%@@1
% File name             : drigdrishyaviveka.itx
%--------------------------------------------
% Text title            : Drig-Drishya-Viveka 
% Author                : Sw. Bharati Tirtha [Sringeri Mathadhipati 1328-1380]
% Translation by        : 
% Language              : Sanskrit
% Subject               : Vedanta Philosophy
% Description/comments  : A 'prakarana grantha' on Vedanta
% Transliterated by     : Sunder Hattangadi sunderh@hotmail.com
% Proofread by          : Sunder Hattangadi sunderh@hotmail.com
% Latest update         : April 17, 2003
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% http://sanskrit.bhaarat.com/ See the document project
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{\Large Drig-Drishya-Viveka }##
\itxtitle {.. dR^igdR^ishyavivekaH ..}##\endtitles ##
ruupa.n dR^ishya.n lochana.n dR^ik.h taddR^ishya.n dR^iktu maanasam.h .
dR^ishyaa dhiivR^ittayaH saakshii dR^igeva na tu dR^ishyate .. 1..
niilapiitasthuulasuukshmahrasvadiirghaadibhedataH .
naanaavidhaani ruupaaNi pashyellochanamekadhaa .. 2..
aandhyamaandyapaTutveshhu netradharmeshhu chaikadhaa .
sa.nkalpayenmanaH shrotratvagaadau yojyataamidam.h .. 3..
kaamaH sa.nkalpasandehau shraddhaa.ashraddhe dhR^itiitare .
hriirdhiirbhiirityevamaadiin.h bhaasayatyekadhaa chitiH .. 4..
nodeti naastametyeshhaa na vR^iddhi.n yaati na kshayam.h .
svaya.n vibhaatyathaananyaani bhaasayet.h saadhana.n vinaa .. 5..
chichchhaayaa.a.aveshato budau bhaana.n dhiistu dvidhaa sthitaa .
ekaaha.nkR^itiranyaa syaadantaHkaraNaruupiNii .. 6..
chhaayaa.aha.nkaarayoraikya.n taptaayaHpiNDavanmatam.h .
tadaha.nkaarataadaatmyaddehashchetanataamagaat.h .. 7..
aha.nkaarasya taadaatmya.n chichchhaayaadehasaakshibhiH .
sahaja.n karmajaM bhraantijanya.n cha trividha.n kramaat.h .. 8..
saMbandhinoH satornaasti nivR^ittiH sahajasya tu .
karmakshayaat.h prabodhaachcha nivartete kramaadubhe .. 9..
aha.nkaaralaye suptau bhaveddeho.apyachetanaH .
aha.nkaaravikaasaardhaH svapnaH sarvastu jaagaraH .. 10..
antaHkaraNavR^ittishcha chitichchachhaayaikyamaagataa .
vaasanaaH kalpayet.h svapne bodhe.akshairvishhayaan.h bahiH .. 11..
mano.aha.nkR^ityupaadaana.n li~Ngameka.n jaDaatmakam.h .
avasthaatrayamanveti jaayate mriyate tathaa .. 12..
shaktidvaya.n hi maayaayaa vikshepaavR^ittiruupakam.h .
vikshepashaktirli~NgaadibrahmaaNDaanta.n jagat.h sR^ijet.h .. 13..
sR^ishhTirnaama brahmaruupe sachchidaanandavastuni .
abdhau phenaadivat.h sarvanaamaruupaprasaaraNaa .. 14..
antardR^igdR^ishyayorbhedaM bahishcha brahmasatgayoH .
aavR^iNotyaparaa shaktiH saa sa.nsaarasya kaaraNam.h .. 15..
saakshiNaH purato bhaati li~Nga.n dehena sa.nyutam.h .
chitichchhaayaasamaaveshaajjiivaH syaadvyaavahaarikaH .. 16..
asya jiivatvamaaropaat.h saakshiNyapyavabhaasate .
aavR^itau tu vinashhTaayaaM bhede bhaate.apayaati tat.h .. 17..
tathaa sargabrahmaNoshcha bhedamaavR^itya tishhThati .
yaa shaktistadvashaadbrahma vikR^itatvena bhaasate .. 18..
atraapyaavR^itinaashena vibhaati brahmasargayoH .
bhedastayorvikaaraH syaat.h sarge na brahmaNi kvachit.h .. 19..
asti bhaati priya.n ruupa.n naama chetya.nshapa~nchakam.h .
aadyatrayaM brahmaruupa.n jagadruupa.n tato dvayam.h .. 20..
khavaayvagnijalorviishhu devatirya~Nnaraadishhu .
abhinnaaH sachchidaanandaaH bhidyate ruupanaamani .. 21..
upekshya naamaruupe dve sachchidaanandatatparaH .
samaadhi.n sarvadaa kuryaaddhR^itaye vaa.athavaa bahiH .. 22..
savikalpo nirvikalpaH samaadhirdvividho hR^idi .
dR^ishyashabdaanuvedhena savikalpaH punardvidhaa .. 23..
kaamaadyaashchittagaa dR^ishyaastatsaakshitvena chetanam.h .
dhyaayeddR^ishyaanuviddho.aya.n samaadhiH savikalpakaH .. 24..
asa.ngaH sachchidaanandaH svaprabho dvaitavarjitaH .
asmiiti shabdaviddho.aya.n samaadhiH savikalpakaH .. 25..
svaanubhuutirasaaveshaaddR^ishyashabdaavupekshya tu .
nirvikalpaH samaadhiH syaannivaatasthitadiipavat.h .. 26..
hR^idiiva baahyadeshe.api yasmin.h kasmi.nshcha vastuni .
samaadhiraadyaH sanmaatraannaamaruupapR^ithakkR^itiH .. 27..
akhaNDaikarasa.n vastu sachchidaanandalakshaNam.h .
ityavichchhinnachinteya.n samaadhirmadhyamo bhavet.h .. 28..
stabdhiibhaavorasaasvaadaattR^itiiyaH puurvavanmataH .
etaiH samaadhibhiH shhaDbhirnayet.h kaala.n nirantaram.h .. 29..
dehaabhimaane galite vij~naate paramaatmani .
yatra yatra mano yaati tatra tatra samaadhayaH .. 30..
bhidyate hR^idayagranthishchhidyante sarvasa.nshayaaH .
kshiiyante chaasya karmaaNi tasmin.h dR^ishhTe paraavare .. 31..
avachchhinnashchidaabhaasastR^itiiyaH svapnakalpitaH .
vij~neyastrividho jiivastatraadyaH paaramaarthikaH .. 32..
avachchhedaH kalpitaH syaadavachchhedya.n tu vaastavam.h .
tasmin.h jiivatvamaaropaadbrahmatva.n tu svabhaavataH .. 33..
avachchhinnasya jiivasya puurNena brahmaNaikataam.h .
tattvamasyaadivaakyaani jagurnetarajiivayoH .. 34..
brahmaNyavasthitaa maayaa vikshepaavR^itiruupiNii .
aavR^ityakhaNDataa.n tasmin.h jagajjiivau prakalpayet.h .. 35..
jiivo dhiisthachidaabhaaso bhavedbhoktaa hi karmakR^it.h .
bhogyaruupamida.n sarva.n jagat.h syaadbhuutabhautikam.h .. 36..
anaadikaalamaarabhya mokshaat.h puurvamida.n dvayam.h .
vyavahaare sthita.n tasmaadubhaya.n vyaavahaarikam.h .. 37..
chidaabhaasasthitaa nidraa vikshepaavR^itiruupiNii .
aavR^itya jiivajagatii puurve nuutne tu kalpayet.h .. 38..
pratiitikaala evaite sthitatvaat.h praatibhaasike .
na hi svapnaprabuddhasya punaH svapne sthitistayoH .. 39..
praatibhaasikajiivo yastajjagat.h praatibhaasikam.h .
vaastavaM manyate.anyastu mithyeti vyaavahaarikaH .. 40..
vyaavahaarikajiivo yastajjagadvyaavahaarikam.h .
satyaM pratyeti mithyeti manyate paaramaarthikaH .. 41..
paaramaarthikajiivastu brahmaikyaM paaramaarthikam.h .
pratyeti viikshate naanyadviikshate tvanR^itaatmanaa .. 42..
maadhuryadravashaityaani niiradharmaastara~Ngake .
anugamyaatha tannishhTe phene.apyanugataa yathaa .. 43..
saakshisthaaH sachchidaanandaaH saMbandhaadvyaavahaarike .
taddvaareNaanugachchhanti tathaiva praatibhaasike .. 44..
laye phenasya taddharmaa dravaadyaaH syustara~Ngake .
tasyaapi vilaye niire nishhThantyete yathaa puraa .. 45..
praatibhaasikajiivasya laye syurvyaavahaarike .
tallaye sachchidaanandaaH paryavasyanti saakshiNi .. 46.. 
iti bhaaratii tiirtha svaaminaa virachitaH 
dR^igdR^ishyavivekaH samaaptaH ..
##
\medskip\hrule\medskip
Encoded and proofread by Sunder Hattangadi sunderh@hotmail.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}