%@@1
% File name             : tarka2.itx
%--------------------------------------------
% Text title            : Tarka-Samgraha of Annambhatta
% Author                : Annambhatta
% Language              : Sanskrit
% Subject               : philosophy/hinduism
% Description/comments  : Tarka-Samgraha with the Dipika of Annambhatta and 
%                         notes" translated by Swami Virupaksananda, 
%                         Sri Ramakrishna Math, Madras, 1984, ISBN 81-7120-674-3
% Transliterated by     : Sovarel Vlad svlad1972@rediffmail.com
% Proofread by          : Sovarel Vlad svlad1972@rediffmail.com
% Latest update         : June 29, 2001
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
%--------------------------------------------------------
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Tarka-Sangraha of Annambhatta ..}##
\itxtitle{.. annambhaTTalikhita tarkasa.ngraha ..}##\endtitles ##
nidhaaya hR^idi vishveshaM vidhaaya guruvandanam |
baalaanaaM sukhabodhaaya kriyate tarkasa.ngrahaH ||

dravyaguNakarmasaamaanyavisheshhasamavaayaa.abhaavaaH
saptapadaarthaaH || 1||

tatra dravyaaNi
pR^ithivyaptejovaayvaakaashaakaaladigaatmamanaa.nsi navaiva || 2||

ruuparasagandhasparshasa.nkhyaaparimaaNapR^ithaktvasa.nyogavibhaga\-
paratvaaparatvagurutva\-
dravatva\-sneha\-shabda\-buddhi\-sukha\-duHkhechchhaa\-dveshha\-prayatna\-
dharmaadharma\-sa.nskaaraaH chaturvi.nshatirguNaaH || 3||

utkShepaNaapakShepaNaaku~nchanaprasaaraNagamanaani
pa~ncha karmaaNi || 4||

paramaparaM cheti dvividhaM saamaanyam || 5||

nityadravyavR^ittayo visheshhaastvanantaa eva || 6||

samavaayastveka eva || 7||

abhaavashchaturvidhaH praagabhaavaH pradhva.nsaabhaavaH
atyantaabhaavaH anyonyaabhaavashcheti || 8||

tatra gandhavatii pR^ithivii |
saa dvividhaanityaa.anityaa cha |
nityaa paramaaNuruupaa |
anityaa kaaryaruupaa |
punastrividhaa shariirendriyavishhayabhedaat |
shariiramasmadaadiinaam |
indriyaM ganddhagraahakaM ghraaNam |
tachcha naasaagravarti |
vishhayo mR^itpaashhaaNaadiH || 9||

shiitasparshavatyaH aapaH |
taa dvividhaaH nityaa anityaashcha |
nityaH paramaaNuruupaaH |
anityaaH kaaryaruupaaH |
punastrividhaa shariirendriyavishhayabhedaat |
shariiraM varuNaloke |
indriyaM rasagraahakaM rasanaM jihvaagravarti |
vishhayaH saritsamudraadiH || 10||

ushhNasparshavattejaH |
tachcha dvividhaM nityamanityaM cha |
nityaM paramaaNuruupaM |
anityaM kaaryaruupaM |
punastrividhaM shariirendriyavishhayabhedaat |
shariiramaadityaloke prasiddham |
indriyaM ruupagraahakaM chakShuH kR^ishhNataaraagravarti |
vishhayashchaturvidhaH bhaumadivyaudaryaakaraja bhedaat |
bhaumaM vahnyaadikam |
abindhanaM divyaM vidyudaadi |
bhuktasya pariNaamaheturaudaryam |
aakarajaM suvarNaadi || 11||

ruuparahiitaH sparshavaanvaayuH |
sa dvividhaH nityo.anityashcha |
nityaH paramaaNuruupaH |
anityaH kaaryaruupaH |
punastrividhaH shariirendriyavishhayabhedaat |
shariiraM vaayuloke |
indriyaM sparshagraahakaM tvaksarvashariiravarti |
vishhayo vR^ikShaadikampanahetuH || 12||

shariiraantaHsa.nchaarii vayuH praaNaH |
sa cha eko.apyupaadhibhedaatpraaNaapaanaadisa.nj~naaM labhate || 13||

shabdaguNakamaakaasham |
tachchaikaM vibhu nitya~ncha || 14||

atiitaadivyavahaarahetuH kaalaH |
sa chaiko vibhurnityshcha || 15||

praachyaadivyavahaaraheturdik |
saa chaikaa vibhvii nityaa cha || 16||

j~naanaadhikaraNamaatmaa |
sa dvividhaH paramaatmaa jiivaatmaa cha |
tatreshvaraH sarvaj~naH paramaatmaika eva |
jiivaatmaa pratishariiraM bhinno vibhurnityashcha || 17||

sukhaadyupalabdhisaadhanamindriyaM manaH |
tachcha pratyaatmaniyatatvaadanantaM paramaaNuruupaM nityaM
cha || 18||

chakShurmaatragraahyo guNo ruupam |
tachcha shuklaniilapiitaraktaharitakapishachinna
bhedaatsaptavidham |
pR^ithiviijalatejovR^itti |
tatra pR^ithivyaaM saptavidham |
abhaasvarashuklaM jale |
bhaasvarashuklaM tejasi || 19||

rasanagraahyo guNo rasaH |
sa cha madhuraamlalavaNakaTukashhaayatiktabhedaat
shhaDvidhaH |
pR^ithiviijalavR^ittiH | tatra pR^ithivyaaM shhaDvidhaH|
jale madhura eva || 20||

ghraaNagraahyo guNo gandhaH |
sa dvividhaH surabhirasurabhishcha |
pR^ithiviimatravR^ittiH || 21||

tvagindriyamaatragraahyo guNaH sparshaH |
sa cha trividhaH shiitoshhNaanushhNaashiitabhedaat |
pR^ithivyaptejovaayuvR^ittiH |
tatra shiito jale |
ushhNastejasi |
anushhNaashiitaH pR^ithiviivaayvoH || 22||

ruupaadichatushhTayaM pR^ithivyaaM paakajamanityaM cha |
anyatra apaakajaM nityamanityaM cha |
nityagataM nityam |
anityagatamanityam || 23||

ekatvaadivyavahaarahetuH sa.nkhyaa |
saa navadravyavR^ittiH ekatvaadiparaardhaparyantaa |
ekatvaM nityamanityaM cha |
nityagataM nityam |
anityagatamanityam |
dvitvaadikaM tu sarvatraa.anityameva || 24||

maanavyavahaaraasaadhaaraNakaaraNaM parimaaNam |
navadravyavR^ittiH |
tachchaturvidham |
anu mahaddiirghaM hR^isvaM cheti || 25||

pR^ithagvyavahaaraasaadhaaraNakaaraNaM pR^ithaktvam |
sarvadravyavR^ittiH || 26||

sa.nyuktavyavahaarahetuH sa.nyogaH |
sarvadravyavR^ittiH || 27||

sa.nyoganaashako guNo vibhaagaH |
sarvadravyavR^ittiH || 28||

paraaparavyavahaaraasaadhaaraNakaaraNe paratvaaparatve |
pR^ithivyaadichatushhTaya manovR^ittinii |
te dvividhe dikkR^ite kaalakR^ite cha |
duuraste dikkR^itaM paratvam |
samiipasthe dikkR^itamaparatvam |
jyeshhThe kaalakR^itaM paratvam |
kanishhThe kaalakR^itamaparatvam || 29||

aadyapatanaasamavaayikaaraNaM gurutvam |
pR^ithiviijalavR^itti || 30||

aadyasyandanaasamavaayikaaraNaM dravatvam |
pR^ithivyaptejovR^itti |
taddvividhaM saa.nsiddhikaM naimittikaM cha |
saa.nsiddhikaM jale |
naimittikaM pR^ithiviitejasoH |
pR^ithivyaaM ghR^itaadaavagni sa.nyogajaM dravatvam |
tejasi suvarNaadau || 31||

chuurNaadipiNDiibhaavaheturguNaH snehaH |
jalamaatravR^ittiH || 32||

shrotragraahyo guNaH shabdaH aakaashamaatravR^ittiH |
sa dvividhaH dhvanyaatmakaH varNaatmakashcha |
tatra dhvanyaatmakaH bheryaadau |
varNaatmakaH sa.nskR^itabhaashhaadiruupaH || 33||

sarvavyavahaaraheturguNo buddhirj~naanam |
saa dvividhaa smR^itiranubhavashcha |
sa.nskaaramaatrajanyaM j~naanaM smR^itiH |
tadbhinnaM j~naanamanubhavaH |
sa dvividhaH yathaartho.ayathaarthashcha |
tadvati tatprakaarako.anubhavo yathaarthaH |
yathaa rajate idaM rajatamiti j~naanam |
saiva prametyuchyate |
tadabhaavavati tatprakaarako.anubhavo.ayathaarthaH |
yathaa shuktaavida.nrajatamiti j~naanam |
saiva aprametyuchyate || 34||

yathaarthanubhavashchaturvidhaH
pratyakShaanumityupamitishaabdabhedaat |
tatkaraNamapi chaturvidhaM
pratyakShaanumaanopamaanashaabdabhedaat ||35||

asaadhaaraNaM kaaraNaM karaNam |
kaaryaniyatapuurvavR^itti kaaraNaM |
kaaryaM praagabhaavapratiyogi || 36||

kaaraNaM trividhaM samavaayyasamavaayinimittabhedaat |
yatsamavetaM kaaryamutpadyate tatsamavaayikaaraNam |
yathaa ta.ntavaH paTasya paTashcha svagataruupaadeH |
kaaryeNa kaaraNena vaa sahaikasminnarthe samavetatve sati
yatkaaraNaM
tadasamavaayikaaraNam |
yathaa ta.ntusa.nyogaH paTasya tanturuupaM paTaruupasya |

tadubhayabhinnaM kaaraNaM nimittakaaraNam |
yathaa turiivemaadikaM paTasya |
tadetattrividhakaaraNamadhye yadasaadhaaraNaM kaaraNaM
tadeva karaNam || 37||

tatra pratyakShaj~naanakaraNaM pratyakSham |
indriyaarthasa.nnikarshhajanyaM j~naanaM pratyakSham |
taddvividhaM nirvikalpakaM savikalpakaM cheti |
tatra nishhprakaaraNaM j~naanaM nirvikalpakaM yathedaM
ki~nchit |
saprakaarakaM j~naanaM savikalpakaM yathaa Dittho.ayaM
braahmaNo.ayaM shyaamo.ayaM
paachako.ayamiti || 38||

pratyakShaj~naanaheturindriyaarthasa.nnikarshhaH
shhaDvidhaH |
sa.nyogaH sa.nyuktasamavaayaH sa.nyuktasamavetasamavaayaH
samavaayaH
samavetasamavaayaH visheshhaNavisheshhyabhaavashcheti |
chakShushhaa ghaTapratyakShajanane sa.nyogaH sa.nnikarshhaH |

ghaTaruupapratyakShajanane sa.nyuktasamavaayaH
sa.nnikarshhaH |
chakShuH sa.nyukte ghaTe ruupasya samavaayaat |
ruupatvasaamaanyapratyakShe sa.nyuktasamavetasamavaayaH
sa.nnikarshhaH |
chakShuH sa.nyukte ghaTe ruupaM samavetaM tatra
ruupatvasya samavaayaat |
shrotreNa shabdasaakShaatkaare samavaayaH sa.nnikarshhaH
karNavivaravartyaakaashasya
shrotratvaat shabdasyaakaashaguNatvaadguNaguNinoshcha
samavaayaat |
shabdatvasaakShaatkaare samavetasamavaayaH sa.nnikarshhaH
shrotrsamavete shabde
shabdatvasya samavaayaat |
abhaavapratyakShe visheshhaNavisheshhyabhaavaH sa.nnikarshhaH
ghaTaabhaavavadbhuutalamityatra
chakShuH sa.nyukte bhuutale ghaTaabhaavasya visheshhaNatvaat |

evaM sa.nnikarshhashhaTkajanyaM j~naanaM pratyakShaM
tatkaraNamindriyaM
tasmaatindriyaM pratyakShapramaaNamiti siddham || 39||

anumitikaraNamanumaanam |
paraamarshajanyaM j~naanamanumitiH |
vyaaptivishishhTapakShadharmataaj~naanaM |
yathaa vahnivyaapyadhuumavaanayaM parvata iti j~naanaM
paraamarshaH |
tajjanyaM parvato vahnimaaniti j~naanamanumitiH |
yatra yatra dhuumastatra tatraagniriti saahacharyaniyamo
vyaaptiH |
vyaapyasya parvataadivR^ittitvaM pakShadharmataa || 40||

anumaanaM dvividhaM svaarthaM paraarthaM cha |
tatra svaarthaM svaanumitihetuH tathaahi svaayameva
bhuuyodarshanena yatra yatra
dhuumastatra tatraagniriti mahaanasaadau vyaaptiM gR^ihiitvaa
parvatasamiipaM gataH
tadgate chaagnau sandihaanaH parvate dhuumaM pashyanvyaaptiM
smarati yatra yatra
dhuumastatra tatraagniriti |
tadanantaraM vahnivyaapyadhumavaanayaM parvata iti
j~naanamutpadyate ayameva
lishNgaparaamarsha ityuchyate |
tasmaatparvato vahnimaaniti j~naanamanumitiH utpadyate |

tadetatsvaarthaanumaanam |
yattu svayaM dhumaagnimanumaaya paraMpratibodhayituM
pa~nchaavayava vaakyaM prayujyate
tatparaarthaanumaanam |
yathaa parvato vahnimaandhuumatvaadyo yo dhuumavaansa
vahnimaanyathaa mahaanasaH tathaa
chaayaM tasmaattatheti |
anena pratipaaditaallishhNgaatparo.apyagniM pratipadyate || 41||

pratij~naahetuudaaharaNopanayanigamanaani pa~nchaavayavaaH |

parvato vahnimaaniti pratij~naa |
dhuumavatvaaditi hetuH |
yo yo dhuumavaansa vahnimaanyathaa mahaanasa ityudaaharaNam |

tathaa chaayamityupanayaH |
tasmaattatheti nigamanam || 42||

svaarthaanumitiparaarthaanumityoH lishNgaparaamarsha eva
karaNam |
tasmaallishNgaparaamarsho.anumaanam || 43||

lishNgaM trividham |
anvayavyatireki kevalaanvayi kevalavyatireki cheti |
anvayena vyatirekeNa cha vyaaptimadanvayavyatireki |
yathaa vahnau saadhye dhuuvattvam |
yatra dhuumastatraagniryathaa mahaanasa ityanvayavyaaptiH |
yatra vahnirnaasti tatra dhuumo.api naasti yathaa mahaahR^ida
iti vyaptirekavyaaptiH |
anvayamaatravyaaptikaM kevalaanvayi |
yathaa ghaTo.abhidheyaH prameyatvaatpaTavat |
atra prameyatvaabhidheyatvayoH vyatirekavyaaptirnaasti
sarvasyaapi
prameyatvaadabhidheyatvaachcha |
vyatirekamaatravyaaptikaM kevalavyatireki yathaa
pR^ithiviitarebhyo bhidyate gandhavattvaat |
yaditarebhyo na bhidyate na tadgandhavadyathaa jalam |
na cheyaM tathaa |
tasmaanna tatheti |
atra yadgandhavattaditarabhinnamityanvayadR^ishhTaanto
naasti pR^ithiviimaatrasya
pakShatvaat || 44||

sandigdhasaadhyavaanpakShaH |
yathaa dhuumavattve hetau parvataH |
nishchitasaadhyavaansapakShaH yathaa tatraiva mahaanasam |
nishchitasaadhyaa.abhaavavaanvipakShaH yathaa tatraiva
mahaahradaH || 45||

savyabhichaaraviruddhasatpratipakShaasiddhabaadhitaaH pa~ncha
hetvaabhaasaaH |
savyabhichaaro.anaikaantikaH |
sa trividhaH saadhaaraNaasaadhaaraNaanupasa.nhaaribhedaat |
tatra saadhyaabhaavavadvR^ittiH saadhaaraNo.anaikaantikaH yathaa
parvato vahnimaanprameyatvaaditi |
prameyatvasya vahnyabhaavavati hrade vidyamaanatvaat |
sarvasapakShavipakShavyaavR^ittaH pakShamaatravR^ittiH
asaadhaaraNaH |
yathaa shabdo nityaH shabdatvaaditi |
shabdatvaM hi sarvebhyo nityebhyo.anityebhyashcha
vyaavR^ittaM shabdamaatravR^ittiH |
anvayavyatirekadR^ishhTaantarahito.anupasa.nhaarii |
yathaa sarvamanityaM prameyatvaaditi |
atra sarvasyaapi pakShatvaaddR^ishhTaanto naasti |
saadhyaabhaavavyaapto heturviruddhaH |
yathaa shabdo nityaH kR^itakatvaaditi |
kR^itakatvaM hi nityatvaabhaavenaa.anityatvena vyaaptam |
yasya saadhyaabhaavasaadhakaM hetvantaraM vidyate sa
satpratipakShaH |
yathaa shabdo nityaH shraavaNatvaachchhabdatvavat |
shabdo.anityaH kaaryatvaadghaTavat |
asiddhastrividhaH aashrayaasiddhaH svaruupaasiddho
vyaapyatvaasiddhashcheti |
aashrayaasiddho yathaa gaganaaravindaM surabhi
aravindatvaatsarojaaravindavat |
atra gaganaaravindamaashrayaH sa cha naastyeva |
svaruupaasiddho yathaa shabdo guNashchaakShushhatvaat |
atra chaakShushhatvaM shabdaM naasti shabdasya
shraavaNatvaat |
sopaadhiko hetuH vyaapyatvaasiddhaH |
saadhyavyaapakatve sati saadhanaavyaapakatvamupaadhiH |
saadhyasamaanaadhikaraNaatyantaabhaavaapratiyogitvaM
saadhyavyaapakatvam |
saadhanavannishhThaatyantaabhaavapratiyogitvaM
saadhanaavyaapakatvam |
parvato dhuumavaanvahnimatvaadityatraardrendhanasa.nyoga
upaadhiH |
tathaahi |
yatra dhuumastatraardrendhanasa.nyoga iti saadhyavyaapakataa |

yatra vahnistatraardrendhanasa.nyogo naastyayogolake
aardrendhanasa.nyogaabhaavaaditi
saadhanaavyaapakataa |
evaM saadhyavyaapakatve asti
saadhanaavyaapakatvaardrendhanasa.nyoga upaadhiH |
sopaadhikatvaadvahnimattvaM vyaapyatvaasiddham |
yasya saadhyaabhaavaH pramaaNaantareNa nishchitaH sa
baadhitaH |
yathaa vahniranushhNo dravyatvaajjalavat |
atraanushhNatvaM saadhyaM tadabhaava ushhNatvaM
sparshanapratyakSheNa guhyate
iti baadhitatvam || 46||

upamitikaraNamupamaanam |
sa.nj~naasa.nj~nisambandhaj~naanamupamitiH |
tatkaraNaM saadR^ishyaj~naanam |
atideshavaakyaarthasmaraNamavaantara vyaapaaraH |
tathaa hi
kashchidgavayashabdaarthamajaanankutashchidaaraNyakapurushhaadgosadR^isho
gavaya iti shrutvaa vana gato vaakyaarthaM
smarangosadR^ishaM piNDaM pashyati |
tadanantaramasau gavayashabdavaachya
ityupamitirutpadyate || 47||

aaptavaakyaM shadbaH |
aaptastu yathaarthavaktaa |
vaakyaM padasamuuhaH |
yathaa gaamaanayeti |
shaktaM padam |
asmaatpadaadayamartho boddhavya itiishvarasa.nketaH
shaktiH || 48||

aakaashNkShaa yogyataa sa.nnidhishcha vaakyaarthaj~naanahetuH
padasya
padaantaravyatirekaprayuktaanvayaananubhaavakatvamaakaashNkShaa |

arthaabaagho yogyataa |
padaanaamavilambenochchaaraaraNaM sa.nnidhiH || 49||

aakaashNkShaadirahitaM vaakyamapramaaNam |
yathaa gaurashvaH purushho hastiiti na
pramaaNamaakaashNkShaavirahaat |
agninaa si~nchediti na pramaaNaM yogyataavirahaat |
prahare prahare.asahochchaaritaani gaamaanayetyaadipadaani na
pramaaNaM saamnidhyaabhaavaat || 50||

vaakyaM dvividham |
vaidikaM laukikaM cha |
vaidikamiishvaroktatvaatsarvameva pramaaNam |
laukikaM tvaaptoktaM pramaaNam |
anyadapramaaNam || 51||

vaakyaarthj~naanaM shabdaj~naanam |
tatkaraNaM shabdaH || 52||

ayathaarthaanubhavastrividhaH sa.nshayaviparyayatarkabhedaat |

ekasmindharmiNi viruddhanaanaadhrmvaishishhTyaavagaahi
j~naanaM sa.nshayaH |
yathaa sthaaNurvaa purushho veti |
mithyaaj~naanaM viparyayaH |
yathaa shuktau idaM rajatamiti |
vyaapyaaropeNa vyaapakaaropastarkaH yathaa yadi vahnirna
syaattarhi dhuumo.api na syaaditi || 53||

smR^itirapi dvividhaa |
yathaarthaayathaarthaa cha |
pramaajanyaa yathaarthaa |
apramaajanyaa.ayathaarthaa || 54||

sarveshhaamanukuulatayaa vedaniiyaM sukham || 55||

sarveshhaaM pratikuulatayaa vedaniiyaM duHkham || 56||

ichchhaa kaamaH || 57||

krodho dveshhaH || 58||

kR^itiH prayatnaH || 59||

vihitakarmajanyo dharmaH || 60||

nishhiddhakarmajanyastvadharmaH || 61||

buddhyaadayo.ashhTaavaatmamaatravisheshhaguNaaH || 62||

buddhiichchhaa prayatnaa dvividhaaH |
nityaa anityaashcha |
nityaa iishvarasyaanityaa jiivasya || 63||

sa.nskaarastrividhaH |
vego bhaavanaa sthitisthaapakashcheti |
vegaH pR^ithivyaadichatushhTayamanovR^ittiH |
anubhavajanyaa smR^itiheturbhaavanaa |
aatmamaatravR^ittiH |
anyathaakR^itasya punastadavasthaapakaH sthitisthaapakaH
kaTaadipR^ithiviivR^ittiH || 64||

chalanaatmakaM karma |
uurdhvadeshasa.nyogaheturutkShepaNam |
adhodeshasa.nyogaheturapakShepaNam |
shariirasa.nnikR^ishhTasa.nyogaheturaaku~nchanam |
viprakR^ishhTasa.nyogahetuH prasaaraNam |
anyatsarvaM gamanam |
pR^ithivyaadichatushhTayamanomaatravTti || 65||

nityamekamanekaanugataM saamaanyaM
dravyaguNakarmavR^itti |
taddvividhaM paraa.aparabhedaat |
paraM sattaa |
aparaM dravyatvaadiH || 66||

nityadravyavR^ittayo vyaavartakaa visheshhaaH || 67||

nityasambandhaH samavaayaH |
ayutasiddhavR^ittiH |
yayordvayormadhye
ekamavinashyadaparaa.ashritamevaavatishhThate
taavayutasiddhau
yathaa avayavaa.avayavinau kriyaakriyaavantau jaativyaktii
visheshhanityadravye cheti || 68||

anaadiH saantaH praagabhaavaH |
utpatteH puurvaM kaaryasya |
saadiranantaH pradhva.nsaH |
utpatyanantaraM kaaryasya |
traikaalikasa.nsargaavachchhinnapratiyogitaako.atyantaabhaavaH |

yathaa bhuutale ghaTo naastiiti |
taadaatmyasambandhaavachchhinnapratiyogitaako.anyonyaabhaavaH |
yathaa ghaTaH paTo neti || 69||

sarveshhaaM padaarthaanaaM yathaayathamukteshhvantarbhaavaatsaptaiva
padaarthaa iti siddham || 70||

kaNaadanyaayamatayorbaalavyutpattisiddhaye |
annaMbhaTTena vidushhaa rachitastarkasa.ngrahaH ||

iti shriimahaamahopaadhyaaya
annaMbhaTTavirachitatarkasa.ngrahaH samaaptaH ||
##
Encoded by Vlad Sovarel (svlad1972@rediffmail.com)
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}