% Text title            : raghuvansha 10
% File name             : raghuvansha10.itx
% Category              : major\_works, kAlidAsa
% Location              : doc\_z\_misc\_major\_works
% Author                : kalidasa
% Transliterated by     : Arvind Kolhatkar akolhatkar at rogers.com
% Proofread by          : Arvind Kolhatkar akolhatkar at rogers.com
% Latest update         : May 30, 2005
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Raghuvansha by Kalidas Chapter 10 ..}##
\itxtitle{.. raghuva.nshaM sargaH 10 kAlidAsakR^itam ..}##\endtitles ##

pR^ithivI.n shAsatastasya pAkashAsanatejasaH |
ki.ncidUnamanUnarddheH sharadAmayuta.n yayau|| 10\-1||
na copalebhe pUrveShAmR^iNanirmokShasAdhanam |
sutAbhidhAna.n sa jyotiH sadyaH shokatamopaham|| 10\-2||
atiShThatpratyayApekShasa.ntatiH sa cira.n nR^ipaH |
prA~NmanthAdanabhivyaktaratnotpattirivArNavaH|| 10\-3||
R^iShyashR^i~NgAdayastasya santaH santAnakA~NkShiNaH |
Arebhire jitAtmAnaH putrIyAmiShTimR^itvijaH|| 10\-4||
tasminnavasare devAH paulastyopaplutA harim |
abhijagmurnidAghArtAshChAyAvR^ikShamivAdhvagAH|| 10\-5||
te ca prApurudanvanta.n bubudhe cAdipUruShaH |
avyAkShepo bhaviShyantyAH kAryasiddherhi lakShaNam|| 10\-6||
bhogibhogAsanAsIna.n dadR^ishusta.n divaukasaH |
tatphaNAmaNDalodarcirmaNidyotitavigraham|| 10\-7||
shriyaH padmaniShaNNAyAH kShaumAntaritamekhale |
a~Nke nikShiptacaraNamAstIrNakarapallave|| 10\-8||
prabuddhapuNDarIkAkSha.n bAlAtapanibhA.nshukam |
divasa.n shAradamiva prArambhasukhadarshanam|| 10\-9||
prabhAnuliptashrIvatsa.n lakShmIvibhramadarpaNam |
kaustubhAkhyamapA.n sAra.n bibhrANa.n bR^ihatorasA|| 10\-10||
bahubhirviTapAkArairdivyAbharaNabhUShitaiH |
AvirbhUtamapA.n madhye pArijAtamivAparam|| 10\-11||
daityastrIgaNDalekhAnA.n madarAgavilopibhiH |
hetibhishcetanAvadbhirudIritajayasvanam|| 10\-12||
muktasheShavirodhena kulishavraNalakShmaNA |
upasthita.n prA~njalinA vinItena garutmatA|| 10\-13||
yoganidrAntavishadaiH pAvanairavalokanaiH |
bhR^igvAdInanugR^ihNanta.n saukhashAyanikAnR^iShIn|| 10\-14||
praNipatya surAstasmai shamayitre suradviShA.n |
athaina.n tuShTuvuH stutyamavA~Nmanasagocaram|| 10\-15||
namo vishvasR^ije pUrva.n vishva.n tadanu bibhrate |
atha vishvasya sa.nhartre tubhya.n tredhAsthitAtmane|| 10\-16||
rasAntarANyekarasa.n yathA divya.n payo.ashnute |
deshe deshe guNeShvevamavasthAstavamavikriyaH|| 10\-17||
ameyo mitalokastvamanarthI prArthanAvahaH |
ajito jiShNuratyantamavyakto vyaktakAraNam|| 10\-18||
hR^idayasthamanAsannamakAma.n tvA.n tapasvinam |
dayAlumanaghaspR^iShTa.n purANamajara.n viduH|| 10\-19||
sarvadnyastvamavidnyAtaH sarvayonistvamAtmabhUH |
sarvaprabhuranIshastvamekastva.n sarvarUpabhAk|| 10\-20||
saptasAmopagIta.n tvA.n saptArNavajaleshayam |
saptArcimukhamAcakhyuH saptalokaikasa.nshrayam|| 10\-21||
caturvargaphala.n dnyAna.n kAlAvasthAshcaturyugAH |
caturvarNamayo lokastvattaH sarva.n caturmukhAt|| 10\-22||
abhyAsanigR^ihItena manasA hR^idayAshrayam |
jyotirmaya.n vicinvanti yoginastvA.n vimuktaye|| 10\-23||
ajasya gR^ihNato janma nirIhasya hatadviShaH |
svapato jAgarUkasya yAthArthya.n veda kastava|| 10\-24||
shabdAdInviShayAnbhoktu.n caritu.n dushcara.n tapaH |
paryApto.asi prajAH pAtumaudAsInyena vartitum|| 10\-25||
bahudhApyAgamairbhinnAH panthAnaH siddhihetavaH |
tvayyeva nipatantyoghA jAhnavIyA ivArNave|| 10\-26||
tvayyAveshitacittAnA.n tvatsamarpitakarmaNAm |
gatistva.n vItarAgANAmabhUyaHsa.nnivR^ittaye|| 10\-27||
pratyakSho.apyaparicChedyo mahyAdirmahimA tava |
AptavAganumAnAbhyA.n sAdhya.n tvA.n prati kA kathA|| 10\-28||
kevala.n smaraNenaiva punA.nsi puruSha.n yataH |
anena vR^ittayaH sheShA niveditaphalAstvayi|| 10\-29||
udadheriva ratnAni tejA.nsIva vivasvataH |
stutibhyo vyatiricyante dUrANi caritAni te|| 10\-30||
anavAptamavAptavya.n na te ki~ncana vidyate |
lokAnugraha evaiko hetuste janmakarmaNoH|| 10\-31||
mahimAna.n yadutkIrtya tava sa.nhriyate vacaH |
shrameNa tadashaktyA vA na guNAnAmiyattayA|| 10\-32||
iti prasAdayAmAsuste surAstamadhokShajam |
bhUtArthavyAhR^itiH sA hi na stutiH parameShThinaH || 10\-33||
tasmai kushalasa.nprashnavya~njitaprItaye surAH |
bhayamapralayodvelAdAcakhyurnairR^itodadheH|| 10\-34||
atha velAsamAsannashailarandhrAnuvAdinA |
svareNovAca bhagavAn paribhUtArNavadhvaniH|| 10\-35||
purANasya kavestasya varNasthAnasamIritA |
babhUva kR^itasa.nskArA caritArthaiva bhAratI|| 10\-36||
babhau sadashanajyotsnA sA vibhorvadanodgatA |
niryAtasheShA caraNAdga~NgevordhvapravartinI|| 10\-37||
jAne vo rakShasAkrAntAvanubhAvaparAkramau |
a~NginA.n tamasevobhau guNau prathamamadhyamau|| 10\-38||
vidita.n tapyamAna.n ca tena me bhuvanatrayam |
akAmopanateneva sAdhorhR^idayamenasA|| 10\-39||
kAryeShu caikakAryatvAdabhyarthyo.asmi na vajriNA |
svayameva hi vAto.agneH sArathya.n pratipadyate|| 10\-40||
svAsidhArAparihR^itaH kAma.n cakrasya tena me |
sthApito dashamo mUrdhA labhyA.nsha iva rakShasA|| 10\-41||
sraShTurvarAtisargAttu mayA tasya durAtmanaH |
atyArUDha.n ripoH soDha.n candaneneva bhoginaH|| 10\-42||
dhAtAra.n tapasA prIta.n yayAce sa hi rAkShasaH |
daivAtsargAdavadhyatva.n martyeShvAsthAparA~NmukhaH|| 10\-43||
so.aha.n dAsharathirbhUtvA raNabhUmerbalikShamam |
kariShyAmi sharaistIkShNaistacChiraHkamaloccayam|| 10\-44||
acirAdyajvabhirbhAga.n kalpita.n vidhivatpunaH |
mAyAvibhiranAlIDhamAdAsyadhve nishAcaraiH|| 10\-45||
vaimAnikAH puNyakR^itastyajantu marutA.n pathi |
puShpakAlokasa.nkShobha.n meghAvaraNatatparAH|| 10\-46||
mokShyadhve svargabandInA.n veNIbandhanadUShitAn |
shApayantritapaulastyabalAtkArakacagrahaiH|| 10\-47||
rAvaNAvagrahaklAntamiti vAgamR^itena saH |
abhivR^iShya marutsasya.n kR^iShNameghastirodadhe|| 10\-48||
purahUtaprabhR^itayaH surakAryodyata.n surAH |
a.nshairanuyayurviShNu.n puShpairvAyumiva drumAH|| 10\-49||
atha tasya vishA.npatyurante kAmasya karmaNaH |
puruShaH prababhUvAgnervismayena sahartvijAm|| 10\-50||
hemapAtragata.n dorbhyAmAdadhAnaH payashcarum |
anupraveshAdAdyasya pu.nsastenApi durvaham|| 10\-51||
prAjApatyopanIta.n tadanna.n pratyagrahInnR^ipaH |
vR^iSheva payasA.n sAramAviShkR^itamudanvatA|| 10\-52||
anena kathitA rAdnyo guNAstasyAnyadurlabhAH |
prasUti.n cakame tasmi.nstrailokyaprabhavo.api yat|| 10\-53||
sa tejo vaiShNava.n patnyorvibheje carusa.ndnyitam |
dyAvApR^ithivyoH pratyagramaharpatirivAtapam|| 10\-54||
arcitA tasya kausalyA priyA kekayava.nshajA |
ataH sa.nbhAvitA.n tAbhyA.n sumitrAmaicChadIshvaraH|| 10\-55||
te bahudnyasya cittadnye patnau patyurmahIkShitaH |
carorardhArdhabhAgAbhyA.n tAmayojayatAmubhe|| 10\-56||
sA hi praNayavatyAsItsapatnyorubhayorapi |
bhramarI vAraNasyeva madanisyandarekhayoH|| 10\-57||
tAbhirgarbhaH prajAbhUtyai dadhre devA.nshasa.nbhavaH |
saurIbhiriva nADIbhiramR^itAkhyAbhirammayaH|| 10\-58||
samamApannasattvAstA rejurApANDuratviShaH |
antargataphalArambhAH sasyAnAmiva sa.npadaH|| 10\-59||
gupta.n dadR^ishurAtmAna.n sarvAH svapneShu vAmanaiH |
jalajAsikadAshAr~NgacakralA~nChitamUrtibhiH|| 10\-60||
hemapakShaprabhAjAla.n gagane ca vitanvatA |
uhyante sma suparNena vegAkR^iShTapayomucA|| 10\-61||
bibhratyA kaustubhanyAsa.n stanAntaravilambitam |
paryupAsyanta lakShmyA ca padmavyajanahastayA|| 10\-62||
kR^itAbhiShekairdivyAyA.n trisrotasi ca saptabhiH |
brahmarShibhiH para.n brahma gR^iNadbhirupatasthire|| 10\-63||
tAbhyastathAvidhAnsvapnA~nChrutvA prIto hi pArthivaH |
mene parArdhyamAtmAna.n gurutvena jagadguroH|| 10\-64||
vibhaktAtmA vibhustAsAmekaH kukShiShvanekadhA |
uvAsa pratimAcandraH prasannAnAmapAmiva|| 10\-65||
athAgryamahiShI rAdnyaH prasUtisamaye satI |
putra.n tamopaha.n lebhe nakta.n jyotirivauShadhiH|| 10\-66||
rAma ityabhirAmeNa vapuShA tasya coditaH |
nAmadheya.n gurushcakre jagatprathamama~Ngalam|| 10\-67||
raghuva.nshapradIpena tenApratimatejasA |
rakShAgR^ihagatA dIpAH pratyAdiShTA ivAbhavan|| 10\-68||
shayyAgatena rAmeNa mAtA shAtodarI babhau |
saikatAmbhojabalinA jAhnavIva sharatkR^ishA|| 10\-69||
kaikeyyAstanayo jadnye bharato nAma shIlavAn |
janayitrImala.ncakre yaH prashraya iva shriyam|| 10\-70||
sutau lakShmaNashatrughnau sumitrA suShuve yamau |
samyagArAdhitA vidyA prabodhavinayAviva|| 10\-71||
nirdoShamabhavatsarvamAviShkR^itaguNa.n jagat |
anvagAdiva hi svargo gA.n gata.n puruShottamam|| 10\-72||
tasyodaye caturmUrteH paulastyacakiteshvarAH |
virajaskairnabhasvadbhirdisha ucChvasitA iva|| 10\-73||
kR^ishAnurapadhUmatvAtprasannatvAtprabhAkaraH |
rakShoviprakR^itAvAstAmapaviddhashucAviva|| 10\-74||
dashAnanakirITebhyastatkShaNa.n rAkShasashriyaH |
maNivyAjena paryastAH pR^ithivyAmashrubindavaH|| 10\-75||
putrajanmapraveshyAnA.n tUryANA.n tasya putriNaH |
Arambha.n prathama.n cakrurdevadundubhayo divi|| 10\-76||
sa.ntAnakamayI vR^iShTirbhavane cAsya petuShI |
sanma~NgalopacArANA.n saivAdiracanA.abhavat|| 10\-77||
kumArAH kR^itasa.nskArAste dhAtrIstanyapAyinaH |
AnandenAgrajeneva sama.n vavR^idhire pituH|| 10\-78||
svAbhAvika.n vinItatva.n teShA.n vinayakarmaNA |
mumUrcCha sahaja.n tejo haviSheva havirbhujAm|| 10\-79||
parasparaviruddhAste tadragoranagha.n kulam |
alamudyotayAmAsurdevAraNyamivartavaH
samAne.api hi saubhrAtre yathebhau rAmalakShmaNau |
tathA bharatashatrughnau prItyA dvandva.n babhUvatuH|| 10\-81||
teShA.n dvayordvayoraikya.n bibhide na kadAcana |
yathA vAyurvibhAvasvoryathA candrasamudrayoH|| 10\-82||
te prajAnA.n prajAnAthAstejasA prashrayeNa ca |
mano jahrurnidAghAnte shyAmAbhrA divasA iva|| 10\-83||
sa caturdhA babhau vyastaH prasavaH pR^ithivIpateH |
dharmArthakAmamokShANAmavatAra ivA~NgavAn|| 10\-84||
guNairArAdhayAmAsuste guru.n guruvatsalAH |
tameva caturantesha.n ratnairiva mahArNavAH|| 10\-85||
suragaja iva dantairbhagnadaityAsidhArai-
rnaya iva paNabandhavyaktayogairupAyaiH |
haririva yugadIrghairdorbhira.nshaistadIyaiH
patiravanipatInA.n taishcakAshe caturbhiH|| 10\-86||

iti shrIraghuva.nshe mahAkAvye kavishrIkAlidAsakR^itau
rAmAvatAroo nAma dashamaH sargaH ||
##
Encoded and proofread by Arvind Kolhatkar akolhatkar at rogers.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}