% Text title            : naaTyashaastra adhyaaya 36 naaTyashaapaH
% File name             : natya36.itx
% Category              : nATyashAstra, major\_works, bharata
% Location              : doc\_z\_misc\_major\_works
% Author                : Sage Bharata
% Transliterated by     : Sowmya Krishnapur krsowmya at yahoo.com
% Proofread by          : Sowmya Krishnapur krsowmya at yahoo.com    are needed for devanaagarii output and formatting.
% Latest update         : January 16, 2007
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Natya Shastra Chapter 36 ..}##
\itxtitle{.. nATyashAstram adhyAyaH 36 nATyashApaH ..}##\endtitles ##

.. shrIrastu ..
bharatamunipraNItaM nATyashAstram.h
atha ShaTtriMsho.adhyAyaH
athAtreyo vasiShThashcha pulastyaH pulahaH kratuH |
a~NgirA gautamo.agastyo manurAyustathAtmavAn || 1||
vishvAmitraH sthUlashirAH saMvartaH pramatirdanuH |
ushanA bR^ihaspatirvyAsashchyavanaH kAshyapo dhruvaH || 2||
durvAsA jAmadagnyashcha mArkaNDeyo.atha gAlavaH |
bharadvAjashcha raibhyashcha yavakrItastathaiva cha || 3||
sthUlAkShaH shakalAkShashcha kANvo meghAtithiH kratuH |
nAradaH parvatashchaiva suvarmAthaikajo dvijaH || 4||
nitamburbhuvanaH saumyaH shatAnandaH kR^itavraNaH |
jAmadagnyastathA rAmaH kachashchetyevamAdayaH || 5||
evaM te munayaH shrutvA sarvaGYaM bharataM tataH |
punarUchuridaM vAkyaM kutUhalapurogamam || 6||
yastvayA gadito hyeSha nATyavedaH purAtanaH |
ekachittaiH sa chAsmAbhiH samyak samupadhAritaH || 7||
ekashcha saMshayo.asmAkaM taM no vyAkhyAtumarhasi |
ko vAnyo nATyavedasya nishchayaM vaktumarhati || 8||
na vayaM parihAsena na virodhena na cherShyayA |
pR^ichChAmo bhagavan nATyamupadeshArthameva tu || 9||
asmAbhishcha tadA noktaM kathAchChedo bhavediti |
idAnIM tUpashikShArthaM nATyaguhyaM nidarshaya || 10||
lokasya charitaM nATyamityavochastvamIdR^isham |
teShAM tu lokaM guhyAnAM nishchayaM vaktumarhasi || 11||
devasya kasya charitaM pUrvara~Nge dvijarShabha |
kimarthaM bhujyate hyeSha prayuktaH kiM karoti vA || 12||
kasmAchchaiva punaH shauchaM samyak charati sUtradR^ik |
kathamurvItale nATyaM svargAnnipatitaM vibho || 13||
kathaM tavAyaM vaMshashcha naTasaMGYaH pratiShThitaH |
sarvameva yathAtattvaM kathayasva mahAmune || 14||
teShaM tu vachanaM shrutvA munInAM bharato muniH |
pratyuvAcha punarvAkyaM guhyArthAbhinayaM prati || 15||
bravImi vaH kathAM guhyAM yanmAM pR^ichChan suvratAH |
pUrvara~NgavidhAnasya tAM cha me sannibodhata || 16||
proktavAnasmi yatpUrvaM shubhaM vighnanibarhaNam |
tasyAnubandhena mayA pUrvara~NgaH prakIrtitaH || 17||
shastrANAM pratikArArthaM sharIrAvaraNaM yathA |
kriyate hi tathA pApaM hutenaiva prashAmyati || 18||
evaM japyaishcha homaishcha devatAbhyarchanena cha |
sarvAtodyavidhAnaishcha tathA gItasvanena cha || 19||
stutyAshIrvachanaiH shAntaiH karmabhAvAnukIrtanaiH |
mayA pApApaharaNaiH kR^ite vighnanibarhaNe || 20||
stutigItAdisaMsR^iShTairdevairabhihito.asmyaham |
nitarAM parituShTAH smaH prayogeNAmunA cha te || 21||
devatAsuramAnandya yasmA.Nllokashcha nandati |
tasmAdayaM prayogastu nAndInAmA bhaviShyati || 22||
gItavAdyAnunAdo hi yatra kAkusvanaH shubhaH |
tasmin deshe vipApmAno mA~NgalyaM cha bhaviShyati || 23||
yAvattaM pUrayeddeshaM dhvanirnATyasamAshrayaH |
na sthAsyanti hi rakShAMsi taM deshaM na vinAyakAH || 24||
AvAhe cha vivAhe cha yaGYe nR^ipatima~Ngale |
nAndIshabdamupashrutya hiMsrA nashyanti chaiva hi || 25||
pAThyaM nATyaM tathA geyaM chitravAditrameva cha |
vedamantrArthavachanaiH samaM hyetad bhaviShyati || 26||
shrutaM mayA devadevAt tattvataH sha~NkarAddhitam |
snAnajapyasahasrebhyaH pavitraM gItavAditam || 27||
yasminnAtodyanATyasya gItapAThyadhvaniH shubhaH |
bhaviShyatyashubhaM deshe naiva tasmin kadAchana || 28||
evaM pUjAdhikArArthaM pUrvara~NgaH kR^ito mayA |
nAnAstutikR^itairvAkyairdevatAbhyarchanena cha || 29||
yato.abhivAdanaM kliShTaM shiShTaM tadra~NgamaNDale |
tatastasya hi tachChauchaM vihitaM tu dvijottamAH || 30||
shauchaM kR^itvA yato mantraM pUjanaM jarjarasya tu |
uchyate pUrvara~Nge.asmin tasmAchChauchaM prakIrtitam || 31||
yathAvatAritaM chaiva nATyametanmahItale |
vaktavyaM sarvametaddhi na shakyaM hi nigUhitum || 32||
mamaite tanayAH sarve nATyavedasamanvitAH |
sarvalokaM prahasanaiH bAdhante nATyasaMshrayaiH || 33||
kasyachittvatha kAlasya shilpakaM grAmyadharmakam |
R^iShINAM vya~NgyakaraNaM kurvadbhirguNasaMshrayam || 34||
ashrAvyaM taddurAchAraM grAmyadharmapravartitam |
niShThuraM chAprastutaM cha kAvyaM saMsadi yojitam || 35||
tachChrutvA munayaH sarve bhImaroShaprakampitAH |
UchustAn bharatAn kruddhA nirdahanta ivAgnayaH || 36||
mA tAvadbho dvijA yuktamidamasmadviDambanam |
ko nAmAyaM paribhavaH ki~ncha nAsmAsu sammatam || 37||
yasmAjGYAnamadonmattA na vetthAvinayAshritAH |
tasmAdetaddhi bhavatAM kuGYAnaM nAshameShyati || 38||
R^iShINAM brAhmaNAnAM cha samavAyasamAgatAH |
nirAhutA vinA homaiH shUdrAchArA bhaviShyatha || 39||
apA~NkteyAH kutsitAshchAvamA eva bhaviShyatha |
yashcha vo bhavitA vaMshaH sarvAshaucho bhaviShyati || 40||
ye cha vo vaMshajAste.api bhaviShyantyatha nartakAH |
paropasthAnavantashcha shastrapaNyopajIvinaH || 41||
shApaM dattaM tathA GYAtvA sutebhyo me tadA surAH |
sarve vimanaso bhUtvA tAnR^iShIn samupasthitAH || 42||
yAchamAnaistataH proktaM devaiH shakrapurogamaiH |
idAnIM duHkhamutpannaM nATyametad vina~NkShati || 43||
R^iShibhishcha tataH proktaM na chaitaddhi vinakShyati |
sheShamanyatra yad proktaM sarvametad bhaviShyati || 44||
etachChrutvA tu vachanaM munInAmugratejasAm |
viShNNAste tataH sarve shrutvA mAM samupasthitAH || 45||
proktavantashcha mAM putrAstvayAho nAshitA vayam |
anena nATyadoSheNa shUdrAchArA hi yat kR^itAH || 46||
mayApi sAntvayitvoktA mA krodhaM vrajatAnaghAH |
kR^itAntavihito.asmAkaM nUnameSha vidhiH sutAH || 47||
munInAM hi mR^iShA vAkyaM bhaviShyati kadAchana |
nidhane cha mano mA bhUd yuShmAkamiti sAntvitAH || 48||
jAnIdhvaM tattathA nATyaM brahmaNA sampravartitam |
shiShyebhyashcha tadanyebhyaH prayachChAmaH prayogataH || 49||
mA vai praNashyatAmetannATyaM duHkhapravartitam |
mahAshrayaM mahApuNyaM vedA~NgopA~Ngasambhavam || 50||
apsarobhya idaM chaiva yathAtattvaM yathAshrutam |
nATyaM dattvA tataH sarve prAyashchittaM chariShyatha || 51||
| iti bharatIye nATyashAstre nATyashApo nAma ShaTtriMsho.adhyAyaH |
##
Encoded by Sowmya Krishnapur krsowmya@yahoo at com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}