% Text title : bhartRiharivirachita shRiNgArashataka % File name : shringar.itx % Category : shataka, major\_works, bhartrihari % Location : doc\_z\_misc\_major\_works % Description-comments : Bhartrihari@s three hundred-verse sets % Latest update : May 30, 1999 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shringarashatak by Bhartrihari ..}## \itxtitle{.. shR^i.ngArashatakaM bhartR^iharivirachitam ..}##\endtitles ## || shrI || vasa.ntatilakA shambhuH svayambhuharayo hariNekShaNAnAM yenAkriyanta satataM gR^ihakarmadAsAH || vAchAmagocharacharitravichitritAya tasmai namo bhagavate kusumAyudhAya || 1|| shikhariNI kvachitsubhrUbha~NgaiH kvachidapi cha lajjApariNataiH kvachid bhItitrastaiH kvachidapi cha lIlAvilasitaiH || kumArINAmebhirvadanakamalairnetrachalitaiH sphurannIlAbjAnAM prakaraparipUrNA iva dishaH || 2|| anuShTubh.h mugdhe##!## dhAnuShkatA keyamapUrvA tvayi dR^ishyate | yayA vidhyasi chetA.nsi guNaireva na sAyakaiH || 3|| shikhariNI anAghrAtaM puShpaM##;## kisalayamalUnaM kararuhai\- ranAviddhaM ratnaM madhu navamanAsvAditarasam || akhaNDaM puNyAnAM phalamiva cha tadrUpamanaghaM na jAne bhoktAraM kamiha samupasthAsyati vidhiH || 4|| %e From shAkuntala shikhariNI smitaM ki~nchid vaktre saralataralo dR^iShTivibhavaH parispando vAchAmabhinavavilAsoktisarasaH || gatAnAmArambhaH kisalayitalIlAparikaraH spR^ishantyAstAruNyaM kimiha na hi ramyaM mR^igadR^ishaH##?## || 5|| shArdUlavikrIDita vyAdIrgheNa chalena vakragatinA tejasvinA bhoginA nIlAbjadyutinA.ahinA varamahaM daShTo\, na tachchakShuShA || daShTe santi chikitsakA dishi\-dishi prAyeNa dharmArthino mugdhAkShIkShaNavIkShitasya na hi me vaidyo na chApyauShadham || 6|| va.nshastha smitena bhAvena cha lajjayA bhiyA parA~NmukhairardhakaTAkShavIkShaNaiH || vachobhirIrShyAkalahena lIlayA samastabhAvaiH khalu bandhanaM striyaH || 7|| shAlinI bhrUchAturyAku~nchitAkShAH kaTAkShAH snigdhA vAcho lajjitAshchaiva hAsAH || lIlAmandaM prasthitaM cha sthitaM cha strINAmetad bhUShaNaM chAyudhaM cha || 8|| shArdUlavikrIDita vaktraM chandraviDambi pa~NkajaparIhAsakShame lochane varNaH svarNamapAkariShNuralinIjiShNuH kachAnAM chayaH || vakShojAvibhakumbhavibhramaharau gurvI nitambasthalI vAchAM hAri cha mArdavaM yuvatiShu svAbhAvikaM maNDanam || 9|| shArdUlavikrIDita draShTavyeShu kimuttamaM mR^igadR^ishaH premaprasannaM mukhaM ghrAtavyeShvapi kiM##?## tadAsyapavanaH\, shravyeShu kiM##?## tadvachaH || kiM svAdyeShu##?## tadoShThapallavarasaH##;## spR^ishyeShu kiM ##?## tadvapuH dhyeyaM kiM##?## navayauvanaM sahR^idayaiH sarvatra tadvibhramAH || 10|| vasantatilakA etAshchaladvalayasa.nhatimekhalottha jha.nkAranUpuraparAjitarAjaha.nsyaH || kurvanti kasya na mano vivashaM taruNyo vitrastamugdhahariNIsadR^ishaiH kaTAkShaiH || 11|| dodhaka ku~Nkumapa~Nkakala~NkitadehA gaurapayodharakampitahArA | nUpuraha.nsaraNatpadapadmA ka.n na vashIkurute bhuvi rAmA ##?## || 12|| vasantatilakA nUnaM hi te kavivarA viparItabodhA ye nityamAhurabalA iti kAminIstAH || yAbhirvilolataratArakadR^iShTipAtaiH shakrAdayo.api vijitAstvabalAH kathaM tAH ##?## || 13|| anuShTubh.h nUnamAj~nAkarastasyAH subhruvo makaradhvajaH | yatastannetrasa~nchArasUchiteShu pravartate || 14|| shArdUlavikrIDita keshAH sa.nyaminaH shruterapi paraM pAra.n gate lochane antarvaktramapi svabhAvashuchibhiH kIrNaM dvijAnAM gaNaiH || muktAnA.n satatAdhivAsaruchirau vakShojakumbhAvimA vittha.n tanvi##!## vapuH prashAntamapi te kShobhaM karotyeva naH || 15|| anuShTubh.h sati pradIpe satyagnau satsu nAnAmaNiShvapi | vinA me mR^igashAvAkShyA tamobhUtamidaM jagat || 16|| shArdUlavikrIDita ud.hvR^ittaH stanabhAra eSha tarale netre chale bhrUlate rAgAdhiShThitamoShThapallavamidaM kurvantu nAma vyathAm || saubhAgyAkSharamAlikeva likhitA puShpAyudhena svayaM madhyasthA.api karoti tApamadhikaM romAvalI kena sA ##?## || 17|| anuShTubh.h mukhena chandrakAntena mahAnIlaiH shiroruhaiH | pANibhyAM padmarAgAbhyAM reje ratnamayIva sA || 18|| anuShTubh.h guruNA stanabhAreNa mukhachandreNa bhAsvatA | shanaishcharAbhyAM pAdAbhyA.n reje grahamayIva sA || 19|| vasa.ntatilakA tasyAH stanau yadi ghanau\, jaghana.n cha hAri vaktra.n cha chAru tava chitta kimAkulatvam || puNya.n kuruShva yadi teShu tavAsti vA~nChA puNyairvinA na hi bhavanti samIhitArthAH || 20|| vasantatilakA sammohayanti madayanti viDambayanti nirbhartsayanti ramayanti viShAdayanti || etAH pravishya sadaya.n hR^idaya.n narANAM kiM nAma vAmanayanA na samAcharanti || 21|| ratthoddhatA tAvadeva kR^itinAM hR^idi sphuratyeSha nirmalavivekadIpakaH | yAvadeva na kura~NgachakShuShA.n tADyate chaTulalochanA~nchalaiH || 22|| mAlinI vachasi bhavati sa~NgatyAgamuddishya vArtA shrutimukhamukharANAM kevalaM paNDitAnAm || jaghanamaruNaratnagranthikA~nchIkalApaM kuvalayanayanAnA.n ko vihAtu.n samarthaH ##?## || 23|| AryA svaparapratArako.asau nindati yo.alIkapaNDito yuvatim | yasmAttapaso.api phalaM svargastasyApi phalaM tathApsarasaH || 24|| anuShTubh.h ajitAtmasu sambaddhaH samAdhikR^itachApalaH | bhuja~NgakuTilaH stabdho bhrUvikShepaH khalAyate || 25|| sragdharA sanmArge tAvadAste prabhavati cha narastAvadeveendriyANAM lajjA.n tAvadvidhatte vinayamapi samAlambate tAvadeva || bhrUchApAkR^iShTamuktAH shravaNapathagatA nIlapakShmANa ete yAvallIlAvatInAM hR^idi na dhR^itimuSho dR^iShTibANAH patanti || 26|| shArdUlavikrIDita vishvAmitraparAsharaprabhR^itayo vAtAmbuparNAshanAH te.api strImukhapa~Nkaja.n sulalita.n dR^iShTvaiva moha.n gatAH || shAlyanna.n saghR^itaM payodadhiyuta.n ye bhu~njate mAnavAH teShAmindriyanigraho yadi bhavedvindhyastaretsAgaram || 27|| upajAti sudhAmayo.api kShayarogashAntyai nAsAgramuktAphalakachChalena || ana~Ngasa.njIvanadR^iShTashaktirmukhAmR^ita.n te pibatIva chandraH || 28|| shikhariNI asArAH santvete virasavirasAshchaiva viShayA jugupsantAM yadvA nanu sakaladoShAspadamiti || tathApyantastattve praNihitadhiyAmapyanabalaH tadIyo nAkhyeyaH sphurati hR^idaye ko.api mahimA || 29|| vasa.ntatilakA vistAritaM makaraketanadhIvareNa strIsa.nj~nitaM baDishamatra bhavAmburAshau || yenAchirAttadadharAmiShalolamartya\- matsyAdvikR^iShya sa pachatyanurAgavahnau ||30|| anuShTubh.h kAminIkAyakAntAre stanaparvatadurgame | mA sa~nchara manaHpAntha ##!## tatrAste smarataskaraH || 31|| shikhariNI na gamyo mantrANA.n na cha bhavati bhaiShajyaviShayo na chApi pradhva.nsa.n vrajati vividhaiH shAntikashataiH || bhramAveshAda~Nge kamapi vidadhadbha~NgamasakR^it.h smarApasmAro.ayaM bhramayati dR^isha.n dhUrNayati cha || 32|| anuShTubh.h tAvanmahattvaM pANDitya.n kulInatva.n vivekitA | yAvajjvalati nA~NgeShu hanta pa~ncheShupAvakaH || 33|| shArdUlavikrIDita strImudrA.n jhaShaketanasya paramA.n sarvArthasampatkarI.n ye mUDhAH pravihAya yAnti kudhiyo mithyAphalAnveShiNaH || te tenaiva nihatya nirdayatara.n nagnIkR^itA muNDitAH kechitpa~nchashikhIkR^itAshcha jaTilAH kApAlikAshchApare || 34|| shikhariNI kR^ishaH kANaH kha~njaH shravaNarahitaH puchChavikalo vraNI pUyaklinnaH kR^imikulashatairAvR^itatanuH || kShudhAkShAmo jIrNaH piTharakakapAlArpitagalaH shunImanveti shvA ##!## hatamapi cha hantyeva madanaH || 35|| vasa.ntatilakA mattebhakumbhadalane bhuvi santi shUrAH kechitprachaNDamR^igarAjavadhe.api dakShAH || kintu bravImi balinAM purataH prasahya ka.ndarpadarpadalane viralA manuShyAH || 36|| hariNI parimalabhR^ito vAtAH shAkhA navA~NkurakoTayo madhuravirutotkaNThA vAchaH priyAH pikapakShiNAm || viralasuratasvedodgArA vadhUvadanendavaH prasarati madhau rAtryA.n jAto na kasya guNodayaH ##?## || 37|| drutavilambita madhurayaM madhurairapi kokilA kalaravairmalayasya cha vAyubhiH || virahiNaH prahiNasti sharIriNo vipadi hanta sudhA.api viShAyate || 38|| shArdUlavikrIDita AvAsaH kilaki~nchitasya dayitAH pArshve vilAsAlasAH karNe kokilakAminIkalaravaH smero latAmaNDapaH || goShThI satkavibhiH sama.n katipayaiH sevyAH sitA.nsho karAH keShA~nchitsukhayanti dhanyahR^idaya.n chaitre vichitrAH kShapAH || 39|| shArdUlavikrIDita pAnthastrIvirahAgnitIvrataratAmAtanvatI ma~njarI mAkandeShu pikA~NganAbhiradhunA sotkaNThamAlokyate || apyete navapATalIparimalaprAgbhArapATachcharA vAnti klAntivitAnatAnavakR^itaH shrIkhaNDashailAnilAH ||40|| AryA priyapurato yuvatInA.n tAvatpadamAtanoti hR^idi mAnaH | bhavati na yAvachchandanatarusurabhirnirmalaH pavanaH || 41|| AryA sahakArakusumakesaranikarabharAmodamUrchChitadigante | madhuramadhuvidhuramadhupe madhau bhavetkasya notkaNThA || 42|| vasantatilakA achChAchChachandanarasArdrakarA mR^igAkShyo dhArAgR^ihANi kusumAni cha kaumudI cha || mando marutsumanasaH shuchi harmyapR^iShThaM grIShme mada.n cha madana.n cha vivardhayanti || 43|| shikhariNI srajo hR^idyAmodA vyajanapavanashchandrakiraNAH parAgaH kAsAro malayajarasaH sIdhu vishadam || shuchiH saudhotsa~NgaH pratanu vasanaM pa~NkajadR^isho nidAdhArtA hyetatsukhamupalabhante sukR^itinaH || 44|| dodhaka taruNIvaiShohIpitakAmA vikasitajAtIpuShpasugandhiH | unnatapInapayodharabhArA prAvR^iT kurute kasya na harSham ##?## || 45|| mAlinI viyadupachitameghaM bhUmayaH kandalinyo navakuTajakadambAmodino gandhavAhAH || shikhikulakalakekArAvaramyA vanAntAH sukhinamasukhina.n vA sarvamutkaNThayanti || 46|| AryA upari ghana.n ghanapaTala.n tiryaggirayo.api nartitamayUrAH | kShitirapi kandaladhavalA dR^iShTiM pathikaH kva yApayatu ##?## || 47|| shikhariNI ito vidyudvallIvilasitamitaH ketakitaroH sphuradgandhaH prodyajjaladaninadasphUrjitamitaH || itaH kekIkriDAkalakalaravaH pakShmaladR^ishAM katha.n yAsyantyete virahadivasAH sambhR^itarasAH ##?## || 48|| shikhariNI asUchIsa.nchAre tamasi nabhasi prauDhajalada dhvaniprAye tasmin patati dR^ishadA.n nIranichaye || ida.n saudAminyAH kanakakamanIya.n vilasitaM muda.n cha glAni.n cha prathayati pathiShveva sudR^ishAm || 49|| shArdUlavikrIDita AsAreShu na harmyataH pritatamairyAtu.n yadA shakyate shItotkampanimittamAyatadR^ishA gADha.n samAli~Ngyate || jAtAH shIkarashItalAshcha marutashchAtyantakhedachChido dhanyAnA.n bata dursina.n sudinatA.n yAti priyAsa~Ngame || 50|| sragdharA ardha.n nItvA nishAyAH sarabhasasuratAyAsakhinnashlathA~NgaH prodbhUtAsahyatR^iShNo madhumadanirato harmyapR^iShThe vivikte || sambhogAklAntakAntAshithilabhujalatA.a.avarjita.n karkarIto jyotsnAbhinnAchChadhAra.n na pibati salila.n shAradaM ma.ndabhAgyaH || 51|| shArdUlavikrIDita hemante dadhidugdhasarpirashanA mA~njiShThavAsobhR^itaH kAshmIradravasAndradigdhavapuShaH khinnA vichitrai rataiH || pInorustanakAminIjanakR^itAshleShA gR^ihyAbhyantare tAmbUlIdalapUgapUritamukhA dhanyAH sukha.n sherate || 52|| sragdharA prodyatprauDhapriya~NgudyutibhR^iti vidalatkundamAdyad.hdvirephe kAle prAleyavAtaprachalavikasitoddAmamandAradAmni || yeShA.n no kaNThalagnA kShaNamapi tuhinakShodadakShA mR^igAkShI teShAmAyAmayAmA yamasadanasamA yAminI yAti yUnAm || 53|| %s shishiraR^itu sragdharA chumbanto gaNDabhittIralakavati mukhe sItkR^itAnyAdadhAnA vakShaHsUtka~nchukeShu stanabharapulakodbhedamApAdayantaH || UrUnAkampayantaH pR^ithujaghanataTAtsra.nsayanto.n.ashukAni vyakta.n kAntAjanAnA.n viTacharitakR^itaH shaishirA vAnti vAtAH || 54|| shArdUlavikrIDita keshAnAkulayan dR^isho mukulayan vAso balAdAkShipan.h Atanvan pulakodgamaM prakaTayannAvegakampa.n gataiH || vAra.nvAramudArasItkR^itakR^ito dantachChadAnpIDayan.h prAyaH shaishira eSha samprati marutkAntAsu kAntAyate || 55|| upajAti vishramya vishramya vanadrumANA.n ChAyAsu tanvI vichachAra kAchit | stanottarIyeNa karod.hdhR^itena nivArayantI shashino mayUkhAn || 56|| hariNI praNayamadhurAH premodgADhA rasAdalasAstato bhaNitimadhurA mugdhaprAyAH prakAshitasammadAH || prakR^itisubhagA vishrambhArhAH smarodayadAyino rahasi kimapi svairAlApA haranti mR^igIdR^ishAm || 57|| upajAti adarshane darshanamAtrakAmA dR^iShTvA pariShva~NgasukhaikalolAH || Ali~NgitAyAM punarAyatAkShyAM AshAsmahe vigrahayorabhedam || 58|| rathoddhatA mAlatI shirasi jR^imbhaNonmukhI chandana.n vapuShi ku~NkumAnvitam || vakShasi priyatamA manoharA svarga eva parishiShTa AgataH || 59|| shArdUlavikrIDita prA~NmAmeti manAganAgatarasa.n jAtAbhilAShA.n tataH savrIDaM tadanu shlathIkR^itatanu pradhvastadhairyaM punaH || premArdra.n spR^ihaNIyanirbhararahaHkrIDApragalbhaM tato niHsha~NkA~NgavikarShaNAdhikasukha.n ramya.n kulastrIratam || 60|| mAlinI urasi nipatitAnA.n srastadhammillakAnAM mukulitanayanAnA.n ki~nchidunmIlitAnAm || uparisuratakhedasvinnagaNDasthalInAM adharamadhu vadhUnAM bhAgyavantaH pibanti || 61|| anuShTubh.h unmattapremasa.nrambhAdArabhante yada~NganAH || tatra pratyUhamAdhAtuM brahmA.api khalu kAtaraH || 62|| AryA AmIlitanayanAnA.n yatsurataraso.anu sa.nvidaM bhAti | mithunairmitho.avadhAritamavitathamidameva kAmanirvahaNam || 63|| vasa.ntatilakA mattebhakumbhapariNAhini ku~NkumArdre kAntApayodharataTe rasakhedakhinnaH || vakSho nidhAya bhujapa~njaramadhyavartI dhanyaH kShapA.n kShapayati kShaNalabdhanidraH || 64|| anuShTubh.h etatkAmaphala.n loke yad.hdvayorekachittatA | anyachittakR^ite kAme shavayoreva sa~NgamaH || 65|| shAlinI eko devaH keshavo vA shivo vA hyekaM mitraM bhUpatirvA yatirvA | eko vAsaH pattane vA vane vA hyekA bhAryA su.ndarI vA darI vA || 65\-a|| upajAti mAtsaryamutsArya vichArya kAryamAryAH samaryAdamida.n vadantu || sevyA nitambAH kimu bhUdharaNAmuta smarasmeravilAsinInAm || 66|| anuShTubh.h AvAsaH kriyatA.n gA~Nge pApavAriNi vAriNi | stanamadhye taruNyA vA manohAriNi hAriNi || 67|| mAlinI dishaH vanahariNIbhyaH snigdhava.nshachChavInAM kavalamupalakoTichChinnamUla.n kushAnAm || shukayuvatikapolApANDu tAmbUlavallI\- dalamarUNanakhAgraiH pATita.n vA vadhUbhyaH || 69|| sragdharA sa.nsAre.asminnasAre pariNatitarale dve gatI paNDitAnAM tattvaj~nAnAmR^itAmbhaHplavalulitadhiyA.n yAtu kAlaH katha~nchit || nochenmugdhA~NganAnA.n stanajaghanabharAbhogasambhoginInAM sthUlopasthasthalIShu sthagitakaratalasparshalolodyatAnAm || 70|| shikhariNI bhavanto vedAntapraNihitadhiyAmAptaguravo vishitrAlApAnA.n vayamapi kavInAmanucharAH || tathApyetad brUmo na hi parahitAtpuNyamadhikaM na chAsminsa.nsAre kuvalayadR^isho ramyamaparam || 71|| mAlinI kimiha bahubhiruktairyuktishUnyaiH pralApaiH dvayamiha puruShANA.n sarvadA sevanIyam || abhinavamadalIlAlAlasa.n su.ndarINAM stanabharaparikhinna.n yauvana.n va vana.n vA || 72|| sragdharA rAgasyAgArameka.n narakashatamahAduHkhasamprAptihetuH mohasyotpattibIja.n jaladharapaTala.n j~nAnatArAdhipasya || kandarpasyaikamitraM prakaTitavividhaspaShTadoShaprabandhaM loke.asminna hyanarthavrajakulabhavana.n yauvanAdanyadasti || 73|| shArdUlavikrIDita shR^i.ngAradrumanIrade prasR^imarakrIDArasa srotasi pradyumnapriyabAndhave chaturatAmuktAphalodanvati || tanvInetrachakorapArvaNavidhau saubhAgyalakShmInidhau dhanyaH ko.api na vikriyA.n kalayati prApte nave yauvane || 74|| sragdharA rAja.nstR^iShNAmburAsherna hi jagati gataH kashchidevAvasAnaM ko vArtho.arthai prabhUtaiH svavapuShi galite yauvane sAnurAge || gachChAmaH sadma tAvadvikasitakumudendIvarAlokinInAM yAvachchAkramya rUpaM jhaTini na jarayA lupyate preyasInAm || 75|| shArdUlavikrIDita jAntyandhAya cha durmukhAya cha jarAjIrNAkhilA~NgAya cha grAmINAya cha duShkulAya cha galatkuShThAbhibhUtAya cha || yachChantIShu manohara.n nijavapurlakShmIlavAkA~NkShayA paNyastrIShu vivekakalpalatikAshastrIShu rajyeta kaH ##?## || 76|| anuShTubh.h veshyA.asau madanajvAlA rUpendhanavivardhitA | kAmibhiryatra hUyante yauvanAni dhanAni cha || 77|| AryA kashchumbati kulapuruSho veshyAdharapallavaM manoj~namapi | chArabhaTachauracheTakanaTaviTaniShThIvanasharAvam ##?## || 78 sragdharA sa.nsAre.asminnasAre kunR^ipatibhavanadvArasevAvalamba vyAsa~Ngadhvastadhairya.n kathamamaladhiyo mAnasa.n sa.nvidadhyu: ##?## || yadyetAH prodyadindudyutini vayabhR^ito na syurambhojanetrAH pre~NkhatkA~nchIkalApAH stanabharavinamanmadhyabhAjastaruNyaH ##?## || 79|| shArdUlavikrIDita siddhAdhyAsitakandare haravR^iShaskandhAvarugNadrume ga~NgAdhautashilAtale himavataH sthAne sthite shreyasi || kaH kurvIta shiraH pramANamalinaM mlAnaM manasvI jano yadvitrastarakura~NgashAvanayanA na syuH smarAstra.n striyaH || 80|| anuShTubh.h sa.nsArodadhinistAra padavI na davIyasI | antarA dustarA na syuryadi re madirekShaNA || 81|| i.ndravajrA satya.n janA vachmi na pakShapAtAllokeShu saptasvapi tathyametat | nAnyanmanohAri nitambinIbhyo duHkhaikaheturna cha kashchidanyaH || 82|| shArdUlavikrIDita kAntetyutpalalochaneti vipulashroNIbharetyutsukaH pInottu~Ngapayodhareti sumukhAmbhojeti subhrUriti || dR^iShTvA mAdyati modate.abhiramate prastauti vidvAnapi pratyakShAshuchibhastrikA.n striyamaho mohasya dushcheShTitam ##!## || 83|| anuShTubh.h smR^itA bhavati tApAya dR^iShTvA chonmAdavardhinI | spR^iShTA bhavati mohAya ##!## sA nAma dayitA katham ##?## || 84|| anuShTubh.h tAvadevAmR^itamayI yAvallochanagocharA | chakShuHpathAdatItA tu viShAdapyatirichyate || 85|| anuShTubh.h nAmR^ita.n na viSha.n ki~nchidekAM muktvA nitambinIm | saivAmR^itarutA raktA viraktA viShavallarI || 86|| sragdharA AvartaH sa.nshayAnAmavinayabhavanaM pattana.n sAhasAnAM doShANA.n sa.nvidhAna.n kapaTashatamaya.n kShetramapratyayAnAm || svargadvArasya vighnau narakapuramukha.n sarvamAyAkaraNDaM strIyantra.n kena sR^iShTa.n viShamamR^itamayaM prANilokasya pAshaH || 87|| shArdUlavikrIDita no satyena mR^igA~Nka eSha vadanIbhUto na chendIvara\- dvandva.n lochanatA.n gataM na kanakairapya~NgayaShTiH kR^itA || ki.n tveva.n kavibhiH pratAritamanAstattva.n vijAnannapi tva~N.hmA.nsAsthimaya.n vapurmR^igadR^ishAM mando janaH sevate || 88|| upajAti lIlAvatInA.n sahajA vilAsAsta eva mUDhasya hR^idi sphuranti || rAgo nalinyA hi nisargasiddhastatra bhramatyeva vR^ithA ShaDa~NghriH || 89|| shikhariNI yadetatpUrNendudyutiharamudArAkR^itivaraM mukhAbja.n tanva~NgyAH kila vasati tatrAdharamadhu || ida.n tatkimpAkadrumaphalamivAtIva virasaM vyatIte.asmin kAle viShamiva bhaviShyatyasukhadam || 90|| shArdUlavikrIDita agrAhya.n hR^idaya.n yathaiva vadana.n yaddarpaNAntargataM bhAvaH parvatasUkShmamArgaviShamaH strINA.n na vij~nAyate || chittaM puShkarapatratoyatarala.n vidvadbhirAsha.nsitaM nArI nAma viShA~Nkurairiva latA doShaiH sama.n vardhitA || 91|| anuShTubh.h jalpanti sArdhamanyena pashyantyanya.n savibhramam | hR^idgata.n chintayantyanyaM priyaH ko nAma yoShitAm ##?## || 92|| vaitAlIya madhu tiShThati vAchi yoShitA.n hR^idi hAlAhalameva kevalam | ata eva nipIyate.adharo hR^idayaM muShTibhireva tADyate || 93|| mAlinI iha hi madhuragIta.n nR^ityametadraso.ayaM sphurati parimalo.asau sparsha eSha stanAnAm | iti hataparamArthairindriyairbhAmyamANaH svahitakaraNadakShaiH pa~nchabhirva~nchito.asi || 94|| mandAkrAntA shAstraj~no.api prathitavinayo.apyAtmabodho.api bADhaM sa.nsAre.asminbhavati viralo bhAjana.n sadgatInAm || yenaitasminnirayanagaradvAramud.hghATayantI vAmAkShINAM bhavati kuTilA bhrUlatA ku~nchikeva || 95|| shArdUlavikrIDita unmIlattrivalitara~NganilayA prottu~NgapInastana\- dvandvenodyatachakravAkamithunA vaktrAmbujodbhAsinI || kAntAkAradharA nadIyamabhitaH krUrAshayA neShyate sa.nsArArNavamajjana.n yadi tadA dUreNa santyajyatAm || 96|| hariNI apasara sakhe dUrAdasmAtkaTAkShaviShAnalAt.h prakR^itikuTilAdyoShitsarpAdvilAsaphaNAbhR^itaH || itaraphaNinA daShTaH shakyashchikitsitumauShadhe\- shchaturavanitAbhogigrasta.n tyajanti hi mantriNaH || 97|| puShpitAgrA idamanuchitamakramashcha pu.nsAM yadiha jarAsvapi mAnmathA vikArAH | yadapi cha na kR^ita.n nitambinInAM stanapatanAvadhi jIvita.n rata.n vA || 98|| vasantatilakA dhanyAsta eva taralAyatalochanAnAM tAruNyadarpaghanapInapayodharANAm || kShAmodaroparilasattrivalIlatAnAM dR^iShTvA.a.akR^iti.n vikR^itimeti mano na yeShAm || 99|| AryA viraho.api sa~NgamaH khalu paraspara.n sa~NgataM mano yeShAm | hR^idayamapi vighaTTita.n chetsa~Ngo viraha.n visheShayati || 100|| rathoddhatA ki.n gatena yadi sA na jIvati prANiti priyatamA tathA.api kim || ityudIrya navameghadarshane na prayAti pathikaH svamandiram || 101|| hariNI viramata budhA yoShitsa~NgAt sukhAtkShaNabha~NgurAt.h kuruta karuNAmaitrIpraj~nAvadhUjanasa~Ngamam || na khalu narake hArAkrAnta.n ghanastanamaNDalaM sharaNamathavA shroNIbimbaM raNanmaNimekhalam || 102|| shikhariNI yadA yogAbhyAsavyasanavashayorAtmamanaso\- ravichChinnA maitrI sphurati yaminastasya kimu taiH || priyANAmAlApairadharamadhubhirvaktravidhubhiH saniHshvAsAmodaiH sakuchakalashAshleShasurataiH ##?## || 103|| shikhariNI sudhAshubhra.n dhAma sphuradamalarashmiH shashadharaH priyAvaktrAmbhojaM malayajarasashchAtisurabhiH || srajo hR^idyAmodAstadidamakhila.n rAgiNi jane karotyantaHkShobhaM na tu viShayasa.nsargavimukhe || 104|| ma.ndAkrAntA bAle lIlAmukulitamamI su.ndarA dR^iShTipAtAH ki.n kShipyante virama virama vyartha eSha shramaste || sampratyantye vayasi virataM bAlyamAsthA vanAnte kShINo mohastR^iNamiva jagajjAlamAlokayAmaH || 105|| shikhariNI iyaM bAlA mAM pratyanavaratamindIvaradala\- prabhAchora.n chakShuH kShipati kimabhipretamanayA ##?## || gato moho.asmAka.n smarashabarabANavyatikara\- jvalajjvAlAH shA.ntAstadapi na varAkI viramati || 106|| shArdUlavikrIDita ki.n kandarpa ##!## shara.n kadarthayasi re kodaNDajha~NkAritai ##?## re re kokila komala.n kalarava.n ki.n vA vR^ithA jalpasi || mugdhe ##!## snigdhavidagdhamugdhamadhurairlolaiH kaTAkShairalaM chetaH samprati cha.ndrachUDacharaNadhyAnAmR^ite vartate ||107|| shikhariNI yadA.a.asIdaj~nAna.n smaratimirasa~nchArajanitaM tadA sarva.n nArImayamidamasheSha.n jagadabhUt | idAnImasmAkaM paTutaravivekA~njanadR^ishAM samIbhUtA dR^iShTistribhuvanamapi brahma manute || 108|| bhartR^iharikR^ita shatakatrayI ## Bhartrihari's three hundred-verse sets Pages 125-214 Editted and translated in 1969 by L. G. Vinjhe. (Translation not included here.) Copyright Nirnayasagar Publisher ## nirNayasAgara prakAshana\, mumbaI 400002## 26-28 Dr. M. B. Velkar Street Mumbai 400002 \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}