% Text title            : sarvasiddhAntasangrahaH
% File name             : sarvasiddhAntasangrahaH.itx
% Category              : major\_works, shankarAchArya, sangraha
% Location              : doc\_z\_misc\_major\_works
% Author                : Shankaracharya ??
% Transliterated by     : Jan Brzezinski (Jagadananda Das, jagat) jankbrz at yahoo.com
% Source                : Edition used Prema Sundar Bose, Calcutta, 1929
% Acknowledge-Permission: https://grantha.jiva.org
% Latest update         : July 15, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sarvasiddhantasangraha ..}##
\itxtitle{.. sarvasiddhAntasa~NgrahaH ..}##\endtitles ##
anukramaNikA
1\. upodghAtaprakaraNam
2\. lokAyatikapakShaprakaraNaM
3\. ArhatapakShaprakaraNaM
4\.1 bauddhapakShe mAdhyamikamataM
4\.2 bauddhapakShe yogAchAramataM
4\.3 bauddhapakShe sautrAntikamataM
4\.4 bauddhapakShe vaibhAShikamataM
5\. vaisheShikapakShaH
6\. naiyAyikapakShaH
7\. prabhAkarapakShaH
8\. bhaTTAchAryapakShaH
9\. sA~NkhyapakShaH
10\. pata~njalipakShaH
11\. bhAratapakShaH athavA vedavyAsapakShaH
12\. vedAntapakShaH

\section{1\. upodghAtaprakaraNam}
vAdibhirdarshanaiH sarvairdR^ishyate yat tvanekadhA |
vedAntavedyaM brahmedamekarUpamupAsmahe || 1||
a~NgopA~NgopavedAH syurvedasyaivopakArakAH |
dharmArthakAmamokShANAmAshrayAH syushchaturdasha || 2||
vedA~NgAni ShaDetAni shikShA vyAkaraNaM tathA |
niruktaM jyotiShaM kalpashChandovichitirityapi || 3||
mImAMsA nyAyashAstraM cha purANaM smR^itirityapi |
chatvAryetAnyupA~NgAni bahira~NgAni tAni vai || 4||
Ayurvedo.arthavedashcha dhanurvedastathaiva cha |
gAndharvavedashchetyevamupavedAshchaturvidhAH || 5||
shikShA shikShayati vyaktaM vedochchAraNalakShaNam |
vakti vyAkaraNaM tasya saMhitApadalakShaNam || 6||
vakti tasya niruktaM tu padanirvachanaM sphuTam |
jyotiHshAstraM vadatyatra kAlaM vaidikakarmaNAm || 7||
kramaM karmaprayogANAM kalpasUtraM prabhAShate |
mAtrAkSharANAM sa~NkhyoktA ChandovichitibhistathA || 8||
mImAMsA sarvavedArthapravichAraparAyaNA |
nyAyashAstraM pramANAdisarvalakShaNatatparam || 9||
purANaM naShTashAkhasya vedArthasyopabR^iMhaNam |
kathArUpeNa mahatAM puruShArthapravartakam || 10||
varNAshramAnurUpeNa dharmAdharmavibhAgataH |
dharmashAstramanuShTheyadharmANAM tu niyAmakam || 11||
hetuli~NgauShadhaskandhairAyurArogyadarshakaH |
Ayurvedo hyanuShTheyaH sarveShAM tena bodhyate || 12||
arthavedonnapAnAdipradAnasukhatatparaH |
dakShiNAjyapuroDAshacharusampAdanAdibhiH || 13||
tatpAlanAch chaturvargapuruShArthaprasAdhakaH |
dhanurvedo bhavatyatra paripanthinirAsakaH || 14||
saptasvaraprayogo hi sAmagAndharvavedayoH |
sameto laukiko yogo vaidikasyopakArakaH || 15||
a~NgopA~NgopavedAnAM evaM vedaikasheShatA |
chaturdashasu vidyAsu mImAMsaiva garIyasI || 16||
viMshatyadhyAyayuktA sA pratipAdyArthato dvidhA |
karmArthA pUrvamImAMsA dvAdashAdhyAyavistR^itA || 17||
asyAM sUtraM jaiminIyaM shAvaraM bhAShyamasya tu |
mImAMsAvArtikaM bhATTaM bhaTTAchAryakR^itaM hi tat || 18||
tachChiShyopyalpabhedena shavarasya matAntaram |
prabhAkaragurushchakre taddhi prAbhAkaraM matam || 19||
bhavatyuttaramImAMsA tvaShTAdhyAyI dvidhA cha sA |
devatAj~nAnakANDAbhyAM vyAsasUtraM dvayoH samam || 20||
pUrvAdhyAyachatuShkeNa mantravAchyA cha devatA |
sa~NkarShaNoditA taddhi devatAkA~NkShamuchyate || 21||
bhAShyaM chaturbhiradhyAyairbhagavatpAdanirmitam |
chakre vivaraNaM tasya tadvedAntaM prachakShate || 22||
akShapAdaH kaNAdashcha kapilo jaiministathA |
vyAsaH pata~njalishchaite vaidikAH sUtrakArakAH || 23||
bR^ihaspatyArhatau buddho vedamArgavirodhinaH |
eteShv adhikR^itAn vakShye sarve shAstrapravartakAH || 24||
vedAprAmANyasiddhAntA bauddhalokAyatArhatAH |
yuktyA nirasanIyAste vedaprAmANyavAdibhiH || 25||

iti sarvadarshanasiddhAntasa~Ngrahe prathamupodghAtaprakaraNam |
\section{2\. lokAyatikapakShaprakaraNaM}
lokAyatikapakShe tu tattvaM bhUtachatuShTayam |
pR^ithivyApastathA tejo vAyurityeva nAparam || 1||
pratyakShagamyaM evAsti nAstyadR^iShTamadR^iShTataH |
adR^iShTavAdibhishchApi nAdR^iShTaM dR^iShTamuchyate || 2||
kvApi dR^iShTamadR^iShTaM chedadR^iShTaM bruvate katham |
nityAdR^iShTaM k matsyAt shashashR^i~NgAdibhiH samam || 3||
na kalpyo sukhaduHkhAbhyAM dharmAdharmau parairiha |
svabhAvena sukhI duHkhI janonyatraiva kAraNam || 4||
shikhinashchitrayet ko vA kokilAn kaH prakUjayet |
svabhAvavyatirekeNa vidyate nAtra kAraNam || 5||
sthUlo.ahaM taruNo vR^iddho yuvetyAdivisheShaNaiH |
vishiShTo deha evAtmA na tato.anyo vilakShaNaH || 6||
jaDabhUtavikAreShu chaitanyaM yat tu dR^ishyate |
tAmbUlapUgachUrNAnAM yogAdrAga ivotthitam || 7||
ihalokAt paro nAnyaH svargo.asti narako na vA |
shivalokAdayo mUDhaiH kalpyante.anyaiH pratArakaiH || 8||
svargAnubhUtirmR^iShTAShTirdvyaShTavarShavadhUgamaH |
sUkShmavastrasugandhasrak\-chandanAdiniShevaNam || 9||
narakAnubhavo vairishastravyAdhyAdyupadravaH |
mokShastu maraNaM tachcha prANavAyunivartanam || 10||
atastadarthaM nAyAsaM kartumarhati paNDitaH |
tapobhirupavAsAdyairmUDha eva prashuShyati || 11||
pAtivratyAdisa~Nketo buddhimaddurbalaiH kR^itaH |
suvarNabhUmidAnAdi mR^iShTAmantraNabhojanam |
kShutkShAmakukShibhirlokairdaridrairupakalpitam || 12||
devAlayaprayAsatrakUpArAmAdikarmaNAm |
prashaMsA kurvate nityaM pAnthA eva na chApare || 13||
agnihotraM trayo vedAstridaNDaM bhasmaguNThanam |
buddhipauruShahInAnAM jIviketi bR^ihaspatiH || 14||
kR^iShigorakShavANijyadaNDanItyAdibhirbudhaH |
dR^iShTaireva sadopAyairbhogAnanubhavedbhuvi || 15||

iti sarvadarshanasiddhAntasa~Ngrahe lokAyatikapakSho nAma dvitIyaM prakaraNam |
\section{3\. ArhatapakShaprakaraNaM}
lokAyatikapakSho.ayamAkShepyaH sarvavAdinAm |
svapakSheNa kShipatyeSha tatpakShaM kShapaNo.adhunA || 1||
agnerauShNyamapAM shaityaM kokile madhuraH svaraH |
ityAdyekaprakAraH syAt svabhAvo nAparaH kvachit || 2||
kAdAchitkaM sukhaM duHkhaM svabhAvo nAtmano mataH |
dharmAdharmAvatastAbhyAmadR^iShTAviti nishchitau || 3||
adR^iShTasyAtra dR^iShTatvaM nAdR^iShTatvaM bhavediti |
tvayoktadoSho na syAnme tat sidhyatyAgamAdyataH || 4||
adR^iShTamagnimAdAtuM dhUmaM dR^iShTvopadhAvatA |
dhUmenAgnyanumAnaM tu tvayApya~NgIkR^itaM nanu || 5||
pratyakSheNAnumAnena pashyantyatrAgamena cha |
dR^iShTAdR^iShTaM janAH spaShTamAhatAgamasaMsthitAH || 6||
siddhA baddhA nArakIyA iti syuH puruShAstridhA |
kechit paramasiddhAH syuH kechin mantrairmahauShadhaiH || 7||
gurUpadiShTamArgeNa j~nAnakarmasamuchchayAt |
mokSho bandhAdviraktasya jAyate bhuvi kasyachit || 8||
arhatAmakhilaM j~nAtuM karmArjitakalevaraiH |
AvR^itirbandhanaM muktiH nirAvaraNatAtmanAm || 9||
pudgalAparasa.nj~naistu dharmAdharmAnugAmibhiH |
paramANubhirAbaddhAH sarvadehAH sahendriyaiH || 10||
svadehamAnA hyAtmAno mohAddehAbhimAninaH |
krimikITAdihastyantadehapa~njaravartinaH || 11||
AtmAvaraNadehasya vastrAdyAvaraNAntaram |
na tvayaM yadi gR^ihNAti tasyApItyanavasthitiH || 12||
prANijAtamahiMsanto manovAkkAyakarmabhiH |
digambarAshcharantyeva yogino brahmachAriNaH || 13||
mayUrapichChahastAste kR^itavIrAsanAdikAH |
pANipAtreNa bhu~njAnA lUnakeshAshcha mauninaH || 14||
munayo nirmalAH shuddhAH praNatAghaughabhedinaH |
pUjAjapaparA nityamAchAryAnugatAstadA || 15||
nirAvaraNa evaiShAmIshvaro.anantashaktimAn |
tadIyamantraphalado mokShamArgo.api tatkR^itaH |
sarvairvishvasanIyaH syAt sa sarvaj~no jagadguruH || 16||

iti sarvadarshanasiddhAntasa~Ngrahe ArhatapakSho nAma tR^itIyaM prakaraNam |
\section{4\.1 bauddhapakShe mAdhyamikamataM}
bauddhAH kShapaNakAchAryapraNItamapi sAmpratam |
pakShaM pratikShipantyatra lokAyitamataM yathA || 1||
chaturNAM matabhedena bauddhashAstraM chaturvidham |
adhikArAnurUpeNa tatra tatra pravartakam || 2||
j~nAnaM eva hi sA buddhirna chAntaHkaraNaM matam |
jAnAti budhyate cheti paryAyatvaprayogataH || 3||
trayANAM bauddhAnAM buddhirastyavivAdataH |
bauddhArtho.asti dvayoreva vivAdo.anyatra tadyathA || 4||
pratyakShasiddhaM bAhyArthamasau vaibhAShiko.abravIt |
bud.hdhyAkArAnumeyo.artho bAhyaH sautrAntikoditaH || 5||
buddhimAtraM vadatyatra yogAchAro na chAparam |
nAsti buddhirapItyAha vAdI mAdhyamikaH kila || 6||
na san nAsan na sadasan na chobhayAbhyAM vilakShaNam |
chatuShkoTivinirmuktaM tattvaM mAdhyamikA viduH || 7||
yadasatkAraNaistan na jAyate shashashR^i~Ngavat |
satashchotpattiriShTA chejjanitaM janayedayam || 8||
ekasya sadasadbhAvo vastuno nopapadyate |
ekasya sadasadbhyo.api vailakShaNyaM na yuktimat |
chatuShkoTivinirmuktaM shUnyaM tattvamiti sthitam || 9||
jAtirjAtimatI bhinnA na vetyatra vichAryate |
bhinnA chet sA cha gR^ihyeta vyaktibhyo.a~Ngulavat pR^ithak || 10||
avichAritasaMsiddhA vyaktiH sA pAramANukI |
svarUpaM paramANUnAM vAchyaM vaisheShikAdibhiH || 11||
ShaTkena yugapadyogAt paramANoH ShaDaMshatA |
ShaNNAM samAnadeshatvAt piNDaH syAdaNumAtrakaH || 12||
brAhmaNatvAdijAtiH kiM vedapAThena janyate |
saMskArairvA dvayenAtha tat sarvaM nopapadyate || 13||
vedapAThena chet kashchit shUdro deshAntaraM gataH |
samyak paThitavedo.api brAhmaNatvamavApnuyAt || 14||
sarvasaMskArayukto.atra vipro loke na dR^ishyate |
chatvAriMshat tu saMskArA viprasya vihitA yataH || 15||
ekasaMskArayuktashchedvipraH syAdakhilo janaH |
jAtivyaktyAtmako.artho.atra nAstyevAto nirUpyate || 16||
vij~nAnamapi nAstyatra j~neyAbhAve samutthite |
ato mAdhyamiko vakti sarvashUnyaM vichAritam || 17||

iti bauddhapakShe mAdhyamikamatam |
\section{4\.2 bauddhapakShe yogAchAramataM}
atra mAdhyamikenoktaM shUnyatvaM shUnyavAdinA |
nirAlambanavAdI tu yogAchAro nirasyati || 1||
tvayoktasarvashUnyatve pramANaM shUnyaM eva te |
ato vAde.adhikAraste na pareNopapadyate || 2||
svapakShasthApanaM tadvat parapakShasya dUShaNam |
kathaM karotyatra bhavAn viparItaM vaden na kim || 3||
avibhAgo hi bud.hdhyAtmA viparyAsitadarshanaiH |
grAhyagrAhakasaMvittibhedavAn iva lakShyate || 4||
mAnameyaphalAdyuktaM j~nAnadR^iShTyanusArataH |
adhikAriShu jAteShu tattvamapyupadekShyati || 5||
buddhisvarUpaM ekaM hi vastvasti paramArthataH |
pratimAnasya nAnAtvAn na chaikatvaM vihanyate || 6||
parivrATkAmukashunAM ekasyAM pramadAtanau |
kuNapaM kAminI bhakShyamiti tisro vikalpanA || 7||
athApyekaiva sA bAlA buddhitattvaM tathaiva naH |
tadanyadyat tu jAtyAdi tannirAkriyatAM tvayA || 8||
kShaNikA buddhirekA tu tridhA bhrAntairvikalpitA |
svayamprakAshatattvaj~nairmumukShubhirupAsyate || 9||

iti bauddhapakShe yogAchAramatam |
\section{4\.3 bauddhapakShe sautrAntikamataM}
vij~nAnamAtramatroktaM yogAchAreNa dhImatA |
j~nAnaM j~neyaM vinA nAsti bAhyArtho.apyasti tena naH || 1||
nIlapItAdibhishchitrairbud.hdhyAkArairihAntaraiH |
sautrAntikamate nityaM bAhyArthastvanumIyate || 2||
kShINAni chakShurAdIni rUpAdiShveva pa~nchasu |
na ShaShThamindriyaM tasya grAhakaM vidyate bahiH || 3||
ShaDaMshatvaM tvayApAdya paramANornirAkR^itiH |
yuktastenApi bAhyArtho na chedj~nAnaM na sambhavet || 4||
AkAshadhAturasmAbhiH paramANuritIritaH |
sa cha praj~nAptimAtraM syAn na cha vastvantaraM matam || 5||
sarve padArthAH kShaNikA bud.hdhyAkAravijR^imbhitA |
idamityeva bhAvAste.apyAkArAnumitAH sadA || 6||
viShayatvavirodhastu kShaNikatve.api nAsti naH |
viShayatvaM hi hetutvaM j~nAnAkArArpaNakShamam || 7||

iti bauddhapakShe sautrAntikamatam |
\section{4\.4 bauddhapakShe vaibhAShikamataM}
sautrAntikamatAdalpabhedo vaibhAShkike mate |
pratyakShatvaM tu bAhyasya kvachidevAnumeyatA || 1||
pUrvAparAnubhAvena pu~njIbhUtAH sahasrashaH |
paramANava evAtra bAhyArthaghanavat sthitAH || 2||
dUrAdeva vanaM pashyan gatvA tasyAntikaM punaH |
na vanaM pashyati kvApi vallIvR^ikShAtirekataH || 3||
mR^ido ghaTatvamAyAnti kapAlatvaM tu te ghaTAH |
kapAlAni cha chUrNatvaM te punaH paramANutAm || 4||
chaturNAmapi bauddhAnAM aikyamadhyAtmanirNaye |
vyAvahArikabhedena vivadante parasparam || 5||
buddhitattve sthitA bauddhA buddhivR^ittirdvidhA matA |
j~nAnAj~nAnAtmikA cheti tatra j~nAnAtmikA nijA || 6||
mUlAj~nAnanimittAnyA skandhAyatanadhAtujA |
prapa~nchajAtamakhilaM sharIraM bhuvanAtmakam || 7||
pa~nchaskandhA bhavantyatra dvAdashAyatanAni cha |
sarveShAmapi bauddhAnAM tathAShTAdasha dhAtavaH || 8||
j~nAnasaMskArasa.nj~nAnAM vedanArUpayorapi |
samUhaH skandhashabdArthaH tattatsantativAchakaH || 9||
j~nAnasantatirevAtra vij~nAnaskandha uchyate |
saMskAraskandha ityukto vAsanAnAM tu saMhatiH || 10||
sukhaduHkhAtmikA buddhistathApekShAtmikA cha sA |
vedanAskandha ityuktaH sa.nj~nAskandhastu nAma yat || 11||
rUpaskandho bhavatyatra mUrtibhUtasya saMhatiH |
rUpasyopachayaH stambhakumbhAdiraNukalpitaH || 12||
pR^ithivyAH sthairyarUpAdi dravatvAdi bhavedapAm |
uShNatvaM tejaso dhAtorvAyudhAtostu shItatA || 13||
eShAM chaturNAM dhAtUnAM varNagandharasaujasAm |
piNDAj jAtAH pR^ithivyAdyAH paramANuchayA amI || 14||
shrotraM tvak chakShuShI jihvA ghrANaM pratyayapa~nchakam |
vAkpAdapANipAyvAdi j~neyaM kArakapa~nchakam || 15||
sAmudAyikachaitanyaM buddhiH syAt karaNaM manaH |
kalpitaM bhrAntadR^iShTyaiva sharIrabhuvanAtmakam || 16||
bauddhashAstraprameyaM tu pramANaM dvividhaM matam |
kalpanApoDhamabhrAntaM pratyakShaM kalpanA punaH || 17||
nAmajAtiguNadravyakriyArUpeNa pa~nchadhA |
li~Ngadarshanato j~nAnaM li~NginyatrAnumAnatA || 18||
chaturvidhaM yadaj~nAnaM pramANAbhyAM nivartate |
naShTe chaturvidhe.aj~nAne mUlAj~nAnaM nivartate || 19||
mUlAj~nAnanivR^ittau cha vishuddhaj~nAnasantatiH |
shuddhabud.hdhyavisheSho hi mokSho buddhamunIritaH || 20||
utpattisthitibha~NgadoSharahitAM sarvAshayonmUlinIM
     grAhotsargaviyogayogajanitAM nAbhAvabhAvAnvitAm |
tAmantadvayavarjitAM nirupamAmAkAshavan nirmalAM
     praj~nAM pAramitAM dhanasya jananIM shR^iNvantu bud.hdhyarthinaH || 21||
atistutiparairukto yastu vaisheShikAdibhiH |
Ishvaro neShyate.asmAbhiH sa nirAkriyatedhunA || 22||
heyopAdeyamarthaM cha mokShopAyaM cha vetti yaH |
sa eva naH pramANaM syAn na sarvaj~nastvayeritaH || 23||
dUraM pashyatu vA mA vA tattvamiShTaM prapashyatu |
pramANaM dUradarshI chedvayaM gR^idhnAn upAsmahe || 24||
deshe pipIlikAdInAM sa~NkhyAj~naH kashchidasti kim |
sarvakartR^itvamIshasya kathitaM nopapadyate || 25||
yadi syAt sarvakartAsAvadharme.api pravartayet |
ayuktaM kArayan lokAn kathaM yukte pravartayet || 26||
upekShaiva cha sAdhUnAM yuktAsAdhau kriyA bhavet |
na kShatakShAravikShepaH sAdhUnAM sAdhucheShTitam || 27||
IshvareNaiva shAstrANi sarvANyadhikR^itAni chet |
kathaM pramANaM tadvAkyaM pUrvAparaparAhatam || 28||
kArayeddharmamAtraM chedekashAstrapravartakaH |
kathaM prAdeshikasyAsya sarvakartR^itvamuchyate || 29||
IshaH prayojanAkA~NkShI jagat sR^ijati vA na vA |
kA~NkShate chedasampUrNo no chen naiva pravartate || 30||
pravartate kimIshaste bhrAntavan niShprayojane |
ChAgAdInAM purIShAdervartulIkaraNena kim || 31||
krIDArtheyaM pravR^ittishchet krIDate kiM nu bAlavat |
ajasraM krIDatastasya duHkhaM eva bhavatyalam || 32||
aj~no janturanIsho.ayamAtmanaH sukhaduHkhayoH |
Ishvaraprerito gachChet svargaM vA shvabhraM eva vA || 33||
taptalauhAbhitApAdyairIshenAlpasukhechChunA |
prANino narake kaShTe bata prANairviyojitA || 34||
varapradAne shaktashchet brahmahatyAdikAriNe |
svargaM dadyAt svatantraH syAn narakaM somayAjine || 35||
karmAnuguNadAtA chedIshaH syAdakhilo janaH |
dAne svAntantryahInaH san sarveshaH kathamuchyate || 36||
evaM naiyAyikAdyuktasarvaj~neshanirAkriyA |
heyopAdeyamAtraj~no grAhyo buddhamunistataH || 37||
chaityaM vandeta chaityAdyA dharmA buddhAgamoditAH |
anuShTheyA na yAgAdyA vedAdyAgamachoditAH || 38||
kriyAyAM devatAyAM cha yoge shUnyapade kramAt |
vaibhAShikAdayo bauddhAH sthitAshchatvAra eva te || 39||

iti bauddhapakShe vaibhAShikamatam |
iti sarvadarshanasiddhAntasa~Ngrahe bauddhapakSho nAma chaturthaM prakaraNam |
\section{5\. vaisheShikapakShaH}
nAstikAn vedabAhyAMstu bauddhalokAyatArhatAn |
nirAkaroti vedArthavAdI vaisheShiko.adhunA || 1||
vedamArgaparibhraShTA vishiShTAH paradarshane |
bauddhAdayo vishiShTAste na bhavanti dvijAH punaH || 2||
ato buddhAdibhirnityaM vedabrAhmaNanindayA |
Atmava~nchakatA kaShTA sarvatrAghoShitA bhuvi || 3||
pramANaM eva vedAH syuH sarveshvarakR^itatvataH |
sa eva karmaphalado jIvAnAM pArisheShyataH || 4||
jIvA vA jIvakarmANi prakR^itiH paramANavaH |
neshate hyatra jIvAnAM tattatkarmaphalArpaNe || 5||
jIvAH karmaphalAvAptau shaktAshchet svasukhe ratAH |
aprArthaitAni duHkhAni vArayantu prayatnataH || 6||
ashaktAnyatra karmANi jIvAnAM svaphalArpaNe |
achetanatvAdagateH svargAdiphalabhUmiShu || 7||
nAchetanatvAt prakR^iteH phaladAtR^itvasambhavaH |
achetanAH phalaM dAtumashaktAH paramANavaH || 8||
kAlo.apyachetanasteShAM na hi karmaphalapradaH |
ato.anyaH phalado loke bhavatyebhyo vilakShaNaH || 9||
sa tu prANivisheShAMshcha deshAnapi tadAshrayAn |
jAnan sarvaj~na eveShTo nAnye bauddhAdisammatAH || 10||
ajAnan prANino loke heyopAdeyamAtravit |
prAdeshiko na sarvaj~no nAsmadAdivilakShaNaH || 11||
vedaikadeshaM dR^iShTvA tu kArIrIvR^iShTibodhakam |
adR^iShTayoshcha vishvAsaH kAryaH svargApavargayoH || 12||
kArIrIShTyuktavR^iShTishcha draShTavyAdR^iShTanirNaye |
jyotiHshAstroktakAlasya grahaNaM tannidarshanam || 13||
dR^iShTaikadeshaprAmANyaM yat tUktaM saugatAdibhiH |
tachcha vedAdapahR^itaM sarvalokapratArakaiH || 14||
mantravyAkaraNaM dR^iShTvA mantrA virachitAH punaH |
lipisammishrajAtAste siddhamantrAstathA kR^itAH || 15||
bauddhAgamebhyo dR^iShTArthA na hR^itA vaidikaiH kvachit |
vedasyaiva ShaDa~NgAni yataH shikShAdikAni vai || 16||
nAnyAgamA~NgatA teShAM na kvApyuktA parairapi |
ato vedabalIyastvaM nAstikAgamasa~nchayAt || 17||
ShaTpadArthaparij~nAnAn mokShaM vaisheShikA viduH |
tadantargata evesho jIvAH sarvamidaM jagat || 18||
dravyaM guNastathA karma sAmAnyaM yat parAparam |
visheShaH samavAyashcha ShaTpadArthA iheritAH || 19||
pR^ithivyApastathA tejo vAyurAkAshaM eva cha |
dikkAlAtmamanAMsIti nava dravyANi tanmate || 20||
pR^ithivI gandhavatyApaH sarasAstejasaH prabhA |
anuShNAshItasaMsparsho vAyuH shabdaguNaM nabhaH || 21||
dik pUrvAparadhIli~NgA kAlaH kShiprachirAgataH |
AtmAhampratyayAt siddho mano.antaHkaraNaM matam || 22||
ayogamanyayogaM cha muktA dravyAshritA guNAH |
chaturvimshatidhA bhinnA guNAste.api yathAkramAt || 23||
shabdaH sparsho raso rUpaM gandhasaMyogavegatAH |
sa~NkhyAdravatvasaMskAraparimANavibhAgatAH || 24||
prayatnasukhaduHkhechChAbuddhidveShapR^ithakkR^itAH |
paratvaM chAparatvaM cha dharmAdharmau cha gauravam || 25||
ime guNAshchaturvimshatyatha karma cha pa~nchadhA |
prasArAku~nchanotkShepA gatyavakShepaNe iti || 26||
paraM chAparamityatra sAmAnyaM dvividhaM matam |
paraM sattAdi sAmAnyaM dravyatvAdyaparaM matam || 27||
parasparaviveko.atra dravyANAM yaistu gamyate |
visheShA iti te j~neyA dravyaM eva samAshritAH || 28||
sambandhaH samavAyaH syAt dravyANAM tu guNAdibhiH |
ShaT padArthA ime j~neyAstanmayaM sakalaM jagat || 29||
teShAM sAdharmyavaidharmyaj~nAnaM mokShasya sAdhanam |
dravyAntargata evAtmA bhinno jIvaparatvataH || 30||
devA manuShyAstirya~ncho jIvAstvanyo maheshvaraH |
tadAj~naptakriyAM kurvan muchyate.anyastu badhyate || 31||
shrutismR^itItihAsAdyaM purANaM bhAratAdikam |
IshvarAj~neti vij~neyA na la~NghyA vaidikaiH kvachit || 32||
tridhA pramANaM pratyakShamanumAnAgamAviti |
tribhiretaiH pramANaistu jagatkartAvagamyate || 33||
tasmAt taduktakarmANi kuryAt tasyaiva tR^iptaye |
bhaktyaivAvarjanIyo.asau bhagavAn parameshvaraH || 34||
tatprasAdena mokShaH syAt karaNoparamAtmakaH |
karaNoparame tvAtmA pAShANavadavasthitaH || 35||
duHkhasAdhyaH sukhochChedI duHkhochChedavadeva naH |
ataH saMsAranirviNNo mumukShurmuchyate janaH || 36||
pashchAn naiyAyikastarkaiH sAdhayiShyati naH shivam |
nAtibhinnaM mataM yasmAdAvayorvedavAdinoH || 37||

iti sarvadarshanasiddhAntasa~Ngrahe vaisheShikapakSho nAma pa~nchamaM prakaraNam |
\section{6\. naiyAyikapakShaH}
naiyAyikasya pakSho.atha sa~NkShepAt pratipAdyate |
yat tarkarakShito vedo grastaH pAShaNDadurjanaiH || 1||
akShapAdaH prAmANAdiShoDashArthaprabodhanAt |
jIvAnAM muktimAchaShTe pramANaM cha prameyatA || 2||
nirNayaH saMshayo.anyashcha prayojananidarshane |
siddhAntAvayavau tarko vAdo jalpo vitaNDatA || 3||
hetvAbhAsaM ChalaM jAtirnigrahasthAnamityapi |
pratykShamanumAnAkhyamupamAnAgamAviti || 4||
chatvAryatra pramANAni nopamAnaM tu kasyachit |
pratyakShamasmadAdInAmastyanyadyoginAmapi || 5||
pashyanti yoginaH sarvamIshvarasya prasAdataH |
svabhAveneshvaraH sarvaM pashyati j~nAnachakShuShA || 6||
yatnenApi na jAnanti sarveshaM mAMsachakShuShaH |
IshvaraM sAdhayatyetadanumAnamiti sphuTam || 7||
bhUrbhUdharAdikaM sarvaM sarvavit kartR^ipUrvakam |
kAryatvAdvaTavachcheti jagatkartAnumIyate || 8||
kAryatvamapyasiddhaM chet kShmAdeH sAvayavatvataH |
ghaTakuDyAdivach cheti kAryatvamapi sAdhyate || 9||
dR^iShTAntasiddhadehAderdharmAdharmaprasa~NgataH |
na visheShavirodho.atra vAchyo bhaTTAdibhiH kvachit || 10||
utkarShasamajAtitvAt samyagdoSho na tAdR^ishaH |
kAryatvamAtrAt kartR^itvamAtraM evAnmIyate || 11||
dR^iShTAntasthavisheShaistvaM virodhaM yadi bhAShase |
dhUmenAgnyanumAnasya hyabhAvo.api prasajyate || 12||
asharIro.api kurute shivaH kAryamihechChayA |
dehAnapekSho dehaM svaM yathA cheShTayate janaH || 13||
ichChAj~nAnaprayatnAkhyA maheshvaraguNAstrayaH |
sharIrarahite.api syuH paramANusvarUpavat || 14||
kAryaM kriyAM vinA nAtra sA kriyA yatnapUrvikA |
kriyAtvAt sAdhyate.asmAbhirasmadAdikriyA yathA || 15||
sarvaj~nIyakriyodbhUtakShmAdikAryopapattibhiH |
IshvarAsattvamuktaM yan nirastaM pArisheShyataH || 16||
yathA vaisheShikeNeshaH pArisheShyeNa sAdhitaH |
tattarko.atrAnusandheyaH samAnaM shAstramAvayoH || 17||
kAlakarmapradhAnAderachaitanyAt shivoparaH |
alpaj~natvAt tu jIvAnAM grAhyaH sarvaj~na eva saH || 18||
sarvaj~neshapraNItatvAdvedaprAmANyamiShyate |
smR^ityAdInAM pramANatvaM tanmUlatvena sidhyati || 19||
shrautaM smArtaM cha yat karma yathAvadiha kurvatAm |
svargApavargau syAtAM hi naiva pAShaNDinAM kvachit || 20||
traiyambakAdibhirmantrairapi devo maheshvaraH |
anuShThAnopayuktArthasmArakaiH pratipAdyate || 21||
kArIrIShTyarthavR^iShTyAdi dR^iShTvA svargApavargayoH |
vishvAso.adR^iShTayoH kAryaH karaNAdyaiH a~nchitaH || 22||
apramANamasheShaM cha shAstraM buddhAdikalpitam |
syAdanAptapraNItatvAdunmattAnAM yathA vachaH || 23||
bIjapraroharakShAyai vR^itiH kaNTakinI yathA |
vedArthatattvarakShArthaM kR^itA tarkamayI vR^itiH || 24||
pramANAnugrAhakastarkaH sa kathAtrayasaMyutaH |
vAdo jalpo vitaNDeti tisra eva kathA matAH || 25||
AchAryeNa tu shiShyasya vAdastattvabubhutsayA |
jayaH parAjayo nAtra tau tu jalpavitaNDayoH || 26||
vAdo tu prativAdI cha prAshnikasya sabhApatiH |
chatvArya~NgAni jalpasya vitaNDAyAstathaiva cha || 27||
saduttarAparij~nAnAt parAjayabhaye sati |
jayech Chalena jAtyA vA prativAdo tu vAdinAm || 28||
ChalaM jAtiM bruvANasya nigrahasthAnamIrayet |
nigrahasthAnamityuktaM kathAvichChedakArakam || 29||
tatropachArasAmAnyavAkpUrvaM trividhaM Chalam |
chaturvedavidityukte kasmiMshchidvAdinA dvije |
kimatra chitraM brAhmaNye chaturvedaj~natochitA || 30||
evaM sAmAnyadR^iShTyA tu dUShite prativAdinA |
vedavAkyairanekAntaM nigrahasthAnamapyatha || 31||
navavastro baTushcheti vAdyukte tatra vAkChalam |
kuto.asya nava vAsAMsItyAchakShANasya nigrahaH || 32||
tAtparyavaiparItyena kalpitArthasya bAdhanam |
svasya vyAghAtakaM vAkyaM dUShaNakShamaM eva vA |
uttaraM jAtirityAhuH chaturviMshatibhedabhAk || 33||
chaturviMshatijAtInAM prayoktuH prativAdinaH |
vaktavyaM nigrahasthAnamasaduttaravAdinaH || 34||
yathA sAdharmyavaidharmyAt samotakarShApakarShataH |
varNyAvarNyavikalpAshcha prAptyaprAptIti sAdhyatAH || 35||
prasa~NgapratidarshanAnupapattishcha saMshayaH |
arthApattyavisheShau cha hetuprakaraNAhvayau || 36||
kAryopalabdhyanupalabdhinityAnityAshcha jAtayaH |
sAmyApAdakahetutvAt samatAjAtayo matAH |
saduttarAparij~nAne syAdekAntaparAjayaH || 37||
evaM jalpavitaNDAbhyAM vedabAhyAn nirasya tu |
vedaikavihitaM karma kuryAdIshvaratR^iptaye || 38||
tatprasAdAptayogena mumukShurmokShamApnuyAt |
nityAnandAnubhUtiH syAn mokShe tu viShayAdR^ite || 39||
varaM vR^indAvane ramye shR^igAlatvaM vR^iNomyaham |
vaisheShikoktamokShAt tu sukhaleshavivarjitAt || 40||
yo vedavihitairyaj~nairIshvarasya prasAdataH |
mUrchChAmichChati yatnena pAShANavadavasthitim || 41||
mokSho hi haribhaktyAptayogeneti puroditaH |
aShTAva~NgAni yogasya yamo.atha niyamastathA || 42||
AsanaM pavanAyAmaH pratyAhAro.atha dhAraNam |
dhyAnaM samAdhirityevaM tat sA~Nkhyo vistariShyati || 43||

iti sarvadarshanasiddhAntasa~Ngrahe naiyAyikapakSho nAma ShaShThaM prakaraNam |
\section{7\. prabhAkarapakShaH}
prabhAkaraguroH pakShaH sa~NkShepAdatha kathyate |
tuShTAva pUrvamImAMsAmAchAryaspardhayApi yaH || 1||
vedaikavihitaM karma mokShadaM nAparaM guroH |
badhyate sa hi lokastu yaH kAmyapratiShiddhakR^it || 2||
vidhyarthavAdamantraishcha nAmadheyaishchaturvidhaH |
vedo vidhipradhAno.ayaM dharmAdharmAvabodhakaH || 3||
AtmA j~nAtavya ityAdividhayastv AruNe sthitAH |
yathAvadAtmanAM tatra bodhaM vidadhate sphuTam || 4||
buddhIndriyasharIrebhyo bhinna AtmA vibhurdhruvaH |
nAnAbhUtaH pratikSheptramarthaj~nAneShu bhAsate || 5||
ghaTaM jAnAmyahaM spaShTamityatra yugapat trayam |
ghaTo viShayarUpeNa kartAhampratyayAgataH |
svayamprakAsharUpeNa j~nAnaM bhAti janasya hi || 6||
karaNoparamAn muktimAha vaisheShiko yathA |
duHsahAsArasaMsArasAgarottaraNotsukaH || 7||
prayatnasukhaduHkhechChAdharmAdharmAdinAshataH |
pAShANavadavasthAnamAtmano muktimichChati || 8||
duHkhasAdhyasukhochChedo duHkhochChedavadiShyate |
nityAnandAnubhUtishcha nirguNasya na cheShyate || 9||
na buddhibhedaM janayedaj~nAnAM karmasa~NginAm |
anyaH sa.nnyAsainAM mArgo jAghaTIti na karmiNAm || 10||
tasmAt yAgAdayo dharmAH kartavyA vihitA yataH |
anyathA pratyavAyaH syAt karmaNyevAdhikAriNAm || 11||
karmamAtraikasharaNAH shreyaH prApsyantyanuttamam |
na devatA chaturthyantaviniyogAdR^ite parA || 12||
vedabAhyAn nirAkR^itya bhaTT | eNairgate pathi |
chakre prabhAkaraH shAstraM guruH karmAdhikAriNAm || 13||

iti sarvadarshanasiddhAntasa~Ngrahe prabhAkarapakSho nAma saptamaM prakaraNam  |
\section{8\. bhaTTAchAryapakShaH}
bauddhAdinAstikadhvastavedamArgaM purA kila |
bhaTTAchAryaH kumArAMshaH sthApayAmAsa bhUtale || 1||
tyaktvA kAmyaniShiddhe dve vihitAcharaNAn naraH |
shuddhAntaHkaraNo j~nAnI paraM nirvANaM R^ichChati || 2||
kAmyakarmANi kurvANaiH kAmyakarmAnurUpataH |
janitvaivopabhoktavyaM bhUyaH kAmyaphalaM naraiH || 3||
kR^imikITAdirUpeNa janitvA tu niShiddhakR^it |
niShiddhaphalabhogau syAdadho.adho narakaM vrajet || 4||
ato vichArya vij~neyau dharmAdharmau vipashchitA |
chodanaikapramANau tau na pratyakShAdigocharau || 5||
vidhyarthavAdamantraishcha nAmadheyaishchaturvidhaH |
vedo vidhipradhAno.ayaM dharmAdharmAvabodhakaH || 6||
nivartakaM niShiddhAdyat puMsAM dharmapravartakam |
vAkyaM tachchodanA vede liDloTtavyAdilA~nChitam || 7||
niShiddhanindakaM yat tu vihitArthaprashaMsakam |
vAkyamatrArthavAdaH syAdvidhyaMshatvAt pramANakam || 8||
karmA~NgabhUtA mantrAH syuranuShTheyaprakAshakAH |
yAgAdernAmabhUtAni nAmadheyAni hi shrutau || 9||
AtmA j~nAtavya ityAdividhayastv AruNeShu ye |
bodhaM vidadhate brahmaNyAtmanAM paramAtmani || 10||
dUShayantyanumAnAbhyAM bauddhA vedamapi sphuTam |
tanmUlalabdhadharmAderapalApastu sidhyati || 11||
vedo.apramANaM vAkyatvAdrathyApuruShavAkyavat |
athAnAptapraNItatvAdunmattAnAM yathA vachaH || 12||
tadayuktamimau hetU bhavetAmaprayojakau |
vAkyatvamAtrAdvedasya na bhavatyapramANatA || 13||
anAptapuruShoktatvaM hetuste na prayojakaH |
syAdanAptoktatAmAtrAdaprAmANyaM na cha shruteH || 14||
nityavedasya chAnAptapraNItatvaM na duShyati |
vipralambhAdayo doShA vidyante pu~NgirAM sadA || 15||
vedasyApauruSheyatvAddoShAsha~Nkaiva nAsti naH |
vedasyApauruSheyatvaM kechin naiyAyikAdayaH || 16||
dUShayantIshvarokt | atvAn manyamAnAH pramANatAm |
pauruSheyo bhavedvedo vAkyatvAdbhAratAdivat || 17||
sarveshvarapraNItatve prAmANyamapi susthitam |
prAmANyaM vidyate neti pauruSheyeShu yujyate || 18||
vede vakturabhAvAchcha tadvArtApi sudurlabhA |
vedasya nityatA proktA prAmANyenopayujyate || 19||
sarveshvarapraNItatvaM prAmANyasyaiva kAraNam |
tadayuktaM pramANena kenAtreshvarakalpanA || 20||
sa yadyAgamakalpaH syAn nityo.anityaH kimAgamaH |
nityashchet taM pratIshasya keyaM kartR^itvakalpanA || 21||
anityAgamapakShe syAdanyo.anyAshrayadUShaNam |
Agamasya pramANatvamIshvaroktyeshvarastataH || 22||
AgamAt sidhyatItyevamanyo.anyAshrayadUShaNam |
svata eva pramANatvamato vedasya susthiram || 23||
dharmAdharmau cha vedaikagocharAvityapi sthitam |
nanu vedaM vinA sAkShAtkArAmalakavat sphuTam || 24||
pashyanti yogino dharmaM kathaM vedaikamAnatA |
tadayuktaM na yogI syAdasmadAdivilakShaNaH || 25||
so.api pa~nchendriyaiH pashyan viShayaM nAtirichyate |
pratyakShamanumAnAkhyamupamAnamanantaram || 26||
arthApattirabhAvashcha na dharmaM bodhayanti vai |
tattadindriyayogena vartamAnArthabodhakam || 27||
pratyakShaM na hi gR^ihNAti so.apyatItamanAgatam |
dharmeNa nityasambandhirUpasyAbhAvataH kvachit || 28||
nAnumAnamapi vyaktaM dharmAdharmAvabodhakam |
dharmAdisadR^ishAbhAvAdupamAnamapi kvachit || 29||
sAdR^ishyagrAhakaM naiva dharmAdharmAvabodhakaM
sukhasya kAraNaM dharmo duHkhasyAdharma ityapi || 30||
arthApattyAtra sAmAnyamAtre j~nAne na duShyati |
sAmAnyamananuShTheyaM kiM chAtItaM tadA bhavet || 31||
yAgAdayo hyanuShTheyA visheShA vidhichoditAH |
abhAvAkhyaM pramANaM na puNyApuNyaprakAshakam || 32||
pramANapa~nchakAbhAve tat sadA vartate yataH |
vedaikagocharau tasmAddharmAdharmAviti sthitam || 33||
vedaikavihitaM karma mokShadaM nAparaM tataH |
mokShArthI na pravarteta tatra kAmyaniShiddhayoH || 34||
nityanaimittike kuryAt pratyavAyajihAsayA |
AtmA j~nAtavya ityAdividhibhiH pratipAdite || 35||
jIvAtmanAM prabodhastu jAyate paramAtmani |
pratyAhArAdikaM yogamabhyasyan vihitakriyaH || 36||
manaH karaNakenAtmA pratyakSheNAvasIyate |
bhinnAbhinnAtmakastv AtmA govat sadasadAtmanaH || 37||
jIvarUpeNa bhinno.api tvabhinnaH pararUpataH |
asat syAt jIvarUpeNa sadrUpaH pararUpataH || 38||
shAvaleyAdigoShveva yathA gotvaM pratIyate |
paramAtma tvanusyUtavR^ittirjIve.api budhyatAm || 39||
traiyAmbikAdibhirmantraiH pUjyo dhyeyo mumukShubhiH |
dhyAtvaivAropitAkAraM kaivalyaM so.adhigachChati || 40||
parAnandAnubhUtiH syAn mokShe tu viShayAdR^ite |
viShayeShu viraktAH syurnityAnandAnubhUtitaH |
gachChantyapunarAvR^ittiM mokShaM eva mumukShavaH || 41||

iti sarvadarshanasiddhAntasa~Ngrahe bhaTTAchAryapakSho nAma aShTamaM prakaraNam  |
\section{9\. kapilavAsudevasA~NkhyapakShaH}
sA~NkhyadarshanasiddhAntaH sa~NkShepAdatha kathyate |
sA~NkhyashAstraM dvidhAbhUtaM seshvaraM cha nirIshvaram || 1||
chakre nirIshvaraM sA~NkhyaM kapilo.anyat pata~njaliH |
kapilo vAsudevaH syAdanantaH syAt pata~njaliH || 2||
j~nAnena muktiM kapilo yogenAha pata~njaliH |
yogI kapilapakShoktaM tattvaj~nAnamapekShate || 3||
shrutismR^itItihAseShu purANe bhAratAdike |
sA~NkhyoktaM dR^ishyate spaShTaM tathA shaivAgamAdiShu || 4||
vyaktAvyaktavivekena puruShasyaiva vedanAt |
duHkhatrayanivR^ittiH syAdekAntAtyantato nNam || 5||
duHkhamAdhyAtmikaM chAdhibhautikaM chAdhidaivikam |
AdhyAtmikaM manoduHkhaM vyAdhayaH piTakAdayaH || 6||
AdhibhautikaM duHkhaM syAt kItAdiprANisambhavam |
varShAtapAdisambhUtaM duHkhaM syAdAdhidaivikam || 7||
ekAntAtyantato duHkhaM nivartetAtmavedanAt |
upAyAntarato mokShaH kShayAtishayasaMyutaH || 8||
na chauShadhairna yAgAdyaiH svargAdiphalahetubhiH |
traiguNyaviShayairmokShaH tattvaj~nAnAdR^ite paraiH || 9||
pa~nchaviMshatitattvAni vyaktAvyaktAdikAni yaH |
vetti tasyaiva vispaShTamAtmaj~nAnaM bhaviShyati || 10||
pa~nchaviMshatitattvaj~no yatra kutrAshrame vaset |
jaTI muNDI shikhI vApi muchyate nAtra saMshayaH || 11||
pa~nchaviMshatitattvAni puruShaH prakR^itirmahAn |
aha~NkArashcha shabdashcha sparsharUparasAstathA || 12||
gandhaH shrotraM tvak cha chakShurjihvA ghrANaM cha vAgapi |
pANiH pAdastathA pAyurupasthashcha manastathA || 13||
pR^ithivyApastathA tejo vAyurAkAshamityapi |
sarvaM hi prakR^iteH kAryaM nityaikA prakR^itirjaDA || 14||
prakR^itestriguNAveshAdudAsIno.api kartR^ivat |
sa chetanAvat tadyogAt sargaH pa~Ngvandhayogavat || 15||
prakR^itirguNasAmyaM syAdguNAH sattvaM rajastamaH |
sattvodaye sukhaM prItiH shAntirlajjA~NgalAghavam |
kShamA dhR^itirakArpaNyaM damo j~nAnaprakAshanam || 16||
rajoguNodaye lobhaH santApaH kopavigrahau |
abhimAno mR^iShAvAdaH pravR^ittirdambha ityapi || 17||
tamoguNodaye tandro moho nidrA~Ngagauravam |
Alasyamaprabodhashcha pramAdashchaivamAdayaH || 18||
vyAsAbhipretasiddhAnte vakShye.ahaM bhArate sphuTam |
traiguNyavitatiM samyag vistareNa yathAtatham || 19||
prakR^iteH syAn mahAMstasmAdaha~NkArastato.apyabhUt |
tanmAtrAkhyAni pa~ncha syuH sUkShmabhUtAni tAni hi || 20||
shabdaH sparshastathA rUpaM raso gandha itIritAH |
khavAyvagnyambupR^ithvyaH syuH sUkShmA eva na chApare || 21||
paTaH syAch ChuklatantubhyaH shukla eva yathA tathA |
triguNAnuguNaM tasmAt tattvasR^iShTirapi tridhA || 22||
sattvAtmakAni sR^iShTAni tebhyo j~nAnendriyANyatha |
shrotraM tvak chakShuShI jihvA ghrANamityatra pa~nchakam |
taiH shabdasparsharUpANi rasagandhau pravettyasau || 23||
rajoguNodbhavAni syustebhyaH karmendriyANyatha |
vAkpANipAdasa.nj~nAni pAyUpasthau tathaiva cha || 24||
vachanAdAnagamanavisargAnandakarma cha |
mano.antaHkaraNAkhyaM syAt j~neyaM ekAdashendriyam || 25||
tamoguNodbhavAnyebhyo mahAbhUtAni jaj~nire |
pR^ithivyApastathA tejo vAyurAkAsha ityapi || 26||
pa~nchaviMshatitattvAni proktAnyetAni vai mayA |
etAnyeva visheSheNa j~nAtavyAni gurormukhAt || 27||
AtmAnaH pralaye lInAH prakR^itau sUkShmadehinaH |
guNakarmavashAdbrahmasthAvarAntasvarUpiNaH || 28||
prakR^itau sUkShmarUpeNa sthitaM evAkhilaM jagat |
abhivyaktaM bhavatyeva nAsadutpattiriShyate || 29||
asadutpattipakShe cha shashashR^i~NgAdi sambhavet |
asattailaM tilAdau chet sikatAbhyo.api tadbhavet || 30||
janitaM janayech cheti yastu doShastvayeritaH |
abhivyaktimate na syAdabhivya~njakakAraNaiH || 31||
AtmAno bahavaH sAdhyA dehe dehe vyavasthitAH |
ekashchedyugapat sarve mriyeran sambhavantu vA || 32||
pashyeyuryugapat sarve puMsyekasmin prapashyati |
ataH syAdAtmanAnAtvamadvaitaM nopapadyate || 33||
AtmA j~nAtavya ityAdividhibhiH pratipAditaH |
nivR^ittirUpadharmaH syAn mokShado.anyaH pravartakaH || 34||
agniShTomAdayo yaj~nAH kAmyAH syurvihitA api |
pravR^ittidharmAste j~neyA yataH puMsAM pravartakAH || 35||
dharmeNordhvagatiH puMsAmadharmAt syAdadhogatiH |
j~nAnenaivApavargaH syAdaj~nAnAdbadhyate naraH || 36||
brahmArpaNatayA yaj~nAH kR^itAste mokShadA yadi |
ayaj~natvaprasa~NgaH syAn mantrArthasyAn yathAkR^ite || 37||
tasmAdyAgAdayo dharmAH saMsAreShu pravartakAH |
niShiddhebhyo.api kartavyAH puMsAM sampattihetavaH || 38||

iti sarvadarshanasiddhAntasa~Ngrahe kapilavAsudevasA~NkhyapakSho nAma navamaM prakaraNam  |
\section{10\. pata~njaliseshvarasA~NkhyapakShaH athavA pata~njalipakShaH}
atha seshvarasA~Nkhyasya vakShye pakShaM pata~njaleH |
pata~njaliranantaH syAdyogashAstrapravartakaH || 1||
pa~nchaviMshatitattvAni puruShaM prakR^iteH param |
jAnato yogasiddhiH syAdyogAddoShakShayo bhavet || 2||
pa~nchaviMshatitattvAni puruShaM prakR^itirmahAn |
aha~NkArashcha tanmAtrA vikArAshchApi ShoDasha |
mahAbhUtAni chetyetadR^iShiNaiva suvistR^itam || 3||
j~nAnamAtreNa muktiH syAdityAlasyasya lakShaNam |
j~nAnino.api bhavatyeva doShairbuddhibhramaH kvachit || 4||
gurUpadiShTavidyAto naShTAvidyo.api pUruShaH |
dehadarpaNadoShAMstu yogenaiva vinAshayet || 5||
samyag j~nAto raso yadvadguDAdernAnubhUyate |
pittajvarayutaistasmAddoShAn eva vinAshayet || 6||
gurUpadiShTavidyasya viraktasya narasya tu |
doShakShayakarastasmAdyogAdanyo na vidyate || 7||
avdiyopAttakartR^itvAt kAmAt karmANi kurvate |
tataH karmavipAkena jAtyAyurbhogasambhavaH || 8||
pa~nchakleshAstvavidyA cha rAgadveShau tadudbhavau |
asmitAbhiniveshau cha tatrAvidyaiva kAraNam || 9||
AtmabuddhiravidyA syAdanAtmani kalevare |
pa~nchabhUtAtmako deho dehI tvAtmA tato.aparaH || 10||
tajjanyaputrapautrAdisantAne.api mamatvadhIH |
avidyA dehabhogye vA gR^ihakShetrAdike tathA || 11||
naShTAvidyo.atha tanmUlarAgadveShavivarjitaH |
muktaye yogamabhyasyedihAmutraphalAspR^ihaH || 12||
chittavR^ittinirodhe syAdyogaH svasmin vyavasthitiH |
vR^ittayo nAtra varNyante kliShTAkliShTavibheditAH || 13||
kriyAyogaM prakurvIta sAkShAdyogapravartakam |
kriyAyogastapo mantrajapo bhaktirdR^iDheshvare || 14||
kleshakarmavipAkAdishUnyaH sarvaj~na IshvaraH |
sa kAlenAnavachChedAdbrahmAdInAM gururmataH || 15||
tadvAchakaH syAt praNavastajjapo vAchyabhAvanam |
yogAntarAyanAshaH syAt tena pratya~Nmano bhavet || 16||
AlasyaM vyAdhayastIvrAH pramAdastyAnasaMshayaH |
anavasthitachittatvamashraddhA bhrAntidarshanam || 17||
duHkhAni daurmanasyaM cha viShayeShu cha lolatA |
shvAsaprashvAsadoShau cha dehakampo nira~NkushaH |
ityevamAdayo doShA yogavighnAH svabhAvataH || 18||
IshvarapraNidhAnena tasmAdvighnAn vinAshayet |
maitryAdibhirmanaHshuddhiM kuryAdyogasya sAdhanam || 19||
maitrIM kuryAt sudhIloke karuNAM duHkhite jane |
dharme.anumodanaM kuryAdupakShAM eva pApinAm || 20||
bhagavatkShetrasevA cha sajjanasya cha sa~NgatiH |
bhagavachcharitAbhyAso bhAvanA pratyagAtmanaH || 21||
ityevamAdibhiryatnaiH saMshuddhaM yogino manaH |
shaktaM syAdatisUkShmANAM mahatAmapi bhAvane || 22||
yogA~NgakAraNAddoShe naShTe j~nAnaprakAshanam |
aShTAva~NgAni yogasya yamo.atha niyamastathA || 23||
AsanaM pavanAyAmaH pratyAhAro.atha dhAraNA |
dhyAnaM samAdhirityevaM tAni vistarato yathA || 24||
ahiMsA satyamasteyaM brahmacharyAparigrahau |
yamAH pa~ncha bhavantyete jAtyAdyanuguNA matAH || 25||
niyamAH shauchasantoShatapomantreshasevanAH |
yamasya niyamasyApi siddhau vakShye phalAni cha || 26||
ahiMsAyAH phalaM tasya sannidhau vairavarjanam |
satyAdamoghavAktvaM syAdasteyAdratnasa~NgatiH || 27||
brahmacharyAdvIryalAbho janmadhIraparigrahAt |
shauchAt svA~Nge.ajugupsA syAddurjanasparshavarjanam || 28||
sattvashuddhiH saumanasyaM aikAtmendriyavashyate |
AtmadarshanayogyatvaM manaHshauchaphalaM bhavet || 29||
anuttamasukhAvAptiH santoShAdyogino bhavet |
indriyANAM tu kAyasya siddhiH syAt tapasaH phalam || 30||
indriyasya tu sid.hdhyA syAddUrAlokAdisambhavaH |
kAyasid.hdhyANimAdi syAt tasya divyasharIriNaH || 31||
japena devatAkarShaH samAdhistv IshasevayA |
AsanaM syAt sthirasukhaM dvandvanAshastato bhavet || 32||
padmabhadramayUrAkhyairvIrasvastikakukkuTaiH |
AsanairyogashAstroktairAsitavyaM cha yogibhiH || 33||
prANApAnanirodhaH syAt prANAyAmastridhA hi saH |
kartavyo yogino tena rechapUrakakumbhakaiH || 34||
rechanAdrechako vAyoH pUraNAt pUrako bhavet |
sampUrNakumbhavat sthAnAdachalaH sa tu kumbhakaH || 35||
prANAyAmashchaturthaH syAdrechapUrakakumbhakAn |
hitvA nijasthitirvAyoravidyApApanAshinI || 36||
indriyANAM cha charatAM viShayebhyo nivartanam |
pratyAhAro bhavet tasya phalamindriyavashyatA || 37||
chittasya deshabandhaH syAddhAraNA dvividhA hi sA |
deshabAhyAntaratvena bAhyaH syAt prAtimAdikaH || 38||
deshAbhyantaro j~neyo nAbhichakrahR^idAdikaH |
chittasya bandhanaM tatra vR^ittireva na chAparam || 39||
nAbhichakrAdidesheShu pratyaysyaikatAnatA |
dhyAnaM samAdhistatraiva tvAtmanaH shUnyavat sthitiH || 40||
dhAraNAditraye tv ekaviShaye pAribhAShikI |
sa.nj~nA saMyama ityeShA trayochchAraNalAghavAt || 41||
yoginaH saMyamajayAt praj~nAlokaH pravartate |
saMyamasya tu kartavyo viniyogo.atra bhUmiShu || 42||
pa~nchabhyo.api yamAdibhyo dhAraNAditrayaM bhavet |
antara~NgaM hi nirbIjasamAdhiH syAt tataH param || 43||
ajitvA tvaparAM bhUmiM nArohedbhUmiM uttarAm |
ajitvArohaNe bhUmeryoginaH syurupadravAH || 44||
hikkAshvAsapratishyAyakarNadantAkShivedanAH |
mUkatAjaDatAkAsashirorogajvarAstv iti || 45||
yasyeshvaraprasAdena yogo bhavati tasya tu |
na rogAH sambhavatyete ye.adharottarabhUmijAH || 46||
eka evAkhilo dharmo bAlyakaumArayauvanaiH |
vArdhakena tu kAlena pariNAmAdvinashyati || 47||
parAgbhUtasya yAtIDApi~NgalAbhyAmaharnisham |
kAlastaM shamayet pratyag abhiyAtaH suShumNayA || 48||
muktimArgaH suShumNA syAt kAlastatra hi va~nchitaH |
chandrAdityAtmakaH kAlastayormArgadvayaM sphuTam || 49||
kShIrAt samuddhR^itaM tvAjyaM na punaH kShIratAM vrajet |
pR^ithakkR^ito guNebhyastu bhUyo nAtmA guNI bhavet || 50||
yathA nItA rasendreNa dhAtavaH shAtakumbhatAm |
punarAvR^ittaye na syustadvadAtmApi yoginAm || 51||
nADIchakragatirj~neyA yogamabhyasyatAM sadA |
suShumNA madhyavaMshAsthidvAreNa tu shirogatA || 52||
iDA cha pi~NgalA ghrANapradeshe savyadakShiNe |
iDA chandrasya mArgaH syAt pi~NgalA tu ravestathA || 53||
kuhUradhogatA li~NgaM vR^iShaNaM pAyumapyasau |
vishvodarA dhAraNA cha savyetarakarI kramAt || 54||
savyetarA~NgI vij~neyau hastijihvA yashasvinI |
sarasvatI tu jihvA syAt suShumnApR^iShThanirgatA || 55||
tatpArshvayoH sthitau karNau sha~NkhinI cha payasvinI |
gAndhArI savyanetraM syAn netraM pUShA cha dakShiNam || 56||
j~nAnakarmendriyANi syurnADyaH kaNThAdviniHsR^itAH |
nADyo hi yoginAM j~neyAH sirA eva na chAparAH || 57||
prANAdivAyusa~nchAro nADIShveva yathA tathA |
j~nAtavyo yogashAstreShu tadvyApArashcha dR^ishyatAm || 58||
yogI tu saMyamasthAne saMyamAt sarvavidbhavet |
pUrvajAtiparij~nAnaM saMskAre saMyamAdbhavet || 59||
hastyAdInAM balAni syurhastyAdisthAnasaMyamAt |
maitryAdi labhate yogI maitryAdisthAnasaMyamAt || 60||
chandre syAt saMyamAt tasya tArakAvyUhavedanam |
dhruve tadgativij~nAnaM sUrye syAdbhuvaneShu dhIH || 61||
kAyavyUhaparij~nAnaM nAbhichakre tu saMyamAt |
kShutpipAsAnivR^ittiH syAt kaNThakUpe tu saMyamAt || 62||
kUrmanADyAM bhavet sthairyaM UrdhvajyotiShi siddhadhIH |
jihvAgre rasasaMvit syAn nAsAgre gandhavedanam || 63||
abhyAsAdanishaM tasmAddehakAntiH shubhAkR^itiH |
kShudAdivinivR^ittishcha jAyate vatsarArdhataH || 64||
saMvatsareNa vividhA jAyante yogasiddhayaH |
yatheShTacharitaM j~nAnamatItAdyarthagocharam || 65||
svadehendriyasaMshuddhirjarAmaraNasa~NkShayaH |
vairAgyeNa nivR^ittiH syAt saMsAre yogino.achirAt || 66||
aNimAdyaShTakaM tasya yogasiddhasya jAyate |
tena muktivirodho na shivasyeva yathA tathA || 67||
aNimA laghimA chaiva mahimA prAptirIshitA |
prAkAmyaM cha tatheshitvaM vashitvaM yatra kAmadam || 68||

iti sarvadarshanasiddhAntasa~Ngrahe pata~njaliseshvarasA~NkhyapakSho nAma dashamaM prakaraNam  |
\section{11\. vedavyAsokto bhAratapakShaH}
sarvashAstrAvirodhena vyAsokto bhArate dvijaiH |
gR^ihyate sA~NkhyapakShAddhi vedasAro.atha vaidikaiH || 1||
puruShaH prakR^itishcheti dvayAtmakamidaM jagat |
paraH shayAnastanmAtrapure tu puruShaH smR^itaH || 2||
tanmAtrAH sUkShmabhUtAni prAyaste triguNAH smR^itAH |
prakR^itirguNasAmyaM syAdguNAH sattvaM rajastamaH || 3||
bandhaH puMso guNAvesho muktirguNAvivekadhIH |
guNasvabhAvairAtmA syAduttamo madhyamo.adhamaH || 4||
uttamaH sAttvikaH shleShmaprakR^itiH sa jalAtmakaH |
rAjaso madhyamo hyAtmA sa pittaprakR^itirmataH || 5||
adhamastAmaso vAtaprakR^itiryat tamo marut |
sattvaM shuklaM rajo raktaM dhUmraM kR^iShNaM tamo matam || 6||
jalAgnipavanAtmAnaH shuklaraktAsitAstataH |
tattadAkAracheShTAdyairlakShyante sAttvikAdayaH || 7||
priya~NgudurvAshastrAbjahemavarNaH kaphAtmakaH |
gUDhAsthibandhaH susnigdhapR^ithuvakShA bR^ihattamaH || 8||
gambhIro mAMsalaH saumyo gajagAmI mahAmanAH |
mR^ida~NganAdo medhAvI dayAluH satyavAg R^ijuH || 9||
kShuttR^iD duHkhaparikleshairatapto gharmatastathA |
anekaputrabhR^ityADhyo bhUrishukro ratikShamaH || 10||
dharmAtmA mitabhAShI cha niShThuraM vakti na kvachit |
bAlye.apyarodanololo na bubhUkShArdito bhR^isham || 11||
bhU~Nkte.alpaM madhuraM koShNaM tathApi balavAnasau |
apratIkArato vairaM chiraM gUDhaM vahatyasau || 12||
dhR^itirbuddhiH smR^itiH prItiH sukhaM lajjA~NgalAghavam |
AnR^iNyaM samatArogyamakArpaNyamachApalam || 13||
iShTApUrtavisheShANAM kratUnAmavikatthanam |
dAnena chAnugrahaNamaspR^ihA cha parArthataH || 14||
sarvabhUtadayA cheti guNairj~neyo.atra sAttvikaH |
rajoguNaparichChedyo rAjasotra yathA janaH || 15||
rajaH pittaM tadevAgniragnistat pittajastu vA |
tIvratR^iShNo bubhukShArtaH paittiko.amitabhojanaH || 16||
pi~Ngakesho.alparomA cha tAmravaktrA~NghrihastakaH |
gharmAsahiShNuruShNA~NgaH svedanaH pUtigandhayuk || 17||
svastho virechanAdevaM mR^idukoShTho.atikopanaH |
shUraH sucharito mAnI kleshabhIrushcha paNDitaH || 18||
mAlyAnulepanAdIchChuratisvachChojjvalAkR^itiH |
alpashuklo.alpakAmashcha kAminInAmanIpsitaH || 19||
bAlyepi palitaM dhatte raktaromAtha nIlikAm |
balI sAhasiko bhogI sa.nprAptavibhavaH sadA || 20||
bhu~Nkte.atimadhuraM chArdraM bhakShyaM kaTvamlanispR^ihaH |
nAtyuShNabhojI pAnIyamantarA prachuraM piban || 21||
netraM tanv alpapakShmAsya bhavechChItajalapriyaH |
kopenArkAbhitApena rAgamAshu prayAti cha || 22||
atyAgitvamakAruNyaM sukhaduHkhopasevanam |
aha~NkArAdasatkArashchintA vairopasevanam || 23||
parabhAryApaharaNaM hrInAsho.anArjavaM tviti |
rAjasasya guNAH proktAstAmasasya guNA yathA || 24||
adharmastAmaso j~neyastAmaso vAtiko janaH |
adhanyo matsaro choraH prAkR^ito nAstiko bhR^isham || 25||
dIrghasphuTitakeshAntaH kR^ishaH kR^iShNo.atilomashaH |
asnigdhaviralasthUladanto dhUsaravigrahaH || 26||
cha~nchalAsya dhR^itirbuddhishcheShTA dR^iShTirgatiH smR^itiH |
sauhArdamasthiraM tasya pralApo.asa~NgataH sadA || 27||
bahvAshI mR^igayAshIlo maliShThaH kalahapriyaH |
shItAsahiShNushchapalo doShadhIrjarjarasvaraH || 28||
sannasaktachalAlApo gItavAdyarataH sadA |
madhurAdyupabhogI cha bhakShyapakvAmlasaspR^ihaH || 29||
alpapittakaphaH prekShyo.asvalpanidro.alpajIvanaH |
evamAdiguNairj~neyastAmaso vAtiko janaH || 30||
pa~nchabhUtaguNAn vakShye traiguNyAn nAtibhedinaH |
ja~NgamAnAM cha sarveShAM sharIre pa~ncha dhAtavaH |
pratyekashaH prabhidyante yaiH sharIraM vicheShTate || 31||
tvak cha mAMsaM tathAsthIni majjA snAyushcha pa~nchamaH |
ityetadiha sa~NghAtaM sharIre pR^ithivImayam || 32||
tejo hyagnistathA krodhashchakShuruShmA tathaiva cha |
agnirjarayate yachcha pa~nchAgneyAH sharIriNaH || 33||
shrotraM ghrANaM tathApya~ncha hR^idayaM koShThaM eva cha |
AkAshAt prANinAM ete sharIre pa~ncha dhAtavaH || 34||
shleShmA pittamatha khedo vasA shoNitaM eva cha |
ityApaH pa~nchadhA dehe bhavanti prANinAM sadA || 35||
prANAt praNIyate dehI vyAnAdvyAyachChate tathA |
gachChatyapAno.adhashchaiva samAno hR^idyavasthitaH || 36||
udAnAduchChvasiti cha pratibhedAchcha bhAShate |
ityete vAyavaH pa~ncha cheShTayantIha dehinam || 37||
iShTashchAniShTagandhashcha madhuraH kaTureva cha |
nirhArI sa~NgataH snigdho rukSho vishada eva cha |
evaM navavidho j~neyaH pArthivo gandhavistaraH || 38||
madhuro lavaNastiktaH kaShAyo.amlaH kaTustathA |
evaM ShaDvidhavistAro raso vArimayaH smR^itaH || 39||
hrasvo dIrghastathA sthUlashchaturasro.atha vR^ittavAn |
shuklaH kR^iShNastathA rakto nIlaH pIto.aruNastathA || 40||
kaThinashchikkaNaH shlakShNaH pichChilo mR^idudAruNaH |
evaM ShoDashavistAro jyotIrUpo guNaH smR^itaH || 41||
uShNaH shItaH sukho duHkhaH snigdho vishada eva cha |
tathA kharo mR^idU rUkSho laghurgurutaro.api cha |
evg dvAdashavistAro vAyavyo guNa uchyate || 42||
ShaDjarShabhau cha gAndhAro madhyamaH pa~nchamastathA |
dhaivato niShadhashchaiva saptaite shabdajA guNAH || 43||
AkAshajaM shabdamAhurebhirvAyuguNaiH saha |
avyAhataishchetayate na vetti viShamasthitaiH || 44||
ApyAyyante cha te nityaM dhAtavastaistu pa~nchabhiH |
Apo.agnirmarutashchaiva nityaM jAgrati dehiShu || 45||
chaturvyUhAtmako viShNushchaturdhaivAkarojjagat |
brahmakShatriyaviTshUdrAMshchaturvarNAn guNAtmakAn || 46||
vipraH shuklo nR^ipo raktaH pIto vaishyo.antyajositaH |
vistR^itya dharmashAstre hi teShAM karma samIritam || 47||
ekasminn eva varNe tu chAturvarNye guNAtmakam |
mokShadharme.adhikAritvasiddhaye munirabhyadhAt || 48||
sa karmadevatAyogaj~nAnakANDeShv anukramAt |
pravartayati tatkarmaparipAkakramaM vidan || 49||
R^ijavaH shuddhavarNAbhAH kShamAvanto dayAlavaH |
svadharmaniratA ye syuste dvijeShu dvijAtayaH || 50||
kAmabhogapriyAstIkShNAH krodhanAH priyasAhasAH |
tyaktasvadharmA raktA~NgAste dvijA kShatratAM gatAH || 51||
goShu vR^ittiM samAdhAya pItAH kR^iShyupajIvinaH |
svadharmAn nAnutiShThanti te dvijA vaishyatAM gatAH || 52||
hiMsAnR^itapriyA lubdhAH sarvakarmopajIvinaH |
kR^iShNAH shauchaparibhraShTAste dvijAH shUdratAM gatAH || 53||
samayAchAraniHsheShakR^ityabhedairvimohayan |
mokShado viShNureva syAddevadaiteyarakShasAm || 54||
chaturbhirjanmabhirmuktirdveSheNa bhajatastava |
bhavediti varo dattaH puNDarIkAya viShNunA || 55||
rajaHsattvatamomArgaistadAtmAnaH svakarmabhiH |
prApyate viShNurevaiko devadaityanishAcharaiH || 56||
brahmaviShNuharAkhyAbhiH sR^iShTisthitilayAnapi |
harireva karotyeko rajaHsattvatamovashAt || 57||
sAttvikAstridashAH sarve tvasurA rAjasA matAH |
tAmasA rAkShasA shIlaprakR^ityAkR^itivarNataH || 58||
dharmaH surANAM pakShaH syAdadharmo.asurarakShasAm |
pishAchAderadharmaH syAdeShAM lakShma rajastamaH || 59||
IshvarAjj~nAnamanvichChechChriyamichCheddhutAshanAt |
ArogyaM bhAskarAdichChenmokShamichChejjanArdanAt || 60||
yasmin pakShe tu yo jAtaH suro vApyasuro.api vA |
svadharma eva tasya syAdadharme.apyatra dharmavit || 61||
vedatrayoktA ye dharmAste.anuShTheyAstu sAttvikaiH |
adharmo.atharvavedokto rAjasaistAmasaiH shritaH || 62||
viShNukramaNaparyanto yogo.asmAkaM yathA tathA |
rAjasaistAmasairbrahmarudrAv ijyau tu tadguNau || 63||
nijadharmapathAyAtAnanugR^ihNAtyasau hariH |
muchyate nijadharmeNa paradharmo bhayAvahaH || 64||
eka eva paro viShNuH surAsuranishAcharAn |
triguNAnuguNaM nityamanugR^ihNAti lIlayA || 65||

iti sarvadarshanasiddhAntasa~Ngrahe vedavyAsokto bhAratapakSho
                       nAmaikAdashaM prakaraNam |
\section{12\. vedAntapakShaH}
vedAntashAstrasiddhAntaH sa~NkShepAdatha kathyate |
tadarthapravaNAH prAyaH siddhAntAH paravAdinAm || 1||
brahmArpaNakR^itaiH puNyairbrahmaj~nAnAdhikAribhiH |
tat tvamasyAdivAkyArtho brahma jij~nAsyate budhaiH || 2||
nityAnityavivekitvamihAmutraphalAspR^ihA |
shamo damo mumukShutvaM yasya tasyAdhikAritA || 3||
tat tvamasyeva nAnyastvaM tachChabdArthaH pareshvaraH |
tvaMshabdArtho purovartI tirya~NmartyAdiko.aparaH || 4||
tAdAtmyamasi shabdArtho j~neyastattvampadArthayoH |
so.ayaM puruSha ityAdi vAkye tAdAtmyavan mataH || 5||
syAn mataM tat tvamasyAdivAkyaM siddhArthabodhanAt |
kathaM pravartakaM puMsAM vidhireva pravartakaH || 6||
AtmA j~nAtavya ityAdividhibhiH pratipAditAH |
yajamAnAH prashasyante tattvavAdairihAruNaiH || 7||
buddhIndriyasharIrebhyo bhinna AtmA vibhurdhruvaH |
nAnAbhUtaH pratikShetramarthavittiShu bhAsate || 8||
vyarthAto brahmajij~nAsA vAkyasyAnyaparatvataH |
atra brUmaH samAdhAnaM na li~N eva pravartakaH || 9||
iShTasAdhanatAj~nAnAdapi lokaH pravartate |
putraste jAta ityAdau vidhirUpo na tAdR^ishaH || 10||
AtmA j~nAtavya ityAdividhayastv AruNe sthitAH |
bodhaM vidadhate brahmaNyaj~nAnAdbhrAntachetasAm || 11||
syAdetat kAmyakarmANi pratisiddhAni varjayan |
vihitaM karma kurvANaH shuddhAntaHkaraNaH pumAn |
svayaM eva bhavejj~nAnI guruvAkyAnapekShayA || 12||
tadayuktaM na vij~nAnaM karmabhiH kevalairbhavet |
guruprasAdajanyaM hi j~nAnamityuktamAruNaiH || 13||
pratyak pravaNatAM buddheH karmANyutpAdya shaktitaH |
kR^itArthAnyastamAyAnti prAvR^iDante ghanA iva || 14||
pratyakpravaNabuddhestu brahmaj~nAnAdhikAriNaH |
syAdeva brahmajij~nAsA tat tvamasyAdibhirguroH || 15||
tat tvamasyAdi vAkyaugho vyAkhyAto hi punaH punaH |
gurvanugrahahInasya nAtmA samyak prakAshate || 16||
AtmAvidyAnimittotthaH prapa~nchaH pA~nchabhautikaH |
nivartate yathA tuchChaM sharIrabhuvanAtmakam |
tathA brahmavivartaM tu vij~neyamakhilaM jagat || 17||
vedAntoktAtmavij~nAnaviparItamatistu yA |
AtmanyavidyA sAnAdiH sthUlasUkShmAtmanA sthitA || 18||
AtmanaH khaM tato vAyurvAyoragnistato jalam |
jalAt pR^ithivyabhUdbhUmervrIhyAdyauShadhayo.abhavan || 19||
auShadhibhyo.annamannAt tu puruShaH pa~nchakoshavAn |
apa~nchIkR^itatanmAtraH sUkShmabhUtAtmako janaH |
sthUlIbhavatI tadbhedastirya~NnarasurAtmakaH || 20||
dharmAdhikye tu devatvaM tiryaktvaM syAdadharmataH |
tayoH sAmye manuShyatvamiti tredhA tu karmabhiH || 21||
tvagasR^i~NmAMsamedo.asthimajjAshukrANi dhAtavaH |
saptAnnapariNAmAH syuH puMstrItvamapi na svataH || 22||
shukrAdhikye pumAn garbhe raktAdhikye vadhUstathA |
napuMsakaM tayoH sAmye mAtuH sa~njAyate sadA || 23||
majjAsthisnAyavaH shukrAdraktAt tva~NmAMsashoNitAH |
ShaTkoshAkhyaM bhavedetat piturmAtustrayaM trayam || 24||
bubhukShA cha pipAsA cha shokamohau jarAmR^itau |
ShaDUrmayaH prANabuddhideheShu syAddvayaM dvayam || 25||
Atmatvena bhramantyatra vAdinaH koshapa~nchake |
annaprANamanoj~nAnamayAH koshAstathAtmanaH || 26||
Anandamayakoshashcha pa~nchakoshA itIritAH |
maya~NvikAre vihita ityAnandamayo.abhyasan || 27||
gR^ihNAtyannamayAtmAnaM dehaM lokAyataH khalu |
dehaiH parimitaM prANamayamArahatA viduH || 28||
vij~nAnamayamAtmAnaM bauddhA gR^ihNanti nAparam |
AnandamayamAtmAnaM vaidikAH kechidUchire || 29||
aha~NkArAtmavAdI tu prAha prAyo manomayam |
kartR^itvAdibhiraspR^iShTo grAhya anyathAvinmate || 30||
kartR^itvaM karmakANDasthairdevatAkANDamAshritaiH |
avashyAshrayaNIyaM hi nAnyathA karma sidhyati || 31||
vasante brAhmaNo.atrAgnIn AdadhIteti vai vidhau |
deho vAtmavishiShTo vA kodhikArI tu karmaNi || 32||
achetanatvAddehasya svargakAmAdyasambhavAt |
na jAghaTIti kartR^itvaM nAshitvAt tatra karmaNi || 33||
Atmano brAhmaNatvAdijAtireva na vidyate |
jAtivarNAshramAvasthAvikArebhyo.api so.aparaH || 34||
vishiShTo nAparaH kashchidvidyate dehadehinoH |
ataH kAlpanikaH kartA vij~neyastatra karmaNi || 35||
neti netyuchyamAne tu pa~nchakoshe krameNa yaH |
bhAsate tatparaM brahma syAdavidyA tato.anyathA || 36||
AtmasvarUpamAchChAdya vikShepAn sA karotyalam |
aha~NkArAkhyavikShepaH kAmAt karmaphalaM sadA || 37||
mUlabhUto.akhilabhrAnterbibhrANo duHkhasantatim |
vyavahArAn karotyuchchaiH sarvAn laukikavaidikAn |
mAtR^imAnaprameyAdibhinnAn sarvasya satyavat || 38||
niShkriyasya tvasa~Ngasya chinmAtrasyAtmanaH khalu |
svato na vyavahAro.ayaM sambhavatyanapekShiNaH || 39||
jaDashchetatyaha~NkArashchaitanyAdhyAsanAddhruvam |
anyavastvantarAdhyAsAdAtmAnyatvena bhAsate || 40||
idaM aMsho dvidhAbhUtastatra prANaH kriyAshrayaH |
j~nAnAdhAro.aparo buddhirmana ityaMsha IritaH || 41||
tasya cheShTAdayo.apIShTAH prANAdyAH pa~ncha vAyavaH |
karaNAdyAH kriyAbhedavAgAdidvArakAstathA |
dvidhAntaHkaraNaM buddhirmanaH kAryavashAdiha || 42||
Atmaiva kevalaH sAkShAdahambuddhau tu bhAti chet |
kR^isho.asmIti matau bhAti kevalo neti tadvada || 43||
kR^ishAdayo.atra dR^ishyatvAn nAtmadharmA yathA matAH |
mukhAdayo.api dehasthA nAtmadharmAstathaiva cha || 44||
mAtR^imAnaprameyebhyo bhinna AtmAtmavinmate |
tathaiva chopapAdyaH syAn nirasya paravAdinaH || 45||
anAtmA viShayashcheti pratipAdyo na kasyachit |
ghaTo.ahamiti kasyApi pratipatterabhAvataH || 46||
rUpAdimattvAddR^ishyatvAjjaDatvAdbhautikatvataH |
annavach chAdanIyatvAt shvAdernAtmA kalevaram || 47||
dehato vyatirekeNa chaitanyasya prakAshanAt |
atastvannamayo deho nAtmA lokAyateritaH || 48||
prANo.apyAtmA na vAyutvAjjaDatvAdbAhyavAyuvat |
indriyANi na chAtmA syAt karaNatvAt pradIpavat || 49||
cha~nchalatvAn mano nAtmA suShuptau tadasambhavAt |
sukhe paryavasAnAM cha sukhaM evAtmavigrahaH || 50||
dhatte.annamayamAtmAnaM prANaH prANaM mano manaH |
sachchidAnandagovindaparamAtma vahatyasau || 51||
yadA bAhyendriyairAtmA bhu~Nkte.arthAn svaparA~NmukhAn |
tadA jAgradavasthA syAdAtmano vishvasa.nj~nitA || 52||
bAhyendriyagR^ihItArthAn manomAtreNa vai yadA |
bhu~Nkte svapnAMstadA j~neyA taijasAkhyA parAtmanaH || 53||
avidyAtimiragrastamanasyAtmanyavasthite |
suShuptyavasthA vij~neyA prAj~nAkhyAnandasa.nj~nitA || 54||
svApe.api tiShThati prANo mR^itabhrAntinivR^ittaye |
anyathA shvAdayo.ashnanti saMskariShyanti vAnale || 55||
svApe.apyAnandasadbhAvo bhavatyevotthito yataH |
sukhamasvApsamityevaM parAmR^ishati vai smaran || 56||
syAn mataM viShayAbhAvAn na tadviShayajaM sukham |
vaidyatvAn na nijaM tena duHkhAbhAve sukhabhramaH |
pratiyoginyadR^iShTe.api sarvAbhAvo.api gR^ihyate || 57||
yato.anyasmai punaH pR^iShTaH sarvAbhAvaM prabhAShate |
nyAyenAnena bhAvAnAM j~nAnAbhAvo.anubhUyate || 58||
atra brUmaH samAdhAnaM duHkhAbhAvo na gR^ihyate |
prabuddheneti suptasya nAj~nAnaM prati sAkShitA || 59||
pratiyogyagrahAt svApe duHkhasya pratiyogitA |
abhAvAkhyaM pramANaM tu nAsti prAbhAkare mate || 60||
naiyAyikamate.abhAvaH pratyakShAn nAtirichyate |
sukhaduHkhAdinirmuktermokShe pAShANavat sthitam |
AtmAnaM pravadan vAdI mUrkhaH kiM na vadatyasau || 61||
sthitamaj~nAnasAkShitvaM nityAnandatvamAtmanaH |
vadatyatrAtmanAnAtvaM deheShu prativAdinaH || 62||
ekashcheti sarvabhUteShu puMsi kasmin mR^ite sati |
sarve mriyeran jAyeran jAte kuryushcha kurvati || 63||
evaM viruddhadharmA hi dR^ishyante sarvajantuShu |
ataH sarvasharIreShu nAnAtvaM chAtmanAM sthitam || 64||
viruddhadharmadR^iShTyaiva puMsAM bhedastvayeritaH |
viruddhadharmA dR^iShTA kva dehe vAtmani vA vada || 65||
dehe cheddehanAnAtvaM siddhaM kiM tena chAtmani |
chidrUpAtmani bhedashchet puMsyekasmin prasajyate || 66||
ekasyendorapAM pAtreShv anekatvaM yathA tathA |
anekadeheShvekAtmapratibhAsastathA mataH || 67||
AtmAnyaH pa~nchakoshebhyaH ShaDbhAvebhyaH ShaDUrmitaH |
dehendriyamanobuddhiprANAha~NkAravarjitaH || 68||
ekaH sakaladeheShu nirvikAro nira~njanaH |
nityo.akartA svaya~njyotirvibhurbhogavivarjitaH || 69||
brahmAtmA nirguNaH shuddho bodhamAtratanuH svataH |
avidyopAdhikaH kartA bhoktA rAgAdidUShitaH || 70||
aha~NkArAdidehAntaH kaluShIkR^itavigrahaH |
yathopAdhiparichChinno bandhakAShTakaveShTitaH |
brahmAdisthAvarAnteShu bhraman karmavashAnugaH || 71||
karmaNA pitR^ilokAdi niShiddhairnarakAdikam |
vidyayA brahmasAyujyaM taddhInaH kShudratAM gataH || 72||
eka eva paro jIvaH svakalpitajagattrayaH |
bandhamuktAdibhedashcha svapnavadghaTanAmiyAt || 73||
athavA bahavo jIvAH saMsArAj~nAnabhAginaH |
anAditvAdavidyAyA anyonyAshrayatA nahi || 74||
vyaShTidehAdidaM yuktaM dvayamityaparaM matam |
samaShTidR^iShTyA tv ekatvaM vyaShTidR^iShTyA tvanekatA || 75||
sAkShI sadvAranirdvArasambandhAnAM jaDAtmanAm |
vij~nAnAj~nAnarUpeNa sadA sarvaj~natAM gataH || 76||
mAyAmAtraH suShuptyAdau svachitAj~nAnaka~nchukaH |
janmAntarAnubhUtAnAmapi saMsmaraNakShamaH || 77||
tatprApakavashAdatra tAratamyavisheShabhAk |
avasthApa~nchakAtItaH pramAtA brahmavinmataH || 78||
prasAdhanamityeva mAnasAmAnyalakShaNam |
tatparichChedabhedena tadevaM dvividhaM matam || 79||
nivartakamavidyAyA iti vA mAnalakShaNam |
sasheShAsheShabhedena tadevaM dvividhaM matam |
tat tvamasyAdi vAkyotthamasheShAj~nAnabAdhakam || 80||
pratyakShamanumAnAkhyaM upamAnaM tathAgamaH |
arthApattirabhAvashcha pramANAni ShaDeva hi || 81||
vyAvahArikanAmAni bhavantyetAni nAtmani |
svasaMvedyo.aprameyo.api lakShyate vA~Nmano.atigaH || 82||
hiraNyagarbhapakShastu vedAntAn nAtibhidyate |
AnandaH puruSho.aj~nAnaM prakR^itistanmate matA || 83||
j~nAnaM dvidhA sthitaM pratyak parAg iti hi bhedataH |
AnandAbhimukhaM pratyag bAhyArthAbhimukhaM parAk || 84||
AtmAj~nAnavivartaH syAdbhUtatanmAtrapa~nchakam |
tanmAtrapa~nchakAj jAtamantaHkaraNapa~nchakam || 85||
manobuddhiraha~NkArashchittaM j~nAtR^itvamityapi |
pArthivaH syAdaha~NkAro j~nAtR^itvamavakAshajam || 86||
karaNadvayaM etat tu kartR^itvenAvabhAsate |
buddhiH syAt taijasI chittamApyaM syAdvAyujaM manaH || 87||
bhUmyAdyekaikabhUtasya vij~neyaM guNapa~nchakam |
aha~NkAro bhuvaH prANo ghrANaM gandhashcha pAyunA || 88||
chittApAnau tathA jihvA rasopasthAvapAM guNAH |
bud.hdhyudAnau tathA chakShUrUpapAdAstu taijasAH || 89||
mano vAyorvyAnacharmasparshAH pANirguNAstathA |
j~nAtR^itvaM cha samAnashcha shrotraM shabdashcha vAk khajAH || 90||
ekaikasUkShmabhUtebhyaH pa~ncha pa~nchApare guNAH |
asthi charma tathA mAMsaM nADI romANi bhUguNAH || 91||
mUtraM shleShmA tathA raktaM shukraM majjA tvapAM guNAH |
nidrA tR^iShNA kShudhA j~neyA maithunAlasyamagnijA || 92||
prachAlastaraNArohairvAyorutthAnarodhane |
kAmakrodhau lobhabhaye moho vyomaguNAstathA || 93||
ukto.avadhUtamArgashcha kR^iShNenaivoddhavaM prati |
shrIbhAgavatasa.nj~ne tu purANe dR^ishyate hi saH || 94||
sarvadarshanasiddhAntAn vedAntAstAn imAn kramAt |
shrutvArthavit susa.nkShiptAn tattvataH paNDito bhuvi || 95||

iti shrImachCha~NkarAchAryavirachite sarvadarshanasiddhAntasa~Ngrahe
vedAntapakSho nAma dvAdashaprakaraNam |

iti sarvadarshanasiddhAntasa~NgrahaH sampUrNaH |
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}