% Text title            : naaTyashaastra adhyaaya 25
% File name             : natya25.itx
% Category              : nATyashAstra, major\_works, bharata
% Location              : doc\_z\_misc\_major\_works
% Author                : Sage Bharata
% Transliterated by     : dpadmakar at hotmail.com
% Proofread by          : dpadmakar at hotmail.com
% Latest update         : November 23, 2002
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 25..}##
\itxtitle{.. nATyashAstram adhyAyaH 25 ..}##\endtitles ##

      .. shrIrastu ..
bharatamunipraNItaM nATyashAstram.h
pa~nchavi.nsho.adhyAyaH .
a~NgAbhinayasyaiva yo visheShaH kvachit.h kvachit.h .
anukta uchyate chitraH chitrAbhinayassmR^itaH .. 1..
uttAnau tu karau kR^itvA svastikau pArshvasa.nsthitau .
udvAhitena shirasA tathA chordhvanirIxaNAt.h .. 2..
prabhAta.n gagana.n rAtriH pradoSha.n divasa.n tathA .
R^itUn.h ghanAn.h vanAntA.nshcha vistIrNA.nshcha jalAshayAn.h .. 3..
disho grahAn.h sanaxatrAn.h ki~nchit.h svastha.n cha yadbhavet.h .
tasya tvabhinayaH kAryo nAnAdR^iShTisamanvitaH .. 4..
ebhireva karairbhUyastenaiva shirasA punaH .
adho nirIxaNenAtha bhUmisthAn.h sampradarshayet.h .. 5..
sparshasya grahaNenaiva tathollukasanena cha .
chandrajyostnA.n sukha.n vAyu.n rasa.n gandha.n cha nirdishet.h .. 6..
vastrAvakuNThanAtsUrya.n rajodhUmAnilA.nstathA .
bhUmitApamathoShNa.n cha kuryAchChAyAbhilAShataH .. 7..
UrdhvAkekaradR^iShTistu madhyAhne sUryamAdishet.h .
udayAstagata.n chaiva vismayArthaiH pradarshayet.h ..8..
yAni saumyArthayuktAni susvabhAvakR^itAni cha .
gAtrasparshaissaromA~nchaisteShAmabhinayo bhavet.h .. 9..
yAni syustIxNarUpANi tAni chAbhinayetsudhIH .
asa.nsparshaistathodvegaistathA mukhavikuNThanaiH .. 10..
gambhIrodAtasa.nyuktAnarthAnabhinayedbudhaH .
sATopaishcha sagarvaishcha gAtraiH sauShThavasa.nyutaiH .. 11..
yadnyopavItadeshasthamarAla.n hAsamAdishet.h .
svastikau vichyutau hArasragdAmArthAn.h nidarshayet.h .. 12..
bhramaNena pradarshinyA dR^iShTeH parigamena cha .
alapadmakapIDAyAH sarvArthagrahaNaM bhavet.h .. 13..
shravya.n shravaNayogena dR^ishya.n dR^iShTivilokanaiH .
AtmasthaM parasa.nstha.n vA madhyastha.n vA vinirdishet.h .. 14..
vidyudulkAghanaravAviShphuli.ngArchiShastathA .
trastA.ngAxinimeShaishcha te.abhineyAH prayoktR^ibhiH .. 15..
udveShTitakarAvR^ittau karau kR^itvA nata.n shiraH .
asa.nsparshe tathAniShTe jihmadR^iShTena kArayet.h .. 16..
vAyumuShNa.n tamastejo mukhaprachChAdanena cha .
reNutoyapata.ngA.nshcha bhramarA.nshcha nivArayet.h .. 17..
kR^itvA svastikasa.nsthAnau padmakoshAvadhomukhau .
sia.nharxavAnaravyAghrashvApadA.nshcha nirUpayet.h ..18..
svastikau tripatAkau tu gurUNAM pAdavandane .
khaTakasvasthikau chApi pratodagrahaNe smR^itau .. 19..
eka.n dvi trINi chatvAri pa~ncha ShaT.h sapta chAShTadhA .
nava vA dasha vApi syurgaNanA.ngulibhirbhavet.h .. 20..
dashAkhyAshcha shatAkhyAshcha sahasrAkhyAstathaiva cha .
patAkAbhyA.n tu hastAbhyAM prayojyAstAH prayoktR^ibhiH .. 21..
dashAkhyagaNanAyAstu parato yA bhavediha .
vAkyArthenaiva sAdhyAsau paroxAbhinayena cha .. 22..
ChatradhvajapatAkAshcha nirdeshyA daNDadhAraNAt.h .
nAnApraharaNa.n chAtha nirdeshya.n dhAraNAshrayam.h .. 23..
ekachitto hyadhodR^iShTiH ki~nchinnatashirAstathA .
savyahastashcha sa.nda.nshaH smR^ite dhyAne vitarkite .. 24..
udvAhita.n shiraH kR^itvA ha.nsapaxau pradaxiNau .
apatyarUpaNe kAryAvuChrayau cha prayoktR^ibhiH .. 25..
udvAhita.n shiraH kR^itvA ha.nsavaktra.n tathordhvagam.h .
prasAdayachcha yaM mAna.n dIrghasatva.n cha nirdishet.h .. 26..
arAla.n cha shirasthAne samudvAhya tu vAmakam.h .
gate nirvR^itte dhvaste cha shrAntavAkye cha yojayet.h .. 27..
sarvendriyasvasthatayA prasannavadanastathA .
vichitrabhUtalAlokaiH sharadantu vinirdishet.h .. 28..
gAtrasa.nkochanAchchApi sUryAgnipaTusevanAt.h .
hemantastvabhinetavyaH puruShairmadhyamAdhamaiH .. 29..
shirodantoShThakampena gAtrasa.nkochanena cha .
kUjitaishcha sashItkArairadhamashshItamAdishet.h .. 30..
avasthAntaramAsAdya kadAchittUttamarairapi .
shItAbhinayana.n kUryAddevAdvyasanasaMbhavam.h .. 31..
R^itujAnA.n tu puShpANA.n gandhaghrANaistathaiva cha .
rUxasya vAyoH sparshAchcha shishira.n rUpayedbudhaH .. 32..
pramodajananAraMbhairupabhogaiH pR^ithagvidhiH .
vasantastvabhinetavyo nAnApuShpapradarshanAt.h .. 33..
sveda pramArjanaishchaiva bhUmitApaiH savIjanaiH .
uShNasya vAyoH sparshena grIShma.n tvabhinayedbudhaH .. 34..
kadambanIpakuTapaiH shAdvalaiH sendragopakaiH .
meghavAtaiH sukhasparshaiH prAvR^iT.hkAlaM pradarshayet.h .. 35..
meghaughanAdairgambhIrairdhArAprapatanaistadA .
vidyunnirghAtaghoShaishcha varShArAtra.n samAdishet.h .. 36..
yadyasya chihna.n veSho vA karma vA rUpameva vA .
nirdeshyaH sa R^itustena iShTAniShTArthadarshanAt.h .. 37..
etAnR^itUnarthavashAddarshayeddhi rasAnugAn.h .
sukhinastu sukhopetAn.h suHkhArthAn.h duHkhasa.nyutAn.h .. 38..
yo yena bhAvenAviShTaH sukhadenetareana vA .
sa tadAhitasa.nkAraH sarvaM pashyati tanmayam.h .. 39..
bhAvAbhinayana.n kuryAdvibhAvAnA.n nidarshanaiH .
tathaiva chAnubhAvAnAM bhAvasiddhiH pravartitA .. 40..
vibhAvenAhR^ita.n kAryamanubhAvena nIyate .
AtmAnubhavanaM bhAvo vibhAvaH paradarshanam.h .. 41..
gururmitra.n sakhA snigdhaH saMbandhI bandhureva vA .
Avedyate hi yaH prAptaH sa vibhAva iti smR^itaH .. 42..
yattvasya saMbhramotthAnairarghyapAdyAsanAdibhiH .
pUjana.n kriyate bhaktyA so.anubhAvaH prakIrtitaH .. 43..
evamanyeShvapi dnyeyo nAnAkAryapradarshanAt.h .
vibhAvo vApi bhAvo vA vidnyeyo.arthavashAdbudhaiH .. 44..
yastvapi pratisa.ndesho dUtasyeha pradIyate .
so.anubhAva iti dnyeyaH pratisandeshadarshitaH .. 45..
evaM bhAvo vibhAvo vApyanubhAvashcha kIrtitaH .
puruShairabhineyaH syAtpramadAbhirathApi vA .. 46..
svabhAvAbhinaye sthAnaM pu.nsA.n kArya.n tu vaiShNavam.h .
Ayata.n vAvahittha.n vA strINA.n kArya.n svabhAvataH .. 47..
prayojanavashAchchaiva sheShANyapi bhavanti hi .
nAnAbhavAbhinayanaiH prayogaishcha pR^ithagvidhaiH .. 48..
dhairyalIlA~NgasampannaM puruShANA.n vicheShTitam.h .
mR^idulIlA~NgahAraishcha strINA.n kArya.n tu cheShTitam.h .. 49..
karapAdA~Ngasa~nchArAsstrINA.n tu lalitAH smR^itAH .
sudhIrashchoddhatashchaiva puruShANAM prayoktR^ibhiH .. 50..
yathA rasa.n yathA bhAva.n strINAM bhAvapradarshanam.h .
narANAM pramadAnA.n cha bhAvAbhinayanaM pR^ithak.h .. 51..
bhAvAnubhAvana.n yukta.n vyAkhyAsyAmyanupUrvashaH .
Ali~Nganena gAtrANA.n sasmitena cha chaxuShA .. 52..
tathollukasAnachchApi harSha.n sa.ndarshayennaraH .
xiprasa!njAtaromA~nchAt.h bAShpeNAvR^italochanA .. 53..
kurvIta nartakI harShaM prItyA vAkyaishcha sasmitaiH .
ud.hvR^ittaraktanetrashcha sandaShTAdhara eva cha .. 54..
nishvAsakaMpitA.ngashcha krodha.n chAbhinayennaraH .
netrAbhyAM bAShpapUrNAbhyA.n chibukauShThaprakaMpanAt.h .. 55..
shirasaH kaMpanAchchaiva bhrukuTIkaraNena cha .
maunenA~Ngulibha~Ngena mAlyAbharaNavarjanAt.h .. 56..
AyatakasthAnakaxAyA IrShyA krodhe bhavetstriyAH .
nishvAsochChvAsabahulairadhomukhavichintanaiH .. 57..
AkAshavachanAchchApi duHkhaM pu.nsA.n tu yojayet.h .
ruditaiH shvasitaishchaiva shirobhihananena cha .. 58..
bhUmipAtAbhighAtaishcha duHkha.n strIShu prayojayet.h .
Anandaja.n chArtija.n  vA IrShyAsaMbhUtameva vA .. 59 ..
yatpUrvamukta.n rudita.n tatstrInIcheShu yojayet.h .
saMbhramAvegacheShTAbhishshastrasampAtanena cha .. 60 ..
puruShANAM bhaya.n kArya.n dhairyAvegabalAdibhiH .
chalatArakanetratvAdgAtraiH sphuritakampitaiH .. 61..
santrastahR^idayatvAchcha pArshvAbhyAmavalokanaiH .
bhartR^iranveShaNAchchaivamuchchairAkrandanAdapi .. 62..
priyasyAli.nganAchchaiva bhaya.n kAryaM bhavetstriyAH .
madA ye.abhihitAH pUrva.n te strInIcheShu yojayet.h .. 63..
mR^idubhiH skhalitairnityamAkAshasyAvalaMbanAt.h .
netrAvaghUrNanaishchaiva sAlasyaiH kathitaistathA .. 64..
gAtrANA.n kaMpanaishchaiva madaH kAryo bhavetstriyAH .
anena vidhinA kAryaH prayogAH kAraNotthitAH .. 65..
pauruShaH strIkR^ito vApi bhAvA hyabhinayaM prati .
sarve salalitA bhAvAsstrIbhiH kAryAH prayatnataH .. 66..
dhairyamAdhuryasampannA bhAvAH kAryAstu pauruShAH .
tripatAkA~NgulIbhyA.n tu valitAbhyAM prayojayet.h .. 67..
shukAshcha sArikAshchaiva sUxmA ye chApi paxiNaH .
shikhisArasaha.nsAdyAH sthUlA ye.api svabhAvataH .. 68..
rechakaira~NgahAraishcha teShAmabhinayo bhavet.h .
kharoShTrAshvatarAsi.nhavyAghragomahiShAdaya .. 69..
gatipracharaira~Ngaishcha te.abhineyAH prayoktR^ibhiH .
bhUtAH pishAchA yaxAshcha dAnavAH saharAxasaiH .. 70..
a~NgahArairavinirdeshyA nAmasa.nkIrtanAdapi .
a~NgahArairvinirdeshyA apratyaxA bhavanti ye .. 71..
pratyaxAstvabhinetavyA bhayodvegaiH savismayaiH .
devAshcha chihnaishcha praNAmakaraNairbhAvaishcha vicheShTitaiH .. 72..
abhineyo hyarthavashAdapratyaxAH prayogadnyaiH .
savyotthitena hastena hyarAlena shiraH spR^ishet.h .. 73..
nare.ahyabhivAdana.n hyetadapratyaxe vidhIyate .
khaTakAvardhamAnena kapotAkhyena vA punaH .. 74..
daivatAni gurU.nshchaiva pramadAshchAbhivAdayet.h .
divaukasashcha ye pUjyAH pratyaxAshcha bhavanti ye .. 75..
tAn.h pramANaiH prabhAvaishcha gaMbhIrArthaishcha yojayet.h .
mahAjana.n sakhIvarga.n viTadhUrtajana.n tathA .. 76..
parimaNDalasa.nsthena hastenAbhinayenannaraH .
parvatAn.h prA.nshuyogena vR^ixA.nshchaiva samuchChritAn.h .. 77..
prasAritAbhyAM bAhubhyAmutxiptAbhyAM prayojayet.h .
samUhasAgara.n senA bahuvistIrNameva cha .. 78..
patAkAbhyA.n tu hastAbhyAmutxiptAbhyAM pradarshayet.h .
shaurya.n dhairya.n cha garva.n cha darpamaudAryamuchChrayam.h .. 79..
lalATadeshasthAnena tvarAlenAbhidarshayet.h .
vaxodeshAdapAviddhau karau tu mR^igashIrShakau .. 80..
vistIrNapradrutotxepau yojyau yasyAdapAvR^itam.h .
adhomukhottAnatalau hastau ki~nchitprasAritau .. 81..
kR^itvA tvabhinayedvelA.n biladvAra.n gR^iha.n guhAn.h .
kAma.n shApagrahagrastAn.h  jvaropahatachetasaH .. 82..
eteShA.n cheShTita.n kuryAda~NgAdyaiH sadR^ishairbudhaiH .
dolAbhinayana.n kuryAddolAyAstu vilokanaiH .. 83..
saMbhoxeNa cha gAtrANA.n rajvashvAgrahaNena cha .
yadA chA~NgavatI DolA pratyaxA pustajA bhavet.h .. 84..
AsaneShu praviShTAnA.n kartavya.n tatra Dolanam.h .
AkAshavachanAnIha vaxyAmyAtmagatAni cha .. 85..
apavAritaka.n chaiva janAntikamathApi cha .
dUrasthAbhAShaNa.n yatsyAdasharIranivedanam.h .. 86..
paroxAntarita.n vAkyamAkAshavachana.n tu tat.h .
tatrottarakR^itairvAkyaiH sa.nlApa.n samprayojayet.h .. 87..
nAnAkAraNasa.nyuktaiH kAvyabhAvasamutthitaiH .
hR^idayasya vacho yattU tadAtmagatamIShyate .. 88..
savitarka.n cha tadyojyaM prAyasho nATakAdiShu .
nigUDhabhAvasa.nyuktamapavAritaka.n smR^itam.h .. 89..
kAryavashAdashravaNaM pArshvagatairyajjanAntika.n tatsyAt.h .
hR^idayastha.n savikalpaM bhAvastha.n chAtmagatameva .. 90..
iti gUDhArthayuktAni vachanAnIha nATake .
janAntikAni karNe tu tAni yojyAni yoktR^ibhiH .. 91..
pUrvavR^itta.n tu yatkAryaM bhUyaH kathya.n tu kAraNAt.h .
karNapradeshe tadvAchyaM mAgAttatpunaruktatAm.h ..82..
avyabhichAreNa paThedAkAshajanAntikAtmagatapAThyam.h .
pratyaxaparoxakR^itAnAmAtmasamutthAn.h parakR^itA.nshcha .. 93..
hastamantarita.n kR^itvA tripatAkaM prayoktR^ibhiH  .
janAntikaM prayoktavyamapavAritaka.n tathA .. 94..
svapnAyitavAkyArthaistvabhineyo na khalu hastasa.nchAraiH .
suptAbhihitaireva tu vAkyArthaiH so.abhineyaH syAt.h .. 95..
mandasvarasa~nchArairvyaktAvyaktaM punaruktavachanArtham.h .
pUrvAnusmaraNakR^ita.n kArya.n svapnA~nchite pAThyam.h .. 96..
prashithilagurukaruNAxaraghaNTAnusvaritavAkyagadgadajaiH .
hikkAshvasopetA.n kAku.n kuryAnmaraNakAle .. 97..
hikkAshvAsopetAM mUrchChopagame maraNavatkathayet.h .
atimatteShvapi kArya.n tadvatsvapnAyite yathA pAThyam.h .. 98..
vR^iddhAnA.n yojayetpAThya.n gadgadaskhalitAxaram.h .
asamAptAxara.n chaiva bAlAnA.n tu kalasvanam.h .. 99..
nAnAbhAvopagataM maraNAbhinaye bahukIrtita.n tu .
vixiptahastapAdairnibhR^itaiH sannaistathA kAryam.h .. 100..
vyAdhiplute cha maraNa.n niShaNNagAtraistu samprayoktavyam.h .
hikkAshvAsopeta.n tathA parAdhInagAtrasa.nchAram.h .. 101..
viShapIte.api cha maraNa.n kArya.n vixiptagAtrakaracharaNam.h .
viShavegasamprayukta.n visphuritA.ngakriyopetam.h .. 102..
pratheme vege kArshya.n tvabhineye vepathurdvitIye tu .
dAhastathA tR^itIye vilallikA syAchchaturthe tu .. 103..
phenastu pa~nchamasthe tu grIvA  ShaShThe tu bhajyate .
jaDatA saptame tu syAnmaraNa.n tvaShTame bhavet.h .. 104..
tatra prathamavege tu xAmavakrakapolatA .
kR^ishatve.abhinayaH kAryo vAkyAnAmalpabhAShaNam.h .. 105..
sarvA~Ngavepathu.n cha kaNDUyana.n tathA~NgAnAm.h .
vixiptahastagAtra.n dAha.n chaivApyabhinayettu .. 106..
udvR^ittanimeShatvAdudgArachChardanaistathAxepaiH .
avyaktAxarakathanaiH vilallikAmabhinayedevam.h .. 107..
udgAravamanayogaiH shirasashcha vilolanairanekavidhaiH .
phenastvabhinetavyo niHsa.ndnyatayA nimeShaishcha .. 108..
a.nsakapolasparshaH shiraso.atha vinAmana.n shiro.apA~NgaH .
sarvendriayasaMmohAjjaDatAmeva.n tvabhinayettu .. 109..
saMmIlitanetratvAt.h vyAdhivivR^iddhau bhuja~NgadashanAdvA .
eva.n hi nATyadharme maraNAni budhaiH prayojyAni .. 110..
saMbhrameShvatha roSheShu shokAveshakR^iteShu cha .
yAni vAkyAni yujyante punarukta.n na teShviha .. 111..
sAdhvaho mA.n cha heheti ki.n tvaM mAmAvadeti cha .
eva.nvidhAni kAryANi dvitrisa.nkhyAni kArayet.h .. 112..
pratya~NgahIna.n yatkAvya.n vikR^ita.n  cha prayujyate .
na laxaNakR^itastatra kAryastvabhinayo budhaiH .. 113..
bhAvo yatrottamAnA.n tu na taM madhyeShu yojayet.h .
yo bhAvashchaiva madhyAnA.n na te nIcheShu yojayet.h .. 114..
pR^ithak.h pR^ithagbhAvarasairAtmacheShTAsamutthitaiH .
jyeShThamadhyamanIcheShu nATya.n rAga.n hi gachChati .. 115..
ete.abhinayavisheShAH kartavyAH sattvabhAvasa.nyuktAH .
anye tu laukikA  ye tu te sarve lokavatkAryAH .. 116..
nAnAvidhairyathA puShpairmAlA.n grathnAti mAlyakR^it.h .
a.ngopA.ngai rasairbhAvaistathA nATyaM prayojayet.h .. 117..
yA yasya lIlA niyatA gatishcha
ra~NgapraviShTasya nidhAnayuktaH .
tAmeva kuryAdavimuktasattvo
yAvannara~NgAtpratinirvR^itaH syAt.h .. 118..
evamete mayA proktA nATye chAbhinayAH kramAt.h .
anye tu laukikA ye te lokAdgrAhyAH sadA budhaiH .. 119..
loko vedastathAdhyAtmaM pramANa.n trividha.n smR^itam.h .
vedAdhyAtmapadArtheShu prAyo nATyaM pratiShThitam.h .. 120..
vedAdhyAtmopapanna.n tu shabdachChandassamanvitam.h .
lokasiddhaM bhavetsiddha.n nATya.n lokAtmaka.n tathA .. 121..
na cha shakya.n hi lokasya sthAvarasya charasya cha .
shAstreNa nirNaya.n kartuM bhAvacheShTAvidhiM prati .. 122..
nAnAshIlAH prakR^itayaH shIle nATyaM pratiShThiatam.h .
tasmAllokapramANa.n hi vidnyeya.n nATyayoktR^ibhiH .. 123..
etAn.h vidhI.nshchAbhinayasya samyagvidnyAya
ra~Nge manujaH prayu~Nkte .
sa nATyatattvAbhinayaprayoktA
saMmAnamagrya.n labhate hi loke .. 124..
evamete hyabhinayA vA~NnepathyA~NgasaMbhavAH
prayogadnyena kartavyA nATake siddhimichChatA .. 125..

iti bhAratIye nATyashAstre chitrAbhinayo nAma
pa~nchavi.nsho.adhyAyaH ..
##
Encoded by Padmakar Dadegaonkar dadegaonkar@yahoo.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}