% Text title            : naaTyashaastra adhyaaya 4
% File name             : natya04.itx
% Category              : nATyashAstra, major\_works, bharata
% Location              : doc\_z\_misc\_major\_works
% Author                : Sage Bharata
% Transliterated by     : dpadmakar at hotmail.com
% Proofread by          : dpadmakar at hotmail.com
% Latest update         : May 24, 2001
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 4..}##
\itxtitle{.. nATyashAstram adhyAyaH 4 ..}##\endtitles ##

        .. shrIrastu ..
bharatamunipraNItaM nATyashAstram.h

atha chaturtho.adhyAyaH  .

eva.n tu pUjana.n kR^itvA mayA proktaH pitAmahaH .
AdnyApaya prabho xipra.n kaH prayogaH prayujyatAm.h .. 1..
tato.asmyukto bhagavatA yojayAmR^itamanthanam.h .
etadutsAhajanana.n suraprItikara.n tathA .. 2..
yo.aya.n samavakArastu dharmakAmArthasAdhakaH .
mayA prAggrathito vidvansa prayogaH prayujyatAm.h .. 3..
tasminsamavakAre tu prayukte devadAnavAH .
hR^iShTAH samabhavansarve karmabhAvAnudarshanAt.h .. 4..
kasyachitvatha kAlasya mAmAhAmbujasambhavaH
nATya.n sandarshayAmo.adya trinetrAya mahAtmane .. 5..
tataH sArdha.n surairgatvA vR^iShabhA~Nkaniveshanam.h .
samabhyarcya shivaM pashchAduvAchedaM pitAmahaH .. 6..
mayA samavAkarastu yo.aya.n sR^iShTaH surottama .
shravaNe darshane chAsya prasAda.n kartumarhasi .. 7..
pashyAma iti devesho druhiNaM vAkyamabravIt.h .
tato mAmAha bhagavAn sajjo bhava mahAmate .. 8..
tato himavataH pR^iShThe nAnAnAgasamAkule .
bahubhUtagaNAkIrNe  ramyakandaranirzhare .. 9..
pUrvara~NgaH kR^itaH pUrva.n tatrAya.n dvijasattamAH .
tathA tripuradAhashcha Dimasa.ndnyaH prayojitaH .. 10..
tato bhUtagaNA hR^iShTAH karnabhAvAnukIrtanAt.h .
mahAdevashcha suprItaH pitAmahamathAbravIt.h .. 11..
aho nATyamida.n samyak tvayA sR^iShTaM mahAmate .
yashasya.n cha shubhArtha.n cha puNyaM buddhivivardhanam.h .. 12..
mayApIda.n smR^ita.n nR^itya.n sandhyAkAleShu nR^ityatA .
nAnAkaraNasa.nyuktaira~NgahArairvibhUShitam.h .. 13..
pUrvara~NgavidhAvasmi.nstvayA samyakprayojyatAm.h .
vardhamAnakayogeShu gIteShvAsAriteShu cha .. 14..
mahAgIteShu chaivArthAnsamyagevAbhineShyasi .
yashchAyaM pUrvara~Ngastu tvayA shuddhaH prayojitaH .. 15..
ebhirvimishritashchAya.n chitro nAma bhaviShyati  .
shrutvA maheshvaravachaH pratyuktastu svayaMbhuvA .. 16..
prayogama~NgahArANAmAchaxva surasattama  .
tatastaNDu.n samAhUya proktavAn bhuvaneshvaraH .. 17..
prayogama~NgahArANAmAchaxva bharatAya vai .
tato ye taNDunA proktAstva~NgahArA mahAtmanA.. 18..
tAnvaH karaNasa.nyuktAnvyAkhyAsyAmi sarechakAn.h .
sthirahasto.a~NgahArastu tathA paryastakaH smR^itaH .. 19..
sUchividdhastathA chaiva hyapaviddhastathaiva cha .
Axiptako.atha vidnyeyastathA choddhaTTitaH smR^itaH .. 20..
viShkambhashchaiva samproktastathA chaivAparAjitaH .
viShkambhApasR^itashchaiava mattAkrIDastathaiva cha .. 21..
svastiko rechitashchaiva pArshvasvastika eva cha .
vR^ishchikApasR^itaH prokto bhramarashcha tathAparaH .. 22..
mattaskhalitakashchaiva madAdvilasitastathA .
gatimaNDalako dnyeyaH paricChinnastathaiva cha .. 23..
parivR^ittachito.atha syAttathA vaishAkharechitaH .
parAvR^itto.atha vidnyeyastathA chaivApyalAtakaH .. 24..
pArshvacChedo.atha samprokto vidyudbhrAntastathaiva cha  .
UrUdvR^ittastathA chaiva syAdAlIDhastathaiva cha .. 25..
rechitashchApi vidnyeyastathaivAcChuritaH smR^itaH .
Axiptarechitashchaiva sambhrAntashcha tathAparaH .. 26..
apasarpastu vidnyeyastathA chArdhanikuTTakaH .
dvAtri.nshadete samproktA a~NgahArAstu nAmataH .. 27..
eteShA.n tu pravaxyAmi prayoga.n karaNAshrayam.h .
hastapAdaprachArashcha yathA yojyaH prayoktR^ibhiH .. 28..
a~NgahAreShu vaxyAmi karaNeShu cha vai dvijAH .
sarveShAma~NgahArANA.n niShpattiH karaNairyataH .. 29..
tAnyataH sampravaxyAmi nAmataH karmatastathA .
hastapAdasamAyogo nR^ityasya karaNaM bhavet.h .. 30..
dve nR^ittakaraNe chaiva bhavato nR^ittamAtR^ikA .
dvAbhyA.n tribhishchaturbhirvApya~NgahArastu mAtR^ibhiH .. 31..
tribhiH kalApaka.n chaiva chaturbhiH ShaNDakaM bhavet.h .
pa~nchaiva karaNAni syuH sa~NghAtaka  iti smR^itaH .. 32..
ShaDbhirvA saptabhirvApi aShTabhirnavabhistathA .
karaNairiha sa.nyuktA a~NgahArAH prakIrtAH .. 33..
eteShAmeva vaxyAmi hastapAdavikalpanam.h .
talapuShpapuTaM pUrva.n vartita.n valitoru cha .. 34..
apaviddha.n samanakha.n lIna.n svastikarechitam.h .
maNDalasvastika.n chaiva nikuTTakamathApi cha .. 35..
tathaivArdhanikuTTa.n cha kaTicChinna.n tathaiva cha .
ardharechitaka.n chaiva vaxaHsvastikameva cha .. 36..
unmatta.n svastika.n chaiva pR^iShThasvastikameva cha .
diksvastikamalAta.n cha tathaiva cha kaTIsamam.h .. 37..
Axiptarechita.n chaiva vixiptAxiptaka.n tathA .
ardhasvastikamuddiShTama~nchita.n cha tathAparam.h .. 38..
bhuja~NgatrAsitaM proktamUrdhvajAnu tathaiva cha .
niku~nchita.n cha mattalli tvardhamattalli chaiva hi .. 39..
syAdrechakanikkuTTa.n cha tathA pAdApaviddhakam.h .
valita.n ghUrNita.n chaiva lalita.n cha tathAparam.h ..  40..
daNDapaxa.n tathA chaiva bhuja~Ngatrastarechitam.h .
nUpura.n chaiva samprokta.n tathA vaishAkharechitam.h .. 41..
bhramara.n chatura.n chaiva bhuja~NgA~nchitameva cha .
daNDarechitaka.n chaiva tathA vR^ishchikakuTTitam.h ..42..
kaTibhrAnta.n tathA chaiva latAvR^ishchikameva cha .
Chinna.n cha karaNaM prokta.n tathA vR^ishchikarechitam.h .. 43..
vR^ishchika.n vya.nsita.n chaiva tathA pArshvanikuTTakam  .
lalATatilaka.n krAnta.n ku~nchita.n chakramaNDalam.h .. 44..
uromaNDalamAxipta.n tathA talavilAsitam.h .
argala.n chAtha vixiptamAvR^itta.n dolapAdakam.h .. 45..
vivR^itta.n  vinivR^itta.n cha pArshvakrAnta.n nishumbhitam.h .
vidyutbhrAntamatikrAnta.n vivartitakameva cha .. 46..
gajakrIDitaka.n chaiva talasa.nsphoTita.n tathA .
garuDaplutaka.n chaiva gaNDasUchi tathAparam.h .. 47..
parivR^itta.n samuddiShTaM pArshvajAnu tathaiva cha .
gR^idhrAvalInaka.n chaiva sannata.n sUcyathApi cha .. 48..
ardhasUchIti karaNa.n sUchividdha.n tathaiva cha .
apakrAnta.n cha samproktaM mayUralalita.n tathA .. 49..
sarpita.n daNDapAda.n cha hariNaplutameva cha .
pre~Nkholita.n nitamba.n cha skhalita.n karihastakam.h .. 50..
prasarpitakamuddiShTa.n si.nhavikrIData.n tathA .
si.nhAkarShitamudvR^itta.n tathopasR^itameva cha .. 51..
talasa.nghaTTita.n chaiva janita.n chAvahitthakam.h .
niveshamelakAkrIDamUrUdvR^itta.n tathaiva cha .. 52..
madaskhalitaka.n chaiva viShNukrAntamathApi cha .
sambhrAntamatha viShkambhamudghaTTitamathApi cha .. 53..
vR^iShabhakrIDita.n chaiva lolita.n cha tathAparam.h .
nAgApasarpita.n chaiva shakaTAsya.n tathaiva cha .. 54..
ga~NgAvataraNa.n chaivetyuktamaShTAdhika.n shatam.h .
aShTottarashata.n hyetatkaraNAnAM mayoditam.h .. 55..
nR^itye yuddhe niyuddhe cha tatha gatiparikrame .
gatiprachAre vaxyAmi yuddhachArIvikalpanam.h .. 56..
yatra tatrApi sa.nyojyamAchAryairnATyashaktinaH .
prAyeNa karaNe kAryo vAmo vaxaHsthitaH karaH .. 57..
charaNasyAnugashchApi daxiNastu bhavetkaraH .
hastapAdaprachArantu kaTipArshvorusa.nyutam.h .. 58..
uraHpR^iShThodaropeta.n vaxyamANa.n nibodhata .
yAni sthAnAni yAshchAryo nR^ityahastAstathaiva cha .. 59..
sA mAtR^iketi vidnyeyA tadyogAtkaraNaM bhavet.h .
kaTI karNasamA yatra korparA.nsashirastathA .. 60..
samunnatamurashchaiva sauShThava.n nAma tadbhavet.h .
vAme puShpapuTaH pArshve pAdo.agratalasa~ncharaH .. 61..
tathA cha sannataM pArshva.n talapuShpapuTaM bhavet.h .
ku~nchitau maNibandhe tu vyAvR^ittaparivartitau .. 62..
hastau nipatitau chorvorvartita.n karaNa.n tu tat.h .
shukatuNDau yadA hastau vyAvR^ittaparivartitau .. 63..
urU cha valitau yasminvalitorukamucyate .
Avartya shukatuNDAkhyamUrupR^iShThe nipAtayet.h .. 64..
vAmahatashcha vaxaHstho.apyapaviddha.n tu tadbhavet.h .
shliShTau samanakhau padau karau chApi pralimbitau .. 65..
dehaH svAbhAviko yatra bhavetsamanakha.n tu tat.h .
patAkA~njali vaxaHsthaM prasAritashirodharam.h .. 66..
niha~nchitA.nsakUTa.n cha tallina.n karaNa.n smR^itam.h .
svastikau rechitAviddhau vishliShTau kaTisa.nshritau .. 67..
yatra tatkaraNa.n dnyeyaM budhaiH svastikarechitam.h .
svastikau tu karau kR^itvA prA~Ngamukhordhvatalau samau .. 68..
tathA cha maNDala.n sthAnaM maNDalasvastika.n tu tat.h .
nikuTTitau yadA hastau svabAhushiraso.antare .. 69..
pAdau nikuTTitau chaiva dnyeya.n tattu nikuTTakam.h .
a~nchitau bAhushirasi hastastvabhimukhA~NguliH .. 70..
niku~nchitArdhayogena bhavedarthanikuTTakam.h .
paryAyashaH kaTishChinnA bAhvoH shirasi pallavau .. 71..
punaHpunashcha karaNa.n kaTicChina.n tu tadbhavet.h .
apaviddhakaraH sUcyA pAdashchaiva nikuTTitaH .. 72..
sa.nnnata.n yatra pArshva.n cha tadbhaveardharechitam.h .
svastikau charaNau yatra karau vaxasi rechitau .. 73..
niku~nchita.n tathA vaxo vaxassvastikameva tat.h .
A~nchitena tu pAdena rechitau tu karau yadA .. 74..
unmata.n karaNa.n tattu vidnyeya.n nR^ityakovidaiH .
hastAbhyAmatha pAdAbhyAM bhavataH svastikau yadA .. 75..
tatsvastikamiti prokta.n karaNa.n karaNArthibhiH .
vixiptAxiptabAhubhyA.n svastikau charaNau yadA .. 76..
apakrAntArdhasUchibhyA.n tatpR^iShThasvastikaM bhavet.h .
pArshvayoragratashchaiva yatra shliShTaH karo bhavet.h .. 77..
svastikau hastapAdAbhyA.n taddiksvastikamucyate .
alAta.n charaNa.n kR^itvA vya.nsayeddaxiNa.n karam.h .. 78..
UrdhvajAnukrama.n kuryAdalAtakamiti smR^itam.h .
svastikApasR^itaH pAdaH karau nAbhikaTisthitau .. 79..
pArshvamudvAhita.n chaiva karaNa.n tatkaTIsamam.h .
hastau hR^idi bhavedvAmaH savyashchAxiptarechitaH ..80..
rechitashchApaviddhashcha tatsyAdAxiptarechitam.h .
vixipta.n hastapAda.n cha tasaivAxepaNaM punaH .. 81..
yatra tatkaraNa.n dnyeya.n vixiptAxiptaptaka.n dvijAH .
svastikau charaNau kR^itvA karihasta.n cha daxiNam.h .. 82..
vaxasthAne tathA vAmamardhasvastikamAdishet.h .
vyAvR^ittaparivR^ittastu sa eva tu karo yadA .. 83..
a~nchito nAsikAgre tu tada~nchitamudAhR^itam.h .
ku~nchitaM pAdamutxipya tryashramUru.n vivartayet.h .. 84..
kaTijAnuvivartAccha bhuja~NgatrAsitaM bhavet.h .
ku~nchitaM pAdamutxipya janustanasama.n nyaset.h .. 85..
prayogavashagau hastAvUrdhvajAnu prakIrtitam.h .
vR^ishchika.n charaNa.n kR^itvA karaM pArshve niku~nchayet.h .. 86..
nAsAgre daxiNa.n chaiva dnyeya.n tattu niku~nchitam.h .
vAmadaxiNapAdAbhyA.n ghUrNamAnopasarpaNaiH ..87..
udveShTitApaviddhaishcha hastairmattallyudAhR^itam.h .
sskhalitApasR^itau pAdau vAmahastashcha rechitaH .. 88..
savyahastaH kaTisthaH syAdardhamattalli tatsmR^itam.h .
rechito daxiNo hastaH pAdaH savyo nikuTTitaH .. 89..
dolA chaiva bhavedvAmastadrechitanikuTTitam.h .
kAryau nAbhitaTe hastau prA~Nmukhau khaTakAmukhau .. 90..
sUchIviddhAvapakrAntau pAdau pAdApaviddhake .
apaviddho bhaveddhastaH sUchIpAdastathaiava cha .. 91..
tathA trika.n vivR^itta.n cha valita.n nAma tadbhavet.h .
vartitAghUrNitaH savyo hasto vAmashcha dolitaH .. 92..
svastikApasR^itaH pAdaH karaNa.n ghUrNita.n tu tat.h .
karihasto bhavedvAmo daxiNashcha vivartitaH .. 93..
bahushaH kuTTitaH pado dnyeya.n tallalitaM budhaiH  .
UrdhvajAnu.n vidhAyAtha tasyopari latA.n nyaset.h .. 94..
daNDpaxa.n tatprokta.n karNa.n nR^ityavedibhiH .
bhuja~NgatrAsita.n kR^itvA yatrobhAvapi rechitau .. 95..
vAmapArshvasthtau hastau bhuja~Ngatrastarechitam.h .
trika.n suvalita.n kR^itvA latArechitakau karau .. 96..
nUpurshcha tathA pAdaH karaNE nUpure nyaset.h .
rechitau hastapAdau cha kaTI grIvA cha rechitA .. 97..
vaishAkhasthAnakenaitadbhavevaishAkharechitam.h .
AxiptaH svastikaH pAdaH karau chodveShTitau tathA .. 98..
trikasya valanAcchaiva   dnyeyaM bhramaraka.n tu tat.h .
a~nchitaH syAtkaro vAmaH savyashchatura eva tu .. 99..
daxiNaH kuTTitaH pAdashchatura.n tatprakIrtitam.h .
bhuja~NgatrAsitaH  pAdo daxiNo rechitaH karaH .. 100..
latAkhyashcha karo vAmo bhuja~NgA~nchitakaM bhavet.h .
vixipta.n hastapAda.n tu samantAdyatra daNDavat.h .. 101..
recyate taddhi karaNa.n dnyeya.n daNDakarechitam.h .
vR^ishchika.n charaNa.n kR^itvA dvAvapyatha nikuTTitau .. 102..
vidhAtavyau karau tattu dnyeya.n vR^ishchikakuTTitam.h .
sUchi.n kR^itvApaviddha.n cha daxiNa.n charaNa.n nyaset.h .. 103..
rechitA cha kaTiryatra kaTibhrAnta.n taduchyate .
a~nchitaH pR^iShThataH pAdaH ku~nchitordhvatalA~NguliH .. 104..
latAkhyashcha karo vAmastallatAvR^ishchikaM bhavet.h .
alapadmaH kaTIdeshe ChinnA paryAyashaH kaTI .. 105..
vaishAkhasthAnakeneha tachChinna.n karaNaM bhavet.h .
vR^ishchika.n charaNa.n kR^itvA svastikau cha karavubhau .. 106..
rechitau viprakIrNau cha karau vR^ishchikarechitam.h .
bAhushIrShA~nchitau hastau pAdaH pR^iShThA~nchitastathA .. 107..
dUrasannatapR^iShTha.n cha vR^ishchika.n tatprakIrtitam.h .
AlIDhaM sthAnaka.n yatra karau vaxasi rechitau .. 108..
UrdhvAdho viprakIrNau cha vya.nsita.n karaNa.n tu tat.h .
hastau tu svastikau pArshve tathA pAdo nikuTTitaH .. 109..
yatra tatkaraNa.n dnyeyaM budhaiH pArshvanikuTTitam.h .
vR^ishchika.n charaNa.n kR^itvA pAdasyA~NguShThakena tu .. 110..
lalATe tilaka.n kuryAllalATatilaka.n tu tat.h .
pR^iShThataH ku~nchita.n kR^itvA vyatikrAntakramaM tataH .. 111..
Axiptau cha karau kAryau krAntake karaNe dvijAH .
AdyaH pAdo nataH kAryaH savyahastashcha ku~nchitaH .. 112..
uttAno vAmapArshvasthastatku~nchitamudAhR^itam.h .
pralambitAbhyAM bAhubhyA.n yadgAtreNAnatena cha .. 113..
abhyantarApaviddhaH syAttajdnyeya.n chakramaNDalam.h .
svastikApasR^itau pAdAvapaviddhakramau yadA .. 114..
uromaNDalakau hastAvuromaNDalikastu   tat.h .
Axipta.n hastapAda.n cha kriyate  yatra vegataH .. 115..
Axiota.n nAma karaNa.n vidnyeya.n tat.hdvijottamAH .
UrdhvA~NgulitalaH pAdaH pArshvenordhvaM prasAritaH .. 116..
prakuryAda~nchitatalau hastau talavilAsite .
pR^iShThataH prasR^itaH pAdau dvau tAlAvardhameva cha .. 117..
tasyeva chAnugo hastaH puratastvargala.n tu tat.h .
vixipta.n hastapAda.n cha pR^iShThataH pArshvato.api vA .. 118..
ekamArgagata.n yatra tadvixiptamudAhR^itam.h .
prasArya ku~nchitaM pAdaM punarAvartayet.h drutam.h .. 119..
prayogavashagau hastau tadAvartamudAhR^itam.h .
ku~nchitaM pAdamutxipya pArshvAtpArshva.n tu Dolayet.h .. 120..
prayogavashagau hastau DolApAda.n taduchyate .
Axipta.n hastapAda.n cha trika.n chaiva vivartayet.h .. 121..
rechitau cha tathA hastau vivR^itte karaNe dvijAH .
sUchIviddha.n vidhAyAtha trika.n tu vinivartayet.h .. 122..
karau cha rechitau kAryau vinivR^itte dvijottamaH .
pArshvakrAntakrama.n kR^itvA purastAdatha pAtayet.h .. 123..
prayogavashagau hastau pArshvakrAnta.n taduchyate .
pR^iShThataH ku~nchitaH pAdau vaxashchaiva samunnatam.h .. 124..
tilake cha karaH sthApyastannistambhitamuchyate .
pR^iShThato valitaM pAda.n shiroghR^iShTaM prasArayet.h .. 125..
sarvato maNDalAviddha.n vidyudbhrAnta.n taduchyate .
atikrAntakrama.n kR^itvA purastAtsamprasArayet.h .. 126..
prayogavashagau hastAvatikrAnte prakIrtitau .
Axipta.n hastapAda.n cha trika.n chaiva vivartitam.h .. 127..
dvitIyo rechito hasto vivartitakameva tat.h .
karNe.a~nchitaH karo vAmo latAhastashcha daxiNaH .. 128..
dolApAdastathA chaiva gajakrIDitakaM bhavet.h .
drutamutxipya charaNaM purastAdatha pAtayet.h .. 129..
talasa.nsphoTitau hastau talasa.nsphoTite matau .
pR^iShThaprasAritaH pAdaH latArechitakau karau .. 130..
samunnata.n shirashchaiva garuDaplutakaM bhavet.h .
sUchipAdo nataM pArshvameko vaxaHsthitaH karaH .. 131..
dvitIyashchA~nchito gaNDe gaNDasUchI taduchyate ,
UrdhvApaveShTitau hastau sUchIpAdo vivartitaH .. 132..
parivR^ittatrika.n chaiva parivR^itta.n taduchyate .
ekaH samasthitaH pAda UrupR^iShThe sthito.aparaH .. 133..
muShTihastashcha vaxaHsthaH pArshvajAnu taduchyate .
pR^iShThaprasAritaH pAdaH ki~nchita~nchita jAnukaH .. 134..
yatra prasArito bAhU tatsyAt.h gR^idhrAvalInakam.h .
utplutya charaNau kAryAvagrataH svastikasthitau .. 135..
sannatau cha tathA hastau sannata.n tadudAhR^itam.h .
ku~nchitaM pAdamutxipya kuryAdagrasthitaM bhuvi .. 136..
prayogavashagau hastau sA sUchI parikIrtitA .
alapadmaH shirohastaH sUchIpAdashcha daxiNaH .. 137..
yatra tatkaraNa.n dnyeayamardhasUchIti nAmataH .
pAdasUchyA yadA pAdo dvitIyastu pravidhyate .. 138..
kaTivaxaHsthitau hastau sUchIvidha.n taduchyate .
kR^itvoruvalitaM pAdamapakrAntakrama.n nyaset.h .. 139..
prayogavashagau hastavapakrAnta.n taduchyate .
vR^ishchika.n charaNa.n kR^itvA rechitau cha tathA karau .. 140..
tathA trika.n vivR^itta.n cha mayUralalitaM bhavet.h .
a~nchitApasR^itau pAdau shirashcha parivAhitam.h .. 141..
rechitau cha tathA hastau tatsarpitamudAhR^itam.h .
nUpura.n charaNa.n kR^itvA daNDapAda.n prasArayet.h .. 142..
xiprAviddhakara.n chaiva daNDapAda.n taduchyate .
atikrAntakrama.n kR^itvA samutplutya nipAtayet.h .. 143..
ja~NghA~nchitopari xiptA tadvidyAddhariNaplutam.h .## (see the cluster ~NghA. A new ligature may be added to represent this cluster)##
DolApAdakrama.n kR^itvA samutplutya nipAtayet.h ..144..
parivR^ittatrika.n chaiva tatpre~Nkholitamuchyate .
bhujAvUrdhvaviniShkrAntau hastau chAbhi ##( ##dho ##)## mukhA~NgulI .. 145..
baddhA chArI tatha chaiva nitambe karaNe bhavet.h .
dolApAdakrama.n kR^itvA hastau tadanugAvubhaua .. 146..
rechitau ghUrNitau vApi skhalita.n karaNaM bhavet.h .
eko vaxaHsthito hastaH prodveShTitatalo.aparaH .. 147..
a~nchitashcharaNashchaiva prayojyaH karihastake .
ekastu rechito hasto latAkhyastu tathA paraH .. 148..
prasarpitatalau pAdau prasarpitakameva tat.h .
alAta.n cha puraHkR^itvA dvitIya.n cha drutakramam.h .. 149..
hastau pAdAnugau chApi si.nhavikrIDite smR^itau .
pR^iShThaprasarpitaH pAdastathA hastau niku~nchitau .. 150..
punastathaiva kartavyau si.nhAkarShtake dvijAH .
AxiptahastamAxiptadehamAxiptapAdakam.h .. 151..
advR^ittagAtramityetadudvR^itA.n karaNa.n smR^itam.h .
AxiptacharaNashchaiko hastau tasyaiva chAnugau .. 152..
Anata.n cha tatha gAtra.n tayopasR^itakaM bhavet.h
dolApAdakrama.n kR^itvA talasa~NghaTTitau karau .. 153..
rechayechcha kara.n vAma.n talasa~NghaTTite sadA .
eko vaxaHsthito hasto dvtIyashcha pralambitaH .. 154..
talAgrasa.nsthitaH pAdo janite karaNe bhavet.h .
janita.n karaNa.n kR^itvA hastau chAbhimukhA~NgulI .. 155..
shanairnipatito chaiva dnyeya.n tadavahitthakam.h .
karau vaxaHsthitau kAryAvurau nirbhugnameva cha .. 156..
maNDalasthAnaka.n chaiva nivesha.n karaNa.n tu tat.h .
talasa~ncharapAdAbhyAmutplutya patanaM bhavet.h ..157..
sa.nnata.n valita.n gAtramelakAkrIDita.n tu tat.h .
karamAvR^ittakaraNamUrupR^iShThe.a~nchita.n nyaset.h .. 158..
ja~NghA~nchitA tathodvR^ittA hyUrUdvR^itta.n tu tadbhavet.h .
karau pralambitau kAryo shirashcha parivAhitam.h .. 159..
pAdau cha valitAvidhdaua madaskhalitake dvijAH .
puraH prasAritaH pAdaH ku~nchito gaganonmukhaH .. 160..
karau cha rechitau yatra viShNukrAnta.n taduchyate .
karamAvartita.n kR^itvA hyUrupR^iShThe niku~nchayet.h ..161..
Urushchaiva tathAviddhaH sambhrAnta.n karaNa.n tu tat.h .
apaviddhaH karaH sUchyA pAdashchaiva nikuTTitaH .. 162..
vaxaHsthashcha karo vAmo viShkambhe karaNe bhavet.h .
pAdAvuddhaTTitau kAryau talasa~NghaTTitau karau .. 163..
natashcha pArshva.n kartavyaM budhairuddhaTTite sadA .
prayujyAlAtaka.n pUrva.n hastau chApi hi rechayet.h .. 164..
ku~nchitAva~nchitau chaiva vR^iShabhakrIDite sadA .
rechitAva~nchitau hastau lolita.n vartita.n shiraH .. 165..
ubhayoHpArshvayoryatra tallolitamudAhR^itam.h .
svastikApasR^itau  pAdau shirashcha  parivAhitam.h.. 166..
rechitau cha tathA hastau syAtA.n nAgApasarpite .
niShaNNA~Ngastu charaNaM prasArya talasa~ncharam.h .. 167..
udvAhitamuraH kR^itvA shakaTAsyaM prayojayet.h .
UrdhvA~Ngulitalau pAdau tripatAkAvadhomukhau .. 168..
hastau shirassannata.n cha ga~NgAvataraNa.n tviti  .
yAni sthAnAni yAshchAryo  vyAyAme kathitAni tu .. 169..
pAdaprachArastveShA.n tu   karaNAnAmayaM bhavet.h .
ye  chApi nR^ittahastAstu gaditA nR^ittakarmaNi .. 170..
teShA.n samAsato yogaH  karaNeShu vibhAvyate  .
prAyeNa  karaNe kAryo vAmo vaxaHsthitaH karaH .. 171..
charaNashchAnugashchApi daxiNastu bhavetkaraH .
chAryashchaiva tu yAH proktA  nR^ittahastAstathaiva cha .. 172..
sA mAtR^iketi vidnyeyA tadbhedAtkaraNAni tu .
aShTottarashata.n hyetatkaraNAnAM mayoditam.h .. 173..
ataH paraM pravaxyAmi hya~NgahAravikalpanam.h  .
prasAryotxipya cha karau samapAdaM prayojayet.h .. 174..
vya.nsitApasR^ita.n savya.n  hastamUrdhvaM prasArayet.h  .
pratyAlIDha.n tataH kuryAt.h tathaiva cha nikuTTakam.h .. 175..
UrUdvR^itta.n tataH kuryAdaxipta.n svastika.n tataH  .
nitamba.n  kari hasta.n cha kaTichChinna.n cha yogataH .. 176..
sthirahasto bhavedeSha tva~NgahAro harapriyaH .
talapuShpApaviddhe dve vartita.n  sa.nnikuTTikam.h .. 177..
UrUdvR^itta.n tathAxiptamuromaNDalameva cha .
nitamba.n karihasta.n cha kaTichChinna.n tathaiva cha .. 178..
eSha paryastako nAma hya~NgahAro harodbhavaH .
alapallavasUchI.n cha kR^itvA vixiptameva cha ..179..
Avartita.n tataH kuryAttathaiava cha nikuTTakam.h .
UrUdvR^itta.n tathAxiptamuromaNDalameva cha .. 189..
karihasta.n kaTichChinna.n sUchIviddho bhavedayam.h .
apaviddha.n tu karaNa.n sUchIviddha.n tathaiva cha .. 181..
udveShTitena hastena trika.n tu parivartayet.h .
uromaNDalakau hastau kaTichChinna.n tathaiva cha .. 182..
apaviddho.a~NgahArAshcha vidnyeyo.ayaM prayoktR^ibhiH .
karaNa.n nUpura.n kR^itvA vixiptAlAtake punaH .. 183..
punarAxiptaka.n kuryAduromaNDalaka.n tathA .
nitamba.n karihasta.n cha kaTichChinna.n tathaiva cha .. 184..
AxiptakaH sa vidnyeyo hya~NgahAraH prayoktR^ibhiH .
udveShTitApaviddhastu karaH pAdo nikuTTitaH .. 185..
punastainaiva yogena vAmapArshve bhavedatha .
uromaNDalakau hastau nitamba.n karihastakam.h .. 186
kartavya.n sakaTichChinna.n nR^itye tUddhaTTite sadA .
paryAyodveShTitau hastau pAdau chaiva nikuTTitau .. 187..
ku~nchitAva~nchitaua chaiva hyUrUdvR^itta.n tathaiva cha .
chaturashra.n kara.n kR^itvA pAdena cha nikuTTakam.h .. 188..
bhuja~NgatrAsita.n chaiva kara.n chodviShTitaM punaH .
parichChinna.n cha kartavya.n trikaM bhramarakeNa tu .. 189..
karihasta.n kaTichChinna.n viShkambhe parikIrtitam.h .
daNDapAda.n kara.n chaiva vixipyAxipya chaiva hi .. 190..
vya.nsita.n vAmahasta.n cha saha pAdena sarpayet.h .
nikuTTakadvaya.n kAryamAxiptaM  maNDalorasi .. 191..
karihasta.n kaTichChinna.n kartavyamaparAjite .
kuTTita.n karaNa.n kR^itvA bhuja~NgatrAsita.n tathA .. 192..
rechitena tu hastena patAka.n hastamAdishet.h .
AxiptakaM prayu~njIta hyuromaNDalaka.n tathA .. 193..
latAkhya.n sakaTakachChinna.n viShkambhApasR^ite bhavet.h .
trika.n suvalita.n kR^itvA nUpura.n karaNa.n tathA .. 194..
bhuja~NgatrAsita.n savya.n tathA vaishAkharechitam.h .
Axiptaka.n tataH kR^itvA parichChinna.n tathaiva cha .. 195..
bAhyabhramaraka.n kuryAduromaNDalameva cha .
nitamba.n karihasta.n cha kaTichChinna.n tathaiva cha .. 196..
mattAkrIDo bhavedeSha hya~NgahAro harapriyaH  .
rechita.n hastapAda.n cha kR^itvA vR^ishchikameva cha .. 197..
punastenaiva yogena vR^ishchika.n samprayojayet.h .
nikuTTaka.n tathA chaiva savyAsavyakR^ita.n kramAt.h ..198..
latAkhyaH sakaTichChedo bhavetsvastikarechite .
pArshve tu svastikaM  bad.hdhvA kArya.n tvatha nikuTTakam.h .. 199..
dvitIyasya cha pArshvasya vidhiH syAdyameva hi .
tatashcha karamAvartya hyUrUpR^iShThe nipAtayet.h .. 200..
UrUdvR^itta.n tataH kuryAdAxiptaM punareva hi .
nitamba.n karihasta.n cha kaTichChinna.n tathaiva cha .. 201..
pArshvasvastika ityeSha hya~NgahAraH prakIrtitaH .
vR^ishchika.n karaNa.n kR^itvA latAkhya.n  hastameva cha .. 202..
tameva cha karaM bhUyo nAsAgre sanniku~nchayet.h .
tamevodveShTita.n kR^itvA nitambaM parivartayet.h .. 203..
karihasta.n kaTichChinna.n vR^ishchikApasR^ite bhavet.h .
kR^itvA nUpurapAda.n  tu  tathAxiptakameva cha .. 204..
parichChinna.n cha  kartavya.n sUchIpAda.n tathaiva cha  .
nitamba.n  karihasta.n chApyuromaNDalaka.n tathA .. 205 ..
kaTIchChinna.n tatashchaiva bhramaraH sa tu sa.ndnyitaH  .
matallikaraNa.n kR^itvA karamAvartya daxiNam.h .. 106..
kapolasya pradeshe tu kArya.n samya~Nniku~nchitam.h
apaviddha.n druta.n chaiva talasa.nsphoTasa.nyutam.h .. 207..
karihasta.n  kaTichChinnaM mattaskhalitake bhavet.h .
dolaiH karaiH prachalitaiH svastikApasR^itaiH padaiH .. 208..
a~nchitairvalitairhastaistalasa~NghaTTitaistathA .
nikuTTita.n cha kartavyamUrUdvR^ita.n tathaiva cha .. 209..
karihasta.n kaTichChinnaM madAdvilasite bhavet.h .
maNDala.n sthAnaka.n kR^itvA tathA hastau cha rechitau .. 210..
udghaTTitena pAdena mattallikaraNaM bhavet.h .
Axipta.n karaNa.n chaiva  hyuromaNDalameva cha .. 211..
kaTichChinna.n tathA chaiva bhavettu gatimaNDale .
samapAdaM prayujyAtha parichChinna.n tvanantaram.h .. 212..
Aviddhena tu pAdena bAhyabhramaraka.n tathA .
vAmasUchyA tvatikrAntaM bhuja~NgatrAsita.n tathA .. 213..
karihasta.n kaTichChinnaM parichChinne vidhIyate .
shirasastUpari sthApyau svastiakau vichyutau karau . 214..
tataH savya.n kara.n chApi gAtramAnamya rechayet.h .
punarutthApayettatra gAtramunnamya rechitam.h .. 215..
latAkhyau cha karau kR^itvA vR^ishchika.n samprayojayet.h .
rechita.n karihasta.n cha  bhuja~NgatrAsita.n tathA .. 216..
AxiptakaM prayu~njIta svastikaM pAdameva cha .
parA~NgmukhavidhirbhUya evameva  bhavediha .. 217..
karihasta.n kaTichChinnaM parivR^ittakarechitee .
rechitau saha gAtreNa hyapaviddhau karau yadA .. 218..
punastenaiva deshena gAtramunnamya rechayet.h .
kuryAnnUpurapAda.n cha bhuja~NgatrAsita.n tathA .. 219..
rechitaM maNDala.n chaiva bAhushIrShe niku~nchayet.h .
UrUdvR^itta.n tathAxiptamuromaNDalameva cha .. 220..
karihasta.n kaTichChinna.n kuryAdvaishAkharechite .
Adya.n tu janita.n kR^itvA pAdamekaM prasArayet.h ..221..
tathaivAlAtaka.n kuryAt.h trika.n tu parivartayet.h  .
a~nchita.n vAmahasta.n cha gaNDadeshe nikuTTayet.h .. 222..
kaTichChinna.n tathA chaiva parAvR^itte prayojayet.h .
svastika.n karaNa.n kR^itvA vya.nsitau cha karau punaH .. 223..
alAtakaM prayu~njIta hyUrdhvajAnu niku~nchitam.h .
ardhasUchI cha vixiptamudvR^ittAxiptake tathA .. 224..
karihasta.n kaTichChinnama~NgahAre hyalAtake .
nikuTya vaxasi karAvUrdhvajAnu prayojayet.h .. 225..
Axiptasvastika.n kR^itvA trika.n tu parivartayet.h .
uromaNDalakau hastau nitamba.n karihastakam.h .. 226..
kaTichChinna.n tathA chaiva pArshvachChede vidhIyate .
sUchIvAmapada.n dadhyAdvidyudbhrAnta.n cha daxiNam.h .. 227..
daxiNena punaH sUchI vidyudbhrAnta.n cha vAmataH .
parichChinna.n tathA chaiva hyatikrAnta.n cha vAmakam.h .. 228..
latAkhya.n sakaTichChinna.n vidyudbhrAntashcha sa smR^itaH .
kR^itvA nUpurapAda.n tu savyavAmau pralambitau .. 229..
karau pArshve tatastAbhyA.n vixipta.n samprayojayet.h .
tAbhyA.n sUchI tathA chaiva trika.n tu  parivartayet.h ..  230..
latAkhya.n sakaTichChinna.n kurtAdudvR^ittake sadA .
AlIDhavya.nsitau hastau bAhushIrShe nikuTTayet.h ..  231..
nUpurashcharaNo vAmastathAlAtashcha daxiNaH .
tenaivAxiptaka.n kuryAduromaNDalakau karau ..232..
karihasta.n kaTichChinnamAlIDhe samprayojayet.h .
hasta.n tu rechita.n kR^itvA pArshvamAnasya rechayet.h .. 233..
punastenaiva yogena gAtramAnasya rechayet.h .
rechita.n karaNa.n kAryamuromaNDalameva cha .. 234..
kaTichChinna.n tu kartavyama~NgahAre tu rechite .
nUpura.n charaNa.n kR^itvA trika.n tu parivartayet.h ..235..
vya.nsitena tu hastena trikameva vivartayet.h .
vAma.n chAlAtaka.n kR^itvA sUchImatraiva yojayet.h ..236..
karihasta.n kaTichChinna.n kuryAdAchChurite sadA .
rechitau svastikau pAdau rechitau svastikau karau .. 237..
kR^itvA  vishleShameva.n tu tenaiva vidhinA punaH .
punarutxepaNa.n chaiva rechitaireva kArayet.h .. 238..
udvR^ittAxiptake chaiva  hyuromaNDalameva cha .
nitamba.n karihasta.n cha kaTichChinna.n tathaiva cha .. 239..
Axiptarechito hyeSha karaNAnA.n vidhiH smR^itaH .
vixipta karaNa.n kR^itvA  hastapAdaM mukhAgamam.h .. 240..
vAmasUchisahakR^ita.n vixipedvAmaka.n karam.h .
vaxaHsthAne bhavetsavyo valita.n trikameva cha .. 241..
nUpurAxiptake chaiva hyardhasvastikameva cha .
nitamba.n karihasta.n cha hyuromaNDalaka.n tathA .. 242..
kaTichChinna.n cha kartavya.n sambhrAnte nR^ittayoktR^ibhiH .
apakrAntakrama.n kR^itvA vya.nsita.n hastameva cha .. 243..
kuryAdudveShTita.n chaiva hyardhasUchI.n tathaiva cha .
vixipta.n sakaTichChinnamudvR^ittAxiptake tathA .. 244..
karihasta.n kaTichChinna.n kartavyamapasarpite .
kR^itvA nUpurapAda.n cha drutamAxipya cha kramam.h .. 245..
pAdasya chAnugau hastau trika.n cha parivartayet.h .
nikuTya karapAda.n chApyuromaNDalakaM punaH .. 246..
karihasta.n kaTichChinnaM kAryamardhanikuTTake .
dvAtri.nshadete samproktA hya~NgahArA dvijottamAH .. 247..
chaturo rechakA.nshchApi gadato me nibodhata .
pAdarechaka  ekaH syAt.h dvitIyaH kaTirechakaH .. 248..
kararechakastR^itIyastu chaturthaH kaNTharechakaH .
##[##rechitAkhyaH pR^ithagbhAve valane chAbhidhIyate ..
udvAhanAtpR^ithagbhAvAchchalanAchchApi rechakaH .
pArshvAtpArshve tu gamana.n skhalitaishchalitaiH padaiH ..
vividhaishchaiva pAdasya pAdarechaka uchyate .
trikasyodvartana.n chaiva ChaTIvalanameva cha ..
tathA.apasarpaNa.n chaiva kaTirechaka uchyate .
udvartanaM parixepo vixepaH parivartanam.h ..
visarpaNa.n cha hastasya hastarechaka uchyate .
udvAhana.n sannamana.n tathA pArshvasya sannatiH ..
bhramaNa.n chApi vidnyeyo grIvAyA rechako budhaiH . ##]##
rechakaira~NgahAraishcha nR^ityanta.n vIxya sha~Nkaram.h .. 249..
sukumAraprayogeNa nR^ityantI.n chaiva pArvatIm.h .
mR^ida~NgabherIpaTahairbhANDaDiNDimagomukhaiH ..250..
paNavairdaduraishchaiva sarvAtodyaiH pravAditaiH .
daxayadnye vinihate sandhyAkAle maheshvaraH .. 251..
nAnA~NgahAraiH prAnR^ityallayatAlavashAnugaiaH .
piNDibandhA.nstato dR^iShTvA nandibhadramukhA gaNAH .. 252..
chakruste nAma piNDInAM bandhamAsA.n salaxaNam.h .
IshvarasyeshvarI piNDI nandinashchApi paTTasI .. 253..
chaNDikAyA bhavetpiNDI tathA vai si.nhavAhinI .
tArxyapiNDI bhavedviShNoH padmapiNDI svayaMbhuvaH .. 254..
shakrasyairAvatI piNDI jhaShapiNDI tu  mAnmathI .
shikhipiNDI kumArasya rUpapiNDI bhavechChriyaH .. 255..
dhArApiNDI cha jAhnavyAH pAshapiNDI yamasya cha ..
vAruNI cha nadIpiNDI yAxI syAddhanadasya tu .. 256..
halapiNDI balasyApi sarpapiNDI tu bhoginAm.h .
gANeshvarI mahApiNDI daxayadnyavimardinI..257..
trishUlAkR^itisa.nsthAnA raudrI syAdandhakadviShaH .
evamanyAsvapi tathA devatAsu yathAkramam.h .. 258..
dhvajabhUtAH prayoktavyAH piNDIbandhAH suchihnitAH .
rechakA a~NgahArAshcha piNDIbandhAtasthaiva cha .. 259..
sR^iShTvA bhagavatA dattAstaNDave munaye tadA .
tenApi hi tataH samyaggAnabhANDasamanvitaH .. 260..
nR^ittaprayogaH sR^iShTo yaH sa tANDava iti smR^itaH .
R^iShaya UchuH  -
yadA prAptyarthamarthAnA.n tajdnyairabhinayaH kR^itaH  .. 261..
kasmAnR^itta.n kR^ita.n hyetatka.n svabhAvamapexate .
na gItakArthasambaddha.n na chApyarthasya bhAvakam.h .. 262..
kasmAnnR^itta.n kR^ita.n  hyetadgIteShvAsAriteShu cha .
bharataH  -
atrochyate na khalvartha.n ka~nchinnR^ittamapexate .. 263..
ki.n tu shobhAM prajanayediti nR^ittaM pravartitam.h .
prAyeNa sarvalokasya nR^ittamiShTa.n svabhAvataH .. 264..
ma~Ngalamiti kR^itvA cha nR^ittametatprakIrtitam.h .
vivAhaprasavAvAhapramodAbhyuadayAdiShu .. 265..
vinodakAraNa.n cheti nR^ittametatpravartitam.h .
atashchaiva pratixepAdbhUtasa~NghaiH pravartitAH.. 266..
ye gItakAdau yujyante samya~NnR^ittavibhAgakAH.
devena chApi samproktastaNDustANDavapUrvakam.h .. 267..
gItaprayogamAshritya nR^ittametatpravartyatAm.h .
prAyeNa tANDavavidhirdevastutyAshrayo bhavet.h ..268..
sukumAraprayogashcha shR^i~NgArarasasambhavaH  .
tasya taNDuprayuktasya tANDavasya vidhikriyAm.h..269..
vardhamAnakamAsAdya sampravaxyami laxaNam.h .
kalAnA.n vR^iddhimAsAdya hyaxarANA.n cha vardhanAt.h .. 270..
layasya vardhanAchchApi vardhamAnakamuchyate .
kR^ittvA kutapavinyAsa.n yathAvad.hdvijasattamAH .. 271..
AsAritaprayogastu tataH kAryaH prayoktR^ibhiH .
tatra tUpohana.n kR^ittvA tantrIgAnasamanvitam.h .. 272..
kAryaH pravesho nartakyA bhANDavAdyasamanvitaH .
vishuddhakaraNAyA.n tu jAtyA.n vAdyaM prayojayet.h ..273..
gatyA vAdyAnusAriNyA tasyAshchArIM prayojayet.h .
vaishAkhasthAnakeneha sarvarechakachAriNI .. 274..
puShpA~njalidharA bhUtvA pravishedra~NgamaNDapam.h .
puShpA~njali.n visR^ijyAtha ra~NgapIThaM parItya cha .. 275..
praNamya devatAbhyashcha tato.abhinayamAcharet.h .
yatrAbhineya.n gIta.n syAttatra vAdya.n na  yojayet.h .. 276..
a~NgahAraprayoge tu bhANDavAdya.n vidhIyate .
sama.n rakta.n vibhakta.n cha sphuTa.n shuddhaprahArajam.h ..277..
nR^ittA~NgagrAhi vAdyadnyairvAdya.n yojya.n tu tANDave .
prayujya gItavAdye tu niShkrAmennartakI tataH .. 278..
anenaiva vidhAnena pravishantyaparAH pR^ithak.h .
anyAshchAnukrameNAtha piNDIM badhnanti yAH striyaH .. 279..
tAvatparyastakaH kAryo  yAvatpiNDI na badhyate .
piNDIM baddhvA tataH sarvA niShkrAmeyuH striyastu tAH .. 280..
piNDIbandheShu vAdya.n tu kartavyamiha vAdakaiaH .
paryastakapramANena chitraughakaraNAnvitam.h .. 281..
tatropavAhanaM bhUyaH kAryaM pUrvavadeva hi .
tatashchAsAritaM bhUyo gAyana.n tu prayojayet.h .. 282..
pUrveNaiva vidhAnena pravishechchApi nartakI .
gItakArtha.n tvabhinayed.h dvitIyAsAritasya tu .. 283..
tadeva cha punarvastu nR^ittenApi pradarshayet.h .
AsArite samApte tu niShkrAmennartakI tataH .. 284..
pUrvavatpravishantyanyAH prayogaH syAtsa eva hi .
evaM pade pade kAryo vidhirAsAritasya tu .. 285..
bhANDavAdyakR^ite chaiva tathA gAnakR^ite.api cha .
ekA tu prathama.n yojyA dve dvitIya.n tathaiva cha .. 286..
tisro vastu tR^itIya.n tu chatasrastu chaturthakam.h .
piNDInA.n vidhayashchaiva chatvAraH samprakIrtitAH .. 287..
piNDI shR^i~NkhalikA chaiva latAbandho.atha bhedyakaH .
piNDIbandhastu piNDatvAdgulmaH shR^i~NkhalikA bhavet.h .. 288..
jAlopanaddhA cha latA sanR^itto bhedyakaH smR^itaH .
piNDIbandhaH kaniShThe tu shR^i~NkhalA tu layAntare .. 289..
madhyame cha latAbandho jyeShThe chaivAtha bhedyakaH .
piNDInA.n vividhA yoniryantraM bhadrAsana.n tathA .. 290..
shixAyogastathA chaiva prayoktavyaH prayoktR^ibhiH .
evaM prayogaH kartavyo vardhamAne tapodhanAH  .. 291..
gItAnA.n ChandakAnA.n cha bhUyo vaxyAmyaha.n vidhim.h .
yAni vastunibaddhAni yAni chA~NgikR^itAni tu .. 292..
gItAni teShA.n vaxyAmi prayoga.n nR^ittavAdyayoH .
tatrAvataraNa.n kArya.n nartakyAH sArvabhANDikam.h .. 293..
xepapratixepakR^itaM bhANDopohanasa.nskR^itam.h .
prathama.n tvabhineya.n syadgItake sarvavastukam.h .. 294
tadeva cha punarvastu nR^itteenApi pradarsheyat.h .
yo vidhiH pUrvamuktastu nR^ittAbhinayavAdite .. 295..
AsAritavidhau sa syAdgItAnA.n vastukeShvapi .
eva.n vastunibandhAnA.n gItakAnA.n vidhiH smR^itaH .. 296..
shR^iNutA~NganibaddhAnA.n gItAnAmapi laxaNam.h .
ya eva vastukavidhirnR^ittAbhinayavAdite .. 297..
tamevA~NganibaddheShu chChandakeShvapi yojayet.h .
vAdya.n gurvaxarakR^ita.n tathAlpAxarameva cha .. 298..
mukhe sopohane kuryAdvarNAnA.n viprakarShataH .
yadA gItivashAda~NgaM bhUyo  bhUyo nivartate .. 299..
tatrAdyamabhineya.n syAchCheSha.n nR^ittena yojayet.h  .
yadA gItivashAda~NgaM bhUyo  bhUyo nivartate .. 300..
tripANilayasa.nyukta.n tatra vAdyaM prayojayet.h .
yathA layastathA vAdya.n kartavyamiha vAdakaiH  .. 301..
##[## tata.n chAnugata.n chApi ogha.n cha karaNAnvitam.h .
sthire tattvaM ##(##taM##)## prayoktavyaM madhye chAnugataM bhavet.h ..
bhUyashchaughaH prayoktavyastveSha vAdyagato vidhiH .
ChandogItakamAsAdya tva~NgAni parivartayet.h ..
eSha kAryo vidhirnitya.n nR^ittAbhinayavAdite .
yAni vastunibaddhAni teShAmante graho bhavet.h ..
a~NgAnA.n tu parAvR^ittAvAdAveva graho mataH  ..##]##
evameSha vidhiH kAryo gIteShvAsAriteShvapi .
devastutyAshraya.n hyetatsukumAra.n nibodhata .. 302..
strIpu.nsayostu sa.nlApo yastu kAmasamudbhavaH .
tajdnyeya.n sukumAra.n hi shR^i~NgArarasasambhavam.h .. 303..
yasyA.n yasyAmavasthAyA.n nR^itta.n  yojyaM prayoktR^ibhiH .
tatsarvaM.n sampravaxyAmi tachcha me  shR^iNuta dvijAH .. 304..
a~NgavastunivR^ittau tu tathA varNanivR^ittiShu .
tathA chAbhudayasthAne nR^itta.n tajdnyaH prayojayet.h  .. 305..
yattu sa.ndR^ishyate ki~nchiddampatyormadanAshrayam.h .
nR^itta.n tatra prayoktavyaM praharShArthaguNodbhavam.h .. 306..
yatra sannihite kAnte R^itukAlAdidarshanam.h .
gItakArthAbhisa.nbaddha.n nR^itta.n tatrApi cheShyate .. 307..
khaNDiatA vipralabdhA vA kalahAntaritApi vA .
yasminna~Nge tu yuvatirna nR^itta.n tatra na yojayet.h ..308..
sakhIpravR^itte sa.nlApe tathA.asannihite priye .
na hi nR^ittaM prayoktavya.n yasyA na proShitaH priyaH .. 309..
##[## dUtyAshraya.n yadA tu syAdR^itukAlAdi darshanam.h .
autsukyachintAsaMbaddha.n na nR^itta.n  tatra yojayet.h ..##]##
yasminna~Nge prasAda.n tu gR^ihnIyAnnAyikA kramAt.h .
tataHprabhR^iti nR^itta.n tu sheSheShva~NgeShu yojayet.h .. 310..
devastutyAshrayakR^ita.n yada~Nga.n tu bhavedatha .
mAheshvaraira~NgahArairuddhataistatprayojayet.h ..311..
yattu shR^i~NgArasaMbaddha.n gAna.n strIpuruShAshrayam.h .
devIkR^itaira~NgahArairlalitaistatprayojayet.h .. 312..
chatuShpadA narkuTake kha~njake parigItake .
vidhAna.n sampravaxyAmi bhANDavAdyavidhiM prati .. 313..
kha~njanarkuTasa.nyuktA bhasvedyA tu chatuShpadA .
pAdAnte sannipAte tu tasyA bhANDagraho bhavet.h .. 314..
yA dhruvA ChandasA yaktA samapAdA samAxarA  .
tasyAH pAdAvasAne tu pradeshinyA graho bhavet.h ..315..
kR^itvaikaM parivarta.n tu gAnasyAbhinayasya cha .
punaH pAdanivR^itti.n tu bhANDavAdyena yojayet.h ..316..
a~~NgavastunivR^itau tu  varNAntaranivR^ittiShu .
tathopasthApane chaiva bhANDavAdyaM prayojayet.h .. 317..
ye.api chAntaramArgAssyuH tantrivAkkaraNaiH kR^itAH .
teShu sUchI prayoktavyA bhANDena saha tANDave .. 318
maheshvarasya charita.n ya ida.n samprayojayet.h
sarvapApavishuddhAtmA shivaloka.n sa gachChati .. 319..
evameSha vidhiH sR^i##(##rdR^i##)##ShTastANDavasya prayogataH .
bhUyaH ki.n kathyatAmanyannATyavedavidhiM prati .. 320..

iti bhAratIye nATyashAstre tANDavalaxaNa.n nAma chaturtho.adhyAyaH ..
##
Encoded by Padmakar Dadegaonkar dadegaonkar@yahoo.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}