ! vasatAM sadanAni vIkShya lajjAM vahatyapi purI tridashAdhibhartuH || 7\.33|| rathyApaNAlyajiraniShkuTaveshmavartta1\- nyudyAnagoShThahayasindhuradhAnyashAlAH | yatrAnishaM mukharitAH shravaNAbhirAmai\- stvatkIrtanairmuraripo! vilasantyabhIkShNam || 7\.34|| 1\. varttanI ekapadI | prAkArapa~Nktirabhito.asya vikuNThaloka\- syochchairlasatyajita ! ratnamayI vichitrA | rUpaM svamIkShitumananta ! diga~NganAnAM kuDyArpiteva navadarpaNachArupa~NktiH || 7\.35|| shobhAnuSha~Ngavashato bhuvanesha! tasyA ratnAchalena samatAmiha haimamadrim | prAptaM nirIkShya mihiraH kva nu meruratre\- tyevaM sasha~NkahR^idayo bhavatIti manye || 7\.36|| ki~ncha bhraman 1sa paritaH khalu 2hATakAdriM nAnAmaNivrajalasaddyutichitrarUpam | j~nAtuM paTurna bhavati svamapIha varNaM nairmalyabhAji nanu tatra nirIkShitAtmA || 7\.37|| 1\. mihiraH | 2\. \rdq{}abhitaH parita\rdq{} iti dvitIyA | ekatra pashyati nijAM tanumeva gaurI\- manyatra pATalatamAM kvachidIsha! kR^iShNAm | eko yathA jagati tAvadupAdhibhedai\- rnAnAtvamApta iva bhAti kilAyamAtmA || 7\.38|| mANikyavAsavadR^iShannavahIrasAndrAt prAkAratastata iha prasR^itA marIchiH | ga~NgAM kalindatanayAM cha sarasvatIM cha jetuM vibhAti yugapadvihitodyameva || 7\.39|| lakShmIpate! valayite nanu tAdR^ishena prAkAramaNDalavareNa vikuNThadhAmni | rAjanti bhAsuravimAnavarANi bhaktai\- radhyAsitAni tava dhanyatamainikAmam || 7\.40|| bhAsA tathonnatatayA cha mitho nitAnta\- mutkarShamachyuta! vahatsvatha teShu bhUman ! | svairaM dinAni kamalAkSha ! sadA nayanto modaM kamapyanubhavanti hi tAvakInAH || 7\.41|| ki~nchAtivelamanishaM bhavadIyagAthA\- nAmAmR^itairmukharitAnanapa~NkajAste | tvatkIrtimmachyuta ! mithaH parikIrtayantaH pUtaM prabho ! vidadhate jagadantarAlam || 7\.42|| rAjatsuvarNanavaratnamayA vichitrA harmyA nijonnatatayA girirAjatulyAH | AbhAnti tatra bhuvanesha! dhaneshagarva\- sarva~NkaShAM varada ! sampadamAvahantaH || 7\.43|| Api~njareShu maNibhirnanu pa~njarepu sa~njAtamodamanishaM shukashArikAshcha | svairaM vasanti bhagavan ! bhavadIyanAmA\- nyuchchaistarAM shrutisukhAni samudgR^iNantyaH || 7\.44|| shrotradvayAdhikasukhapradavAdyayukta\- tauryatrikeNa bhagavan ! muditA nitAntam | bhAvatkadivyacharitAmR^itasambhR^itena svairaM nayanti nanu tatra dinAni santaH || 7\.45|| nAnAmaNivrajamayeShvayi deva ! teShu saudheShu hanta vicharannatha ko na sadyaH | sarvatra vIkShya pR^ithagAtmana eva dehaM bAhulyamIsha! manute vapuSho nijasya || 7\.46|| dhArAgR^ihebhya iha tAsvayi saudharAji\- ShvaddhA nipatya sahasA sphuTitAmbudhArA | tatratyahIramayakuDyarucho.anuSha~NgAt tArAtateranukaroti marIchiveNIm || 7\.47|| udyAnabhUmiShu cha tatra mahIruhaughA yat te vahanti kusumodgamamapyakAle | naitadvichitramakhileshvara! 1mAdhave tva\- yyashrAntamachyuta! lasatyAya sheShashAyin !|| 7\.48|| 1\. viShNau vasantamAse cha | jyotsnAnvitAsu rajanIShu nijaM sharIraM saMvIkShya ratnamayakuDyataleShu tatra | AsAditA svadayiteti nishIthakAle\- .apyaddhA bhrameNa parituShyati chakravAkaH || 7\.49|| samphullasArasasamUhalasatparAga\- saMvAsitaH sakalatApaharAmbupUrNaH | vApItaTAkanikarashcha saroruhAkSha ! cheto na kasya shishirIkurute nu tatra || 7\.50|| madhye tu tasya bhagavan ! nagarI vibhAti sAdhyeti kApi paramasya vikuNThadhAmnaH | bhrAjiShNubhUrimaNitallajahemarUpA prAkAratoraNavR^itA nayanAbhirAmA || 7\.51|| sA nAma dikShu chatasR^iShvatulairvishAlai\- rdvAraishchatubhirakhilesha! lasatyatIva | atyunnataiH suruchirairmaNigopuraishcha gehaistathA parivR^itA khalu bhaktajuShTaiH || 7\.52|| paryantabhAsivalabhinmaNimechakAbha\- sAmodadivyatulasIvananirjihAnaH | santApahR^innanu jagattritayasya puryAM tasyAM tu kaiTabharipo ! mR^idu vAti vAyuH || 7\.53|| bhUman ! bhavatpraNayabhAjanabhUtatAdR^ig\- vishvAbhirAmatulasImakarandalobhAt | govinda ! hanta viharanta iha dvirephA vindanti saukhyamadhiyo.apyatha yogibhogyam || 7\.54|| pIyUShadIdhitisitachChavigarvabhAra\- sarva~NkaShasphaTikatallajanirmitAbhiH | sopAnapAlibhiratIva samullasantyo vApyashcha tatra vilasanti manoj~natoyAH || 7\.55|| 1pa~NkachChidApaTutayA 2sasambhR^itatvAt 3tApotkaraprashamanaikapaTutvatashcha | lakShmIpate! parama4haMsaniShevitatvAd\- vApyastu tAstava kathA iva bhAnti nityam || 7\.56|| 1\. pa~NkashabdaH kardamapApayoH 2\. rasashabdo jalAnandayoH | 3\. tApashabdaH sUryoShmasaMsArakleshayoH 4\. haMsashabdaH marAlayoginoH | chaNDAdibhirbhuvananAyaka! rakShiteyaM dvAreShu chakradhara ! sannihitaishchaturShu | sAdhyA nagaryavAhataiH shitahetihastai\- divyasvarUpasahitaiH paramaShTasa~NkhyaiH || 7\.57|| chaNDAhvayo nanu ramesha ! tathA prachaNDaH prAgdvAri yAmya iha bhadrasubhadrakau cha | tadvajjayo.atha vijayo.api cha pashchime tu saumye sthitAvAjita ! 1dhAtR^iyuto vidhAtA || 7\.58|| 1\. dhAtA vidhAtA chetyarthaH | ki~nchAkhilesha ! kumudo.apyatha puNDarIkaH shaure! tathaiva kumudAkShakasha~NkukarNau | tadvachcha vAmanasamAhvayasarvanetrau puryAM sthitAvatha tathA sumukhAhvayashcha || 7\.59|| proktA ime varada! dikpatayaH purasya tasyAsya kaiTabhaniShUdana ! nistulasya | rakShanti te satatamIsha! puraM tadeta\- dakShINanityavibhavaikaniketabhUtam || 7\.60|| tasyAtha madhyabhuvi bhAti samastaloka\- netradvayAnupamakautukadAyi divyam | antaHpuraM tava vibho ! navaratnabhAsi\- prAkAratoraNayutaM bhuvanaikaramyam || 7\.61|| prAkArapa~NktibhiratIva samuchChritaishcha tadvadvimAnanivahairhR^idayAbhirAmaiH | juShTaM vibhAti tadidaM 1bhavadIyabhaktai\- radhyAsitairbhuvananAyaka! dhanyadhanyaiH || 7\.62|| 1\. adhyAsanakriyApekShayA kartari tR^itIyA | madhye tu tasya vilasa1tyatidivyarAja\- sthAnaM sutu~Ngamayi maNDapamambujAkSha ! | bAlArkakoTisuShamojjvalapadmarAga\- stambhottamaiH shatasahasramitaiH sametam || 7\.63|| 1\. atidivyaM bhR^ishaprashastaM rAjasthAnaM rAjAsanaM yasmiMstat | divyasragambaravibhUShitanAkanArI\- yuktairasheShadivijaishcha niShevyamANam | yuktaM cha muktanivahairatha bhAti sAma\- gAnopashobhitamidaM madhukaiTabhArai!|| 7\.64|| tasyApi madhyabhuvi bhAti ramesha ! divyaM siMhAsanaM sakalavedamayaM tvadIyam | dharmAdidaivatagaNairvidhR^itaM tadIya\- pAdatvamIsha! gamitairbhuvanaikabandho!|| 7\.65|| j~nAnaM cha dharma iha deva ! tathA virakti\- raishvaryamityabhihitAH khalu devatAstAH1| sArdhaM vahanti nanu vedachatuShTayena siMhAsanaM sarasijAkSha ! paraM tadetat || 7\.66|| 1\. siMhAsanapAdatvApannAH | AdhArashaktirakhilesha ! tathaiva shakti\- shchichChaktirachyuta! tathaiva sadAshivAkhyA | ityambujAkSha ! kathitAH! khalu shaktayo vai dharmAdidaivatagaNasya paraM murAre!|| 7\.67|| madhye cha tasya nivasanti rathA~NgapANe ! siMhAsanasya ravivahnisudhAmayUkhAH | kUrmastathA phaNiviha~NgapatI cha vedAH pIThatvamIsha! gamitAshcha samastamantrAH || 7\.68|| sarvAkSharAkalitamIsha! vadanti santo yadyogapIThamiti mAdhava! divyadivyam | tanmadhyato.aShTadalamIsha! vibhAti padma\- mudyatsahasrakiraNachChavi kaiTabhAre !|| 7\.69|| etAdR^ishaM madhuripo ! tava dhAma shAntaM dhyAtvA naraH prathamamachyuta ! yogisevyam | pashchAchcha tatkamalamadhyagakarNikAyAM bhAntaM smaredyatamatishcha bhavantamIsham || 7\.70|| no jAyate bhuvi nR^iNAM manasaH pravR^itti\- rvastunyasaMshayamadR^iShTachare parokShe | dhyAtuM tatastvasukaraM tadidaM vikuNTha\- dhAmeti kechana vadeyurasheShabandho!|| 7\.71|| shrotratvagIkShaNamukhaiH karaNaistu yadya\- dyairyaiH prabho ! samuchitaM nanu bhoktumatra | taistaistu tAnyananubhUya tadIyatattvaM no vetti cheti vachanaM khalu satyameva || 7\.72|| loke sitAsita harinmukhavarNabhedaM jAnAti naiva bahudhA nanu bodhito.api | vAkyaiH savistaratarairayi daityavairi\- nnAjanmanetravikalo manujo hi nUnam || 7\.73|| tadvachcha karNavikalo.atra naraH kathaM vA tantrIninAdarasamishritagAnasaukhyam | jAnAti hanta bhuvanesha! kavIshvarANAM vaktrAbjanirgalitasatkavitArasaM vA || 7\.74|| martyo jagatyatidaridratamaH katha~nchit bhikShATanArjitakadannabhR^itAtmakukShiH | boddhuM prabho ! kathAmihArhati hanta saukhyaM vitteshabhogyamatulaM bhujagendrashAyin !|| 7\.75|| vandhyA vadhUrbhuvananAtha! kathaM nu vetti pIDAM prasUtisamaye kila jAyamAnAm | tadvajjaDaH kathamavaiti parishramaM taM vidyA.a.aptibaddhamanasA tvanubhUyamAnam || 7\.76|| tasmAdadR^iShTacharamIsha ! tathA parokShaM taddhAma divyamakhilesha! vikuNThasa.nj~nam | dhyAtuM janairna khalu shakyamiti tridhAman ! vArttA cha naiva sudhiyA puruSheNa heyA || 7\.77|| tat pa~NkajAkSha ! sakalaiH shramaleshavarjaM dhyAtuM vibho ! varada! dhAma taveha loke | kAruNyavArinidhinA bhavataiva so.ayaM lakShmIpate! virachitaH sukaro.astyu1pAyaH || 7\.78|| 1\. upAyashcha vaikuNThatulyasyAnandUrapurasR^iShTirUpa uttara shloke spaShTaH | bhAgyaM jagatyayi satAmiva pu~njabhUtaM yat te paraM priyatamaM cha vikuNThatulyam | taddhAma shAshvatamihA1shramataH smaret syA\- nandUrasa.nj~namanishaM puruSho murAre!|| 7\.79|| 1\. ashrameNa | dhyAtvA purA puramidaM kamalAkSha ! pashchAt tatratyamandiragate nanu pAvanAkhye | ramye vimAnavarasImni sadA shayAnaM tvAM bhAvayediha pumAn bhujagendratalpe || 7\.80|| Adau sahasrakiraNAyutadivyakAnti\- sandohajiShNumaNimaNDalamaNDitena | bhAntaM jagattrayaguro! makuTena tat te dhyAyeta sunishchalamatiH paramuttamA~Ngam || 7\.81|| pashchAdramesha! tulasIvakulAmbujAta\- mandArakundasumanomayamAlikAsu | lobhachChalena makarandaniShevaNasya dhyAye1nnataM madhukaraistava keshapAsham || 7\.82|| 1\. guNataH parAjayAnnamaskAreNa sambhAvitamiti tAtparyam | bhUyaH smaredajita ! shAradapUrNachandra\- bimbachChaviprakaTagarvaharaM manoj~nam | sAphalyadAyi jagatAmiha netrasR^iShTe\- rlakShmIpate! tava vibho ! vadanAravindam || 7\.83|| atyantamechakatarAlakasaMvR^itaM te dhyAyet tataH shishushashA~NkasamAnashobham | astokasaurabhatatAkhiladigvitAna\- kastUrikAtilakitaM nanu bhAladesham || 7\.84|| asmAdR^isheShvalamananyaparAyaNeShu nityaM pradarshitakR^ipAmayavArirAsheH | kallolarUpamanishaM yatadhIH smaret te chillIyugaM tadanu nAtha! rathA~NgapANe !|| 7\.85|| samphullasArasadalachChavi netrayugmaM shaure ! dvivarNamapi dR^ishyataratrivarNam | AkarNadIrghamakhilesha ! tataH smaret te bhaktArtibha~njanakaTAkShasudhArasArdram || 7\.86|| dhyAyet tatashcha manasA madhukaiTabhAre ! tAM nAsikAM tava vibho ! jagadAdhihantuH | rAjattilaprasavatallajagarvabhAra\- sarva~NkaShAnupamitadyutilobhanIyAm || 7\.87|| rAgaM samastajagatAmapi vidyamAna\- mAtmanyatho bahirapi prakaTaM vidhAtum | udyogavAniva ya Isha ! barIbharIti rAgaM tamachyuta ! tatastvadharaM smaret te || 7\.88|| lakShmIpate! daravikAsavirAjamAna\- kundAvadAtaravR^indaruchA sanAtham | mandasmitaM tribhuvanaikavimohanaM te dhyAyet tataH sarasijAkSha! kR^ipAtisAndram || 7\.89|| dhyAyet tataH shravaNayugmalasanmanoj~na\- ratnaughayu~NmakarakuNDalakAntiveNyAH | saMshIlanAddviguNitAnupameyashobhaM gaNDadvayaM tava vibho ! maNidarpaNAbham || 7\.90|| AruDhapUrvadharaNIdharavAsaresha\- koTiprabhAnilayakaustubharatnabhAsA | sa~njAtapATalaruchaM tadanu smaret te grIvAM prabho! ruchirakambusamAnashobhAm || 7\.91|| sa~NgrAmadurjayataratridashArivIra\- prauDhAsuvAtagaNabhugbhujagAyitau tau | bAhU mahArghamaNika~NkaNamaNDitau te dhyAyet tato bhuvananAyaka ! bhaktipUrvam || 7\.92|| rAjatyaho yadanishaM trijagajjananyA lakShmyAstu nityanilayAyitamArttabandho ! | dhyAyet tadetadatha ramyamurassthalaM te shrIvatsalakShma vilasannavavanyamAlam || 7\.93|| yatrAmbujAkSha ! nivasanti jaganti hanta bhUma~nchaturdasha charAcharavanti shaure ! | taM saMsmarediha tato jaTharaM tvadIyaM lakShmIpate! nanu valitrayashobhamAnam || 7\.14|| ashrAntamAsyajalajairbhagava~nchaturbhi\- rAghoShyamANanigamena paraM vidhAtrA | adhyAsitaM nanu ramesha ! tataH smaret te nAbhIpuTodbhavamasheShaguro ! sarojam || 7\.95|| atyuttamachChaviniketanabhUtaratna\- paryuptayA madhuripo! kaladhautakA~nchyA | dhyAyedala~NkR^itamaho tava madhyadesha\- masthUlamapyakR^ishayAtha ruchA sanAtham || 7\.96|| sandhyAbhravarNalasitena tato manoj~na\- pItAmbareNa pariveShTitamUruyugmam | ja~Nghe cha kekivarakaNThasamAnashobhe dhyAyet tava trijagadekapatermurAre!|| 7\.97|| ambhojagarbhasukumArapayodhikanyA\- pANidvayena parilAlitamIsha! nityam | bhaktaughavA~nChitaphalapradamArttabandho ! dhyAyet padAmbujayugaM tava yogisevyam || 7\.98|| a~NgeShu deva ! sakaleShu tavAtiramye tatrA~Nghripa~Nkajayuge viniyojya chetaH | santyaktasarvaviShayaspR^iha eSha martyaH samprApnuyAddR^iDhamanirvachanIyasaukhyam || 7\.99|| tasmAt prabho ! nalinapatragatAmbubindu\- lolaM tvavApya narajanma bhuvIha dehI | tvAmeva chakradhara ! shAshvatamodalabdhyai dhyAyedameyakaruNAnidhimachyutaivam || 7\.100|| iti svAtishrIrAmavarmava~nchimahArAjavirachitAyAM bhaktima~njaryAM saptamashatakam | \section{athAShTamashatakam |} atha kathayAmi chaturthI tava padayugasevanAkhyabhaktimaham | sarasijanAbha! tadarthaM kuru mama sahasA paTIyasI vANIm || 8\.1|| shrutinichayAgamaShaTka\- smR^itisantatisatpurANashatakeShu | tvatpadabhajanAdanyat sAraM pratipAdyamasti naiva dR^iDham || 8\.2|| smaraharasarasijanilaya\- tridivakulAdhIshamukhyasakalasurAH | yat kila vA~nChantyanishaM tato varaM kiM tavA~NghriyugabhajanAt || 8\.3|| 1kalashapayonidhikanyA jagatAM jananI nisargachapalApi | tyajati hi sahasA svIyaM shIlaM shaure ! tvada~Nghribhajanavidhau || 8\.4|| 1\. lakShmIH | jagati satR^iShNAH sarve yalleshAptyai tathAvidhA 1seyam | yatra satR^iShNA nityaM kiM paramasmAt padAbjabhajanAt te || 8\.5|| 1\. lakShmIH yadgalitaM varada ! rajo mUrdhnA sandhArya hanta vibudhavarAH | svayamiha rajasA rahitA jAyante nAtha! chitramaho || 8\.6|| tR^iNavadidaM jagadakhilaM manvAnA nispR^ihAH paraM munayaH | shukabhR^igunAradamukhyA\- stvatpadabhajane tu saspR^ihA nityam || 8\.7|| yatprAptyai bhuvi kechid\- vigalitadehAbhimAnamatighoram | tapa iha 1dadhate bhUman ! sA padasevA na kena vA~nChyA te || 8\.8|| 1\. puShNanti | shramalavarahitaM tasyAM prAptAyAmayi tavA~NghrisevAyAm | tava kR^ipayaiva murAre ! prApyaM manujaurato.api kiM bhAgyam || 8\.9|| nigamAgamavihitAni prachuratarAghaughashamanadakShANi | tanyante varada! budhai\- ryallAbhAyaiva sakalakarmANi || 8\.10|| yadvannagarImekAM santi prAptuM bahUni vartmAni | tadvat tvatpadasevA\- mekAM labdhaM samastakarmANi || 8\.11|| vrajati na vai sAphalyaM jagati vinA yAM kilaikamapi karma | suvimalamapi muravairiM\- stAM padasevAM taveha ko nechChet || 8\.12|| 1iShTApUrtaiH kechit katichidajasraM tathAnnadAnena | katichana dAnairvividhaiH sukR^itamameyaM kilArjayantyatra || 8\.13|| 1\. iShTairyaj~naiH pUrtaiH khAtAdikarmabhishcha | taistairdharmairebhi\- rbahuShu cha tuShTeShu jIvajAleShu | sakalahR^idantaryAmI tuShTo bhavitA tvameva vishvAtman !|| 8\.14|| tuShTe tribhuvananAthe bhavati kilodyatkR^ipAsudhAmbhodhau | prAptA tava padasevA shramalavarahitaM bhuvIha martyaiH syAt || 8\.15|| tasmAt kamapi hi mArge jagati samAlambya nAtha ! dhutadoShaiH | yatno vidhIyamAna\- stava padasevaikalipsayaiva dR^iDham || 8\.16|| bhuvanavidhAtR^itvaM vA tribhuvanamAnyaM padaM tathaindraM vA | api digadhIshatvaM vA tvatpadasevAphalAnnAnyat || 8\.17|| jagataH sR^iShTiM kurva\- nnapi nanu bhavadAjyaiva vidhirIsha ! | labhate bandhAnmuktiM manasA smR^itvaiva te padAmbhojam || 8\.18|| bhuvanadurApAn bhogAn bhu~njAno.apyatha valArirayi nAke | adhigatasakalArtho.asau vR^iNute tvatpAdasevanaikaratim || 8\.19|| tadvaddhanadajalesha\- jvalanayamogrAdayo.api dikpAlAH | shirasi kR^itA~njalibandhaM tvatpadasevAM sadaiva yAchante || 8\.20|| idamiha shIlaM 1bhavinAM yadiha kilAvAptumIpsitaM kimapi | sevante muravairiM\- statprApterhetubhUtamayi vastu || 8\.21|| IpsitalAbhe tu punaH kShaNamapi tannAdriyanta iha nUnam | chiramiha vA~nChitalabdhyai saMsevitamapyatIva yatnena || 8\.22|| shAntapipAsaH kUpaM sambhR^itajaTharastathAtithirgeham1| bhiShajaM parihataroga\- styajati dharAyAM naro.atra nishsha~Nkam || 8\.23|| 1\. annadAturgR^iham | dhanabhuvamAptadraviNo labdhAmnAyastathA kilAchAryam | jitaripurapi raNabhUmiM projjhati jagatIha mAnavo nUnam || 8\.24|| R^itvi~Nnikarastadvad\- yajamAnaM dattadakShiNaM vidhivat | dAtAraM tyajati dR^iDhaM sampUrNamanorathastathaivArthI || 8\.25|| labdhamarandashcha tathA madhupasamUhaH sarojinIM tyajati | madhuraphalAnyatha bhuktvA viTapinamapi tadvadeva vihagatatiH || 8\.26|| adhyAtmaj~nAnavidhU\- tAkhilamohastathA kutarkaratim | tyajati cha siddhauShadhabhA~N\- 1mArgaNamapi vIrudhAmaraNyabhuvAm || 8\.27|| 1\. anveShaNamapi | vanabhuvi dhAvan dhAvan vidhR^itasharAseShurachyuta ! pulindaH | mR^igamanu mR^igamadalAbhe tyajati tadetachcha sAhasaM sahasA || 8\.28|| tasmAdbhavinaH sarve jagati kilAshritya vA~nChitAvAptyai | tatpradamachyuta ! vastu tyakShyantIti sphuTaM tadiShTAptau || 8\.29|| 1tarhi tridivadurApA\- napi bhogAn dAtumatra kA dakShA | iti khalu vichAryamANe tvatpadasevaiva bhUtale tvekA || 8\.30|| 1\. evaM sthite | anadhigatArthA manujA varadabhavatpAdasevayAtha tayA | adhigatasakalArthAH syu\- rlakShmIjAne ! bhuvIha nishsha~Nkam || 8\.31|| adhigatasakalArthAshcha druhiNavalArAtimukhyavibudhendrAH | kimiha spR^ihayantastvat\- padabhajanaM sArasAkSha ! rachayanti || 8\.32|| tAvakacharaNasaroja\- dvandvaniShevAphalasvarUpANAm | svIyAnAM padavInAM nityaM parirakShaNArthamiti vidmaH || 8\.33|| tarhi jagannashvaratAM vij~nAyAsheShavastuvimukhAnAm | janayati kasmAt saktiM yaminAmapi tAvakA~NghriyugasevA || 8\.34|| iti khalu bhUyo bhUyo manasA samyagvichAryamANe tu | bhAti hi me dhiShaNAyAM pa~NkajanAbhaivameva vAchyamiti || 8\.35|| asti sphuTamiha tasyAM kimapi sukhaM tvatpadAbjasevAyAm | anupamamakShubdhatamaM sthiramamalaM tvanubhavaikavedyamaho || 8\.36|| jagati vibho ! vij~nAtuM yadashakyaM karaNapa~nchakenApi | vA~NmanasayoraviShayo jayati sukhaM tat tavA~Nghribhajanabhavam || 8\.37|| nirNetuM tadrUpaM shekurnAdyApi hanta munayo.api | kimuta sumandamanIShAH syAnandUresha ! mAdR^ishA manujAH || 8\.38|| sakR^idanubhUya cha saukhyaM tat padasevAbhavaM taveha vibho ! | ko nu vidadhyAt saktiM jaDamatirapi laukikeShvayi sukheShu || 8\.39|| viShayasukheShu narANAM syAnnUnaM tAvadeva sukhabuddhiH | yAvat tvatpadasevA\- bhavasaukhyaM nApyate nirastatamaH || 8\.40|| yadvanmR^igatR^iShNAyAM toyabhrAntyA pradhAvatIha mR^igaH | tadvadviShayasukheShu bhramati kilAj~no janaH sukhabhrAntyA || 8\.41|| ki~nchana guLasammishrAM guLikAM loke.atra nimbachUrNakR^itAm | muktvA kaH sukhamIyAt 1tadvadaho sukhamapIha viShayabhavam || 8\.42|| 1\. tAdR^ishaguLikAbhojanasukhavat | hAsyo yatno yadvat kAchamaNerlabdhaye hi martyAnAm | tadvadviShayasukhasya prAptyai rachitaH sphuTaM nR^ibhiryatnaH || 8\.43|| stokasukhaM bahuduHkhaM yasmAlloke vibhAti viShayasukham | duHkhadameveti tato vij~neyaM tanmukunda ! nishsha~Nkam || 8\.44|| ki~ncha na jAgarti tathA kimapi sukhaM triShvapIsha! bhuvaneShu | yanna hi duHkhavimishraM tvatpadasevAsukhAdR^ite vimalAt || 8\.45|| tasmAt tvatpadsevA\- janyasukhasyAMshaleshamapi loke | prAptuM dakShANi syuH kathamanyAnyambujekShaNa! sukhAni || 8\.46|| prachalattu~Ngatara~Nga\- syAmbhodherapi kadAchidadha toyam | 1gaNayenna tu bata sImAM tvatpadasevAbhavasya saukhyasya || 8\.47|| 1\. parichChindyAt | gaNayedapi 1puraTAnAM rAshIn hemAchalasthitAnamitAn | jagati tathApi na sImAM sharmatatestAvakA~NghribhajanabhuvaH || 8\.48|| 2\. suvarNAnAm | kiM bahunA siddhAntAH sarve yAntyeva pUrvapakShatvam | padabhajanAtmaka eka\- stava bhagavan ! shiShyate hi rAddhAntaH || 8\.49|| ki~ncha jagattrayapApa\- vyUhachChede kilA1sya vaidagdhyam | prathayati jahnostanayai\- vodbhUtA nanu padAjayugalAt te || 8\.50|| 1\. padabhajanasya | prabhavati vaktuM ko vA mAhAtmyaM jagati jahnutanayAyAH | vahate yAM nanu shirasA sAdaramadyApi pArvatIsho.api || 8\.51|| shravaNaM darshanamAtraM yasyAH pApAni hanti sakalAni | kimuta vibho ! 1tatra kR^itaM majjanamathavA tadambhasAM pAnam || 8\.52|| 1\. ga~NgAyAm | tasyAstu~Ngatara~Ngo\- lluThanasamudbhUta kalakalArAvam | shrutvA bhR^ishatarabhItyA dhAvati pApaM na kAsvaho dikShu || 8\.53|| kShudratarainaskAnAM pAtakahArINi santi tIrthAni | niShkR^itinivahairapyagha\- manivAryaM harati deva ! ga~Ngeyam || 8\.54|| 1yannAmAkSharamAdyaM shrutvA 2kalayanti karNayoH pANim | tIrthAnyanyAnIdR^i3k\- pAtakilAbho mahotsavo yasyAH || 8\.55|| 1\. yasya pAtakino nAmaghaTakamakSharam | 2\. pAtakasa~NkramabhayAditi bhAvaH | 3\. IdR^ig anyatIrthodvejakanAmadheyo yaH pAtakI tasya lAbhaH | adhvaradAnAdibhira\- pyanivAryaM rogamIsha! pApamayam | sahasA dUrIkartuM vilasati paramaM hi bheShajaM ga~NgA || 8\.56|| pAyaM pAyaM toyaM ga~NgAyA yAvadichChamiha ye tu | jAyante gatatApA\- stadbhAgyaM ko bhavet paTurvaktum || 8\.57|| tApatrayamabhihantuM lokasyAtmAnamAshritasya param | manye ga~NgA jAtA nAmneyaM 1tripathageti vishvaguro !|| 8\.58|| 1\. tripathena AdhyAtmikAdhibhautikAdhidaivikarUpatApatrayahananAnukUlena mArgatrayeNa gachChatItyevaM tripathagAnAmanirvachanamutprekShyate | saMsevyeha sharIrI bhAgyAdbhAgIrathIM hatAghaughAm | devatvaM divi labdhvA bhavitA 1bhAgIrathI nanu sudhAyAm || 8\.59|| 1\. yathAkratunyAyena sevyAbhinnaH, atha cha (sudhAyAM) bhAgI aMshI rathI | rathavAMshcha | tanuriva sA vishvasR^ijo bhAti bhR^ishaM 1sarvatomukhavatI cha | vahati tathaiva sarAgAM shrInAtha! 2sarasvatIM cha muravairin || 8\.60|| 1\. jalavatIM sarvata AnanavatIM cha | 2\. nadIM vAgdevIM cha | vindati narake pApI nAnArUpaM shramaM na vai pApam | labhate ga~NgAyAM tu shramamatulaM pApameva na tu pApI || 8\.61|| daNDayatIha kR^itAnto narake khalu pApinaM vidhUtadayam | nirmuchyAghinamaghato daNDayatIhAghameva surataTinI || 8\.62|| sakutukamahaha luThanta\- stadvIchItatiShu mAnavAH ke ke | luThanairnarake rahitA bhagavan ! no yAnti modamanavadyam || 8\.63|| hanta vimAnArUDhA\- nAyAto vIkShya pApino nAke | 1tatsamparkAddevA api mUrdhnA sannamanti hi 2vimAnAH || 8\.64|| 1\. ga~NgAsamparkAt | 2\. niraha~NkArAH | aghinAM sukR^itavatAM cha syAnnUnaM tAvadeva nanu bhedaH | yAvajjahnusutAyAH salilena kShAlyate nijaM na vapuH || 8\.65|| sadbhirgarhitamavanau darshanamapi pApinAM yeShAm | anuSha~NgAdga~NgAyA\- ste.api bhavantyatithayo 1nilimpapure || 8\.66|| 1\. devanagare | yAmyabhaTotsAho vA tadvat kolAhalashcha tannagare | yAto vilayaM sahasA yAvadga~NgA mahItalaM prAptA || 8\.67|| sumanaHsaurabha1haraNa\- prodbhUtodvelapAtako.api param | anuSha~NgAjjahnubhuva\- stribhuvanamanishaM punAti pavamAnaH || 8\.68|| 1\. haraNeti \- choraNetyarthaH | kR^itvA pUtAn kR^itsnAn pAtakinaH punarapIha tAn lipsuH | manye mArgayatIyaM surataTinI girishamaulimadhiruhya || 8\.69|| bharitakShArajalaM taM svIkR^ityAmbhonidhiM svabhartR^itayA | heyamapeyamapIyaM kalayati tIrthAvataMsamiha loke || 8\.70|| agryagiro.apyanubhAvaM ga~NgAyAH vaktumudyatAH kavayaH | 1vyagrataratvaM vachasi sphuTamanagha! prApnuvanti no ke ke || 8\.71|| 1\. Akulataratvam | ga~NgAvarNanalolaiH kavitilakairatishayoktiriha loke | karuNAnidhe ! prayuktA bhavati hi nissaMshayaM svabhAvoktiH || 8\.72|| sAdR^ishyAnupapatte\- stasyAH kenApi vastunA loke | upamAnAbhAvavashAd\- vAchyo nUnaM tvananvayaH kavibhiH || 8\.73|| nijarasanAgrAt kavibhi\- rj~nAtuM sampreShiteva guNamasyAH | manye 1sarasvatI sA shliShyati ga~NgAM 2sarasvatIbhUya || 8\.74|| 1\. vAgdevI | 2\. nadIvisheShIbhUya | dhIrasamIroddhUta\- svachChasushItAmbushIkaropetam | tIraM gA~NgaM shritvA svarvAse.api spR^ihAM na kastyajati || 8\.75|| taravastattIrabhavAH pavanachalairmR^idutalaiH svaparNAgraiH | rachayanti vIjanavidhiM ye.asyAste nUnamIsha! dhanyatamAH || 8\.76|| lasatAM ga~NgAsalile sarasiruhANAM miSheNa surasudR^ishAm | pashyantInAmenAM dR^ishyante bimbitAni vadanAni || 8\.77|| chitraM 1bha~NgavatI sA tanute saMshritama2bha~NgasukhapUrNam | 3jalamayyapyatha nR^INA\- maj~nAnaM harati nistulaM sahasA || 8\.78|| 1\. tara~NgavatI apAyavatI cha | 2\. anapAyisaukhyabharitam | 3\. jalashabdo jaDe payasi cha | manujairmuktikarIti svanadIti suraistvada~Ngajeti varaiH | shaM tanutAmiti munibhiH shantanudAyitA prakIrtitA seyam || 8\.79|| shishushashichUDAM svakaraiH kumbhAmbhoje varAbhaye dadhatIm | shubhrAM shubhrAbharaNAM sitamakarasthAM smaranti tAM kR^itinaH || 8\.80|| iyamapi makarandatvaM prAptA yatrA~Nghripa~Nkaje bhavataH | ga~NgA sakalAghaharA tasya niShevA kathaM nR^iNAM na syAt || 8\.81|| tasmAt kAryo yatno jagati samastaiH shubhechChubhirmanujaiH | tAvakacharaNasaroja\- dvandvaniShevAptaye hi nishsha~Nkam || 8\.82|| atha kathayAmyayi bhagavan ! padayugasevAvidhiM taveha mudA | sakalasurAsuramartya\- praNatapadAmbhoruhasya tava kR^ipayA || 8\.83|| vapuShA vachasA manase\- tyevaM bhavati tridhA charaNasevA | utkarShamAsu cha tisR^i\- ShvIsha! vadantyuttarottaraM munayaH || 8\.84|| shirasA tava padayugalA\- nnissR^itamatha tIrthatIrthamaja! toyam | sakalavidhAMhaHkShataye santatamakhilesha ! dhArayenmanujaH || 8\.85|| tadidaM samprokShya punaH sarvA~NgeShvapi pumAnasau salilam | svatanusthitamiha pApaM sarve vidrAvayedasheShaguro !|| 8\.86|| tadvat tvatpadakamala\- dvayavarivasyArhamAdarAnnityam | surabhilakusumakadambaka\- mavachityArAt tavopadIkuryAt || 8\.87|| bhavada~Nghrivyatikarato dhanyatamaistulasikAdalairnitarAm | nichitAyAM chiramavanau viluThet pulakI sabAShpanetrashcha || 8\.88|| tAvakacharaNasaroja\- dvandvasamAlokanena nanu paramam | sAphalyaM varada ! dR^isho\- rlakShmInAthArjayedayaM manujaH || 8\.89|| padayugavigalattulasI\- dalanichayAghrANatastavAjasram | dhanyatamAmaghavairin ! manujo.ayaM nAsikAM tathA kalayet || 8\.90|| dorbhyAma~njalivandhaM kalayet tadvat tavA~NghrisarasijayoH | harati hi nishsha~NkaM yo (##FN ## yo \- a~njalibandhaH) bandhamasheShaM ramApate ! bhavinAm || 8\.91|| aghahara! vachasA cha tathA sevAM rachayenmukunda ! padayoste | sakalaparItApaugha\- kShataye martyo.ayamAdarAnnityam || 8\.92|| prathayati vAgekaiva sphuTamiha bhedaM narasya tiryagbhyaH | kva nu viniyojyA sA cha shrIramaNa! vinA tavA~NghrisevAyAH || 8\.93|| draviNamadonmattAnA\- masatAM prItyai vachobhiralamuditaiH | manujena kaNThashoShA\- daparaM kiM phalamihApyate bhUmau || 8\.94|| tasmAnnaigama1vachasAM mAlikayA mukharitAsya iha manujaH | charaNasaroruhayoste sevAM kalayedameyasukhadAtrIm || 8\.95|| 1\. vaidikavAchAm | yadyadhikAro na syAt 1tatra tu paurANikairnutivachobhiH | athavA kevalavachanaiH praNatiparaistava niShevyamaja ! charaNam || 8\.96|| 1\. vaidikavachassu | manasApyajita ! sharIrI tava charaNasarojayostathA sevAm | sudR^iDhatareNa vidhyAt sarvavariShThAmasheShalokaguro !|| 8\.97|| na chalati karaNasamUho yasya vyApAramantarA loke | manasA tenaiva kR^itA tava padasevA ramesha ! mukhyatamA || 8\.98|| tasmAdviShayasamUhAt sahasedaM sannivarttya nanu hR^idayam | pa~NkajanAbha! tavA~Nghri\- dvandvaniShevArataM sadA kalayet || 8\.99|| karaNattritayenaivaM padakamalaM te niShevate yo vA | iha cha paratra cha so.ayaM sharma paraM prApnuyAdasandigdham || 8\.100|| iti svAtishrIrAmavarmava~nchimahArAjavirachitAyAM bhaktima~njaryAM aShTamashatakam | \section{atha navamashatakam |} syAnandUrAdhIsha! vakShyAmyathAhaM bhAgyaprApyAM tAvakInArchanAkhyAm | bhaktiM sadyaH pa~nchamI kaiTabhAre ! vishvotkR^iShTAM nAtha! sarvArthadAtrIm || 9\.1|| kvAhaM shaure ! mandabuddhirnikAmaM kvAsau bhUmA tAvakInArchanasya | (##FN ## bhUmA \- mahimA) devAthApi prerayet tvatkR^ipA me vANIM yadvat tadvadetAM bravImi || 9\.2|| (##FN ## etAM \- bhaktim) devAH sendrAstApasAstyaktamohA yadvai nityaM prArthayante nikAmam | tasmAllakShmInAyakAbhyarchanAt te ko.anyo lAbhaH keshavAste varIyAn || 9\.3|| tasmAt samprApyeha dehI naratvaM tatrApyambhojAkSha ! mukhyaM dvijatvam | yo vA dhatte nityamArAdhane te vA~nChAM so.ayaM dhanyadhanyo.atra nUnam || 9\.4|| janmanyaddhA pANayo vai parasmin (##FN## parasmin \- anyasmin atIte ityarthaH) yeShAM pUjAM chakrire na tvadIyAm | jAyante te chakravartyekayogyai\- shchihnairbhAsvatpANipadmAH kathaM vA || 9\.5|| ki~ncha shrIman ! sArthakatvaM hi pANe\- rmartyo.ayaM te prApnuyAt pUjayaiva | no cheduchchairjR^imbhitAnAM tarUNAM shAkhAbhyaH kastasya jAgarti bhedaH || 9\.6|| (##FN ## kaH \- pANeH) tvAmArAdhya shrIpate! vishvanAthaM prItiM labdhuM shaknuyAdatra kaste | kintu 1sphUrjadbhaktavAtsalyabhAvAd\- 2gR^ihNIShe.a3rchAmalpikAmapyanalpAm || 9\.7|| 1\. sphUrjadbhakteShu vAtsalyaM yasya tasya bhAvAt | 2\. gaNayasItyarthaH, 3\. pUjAm | nAla~NkAro lepanaM no nivedyaM no vA nUnaM gItavAditraghoShaH | samprItyai syAda~Nga ! te bhaktidattaM yat ki~nchit tvaM manyase vastu pUrNam || 9\.8|| kiM mArttaNDastejasAmekadhAma prIto nAste dIpanIrAjanAbhiH | sindhustadvachchArpitaiH snAnakAle ratnaistuShyet kiM na ratnAkaro.api || 9\.9|| shrImaMstadvallokapAlairasheShai\- rapyatyarthe pUjitastvaM murAre ! | pUjAyAmapyasmadAdyaiH kR^itAyA\- maj~nairnityaM tuShyasi hyastasha~Nkam || 9\.10|| tasmAdyAvachChakti martyairasheShaiH pUjAyAM te pUjitasyAkhileshaiH | drAgAlamvyaM jAgarUkatvamaddhA nityaM shreyolipsubhiH shAr~NgapANe!|| 9\.11|| lakShmIjAne! vaktumadyArabhe.ahaM ki~nchit pAthojAkSha! pUjAvidhiM te | bhaktottaMsAyoddhavAyopadiShTaM kAruNyAmbhorAshinAho tvayaiva || 9\.12|| tvatpUjAyAM lolupo.atha dvijanmA martyo loke svIyashAkhAnusArAt | yukte kAle tUpanIto muhUrtte brAhme tu syAdutthitaH shAr~NgapANe!|| 9\.13|| kR^itvA pashchAddantasa~NkShAlanAdyaM gR^ihNanmR^itsnAM vaidikaistAntrikaishcha | mantraiH kR^itvA prokShaNAdIni samyak snAtaH sandhyAvandanAdIni kuryAt || 9\.14|| bhUyo viShNuM pUjayAmIti kR^itvA sa~NkalpaM te prArabhetA~Nga ! pUjAm | samprApyArAddevagehaM cha pUjA\- sambhArAMste sAdhu sambhR^itya martyaH || 9\.15|| shailI tadvaddArurUpA cha lauhI 1lepyA lekhyA saikatI hR^inmayI cha | daityArAte ! ratnamayyapyathaivaM hyaShTAsvaddhA pUjayenmUrttiShu tvAm || 9\.16|| 1\. sudhAdikalpitA | tAsu shrImaMstvAM tisR^iShvAdimAsu prArchan bhaktyA ratnamayyAM cha mUrtau | nirmAlyodvAsaM vidhAyAtha mantraiH puMsUktAdyaiste.abhiShekaM cha kuryAt || 9\.17|| lepyAlekhyAsaikatIShvatra bhUman ! kR^itvA martyaH kevalaM 1mArjanaM cha | gandhaiH puShpairbhUShitAyAstu mUrtte\- stiShThedbhAge dakShiNe pUjakaste || 9\.18|| 1\. mArjanaM kevalaM, na tvabhiShekam | pANau sandhAryAtha savye pavitraM 1gurvAdInapyAshu saMvandya pANim | saMshodhyArAdastramantreNa kuryA\- 2nmantrAtmAnau mUlamantreNa hastau || 9\.19|| 1\. AdipadagrAhyA vinAyakAdayaH | 2\. \rdq{}mUlavyApakato varau manumayau hastau samutpAdya cha\rdq{} iti tantrasamuchchayaH | kR^itvA tAbhyAM cha 1tritAlAdikaM vai 2bhAsvatsa~NkhyairmAnaso~NkAralApaiH | prANAyAmaM saMvidhAyAtha nAsA\- niShThA nADIH shodhayet 3pi~NgalAdyAH || 9\.20|| 1\. AdipadAd digbandhAdi grAhyaM \ldq{}astreNAtanuyAt tritAladashadigbandhAgnisAlodayAn\rdq{} (tantrasamuchchayaH). 2\. dvAdashamiH | 3\. AdyapadAdilAsuShumnayorgrahaNaM\rdq{}samI\- rayAmavidhinA saMshodhya nADItrayam\rdq{} (tantrasamu.) pashchAt kurvan rechakaM 1dvyaShTavAraM japtvo~NkAraM sAdhvatho 2pUrakaM cha | dvAtriMshadvAraM 3chatuShShaShTivAraM 4kumbhaM kuryAdarchakaste murAre !|| 9\.21|| 1\. ShoDashakR^itvaH\rdq{}prabha~njanaM pi~NgalayA bahistyajedvikArasa~NkhyaiH praNavairatheDayA | prapUrayet taddviguNaiH prabha~njanaM prapUritaM brahmapathe prakumbhayet ||\rdq{}(tantrasamu) | 2\. pUrakaM kurvan dvAtriMshadvAraM o~NkAraM japtveti yojanA | 3\. chatupShaShTivAramo~NkAraM japan kumbhakaM kuryAditi yojyam | 4\. kumbhakam | bhUyashchAsau 1bhAvayannAtmasAmyaM jIvasyAho haMsamantraM cha japtvA | jIvaM pashchA2dyojayedAtmanIshe tvAmabhyarchan bADhamekAgrachetAH || 9\.22|| 1\. AtmanA parameshvareNa sAmyaM \ldq{}evaM kumbhakakarmaNA svaparamaishvarya sudhIrbhAvayet | unnIya haMsamanunAdhara chakratastamarkAmbujasthaparamAtmani sa~Ngamayya ||\rdq{} (tantrasamuchchayaH). 2\. sa~Ngamayet | daityArAte! pa~nchabhUtAnyathAsau pAdAgrAdiShva~NgakeShu 1sthitAni | tattanmantrairvai krameNAchyuta ! bhrU\- madhyasthAyAM 2saMharechcha prakR^ityAm || 9\.23|| 1\. \rdq{}pAdAgranAbhihR^idayAbjAsharodhitAludeshasthitAni pR^ithivIpramukhAni pa~ncha\rdq{} (tantrasamuchchayaH). 2\. svasvakAraNeShu pravilApayet | \ldq{}saMhR^ityaivaM kShitiM vAri tadanala imaM mAtarishvanyamaM khe\rdq{} ityAdi (tantrasamuchchayaH) | tAM cha shrIman ! so.atha tanmantrapUrvaM saMhR^ityArAchChrIparAtmanyupendra ! | kuryAt pashchAddeha1saMshoShaNAdyaM karma shreShThaM vakShyamANakrameNa || 9\.24|| 1\. AdyapadAt ploShaNaM plAvanaM cha grAhyam | vAyorbIjenA~NgamuchChoShya vahne\- rbIjenAbhiploShya bIjena chApAm | samplAvyAtyantaM ghanIkR^itya 1pR^ithvyA 2ranndhrIkuryAt khasya bIjena so.ayam || 9\.25|| 1\. pR^ithvyA bIjena ghanIkR^ityeti yojyam | 2\. \rdq{}kAThinyarandhrIkaraNe vidhAya svabIjataH\rdq{} (tantrasamuchchayaH) | sa~NkalpyAho divyadehaM cha pashchA\- jjaptvo~NkAraM chAntarAveshya jIvam | saMhArasya 1vyutkrameNeha sR^iShTiM kuryAnmAyAyAshcha bhUtotkarasya || 9\.26|| 1\. saMhArakramavaiparItyena | prANAyAmenAlamo~NkArayukte\- nANDaM nirbhidyAyamaMshau tadIyau | 1sa~NkalpyAtho 2rodasI chakrapANe ! prANAyAmaM chApi kuryAnmurAre !|| 9\.27|| 1\. dhyAtvA | 2\. dyAvAbhUmI | idaM tadantaryeyapuruShasyApyupalakShaNaM, tadd.hdhyAnasyApi tantrasamuchchaye.abhidhAnAt | bAhvordehe chAtha 1vinyasya varNaM varNAtmAnaM bhAvayannIsha ! deham | jIvaM mUrdhasthe parAtmanyathAsau daityArAte! yojayedarchakaste || 9\.28|| 1\. bAhorakSharanyAsamuktvA \ldq{}AkeshAdApadAmbhojaM lipyA saMvyApayet tanau\rdq{} iti tantrasamuchchayaH | mantrAtmAnaM bhAvayanmUlamantre\- NainaM pashchAdachyutA1veshya chAntaH | prANAyAmenesharUpasya jIva\- syAtho dehaM kalpayet sthUlasUkShmam || 9\.29|| 1\. niveshya | niveshitasya chAsya paThipUjAnantaram | bimbe AvAhanaM 44 shloke vakShyate | utpAdyAtho tatparIvAravR^indaM tasya sthityai pUrvamuktakrameNa | vinyasyAmbhojAkSha ! gurvAdikAn vai tattatsthAneShvarchayedIsha! pITham || 9\.30|| pIThe tasmin susthitasyeshiturvai tejovyAptaM bhAvayan pANiyugmam | pashchAt tena 1vyApakopetamaddhA nyasyeddehe deva! bAhvoshra varNam || 9\.31|| 1\. mUlamantropetam | pashchAdbhUman! 1pa~nchatattvAni tadvad\- daityArAte! 2mUlamantrAkSharANi | 3aShTA~NgaM chApyatra 4pa~nchA~Ngaka~ncha nyasyet sphUrjadbhaktirIshArchakaste || 9\.32|| 1\. pR^ithivyAdIni | 2\. mUlamantrAkSharasahitAnItyarthaH | 3\. dorbhyo padAbhyAmaMsAbhyAmurasA shirasA dR^ishA vachasA manasA | 4\. bAhubhyAM cha sajAnubhyAmurasA cheti uktAShTA~Ngayuktamiti kriyAvisheShaNam | shirasA dR^ishA iti pa~nchA~NgAni bhaktima~njaryAm | bhUyaH shrIman! sha~NkhachakrAbjakaumo\- dakyAdInyapyatra divyAyudhAni | koTIrottaMsorukeyUrahArA\- dIni nyasyedarchako bhUShaNAni || 9\.33|| lakShmI bhUmI chAtha taistaishcha mantrai\- rmudrAbhishchApya~Nga ! vinyasya pashchAt | vidhyuktAM tAM samprakurvIta so.ayaM daityArAte! mAnasImIsha! pUjAm || 9\.34|| japtvA yAvachChakti te mUlamantraM sadyaH pUjAmArabhetAtha bAhyAm | premodrekAt tvayyasheShAdhinAthe kAruNyAbdhau bADhamekAgrachetAH || 9\.35|| bhUyaH so.ayaM pUrvamuktakrameNai\- vAmbhaHpUrNaM sAdhu sampUjya kumbham | kR^itvA shaure ! sha~NkhasampUraNaM vai kuryAt pashchAdAdarAdAtmapUjAm || 9\.36|| tattaddravyaistrINi pAtrANi pUrNA\- nyaddhA vinyasyArghyapAdyA1chamArtham | sadyaH shaure ! pIThapUjAM prakuryAt tvatpUjAyAH pUrvamevAkhilAtman !|| 9\.37|| 1\. Achametyasya AchamanetyarthaH | bhAge pIThasyottare 1deshikaM cha dhyAyet tadvaddakShiNe vAraNAsyam | bhAge chAdhastadvadAdhArashaktiM mAyAM karma chApyanantaM cha pR^ithvIm || 9\.38|| 1\. gurum | tadvat pIThasyopariShTAnmurAre ! dharmaj~nAnA1dIMsta2danyAMshcha bhUyaH | pAdasthAnatvaM kilAptAn yathAvad\- dhyAyet so.ayaM dikShu bhUyo vidikShu || 9\.39|| 1\. AdipadAdvairAgyaishvaryayorgrahaNam | 2\. adharmAdIn | pashchAdbhUmaMstadgu1NAnAM trayaM vai sUtrasthAnApannamaddhA vibhAvya | mAyAM vidyAM chAlamAchChAdanArthaM vastrasthAnatvaM kilApte smaret saH || 9\.40|| 1\. sattvarajastamasAm | dhyAyet tasyAthopariShTAdanantaM yuktaM padmaM tvaShTabhirvai dalaishcha | 1sUrya somaM vahnimAtmA2ntarAtmA\- dInapyaddhA viShvagArAdhakaste || 9\.41|| 1\. sUryAdayashchAShTa | 2\. AdipadagrAhyA jIvAtmAdayaH | dhyAyet so.ayaM taddaleShvatra bhUmaM\- stadvachchAho karNikAyAM krameNa | shaure ! shaktIrvai nava premabhArau\- tkaNThyAnnityaM nyastachetAstvayIshe || 9\.42|| evambhUtAM tAM samaShTiM murAre ! pIThasyAho toyagandhaprasUnaiH |Typo tadvat pUtairdhUpadIpAmbubhishchA\- pyeSha shrIman ! pUjayet pUjakaste || 9\.43|| pashchAnmUrttau nAtha! pIThasthitAyAM chetomadhyAddevamAvAhya sadyaH | pUrvaM tAvaddehashud.hdhyuktarItyA nyasyedbhUShAhetimukhyAnyathAsau || 9\.44|| pashchAchchAsAvAsanasvAgatAdi sphUrjatpremNA vai samarpyAbhiShekam | kuryAt toyenAtisaurabhyabhAjA puMsUktAdIMstrIn samuchchArya mantrAn || 9\.45|| bhUyo vastraM bhUShaNaM chopavItaM gandhaM puShpaM chArchako.asau samarpya | yuktaM devaM pa~nchakenAvR^itInAM lakShmIjAne! pUjayeduktarItyA || 9\.46|| ekIkurvaMstatparIvAramIshe yAvachChakti shrIsha! kurvan nivedyam | madhye vahnerhomakarmAdi kuryAt tadvadviprAn sAdhu sambhojayechcha || 9\.47|| viShvaksenAyArpayaMstannivedyaM gaNDUShAsyakShAlanai1rAsyavAsaiH | gItairnR^ityAdyaishcha santoShya devaM kuryAt pashchAdAshu pUjAM prasannAm || 9\.48|| 1\. mukhAdhivAsanaiH | bhUyashchApUpAdi shaktyA nivedya 1preShThairmantraiH sAdhu puShpA~njaliM cha | kR^itvA yAvachChaktyaho mUlamantraM japtvA kuryAdarpaNaM vai japasya || 9\.49|| 1\. bhagavatpriyatamaiH | natvA brahmaNyarpayaMshcha prasannaM datvAthArghyaM sha~Nkhatoyena pashchAt | prokShya svIyAn svaM tathAntyArghyadAyI kurvan pUjAM pUrayedvai 1layA~Ngam || 9\.50|| 1\. samAptya~Ngam | evaM bhaktyA nityamArAdhayedya\- stvAmArAdhyaM nAtha! vishvaikanAthaiH | so.ayaM pApairdUrito hanta sarvai\- rnUnaM sharma prApnuyAnnirmalaM tat || 9\.51|| tatrApi tvAmarchayan shrItulasyAH patraireSha shyAmalaiH komalaiste | prItiM datte yAdR^ishIM tAdR^ishIM na tvAmArAdhyan kaishchidanyaprasUnaiH || 9\.52|| tyaktvA tAvat pArijAtAdipuShpai\- rapyAnaddhAstvaM srajo vishvahR^idyAH | dhatse nityaM yAM kathaM nAma vIru\- tsveShA gaNyA syAt tulasyArtabandho !|| 9\.53|| tvadbhaktaH kiM mAnuSheShvatra gaNyo gaNyaH kiM vA pakShijAtau garutmAn | gaNyA shaure ! syAt kathaM sA tulasya\- pya~Nga ! preShThA te.atra vIrudgaNeShu || 9\.54|| saMvAdo.abhUdyaH purA shaktisUno\- mArkaNDeyasyApi vishvaikabandho ! | mAhAtmyAviShkArakaH shrItulasyA\- staM vakShye.adya tvatkR^ipAvaibhavena || 9\.55|| gA~Nge tAvat saikate vai vasiShThA\- dInAM pUrvaM sa~NgatAnAM munInAm | j~nAtuM shreyo vA~nChatAmasya loka\- syAsIdbhUman! ko.api saMvAda evam || 9\.56|| kiM vA shreyaH pUruShANAM priyaM kiM lakShmIjAneH ko.atra jIvatyamogham | ko vA devaH sevitaH sarvadoShAn nirhantyasya prANijAlasya cheti || 9\.57|| mArkaNDeyaH saptakalpAntajIvI prAptastAvat sarvasandehahArI | pUrvoktaistaistApasaiH pUjito.asau prItyAbhIkShNaM tatra 1chopAvivesha || 9\.58|| 1\. upAviShTaH | so.ayaM teShAM saMshayaughaM jihIrShu\- rdR^iShTvA.a.asInaM vai vasiShThA~Nkadeshe | shakteH 1putraM saptavarShaM tvadIya\- smR^ityA dhanyaM tUtthitastaM vavande || 9\.59|| 1\. parAsharam | mArkaNDeyaM svaM namantaM sadasyAn kR^itvAtyantaM vismitAn bhUrivR^iddham | dR^iShTvA bhItastaM praNamyAyamutthA\- pyaitadvAkyaM prashritaH sa~njagAda || 9\.60|| vandyo jyAyAMstvaM mayA neha bAlaH so.ahaM vR^iddhairjAtuchit tvAdR^ishaistu | dhunyaH sarvAstvAshrayantyeva sindhuM sindhuH kAmapyApagAmAshrayet kim || 9\.61|| mArkaNDeyastAvadUche tathA che\- dAyurgaNyaM tvAvayoradya sadyaH | shrutvAthaitachChaktisUnurvabhAShe kvAhaM bAlaH kvAtivR^iddho bhavAMshcha || 9\.62|| shrutvAthedaM bhAShitaM shaktisUno\- steShAM madhye tApasAgresarANAm | mArkaNDeyastaM prahasyAbabhAShe vANImenAM vakShyamANAM vareNyAm || 9\.63|| yadvalloke sAdhu hitvA busaughaM shuddhastAvanmIyate dhAnyarAshiH | evaM shaurerdhyAnariktaM suvandhyaM kAlaM tyaktvA gaNyamAyurnarANAm || 9\.64|| tasmAdviShNordhyAnadhanyaM yadAyu\- rvandyaH so.ayaM vItasandehalesham | bAlo.api tvaM jAtuchichchAnapetaH shaureH smR^ityA yat tataH sarvavandyaH || 9\.65|| jAtyaivAtyantAlaso.ahaM kadAchid\- yuktaH smR^ityA divyayA kaiTabhAreH | tasmAnmatto nyUnavarSho.api sa tvaM vandyo nUnaM me paraM jyAyaso.api || 9\.66|| tasmAdbAlo hrasvakAyo.api martyo vandyo vR^iddhairapyaho viShNubhaktaH | yadvat sAmyaM shrItulasyA mahimnA prAptuM shaktA no mahAnto.api vR^ikShAH || 9\.67|| ko vA shakto vaktumatrAnubhAvaM vishvotkR^iShTaM bhUtale shrItulasyAH | yAbhUchChreShThA sarvavIrudgaNebhyo hrasvApi shrIchakrapANeH priyA cha || 9\.68|| lakShmInAthaH kalpavR^ikShaprasUnA\- nyapyujjhitvA bhUrigandhAvahAni | dhatte nityaM vakShasA yAM saharShe seyaM mAnyA syAnna keneha puMsA || 9\.69|| ityuktvAsau shrItulasyA mahattvaM mArkaNDeyastaddR^iDhIkartukAmaH | teShAM madhye tApasAgresarANA\- menAM gAthAM vakShyamANAM nyagAdIt || 9\.70|| AsIt pUrvaM kR^iShNako nAma vipra\- styaktAsheShasvIyadharmaH khalAtmA | mUDhaH kShetrAjIvako hanta nityaM garhyaH sarvairhiMsakaH prANinAM cha || 9\.71|| no jAnIte tadrasaj~nA murAre\- rnAmaikaM vA garhAsa.NllApavarjam | no vA bAhU vandanaM vishvabhartu\- rhiMsAvarjaM prANinAM dainyabhAjAm || 9\.72|| prAtarbhuktvA yAtayAmaM batAnnaM yAto.araNyaM tvekadAsau niketAt | ka~nchit kAlaM paryaTaMstatra tatra drAgAjahre bhUri nUtnaM tR^iNaugham || 9\.73|| bhUyaH so.ayaM shAkasampAdanArthaM tatraivAho sa~ncharan kAnanAnte | AlokiShTochchairvanaM shrItulasyA diShTyA ramyaM nirjarendropalAbham || 9\.74|| sarvotkR^iShTAM sAhitIM yadvadaj~no ratnaM yadvadbhUrimUlyaM vichakShuH | yadvadbhojyaM svAdvalaM rAsabho vA tanmAhAtmyaM kR^iShNako na vyajAnAt || 9\.75|| bhaumaM toyaM chAtako hanta yadvad yadvadgItaM jAtibAdhiryashAlI | yadvadrugNo bhojyavastUni tadvat tanmAhAtmyaM veda na 1brahmabandhuH || 9\.76|| 1\. brAhmaNAdhamaH | yadyapyevaM saspR^iho.athApi tasyAM pashyan nR^INAM no gavAM chopayogam | tAM dAsye matsannidhisthAya viprA\- yeti dhyAyan prApa tasyAH samIpam || 9\.77|| tAvadvipraM taM batAsannamR^ityuM netuM prAptA yAmyadUtAH kilAShTau | sparshAt prAgevAmumaddhA tulasyA daMShTuM ka~nchidvyAla1mUchuH kShaNena || 9\.78|| 1\. choditavantaH | viprastAvat taM najAnan nideshaM daivAt sarpasyAgateH pUrvameva | jagrAhAlpaM bhAgamArAt tulasyA\- stanmAhAtmyastomaleshAnabhij~naH || 9\.79|| tAvajjvAlAdhvastagADhAndhakAraM daiteyAsR^ikpa~NkashoNAgrabhAgam | viShNoshchakraM sparshapUtaM tulasyAH pAtuM vipraM prApa dR^ishyetarat sat || 9\.80|| santyaktAyAM shrItulasyAM haniShyA\- myenaM vipraM drAgiti vyAla eShaH | AsIt sadyaH sampraviShTastR^iNAnta\- ryAmyA dUtAshchAnvayustaM kShaNena || 9\.81|| aj~nAtvedaM hanta viprastR^iNAnAM rAshiM sUrdhnAsau vahan gR^iDhasarpam | chakrajyotirbhItadUrApayAtai\- ryukto yAmyairAvivesha svageham || 9\.82|| kAle tasmiMstadgR^ihadvAri tiShThan viprottaMsaH ko.api kR^iShNArchako.atha | yAmyAn dUtAn divyadR^igbhA~NmudA tAn paprachChaivaM kR^iShNakAbhyarNavAsI || 9\.83|| bho bho yAmyAH ! ki~NkarA yUyamatra prAptAH kasmAt kR^iShNakenA~Nga! sAkam | mahyaM brUtAtyantajij~nAsamAnA\- yetyAdiShTAste kilochuH samastam || 9\.84|| sveShAM vipraM kR^iShNakaM netu1mAptiM kR^ityaM chAheH svAnushiShTasya rakShAm | chakreNA2sya sparshataH shrItulasyA\- stasyAstyAge netumichChAM tathA 3tam || 9\.85|| 1\. AgamanamityarthaH | 2\. kR^iShNakasya | 3\. kR^iShNakam | shrutvA vANImIritAM yAmyadUtaiH sadyaH sambhUtAnukampArasArdraH | rakShopAyaM tasya hi brahmabandhoH paprachChAmUneva kR^iShNArchako.asau || 9\.86|| UchustAvat te phalaM dAsyasi tvaM yadyekasyA nastulasyarchanAyAH | mu~nchamo.a1muM so.akarot tadvadddhA jagmurdUtAshchoragaH svaM niketam || 9\.87|| 1\. iti shabdArtho gamyaH | dR^iShTvAthaitadvismitAyaiSha tasmai vR^ittaM shaMsan jAtabodhena tena | bheje ki~nchidvaiShNavakShetramArA\- dhyAjaM mukti prApatustau tulasyA || 9\.88|| enAM gAthAM shaktisUnuM munInAM madhye teShAM shR^iNvatAM bhaktibhAjAm | mArkaNDeyaH sa~njagAdAnubhAvaM vishvotkR^iShTaM dyotayantIM tulasyAH || 9\.89|| shrutvA sarve vR^ittametanmunIndrAH sarvaj~nAste harSharomA~nchitA~NgAH | mArkaNDeyaM pratyanandaMstadAsya\- chyotadgAthAsvAdatR^iptiM vinaiva || 9\.90|| tasmAt sevyA tvatpadAbjapriyaiShA nityaM martyeneha sarvArthasid.hdhyai | tyaktvA vIrudbuddhimasyAM sutIrthe\- ShvaddhA yadvat toyabuddhiM vigarhyAm || 9\.11|| nUnaM tAvat tryakSharI sA tulasyA\- khyAsAvAmnAyatrayIto.api gurvI | yaM tvAM nityaM sevate hi dvitIyA sa tvaM prItyA yadbhajasyachyutAdyAm || 9\.92 deshe medhye lomakITAsthirikte prAgvistIrNaM saMvidhAyAlavAlam | bIjAvApaM shrItulasyAH prakuryAt tasmin pUto mAnuSho.antarbahishcha || 9\.93|| prAtassAyaM shItalenAmbhasA tA\- mAsi~nchaMstatpatrasamparkapUtam | toyaM mUrdhnA chodvahenmR^igyamaddhA brahmeshAmartyAdhipaiH sarShisiddhaiH || 9\.14|| sAyaM kurvannetadIyAlavAla\- syAla~NkAraM dIpamAlAvisheShaiH | bhaktyAbhIkShNaM tAM 1parikramya natvA yAvachChakti prArthayedachyutaivam || 9\.95|| 1\. pradakShiNIkR^itya | bho bho devi! shrItulasyachyutA~Nghri\- dvandvAmbhojaikAsavAsvAdadhanye | saMsArAmbhorAshimagnaM sudInaM kAruNyAnmAmuddharetyullapechcha || 9\.96|| ekAdashyAM vai visheSheNa tasyA mUle rAtriM yApayedapramattaH | sArdhaM sadbhistvatkathAmR^iShTapIyU\- ShAsvAdAtyantAnuraktaiH sudhanyaiH || 9\.97|| tanmUlasthAM ki~ncha mR^itsnAM supuNyAM tadvanmUrdhnA chAvahanneSha martyaH | mukto hi syAt pAtakebhyo.akhilebhyaH kAruNyAt te nAtra kAryo vichAraH || 9\.98|| kiM bhUyobhirbhAShitaistvatpadAbja\- sparshAddhanyAM nAtha! vishvaM punantIm | enAM nityaM sevamAno hi sharma shrIman nUnaM prApnuyAddhAnihInam || 9\.99|| tasmAdevambhUtayA shrItulasyA dhanyairanyaiH 1sa~Ngato.asyAH prasUnaiH | yo nityaM tvAmarchayeduktarItyA kastatpuNyaM vaktumIShTe dharAyAm || 9\.100|| 1\. sa~NgAddhetoH iti svAtishrIrAmavarmava~nchimahArAjavirachitAyAM bhaktima~njaryAM navamashatakam | \section{atha dashamashatakam |} vadAmyathAmbhoruhanAbha! ShaShThIM bhaktiM bhavadvandvanirUpiNIM tAm | tadarthamurvIkamalesha! vANIM vidhehi dAsasya paTIyasIM me || 10\.1|| viri~nchasharvAmaranAyakAdyA jAtA jagadvandyapadAdhirUDhAH | tvada~Nghrinatyaiva kathaM na vA~nChayA bhavediyaM bhuvyAkhalairapApaiH || 10\.2|| avApyamanyachChirasA narasya sAphalyamambhoruhanAbha! kiM vA | vinA praNAmAt tava nanvagaNya\- puNyaikalabhyAdahinAthashAyin !|| 10\.3|| haratyaghaM yachChati vA~nChitArthaM samastapApaughamapAkaroti | tanoti kalyANaparamparAma\- pyadhokShajA~NghridvayavandanaM te || 10\.4|| na hemakoTIrashataiH suratnai\- rna mUrdhajairvA sumadAmabaddhaiH | ala~NkriyA syAchChiraso yathA vai praNAmatastAvakapAdayugme || 10\.5|| vahannathoShNIShakirITakAnAM sahasramapyeSha naro batA1nte | sughoravaivasvatadaNDaghAtaM niroddhumetena2 bhavet paTuH kim || 10\.6|| 1\. dehApAye | 2\. uShNIShAdivahanena | ajAnatA che1damaho januShmatA jaDAtmamanA bhUrimadAndhachetasA | avApyate janmashateShu majjanaM punaHpunarghorabhavAbdhivIchiShu || 10\.7|| 1\. ukta vastutattvam | tato yathA janturasau sudurlabhaM prapadya tanmAnavajanma viShTape | vR^ithA tadetadviphalIkariShyati bravImi chaitat kR^ipayA tavAdhunA || 10\.8|| yadA jananyA jaTharaM vishatyasau naro.asR^igasthyAmiShakalpitAkR^itiH | tadA dhruvaM j~nAnalavena varjita\- shchirAya shete sa purIShakuNDake || 10\.9|| krameNa mAsairdashabhiH samudya\- chChirobhujorva~NghrimukhapratIkaH | samedhate tvatkR^ipayaiva tatra sthitaH sudInaH karuNaikasindho !|| 10\.10|| svamAtR^ibhuktaiH kaTutiktakAmla\- mukhai rasairAkulitashcha nityam | kadA bahirnirgamanaM mama syA\- ditastviti dhyAyati sarvakAlam || 10\.11|| vinirgato.apyeSha bahishcha garbhA\- drudan jananyAH stanamAtrajIvI | na vetti nUnaM bhujagAnalAdIn svanAshahetUnapi bAlyakAle || 10\.12|| svadehajAtAmapi hanta pIDA\- mashakta IshAlapituM parasmai | rudatyasau vIkShya mukhaM svapitro\- stada~NkashAyI charaNe vidhUnvan || 10\.13|| rudatyamandaM bahirapyadR^ishyayA stanandhaye.asmin rujayA kayAchana | stanaM dadAti kShudhitatvasha~NkayA prasUsta1dapyasya gadAya kalpate || 10\.14|| 1\. stanadAnamapi | tataH shanaireSha ramesha ! pitroH parAM mudaM sa~njanayaMstadagre | charannajAvyaktavachAMsi vaktuM shanaiH shanairArabhate.abjanAbha!|| 10\.15|| ayaM niyukto.apyatha pAThayogye vayasyavApte shanakaista1dartham | guroranAdR^itya vachAMsi khele matiM vidhatte saha nAtha ! bAlaiH || 10\.16|| 1\. pAThArtham | 1tamomayaM hanta 2tamo narANAM prashAntimabhyeti hi vidyayaiva | tadarthamuchchairyatate na kAle yadIshvara ! syAnnu kadA 3tadAptiH || 10\.17|| 1\. aj~nAnamayam | 2\. timiram | 3\. vidyAptiH | yathaiva sasyAnyatila~Nghya kAlaM vR^iShTyApi na syuH phalavanti loke | tathA shramo.apIsha! kR^itaH shrutArthe syAdeva vandhyo bhagavannAle || 10\.18|| itthaM ramAnAyaka! bAlyakAlaM vinIya vidyAgamamantareNa | upaiti tAruNyadashAM sa pashchA\- dajayyaShaDvairivihArabhUmim || 10\.19|| nareNa yasyAM sahasA dashAyAM samprArthanIyaH khalu sAdhusa~NgaH | sa eSha daurbhAgyavashena tasyAM niShevate hanta 1tadanyameva || 10\.20|| 1\. asAdhusa~Ngameva | tatashcha vittArjanalampaTo.asau chalAnavApyAshu tathAdhikArAn | vimuktabhAvatkapadAbjachintaH pravartate sAdhujanApakAre || 10\.21|| atR^iptimAn bhUShaNachelayAna\- dhanopajIvyAvasatheShu nityam | vihAya sAdhvIM svavadhUmanAthAM ratiM vidhatte nanu puMshchalIpu || 10\.22|| avAptamanyAyavashena vittaM vitIrya tAbhyo bata riktahastaH | shanairbalIka~nchukitAkhilA~Ngo jarAturo hanta bhavatyupendra !|| 10\.23|| na vIkShituM dR^iShTi1ralaM shrutirna shrotuM sadA yaShTirapekShitA cha | tyajanti putrAshcha vadhUshcha shaure ! naro na kAM yAti shuchaM jarAyAm || 10\.24|| 1\. nAlaM na samarthA | tathA sthito hanta jahAti madhyaM lokaM vikR^iShTo bata yAmyadUtaiH | avApya dhorAM niraye cha hiMsAM punashcha kAmapyatha yonimeti || 10\.25|| iti srageShA janimR^ityurUpiNI ramApate! no viramedyanda1dantarA | tadIsha ! te pAdasarojavandanaM sadA vidadhyAnmanujastadekadhIH || 10\.26|| 1\. yadvinA | kR^itA~njalishchAnatakandharo manA~N\- nimIlya netre viShayeShu 1lAlasam | mano nirudhyA~Nga ! tavA~Nghripa~Nkaje niveshya kuryAt sahasA namaskriyAm || 10\.27|| 1\. lolupam | urashshironetramanovachobhiH padbhyAM karAbhyAmahinAthashAyin ! | tathaiva karNadvitayena bhaktyA kR^itA hi sAShTA~NganamaskriyoktA || 10\.28|| iyaM vidheyA vrajatA tvadAlayaM nareNa bhaktyA puratastavAnisham | pradakShiNIkR^itya vibho ! yathAvidhi stavottamaM vyAharatA pade pade || 10\.29|| tvadIyanAmashravaNe kathAsu prabodhanidrAgamabhojaneShu | tvadAlayasthottamavastudR^iShTau kAryA nati1stAvakavIkShaNe cha || 10\.30|| 1\. tvadbhaktadarshane | itIha yo vandanamAcharet pumAn lokatrayIvandyapadAmbujasya te | sa vai kR^itAntaM cha tadIyaki~NkarAn svapne.api no pashyati nAtra saMshayaH || 10\.31|| athArabhe.ahaM sahasAbhidhAtuM bhaktiM parAM mAdhava! saptamIM te | jagatpate! dAsyamiti pratItAM kR^ipAM tadarthaM kuru 1tAvake drAk || 10\.32|| 1\. arthAnmayi | tvadIyadAso.asmyahama~Nga ! tubhyaM samarpitaM karma mayA kR^itaM yat | itIha yaH shreShThatamastu bhAvo vidurbudhAstAM nanu dAsyabhaktim || 10\.33|| karoti karmANi yadIha chetanaH phalechChayA tatphalamAtramashnute | samarpya sarve tvayi chet karotyasA\- vanantamAnandamananta ! vindati || 10\.34|| suparvavedAdhvaramantratantra\- tapovratAdInyapi yanmayAni | tathAvidhe tvayyasamarpitAni kathaM bhaveyuH kushalAya tAni || 10\.35|| yathA hutaM bhasmani vR^iShTipAtanaM yathoShare vA ruditaM yathA vane | yathopadeshashcha kR^ito jaDAtmane tathaiva karma tvadanarpitaM bhavet || 10\.36|| yathopakArashcha kR^itaH kR^itaghne yathA dhR^ito vA mukuro.andhavaktre | yathaiva ghAtashcha tuShasya rAshe\- stathaiva karma tvadanarpitaM syAt || 10\.37|| yadatra dR^iShTaM yadapIshvara ! shrutaM yachchAnubhUtaM yadadhokShajArjitam | yadapyadhItaM cha yadapyudIritaM tvayyachyute tatsakalaM samarpayet || 10\.38|| iShTaM yadambhoruhanAbha! yaddhutaM yachchApi dattaM nanu vittamarhate | kiM vA bahUktyA tanuvAkyamAnasai\- ryadyat kR^itaM tvayyakhilaM tadarpayet || 10\.39|| sarojanAbhaivamasheShakarmA\- rpaNaM manuShyastvayi yo vidhatte | na badhyate karmabhireSha jAtu paraM cha vindatyayi sharma nityam || 10\.40|| ahIndrashAyin ! samudIrayAmi tAM varIyasIM bhaktimathAhamaShTamIm | tvadIyasakhyAhvayashAlinI javAd\- dayA vidheyA mAya nAtha! tatkR^ite || 10\.41|| samastavastuShvalamasthireShu nissAratAM samyagavekShya bud.hdhyA | tvayyeva visrambhabharo yadi syA\- nnyasto bhavedeSha hitAya panthAH || 10\.42|| samIhamAnasya manaH svamasmin mArge sthirIkartumadhIsha! jantoH | pratyUhabhUtAni mitho vibhinna tattvAni santya~Nga ! matAni loke || 10\.43|| puMsAM tu yeShAmiha yeShu yeShu shAstreShu bhUman! pratipattirasti | bhajanti te mAdhava ! teShu teShu sevyatvabud.hdhyA pratipAdyabhUtam || 10\.44|| upAsate kechana shabda eva brahmeti karmetyaNurityathAnye | tathA pare kAla itIha loke svAbhyastashAstrAnuguNaM murAre !|| 10\.45|| yathAruchItthaM bahunAmabhedai\- rupAsanAsvapyavanau kR^itAsu | tAH paryavasyantyakhilAtmakatvAt tvayyeva nissaMshayamambujAkSha !|| 10\.46|| atastvayIshAnyamateShvasakto dadhAti visrambhabharaM narashchet | 1sa pAlayatyenamaho vipadbhyo nishsha~Nkamuchchairapi dustarAbhyaH || 10\.47|| 1\. visrambhamaraH | vane sughore puruShAdasevite mahArNave majjati vAyunA plave | samIpavartiShvathavA.a.atatAyiShu prapAlayatyenamasau na saMshayaH || 10\.48|| tathAmaye mUrChati chAnivArye patatsu shastreShu raNe.atighore | upAgate dasyukule jighAMsA\- vavatyasau nirvichikitsamenam || 10\.49|| purA na ke ke bhagavana ! mahAnta\- stvayyeva visrabdhadhiyo.akhilAtman ! | vimochitA hanta mahAvipadbhya\- stvayaiva kAruNyasudhArNavena || 10\.50|| suyodhanaH prAk kumatirvR^ikodaraM mukhe mitho bhakShyasamarpaNachChalAt | abhojayadvai garaduShTamodanaM payovihAre.atha surApagAmbuni || 10\.51|| sumUrChitaM taM patitaM cha nidrayA vashIkR^itaM hanta sa eSha rajjubhiH | nibadhya toye shitashUlakIlite drutaM nichikShepa tadA durAshayaH || 10\.52|| (yugmakam) avikShato diShTabalena shulai rasAtalaM prApya sa nAgadaMshAt | vinaShTapUrvoktaviSho.achyutAhI\- natADayat tAn bhR^ishamanyutaptaH || 10\.53|| AvedayAmAsuramI cha takShakaM sa chaitya taM vIkShya tadAtimAnayan | tasmai dadau 1kuNDarasAShTakaM hare ! nipIya suShvApa 2sa tat sukhena || 10\.54|| 1\. kuNDAShTakAbhitaM rasamiti tAtparyam |\rdq{}evamaShTau sa kuNDAni hyapibat pANDunandanaH\rdq{} (bhAratam) 2\. vR^ikodaraH | prabuddhamenaM cha vivR^iddhasattvaM pramANakoTyAhvayadeshamete | ninyurbhuja~NgAH sa puraM tato.agAt shuche ripUNAM cha mudde 1svakAnAm || 10\.55|| 1\. j~nAtInAm | kadAchidIrShyAvashagaH sa pArthe janAnurAgAnvitarAjyalakShmIm | suyodhano vIkShya kaNi~NkanAmnA sammantrayAmAsa sudurnayena || 10\.56|| praj~nAdR^isho mAdhava! vAraNAvataM piturmukhenAshu tataH sa dharmajam | sampreShya shushrUShaNakarmaNe ChalA\- nniyojayAmAsa purochanAhvayam || 10\.57|| puraM gatAstat khalu dharmajAdyAH purochanenAtha samaM khalena | krameNa lAkShAsadanaM praviShTA\- shchikIrShitaj~nA api 1nAgaketoH || 10\.58|| 1\. duryodhanasya | vasatsu tatraiShvatha bhImavAchA sametya tAvat khanako.atha ko.api | sampreShito vai vidureNa chakre mArgaM 1suru~NgAmayamAshu gUDham || 10\.59|| 1\. bhUvivararUpam | samIkShya kAlaM sapurochanaM tat pluShTvA gR^ihaM vAyusutaH 1sagarbhyaiH | nirgatya tenesha ! pathA hiDimbaM hatvaikachakraM puramadhyavAtsIt || 10\.60|| 1\. sodaryai | itthaM mahadbhyo.api vipadgaNebhyo mukto hi yenaiva bhavennaro.asau | tamIsha! sa~NkhyAtmakabhaktiyogaM tvayyeva dadhyAt satataM manIShI || 10\.61|| ramesha ! bhaktiM navamImathAhaM bravImi tAmAtmanivedanAkhyAm | kR^ipA tadartha tava padmakoshe dineshalIlAM hR^idi me vidhattAm || 10\.62|| mamaitaditya~Nga ! samastavastu\- ShvatyantasaktiM sahasA vidhUya | tvadarpaNaM yat kriyate vidustAM bhaktiM budhA svAtmanivedanAkhyAm || 10\.63|| athedR^ishaj~nAnavihInachittAH ke ke bhramanto nanu karmamArge | punaHpunaH saMsR^itisindhumagnA no yAnti kaM kaM bhagavan ! viShAdam || 10\.64|| ahaM dhanI nAsti mayA samo.anyo mayA samastA ripavo.abhibhUtAH | ityUDhagarvaM hR^idi 1bhAvayanti svAntassthaShaDvairijaye.apyadakShAH || 10\.65|| 1\. chintayanti | ahampadasyAtra kimIsha! vAchyo deho manaH kinnu kimindriyANi | kiM vA dhanAgAravadhUsutAdyA\- staTitprabhAsphUrjitacha~nchalAni || 10\.66|| sharIrachetaHkaraNAdikAnA\- mantaristhataH preraka eka Aste | tvattaH sa bhinnaH kimuta tvameva dhruvaM tvameveti mahAtmanAM dhIH || 10\.67|| tasmAjjagat tvanmayameva bhAvayan nirastavairaH sakaleShu jantuShu | sarvAtmanA tvayyakhilaM samarpaye\- daha~NkR^itiM hanta visR^ijya dUrataH || 10\.68|| krItasya yadvadgajaghoTakAdeH kreturbhavet poShaNatatparatvam | nyastAtmanastvayyakhileshvare syAt saMrakShaNe dhUrvahatA tathA te || 10\.69|| mukunda ! ke ke na tathA mahAntaH samarpya sarvaM tvayi vishvabandhau | avApurAmodarasaikasAndraM tavA~NghriyugmaM paramashrameNa || 10\.70|| jitAn svaputrAn balinA nirIkShya khinnAditiH kAshyapasUpadiShTam | sA dvAdashAhaM sma payovrataM vai chachAra bhaktyA varamAptukAmA || 10\.71|| yathAvarApti shravaNarkShayukte sA 1dvAdashIpuNyadine bhavantam | vaTusvarUpaM suShuve.atidhanyA toShTR^iyyamAnaM surasiddhasa~NghaiH || 10\.72|| 1\. dvAdashIti tithivisheShasya sa.nj~nA | hare.avatIrNasya sa kAshyapo.asau bhAgyAmbudhiH sAdhu samaM svapatnyA | tajjAtakarmAdikamAshukarma chakre pramodAshrupariplutaste || 10\.73|| tataH kadAchidbaliyaj~navATaM prApto bhavAMstasya madApanuttyai | stutvA yayAche.atha padatrayeNa meyAM bhuvaM nAtha! vinItaveShaH || 10\.74|| kAvyena shapto.api tadIyavAkya\- syolla~NghanAnno bata bho disheti | padatrayaM hanta dadau sa tubhyaM surArinAtho vibhavAvaliptaH || 10\.75|| padadvayenaiva samastaloka\- mAkramya me dehi padaM tR^itIyam | ityarthito.asau bhavatA madIye maulau nidhehIti bhavantamUche || 10\.76|| baddho.atha nAgaiH svapitAmahena (sva \- prahlAdena) saMsAntvitashchAtha pitAmahasya | vAchA vimukto bhavadAj~nayaiva rasAtale vItamado nyavAtsIt || 10\.77|| aishvaryagarvAnvitamAnaso.api sa sarvamapyarpitavAn yataste | tato gR^ihadvAri gadAdharo.asya gadAgrajastvaM satataM vibhAsi || 10\.78|| svargAdhipatyaM balashAsanAya vitIrya bhUman ! sahajaiH svakIyaiH | tAmadhyavAtsIramarAvatIM tva\- mupendrasa.nj~nAlasito murAre !|| 10\.79|| iyaM hi gAthA vaTurUpiNaste prakAshayantI baligarvabha~Ngam | jayatyabhIkShNaM dhanino madAddrAg vimuchya bhaktiM tvayi vardhayantI || 10\.80|| yudhiShThiro digjayalabdhasampadaM nirIkShya sImArahitAM mahIpatiH | yathArhamenAmupayoktumudyataH samAhvayat tvAM sukR^itI svapattanam || 10\.81|| samAgate tvayyatha bhaktavashye puraM svakIyaM sa bhavanniyogAt | ArabdhavAnachyuta! rAjasUyA\- hvayaM kratuM drAgvidhivat sadIkShaH || 10\.82|| avantichInadramilA~Ngava~Nga\- kashmIrakarNATakagurjareshAH | mahIbhR^ito dharmasutaM yathArhaM kR^itopachArAH sahasA praNemuH || 10\.83|| kratoH samAptau ka ihAgryapUjA\- marhatyupeteShviti saMshayAnam | nR^ipaM samAshvAsya shashaMsa bhIShma\- stavaiva pUjyatvamihAkhilAtman !|| 10\.84|| R^ite.atha chaidyapramukhAn samaste tuShTe jane tAM nishamayya vArtAm | dhaumyaM puraskR^itya tavAgryapUjAM sarvAtmanA dharmasuto vitene || 10\.85|| amartyamartyAsurasiddhanAga\- gandharvavidyAdharayAtuyakShAH | mR^igAH khagAH bhUruhavIrudho.api tadA visImAM kila tR^iptimApuH || 10\.86|| (tadA \- tvadagrapUjAkaraNasamaye) bhavadvinindAparabhAShitAni chaidyena tAvadbahu jalpitAni | drutaM tR^iNIkR^itya bhavatprashaMsAM madhyesabhaM shAntanavashchakAra || 10\.87|| (shAntanavaH \- bhIShmaH) samudyataM 1taM tvatha yaj~nabha~NgaM (taM \- shishupAlam) kartuM nR^ipe sAntvayituM pravR^itte | nivArya bhIShmo.akathayat khalAnAM vaktA haristUttaramityasha~Nkam || 10\.88|| shaure ! tvayAgashshatake.api soDhe bhUyo.aparAdhapravaNastvayIshe | chakre sa chakreNa nikR^ittashIrSha\- statastvadaikyaM sa yayau vishuddhaH || 10\.89|| tataH samApte.ajita ! rAjasUye kratau nR^ipenduryashasA virAjan | vidhAya sadyo.avabhR^ithaM nagaryAM svabandhuvargaiH sasukhaM nyavAtsIt || 10\.90|| sarvAtmanetthaM bhavadarpaNena santo.abhijagmurmudamavyayAM yat | tasmAdiyaM chAtmanivedanAkhyA bhaktirniShevyA bhuvi sarvalokaiH || 10\.91|| itIha bhUman ! kathitA mayAsau tavesha! bhaktirnavadhA smR^itA sA | yAmAha pUrvaM danujArbhakebhyaH kAyAdhavastvatpadasaktachittaH || 10\.92|| (kAyAdhava \- prahlAdaH) ekatra chApyAsu hi bhaktipaddhati\- ShvAsajjamAno na bhavAya kalpate | pAthojanAbhAtha navasvapIha yaH saMsaktachetAH sa pumAMstu kiM punaH || 10\.93|| sudurlabhaM prApya tato naratvaM tatrApi varNe jananaM prashaste | tvatpAdapa~Nkeruhabhaktimeva yateta labdhuM manujo manIShI || 10\.94|| yAvanmano vai viShayeShu lolaM bhavenna tAvat sthiratA hi bhakteH | atashcha tAmarjayituM sadaiva puMsA viraktiH sahasAvalambyA || 10\.95|| yadR^ichChayA.a.aptena dhanena tuShTaH sukheShvasau vaiShayikeShvasaktaH | nirastamAnashcha bhavedavairaH samastabhUteShu dayAparashcha || 10\.96|| sa puNyatItthITanatatparashcha nayeta kAlaM tava satkathAbhiH | vihAya vai laukikabhAShitAni japechcha dAmodara ! mAdhaveti || 10\.97|| itthaM viraktiH sudR^iDhoditA che\- jjAyeta bhaktiH svayameva puMsaH | tayA punarj~nAnamudeti tena prApnoti muktiM cha chatuShprakArAm || 10\.18|| salokatA chaiva samIpatA cha sArUpyasAyujyagatI itIsha ! | (sArUpyagatiH sAyujyagatishcha) mumukShavo muktigatiM chaturdhA vidurbudhAstvatkR^ipayaiva labhyAm || 10\.99|| salokatA syAdvasatirvikuNThe samIpatA syAt tvadupAntalabdhiH | sArUpyamuktishcha 1darArimattvaM (sha~Nkhachakravattvam) sAyujyamuktistvayi lInatA syAt || 10\.100|| IdR^igvidhA muktigatIravAptuM bhoktuM cha kAmAn bhuvaneShvabhIShTAn | yA hetubhUtA tava pAdabhakti\- rudetu seyaM manasi sthirA me || 10\.101|| iti svAtishrIrAmavarmava~nchimahArAjavirachitAyAM bhaktima~njaryAM dashamashatakam | granthaviShayA kaviprArthanA | itthamachyuta! bhavatkR^ipAlavAt pUrtimadya gamitA katha~nchana | prItimAvahatu padmanAbha ! te tvatpadAmburuhabhaktima~njarI || puShpasa~NgamavashAddhi sUtrama \- pyuhyate shirasi mAnavairyathA | varNyavaibhavavashAt satAM mude syAt tatheyamapi bhaktima~njarI || samAptA cheyaM bhaktima~njarI | shubhaM bhUyAt | ## Bhakti Manjari by Sri Rama Varma Kulasekhara Perumal, Maharaja of Trvancore, 1904 The footnotes are retained as in print, but moved close to their occurrence so the reader can spot the note right away. See the links for the scanned original PDF. Proofread by PSA Easwaran (dashaka 1-2 initially proofread by DKM Kartha) \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}