% Text title            : nAradabhaktisUtra
% File name             : nAradabhaktisUtra.itx
% Category              : sUtra, major\_works
% Location              : doc\_z\_misc\_major\_works
% Author                : Naradamuni
% Transliterated by     : Sunder Hattangadi
% Proofread by          : Sunder Hattangadi
% Description-comments  : Sage Narada@s Aphorism of Devotion
% Latest update         : February 9, 1998, March 15, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narada Bhakti Sutras ..}##
\itxtitle{.. nAradabhaktisUtrANi ..}##\endtitles ##

          prathamo.adhyAyaH
          parabhaktisvarUpam.h
athAto bhaktiM vyAkhyAsyAmaH | 1 \- 1\.01
sA tvasmin parapremarUpA | 2 \- 1\.02
amR^itasvarUpA cha | 3 \- 1\.03
yallabdhvA pumAn siddho bhavati amR^ito bhavati tR^ipto bhavati | 4 \- 1\.04
yatprApya na ki~nchid vA~nChati na shochati na dveShTi na ramate notsAhI bhavati | 5 \- 1\.05
yajj~nAtvA matto bhavati stabdho bhavati AtmArAmo bhavati | 6 \- 1\.06
sA na kAmayamAnA nirodharUpatvAt | 7 \- 1\.07
nirodhastu lokavedavyApAranyAsaH | 8 \- 1\.08
tasminnananyatA tadvirodhiShUdAsInatA cha | 9 \- 1\.09
anyAshrayANAM tyAgonanyatA | 10 \- 1\.10
lokavedeShu tadanukUlAcharaNaM tadvirodhiShUdAsInatA | 11 \- 1\.11
bhavatu nishchayadArDhyAdUrdhvaM shAstrarakShaNam | 12 \- 1\.12
anyathA pAtityasha~NkayA | 13 \- 1\.13
loko.api tAvadeva bhojanAdi vyApArastvAsharIradhAraNAvadhi | 14 \- 1\.14
tallakShaNAni vAchyante nAnAmatabhedAt | 15 \- 1\.15
pUjAdiShvanurAga iti pArAsharyaH | 16 \- 1\.16
kathAdiShviti gargaH | 17 \- 1\.17
Atmaratyavirodheneti shANDilyaH | 18 \- 1\.18
nAradastu tadarpitAkhilAchAratA tadvismaraNe paramavyAkulateti | 19 \- 1\.19
astyevamevam | 20 \- 1\.20
yathA vrajagopikAnAm | 21 \- 1\.21
tatrApi na mAhAtmyaj~nAnavismR^ityapavAdaH | 22 \- 1\.22
tadvihInaM jArANAmiva | 23 \- 1\.23
nAstyeva tasmin tatsukhasukhitvam | 24 \- 1\.24

          dvitIyo.adhyAyaH
          parabhaktimahattvam.h
sA tu karmaj~nAnayogebhyo.apyadhikatarA | 25 \- 2\.01
phalarUpattvAt | 26 \- 2\.02
IshvarasyApyabhimAnadveShitvAt dainyapriyatvAt cha | 27 \- 2\.03
tasyAH j~nAnameva sAdhanamityeke | 28 \- 2\.04
anyonyAshrayatvamityanye | 29 \- 2\.05
svayaM phalarUpateti brahmakumAraH | 30 \- 2\.06
rAjagR^ihabhojanAdiShu tathaiva dR^iShTatvAt | 31 \- 2\.07
na tena rAjA paritoShaH kShuchChAntirvA | 32 \- 2\.08
tasmAt saiva grAhyA mumukShubhiH | 33 \- 2\.09

          tR^itIyo.adhyAyaH
          bhaktisAdhanAni
tasyAH sAdhanAni gAyantyAchAryAH | 34 \- 3\.01
tattu viShayatyAgAt sa~NgatyAgAt cha | 35 \- 3\.02
avyAvR^ittabhajanAt | 36 \- 3\.03
loke.api bhagavadguNashravaNakIrtanAt | 37 \- 3\.04
mukhyatastu mahatkR^ipayaiva bhagavatkR^ipAleshAd vA | 38 \- 3\.05
mahatsa~Ngastu durlabho.agamyo.amoghashcha | 39 \- 3\.06
labhyate.api tatkR^ipayaiva | 40 \- 3\.07
tasmiMstajjane bhedAbhAvAt | 41 \- 3\.08
tadeva sAdhyatAM tadeva sAdhyatAm | 42 \- 3\.09
dussa~NgaH sarvathaiva tyAjyaH | 43 \- 3\.10
kAmakrodhamohasmR^itibhraMshabuddhinAshakAraNatvAt | 44 \- 3\.11
tara~NgAyitA apIme sa~NgAt samudrAyante | 45 \- 3\.12
kastarati kastarati mAyAm yaH sa~NgaM tyajati yo mahAnubhAvaM sevate nirmamo bhavati | 46 \- 3\.13
yo viviktasthAnaM sevate yo lokabandhamunmUlayati nistraiguNyo bhavati yogakShemaM tyajati | 47 \- 3\.14
yaH karmaphalaM tyajati karmANi saMnyassyati tato nirdvandvo bhavati | 48 \- 3\.15
yo vedAnapi saMnyasyati kevalamavichChinnAnurAgaM labhate | 49 \- 3\.16
sa tarati sa tarati sa lokAMstArayati | 50 \- 3\.17

          chaturtho.adhyAyaH
          premanirvachanam.h
anirvachanIyaM premasvarUpam | 51 \- 4\.01
mUkAsvAdanavat | 52 \- 4\.02
prakAshate kvApi pAtre | 53 \- 4\.03
guNarahitaM kAmanArahitaM pratikShaNavardhamAnaM avichChinnaM sUkShmataraM anubhavarUpam | 54 \- 4\.04
tatprApya tadevAvalokati tadeva shR^iNoti tadeva bhAShayati tadeva chintayati | 55 \- 4\.05
gauNI tridhA guNabhedAd ArtAdibhedAd vA | 56 \- 4\.06
uttarasmAduttarasmAt pUrva pUrvA shreyAya bhavati | 57 \- 4\.07
anya mAt saulabhaM bhaktau | 58 \- 4\.08
pramANAntarasyAnapekShatvAt svayaM pramANatvAt | 59 \- 4\.09
shAntirUpAt paramAnandarUpAchcha | 60 \- 4\.10
lokahAnau chintA na kAryA niveditAtmalokavedatvAt | 61 \- 4\.11
na tatsiddhau lokavyavahAro heyaH kintu phalatyAgaH tatsAdhanaM cha | 62 \- 4\.12
strIdhananAstikacharitraM na shravaNIyam | 63 \- 4\.13
abhimAnadambhAdikaM tyAjyam | 64 \- 4\.14
tadarpitAkhilAchAraH san kAmakrodhAbhimAnAdikaM tasminneva karaNIyam | 65 \- 4\.15
trirUpabha~NgapUrvakam nityadAsyanityakAntAbhajanAtmakaM prema kAryaM premaiva kAryam | 66 \- 4\.16

          pa~nchamo.adhyAyaH
          mukhyabhaktimahimA
bhaktA ekAntino mukhyAH | 67 \- 5\.01
kaNThAvarodharoma~nchAshrubhiH parasparaM lapamAnAH pAvayanti kulAni pR^ithivIM cha | 68 \- 5\.02
tIrthIkurvanti tIrthAni sukarmI kurvanti karmANi sachChAstrIkurvanti shAstrANi | 69 \- 5\.03
tanmayAH | 70 \- 5\.04
modante pitaro nR^ityanti devatAH sanAthA cheyaM bhUrbhavati | 71 \- 5\.05
nAsti teShu jAtividyArUpakuladhanakriyAdi bhedaH | 72 \- 5\.06
yatastadIyAH | 73 \- 5\.07
vAdo nAvalambyaH | 74 \- 5\.08
bAhulyAvakAshatvAd aniyatattvAchcha | 75 \- 5\.09
bhaktishAstrANi mananIyAni tadudbodhakarmANi karaNIyAni | 76 \- 5\.19
sukhaduHkhechChAlAbhAdityakte kAle pratIkShyamANe kShaNArdhamapi vyarthaM na neyam | 77 \- 5\.11
ahiMsAsatyashauchadayAstikyAdicharitrANi paripAlanIyAni | 78 \- 5\.12
sarvadA sarvabhAvena nishchintairbhagavAneva bhajanIyaH | 79 \- 5\.13
sa~NkIrtyamAnaH shIghramevAvirbhavatyanubhAvayati bhaktAn | 80 \- 5\.14
trisatyasya bhaktireva garIyasI bhaktireva garIyasI | 81 \- 5\.15
guNamAhAtmyAsakti\-rUpAsakti\-pUjAsakti\-smaraNAsakti\-dAsyAsakti\-sakhyAsakti\-
vAtsalyasakti\-kAntAsakti\-AtmanivedanAsakti\-tanmayatAsakti\-paramavirahAsakti\-rUpA
ekadhA api ekAdashadhA bhavati | 82 \- 5\.16
ityevaM vadanti janajalpanirbhayAH ekamatAH
kumAra\-vyAsa\-shuka\-shANDilya\-garga\-viShNu\-
kauNDiNya\-sheShoddhavAruNi\-bali\-hanumad\-vibhIShaNAdayo bhaktyAchAryAH . 83 \- 5\.17
ya idaM nAradaproktaM shivAnushAsanaM vishvasiti shraddhate sa bhaktimAn
bhavati saH preShTaM labhate saH preShTaM labhate | 84 \- 5\.18

\hrule

prathamo.adhyAyaH \- parabhaktisvarUpam | sUtra 1\-24
dvitIyo.adhyAyaH \- parabhaktimahattvam | sUtra 25\-33
tR^itIyo.adhyAyaH \- bhaktisAdhanAni | sUtra 34\-50
chaturtho.adhyAyaH \- premanirvachanam | sUtra 51\-66
pa~nchamo.adhyAyaH \- mukhyabhaktimahimA | sUtra 67\-84

##
\medskip\hrule\medskip
Encoded and proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}