% Text title            : raghuvansha7
% File name             : raghuvansha7.itx
% Category              : major\_works, kAlidAsa
% Location              : doc\_z\_misc\_major\_works
% Author                : kalidasa
% Transliterated by     : Arvind Kolhatkar akolhatkar at rogers.com
% Proofread by          : Arvind Kolhatkar akolhatkar at rogers.com
% Latest update         : April 14, 2005
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Raghuvansha by Kalidas Chapter 7 ..}##
\itxtitle{.. raghuva.nshaM sargaH 7 kAlidAsakR^itam ..}##\endtitles ##

athopayantrA sadR^isheNa yuktA.n skandena sAkShAdiva devasenAm |
svasAramAdAya vidarbhanAthaH purapraveshAbhimukho babhUva || 7\-1||
senAniveshAnpR^ithivIkShito.api jagmurvibhAtagrahamandabhAsaH |
bhojyA.n prati vyarthamanorathatvAdrUpeShu vesheShu ca sAbhyasUyA || 7\-2||
sA.nnidhyayogAtkila tatra shacyAH svaya.nvarakShobhakR^itAmabhAvaH |
kAkutsthamuddishya samatsaro.api shashAma tena kShitipAlalokaH || 7\-3||
tAvatprakIrNAbhinavopacAramindrAyudhadyotitatoraNA~Nkam |
varaH savadhvA saha rAjamArga.n prApa dhvajacChAyanivAritoShNam || 7\-4||
tatastadAlokanatatparANA.n saudheShu cAmIkarajAlavatsu |
babhUvurittha.n purasundarINA.n tyaktAnyakAryANi viceShTitAni || 7\-5||
AlokamArga.n sahasA vrajantyA kayAcidudveShTanavAntamAlyaH |
baddhu.n na sa.nbhAvita eva tAvatkareNa ruddho.api ca keshapAshaH || 7\-6||
prasAdhikAlambitamagrapAdamAkShipya kAciddravarAgameva |
utsR^iShTalIlAgatirAgavAkShAdalaktakA~NkA.n padavI.n tatAna || 7\-7||
vilocana.n dakShiNama~njanena sa.nbhAvya tadva~ncitavAmanetrA|
tathaiva vAtAyanasa.nnikarSha.n yayau shalAkAmaparA vahantI || 7\-8||
jAlAntarapreShitadR^iShTiranyA prasthAnabhinnA.n na babandha nIvIm |
nAbhipraviShTAbharaNaprabhena hastena tasthAvavalambya vAsaH || 7\-9||
ardhA~ncitA satvaramutthitAyAH pade pade durnimite galantI |
kasyAshcidAsIdrashanA tadAnIma~NguShThamUlArpitasUtrasheShA || 7\-10||
tAsA.n mukhairAsavagandhagarbhairvyAptAntarAH sAndrakutUhalAnAm |
vilolanetrabhramarairgavAkShAH sahasrapatrAbharaNA ivAsan || 7\-11||
tA rAghava.n dR^iShTibhirApibantyo nAryo na jagmurviShayAntarANi |
tathA hi sheShendriyavR^ittirAsA.n sarvAtmanA cakShuriva praviShTA || 7\-12||
sthAne vR^itA bhUpatibhiH parokShaiH svaya.nvara.n sAdhumama.nsta bhojyA |
padmeva nArAyaNamanyathAsau labheta kAnta.n kathamAtmatulyam || 7\-13||
paraspareNa spR^ihaNIyashobha.n na cedida.n dvandvamayojayiShyat |
asmindvaye rUpavidhAnayatnaH patyuH prajAnA.n vitatho.abhaviShyat || 7\-14||
ratismarau nUnamimAvabhUtA.n rAj~nA.n sahasreShu tathA hi bAlA |
gateyamAtmapratirUpameva mano hi janmAntarasa.ngatij~nam || 7\-15||
ityudgatAH pauravadhUmukhebhyaH shR^iNvankathAH shrotrasukhAH kumAraH |
udbhAsita.n ma~Ngalasa.nvidhAbhiH sa.nbandhinaH sadma samAsasAda || 7\-16||
tato.avatIryAshu kareNukAyAH sa kAmarUpeshvaradattahastaH |
vaidarbhanirdiShTamatho vivesha nArImanA.nsIva catuShkamantaH || 7\-17||
mahArhasi.nhAsanasa.nsthito.asau saratnamarghya.n madhuparkamishram |
bhojopanIta.n ca dukUlayugma.n jagrAha sArdha.n vanitAkaTAkShaiH || 7\-18||
dukUlavAsAH sa vadhUsamIpa.n ninye vinItairavarodharakShaiH |
velAsakAsha.n sphuTaphenarAshirnavairudanvAniva candrapAdaiH || 7\-19||
tatrArcito bhojapateH purodhA hutvAgnimAjyAdibhiragnikalpaH |
tameva cAdhAya vivAhasAkShye vadhUvarau sa.ngamayA.ncakAra || 7\-20||
hastena hasta.n parigR^ihya vadhvAH sa rAjasUnuH sutarA.n cakAse |
anantarAshokalatApravAla.n prApyeva cUtaH pratipallavena || 7\-21||
AsIdvaraH kaNTakitaprakoShThaH svinnA~NguliH sa.nvavR^ite kumArI |
tasmindvaye tatkShaNamAtmavR^ittiH sama.n vibhakteva manobhavena || 7\-22||
tayorapA~NgapratisAritAni kriyAsamApattinivartitAni |
hrIyantraNAmAnashire manoj~nAmanyonyalolAni vilocanAni || 7\-23||
pradakShiNaprakramaNAtkR^ishAnorudarciShastanmithuna.n cakAse |
merorupAnteShviva vartamAnamanyonyasa.nsaktamahastriyAmam || 7\-24||
nitambagurvI guruNA prayuktA vadhUrvidhAtR^ipratimena tena |
cakAra sA mattacakoranetrA lajjAvatI lAjavisargamagnau || 7\-25||
haviHshamIpallavalAjagandhI puNyaH kR^ishAnorudiyAya dhUmaH |
kapolasa.nsarpishikhaH sa tasyA muhUrtakarNotpalatA.n prapede || 7\-26||
tada~njanakledasamAkulAkSha.n pramlAnabIjA~NkurakarNapUram |
vadhUmukha.n pATalagandhalekhamAcAradhUmagrahaNAdbabhUva || 7\-27||
tau snAtakairbandhumatA ca rAj~nA pura.ndhribhishca kramashaH prayuktam |
kanyAkumArau kanakAsanasthAvArdrAkShatAropaNamanvabhUtAm || 7\-28||
iti svasurbhojakulapradIpaH sa.npAdya pANigrahaNa.n sa rAjA |
mahIpatInA.n pR^ithagarhaNArtha.n samAdideshAdhikR^itAnadhishrIH || 7\-29||
li~NgairmudaH sa.nvR^itavikriyAste hradAH prasannA iva gUDhanakrAH |
vaidarbhamAmantrya yayustadIyA.n pratyarpya pUjAmupadAChalena || 7\-30||
sa rAjalokaH kR^itapUrvasa.nvidArambhasiddhau samayopalabhyam |
AdAsyamAnaH pramadAmiSha.n tadAvR^itya panthAnamajasya tasthau || 7\-31||
bhartApi tAvatkrathakaishikAnAmanuShThitAnantarajAvivAhaH |
sattvAnurUpAharaNIkR^itashrIH prAsthApayadrAghavamanvagAcca || 7\-32||
tisrastrilokaprathitena sArdhamajena mArge vasatIruShitvA |
tasmAdapAvartata kuNDineshaH parvAtyaye soma ivoShNarashmeH || 7\-33||
pramanyavaH prAgapi kosalendre pratyekamAttasvatayA babhUvuH |
ato nR^ipashcakShamire sametAH strIratnalAbha.n na tadAjatmasya || 7\-34||
tamudvahanta.n pathi bhojakanyA.n rurodha rAjanyagaNa sa dR^iptaH |
balipradiShTA.n shriyamAdadAna.n traivikrama.n pAdamivendrashatruH || 7\-35||
tasyAH sa rakShArthamanalpayodhamAdishya pitrya.n saciva.n kumAraH |
pratyagrahItpArthivavAhinI.n tA.n bhAgIrathI.n shoNa ivottara~NgaH || 7\-36||
pattiH padAti.n rathina.n ratheshastura.ngasAdI turagAdhirUDham |
yantA gajasyAbhyapatadgajastha.n tulyapratidvandvi babhUva yuddham || 7\-37||
nadatsu tUryeShvavibhAvyavAco nodIrayanti sma kulopadeshAn |
bANAkSharaireva parasparasya nAmorjita.n cApabhR^itaH shasha.nsuH || 7\-38||
utthApitaH sa.nyati reNurashvaiH sAndrIkR^itaH syandanava.nshacakraiH |
vistAritaH ku~njarakarNatAlairnetrakrameNoparurodha sUryam || 7\-39||
matsyadhvajA vAyuvashAdvidIrNairmukhaiH pravR^iddhadhvajinIrajA.nsi |
babhuH pibantaH paramArthamatsyAH paryAvilAnIva navodakAni || 7\-40||
ratho rathA~NgadhvaninA vijaj~ne vilolaghaNTAkvaNitena nAgaH |
svabhartunAmagrahaNAdbabhUva sAndre rajasyAtmaparAvabodhaH || 7\-41||
AvR^iNvato locanamArgamAjau rajondhakArasya vijR^imbhitasya |
shastrakShatAshvadvIpavIrajanmA bAlAruNo.abhUdrudhirapravAhaH || 7\-42||
sa cChinnamUlaH kShatajena reNustasyopariShTAtpavanApadhUtaH |
a~NgArasheShasya hutAshanasya pUrvotthito dhUma ivAbabhAse || 7\-43||
prahAramUrcChApagame rathasthA yantR^InupAlabhya nivartitAshvAn |
yaiH sAditA lakShitapUrvaketU.nstAneva sAmarShatayA nijaghnuH || 7\-44||
apyardhamArge parabANalUnA dhanurbhR^itA.n hastavatA.n pR^iShatkAH |
sa.nprApurevAtmajavAnuvR^ittyA pUrvArdhabhAgaiH phalibhiH sharavyam || 7\-45||
AdhoraNAnA.n gajasa.nnipAte shirA.nsi chakrairnishitaiH kShurAgraiH |
hatAnyapi shyenanakhAgrakoTivyAsaktakeshAni chireNa petuH || 7\-46||
pUrva.n prahartA na jaghAna bhUyaH pratiprahArAkShamamashvasAdI |
tura.ngamaskandhaniShaNNadeha.n pratyAshvasanta.n ripumAcakA~NkSha || 7\-47||
tanutyajA.n varmabhR^itA.n vikoshaibR^ihatsu danteShvasibhiH patadbhiH |
udyantamagni.n shamayA.nbabhUvurgajA vivignAH karashIkareNa || 7\-48||
shilImukhotkR^ittashiraHphalADhyA chyutaiH shirastraishcaShakottareva |
raNakShitiH shoNitamadyakulyA rarAja mR^ityoriva pAnabhUmiH || 7\-49||
upAntayorniShkuShita.n viha.ngairAkShipya tebhyaH pishitapriyApi |
keyUrakoTikShatatAludeshA shivA bhujacChedamapAcakAra || 7\-50||
kashcidviShatkhaDgahR^itottamA~NgaH sadyo vimAnaprabhutAmupetya |
vAmA~Ngasa.nsaktasurA~NganaH sva.n nR^ityatkabandha.n samare dadarsha || 7\-51||
anyonyasUtonmathanAdabhUtA.n tAveva sUtau rathinau ca kaucit |
vyashvau gadAvyAyatasa.nprahArau bhagnAyudhau bAhuvimardaniShThau || 7\-52||
paraspareNa kShatayoH prahartrorutkrAntavAyvoH samakAlameva |
amartyabhAve.api kayoshcidAsIdekApsaraHprArthitayorvivAdaH || 7\-53||
vyUhAvubhau tAvitaretarasmAdbha~Nga.n jaya.n cApaturavyavastham |
pashcAtpuromArutayoH pravR^iddhau paryAyavR^ityeva mahArNavormI || 7\-54||
pareNa bhagne.api bale mahaujA yayAvajaH pratyarisainyameva |
dhUmo nivartyeta samIraNena yatastu kakShastata eva vahniH || 7\-55||
rathI niSha~NgI kavacI dhanuShmAndR^iptaH sa rAjanyakamekavIraH |
nivArayAmAsa mahAvarAhaH kalpakShayodvR^ittamivArNavAmbhaH || 7\-56||
sa dakShiNa.n tUNamukhena vAma.n vyApArayanhastamalakShyatAjau |
AkarNakR^iShTA sakR^idasya yoddhurmaurvIva bANAnsuShuve ripughnAn || 7\-57||
sa roShadaShTAdhikalohitoShThairvyaktordhvarekhA bhR^ikuTIrvahadbhiH |
tastAra gA.n bhallanikR^ittakaNThairhU.nkAragarbhairdviShatA.n shirobhiH || 7\-58||
sarvairbalA~NgairdviradapradhAnaiH sarvAyudhaiH ka~NkaTabhedibhishca |
sarvaprayatnena ca bhUmipAlAstasminprajahruryudhi sarva eva || 7\-59||
so.astravrajaishChannarathaH pareShA.n dhvajAgramAtreNa babhUva lakShyaH |
nIhAramagno dinapUrvabhAgaH ki.ncitprakAshena vivasvateva || 7\-60||
priya.nvadAtprAptamasau kumAraH prAyu~Nkta rAjasvadhirAjasUnuH |
gAndharvamastra.n kusumAstrakAntaH prasvApana.n svapnanivR^ittalaulyaH || 7\-61||
tato dhanuShkarShaNamUDhahastamekA.nsaparyastashirastrajAlam |
tasthau dhvajastambhaniShaNNadeha.n nidrAvidheya.n naradevasainyam || 7\-62||
tataH priyopAttarase.adharoShThe niveshya dadhmau jalaja.n kumAraH |
tena svahastArjitamekavIraH pibanyasho mUrtamivAbabhAse || 7\-63||
sha~NkhasvanAbhidnyatayA nivR^ittAsta.n sannashatru.n dadR^ishuH svayodhAH |
nimIlitAnAmiva pa~NkajAnA.n madhye sphurantaM pratimAshashA~Nkam || 7\-64||
sashoNitaistena shilImukhAgrairnikShepitAH ketuShu pArthivAnAm |
yasho hR^ita.n sa.nprati rAghaveNa na jIvita.n vaH kR^ipayeti varNAH || 7\-65||
sa cApakoTInihitaikabAhuH shirastraniShkarShaNabhinnamauliH |
lalATabaddhashramavAribindurbhItA.n priyAmetya vaco babhAShe || 7\-66||
itaH parAnarbhakahAryashastrAnvaidarbhi pashyAnumatA mayAsi |
eva.nvidhenAhavaceShTitena tva.n prArthyase hastagatA mamaibhiH || 7\-67||
tasyAH pratidvandvibhavAdviShAdAtsadyo vimukta.n mukhamAbabhAse |
niHshvAsabAShpApagamAtprapannaH prasAdamAtmIyamivAtmadarshaH || 7\-68||
hR^iShTApi sA hrIvijitA na sAkShAdvAgbhiH sakhInA.n priyamabhyanandat |
sthalI navAmbhaHpR^iShatAbhivR^iShTA mayUrakekAbhirivAbhravR^indam || 7\-69||
iti shirasi sa vAma.n pAdamAdhAya rAdnyA\-
mudavahadanavadyA.n tAmavadyAdapetaH |
rathaturagarajobhistasya rUkShAlakAgrA
samaravijayalakShmIH saiva mUrtA babhUva || 7\-70||
prathamaparigatArthasta.n raghuH sa.nnivR^itta.n
vijayinamabhinandya shlAghyajAyAsametam |
tadupahitakuTumbaH shAntimArgotsuko.abhU\-
nna hi sati kuladhurye sUryava.nshyA gR^ihAya || 7\-71||

iti shrIraghuva.nshe mahAkAvye kavishrIkAlidAsa\-
kR^itAvajasvaya.nvarAbhigamano nAma saptamaH sargaH ||
##
\medskip\hrule\medskip
Encoded and proofread by Arvind Kolhatkar akolhatkar at rogers.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}