% Text title            : Sandhya Prayogah
% File name             : sandhyAprayogaH.itx
% Category              : major\_works, pUjA
% Location              : doc\_z\_misc\_major\_works
% Proofread by          : Paresh Panditrao, NA, KS Sheshadri Sharma
% Latest update         : December 24, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sandhya Prayogah ..}##
\itxtitle{.. sandhyAprayogaH ..}##\endtitles ##
atha sandhyAprayogaH(1) |
yathoktasnAnAnantaraM shvetaM asyUtArajakadhautaM vastraM(2) paridhAya upavastraM(3) gR^ihItvA kushAdivihitAsane(4) prA~Nmukha(5) upavishya pavitrapANiH(6) puNyadeshe(7) sandhyopAsanamArabheta, tatrAdau yaj~nIyabhasma tIrthamR^ido vA gR^ihItvA jalamishraNAnantaraM \ldq{}OM tryambakaM yajAmahe sugandhimpuShTivarddhanam | urvArukamiva bandhanAnmR^ityormukShIya mAmR^itAt\rdq{} (iti mardayitvA) \ldq{}OM namaH shivAya\rdq{} ityabhimantrya tilakaM(8) kuryAttatra mantraH \- OM tryAyuShaM jamadagneH iti lalATe, OM kashyapasya tryAyuShaM iti grIvAyAm, OM yaddeveShu tryAyuShaM iti bAhumUle, OM tanno.aastu tryAyuShaM iti hR^idaye |
viShNusmaraNam \-
apavitraH pavitro vetyasya vAmadeva R^iShiH mukhe viShNurdevatA gAyatrIChandaH pavitrakaraNe viniyogaH ||
OM apavitraH pavitro vA sarvAvasthAM gato.api vA |
yaH smaretpuNDarIkAkShaM sa bAhyAbhyantaraH shuchiH ||
(anena mantreNa viShNuM smR^itvA ki~nchijjalaM shirasi si~nchet) || 
Achamanam(9) \- OM R^igvedAya svAhA, OM yajurvedAya svAhA, OM sAmavedAya svAhA (iti tribhirmantraiH brahmatIrthena jalaM trirAchamya) OM atharvavedAya namaH (iti karau prakShAlya dakShiNakarNaM spR^ishet) ||
shikhAbandhanam(10) \- praNavavyAhR^itigAyatryA OM brahmavAkyasahasreNa shivavAkyashatena cha | viShNornAmasahasreNa shikhAgranthiM karomyaham || (ityanena vA badhnIyAt, baddhAyAM kevalaM saMspR^ishedeva ||)
khasparshaH(11) \- OM viShNurviShNurviShNuH (iti paThitvA) OM vAgvAk (12) OM prANaH prANaH(13) OM chakShushchakShuH OM shrotraM shrotraM OM nAbhiH OM hR^idayaM OM kaNThaH OM lalATaM OM shiraH OM shikhA OM bAhubhyAM(14) yashobalam(15) |
         (itIndriyAdyAyatanAni jalArdradakShiNakarasya madhyamAnAmikAbhyAM saMspR^ishet) || 
abhiShechanam(16) \- OM OM punAtu, OM bhUH punAtu, OM bhuvaH punAtu, OM svaH punAtu, OM mahaH punAtu, OM janaH punAtu, OM tapaH punAtu, OM satyaM punAtu, OM tatsaviturvareNyaM bhargo devasya dhImahi dhiyo yo naH prachodayAt | OM sarvaM punAtu (vAmakare(17) jalamAdAya dakShiNAnAmikayA pratimantraM jale mUrddhAnamabhiShi~nchet) ||
Asanopaveshanam \- OM pR^ithvIti mantrasya merupR^iShTha R^iShiH sutalaM ChandaH kUrmo devatA Asanopaveshane viniyogaH | OM pR^ithvi tvayA dhR^itA lokA devi tvaM viShNunA dhR^itA | tvaM cha dhAraya mAM devi pavitraM kuru chAsanam | (iti mantreNa dakShiNahastasya madhyamAnAmikAbhyAM Asanopari ki~nchijjalaM kShipet) OM apasarpantu te bhUtA ye bhUtA bhUmisaMsthitAH | ye bhUtA vighnakartAraste nashyantu shivAj~nayA (iti vAmapAdapArShNinA trivAraM bhUmiM tADayitvA bhUtAnyutsAryANi) ||
shrI bhairavanamaskAraH \- OM tIkShNadaMShTra mahAkAya kalpAntadahanopama | bhairavAya namastubhyamanuj~nAM dAtumarhasi | (ityanena mantreNa shrImahAbhairavaM namaskR^itya sa~NkalpaM kuryAt) || 
atha sa~NkalpaH(18) \- dakShiNakare jalamAdAya, OM tatsadadyaitasya brahmaNo.ahni dvitIyaparArddhe shrIshvetavArAhakalpe vaivasvatamanvantare aShTAviMshatitame kaliyuge kali\-prathamacharaNe anantakoTibrahmANDAbhyantare asmin brahmANDe jambUdvIpe bhAratakhaNDe AryAvartaikadeshAntargate puNyakShetre amukadeshe ShaShTyabdAnAM madhye amukasaMvatsare amukaR^itau amukamAse amukapakShe amukatithau amukavAsare amukagotrotpanno.amukasharmmAhaM(19) mamopAttaduritakShayapUrvakabrahmavarchasakAmArthaM shrIparameshvaraprItaye prAtaH(20) sandhyopAsanaM kariShye (iti sa~Nkalpya bhUmau tajjalaM kShipet) ||
atha punarAchamanam \- OM aghamarShaNasUktasyAghamarShaNaR^iShiranuShTup Chando bhAvavR^ito devatA ashvamedhAvabhR^ithe viniyogaH || OM R^ita~ncha satya~nchAbhIddhAttapasodhyajAyata tato rAtryajAyata tataH samudro arNavaH, samudrAdarNavAdadhi saMvatsaro ajAyata, ahorAtrANi vidadhadvishvasya miShato vashI, sUryAchandramasau dhAtA yathApUrvamakalpayat diva~ncha pR^ithivIM chAntarikShamatho svaH |
atha karanyAsaH(21) \- OM bhUH a~NguShThAbhyAM(22) namaH | OM bhuvaH tarjanIbhyAM(23) namaH | OM svaH madhyamAbhyAM(24) namaH | OM tatsaviturvareNyam | anAmikAbhyAM(25) namaH | OM bhargo devasya dhImahi kaniShThikAbhyAM(26) namaH | OM dhiyo yo naH prachodayAt karatalakarapR^iShThAbhyAM(27) namaH || 
atha ShaDa~NganyAsaH(28) namaH | OM bhUH hR^idayAya(29) namaH | OM bhuvaH shirase(30) svAhA | OM svaH shikhAyai vaShaT(31) | OM tatsaviturvareNyaM kavachAya(32) hu.N | OM bhargo devasya dhImahi netratrayAya(33) vauShaT | OM dhiyo yo naH prachodayAt astrAya(34) phaT |
atha praNavanyAsaH \- OM \ldq{}a\rdq{} kAraM nAbhau | OM \ldq{}u\rdq{} kAraM hR^idaye | OM \ldq{}ma\rdq{} kAraM mUrdhani ||

            atha sandhyAprayogaH TippaNikA |
        ## Footnotes  for starting of sandhyAprayogaH ##
(1)\- samyag dhyAyanti samyag dhyAyate vA parabrahma yasyAM sA sandhyA dvitIyo.arthastu \- sandhIyate parabrahma sA sandhyA sadbhiruchyate || (saptadashI) | ahorAtrasya yA sandhiH sUryanakShatravarjitA | sA tu sandhyA samAkhyAtA munibhistattvadarshibhiH | \ldq{}aharahaH sandhyAmupAsIta\rdq{} (tai\. brA\.) | shaktimAnudite kAle snAnaM sandhyAM na hApayet iti vyAsaH | uttamA tArakopetA madhyamA luptatArakA | adhamA bhAskaropetA prAtaH sandhyA tridhA matA | uttamA bhAskaropetA madhyamA luptabhAskarA | adhamA tArakopetA sAyaM sandhyA tridhA matA | aghyardhaM yAmAdA(?) sAyaM sandhyA mAdhyAhnikIShyate | (dha\. siM\. sA\.) | gauNakAlaH \- udayAstamayAdUrdhvaM yAvatsyAdghaTikAtrayam | tAvatsandhyAmupAsIta prAyashchittamataH param || (skAnde) svakAle sevitA nityaM sandhyA kAmadudhA bhavet | akAle sevitA sA cha sandhyA vandhyA vadhUriva | (vishvA\.) | mukhyakAle yadAvashyaM karmaM karttuM na shakyate | gauNakAle.api kartavyaM gauNo.apyatredR^isho mataH | (gobhilaH) | gauNo.apyatikramya AsAyaM prAtaH sandhyAM kuryAditi kechit |
(2)\- snAtvaivaM vAsasI dhaute aklinne paridhApayet | abhAve dhautavastrasya paTTakShaumAdikAni cha | kutapaM yogapaTTaM vA vivAsA yena no bhavet | (nA\. de\.) | ArdravAsAstu yaH kuryAjjapahomaparigrahAn | sarvaM tadrAkShasaM vidyAtkarmajAta~ncha yatkR^itam | yajjale shuShkavastreNa sthale chaivArdravAsasA | japo homastathA dAnaM tatsarvaM niShphalaM bhavet | na syUtena na dagvena pArakyeNa visheShataH | mUShakotkIrNajIrNena karmaM kuryAdvichakShaNaH | (ApastambaH) |
(3)\- homadevArchanAdyAsu kriyAsu paThane tathA | naikavastraH pravarteta dvijo nAchamane jape | (vi\. pu\.) | (nA puruSha ityarthaH) |
(4)\- kAmyArthaM kambala~nchaiva shreShTha~ncha raktakambalam | kR^iShNAjine j~nAnasiddhirmokShastu vyAghra charmaNi | kushAsane mantrasiddhirnAtra kAryA vichAraNA | dharaNyAM duHkhasambhUtirdaurbhAgyaM dArujAsane | vaMshAsane daridraH syAtpAShANe vyAdhipIDanam | tR^iNAsane yashohAniH pallavaishchittavibhramaH | japadhyAnatapohAniM kurvan vastrAsanaM tathA (vastrAsanamatra kevala vastrAsanaM atra visheShe.api sandhyAyAM kushAsanasya mukhyatvaM granthAntarAdbodhyam) |
(5)\- prAk pashchimodagAsyastu prAtaH sAyaM nishAsu cha (iti vAchaspatiH) |
(6)\- jape home tathA dAne svAdhyAye pitR^itarpaNe | ashUnyantu kara kuryAtsuvarNarajataiH kushaiH | (la\. hA\.) | mUlaparvaNi kurvANo mahatyA hIyate shriyA | madhyaparvaNi kurvANaH putradArairviyujyate | anAmikAgraparvasthaM pavitraM vibhR^iyAtsadA | (sha~NkhaH) |
(7)\- puNyakShetraM nadItIraM guhAparvatamastakam | tIrthapradeshAH sindhUnAM sa~NgamaM pAvana saraH | udyAnAni vichitrANi bilvamUlaM taTaM gireH | devAdyAyatanaM kUlaM samudrasya nijaM gR^iham | (shAradA) | gR^iheShu prAkR^itI (ekaguNA) | sandhyA goShThe shataguNA smR^itA | nadIShu shatasAhasrI anantA shivasannidhau (shAtAtapaH) | bahiHsandhyA dashaguNA goShThaprasravaNAdiShu | khAtatIrthe shataguNA sAhasrI jAhnavItaTe | (vyAsaH) |
(8)\- lalATe tilakaM kR^itvA sandhyAkarmaM samAcharet | akR^itvA bhAlatilakaM tasya karma nirarthakam | (pra\. pA\.) | anyachcha \-\- shrAddhe yaj~ne jape home vaishvadeve surArchane | dhR^itatripuNDraH pUtAtmA mR^ityu~njayati mAnavaH | (kAtyA\.) | tilakantu yaj~nIyabhasmanA mukhyaM chandanena tIrthamR^ittikayA vA yathAkulAchAraM lalATAdau kAryam | bhasmAdInAmabhAve jalenaiva dhAryamiti shiShTAH \- \ldq{}mR^idbhasmaM chandanaM proktaM toyaM chaiva chaturthakam |\rdq{} (pra\. pA\.) |
(tryAyuShaM jamadagnestu lalATe OM namo namaH |
kashyapasya tryAyuShaM cha grIvAyAM OM namo namaH || 64||
yaddeveShu tryAyuShaM cha bAhumUle namo namaH |
tanno.astu tryAyuShamiti hR^idi kR^iShNAya te namaH || 65||
\-\- lakShmInArAyaNasaMhitA/khaNDaH 2 (tretAyugasantAnaH)/adhyAyaH 159
tryAyuShaM jamadagneH kashyapasya tryAyuSham |
tredhAmRRitasya chakShaNaM trINyAyUMShi te.akaram || 7||
atharvavedaH/kANDaM 5/sUktam 28
tryAyuShaM jamadagneH kashyapasya tryAyuSham|
yaddeveShu tryAyuShaM tanno.aastu tryAyuSham||
-yajurveda 3\.62)
(9)\- kriyAM yaH kurute mohAdanAchamyaiva nAstikaH | bhavanti hi vR^ithA tasya kriyAH sarvA na saMshayaH | (ma\. ni\. taM\.) hR^itkaNThatAlunAbhistu shuddhayeran strI cha yathAsa~NkhyaM dvijAtayaH | shUdrashcha sakR^itspR^iShTAbhirantataH | (yAj~navalkyaH) |
(10)\- sadopavItinA bhAvyaM sadA baddhashikhena cha | vishikho vyupavItashcha yatkaroti na tatkR^itam | (kA\. smR^i\.) snAne dAne jape home sandhyAyAM devatArchane | shikhAgranthiM vinA karma na kuryAdvai kadAchana (Ahni\. kA\.) | khalvATAdidoSheNa vishikhashchennaro bhavet | kaushIM tadA dhArayIta brahmagranthiyutAM shikhAm |
(11)\- triHprAshyApo dvirunmR^ijya khAnyadbhiH samupaspR^ishet (yAj~na\.) | anyachcha \- adbhishcha saMspR^ishetkhAni sarvANyapi vishuddhaye | (vR^i\. pA\. saM\.) || 
(12)\- ityanena oShThe sparshaH |
(13)\- ityanena nAsArandhrayoH sparshaH | chakShurityAdi spR^iShTameva | visheShaH \- prANashchakShuH shrotraM ityatra prathamaM dakShiNasparshaH tato vAmasparsha iti vivekaH || 
(14)\- vAmabAhuM dakShiNaskandhe dhR^itvA tadupari dakShiNabAhuM vAmaskandhe dhArayet |
(15)\- namaskAramudrA kAryA |
(16)\- shiraso mArjanaM kuryAtkushaiH sodakabindubhiH | praNavo bhUrbhuvaH svashcha sAvitrI cha tR^itIyikA | abdaivatyaM R^ichaM chaiva chaturthamiti mArjanam | (kA\. smR^i\.) || 
(17)\- nadyAdau satve vAmakare jalagrahaNaM nAvashyakaM kushalAbhe kushenaiva mArjayet |
(18)\- ayaM sa~NkalpaH deshavisheSheNa grAhyaH, sa~Nkalpashchenmanasi mananaM proktarItyA.atha, vAchAH vyAhartavyaM tadanu cha kareNAmbusekAstridheti | (R^iShibhaTTIye) |
(19)\- atra kShatriyo vaishyo vA chettadA varmmAhaM gupto.ahamiti krameNa yojanIyam |
(20)\- madhyAhne \- madhyAhnam, sAya~NkAle \- sAyaM ityUhaH kAryaH |
(21)\- yadvIjAdyA bhavedvidyA tadvIjenA~NgakalpanA | athavA mUlamantreNa | (tAntri\.) || 
(22)\- tarjanIbhyAma~NguShThau spR^ishet |
(23)\- a~NguShThAbhyAM tarjanyau spR^ishet |
(24)\- a~NguShThAbhyAM madhyame spR^ishet |
(25)\- a~NguShThAbhyAmanAmike spR^ishet |
(26)\- a~NguShThAbhyAM kaniShThike spR^ishet |
(27)\- dakShiNakaraM vAmakarasya parito bhrAmayet |
(28)\- ShaDa~NganyAsaH kAryaH na vA kAryo nyAsavidheravaidikatvAditi gR^ihyaparishiShTe spR^iShTaM etenAkSharanyAsapAdanyAsAdInAM mudrAdividhe shApamochanAdividheshcha tAntrikatvenAvaidikatvAdanAvashyakatvaM veditavyama | (dha\. siM\. sA\.).
(29)\- dakShiNakareNa hR^idayaM spR^ishet |
(30)\- dakShiNakareNa shiraH spR^ishet |
(31)\- shikhAM spR^ishet |
(32)\- vAmakaraM dakShiNaskandhe kR^itvA dakShiNakara~ncha tadupari vAmaskandhe niveshayet |
(33)\- dakShiNakarasya tarjanImadhyamAbhyAM dakShiNavAmanetre krameNa spR^ishet |
(34)\- vAmakaratale dakShiNakarasya tarjanImadhyamAbhiH ki~nchittAlaM dadyAt ||

\section{sandhyAdhyAnamAvAhana~ncha}
prAtaH sandhyAyAm \- (pUrvAbhimukhaH) OM gAyatrIM tryakSharAM bAlAM sAkShasUtrakamaNDalum | raktavastrAM chaturvaktrAM haMsavAhanasaMsthitAm || R^igvedakR^itotsa~NgAM raktamAlyAnulepanAm | brahmANIM brahmadaivatyAM brahmalokanivAsinIm || AvAhayAmyahaM devImAyAntIM sUryamaNDalAt | AgachCha varade devi tryakShare brahmavAdini | gAyatri(2)chChandasAM mAtarbrahmayone namo.astu te |
madhyAhnasandhyAyAm \- (uda~NmukhaH) OM sAvitrIM yuvatIM shuklAM shuklavastrAM trilochanAm | trishUlinIM vR^iShArUDhAM shvetamAlyAnulepanAm || yajurvedakR^itotsa~NgAM jaTAmukuTamaNDitAm | rudrANIM rudradaivatyAM rudralokanivAsinIm || AvAhayAmyahaM devImAyAntIM sUryamaNDalAt | AgachCha varade devi tryakShare rudravAdini || sAvitri(3)chChandasAM mAtA rudrayone namo.astu te |
sAyaM sandhyAyAm \- (pashchimAbhimukhaH) OM vR^iddhAM sarasvatIM kR^iShNAM pItavastrAM chaturbhujAm | sha~NkhachakragadAshAr~NgahastAM garuDavAhinIm || sAmavedakR^itotsa~NgAM vanamAlAvibhUShitAm | vaiShNavIM viShNudaivatyAM viShNulokanivAsinIm | AvAhayAmyahaM devImAyAntIM sUryamaNDalAt | AgachCha varade devi tryakShare viShNuvAdini | sarasvati(4)chChandasAM mAtarviShNuyone namo.astu te |
prANAyAmaH(5) \- OMkArasya brahmAR^iShiH gAyatrI Chando.agnirdevatA shuklo varNaH sarvakarmArambhe viniyogaH | OM saptavyAhR^itInAM vishvAmitrajamadagnibharadvAjagautamAtrivasiShThakashyapA R^iShayo gAyatryuShNiganuShTubbR^ihatIpa~NktistriShTubjagatyashChandAMsyagnivAyvAdityabR^ihaspativaruNendravishvedevA devatAH anAdiShTaprAyashchitte prANAyAme viniyogaH | OM gAyatryA vishvAmitraR^iShirgAyatrI ChandaH savitA devatAgnirmukhamupanayane prANAyAme viniyogaH | OM shirasaH prajApatirR^iShistripadA gAyatrI Chando brahmAgni\-vAyusUryA devatA yajuH prANAyAme viniyogaH (iti R^iShyAdikaM smR^itvA) OM bhUrbhuvaH svaH OM tatsaviturvareNyaM bhargo devasya dhImahi dhiyo yo naH prachodayAt (ityAtmanaH rakShArthaM samantAt pradakShiNavadudakaM kShipettato(6) svastikAdyAsanaH sa.nmIlitanayano maunI prANAyAmatrayaM(7) kuryAt tatrA~NguShThena dakShiNanAsApuTaM nirudhya vAmanAsApuTe vAyorAdAnakAle) \- OM bhUH OM bhuvaH OM svaH OM mahaH OM janaH OM tapaH OM satyaM OM tatsaviturvareNyambhargo devasya dhImahi dhiyo yo naH prachodayAt OM Apo jyotI raso.amR^itaM brahma bhUrbhuvaH svarom |
(iti japannAbhau viShNuM(8) dhyAyet tataH a~NguShThAnAmikAkaniShThikAbhirnAsApuTadvayaM nirudhya vAyordhAraNakAle
OM bhUrityAdi paThan hR^idaye brahmANaM(9) dhyAyet | kaniShThikAnAmikAbhyAM vAmanAsApuTanirodhe dakShiNanAsApuTena vAyostyAga kAle punarapi OM bhUrityAdi paThaMllalATe shivaM(10) dhyAyet | anena prakAreNa ekaH prANAyAmo(11) bhavati, evaM trayaH prANAyAmAH pratisandhyaM kAryAH) |

            atha sandhyAprayogAntare sandhyAdhyAnamAvAhana~ncha TippaNikA |
        ## Footnotes  for sandhyAdhyAnamAvAhana in sandhyAprayogaH ##
(1)\- namaskAramudrAM kR^itvA mantramuchchArayan devatAmAvAhayet |
(2)\- pratigrahAnnadoShAchcha pAtakAdupapAtakAt | gAyatrI prochyate yasmAdgAyantaM trAyate yataH (vyAsaH) |
(3)\- savitR^idyotanAtsaiva sAvitrI parikIrtitA | jagataH prasavitR^itvAt vAgrUpatvAtsarasvatI | (vyAsaH) | gAyatrI nAma pUrvAhne sAvitrI madhyame dine | sarasvatI cha sAyAhne evaM sandhyA tridhA smR^itA | (vyAsaH) | gAyatrI tu sA~NkhyAyanasagotram | sAvitrI tu kAtyAyanagotram | tathA sarasvatI tu bAhulyagotram |
(4)\- vAgrUpatvAtsarasvatI | (vyAsaH) |
(5)\- prANAyAmairvinA yadyatkR^itaM karma nirarthakam | ato yatnena kartavyaH prANAyAmaH shubhArthinA | (agastyaH) | tvak charmamAMsarudhiramedomajjAsthibhiH kR^itAH | tathendriyakR^itA doShA dahyante prANanigrahAt (atriH) | yathA parvatadhAtUnAM doShAndahati pAvakaH | evamantargataM pApaM prANAyAmena dahyate | (ma\. ni\. taM\.) |
(6)\- jAnUrvorantare samyak kR^itvA pAdatale ubhe | R^ijukAyaH samAsInaH svastikAsanamuchyate (yogashAstra) AdishabdAtsukhAsanAdi, \ldq{}tatra sthirasukhamAsanam\rdq{} (yogasUtra) |
(7)\- nityadevArchane home sandhyAyAM shrAddhakarmaNi | snAne dAne tathA ghyAne prANAyAmAstrayaH smR^itA | (vyAsaH) |
(8)\- nIlapa~NkajavikhyAtamAnIya nAbhimadhyataH | mahAtmAnaM chaturbAhuM sa keyUraM hariM smaret (vR^i\. pA\. saM\.) |
(9)\- hR^itpadma kumbhake ghyAyed brahmANaM pa~NkajAsanam | raktendIvaravarNAbhaM chaturvaktraM pitAmaham | (vR^i\. pA\. saM\.) |
(10)\- rechake sha~NkaraM dhyAyellalATasthaM trishUlinam | shuddhasphaTikasa~NkAshaM saMsArArNavatArakam |
(11)\- evaM shvasanasaMrodhe devatAtrayachintanAt | agnivAyvambusaMyogAdantaraM shud.hdhyate tribhiH | (vR^i\. pA\. saM\.) | na prANo nApyapAnena vegAdvAyuM samutsR^ijet | yena saktuM karasthAMshcha niHshvAso naiva chAlayet | shanairnAsApuTAdvAyumutsR^ijenna tu vegataH (yAj~na\.) ||

             iti sandhyAdhyAnaM AvAhanaM cha sampUrNam |
\section{mantrAchamanam}
atha mantrAchamanam(1) ||
prAtaH sandhyAyAm \- OM sUryashchameti brahmA R^iShiH prakR^itishChandaH sUryo devatA apAmupasparshane viniyogaH | (tataH kare chulukodakaM gR^ihItvA) OM sUryashcha mA manyushcha manyupatayashcha manyukR^itebhyaH pApebhyo rakShantAM yadrAtryA pApamakArShaM manasA vAchA hastAbhyAM padbhyAmudareNa shishnA rAtristadavalumpatu yatki~nchidduritaM mayi idamahamApo.amR^itayonau sUrye jyotiShi juhomi svAhA (ityAchamya(2) punastUShNIM dvirAchAmet tatashcha karaM kShAlayet) |
madhyAhnasandhyAyAm \- OM ApaH punantviti viShNurR^iShiranuShTupChandaH Apo devatA apAmupasparshane viniyogaH | OM ApaH punantu pR^ithivIM pR^ithivI pUtA punAtu mAm, punantu brahmaNaspatirbrahmapUtA punAtu mAm, yaduchChiShTamabhojyaM cha yadvA dushcharitaM mama sarvaM punantu mAmApo.asatAM cha pratigraha{\m+}svAhA ||
sAyaM sandhyAyAm \- OM agnishchameti rudraR^iShiH prakR^itishChando.agnirdevatA apAmupasparshane viniyogaH |
agnishcha mA manyushcha manyupatayashcha manyukR^itebhyaH pApebhyo rakShantAM yadahnA pApamakArShaM manasA vAchA hastAbhyAM padbhyAmudareNa shishnA ahastadavalumpatu yatki~nchid duritaM mayi idamahamApo.amR^itayonau satye jyotiShi juhomi svAhA || 
mArjanam(3) \- OM ApohiShThetyAdi mantrasya sindhudvIpaR^iShirgAyatrIChandaH Apo devatA mArjane viniyogaH (atha jalAshayasthaiH tAmrAdipAtrasthairvAmahastairvA jalaiH ApohiShThetyAdisaptabhiH padaiH shirasi aShTamena bhUmau(4) navamena punaH shirasi dakShiNAnAmikayA mArjayet kushalAbhe kushenaiva mArjayet .) OM ApohiShThAmayo bhuvaH | OM tAna Urje dadhAta na | OM maheraNAya chakShase | OM yo vaH shivatamo rasaH | OM tasya bhAjayate ha naH OM ushatIriva mAtaraH | OM tasmAdara~Nga mAmavaH | OM yasya kShayAya jinvatha | OM Apo janayathA cha naH ||
AdAnaprakShepaH \- OM sumitriyA durmitrayA iti dvayoH prajApatirR^iShiH yajushChandaH Apo devatA AdAnaprakShepe viniyogaH | OM sumittriyA na Apa oShadhayaH santu (ityanena jalamAdAya) OM durmitriyAstasmai santu yo.asmAndveShTi ya~ncha vayaM dviShmaH (ityanena vAmabhAge jantuhInasthale niHkShipet) ||
avabhR^ithaH \- OM drupadAdivetyasya kokilo rAjaputra R^iShiranuShTup ChandaH Apo devatA sautrAmaNyavabhR^ithe viniyogaH | ( OMkAreNa jalaM vAmahaste gR^ihItvA tannyubjena dakShiNahastenAchChAdya) OM drupadAdiva mumuchAnaH svinnaH snAto malAdiva | pUtaM pavitreNevAjyamApaH shundhantu mainasaH | (iti vAratrayaM paThitvA tajjalaM shirasi kShipet) ||
aghamarShaNam \- OM aghamarShaNasUktasyAghamarShaNa R^iShiranuShTup Chando bhAvavR^ito devatA ashvamedhAvabhR^ithe viniyogaH | (punashcha jalamAdAya nAsAyAM yojayitvA) | OM R^ita~ncha satyaM chAbhIddhAttapaso.adhyajAyata tato rAtryajAyata tataH samudro arNavaH samudrAdarNavAdadhi saMvatsaro ajAyata ahorAtrANi vidadhadvishvasya miShato vashI | sUryAchandramasau dhAtA yathApUrvamakalpayad diva~ncha pR^ithivI~nchAntarikShamatho svaH | (ityanenAghrAya dakShiNanAsayA pApapuruShaM nirasya tajjalaM nAvalokya vAmabhAge kShitau nikShipet) |
upasparsha \- OM antashcharasIti tirashchIna R^iShiranuShTup ChandaH Apo devatA apAmupasparshane viniyogaH | OM antashcharasi bhUteShu guhAyAM vishvatomukhaH, tvaM yaj~nastvaM vaShaTkAra Apo jyotI raso.amR^itam (ityAchamet) || 
shrIsUryArghyadAnam(5) \- OMkArasya brahmA R^iShirgAyatrIChando.agnirdevatA | mahAvyAhR^itInAM prajApitarR^iShiH gAyatryuShNiganuShTubhashChandAMsi agnivAyvAdityA devatAH gAyatryA vishvAmitra R^iShirgAyatrIChandaH savitA devatA shrIsUryArghyadAne viniyogaH (sUryAbhimukhastiShThan gandhAkShatapuShpayuktAni trINyarghANi dadyAt) | OM bhUrbhuvaH svaH OM tatsaviturvareNyaM bhargo devasya dhImahi dhiyo yo naH prachodayAt, OM brahmasvarUpiNe shrIsUryanArAyaNAya namaH idamarghyaM dattaM na mama (ityarghatrayaM dattvA dattArghyodakena chakShuHshrotrasparshana~ncha kuryAt)(6) kAlAtikrame sati chaturthaM prAyashchittArghyaM deyam |
shrIsUryopasthAnam \- (utthAya bhUmyalagnagulphatalabhAgo vA bhUmyalagnacharaNArdhabhAgo vA svastikAkArapANiH(7) sUryAbhimukhaH sUryopasthAnaM kuryAt) \- OM udvayamityasya praskaNva R^iShiH anuShTup ChandaH sUryo devatA sUryopasthAne viniyogaH | OM udutyamityasya hiraNyastUpa R^iShirgAyatrI ChandaH sUryo devatA sUryopasthAne viniyogaH | OM chitramityasya kautsa R^iShistriShTup ChandaH sUryo devatA sUryopasthAne viniyogaH | OM tachchakShuriti dadhya~N~NAtharvaNa R^iShirakSharAtItapura uShNik ChandaH sUryo devatA sUryopasthAne viniyogaH | OM udvayaM tamasasparisvaH pashyanta uttaram, devaM devatrA sUryamaganma jyotiruttamam | OM udutyaM jAtavedasaM devaM vahanti ketavaH dR^ishe vishvAya sUryam | OM chitraM devAnAmudagAdanIkaM chakShurmitrasya varuNasyAgne AprAdyAvApR^ithivI antarikSha{\m+} sUrya AtmA jagatastasthuShashcha | OM tachchakShurdevahitaM purastAchChukramuchcharat pashyema sharadaH shataM jIvema sharadaH shata{\m+} shR^iNuyAma sharadaH shataM prabravAma sharadaH shatamadInAH shyAma sharadaH shataM bhUyashcha sharadaH shatAt ||

            atha sandhyAprayogAntare mantrAchamanam TippaNikA |
        ## Footnotes  for mantrAchamanam in sandhyAprayogaH ##
(1)\- kAMsyenAyasapAtreNa trapusIsakapittalaiH | AchAntaH shatakR^itvo.api na kadAchana shud.hdhyati (AhnikakArikA) |
(2)\- trivR^idAchamanam |
(3)\- mArjanaM tarpaNaM shrAddhaM na kuryAdvAridhArayA | kuryAchchedvAridhArAbhistatsarvaM niShphalaM bhaveta | (sa\. yA\.) || 
(4)\- bhUmishabdena charaNAvAkAshaM hR^idayaM smR^itam | shirasyeva shiraH shabdo mArjanaj~nairudAhR^itaH || 
(5)\- karAbhyAM toyamAmantrya gAyatryA chAbhimantritam | AdityAbhimukhastiShThaMstriH kShipetsandhyayoH dvayoH | madhyAhne tu sakR^ichchaiva kShepaNIyaM dvijAdibhiH || IShannamraH prabhAte tu madhyAhne R^ijusaMsthitaH | upaviShTastu sAyAhne bhUmAvarghyaM vinikShipet (yogIshaH) | apravAhodakasnAnaM viprapAdAvanejanam | gAyatrIjapamarghya~ncha AdityAbhimukhashcharet | (smR^i\.) || nArghya~njalekShipeditishiShTA |
(6)\- kAlAtikrame sati OM AkR^iShNena rajasA vartamAno niveshayanna mR^itammartya~ncha hiraNmayena savitA rathena devo yAti bhuvanAni pashyan | brahmasvarUpiNe shrIsUryanArAyaNAya namaH prAyashchittArthaM idamarghyaM dattaM na mama | anena prakAreNa chaturthArghyaM dadyAt || 
(7)\- prAtastu svastikAkArau madhyAhne tUrdhvabAhukau | sAyaM mukulitAkArau upasthAne karau smR^itau |

           iti mantrAchamanam |
\section{gAyatryAvAhanam}
vaidikAvAhanam \- OM tejo.asIti devA R^iShayo gAyatrI ChandaH shukraM daivataM gAyatryAvAhane viniyogaH | (namaskAramudrAM kR^itvA) OM tejo.asi shukramasyamR^itamasi dhAmanAmAsi priyaM devAnAmanAdhR^iShTaM devayajanamasi ||
laukikAvAhanam \- OM AgachCha varade devi jape me sannidhau bhava | gAyantaM trAyase yasmAt gAyatrI tvaM tataH smR^itA | (ityAvAhya)
gAyatryupasthAnam \- gAyatryasIti vimalaR^iShiH pa~NktishChandaH paramAtmA devatA gAyatryupasthAne viniyogaH (upasthAnamudrAM kR^itvA) \- OM gAyatryasyekapadI dvipadI tripadI chatuShpadyapadasi nahi padyase | namaste turIyAya darshatAya padAya paro rajase.asAvado mA prApat (ityupasthAya dhyAnamudrAM kR^itvA dhyAyet) |
gAyatrIdhyAnam \- OM shvetavarNA samuddiShTA kausheyavasanA tathA | shvetairvilepanaiH puShpairala~NkAraishcha bhUShitA | AdityamaNDalasthA cha brahmalokagatAtha vA | akShasUtradharA devI padmAsanagatA shubhA | (iti dhyAtvA)
gAyatrIjapaH(1) \- OMkArasya brahmA R^iShirgAyatrI Chando.agnirdevatA shuklo varNaH jape viniyogaH | OM trivyAhR^itInAM prajApatirR^iShirgAyatryuShNiganuShTubhashChandAMsyagnivAyvAdityA devatA jape viniyogaH | OM gAyatryA vishvAmitra\-R^iShirgAyatrI ChandaH savitA devatA shuklo varNaH agnirmukhaM brahmA shiro viShNuhR^idayaM rudra kavachaM paramAtmA sharIraM sA~NkhyAyanaShaTsvarA sarasvatI jihvA pi~NgAkShI tripadA gAyatrI savituH prItaye aShTottarashatasa~NkhyayA(2) jape viniyogaH | (iti viniyogaM kR^itvA vastrAchChAditAM(3) japamAlAM gomukhIM vA nAbhideshe(4) dhR^itvA) \-
gAyatrImantraH \- OM bhUrbhuvaH svaH OM tatsaviturvareNyaM(5) bhargo devasya dhImahi dhiyo yo naH prachodayAt (evaM pravAla\-rudrAkSha\-sphaTikamauktikAdinirmitayA mAlayA(6) karamAlayA(7) vA mantrArthaM dhyAyamanmaunI sUryAbhimukhastiShThan(8) AmaNDaladarshanAdyathA(9) shakti japet tataH karasampuTaM kR^itvA OM devAgAtu vidogAtu vittvAgAtu mitamanasaspata imaM devayaj~na{\m+} svAhA vAtedhAH (iti paThitvA dakShiNakare jalamAdAya) |
japArpaNam \- anena prAtaH(10) sandhyA~NgabhUtena amukasa~NkhyAkena gAyatrImantrajapAkhyena(12) karmaNA shrIbhagavAn brahmasvarUpI(13) savitA prIyatAM namaH | (iti jalaM kShipet) |
prArthanA \- yadakSharapadabhraShTaM mAtrAhInantu yadbhavet | tatsarvaM kShamyatAM devi prasIda parameshvari | (iti praNipatya) |
shrIsUryapradakShiNA(14) \- OM yAni kAni cha pApAni janmAntarakR^itAni cha | tAni tAni praNashyanti pradakShiNapadepade || (iti shrIsUryaM pradakShiNIkR^itya praNamet) |
shrIsUryapraNAmaH \- OM ekachakra ityasya nArAyaNa R^iShiH uShNik ChandaH shrIsUryo devatA sUryanamaskAre viniyogaH | (iti viniyogaM kR^itvA hastau samAnIya) OM ekachakro ratho yasya divyaH kanakabhUShitaH | sa me bhavatu suprItaH padmahasto divAkaraH | (iti natvA sUryAbhimukhastiShThan ghaNTAvat\-raNaraNatsvareNa praNavochchAraNaM kuryAt) |
sandhyAvisarjanam(15) \- stutA mayA varadA vedamAtA prachodayantAM pAvamAnI dvijAnAm | AyuH prANaM prajAM pashuM kIrtiM draviNaM brahmavarchasaM mahyaM dattvA vrajata brahmalokam | OM uttare shikhare ityasya kashyapa R^iShiranuShTup ChandaH sandhyA devatA sandhyAvisarjane viniyogaH | OM uttare shikhare devi bhUmyAM parvatamUrdhani | brAhmaNebhyo.abhyanuj~nAtA gachCha devi yathAsukham | (ityanena saMhAramudrayA(16) sandhyAM visarjayet) ||
devabrAhmaNanamaskAraH \- (namaskAramudrAM kR^itvA) \- OM tatsat | OM sandhyAyai namaH | OM gAyatryai namaH | OM sAvitryai namaH | OM sarasvatyai namaH | OM sarvebhyo devatAbhyo namaH | OM AsatyalokAtpAtAlAdAlokAlokaparvatAt | ye santi brAhmaNA devAstebhyo nityaM namo namaH |
yaj~nAtmane namaskAraH \- chaturbhishcha(17) chaturbhishcha dvAbhyAM pa~nchabhireva cha | hUyate cha punardvAbhyAM tasmai yaj~nAtmane namaH | (iti namaskR^itya) ||
IshvarastutiH \- OM AkAshAtpatitaM toyaM yathA gachChati sAgaram | sarvadevanamaskAraH keshavaM prati gachChati || pramAdAtkurvatAM karma prachyavetAdhvareShu yat | smaraNAdeva tadviShNoH sampUrNaM syAditi shrutiH || yasya smR^ityA cha nAmoktyA tapoyaj~nakriyAdiShu | nyUnaM sampUrNatAM yAti sadyo vande tamachyutam |
namaskR^itipUrvakashubhakAmanA \- (karau baddhvA praNamet) OM namo brahmaNe namaste vAyo tvameva pratyakShaM brahmAsi, tvAmeva pratyakShaM brahma vadiShyAmi R^itaM vadiShyAmi satyaM vadiShyAmi tanmAmavatu tadvaktAramavatu avatu mAM avatu vaktAram || mA matiH paradAreShu paradravyeShu mA matiH | parApavAdinI jihvA mA bhUjjanmani janmani | sarve bhavantu sukhinaH sarve santu nirAmayAH sarve bhadrANi pashyantu mA kashchit duHkhabhAg bhavet | anAyAsena maraNaM vinA dainyena jIvanam | dehAnte paramaM sthAnaM dehi me parameshvara || (iti samprArthya) |
arpaNam \- (jalaM gR^ihItvA) | OM kAyena vAchA manasendriyairvA bud.hdhyAtmanA vA prakR^iteH svabhAvAt | karomi yadyatsakalaM parasmai nArAyaNAyeti samarpayAmi || anena prAtaH(18) sandhyopAsanAkhyena karmaNA bhagavAn brahmasvarUpo(19) parameshvaraH prIyatAM namaH (iti jalaM kShipet) | tato dvirAchamanam(20) | OM R^igvedAya svAhA, OM yajurvedAya svAhA, OM sAmavedAya svAhA |
hastaprakShAlanam \- OM atharvavedAya namaH | OM viShNave namaH | OM viShNave namaH | OM viShNave namaH | AsanAdhaH jalaM kShiptvA OM shakrAya namaH ityuchchAryya svamastake(21) mR^idaM dhR^itvA sandhyAvashiShTajalaM(22) kShipet |
|| iti sandhyAprayogaH(23) ||

            atha sandhyAprayogAntare gAyatryAvAhanasya TippaNikA |
        ## Footnotes  for gAyatryAvAhanam in sandhyAprayogaH ##
(1)\- manomadhye sthito mantro mantramadhye sthitaM manaH | manomantrasamAyuktaM etaddhi japalakShaNam || kadAchidapi no vidvAn gAyatrImudake japet | gAyatryagnimukhI proktA tasmAdutthAya tAM japet || (gobhilaH). a~NguShThAgreNa yajjaptaM yajjaptaM merula~NghanAt | asa~NkhyAtaM tathA japtaM tatsarvaM niShphalaM bhavet || (yamaH) | (visheShajapaniyamAstu japavidheShTippaNyAmagre draShTavyAH) || 
(2)\- atra dasha aShTAviMshati, aShTottarashata, sahasra ityeShAM madhye anuShTheyaM padaM yojyaM
(3)\- vasreNAchChAdya tu karaM dakShiNaM yaH sadA japet | tasya syAtsaphalaM jApyaM taddhInamaphalaM smR^itam | ataeva japArthaM tu gomukhI ghriyate janaiH | (vyAsaH) || 
(4)\- prAtarnAbhau karaM kR^itvA madhyAhne hR^idi saMsthitam | sAyaM japechcha nAsAgre hyetajapavidhiH smR^itaH || 
(5)\- pAThakAle vareNyaM syAjjapakAle vareNiyam (iti shikShAvachane paiThInasinoktam) |
(6)\- aShTashataM chatuHpa~nchAshat saptaviMshatirvA mAlAmaNayaH | (dha\. si\. sA\.) || 
(7)\- karamAlAprakAraH \- parvabhistu japeddevIM mAlA kAmyajape smR^itA | gAyatrI vedamUlA syAdvedaH parvasu gIyate | ArabhyAnAmikAmadhye parvANyuktAnyanukramAt | tarjanImUlaparyantaM japeddashasu parvasu | madhyamA~NgulimUle tu yatparvandvitayaM bhavet | tattu meruM vijAnIyAjjape tannAtila~Nghayet | (gA\. ka\.) |
(8)\- prAtarmandhyAhnayostiShThan sAyamAsIna eva cha |
(9)\- sahasraparamAM devIM shatamadhyAM dashAvarAm | gAyatrIM yaH paThedvipro na sa pApena lipyate | (la\. a\. sa\.) || anyachcha \- aShTottarashataM nityamaShTAviMshatireva vA | vidhinA dashakaM vApi trikAleShu japed budhaH | (vyA\.) sahasrakR^itvastvabhyasya bahiretattrikaM dvijaH | mahato.apyenaso mAsAt tvachevAhirvimuchyate | (manuH) | R^iShayo dIrghasandhyatvAddIrghamAyuravApnuyuH | prajA yashashcha kIrtishcha brahmavarchasameva cha, iti manunA.api gAyatrIjapa eva sandhyApadaM prayuktaM gAyatrIjapena dIrghAyurbhavatIti || 
(10)\- madhyAhne \- madhyAhnam, sAya~NkAle \- sAyaM ityUhaH kAryaH ||
(11)\- atra dasha, aShTAviMshati, aShTottarashata, sahasra ityeShAM madhye anuShThitaM padaM yojyam |
(12)\- yatkR^ite dashabhirvarShaistretAyAM hAyanena yat | dvApare yattu mAsena ahorAtreNa tatkalau || tapaso brahmacharyasya japAdeshcha phalaM dvijAH | prApnoti puruShastena kalimApnoti mAnavaH || (viShNupurANa) |
(13)\- madhyAhnasAyaM\-sandhyayoH brahma ityasya sthAne krameNa rudraviShNu ityUhaH kAryaH |
(14)\- ekAM chaNDyAM ravau sapta tisro dadyAdvinAyake | chatasro viShNave dadyAchChive sArddhaM pradakShiNAH | (li~NgArchanachandrikA) || brAhmaNAnAmapi chatasra eva pradakShiNAsteShAmapi harirUpatAyAH shAstranirUpitatvAt || 
(15)\- na sa dvijo yo na karoti sandhyAM, sandhyA na sA yA manaso vishuddhim | shuddhirna sA yatra na satyamasti satyanna tannirbhayatA na yatra |
(16)\- karapR^iShThabhAgau saMspR^iShTau kR^itvA parasparAku~nchitA~Ngulikau adhomArgeNa bhrAmayedeShA saMhAramudrA | (mantrasAre) || 
(17)\- AshrAvayeti chaturakSharam | astu shrauShaDiti chatukSharam | yajeti dvyakSharam | yajAmahe iti pa~nchAkSharam | dvyakSharo vaShaTkAra iti saptadashabhirakSharairyo hUyate tasmai yaj~nAtmane namaH || 
(18)\- madhyAhne \- madhyAhnam, sAya~NkAle \- sAyaM ityUhaH kAryaH |
(19)\- madhyAhna \- sAyaM sandhyayoH brahmasvarUpI ityasya sthAne krameNa rudraviShNu iti yojanIyam |
(20)\- home bhojanakAle cha sandhyayorubhayorapi | AchAntaH punarAchAmedanyatrApi sakR^itsakR^it | dvirAchamya tataH shuddhaH smR^itvA viShNuM sanAtanam || 
(21)\- aprokShitajapasthAnAchChakro harati tajjapam | tanmR^idA\-lakShma kurvIta lalATe tilakAkR^iti || 
(22)\- pAdasheShaM pItasheShaM sandhyAsheShaM tathaiva cha | shuno mUtrasamaM toyaM pItvA chAndrAyaNaM charet || 
(23)\- sandhyAphalam \- sandhyAmupAsate ye tu satataM shaMsitavratAH | vidhUtapApAste yAnti brahmalokaM sanAtanam (atriH) | divA vA yadi vA rAtrau yadaj~nAnakR^itaM bhavet | trikAlasandhyAkaraNAttatsarvaM vipraNashyati | (yAj~na\.) || sandhyA.akaraNe doShaH \- nAnutiShThati yaH pUrvAM nopAste yashcha pashchimAm | sa shUdravadbahiShkAryaH sarvasmAd dvijakarmaNaH || sandhyAhIno.ashuchirnityamanarhaH sarvakarmasu | yadanyatkurute karma na tasya phalabhAgbhavet | (dakShaH) | snAnaM sandhyAM tyajanvipraH saptAhAchChUdratAM brajet (kAtyAyanaH) || doShApavAdaH \- devAgnidvijavidyAnAM kArye mahati saMsthite | sandhyAhAnau na doSho.asti yatastatpuNyasAdhanam || sandhyAtyAge prAyashchittaM \- sarvathA sandhyAlope prati sandhyamekopavAso.avR^itamaShTottarashatasahasraM vA gAyatrIjapaH | atyashaktau satyAM sandhyAlope shatagAyatrIjapaH dvyahaM tryahaM lope tadAvR^ittiH tataH paraM kR^ichChrAdi kalpyam | (dha\. siM\. sA\.) | rAShTrabha~Nge nR^ipakrodhe rogArtte sUtake.api cha | sandhyAvandanavichChittirna doShAya kadAchana | (jamadagniH) ||

              iti gAyatryAvAhanaM sampUrNam |

iti sandhyAprayogaH sampUrNaH |


##
Proofread by Paresh Panditrao, NA, KS Sheshadri Sharma

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}