% Text title            : mahAkavishrIbhAsapraNItaM karNabhAram
% File name             : karNabhAra.itx
% Category              : major\_works
% Location              : doc\_z\_misc\_major\_works
% Author                : Bhasa
% Transliterated by     : questions.sanskrit at gmail.com http://learnsanskrit.org/
% Proofread by          : questions.sanskrit at gmail.com
% Latest update         : March 12, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Karnabharam of Bhasa ..}##
\itxtitle{.. mahAkavishrIbhAsapraNItaM karNabhAram ..}##\endtitles ##
            || shrIH||
        shrIgaNeshAya namaH |

(nAndyate tataH pravishati sUtradhAraH)

sUtradhAraH\-\-

naramR^igapativarShmAlokanabhrAntanArI-
naradanujasuparvavrAtapAtAlalokaH |
karajakulishapAlIbhinnadaityendravakShAH
suraripubalahantA shrIdharo.astu shriye vaH || 1||

evamAryamishrAn vij~nApayAmi | aye kinnukhalu mayi vij~nApanavyagre
shabda iva shrUyate | a~Nga \! pashyAmi |

(nepathye)

bho bho \! nivedyatAM nivedyatAM mahArAjAyA~NgeshvarAya |

sUtradhAraH \-\- bhavatu, vij~nAtam |
sa~NgrAme tumule jAte karNAya kalitA~njaliH |
nivedayati saMbhrAnto bhR^ityo duryodhanAj~nayA || 2||

(niShkrANtaH)

prastAvanA |

(tataH pravishati bhaTaH)

bhaTaH \-\- bho bho \! nivedyatAM nivedyatAM mahArAjAyA~NgeshvarAya
yuddhakAla upasthita iti |

karituragarathasthaiH pArthaketoH purastAd
muditanR^ipatisiMhaiH siMhanAdaH kR^ito.adya |
tvaritamarininAdairduHsahaM lokavIraH
samaramadhigatArthaH prasthito nAgaketuH || 3||

(parikramyAvalokya) aye eSho~NgarAjaH samaraparichChadaparivR^itaH
shalyarAjasahitaH svabhavanAnniShkramyeta evAbhivartate | bhoH
\! kinnukhalu yuddhotsavapramukhasyA dR^iShTaparAkramasyAbhUtapUrvo
hR^idayaparitApaH | eSha hi,

atyugradIptivishadaH samare~NgragaNyaH
shaurye cha samprati sashokamupaiti dhImAn |
prApte nidAghasamaye ghanarAshiruddhaH
sUryaH svabhAvaruchimAniva bhAti karNaH || 4||

yAvadapasarpAmi | (niShkrAntaH)

(tataH pravishati yathoktarUpaH karNaH shAlyashcha)

karNaH \-\-

mA tAvanmama sharamArgalakShabhUtAH
kiM prAptAH kShitipatayaH sajIvasheShAH |
kartavyaM raNashirasi priyaM kurUNAM
draShTavyo yadi sa bhaved dhana~njayo me || 5||

shalyarAja \! yatrAsAvarjunastatraiva chodyatAM mama rathaH |

shalyaH \-\- bADham | (chodayati)

karNaH \-\- ahotukhalu,

anyonyashastravinipAtanikR^ittagAtra-
yaudhAshvavAraNaratheShu mahAhaveShu |
kruddhAntakapratimavikramiNo mamApi
vaidhuryamApatati chetasi yuddhakAle || 6||

bhoH \! kaShTam |

pUrvaM kuntyAM samutpanno rAdheya iti vishrutaH |
yudhiShThirAdayaste me yavIyAMsastu pANDavAH || 7||

ayaM sa kAlaH kramalabdhashobhano
guNaprakarSho divaso.ayamAgataH |
nirarthamastraM cha mayA hi shikShitaM
punashcha mAturvachanena vAritaH || 8||

bho madrarAja \! shrUyatAM mamAstrasya vR^ittAntaH |

shalyaH \-\- mamApyasti kautUhalamenaM vR^ittAntaM shrotum |

karNaH \-\- pUrvameva chAhaM jAmadagnyasya sakAshaM gatavAnasmi |

shalyaH \-\- tatastataH |

karNaH \-\- tataH,

vidyullatAkapilatu~NgajaTAkalApam
udyatprabhAvalayinaM parashuM dadhAnam |
kShatrAntakaM munivaraM bhR^iguvaMshaketuM
gatvA praNamya nikaTe nibhR^itaH sthito.asmi || 9||

shalyaH \-\- tatastataH |

karNaH \-\- tatastena jAmadagnyena mamAshIrvachanaM dattvA pR^iShTo.asmi,
ko bhavAn kimarthamihAgata iti |

shalyaH \-\- tatastataH |

karNaH \-\- bhagavan \! akhilAnyastrANyupashikShitumichChAmItyuktavAnasmi |

shalyaH \-\- tatastataH |

karNaH \-\- tata ukto.ahaM bhagavatA, brAhmaNeShUpadeshaM kariShyAmi,
na kShatriyANAmiti |

shalyaH \-\- asti khalu bhagavataH kShatriyavaMshyaiH pUrvavairam | tatastataH |

karNaH \-\- tato nAhaM kShatriya ityastropadeshaM grahItumArabdhaH |

shalyaH \-\- tatastataH |

karNaH \-\- tataH katipayakAlAtikrame kadAchit
phalamUlasamitkushakusumAharaNAya gatavatA guruNA sahAnugato.asmi |
tataH sa gururvanabhramaNaparishramAnmada~Nke nidrAvashamupagataH |

shalyaH \-\- tatastataH |

karNaH \-\- tataH,

kR^itte vajramukhena nAma kR^imiNA daivAnmamorudvaye
nidrAchChedabhayAdasahyata gurordhairyAt tadA vedanA |
utthAya kShatajAplutaH sa sahasA roShAnaloddIpito
buddhvA mAM cha shashApa kAlaviphalAnyastrANi te santviti || 10||

shalyaH \-\- aho kaShTamabhihitaM tatrabhavatA |

karNaH \-\- parIkShAmahe tAvadastrasya vR^ittAntam | (tathA kR^itvA)
etAnyastrANi nirvIryANIva lakShyante | apicha,

ime hi dainyena nimIlitekShaNA
muhuH skhalanto vivashAstura~NgamAH |
gajAshcha saptachChadadAnagandhino
nivedayantIva raNe nivartanam || 11||

sha~Nkhadundubhayashcha niHshabdAH |

shalyaH \-\- bhoH \! kaShTaM khalvidam |

karNaH \-\- shalyarAja \! alamalaM viShAdena |

hato.api labhate svargaM jitvA tu labhate yashaH |
ubhe bahumate loke nAsti niShphalatA raNe || 12||

apicha,

ime hi yuddheShvanivartitAshA
hayAH suparNena samAnavegAH |
shrImatsu kAmbojakuleShu jAtA
rakShantyamI yadyapi rakShitavyam || 13||

akShayo.astu gobrAhmaNAnAm | akShayo.astu pativratAnAm | akShayo.astu
raNeShvaparA~NmukhAnAM yaudhapuruShANAm | akShayo.astu mama prAptakAlasyA |
eSha bhoH, prasanno.asmi |

samaramukhamasahyaM pANDavAnAM pravishya
prathitaguNagaNADhyaM dharmarAjaM cha baddhvA |
mama sharavaravegairarjunaM pAtAyitvA
vanamiva hatasiMhaM supraveshaM karomi || 14||

shalyarAjA \! yAvad rathamArohAvaH |

shalyaH \-\- bADham |

(ubhau rathArohaNaM nATayataH)

karNaH \-\- shalyarAja \! yatrAsAvarjunastatraiva chodyatAM mama rathaH |

(nepathye)

bho kaNNa \! mahattaraM bhikkhaM yAchemi | [bhoH karNa ! mahattarAM
bhikShAM yAche]

karNaH \-\- (AkarNya) aye vIryavAn shabdaH |

shrImAneva na kevalaM dvijavaro yasmAt prabhAvo mahAn
AkarNya svaramasya dhIramadhuraM chitrArpitA~NgA iva |
utkarNastimitA~nchitAkShavalitagrIvArpitAgrAnanAs
tiShThantyasvavashA~NgayaShTi sahasA yAnto mamaite hayAH || 15||

AhUyatAM sa vipraH | na na | ahamevAhvayAmi | bhagavan \! ita itaH |

(tataH pravishati brAhmaNarUpeNa shakraH)

shakraH \-\- bho meghAH \! sUryeNaiva nivartya gachChantu bhavantaH |
(karNamupagamya) bho kaNNa \! mahattaraM bhikkhaM yAchemi | [bhoH karNa
\! mahattarAM bhikShAM yAche |]

karNaH \-\- dR^iDhaM prIto.asmi bhagavan \!

yAtaH kR^itArthagaNanAmahamadya loke
rAjendramaulimaNira~njitapAdapadmaH |
viprendrapAdarajasA tu pavitramauliH
karNo bhavantamahameSha namaskaromi || 16||

shakraH \-\- (Atmagatam) kinnukhalu mayA vaktavyam | yadi dIrghAyurbhaveti
vakShye dIrghAyurbhaviShyati | yadi na vakShye, mUDha iti mAM paribhavati
| tasmAdubhayaM parihR^itya kinnukhalu vakShyAmi | bhavatu, dR^iShTam |
(prakAsham) bho kaNNaM \! suyye via chande via, himavante via, sAgaLe via,
chiTTadu de jaso | [ bhoH karna \! sUrya iva, chandra iva, himavAniva,
sAgara iva, tiShThatu te yashaH |]

karNaH \-\- bhagavan \! kiM na vaktavyaM dIrghAyurbhaveti | athavA etadeva
shobhanam | kutaH,

dharmo hi yatnaiH puruSheNa sAdhyo
bhuja~NgajihNAchapalA nR^ipashriyaH |
tasmAt prajApAlanamAtrabuddhyA
hateShu deheShu guNA dharante || 17||

bhagavan \! kimichChasi kimahaM dadAmi |

shakraH \-\- mahattaraM bhikkhaM yAchemi | [mahattarAM bhikShAM yAche |]

karNaH \-\- mahattarAM bhikShAM bhavate pradAsye | shrUyantAM madvibhavAH,

guNavadamR^itakalpakShIradhArAbhivarShi
dvijavara ruchitaM te tR^iptavatsAnupAtam |
taruNamadhikamarthiprArthanIyaM pavitraM
vihitakanakashR^i~NgaM gosahasraM dadAmi || 18||

shakraH \-\- gosahassaM tti | muhutta_aM khiraM pibAmi | NechChami kaNNa
\! NechChAmi | [gosahasramiti | muhUrtakaM kShIra pibAmi | nechChAmi
karNa \! nechChAmi |]

karNaH \-\- kiM nechChati bhagavAn | idamapi shrUyatAM,

ravituragasamAnaM sAdhanaM rAjalakShmyAH
sakalanR^ipatimAnyaM mAnyakAmbojajAtam |
suguNamanilavegaM yuddhadR^iShTApadAnaM
sapadi bahusahasraM vAjinAM te dadAmi || 19||

shakraH \-\- assa tti | muhuta_aM ALuhAmi | NechChAmi kaNNa \! NechChAmi |
[ashva iti | muhUrtakamArohAmi | nechChAmi karNa \! nechChAmi |]

karNaH \-\- kiM nechChati bhagavAn | anyadapi shrUyatAM

madasaritakapolaM ShaTpadaiH sevyamAnaM
girivaranichayAbhaM meghagambhIraghoSham |
sitanakhadashanAnAM vAraNAnAmanekaM
ripusamaravimardaM vR^indametad dadAmi || 20||

shakraH \-\- ga_a tti | muhutta_aM ALuhAmi | NechChAmi kaNNa \! NechChAmi |
[gaja iti | muhUrtakamArohAmi | nechChAmi karNa \! nechChAmi |]

karNaH \-\- kiM nechChati bhagavAn | anyadapi shrUyatAm | aparyAptaM
kanakaM dadAmi |

shakraH \-\- gahNia gachChAmi | (ki~nchid gatvA) NechChAmi kaNNa \! NechChAmi
| [gR^ihItvA gachChAmi | nechChAmi karNa \! nechChAmi |]

karNaH \-\- tena hi jitvA pR^ithivIM dadAmi |

shakraH \-\- puhuvIe kiM karissam | [pR^ithivyA kiM kariShyAmi |]

karNaH \-\- tena hyagniShTomaphalaM dadAmi |

shakraH \-\- aggiTTomaphaLeNa kiM kayyam | [agniShTomaphalena kiM kAryam |]

karNaH \-\- tena hi machChiro dadAmi |

shakraH \-\- avihA avihA | [avihA avihA |]

karNaH \-\- na bhetavyaM na bhetavyam | prasIdatu bhagavAn | anyadapi shrUyatAm |

a~NgaiH sahaiva janitaM mama deharakShA
devAsurairapi na bhedyamidaM sahAstraiH |
deyaM tathApi kavachaM saha kuNDalAbhyAM
prItyA mayA bhagavato ruchitaM yadi syAt || 21||

shakraH \-\- (saharSham) dedu dedu | [dadAtu dadAtu |]

karNaH \-\- (Atmagatam) eSha evAsya kamaH | kinnukhalvanekakapaTabuddheH
kR^iShNasyopAyaH | so.apicha bhavatu | dhigayuktamanushochitum | nAsti
saMshayaH | (prakAsham) gR^ihyatAm |

shalyaH \-\- a~NgarAjaH \! na dAtavyaM na dAtavyam |

karNaH \-\- shalyarAja \! alamalaM vArayitum | pashya,

shikShA kShayaM gachchChati kAlaparyayAt
subaddhamUlA nipatanti pAdapAH |
jalaM jalasthAnagataM cha shuShyati
hutaM cha dattaM cha tathaiva tiShThati || 22||

tasmAd gR^ihyatAm | (nikR^itya dadAti)

shakraH \-\- (gR^ihItvA Atmagatam) gR^ihIte ete | pUrvamevAham
arjunavijayArthaM sarvadevairyat samarthitaM, tadidAnIM mayAnuShThitam
| tasmAdahamapyairAvatamAruhyArjunakarNayoryuddhavisheShaMpashyAmi |
(niShkrAntaH)

shalyaH \-\- a~NgarAja \! va~nchitaH khalu bhavAn |

karNaH \-\- kena |

shalyaH \-\- shakreNa |

karNaH \-\- na khalu | shakraH khalu mayA va~nchitaH | kutaH,

anekayaj~nAhutitarpito dvijaiH
kirITimAn dAnavasa~NghamardanaH |
suradvipAsphAlanakarkashA~Ngulir
mayA kR^itArthaH rkhalu pAkashAsanaH || 23||

(pravishya brAhmaNarUpeNa)

devadUtaH \-\- bhoH karNa \! kavachakuNDalagrahaNapashchAttApena
purandareNAnugR^ihIto.asi | pANDaveShvekapuruShavadhArthamamoghamastraM
vimalA nAma shaktiriyaM gR^ihyatAm |

karNaH \-\- dhig, dattasya na pratigR^ihNAmi |

devadUtaH \-\- nanu brAhmaNavachanAd gR^ihyatAm |

karNaH \-\- brAhmaNavachanamiti | na mayAtikrAntapUrvam | kadA labheya

devadUtaH \-\- yadA smarasi tadA labhasva |

karNaH \-\- bADham | anugR^ihIto.asmi | pratinivartatAM bhavAn |

devadUtaH \-\- bADham | (niShkrAntaH)

karNaH \-\- shalyarAja \! yAvad rathamArohAvaH |

shalyaH \-\- bADham |

(rathArohaNaM nATayataH)

karNaH \-\- aye shabda iva shrUyate | kinnukhalvidam |

sha~NkhadhvaniH pralayasAgaraghoShatulyaH
kR^iShNasya vA na tu bhavet sa tu phalgunasya |
nUnaM yudhiShThiraparAjayakopitAtmA
pArthaH kariShyati yathAbalamadya yuddham || 24||

shalyarAja \! yatrAsAvarjunaH tatraiva chodyatAM mama rathaH |

shalyaH \-\- bADham |

(bharatavAkyam)

sarvatra sampadaH santu nashyantu vipadaH sadA |
rAjA rAjaguNopeto bhUmimekaH prashAstu naH || 25||

(niShkrAntAH)

karNabhAramavasitam |

shubhaM bhUyAt |

##

Encoded and proofread by Arun questions.sanskrit@gmail.com

% Karnabharam
%
% The printing of the text that I reference here has some idiosyncraies.
% Exclamation marks are frequently used, and the anusvAra (M) is sometimes
% printed as the nasal that follows. I have left the spelling of words as-is
% (unless an error has been made \-\- see notes below). Exclamation marks that
% originally appeared in verses have been removed, but those in sentences
% have remained where they are.
%
% Some characters speak in Prakrit. Their text is given in Prakrit; a Sanskrit
% gloss immediately follows in square brachkets [ ].
%
% Here is a list of the discrepanchies you may find between the copy below
% and the original text. If you think you have found a deviation from the
% original text, check here to make sure that it is not already accounted
% for.
%
% (All lines are indicated with verse numbers. - and + signs are for lines
%  that appear before and after the verse itself, respectively.)
%
% \-\-\-\-\-\--
% 3- : (ka) mahArAjAyA~NgarAjAya
% 1b : supa(rNa?rva)
% 3ch : (da?dai)duHsahaM
% 3d : (ka) samarabhigatArthaH
% 3+ : (ka) (vilokya)
% 3+ : (ka) hR^idayasaMtApaH
% 4b : (ka) sadhIramupaiti
% 5- : (kha) (tataH pravishati yathAnirdiShTaH karNaH ...)
% 7b : (kha) yavIyAMsashcha
% 8+ : (kha) bho shalvarAja \!
% 9- : (kha) tasya bhavagantaM praNamya kR^itA~njaliH sthito.asmi | tataH, ...
% 9+ : jAmada(gninA?gnyena)
% 9+ : pR^iShTo.asmi \-\- ko bhavAn,
% 9+ : (kha) mamAshIrvachanaM dattvA ko
% 9+ : (kha) kimarthamihAgata ityuktaH
% 10- : (kha) bhagavAn \! anilAnyastrANyupashikShitum ...
% 10- : (kha) katipayadinAsAtikrame
% 10ch : (kha) kShatajokShitaH sa
% 12a : (kha) jitvApi labhate
% 13d : (kha) rakShantu mAM yadyapi
% 13+ : (ka) akShayo~stvaparA~NmukhAnAm
% 13+ : (ka) eSha bhoH, sa prasanno.asmi
% 15ch : utkarNasthimitA~nchitA(kShi?kSha)...
% 16- : (kha) via, sALe via
% 16ch : (kha) prajApAlanamatra buddhvA
% 17b : (kha) tR^iptavatsAnuyAtam
% 20ch : ??? (kha) dashanApraM
% 20+ : (ka) muhutta_aM ALuhAmi | (AruhyAvalokya) NechChAmi
% 20+ : (ka) bhagavAn | tena hi jitvA
% 21- : (ka) shakraH \-\- teNa kiM kayyaM
% 21- : (ka) prasIdatu bhagavAn | aparyAptaM kanakaM dadAmi |
% shakraH \-\- ANIa gachChAmi | NechChAmi kaNNa | NechChAmi |
% karNaH \-\- anyadapi...
%
% 21a : (ka) janitau
% 21a : (ka) deharakShau
% 22a : (kha) kAlaparyaye
% 22+ : pUrvamevA(hama?)rjunavijayArthaM ...
% 22+ : (ka) sarvadevairmayA samarthitamidamanuShThitam |
% 22+ : (ka) Aruhya matputrayorarjuna [...] dvandvayuddhaM pashyAmi |
% 22+ : (ka) a~NgarAja \! va~nchito bhavAn
% 23+ : (kha) grahaNAt pashchAttApena
% 23+ : (ka) brAhmaNaH \-\- na na, brAhmaNavachanamiti
% 23+ : (ka) brAhmaNaH \-\- yadA ...
% 23+ : (ka) brAhmaNaH \-\- bADham |
% 23+ : (ka) yAvad rathamArohayAvaH
% 23+ : (ka) (rathamAruhya)
% 24a : (ka) tulyaghoShaH
% 25+ : (kha) kavachA~NkaM samAptam
%
%
% Now, the text.
%

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}