% Text title : Shri Bhagavad-Bhakti Rasayanam % File name : bhaktirasaayana.itx % Category : major\_works, madhusUdanasarasvatI % Location : doc\_z\_misc\_major\_works % Author : matparamahaMsa parivrAjakAcArya shrI madhusUdanasarasvatI % Transliterated by : D.V.N.Sarma dvnsarma at gmail.com Sunder Hattangadi % Proofread by : D.V.N.Sarma, Sunder Hattangadi % Description/comments : Perspective of Devotion by an advaitin philosopher % Source : ShriBhagavadbhaktirasayanam - Achyutagranthamala Dvitiya Pushpam - 1st ed, Vikramabde 1984 % Latest update : June 16, 2007, April 6, 2012, April 25, 2015 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Bhagavad Bhakti Rasayanam ..}## \itxtitle{.. shrIbhagavadbhaktirasAyanam ..}##\endtitles ## paramahaMsaparivrAjakAchArya\-vishvavikhyAtavaiduShIka shrImadhusUdanasarasvatIyativara virachitam bhaktisAmAnyanirUpaNanAmakaH prathamollAsaH || navarasamilitaM vA kevalaM vA pumarthaM paramamiha mukunde bhaktiyogaM vadanti | nirupamasukhasaMvidrUpamaspR^iShTaduHkhaM tamahamakhilatuShTyai shAstradR^iShTyA vyanajmi || 1|| saMsArarogeNa balIyasA chiraM nipIDitaistatprashame.atishikShitam | idaM bhavadbhirbahudhA vyayAtigaM nipIyatAM bhaktirasAyanaM budhAH || 2|| drutasya bhagavaddharmAddhArAvAhikatAM gatA | sarveshe manaso vR^ittirbhaktirityabhidhIyate || 3|| chittadravyaM hi jatuvatsvabhAvAtkaThinAtmakam | tApakairviShayairyoge dravatvaM pratipadyate || 4|| kAmakrodhabhayasnehaharShashokadayA.a.adayaH | tApakAshchittajatunastachChAntau kaThinaM tu tat || 5|| drutachitte vinikShiptaH svAkAro yastu vastunA | shabdasaMskAravAsanAbhAvabhAvanAbhAgasau || 6|| shithilIbhAvamAtraM tu mano gachChatyatApakaiH | na tatra vastu vishati vAsanAtvena ki~nchana || 7|| dravatAyAM praviShTaM sadyatkAThinyadashAM gatam | chetaH punardrutau satyAmapi tannaiva mu~nchati || 8|| sthAyIbhAvagirA.ato.asau vastvAkAro.abhidhIyate | vyaktashcha rasatAmeti parAnandatayA punaH || 9|| bhagavAnparamAnandasvarUpaH svayameva hi | manogatastadAkAro rasatAmeti puShkalam || 10|| kAntA.a.adi viShaye.apyasti kAraNaM sukhachidghanam | kAryAkAratayA.abhAne.apyAvR^itaM mAyayA svataH || 11|| sadaj~nAta~ncha tadbrahma meyaM kAntA.a.adi mAnataH | mAyA.a.avR^ititirodhAne vR^ittyA sattvasthayA kShaNam || 12|| atastadeva bhAvatvaM manasi pratipadyate | ki~ncha nyUnA~ncha rasatAM yAti jADyavimishraNAt || 13|| iti vedAntasiddhAnte sthAyino rasatoditA | sA~NkhyasiddhAntamAshrityApyadhunA pratipadyate || 14|| tamorajaHsattvaguNA mohaduHkhasukhAtmakAH | tanmayI prakR^itirhetuH, sarvaM kArya~ncha tanmayam || 15|| triguNAtmakamekaikaM vastu tryAkAramIkShyate | nijamAnasasa~Nkalpabhedena puruShaistribhiH || 16|| kAminyAH sukhatA bhartrA sapatnyA duHkharUpatA | tadalAbhAttathA.anyena mohatvamanubhUyate || 17|| evaM sati sukhAkAraH praviShTo mAnase yadA | tadA sa sthAyibhAvatvaM pratipadya raso bhavet || 18|| paramANvekarUpaM tu chittaM na viShayAkR^iti | ityAdi matamanyeShAmapramANyAdupekShitam || 19|| gR^ihNAti viShayAkAraM mano viShayayogataH | iti vedAntibhissA~Nkhyairapi samya~NnirUpitam || 20|| mUShAsiktaM yathA tAmraM tannibhaM jAyate tathA | ghaTAdi vyApnuvachchittaM tannibhaM jAyate dhruvam || 21|| vya~njako vA yathA.a.aloko vya~NgyasyAkAratAmiyAt | sarvArtha vya~njakattvAddhIrarthAkArA pradR^ishyate || 22|| bhagavatpUjyapAdAnAmiyamuktiH sayuktikA | tathA vArtikakArairapyayamartho nirUpitaH || 23|| mAturmAnAbhiniShpattirniShpannaM meyameti tat | meyAbhisa~NgataM tachcha meyAbhatvaM prapadyate || 24|| ##var. addition## evaM etAdR^ishaM vAkyamudAhAryamanekashaH | chittasya viShayAkAragrAhakatvopapAdane || 25|| ##var. addition## ato mAMsamayI yoShitkAchidanyA manomayI | mAMsamayyA abhede.api bhidyate.atra manomayI || 26|| bhAryA, snuShA, nanAndA cha, yAtA, mAtetyanekadhA | jAmAtA, shvashuraH, putraH, pitetyAdi pumAnapi || 27|| bAhya piNDasya nAshe.api tiShThatyeva manomayaH | ataH sthAyIti vidvadbhirayameva nirUpitaH || 28|| evaM sAmAnyato bhAvasvarUpamabhivarNitam | visheSheNa tu sarveShAM lakShaNaM vakShyate pR^ithak || 29|| bhagavantaM vibhuM nityaM pUrNaM bodhasukhAtmakam | yadgR^ihNAti drutaM chittaM kimanyadavashiShyate || 30|| kaThinA shithilA vA dhIrna gR^ihNAti na vAsyate | upekShAj~nAnamityAhustadbudhAH prastarAdiShu || 31|| kAThinyaM viShaye kuryAddravatvaM bhagavatpade | upAyaishshAstranirdiShTairanukShaNamato budhaH || 32|| upAyAH prathamaskandhe nAradenopavarNitAH | sa~NkShepAttAnahaM vakShye bhUmibhedavibhAgataH || 33|| prathamaM mahatAM sevA taddayApAtratA tataH | shraddhA.atha teShAM dharmeShu tato hariguNashrutiH || 34|| tato ratya~NkurotpattissvarUpAdhigatistataH | premavR^iddhiH parAnande tasyAtha sphuraNaM tataH || 35|| bhagavaddharmaniShThA.atassvasmin tadguNashAlitA | premNo.atha paramAkAShThetyuditA bhakti bhUmikA || 36|| lakShaNaM bhagavadbhakteH sAdhanaM sopapattikam | sabhUmikaM svarUpa~ncha yathAbuddhIha varNitam || 37|| iti shrI paramahaMsaparivrAjakAchArya shrImadhusUdanasarasvatIvirachite bhagavadbhaktirasAyane svarUpabhUmikAsAdhanasahitabhaktisAmAnyanirUpaNaM nAma prathamollAsassamAptaH || \medskip\hrule\medskip atha dvitIyollAsaH || drute chitte praviShTA yA govindAkAratA sthirA | sA bhaktirityabhihitA visheShastvadhunochyate || 1|| chittadruteH kAraNAnAM bhedAdbhaktistu bhidyate | tAnyuktAni tu sa~NkShepAdvyAkhyAyante.adhunA sphuTam || 2|| kAmashsharIrasambandhavisheShasspR^ihayAlutA | sannidhAnAsannidhAnabhedena sa bhaveddvidhA || 3|| tajjanyAyAM drutau chitte yA syAchChrIkR^iShNaniShThatA | sambhogaviprayogAkhyA ratissA sA kramAdbhavet || 4|| krodha IrShyAnimittaM tu chittAbhijvalanaM bhavet | tajjanyAyAM drutau sA tu dveSha shabdena gR^ihyate || 5|| atra cheto vyAkulatvaM sopadrAvakadarshanAt | upadrAvakanAshArthaM tatprItyarthaM cha taddvidhA || 6|| tatrAdyaM dveSha eva syAddvitIyaM ratishabdabhAk | upariShTAttadubhayaM mayA spaShTIkariShyate || 7|| dveShA hetussvamantUtthaM vaiklavyaM chittagaM tu yat | tajjanyAyAM drutau yA.a.aste ratissA bhayamuchyate || 8|| snehaH putrAdiviShayaH pAlyapAlakalakShaNaH | sevyasevakabhAvo.anyaH so.apyuktastrividho budhaiH || 9|| bhagavaddAsyasakhyAbhyAM mishritaM chAparaM jaguH | yA kR^iShNAkAratA chitte tajjanyadrutishAlini || 10|| pAlyapAlakabhAvena sA vatsalaratirbhavet | sevyasevakabhAvena preyoratiritIryate || 11|| harShashchittasamullAsaH kathyate sa chaturvidhaH | ekaH parAnandamayaH shrIshamAhAtmyakAraNAt || 12|| tajjanyAyAM drutau shuddhA ratirgovindagocharA | etadantaM hi shAstreShu sAdhanAmnAnamiShyate || 13|| vrIDAvikR^itavAgveShacheShTA.a.adi janito.aparaH | tajjanyAyAM drutau chetovikAso hAsa uchyate || 14|| lokottarachamatkArivastudarshanajaH paraH | tajjanyAyAM drutau chetovikAso vismayo mataH || 15|| yuddhAditApajanito vIrANAM jAyate paraH | tatashchittasya vistAro drutasyotsAha uchyate || 16|| iShTavichChedajanito yashchitte kliShTatodayaH | tajjanyAyAM drutau viShTA ratatA shoka uchyate || 17|| dayA ghR^iNA syAdviShayatuchChatvaj~nAnapUrvikA | tayA drute tu manasi jugupsA jAyate tridhA || 18|| pUtivraNAdiviShaye kathitodveginI budhaiH | shmashAnotthapishAchAdiviShayA kShobhiNI bhavet || 19|| dehendriyAdiduHkhatvavichAraNapurassarA | ghR^iNA shuddheti kavibhissA jugupsA prakIrtitA || 20|| yA tu shochyasya rakShArthaM pravR^ittiranukampayA | tayA drute tu manasi dayotsAhassmR^ito budhaiH || 21|| sarvasvamapi dAsyAmi prArthayeti cha yo mahAn | udyamo drutachittasya dAnotsAhassa uchyate || 22|| tathA svadharmarakShArthaM yA pravR^ittiH prayatnataH | tayA chittasya vistAro dharmotsAho drutau bhavet || 23|| vashIkArAkhyavairAgyaM yatkAmAspR^ihatAtmakam | tena drutasya chittasya prakAshaH shama uchyate || 24|| ito.anyathA tu chittasya na drutirvidyate kvachit | tadabhAvAttu bhAvo na niruktAnyo.asti kashchana || 25|| yAvatyo drutayashchitte bhAvAstAvanta eva hi | sthAyino rasatAM yAnti vibhAvAdi samAshrayAt || 26|| dharmotsAho dayotsAho jugupsA trividhA shamaH | ShaDapyete na viShayA bhagavadviShayA na hi || 27|| dharmavIro dayAvIro bIbhatsaH shAnta ityamI | ato na bhakti rasatAM yAnti bhinnAspadatvataH || 28|| IrShyAjabhayajadveShau bhagavadviShayAvapi | na bhaktirasatAM yAtaH sAkShAddrutivirodhataH || 29|| shuddho raudrarasastatra tathA raudrabhayAnakaH | nAsvAdyaH sudhiyA prItivirodhena manAgapi || 30|| kAmaje dve ratI shokaH prItibhIvismayastathA | utsAho yudhi dAne cha bhagavadviShayA amI || 31|| vyAmishrabhAvarUpatvaM yAntyete kShIranIravat | vibhAvAdi samAyoge tathA bhaktirasA api || 32|| shR^i~NgAraH karuNo hAsyastathA prItirbhayAnakaH | adbhuto yuddhavIrashcha dAnavIrashcha mishritAH || 33|| shuddhA cha vatsalaratiH preyoratiriti trayI | bhAvAntarAmishritatvAdamishrA ratiruchyate || 34|| vishuddho vatsalaH preyAniti bhaktirasAstrayaH | rasAntarAmishritAste bhavanti paripuShkalAH || 35|| shR^i~NgAro mishritatve.api sarvebhyo balavattaraH | tIvra tIvrataratvaM tu ratestatraiva vIkShyate || 36|| kechitkevalasa~NkIrNAH kechitsa~NkIrNamishritAH | kechitkevalamishrAshcha shuddhAshcha syushchaturvidhAH || 37|| tatra kevalasa~NkIrNA raudro raudrabhayAnakaH | dharmavIro dAnavIro bIbhatsashshAnta ityapi || 38|| mishrA evAnyaviShayAH proktAssa~NkIrNamishritAH | bhagavadviShayAste tu khyAtAH kevala mishritAH || 39|| shuddhAstrayaH puraivoktAH sa~NkIryante na kenachit | evaM nirUpitA bhaktiH sa~NkShepAduchyate punaH || 40|| rAjasI tAmasI shuddhasAttvikI mishratA cha sA | IrShyAjadveShajA.a.adyA syAdbhayajadveShajAparA || 41|| harShajA shuddhasattvotthA kAmAshokAdijetarA | sattvajatve tu sarvAsAM guNAntarakR^itAbhidA || 42|| tatra te ratitAM naiva yAtaH sukhavirodhataH | ratishabdaM tu bhajataH sukhamayyau pare drutI || 43|| bhaktishchaturvidhApyeShA bhagavadviShayA sthirA | dR^iShTAdR^iShTobhayaikaikaphalA bhaktistridhA bhavet || 44|| rAjasI tAmasI bhaktiradR^iShTaphalamAtrabhAk | dR^iShTAdR^iShTobhayaphalA mishritA bhaktiriShyate || 45|| shuddhasattvodbhavA.apyevaM sAdhakeShvasmadAdiShu | dR^iShTamAtraphalA sA tu siddheShu sanakAdiShu || 46|| dR^iShTAdR^iShTaphalA bhaktiH sukhavyaktervidherapi | nidAghadUnadehasya ga~NgAsnAnakriyA yathA || 47|| rajastamA.abhibhUtasya dR^iShTAMshaH pratibadhyate | shItavAtAturasyeva nAdR^iShTAMshastu hIyate || 48|| tathaiva jIvanmuktAnAmadR^iShTAMsho na vidyate | snAtvA bhuktavatAM bhUyo ga~NgAyAM krIDatAM yathA || 49|| vartamAnatanuprApyaM phalaM dR^iShTamudAhR^itam | bhAvidehopabhogyaM yattadadR^iShTamudIritam || 50|| rajastamaHprachaNDatve sukhavyaktirasatsamA | tIvravAyuvinikShiptadIpajvAleva bhAsate || 51|| tasmAtsvayamprabhA.a.anandAkArA.api matisantatiH | pratibandhavashAnna syAtsukhavyaktipadAspadam || 52|| rajaH prabalasattvAMshAdIrShyAjadveShamishritA | manovR^ittiH parAnande chaidyasya na sukhAyate || 53|| tamaHprabalasattvAMshAdbhItijadveShamishritA | manovR^ittiH parAnande kaMsasya na sukhAyate || 54|| tayorbhAvisharIre tu pratibandhakShaye sati | saiva chittadrutirbhaktirasatAM pratipadyate || 55|| adhunA.api bhajanto ye dveShAtpAshupatAdayaH | teShAmapyevameva syAdatha vA.anena tulyatA || 56|| drutau satyAM bhavedbhaktiradrutau tu na ki~nchana | chittadruterabhAvena venastu katamo.api na || 57|| rajastamovihInA tu bhagavadviShayA matiH | sukhAbhivya~njakatvena ratirityabhidIyate || 58|| snehasyaiva vikAraH priyayoratyantabhaavanaadanisham | virahAsahiShNutA.a.atmA prItivisheSho ratirnAma || 59|| ##var. addition## rajastamassamuchChedatAratamyena gamyate | tulye.api sAdhanAbhyAse tAratamyaM raterapi || 59|| virahe yAdR^ishaM duHkhaM tAdR^ishI dR^ishyate ratiH | mR^idumadhyAdhimAtratvAdvisheSho.atrApi vIkShyate || 60|| vaikuNThe dvArakAyAM cha shrImadvR^indAvane tathA | mR^idutIvrA madhyatIvrA tIvratIvrA cha sA kramAt || 61|| iyaM nisargasaMsargaupamyAdhyAtmAbhiyogajA | samprayogAbhimAnAbhyAM samArope sthitA tathA || 62|| sparshe shabde tathA rUpe rase gandhe cha kevale | samuchchite cha sA tatretyekA ShaDvidhA bhavet || 63|| shuddhA vyAmishritA cheti punareShA dvidhA bhavet | tatrAnupAdhishshuddhA syAtsopAdhirmishritoditA || 64|| anupAdhiH parAnanda mahimaika nibandhanA | bhajanIyaguNAnantyAdekarUpaiva sochyate || 65|| kAmasambandhabhayataH sopAdhistrividhA bhavet | vibhAvAdisamAyoge shuddhabhaktiraso bhavet || 66|| shR^i~NgAramishritA bhaktiH kAmajA bhaktiriShyate | sambandhajA ratiryAti pUrvoktAM rasatAM dvayoH || 67|| eko vatsalabhaktyAkhyaH preyobhaktistathA.aparA | bhayajA ratiradhyAste rasaM prItibhayAnakam || 68|| ekadaiva yadi vyaktamidaM rati chatuShTayam | tadA tu pAnakarasanyAyena paramo rasaH || 69|| ekadvyAdirasavyaktibhedAdrasabhidA bhavet | tasmAtkvachittadabhyAsaM kuryAdratichatuShTaye || 70|| vrajadevIShu cha spaShTaM dR^iShTaM ratichatuShTayam | tachchittAlambanatvena svachittaM tAdR^ishaM bhavet || 71|| rasAntaravibhAvAdi sa~NkIrNA bhagavadratiH | chitrarUpavadanyAdR^igrasatAM pratipadyate || 72|| rasAntaravibhAvAdi rAhitye tu svarUpabhAk | dashamImeti rasatAM sanakAderivAdhikAm || 73|| ratirdevAdiviShayA vyabhichArI tathorjitaH | bhAvaH prokto raso neti yaduktaM rasakovidaiH || 74|| devAntareShu jIvatvAtparAnandAprakAshanAt | tadyojyaM, paramAnandarUpe na paramAtmani || 75|| kAntAdiviShayA vA ye rasAdyAstatra nedR^isham | rasatvaM puShyate pUrNasukhAsparshitvakAraNAt || 76|| paripUrNarasA kShudrarasebhyo bhagavadratiH | khadyotebhya ivAdityaprabheva balavattarA || 77|| krodhashokabhayAdInAM sAkShAtsukhavirodhinAm | rasatvamabhyupagataM tathA.anubhavamAtrataH || 78|| ihAnubhavasiddhe.api sahasraguNito rasaH | jaDeneva tvayA kasmAdakasmAdapalapyate || 79|| iti shrIparamahaMsaparivrAjakAchAryashrImadhusUdanasarasvatIvirachite bhagavadbhaktirasAyane bhaktivisheShapratipAdako nAma dvitIyollAsassamAptaH || \medskip\hrule\medskip atha tR^itIyollAsaH || nanu keyaM raso nAma, kinniShTho vA bhavedasau | asya pratyAyakaH ko vA, pratItirapi kIdR^ishI || 1|| vibhAvairanubhAvaishcha vyabhichAribhirapyuta | sthAyIbhAvaH sukhatvena vyajyamAno rasaH smR^itaH || 2|| sukhasyAtmasvarUpatvAttadAdhAro na vidyate | tadvya~njikAyA vR^ittestu sAmAjikamanaH prati || 3|| kAvyArthaniShThA ratyAdyAH sthAyinaH santi laukikAH | tadboddhR^iniShThAstvapare tatsamA apyalaukikAH || 4|| bodhyaniShThA yathAsvaM te sukhaduHkhAdi hetavaH | boddhR^iniShThAstu sarve.api sukhamAtraikahetavaH || 5|| ato na karuNAdInAM rasatvaM pratihanyate | bhAvAnAM boddhR^iniShThAnAM duHkhAhetutvanishchayAt || 6|| tatra laukikaratyAdeH kAraNaM laukikaM tu yat | kAvyopadarshitaM tattu vibhAva iti kathyate || 7|| laukikasyaiva ratyAderloke yatkAryamIkShitam | kAvyopadarshitaM tatsyAdanubhAvapadAspadam || 8|| laukikasyaiva ratyAderyebhAvAH sahakAriNaH | kAvyopadarshitAste tu kathyante vyabhichAriNaH || 9|| alaukikasya ratyAdeH sAmAjikanivAsinaH | udbodhe kAraNaM j~neyaM trayametatsamuchchitam || 10|| j~nAtasvaparasambandhAdanye sAdhAraNAtmanA | alaukikaM bodhayanti bhAvaM bhAvAstrayo.apyamI || 11|| bhAvatritayasaMsR^iShTasthAyibhAvAvagAhinI | samUhAlambanAtmaikA jAyate sAttvikI matiH || 12|| sA.anantarakShaNe.avashyaM vyanakti sukhamuttamam | tadrasaH, kechidAchAryA stAmeva tu rasaM viduH || 13|| teShAM pratyekavij~nAnaM kAraNatvena tairmatam | sthAyIbhAvo rasa iti prayogastUpachArataH || 14|| evamavyavadhAnena kramo yasmAnna lakShyate | asaMlakShyakramavya~NgyaM dhvaniM tasmAdimaM viduH || 15|| vyavadhAnAtkramo lakShyo vastvala~NkArayordhvanau | lakShyavya~NgyakramaM tasmAddhvanimetaM prachakShate || 16|| rasabhAvatadAbhAsabhAvashAntyAdirakramaH | anantarakShaNe yasmAdvyajyate.avashyameva saH || 17|| shrutiduShTAdayo doShA ye rasapratibandhakAH | tadabhAvo.api sAmagryAM niviShTo.aniShTahAnikR^it || 18|| yA rItayo ye cha guNAstajj~nAnamapi kAraNam | ala~NkArAshcha vij~nAtA bhavanti paripoShakAH || 19|| guNAla~NkArarItInAM bhAvAnAM cha nivedakaH | tasya pratyAyakaH shabdo vR^ittyA vya~njanarUpayA || 20|| vR^ittiH kAryA.aparokShA.asya shabdasya sukhagarbhiNI | dashamastvamasItyAdi vAkyotthamativR^ittivat || 21|| nityaM sukhamabhivyaktaM \ldq{}raso vai sa\rdq{} iti shruteH | pratItiH svaprakAshasya nirvikalpasukhAtmikA || 22|| kAryaj~nApyAdi vaidharmyaM yattu kaishchinnirUpitam | tadapyetena mArgeNa yojyaM shAstrAvirodhataH || 23|| paramAnanda Atmaiva rasa ityAhurAgamAH | shabdatastadabhivyaktiprakAro.ayaM pradarshitaH || 24|| arthavAdAdhikaraNe vanashailAdivarNanam | shrotR^iNAm sukhamAtrArthamiti bhaTTairudAhR^itam || 25|| kAryAnvitatvavAde.api na virodho.asti kashchana | yasmAtkR^itIpsitatvena kAryaM sukhamapIShyate || 26|| alaukika niyoge tu na ki~nchinmAnamIkShyate | loke vAchAM cha sarveShAM tatparatvaM na yujyate || 27|| prayojanavadaj~nAtaj~nApakatvaM cha mAnatA | shabdasya kAryaparatA tvAchAryaireva khaNDitA || 28|| devatAdhikR^itinyAyAtpadairanyaparairapi | prayojanavadaj~nAtAbAdhitArthamatirbhavet || 29|| tasmAdanyaparatve vA svAtantrye vA padAni naH | vya~njayanti parAnandaM sahakAryAnurUpataH || 30|| iti shrImatparamahaMsaparivrAjakAchArya shrImadhusUdanasarasvatIvirachite shrIbhagavadbhaktirasAyane bhaktirasapratipAdako nAma tR^itIyollAsassamAptaH || sarvaM sampUrNam || ## Encoded and proofread by D.V.N.Sarma dvnsarma at gmail.com Sunder Hattangadi \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}