%@@1
% File name             : tarkasangraha.itx
%--------------------------------------------
% Text title            : tarkasangraha
% Author                : Annambhatta
% Language              : Sanskrit
% Subject               : philosophy/hinduism/religion
% Description/comments  : Stepping stone forunderstanding the  Nyaya-Vaisheshika systems of logic.
% Transliterated by     : Ashish Chandra ashish_chandr70@hotmail.com
% Proofread by          : Ashish Chandra ashish_chandr70@hotmail.com
% Latest update         : May 20, 2001
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto #indian and others with \ mark
% are needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. tarkasa.ngraha 1-8 ..}##
\itxtitle{.. tarkasa.ngraha adhyaaya 1 \- 8 ..}##\endtitles ##
atha prathamo.adhyaaya |

nidhAya hR^idi vishveshaM vidhAya guruvandanam .
bAlAnAM sukhabodhAya kriyate tarkasa.ngraha .. 1 ..

     dIpikA
vishveshvaraM sAmbamUrtiM praNipatya girAM gurum .
TIkAM shishuhitAM kurve tarkasa.ngrahadIpikAm ..
chikIrShitasya granathasya nirvighnaparisamAptyarthaM
shiShTAchArAnumitashrutibodhitakartavyatAk\-iShTadevatAnamaskArAtmakaM
ma~NgalaM shiShyashikShAyai granthato nibadhna.nshchikIrShitaM pratijAnIte .

nidhAyeti . nanu ma~Ngalasya samAptisAdhanatvaM nAsti . ma~Ngale kR^ite.api
kiraNavalyAdau samAptyadarshanAt\, ma~NgalAbhAve.api kAdambarmAdau
samAptidarshanAchcha anvayavyatirekAbhyAM vyabhichArAditi chet na .
kiraNAvalyAdau vighnabAhulyAtsamAptyabhAvaH . kAdambaryAdau granthAdvahireva

ma~NgalaM kR^itmato na vyabhichAraH . nanu ma~Ngalasya ##(##granthAdau##)##
kartavyatve kiM pramANamiti chet na . shiShTAchArAnumitashruterev
pramANatvAt . tathA hi ma~NgalaM
veda\-bodhitkartavyatAkamalaukikAvigItashiShTAchAraviShayatvAddarshAdivat .
bhojanAdau vyabhichAra vAraNAya alaukiketi . rAtrishrAddhAdau
vyabhichAravAraNAya avigIteti . shiShTapadaM spaShTArtham . na
kuryAnniShphalaM karma iti jalatADanAderapi niShiddhatvAt . tarkyante
pratipAdyante iti tarkAH dravyAdipadArthAsteShAM sa.ngrahaH sa.nkShepeNa
svarUpakathanaM kriyata ityarthaH . kasmai prayojanAyetyata Aha .
sukhabodhAyeti . sukhenAnAyAsena yo bodhaH padArthaGYAnaM tasmA ityarthaH .
nanu bahuShu  tarkagratheShu satsu kimarthampUrvo.ayaM granthaH kriyata
ityata Aha . bAlAnAmiti . teShAmativistR^itatvAdvAlAnAM bodho na jAyata
ityarthaH . grahaNadhAraNapuTurbAlaH na tu stanandhayaH . kiM kR^itvA
kriyata ityata Aha . nidhAyeti . vishveshaM jaganniyantAram . hR^idi nidhAya

nitarAM sthApayitvA sadA taddhayAnaparo bhUtvetyarthaH . gurUNAM
vidyAgurUNAM\,vandanaM namskAraM\, vidhAya kR^itvetyarthaH ..
dravyaguNakarmasAmAnyavisheShasamavAyA.abhAvAH saptapadArthAH .. 2 ..

     dIpikA
padArthAn vibhjate . dravyeti . padasyArthaH padArthaH iti
vyutpattyAbhidheyatvaM padArthasAmAnyalakShaNam ##(##labhyate##)## . nanu
vibhAgAdeva saptatve siddhe sapta ##(##pada##)## grahaNaM vyarthamiti chet\,
na adhikasa.nkhyAvyavachChedArthakatvAt . nanvatiriktaH padArthaH
pramito vA na vA . nA.adyaH pramitasya niShedhAyogAt . na dvitIyaH
pratiyogipramitiM vinA niShedhAnupapatteriti chet\, na . padArthatvaM
dravyAdisaptAnyatamatvavyApyamiti vyavacChedArthakatvAt
##(##saptagrahaNam##)## . nanu saptAnyatamatvaM saptabhinnabhinnatvamiti
vaktavyam . saptabhinnasyAprasiddhayA kathaM saptAnyatamatvavyAptinishchaya
iti chet\, na . dravyAdisaptAnyatamatvaM nAma
dravyAdibhedasaptakAbhAvavattvam . ato doShavirahAt . evamagre.api
draShTavyam ..
tatra dravyANI pR^ithivyaptejovAyvAkAshakAladigAtmamanA.nsi navaiva .. 3 ..

     dIpikA
davyaM ##(##dravyANi##)## vibhajate . tatreti . tatra dravyAdimadhye .
dravyANi navaivetyanvayaH . kAni tAni ityata Aha . pR^ithivIti . nanu tamaso

dashamadravyasya vidyamAnatvAtkathaM navaiva dravyANIti . tathA hi . nIlaM
tamashchalatItyabAdhitapratItibalAnnIlarUpAdhAratayA kriyAdhAratayA cha
tamaso dravyatvaM tAvt siddham . tatra tamaso nAkAshAdipa~nchake.antarbhAvaH
rUpavattvAt . ata eva na vAyau\, sparshAbhAvAt sadAgatimattvAbhAvAchcha .

nApi tejasi\, bhAsvarUpAbhAvAt uShNasparshAbhAvAchcha . nApi jale\,
shItasparshAbhAvAt nIlarUpavattvAchcha . nApi pR^ithivyAM\, gandhAbhAvAt
sparsharahitatvAchcha . tasmAttamo dashamadravyamiti chet\, na .
tamasastejo.abhAvarUpatvAt . tathA hi . tamo na
rUpidravyamAlokAsahakR^itachakShurgrAhyatvAdAlokAbhAvavat .
rUpidravyachAkShuShapramAyAmAlokasya kAraNatvAt . tasmAt
prauDhaprakAshakatejassAmAnyAbhAvastamaH\, tatra nIlaM tamashchalati iti
pratyayo bhramaH . ato nava dravyANIti siddham . dravyatvajAtimattvaM
guNavattvaM vA dravyasAmAnyalakShaNam . lakShyaikadeshAvR^ittitvamavyAptiH .

yathA goH kapilatvam . alakShye lakShaNasya vartanamativyAptiH . yathA goH
shrR^i~Ngitvam . lakShyamAtrAvR^ittitvamasa.nbhavaH . yathA
gorekashaphavattvam . etaddUShaNatrayarahitadharmo lakShaNam . sa
evAsAdhAraNadharma ityuchyate .
lakShayatAvachChedakasamaniyatatvamasAdhAraNatvam . vyAvartakasyaiva
lakShaNatve vyAvR^ittAvabhideyatvAdau chAtivyAptiratastadvAraNAya
tadbhinnatvaM dharmavisheShaNaM deyam . vyavahArasyApi lakShaNaprayojanatve
tanna deyam . vyAvR^itterapi vyavahArasAdhanatvAt . nanu guNavattvaM na
dravyalakShaNam\, AdyakShaNAvachChinnaghaTe utpannaviniShTaghaTe
chAvyApteriti chet\, na . guNasamAnAdhikaraNasattAbhinnajAtimattvasya
vivakShitatvAt . nanvevamapi ekaM rUpaM rasAtpR^ithak iti
vyavahArAdrUpAdAvativyAptiriti chet\, na . ekArthasamavAyAdeva
tAdR^ishavyavahAropapattau guNe guNAna~NgIkArAt .
rUpa\-rasa\-gandha\-sparsha\-sa.nkhyA\-parimANa\-pR^ithak{}tva\-sa.nyoga\-vibhAga\-par
atvA\-.aparatva\-gurUtva\-dravatva\-s{}neha\-shabda\-buddhi\-sukha\-duHkhechChA
dveSha\-prayat{}na\-dharmAdharma\-sa.nskArAH chaturvi.nshatirguNAH .. 4 ..

     dIpikA
guNAnvibhajate . rUpeti . dravyakarmabhinnatve sati sAmAnyavAn guNaH .
guNatvajAtimAnvA . nanu laghutvakaThinatvamR^idutvAdInAM vidyamAnatvAt
kathaM chaturvi.nshatirguNA iti chet\, na . laghutvasya
gurUtvAbhAvarUpatvAnmR^idutvakaThinatvayoH avayavasa.nyogavisheShatvAt .
utkShepaNApakShepaNAku~nchanaprasAraNagamanAni pa~ncha karmANi .. 5 ..

     dIpikA
karma vibhajate . utkShepaNeti . sa.nyogabhinnatve sati
sa.nyogAsamavAyikAraNaM karma karmatvajAtimadvA . bhramaNAdInAmapi gamane
antarbhAvAnna pa~nchatvavirodhaH ..
paramaparaM cheti dvividhaM sAmAnyam .. 6 ..

     dIpikA
sAmAnyaM vibhajate . paramiti . paramadhikadeshavR^itti . aparaM
nyUnadeshavR^itti . sAmAnyAdichatuShTaye jAtirnAsti ..
nityadravyavR^ittayo visheShAstvanantA eva .. 7 ..

     dIpikA
visheShaM vibhajate . nityeti . pR^ithivyAdichatuShTayaparamANavaH
AkAshAdipa~nchakaM cha nityadravyANi .
samavAyastveka eva .. 8 ..

     dIpikA
samavAyasya bhedo nAstItyAha . samavAyastviti .
abhAvashchaturvidhaH \- prAgabhAvaH\, pradhva.nsAbhAvaH\,
atyantAbhAvaH\, anyonyAbhAvashcheti .. 9 ..

     dIpikA
abhAvaM vibhajate . prAgabhAveti .
\medskip\hrule\medskip
atha dvitiiyo.adhyaaya |

tatra gandhavatI pR^ithivI . sA dvividhA\-nityA.anityA cha . nityA
paramANurUpA . anityA kAryarUpA . punastrividhA sharIrendriya viShayabhedAt .
sharIramasmadAdInAm . indriyaM gandhagrAhakaM ghrANam . tachcha nAsAgravarti .
viShayo mR^itpAShANAdiH .. 1..

     dIpikA
tatroddeshakramAnusArAt prathamaM pR^ithivyA lakShaNamAha . tatreti . nAnA
padArthasa.nkIrtanamuddeshaH . uddeshakrame cha saravatrecChaivaM niyAmikA .
nanu surabhyasurabhyavayavAkhdhe dravye parasparavirodhena
gandhAnutpAdAdavyAptiH . na cha tatra gandhapratItyanupapattiriti vAcyam .
avayavagandhasyaiva tatra pratItisa.nbhavena chitragandhAna~NgIkArAt kiM
chotpannavinaShTaghaTAdAvavyAptiriti chet na .
gandhasamAnAdhikaraNadravyatvAparajAtimattvasya vivakShitatvAt . nanu
jalAdAvapi gandhapratItiriti chet na . anvayavyatirekAbhyAM
pR^ithivIgandhasyaiva tatra bhAnA~NgIkArAt . nanu kAlasya sarvAdhAratayA
sarveShAM lakShaNAnAM kAle.ativyAptiriti chet na .
sarvAdhAratAprayojakabhinnasa.nbandhena lakShaNatvasya vivakShitatvAt .
pR^ithivIM vibhajate . sA dvividheti . nityatvaM dhva.nsApratiyogitvam .
anityatvaM dhva.nsapratiyogitvam . prakArAntareNa vibhajate . punariti . Atmano

bhogAyatanaM sharIram . yadavacChinnAtmani bhogo jAyate tadbhogAyatanam .
sukhaduHkhasAkShAtkAro bhogaH . shabdetarodbhUtavisheShaguNAnAshrayatve sati
GYAnakAraNamanaH sa.nyogAshrayatvamindriyatvam . sharIrendriyabhinno
viShayaH . evaM cha gandhavacCharIraM pArthivasharIram\,
gandhavadindriyaM pArthivendriyam\, gandhavAn viShayaH pArthivaviShaya
iti tattallakShaNaM bodhyam . pArthivasharIraM darshayati . sharIramiti .
indriyaM darshayati . indriyamiti . gandhagrAhakamiti prayojanam . ghrANamiti
sa.nGYA . nAsAgretyAshrayoktiH . evamuttaratra GYeyam . pArthivaviShayaM
darshayati . mR^itapAShANAdIti .

shItasparshavatyaH ApaH . tA dvividhAH nityA anityAshcha . nityAH
paramANurUpAH . anityAH kAryarUpAH . punaH trividhAH
sharIrendriyaviShayabhedAt . sharIraM varUNaloke . indriyaM rasagrAhakaM
rasanaM jihvAgravarti . viShayaH sarit samudrAdiH .. 2..

     dIpikA
apAM lakShaNamAha . shIteti . utapannaviniShTajale.avyAptivAraNAya
shItasparshasamAnAdhikaraNadravyatvAparajAtimattvam . ##``##shItaM
shilAtalam##"## ityAdau jalasa.nbandhAdeva shItasparshabhAnamiti
nAtivyAptiH . anyatsarvaM pUrvarItyA vyAkhyeyam ..

uShNasparshavat tejaH . tachcha dvividhaM\, nityamanityaM cha . nityaM
paramANurUpam . anityaM kAryarUpam . punaH trividhaM
sharIrendriyaviShayabhedAt . sharIraM Adityaloke prasiddham . indriyaM
rUpagrAhakaM chakShuH kR^iShNatArAgravarti . viShayaH chaturvidhaH\,
bhauma\-divya\-audarya\-Akaraja bhedAt . bhaumaM vahnayAdikam . abindhanaM
divyaM vidyudAdi . bhuktasya pariNAmaheturaudaryam . AkarajaM suvarNAdi .. 3..

     dIpikA
tejaso lakShaNamAha . uShNasparshavaditi . ##`##uShNaM jalam##'## iti
pratItestejaH sa.nyogAnuvidhAyitvAnnAtivyAptiH . viShayaM vibhajate .
bhaumeti . nanu ##`##suvaNaM pArthivaM##'## pItatvAdgurUtvAt haridrAvat iti
chet na . atyantAnalasa.nyoge sati ghR^itAdau dravtvanAshadarshanena\,
jalamadhyasthaghR^itAdau tannAshAdarshanena cha asati pratibandhake
pArthivadravatvanAshAgnisa.nyogayoH kAryakAraNabhAvAvadhAraNAtsuvarNasya
atyantAnalasa.nyoge satyanucchhidyamAnadravatvAdhikaraNatvena
pArthivatvA.anupapatteH pItadravyadravatvanAshapratibandhakatayA
dravadravyAntarasiddhau naimittikadravatvAdhikaraNatayA jalatvAnupapatteH
rUpavattayA vAyvAdiShvanantarbhAvAttejasatvasiddhiH .
tasyoShNasparshabhAsvararUpayorUpaShTambhaka pArthivarUpasparshAbhyAM
pratibandhAdanupalabdhiH . tasmAt suvarNaM taijasamiti siddham .

rUparahitaH sparshavAn vAyuH . sa dvividhaH nityaH anityashcha . nityaH
paramANurUpaH . anityaH kAryarUpaH . punaH trividhaH sharIrendriyaviShaya
bhedAt . sharIraM vAyuloke . indriyaM sparshagrAhakaM tvak sarvasharIravarti .
viShayo vR^ikShAdikampanahetuH . sharIrAntaHsa.nchArI vAyuH prANaH . sa cha
eko.api upAdhibhedAt prANApAnAdisa.nj~nAM labhate .. 4 ..

     dIpikA
vAyuM lakShayati . rUparahiteti . AkAshAdAvativyAptivAraNAya sparshavAniti .
pR^ithivyAdAvativyAptivAraNAya rUparahiteti . prANasya kutrAntarbhAva ityata
Aha . sharIreti . sa cheti . eka evaH prANaH sthAnabhedAtprANApAnAdishabdaiH
vyavahriyata ityarthaH . sparshAnumeyo vAyuH . tathA hi ##-## yo.ayaM vAyau
vAti sati anuShNAshItasparsha upalabhyate sa kkachidAshritaH
guNatvAdrUpavat . na chAsya AshrayaH pR^ithivI
udbhUtasparshavatpArthivasyodbhUtarUpattvaniyamAt . na jala tejasi
anuShNAshItasparshavattvAt . na vibhuchatuShTayam sarvatropalabdhiprasa~NgAt .

na manaH paramANusparshasyAtIndriyatvAt . tasmAdyaH pratIyamAnasparshAshrayaH

sa vAyuH ##(##eva##)## . nanu vAyuH pratyakShaH pratyakShAshrayatvAt ghaTavat

iti chet na . udbhUtarUpasyopAdhitvAt . ##`## yatra dravyatve sati
bahirindriyajanyapratyakShatvaM\, tatra udbhUtarUpavattvam ##'## iti
sAdhyavyApakatvam . pakShe sAdhanAvyApakatvam . na chaivaM
taptavAristhatejaso.api apratyakShatvApattiH iShTatvAt .
tasmAdrUparahitatvAdvAyurapratyakShaH . idAnIM
kAryarUpapR^ithivyAdichatuShTayasyotpattivinAshakramaH kathyate . Ishvarasya
chikIrShAvashAtparamANuShu kriyA jAyate . tataH paramANudvayasa.nyoge
dvayaNukamutpadyate . tribhireva dvayaNukaistrayaNukamutpadyate . evaM
chaturaNukAdikrameNa mahatI pR^ithivIH\, mahatya ApaH\, mahattejaH\,

mahAnvAyurUtpadyate . evamutpannasya kAryadravyasya sa.njihIrShAvashAt
kriyayA paramANudvayavibhAge dvayaNukanAshaH . ityevaM pR^ithivyAdinAshaH .
asamavAyikAraNAshAt dvayaNukanAshaH . samavAyikAraNAshAt tryaNukanAsha iti
sa.npradAyaH sarvatrAsamavAyikAraNanAshAt dravyanAsha iti navInAH . kiM punaH

paramANusadbhAve pramANam . uchyate ##--## jAlasUryamarIchisthaM sarvataH
sUkShamatamaM yat dravyaM upalabhyate tatsAvayavaM
chAkShuShadravyatvAddhaTavat . tryaNukAvayavo.api sAvayavaH
mahadArambhakatvAtkapAlavat . yo dvayaNukAvayavaH sa paramANuH . sa cha
nityaM\, tasyApi kAryatve anavasthAprasa~NgAt . sR^iShTipralayasadbhAve
##`## dhAtA yathApUrvamakalpayat . ##'## iti shrutireva pramANam .
##`##sarvakAryadravyadhva.nso.avAntarapralayaH . sarvabhAvakAryadhva.nso
mahApralayaH##'## iti vivekaH .

shabdaguNakamAkAsham . tachchaikaM nitya~ncha .. 5..

     dIpikA
AkAshaM lakShayati . shabdaguNakamiti . nanvAkAshamapi
pR^ithivyAdivannAnA\, kiM netyAha . tachchaikamiti . bhede
pramANAbhAvAdityarthaH . ekatvAdeva sarvatra
shabdopalabdhervibhutvama~NgIkartavyamityAha vibhviti .
sarvamUrtadravyasa.nyogitvaM vibhutvaM\, mUrtatvaM
parichchhinnaparimANavattvaM kriyAvattvaM vA.vibhutvAdeva
AtmavannityamityAha . nityaM cheti .

atItAdivyavahArahetuH kAlaH . sa chaiko vibhurnityashcha .. 6..

     dIpikA
kAlaM lakShayati . atIteti . sarvAdhAraH kAlaH sarvakAryanimittakAraNam .

prAchyAdivyavahAraheturdik . sA chaikA vibhvI nityA cha .. 7..

     dIpikA
disho lakShaNamAha . prAchIti . digapi kAryamAtranimittakAraNam .

j~nAnAdhikaraNamAtmA . sa dvividhaH paramAtmA jIvAtmA cha . tatreshvaraH
sarvaj~naH paramAtmaika eva . jIvAtmA pratisharIraM bhinno vibhurnityashcha .. 8..

     dIpikA
Atmano lakShaNamAha . j~nAneti . AtmAnaM vibhajate . sa dvividha iti .
paramAtmano lakShaNamAha . tatreti . nityaj~nAnAdhikaraNatvamIshvaratvam .
nanvIshvarasadbhAve kiM pramANam . na tAvatpratyakSham . taddhi bAhyAmAntaraM
vA . nAdyaH arUpidravyatvAt . na dvitIyaH AtmasukhaduHkhAdivyatiriktatvAt .
nApyanumAnaM li~NgAbhAvAditi chet na . a~NkurAdikaM sakartR^ikaM
kAryatvAddhaTavat ityanumAnasyaiva pramANatvAt .
upAdAnagocharAparokShaj~nAnachikIrShAkR^itimattvaM kartR^itvam . upAdAnaM
samavAyikAraNam . sakalaparamANvAdisUkShmadarshitvAtsarvaj~natvam . yaH
sarvaj~naH sa sarvavit ityAgamo.api tatra pramANam . jIvasya lakShaNamAha .
jIva iti . sukhAdyAshrayatvaM jIvalakShaNam . nanu manuShyo.ahaM brAhmaNo.aham

ityAdau sarvatrAha.npratyaye sharIrasyaiva viShayatvAchchharIramevAtmeti
chet na . sharIrasyAtmave karapAdinAshe sharIranAshAdAtmano.api
nAshaprasa.ngAt . nApIndriyANAmAtmatvam ##, `##yo.ahaM ghaTamadrAkShaM
so.ahamidAnIM spR^ishAmi##'## ityanusandhAnAbhAvaprasa~NgAt .
anyAnubhUte.arthe anyasyAnusa.ndhAnAyogAt . tasmAddeheindriyavyatirikto jIvaH

sukhaduHkhAdivaichitryAtpratisharIraM bhinnaH . sa cha na paramANuH .
sarvasharIravyApisukhAdyanupalabdhiprasa~NgAt . na madhyamaparimANavAn tathA
sati anityatvaprasa~Ngena kR^ithAnAkR^itAbhyAgamaprasa~NgAt . tasmAnnityo
vibhurjIvaH ..

sukhAdyupalabdhisAdhanamindriyaM manaH . tachcha pratyAtmaniyatatvAdanantaM
paramANurUpaM nityaM cha .. 9..

     dIpikA
manaso lakShaNamAha . sukheti . sparsharahitve sati kriyAvatvaM manaso
lakShaNam . tadvibhajate . tachcheti . ekaikasyAtmana ekaikaM mana
ityAtmanAmanekatvAn maso.apyanekatvamityarthaH . paramANurUpamiti .
madhyamaparimANavattve anityatvaprasa~NgAdityarthaH . nanu mano vibhu
sparsharahitve sati dravyatvAdAkAshAdivaditi chet na . manaso vibhutve
AtmamanaH sa.nyogasyA.asamavAyikAraNasyAbhAvAjj~nAnAnutpattiprasa~NgaH . na
cha vibhudvayasa.nyogo.astviti vAchyam . tatsa.nyogasya nityatvena
suShuptyabhAvaprasa~NgAta\, purItadravyatiriktasthale AtmamanaH
sa.nyogasya sarvadA vidyamAnatvAt . aNutve tu yadA manaH purItat pravi.nshati

tadA suShuptiH yadA nissarati tadA j~nAnotpattirityaNutvasiddhiH .
\medskip\hrule\medskip
atha tR^itiiyo.adhyaaya |

chakShurmAtragrAhyo guNo rUpam.tachcha
shuklanIlapItaraktaharitakapishachitra bhedAtsaptavidham .
pR^ithivIjalatejovR^itti . tatra pR^ithivyAM saptavidham . abhAvasvarashuklaM
jale . bhAvasvarashuklaM tejasi .. 1..

     dIpikA
rUpaM lakShayati . chakShuriti . sa.nkhyAdAvativyAptivAraNAya mAtrapadam .
rUpatve.ativyAptivAraNAya guNapadam . nanvavyApyavR^ittinIlAdisamudAya eva
chitrarUpamiti chet na . rUpasya vyApyavR^ittitvaniyamAt . nanu chitrapaTe
avayavarUpasyaiva pratItiriti chet na . rUparahitatvena
paTasyApratyakShatvaprasa.ngAt . na cha rUpavatsamavetatvaM
pratyakShatvaprayojakaM gauravAt . tasmAtpaTasya
pratyakShatvAnyathAnupapattyA chitrarUpasiddhiH . rUpasyAshrayamAha .
pR^ithivIti . AshrayaM vibhajya darshayati . tatreti .

rasanagrAhyo guNo rasaH . sa cha madhurAmlalavaNakatukaShAyatiktabhedAt
ShaDvidhaH . pR^ithivIjalavR^ittiH . tatra pR^ithivyAM ShaDvidhaH . jale
madhura eva .. 2..

     dIpikA
rasaM lakShayati . rasaneti . rasatve.ativyAptivAraNAya guNapadam .
rasasyAshrayamAha . pR^ithivIti . AshrayaM vibhajya darshayati . tatreti .

ghrANAgrAhyo guNo gandhaH . sa dvividhaH surabhirasurabhishcha .
pR^ithivImAtravrittiH .. 3..

     dIpikA
gandhaM lakShayati . ghrANeti . gandhatve.ativyAptivAraNAya guNapadam .

tvagindriyamAtragrAhyo guNaH sparshaH . sa cha trividhaH
shItoShNAnuShNAshItabhedAt . pR^ithivyaptejovAyuvR^ittiH . tatra shIto jale .
uShNastejasi . anuShNAshItaH pR^ithivIvAyavyoH .. 4..

     dIpikA
sparshaM lakShayati . tvagiti . sparshatve.ativyAptivAraNAya guNapadam .
sa.nyogAdAvativyAptivAraNAya mAtrapadam .

rUpAdichatuShTayaM pR^ithivyAM pAkajamanityaM cha . anyatra apAkajaM
nityamanityam cha . nityagataM nityam anityagatamanityam .. 5..

     dIpikA
pAkajamiti . pAkastejaH sa.nyogaH . tena pUrvarUpaM nashyati
rUpAntaramutpadyata ityarthaH . tatra paramANuShveva pAko na dvayaNukAdau .
AmanikShipte ghaTe paramANuShu rUpAntarotpattau shyAmaghaTanAshe
punadvaryaNukAdikrameNa raktaghaTotpattiH . tatra paramANavaH
samavAyikAraNam . tejaH sa.nyogo.asamavAyikAraNam . adR^iShTAdikaM
nimittakAraNam . dvayaNukAdirUpe kAraNarUpasamavAyikAraNamiti pIlupAkavAdino
vaisheShikAH . pUrvaghaTasya nAshaM vinaiv avayavini avayaveShu cha
paramANuparyanteShu yugapadrUpAntarotpattiriti piTharapAkavAdino naiyAyikAH .
ata eva pArthivaparamANurUpAdikamanityamanityarthaH . anyatra
jalAdAvityarthaH . nityagatamiti . paramANugatamityarthaH . anityagatamiti .
dvayaNukAdigatabhityarthaH . rUpAdichatuShTayam udbhUtaM pratyakSham .
anudbhUtamapratyakSham . udbhUtatvaM pratyakShatvaprayojako dharmaH .
tadabhAvo.anudbhUtatvam .

ekatvAdivyavahArahetuH sa.nkhyA . sA navadravyavR^ittiH
ekatvAdiparArdhaparyantA . ekatvaM nityamanityaM cha . nityagataM nityam .
anityagatamanityam . dvitvAdikaM tu sarvatrA.anityameva .. 6..

     dIpikA
sa.nkhyA lakShayati . eketi .

mAnavyavahArAsAdhAraNakAraNaM parimANam . navadravyavR^ittiH . tachchurvidham .
aNu mahat dIrghaM hR^iasvaM cheti .. 7..

     dIpikA
parimANaM lakShayati . mAneti . parimANaM vibhajate . tachcheti . bhAvapradhAno
nirdeshaH . aNutvaM\,mahattvaM\,dIrghatvaM\,hrasvatvaM chetyarthaH .

pR^ithagvyavahArAsAdhAraNakAraNaM pR^ithakvatvam . sarvadravyavR^ittiH ..8..

     dIpikA
sa.nyuktavyavahArahetuH sa.nyogaH . sarvadravyavR^ittiH .. 9..

     dIpikA
sa.nyogaM lakShayati . sa.nyukteti . imau sa.nyuktau iti
vyavahAraheturityarthaH . sa.nkhyAdilakShaNe sarvatra
dikkAlAdAvativyaptivAraNAya asAdhArANeti visheShaNIyam . sa.nyogo dvividhaH
karmajaH sa.nyogajashcheti . Adyo hastakriyayA hastapustakasa.nyogaH . dvitIyo
hastapustakasa.nyogAtkAyapustakasa.nyogaH . avyApyavR^ittiH sa.nyogaH .
svAtyantAbhAvasamAnAdhikaraNatvamavyApyavR^ittitvam .

sa.nyoganAshako guNo vibhAgaH . sarvadravyavR^ittiH .. 10..

     dIpikA
vibhAgaM lakShayati . sa.nyogeti . kAlAdAvativyAptivAraNAya guNa iti .
rUpAdAvativyAptivAraNAya sa.nyoganAshaka iti . vibhAgo.api dvividhaH karmajo
vibhAgajashcheti . Adyo hastapustakavibhAgaH . dvitIyo
hastapustakavibhAgAtkAyapustakavibhAgaH .

parAparavyavahArAsAdhAraNakAraNe paratvAparatve . pR^ithivyAdichatuShTaya
manovR^ittinI . te dvividhe dikkR^ite kAlakR^ite cha . dUrasthe dikkR^itaM
paratvam . samIpasthe dikkR^itamaparatvam . jyeShThe kAlakR^itaM paratvam .
kaniShThe kAlakR^itamaparatvam .. 11..

     dIpikA
paratvAparatvayorlakShaNamAha . parApareti . paravyavahArAsAdhAraNakAraNaM
paratvam . aparavyavahArAsAdhAraNakAraNamaparatvam ityarthaH . te vibhajate .
te dvividhe iti . dikkR^itayorUdAharaNamAha . dUrastha iti . kAlakR^ite
udAharati . jyeShTha iti .

AdyapatanAsamavAyikAraNaM gurUtvam . pR^ithivIjalavR^itti .. 12..

     dIpikA
gurUtvaM lakShayati . Adyeti . dvitIyAdipatanasya
vegAsamavAyikAraNatvadvege.ativyAptivAraNAya Adyeti .

AdyasyandanAsamavAyikAraNaM dravatvam . pR^ithivyaptejovR^itti . taddvividhaM
sA.nsiddhikaM naimittikaM cha.sA.nsiddhikaM jale . naimittikaM
pR^ithivItejasoH . pR^ithivyAM ghR^itAdAvagni sa.nyogajaM dravatvam . tejasi
suvarNAdau .. 13 ..

     dIpikA
dravatvaM lakShayati . Adyeti . syandanaM prasravaNam . tejaHsa.nyogajaM
naimittikam . tadbhinnaM sA.nsiddhikam . pR^ithivyAM naimittikamudAharati .
ghR^itAdAviti . tejasi tadAha . suvarNAdAviti .

chUrNAdipiNDIbhAvaheturguNaH snehaH . jalamAtravR^ittiH .. 14..

     dIpikA
snehaM lakShayati . chUrNeti . kAlAdAvativyAptivAraNAya guNapadam .
rUpAdAvativyAptivAraNAya piNDIbhAveti .

shrotragrAhyo guNaH shabdaH\, AkAshamAtravR^ittiH . sa dvividhaH\,
dhvanyAtmakaH varNAtmakashcha . tatra dhvanyAtmakaH bheryAdau . varNAtmakaH
sa.nskR^itabhAShAdirUpaH .. 15..

shabdaM lakShayati . shrotreti . shabdatve.ativyAptivAraNAya guNapadam .
rUpAdAvativyAptivAraNAya shrotreti . shabdAstrividhaH sa.nyogajaH\,
vibhAgajaH\, shabdajashcheti . tatra Adyo bherIdaNDasa.nyogajanyaH .
dvitIyo va.nshe pATayamAne daLadvayavibhAgajanyashchaTAshabdaH .
bheryAdideshamArabhya shrotradeshaparyantaM dvitIyAdishabdAH shabdajAH .

sarvevyavahAraheturguNo buddhirj~nAnam . sA dvividhA smR^itiranubhavashcha .. 16..

     dIpikA
buddherlakShaNamAha . sarvavyavahAreti . kAlAdAvativyAptivAraNAya guNa iti .
rUpAdAvativyAptivAraNAya sarvavyavahAra iti . jAnAmItyanuvyavasAyagamyaM
j~nAnameva lakShaNamiti bhAvaH . buddhiM vibhajate . seti .

sa.nskAramAtrajanyaM j~nAnaM smR^itiH .. 17..

     dIpikA
smR^iterlakShaNamAH . sa.nskAreti . bhAvanAkhyaH sa.nskAraH .
sa.nskAradhva.nse.ativyAptivAraNAya j~nAnamiti .
ghaTAdipratyakShe.ativyAptivAraNAya sa.nskArajanyamiti . pratyabhij~nAyAm
ativyAptivAraNAya mAtrapadam .

tadbhinnaM j~nAnamanubhavaH . sa dvividhaH\, yathArtho.ayathArthashcha .. 18..

     dIpikA
anubhavaM lakShayati . tadbhinnamiti . smR^itibhinnaM j~nAnamanubhava
ityarthaH . anubhavaM vibhajate . sa dvividha iti .

tadvati tatprakArako.anubhavo yathArthaH . yathA rajate idaM rajatamiti
j~nAnam . saiva prametyuchyate .. 19..

     dIpikA
yathArthAnubhavasya lakShaNamAha . tadvatIti . nanu ghaTe ghaTatvam iti
pramAyAmavyAptiH\, ghaTatve ghaTAbhAvAditi chet na\, yatra
yatsa.nbandho.asti tatra tatsa.nbandhAnubhavaH ityarthAddhaTatve
ghaTasa.nbandho.astIti nAvyAptiH . saiveti . yathArthAnubhava eva shAstre
prametyuchyata ityarthaH .

tadabhAvavati tatprakArako.anubhavo.ayathArthaH . yathA
shuktAvida.nrajatamiti j~nAnam . saiva apramA ityuchyate .. 20..

     dIpikA
ayathArthAnubhavaM lakShayati . tadabhAvavatIti . nanvidaM sa.nyogIti
pramAyAmativyAptiriti chet na . yadavachChedena
yatsa.nbandhAbhAvastadavachChedena tatsa.nbandhaj~nAnasya vivikShitatvAt .
sa.nyogAbhAvAvachChedena sa.nyogaj~nAnasya bhramatvAtsa.nyogAvachChedena
sa.nyogasa.nbandhasya sattvAnnAtivyAptiH .

yathArthAnubhavaH chaturvidhaH pratyakShAnumityupamitishAbdabhedAt .. 21..

     dIpikA
yathArthAnubhavaM vibhajate . yathArtheti .

tat karaNamapi chaturvidhaM pratyakShAnumAnopashabda bhedAt .. 22..

     dIpikA
prasaN^gAtpramAkaraNaM vibhajate . tatkaraNamapIti . pramAkaraNamityarthaH .
pramAkaraNaM pramANamiti pramANasAmAnyalakShaNam .

asAdharaNaM kAraNaM karaNam .. 23..

     dIpikA
karaNalakShaNamAha . asAdhAraNeti . dikkAlAdAvativyAptivAraNAya asAdhAraNeti .

kAryaniyatapUrvavR^itti kAraNam .. 24..

     dIpikA
kAraNalakShaNamAha . kAryeti . pUrvavR^itti kAraNamityukte
rAsabhAdAvativyAptiH syAdato niyateti . tAvanmAtre kR^ite
kArye.ativyAptirataH pUrvavR^ittIti . nanu tanturUpamapi paTaM prati kAraNaM
syAdati chet na\, ananyathAsiddhatve satIti visheShaNAt .
ananyathAsiddhatvamanyathAsiddhirahitatvam . anyathAsiddhiH trividhA ##-##
yena sahaiva yasya yaM prati pUrvavR^ittitvamavagamyate taM prati tena
tadanyathAsiddham . yathA tantunAM tanturUpaM tantutvaM cha paTaM prati . taM
prati tadanyathAsiddham . yathA shabdaM prati pUrvavR^itittve j~nAta eva
paTaM pratyAkAshasya . anyatra kL^iptaniyatapUrvavatirna eva kAryasa.nbhave
tatsahabhUtamanyathAsiddham . yathA pAkajasthale gandhaM prati
rUpaprAgabhAvasya . eva~ncha ananyathAsiddhaniyatapUrvavR^ittitvaM
kAraNatvam .

kAryaM prAgabhAvapratiyogi .. 25..

     dIpikA
kAryalakShaNamAha . kAryamiti .

kAraNaM trividham ##-## samavAyyasamavAyinimittabhedAt .. 26..

yat samavetaM kAryaM utpadyate tat samavAyikAraNam .
yathA ta.ntavaH paTasya\, paTashcha svagatarUpAdeH .. 27..

     dIpikA
kAraNaM vibhajate . kAraNamiti . samavAyikAraNasya lakShaNamAha ##------##
yatsamavetamiti . yasmin samavetamityarthaH . asamavAyikAraNaM lakShayati
##----## kAryaNeti . kAryeNetyetadudAharati ##-----## tantusa.nyoga iti .

kAryeNa kAraNena vA saha ekasminnarthe samavetatve sati yatkAraNaM
tadasamavAyikAraNam .
yathA ta.ntusa.nyogaH paTasya\, tanturUpaM paTarUpasya .. 28..

     dIpikA
kAryeNa paTena saha ekasmi.nstantau samavetatvAttantusa.nyogaH
paTasyAsamavAyikAraNamiyarthaH . kAraNenetyetadudAharati ##----##
tanturUpamiti . kAraNena paTena saha ekasmi.nstantau samavetatvAt .

tadubhayabhinnaM kAraNaM nimittakAraNam .
yathA turIvemAdikaM paTasya .. 29..

     dIpikA
tanturUpaM paTarUpasyAsamavAyikAraNamityarthaH . nimittakAraNaM lakShayati
##---## tadubhayeti . samavAyyasamavAyibhinnakAraNaM nimittakAraNamityarthaH .

tadetattrividhakAraNamadhye yadasAdhAraNaM kAraNaM tadeva karaNam .. 30..

     dIpikA
karaNalakShaNamupasa.nharati ##----## tadetaditi .
\medskip\hrule\medskip
atha chaturtho.adhyaaya |

tatra pratyakShaj~nAnakaraNaM pratyakSham .. 31..

     dIpikA
pratyakShalakShaNamAha ##------## tatreti . pramANachatuShTayamadhye
ityarthaH .

indriyArthasannikarShajanyaM j~nAnaM pratyakSham . taddvividhaM nirvikalpakaM
savikalpakaM cheti . tatra niShprakArakaM j~nAnaM nirvikalpakaM yathedaM
ki~nchit . saprakArakaM j~nAnaM savikalpakaM yathA Dittho.ayaM\,
brAhmaNo.ayaM\, shyAmo.ayaM\, pAchako.ayamiti .. 32..

     dIpikA
pratyakShaj~nAnasya lakShaNamAha ##--------## indriyeti . indryiyaM
chakShurAdikam\, artho ghaTAdiH\, tayoH sa.nnikarShaH sa.nyogAdiH\,
tajjanyaM j~nAnamityarthaH . tadvibhajate taddvividhamiti . nirvikalpasya
lakShaNamAha ##-------## niShprakArakamiti .
visheShaNavisheShyasa.nbandhAnavagAhi j~nAnamityarthaH . nanu nirvikalpake
kiM pramANamiti chet na\, gauriti vishiShTaj~nAnaM
visheShaNaj~nAnajanyaM\, vishiShTaj~nAnatvAt\, daNDIti j~nAnavat
ityanumAnasya pramANatvAt . visheShaNaj~nAnasyApi
savikalpakatve.anavasthAprasa~NgAnnirvikalpakasiddhiH . savikalpakaM
lakShayati . saprakArakamiti . nAmajAtyAdivisheShyavisheShaNasa.nbandhAvagAhi
j~nAnamityarthaH . savikalpakamudAharati . yatheti .

pratyakShaj~nAnaheturindriyArthasa.nnikarShaH ShaDvidhaH . sanyogaH\,
sa.nyuktasamavAyaH\, sa.nyuktasamavetasamavAyaH\, samavAyaH\,
samavetasamavAyaH\, visheShaNavisheShyabhAvashcheti .. 33..

     dIpikA
indriyArthasa.nnikarShaM vibhajate . pratyakSheti .

chakShuShA ghaTapratyakShajanane sa.nyogaH sannikarShaH .. 34..

     dIpikA
sa.nyogasa.nnikarShamudAharati . chakShuSheti . dravyapratyakShe sarvatra
sa.nyogaH sa.nnikarShaH . AtmA manasA sa.nyujyate\, mana indriyeNa\,
indriyamarthena\, tataH pratyakShaj~nAnamutpadyate ityarthaH .

ghaTarUpapratyakShajanane sa.nyukta samavAyaH sa.nnikarShaH .
chakShuH sa.nyukte ghaTe rUpasya samavAyAt .. 35..

     dIpikA
sa.nyuktasamavAyamudAharati . ghaTarUpeti . tatra yuktimAha . chakShuHsa.nyukta
iti .

rUpatvasAmAnyapratyakShe sa.nyuktasamavetasamavAyaH sannikarShaH .
chakShuH sa.nyukte ghaTe rUpaM samavetaM\, tatra rUpatvasya samavAyAt .. 36..

     dIpikA
sa.nyuktasamavetasamavAyamudAharati . rUpatveti .

shrotreNa shabdasAkShAtkAre samavAyaH sannikarShaH karNavivaravartyAkAshasya
shrotratvAt shabdasyAkAshaguNatvAt guNaguNinoshcha samavAyAt .. 37..

     dIpikA
samavAyamudAharati . shrotreNeti . tadupapAdayati . karNeti . nanu
dUrasthashabdasya kathaM shrotrasambandha iti chet na\,
vIchItara~NganyAyena vA shabdAntarotpattikrameNa shrotradeshe jAtasya
shrotreNa sa.nbandhAtpratyakShasa.nbhavaH .

shabdatvasAkShAtkAre samavetasamavAyaH sannikarShaH shrotrasamavete shabde
shabatvasya samavAyAt .. 38..

     dIpikA
samavetasamavAyamudAharati . shabdatveti .

abhAvapratyakShe visheShaNavisheShyabhAvaH sannikarShaH\,
ghaTAbhAvavadbhUtalamityatra chakShuH sa.nyukte bhUtale ghaTAbhAvasya
visheShaNatvAt .. 39..

     dIpikA
visheShaNavisheShyAbhAvamudAharati . abhAveti . tadupapAdayati .
ghaTAbhAvavaditi . bhUtale ghaTo nAstItyatra abhAvasya visheShyatvaM
draShTavyam . etena anupalabdheH pramANAntaratvaM nirastam . yadyatra
ghaTo.abhaviShyattarhi bhUtalamivAdrakShyata\, darshanAbhAvAnnAstIti
tarkitapratiyogisatvavirodhyanupalabdhisahakR^itendriyeNaiva
abhAvaj~nAnotpattau anupalabdheH pramANAntaratvAsa.nbhavAt .
adhikaraNaj~nAnArthamapekShaNIyendriyasyaiva karaNatvopapattAvanupalabdheH
karaNatvayogAt . visheShaNavisheShyabhAvo visheShaNavisheShyasvarUpameva\,
nAtiriktaH sa.nbandhaH . pratyakShaj~nAnamupasa.nharastasya karaNamAha .
evamiti .

evaM sannikarShaShaTkajanyaM j~nAnaM pratyakShaM\, tatkaraNamindriyam\,
tasmAdindriyaM pratyakShapramANamiti siddham .. 40..

     dIpikA
asAdhAraNakAraNatvAdindriyaM pratyakShaj~nAnakaraNamityarthaH .
pratyakShapramANamupasa.nharati .
\medskip\hrule\medskip
atha pa.nchamo.adhyaaya |

anumitikaraNamanumAnam .. 1..

     dIpikA
anumAnaM lakShayati ##------## anumitikaraNamiti .

parAmarshajanyaM j~nAnamanumitiH .. 2..

     dIpikA
anumitiM lakShayati ##---## parAmarsheti . nanu
sa.nshayottarapratyakShe.ativyAptiH sthANupurUShasa.nshayAnantaraM
purUShatvavyApyakarAdimAnayam iti parAmarshe sati purUSha eva iti
pratyakShajananAt . na cha tatrAnumitireveti vAchyam . purUShaM sAkShAtkaromi
ityanuvyavasAyavirodhAditi chet na\,
pakShatAsahakR^itaparAmarshajanyatvasya vivikShitvAt .
siShAdhayiShAvirahavishiShTasiddhayabhAvaH pakShatA .
sAdhyasiddhiranumitipratibandhikA . siddhisattve.api anumiyuyAm
itIchChAyAmanumitidarshanAt . siShAdhayiShottejikA .
tatshchottejakAbhAvavishiShTamaNyabhAvasya
dAhakAraNatvavatsiShAdhayiShAvirahavishiShTasiddhayabhAvasyApyanumitikAraNatvam .

vyAptivishiShTapakShadharmatAj~nAnaM parAmarshaH . yathA
vahnivyApyadhUmavAnayaM parvata iti j~nAnaM parAmarshaH . tajjanyaM parvato
vahnimAniti j~nAnamanumitiH .. 3..

     dIpikA
parAmarshaM lakShayati ##-----## vyAptIti . vyAptiviShayakaM
yatpakShadharmatAj~nAnaM sa parAmarsha ityarthaH . parAmarshamabhinIya
darshayati ##------## yatheti . anumitimabhinIya darshayati ##-------##
tajjanyamiti . parAmarshajanyamityarthaH . vyAptilakShaNamAha ##----##
yatreti .

yatra yatra dhUmastatra tatrAgniriti sAhacharyaniyamo vyAptiH .. 4..

     dIpikA
yatra dhUmastatrAgniH iti vyApterabhinayaH . sAhacharyaniyamaH iti lakShaNam .
sAhacharyaM sAmAnAdhikaraNyaM\, tasya niyamaH .
hetusamAnAdhikaraNAtyantAbhAvApratiyogisAdhyasAmAnAdhikaraNyaM
vyApAptirityarthaH .

vyApyasya parvatAdivR^ittitvaM pakShadharmatA .. 5..

     dIpikA
pakShadharmatArUpamAha ##--------## vyApyasyeti .

anumAnaM dvividhaM ##--## svArthaM parArthaM cha .. 6..

tatra svArthaM svAnumitihetuH\, tathAhi\, svayameva bhUyodarshanena
yatra yatra dhUmastatra tatrAgniriti mahAnasAdau vyAptiM gR^ihItvA
parvatasamIpaM gataH\, tadgate chAgnau sandihAnaH parvate dhUmaM pashyan
vyAptiM smarati yatra yatra dhUmastatra tatrAgniH iti . tadantaraM
vahnivyApyadhUmavAnayaM parvata iti j~nAnamutpadyate\, ayameva
li~NgaparAmarsha ityuchyate . tasmAt parvato vahnimAniti j~nAnamanumitiH
utpadyate . tadetat svArthAnumAnam .. 7..

     dIpikA
anumAnaM vibhajate ##--------## anumAnamiti . svArthAnumAnaM darshayati
svayameveti . nanu pArthivatvalohalekhyatvAdau shatashaH
sahachAradarshane.api vajramaNau vyabhichAropalabdherbhUyodarshanena kathaM
vyAptigraha iti chet na . vyabhichAraj~nAnavirahasahakR^itasahachAraj~nAnasya
vyAptigrAhakatvAt . vyabhichAraj~nAnaM nishchayaH sha~NkA cha . tadvirahaH
kvachittarkAt\, kvachitsvataH siddha eva . dhUmAgnyorvyAptigrahe
kAryakAraNabhAvabha~Ngaprasa~NgalakShaNastarko vyabhichArasha~NkAnivartakaH .
nanu sakalavahnidhUmayorasannikarShAtkathaM vyAptigraha iti chet na .
vahnitvadhUmatvarUpasAmAnyapratyAsattyAsakalavahnidhUmaj~nAnasa.nbhavAt .
tasmAditi . li~NgaparAmarshAdityarthaH .

yattu svayaM dhUmAdagnimanumAya paraMpratibodhayituM pa~nchAvayava vAkyaM
prayujyate tat parArthAnumAnam . yathA parvato vahnimAn\, dhUmatvAt \,
yo yo dhUmavAn sa vahnimAn yathA mahAnasaH\, tathA chAyaM\,
tasmAttatheti . anena pratipAditAt li~NgAt paro.apyagniM pratipadyate .

     dIpikA
parArthAnumAnamAha ##----------## yattviti . yachchhabdasya ##`##
tatparArthAnumAnam ##'## iti tachchhabdenAnvayaH .
pa~nchAvayavavAkyamudAharati ##-----## yatheti .

pratij~nA ##-## hetu ##-## udAharaNa ##-## upanaya ##-## nigamanAni
pa~nchAvayavAH . parvato vahnimAniti pratij~nA . dhUmavatvAt iti hetuH . yo yo
dhUmavAn sa vahnimAn yathA mahAnasa ityudAharaNam . tathA cha ayamiti
upanayaH . tasmAttatheti nigamanam .. 9..

     dIpikA
avayavasvarUpamAha ##---------## pratij~neti .. udAhR^itvAkye
pratij~nAdivibhAgamAha ##-------## parvato vahnimAniti .. sAdhyavattayA
pakShavachanaM pratij~nA . pa~nchamyantaM li~NgapratipAdakaM hetuH .
vyAptipratipAdakaM udAharaNam . vyAptivishiShTali~NgapratipAdakaM
vachanamupanayaH . hetusAdhyavattayA pakShapratipAdakaM vachanaM nigamanam .
abAdhitatvAdikaM nigamanaprayojanam .

svArthAnumitiparArthAnumityoH li~NgaparAmarsha eva karaNam . tasmAt
li~NgaparAmarsho.anumAnam .. 10..

     dIpikA
anumitikaraNamAha ##---## svArtheti . nanu
vyAptismR^itipakShadharmatAj~nAnAbhyAmeva anumitisa.nbhave
vishiShTaparAmarshaH kimarthama~NgIkartavya iti chet na\, ##`##
vahnivyApyavAnayam ##'## iti shAbdaparAmarshasthale
parAmarshasyAvashyakatayA lAghavena sarvatra parAmarshasyaiva kAraNatvAt .
li~NgaM na karaNam\, atItAdau vyabhichArAt . ##`## vyApAravatvakAraNaM
karaNam ##'## iti mate parAmarshadvArA vyAptij~nAnaM karaNam . tajjanyatve
sati tajjanyajanako vyApAraH . anumAnamupasa.nharati ##-## tasmAditi .

li~NgaM trividham . anvayavyatireki\, kevalAnvayi\, kevalavyatireki
cheti . anvayena vyatirekeNa cha vyAptimadanvayavyatireki . yathA vahnau
sAdhye dhUmavattvam . yatra dhUmastatrAgniyarthA mahAnasa ityanvayavyAptiH .
yatra vahnirnAsti tatra dhUmo.api nAsti yathA mahAhR^ida iti
vyAptirekavyAptiH .. 11..

     dIpikA
li~NgaM vibhajate ##---## li~Ngamiti .. anvayavyatirekiNaM lakShayati ##---##
anvayeneti .. hetusAdhyayorvyAptiranvayavyAptiH\,
tadabhAvayorvyAptirvyatirekavyAptiH .

anvayamAtravyAptikaM kevalAnvayi . yathA ghaTaH abhidheyaH prameyatvAt
paTavat . atra prameyatvAbhidheyatvayoH vyatirekavyAptirnAsti\, sarvasyApi
prameyatvAt abhidheyatvAchcha .. 12..

     dIpikA
kevalAnvayino lakShaNamAha ##--------## anvayeti .. kevalAnvayisAdhyakaM
li~NgaM kevalAnvayi . ##(##vR^ittimat##)## atyantAbhAvApratiyogitvaM
kevalAnvayitvam . IshvarapramAviShayatvaM sarvapadAbhidheyatvaM cha
sarvatrAstIti vyatirekAbhAvaH .

vyatirekamAtravyAptikaM kevalavyatireki\, yathA pR^ithivItarebhyo
bhidyate gandhavattvAt . yaditarebhyo na bhidyate na tadgandhavat yathA
jalam . na cheyaM tathA . tasmAnna tatheti . atra yadgandhavat taditarabhinnam
ityanvayadR^iShTAnto nAsti\, pR^ithivImAtrasya pakShatvAt .. 13..

     dIpikA
kevalavyatirekiNo lakShaNamAha ##---## vyatireketi .
tadudAharati##-##yatheti . nanvitarabhedaH prasiddho vA na vA . Adye yatra
prasiddhastatra hetusattve anvayitvam\, asattve asAdhAraNyam . dvitIye
sAdhyaj~nAnAbhAvAtkathaM tadvishiShTAnumitiH . visheShaNaj~nAnAbhAve
vishiShTaj~nAnAnudayAtpratiyogij~nAnAbhAvAdvayatirekavyAptij~nAnamapi na
syAditi chet na . jalAditrayodashAnyonyAbhAvAnAM trayodashasu pratyekaM
prasiddhAnAM melanaM pR^ithivyAM sAdhyate . tatra
trayodhatvAvachchhinnabhedAtmaka ##-##
sAdhyasyaikAdhikaraNavR^ittitvAbhAvAnnAnvayitvAsAdhAraNye .
pratyekAdhikaraNaprasiddhayA sAdhyavishiShTAnumitiH vyatirekavyAptinirUpaNaM
cheti .

sandigdhasAdhyavAn pakShaH . yatA dhUmavattve hetau parvataH .. 14..

     dIpikA
pakShalakShaNamAha ##-------## sandigdheti .. nanu
shravaNAntarabhAvimananasthale avyAptiH . tatra vedavAkyairAtmano
nishchitvena sandehAbhAvAt . ki~ncha pratyakShe.api vahnau
yatrechchhayAnumitistatrAvyAptiriti chet na\, uktapakShatAshrayatvasya
pakShalakShaNatvAt .

nishchitasAdhyavAn sapakShaH\, yathA tatraiva mahAnasam .. 15..

     dIpikA
sapakShalakShaNamAha ##--------## nishchiteti ..

nishchitasAdhyA.abhAvavAn vipakShaH . yathA tatraiva mahAhradaH .. 16..

     dIpikA
vipakShalakShaNamAha ##-----## nishchiteti ..

savyabhichAraviruddhasatpratipakShAsiddhabAdhitAH pa~ncha hetvAbhAsAH .. 17..

     dIpikA
evaM saddhetUnnirUpya asaddhetUnnirUpayituM vibhajate ##------##
savyabhichAreti .. anumitipratibandhakayathArthaj~nAnaviShayatvaM
hetvAbhAsatvam .

savyabhichAraH anaikAntikaH . sa trividhaH
sAdhAraNAsAdhAraNAnupasa.nhAribhedAt .. 18..

     dIpikA
savyabhichAraM vibhajate ##----## sa trividha iti ..

tatra sAdhyAbhAvavadvR^ittiH sAdhAraNaH anaikAntikaH\, yathA parvato
vahnimAn prameyatvAt iti . prameyatvasya vahnayabhAvavati hrade vidyamAnatvAt .. 19..

     dIpikA
sAdhAraNaM lakShayati ##-----## tatreti .. udAharati ##----## yatheti ..

sarvasapakShavipakShavyAvR^ittaH pakShamAtravR^ittiH asAdhAraNaH . yathA
shabdo nityaH shabdatvAt iti . shabdatvaM hi sarvebhyo
nityebhyo.anityebhyashcha vyAvR^ittaM shabdamAtravR^ittiH .. 20..

     dIpikA
asAdhAraNaM lakShayati ##-----## sarveti ..

anvayavyatirekadR^iShTAntarahito.anupasa.nhArI . yathA sarvamanityaM
prameyatvAditi . atra sarvasyApi pakShatvAt dR^iShTAnto nAsti .. 21..

     dIpikA
anupasa.nhAriNo lakShaNamAha ##--------## anvayeti ..

sAdhyAbhAvavyApto heturvirUddhaH . yathA shabdo nityaH kR^itakatvAditi .
kR^itakatvaM hi nityatvAbhAvenA.anityatvena vyAptam .. 22..

     dIpikA
virUddhaM lakShayati ##-----## sAdhyeti ..

yasya sAdhyAbhAvasAdhakaM hetvantaraM vidyate sa satpratipakShaH . yathA
shabdo nityaH shrAvaNatvAt shabdatvavat . shabdo.anityaH kAryatvAt ghaTavat .. 23..

     dIpikA
satpratipakShaM lakShayati ##----## yasyeti ..

asiddhastrividhaH ##----## AshrayAsiddhaH\, svarUpAsiddho
vyApyatvAsiddhashcheti .. 24..

     dIpikA
asiddhaM vibhajate ##---## asiddha iti ..

AshrayAsiddho yathA gaganAravindaM surabhi aravindatvAt sarojAravindat . atra
gaganAravindamAshrayaH sa cha nAstyeva .. 25..

     dIpikA
AshrayAsiddhamudAharati ##---## gaganeti ..

svarUpAsiddho yathA shabdo guNashchAkShuShatvAt . atra chAkShuShatvaM shabdaM
nAsti shabdasya shrAvaNatvAt .. 26..

     dIpikA
svarUpAsiddhamudAharati ##---## yatheti ..

sopAdhiko hetuH vyApyatvAsiddhaH . sAdhyavyApakatve sati sAdhanAvyApakatvaM
upAdhiH . sAdhyasamAnAdhikaraNAtyantAbhAvApratiyogitvaM sAdhyavyApakatvam .
sAdhanavanniShThAtyantAbhAvapratiyogitvaM sAdhanAvyApakatvam . parvato
dhUmavAnvahnimatvAdityatra Ardrendhanasa.nyoga upAdhiH . tathAhi . yatra
dhUmastatrArdrendhanasa.nyoga iti sAdhyavyApakatA . yatra
vahnistatrArdrendhanasa.nyogo nAsti ayogolake Ardrendhanasa.nyogAbhAvAditi
sAdhanAvyApakatA . evaM sAdhyavyApakatve sati
sAdhanAvyApakatvAdArdrendhanasa.nyoga upAdhiH . sopAdhikatvAt vahnimattvaM
vyApyatvAsiddham .. 27..

     dIpikA
vyApyatvAsiddhasya lakShaNamAha ##---## sopAdhika iti .. upAdherlakShaNamAha
##---## sAdhyeti .. upAdishchaturvidhaH kevalasAdhyavyApakaH\,
pakShadharmAvachchhinnasAdhyavyApakaH\,
sAdhanAvachchhinnasAdhyavyApakaH\,
udAsInadharmAvachchhinnasAdhyavyApakashcheti . AdyaH Ardrendhanasa.nyogaH .
dvitIyo yathA vAyuH pratyakShaH pratyakShasparshAshrayatvAt ityatra
bahirdravyatvAvachchhinnapratyakShatvavyApakamudbhUtarUpavattvam . tR^itIyo
yathA ##---## prAgabhAvo vinAshI janyatvAdityatra
janyatvAvachchhinnAnityatvavyApakaM bhAvatvam . chaturtho yathA ##---##
prAgabhAvo vinAshI prameyatvAt ityatra janyatvAvachchhinnAnityatvavyApakaM
bhAvatvam .

yasya sAdhyAbhAvaH pramANAntareNa nishchitaH sa bAdhitaH . yathA
vahniranuShNo dravyatvAt jalavat . atrAnuShNatvaM sAdhyaM tadabhAva uShNatvaM
sparshanapratyakSheNa guhyAta iti bAdhitatvam .. 28..

     dIpikA
bAdhitasya lakShaNamAha ##----## yasyeti .. atra bAdhasya
grAhyAbhAvanishchayatvena\, satpratipakShasya virodhij~nAnasAmagrItvena
sAkShAdanumitipratibandhakatvam . itareShAM tu parAmarshapratibandhakatvam .
tatrApi sAdhAraNasyAvyabhichArAbhAvarUpatayA\, virUddhasya
samAnAdhikaraNyAbhAvatayA vyApyatvAsiddhasya vishiShTavyAptyabhAvatayA\,
asAdhAraNanupasa.nhAriNoH vyAptisa.nshayAdhAyakatvena
vyAptij~nAnapratibandhakatvam\, AshrayAsiddhisvarUpAsiddhayoH
pakShadharmatAj~nAnapratibandhakatvam . upAdhistu vyabhichAraj~nAnadvArA
vyAptij~nAnapratibandhakaH . siddhasAdhanaM tu pakShatAvighaTakatayA
AshrayAsiddhAvantarbhavatIti prA~nchaH . nigrahasthAnAntaramiti navInAH ..
\medskip\hrule\medskip
atha shhashhTho.adhyaaya |

upamitikaraNamupamAnam . sa.nj~nAsa.nj~nisambandhaj~nAnamupamitiH . tatkaraNaM
sAdR^ishyaj~nAnam . atideshavAkyArthasmaraNamavAntara vyApAraH . tathA hi
kashchidgavayashabdArthamajAnan kutishchit AraNyakapuruShAdgosadR^isho
gavaya iti shrutvA vanaM gato vAkyArthaM smaran gosadR^ishaM piNdaM
pashyati . tadantaramasau gavayashabdavAchya ityupamitirUtpadyate .. 1..

     dIpikA
upamAnaM lakShayati ##----## upamitikaraNamiti ..
\medskip\hrule\medskip
atha saptamo.adhyaaya |

AptavAkyaM shabdaH . Aptastu\, yathArthavaktA . vAkyaM padasamUhaH . yathA
gAmAnayeti . shaktaM padam . asmAtpadAt ayamartho boddhavya itIshvarasa.nketaH
shaktiH .. 1..

     dIpikA
shabdaM lakShayati ##---## Apteti .. AptaM lakShayati ##---## Aptastviti ..
vAkyalakShaNamAha ##----## vAkyamiti .. padalakShaNamAha ##---## shaktamiti ..
arthasmR^ityanukUlapadapadArthasa.nbandhaH shaktiH . sA cha padArthAntaramiti
mImA.nsakAH . tannirAsArthamAha ##---## asmAditi .. DitthAdInAmiva
ghaTAdInAmapi sa.nketa eva shaktiH na tu padArthAntaramityarthaH . nanu
gavAdipadAnAM jAtAveva shaktiH\, visheShaNatayA jAteH
prathamamupasthitvAt . vyaktilAbhAstu AkShepAditi kechit . tat na\,
gAmAnyetyAdau vR^iddhavyavahAreNa sarvatrAnayanAdervyaktAveva
sa.nbhavena\, jAtivishiShTavyaktAveva shaktikalpanAt . shaktigrahashcha
vR^iddhavyavahAreNa . vyutpitsurbAlo ##`##gAmAnaya##'##
ityuttamavR^iddhavAkyashravaNAntaraM madhyamavR^iddhasya
pravR^ittimupalabhya gavAnayanaM cha dR^iShTvA
madhyamavR^iddhapravR^ittijanakaj~nAnasyAnvayavyatirekAbhyAM vAktajanyatvaM
nishchitya ##`##ashvamAnaya gAM badhAna##'## iti vAkyAntare AvApodvApAbhyAM
gopadasya gotvavishiShTe shaktiH\, ashvapadasya ashvatvavishiShTe
shaktiriti vyutpadyate . nanu sarvatra kAryaparatvAdvayavahArasya
kAryaparavAkya eva vyutparttina siddhapara iti chet na . ##`## kAshyAM
tribhuvantilako bhUpatirAste ##'## ityAdau siddhe.api vyavahArAt\, ##`##
vikasitapadme madhukarastiShThati ##'## ityAdau
prasiddhapadasamabhivyavahArAtsiddhe.api madhukarAdivyutpattidarshanAchcha .
lakShaNApi shabdavR^ittiH . shakyasa.nbando lakShaNA . ga~NgAyAM ghoSha
ityatra ga~NgApadavAchyapravAhasa.nbandhAdeva tIropasthitau tIre.api
shaktirna kalpyate . saidhavAdau lavaNAshvayoH
parasparasa.nbandhAbhAvAnnAnAshaktikalpanam . lakShaNA trividhA ##----##
jahallakShaNA\, ajahallakShaNA\, jahadajallakShaNA cheti . yatra
vAchyArthasyAnvayAbhAvaH tatra jahallakShaNA . yathA ma~nchAH kroshantIti .
yatra vAchyArthasyApyanvayaH\, tatra ajahaditi . yathA chhatriNo
gacchantIti . yatra vAchyaikadeshatyAgena ekadeshAnvayaH\, tatra
jahadajahaditi . yathA tattvamasIti . gauNyapi lakShaNaiva
lakShyamANaguNasa.nbandhasvarUpA yathA agnirmANavaka iti . vya~nchanApi
shaktilakShaNAntarbhUtA\, shabdashaktimUlA arthashaktimUlA cha .
anumAnAdinA anyathAsiddhA . tAtparyAnupapattirlakShaNAbIjam .
tatprItItIchchhayochcharitatvaM tAtparyam . tAtparyaj~nAna~ncha
vAkyArthaj~nAne hetuH nAnArthAnurodhAt . prakaraNAdikaM tAtparyagrAhakam .
dvAramityAdau pidhehIti shabdAdhyAhAraH . nanu
arthaj~nAnArthatvAchchhabdasyArthamavij~nAya
shabdAdhyAhArAsa.nbhavAdarthAdhyAhAra eva yukta iti chet na .
padavisheShajanyapadArthopastitheH shAbdaj~nAne hetutvAt . anyathA ##`##
ghaTaH karmatvamAnayaM kR^itiH ##'## ityatrApi shAbdaj~nAnaprasa~NgAt .
pa~NkajAdipadeShu yogarUDhiH . avayavashaktiryogaH . samudAyashaktI rUDhiH .
niyatapadmatvAdij~nAnArthaM samudAyashaktiH . anyathA kumude.api
prayogaprasa~NgAt . ##`## itarAnvite shaktiH ##'## iti prAbhAkarAH . anvayasya
vAkyArthatayA bhAnasambhavAdanvayA.nshe.api shaktirna kalpanIyA iti
gautamIyAH .

AkA.nkShA yogyatA sa.nnidhishcha vAkyArthaj~nAnahetuH padasya
padAntaravyatirekaprayuktAnvayAnanubhAvakatvam AkA.nkShA . arthAbAdho
yogyatA . padAnAmavilambenochchAraNaM sa.nnidhiH .. 2..

     dIpikA
AkA.nkSheti .. AkA~NkShAdij~nAnamityarthaH . anyathA
AkA.nkShAdibhramAchchhAbdabhramo na syAt . AkA~NkShAM lakShayati ##---##
padasyeti .. yogyatAlakShaNamAha ##----## artheti .. sa.nnidhilakShaNamAha
##----## padAnAmiti . avilambena padArthopasthitiH sa.nnidhiH . uchchAraNaM tu
tadupayogitayoktam .

AkA.nkShAdirahitaM vAkyapramANam . yathA gaurashvaH purUSho hastIti na
pramANamAkA.nkShAvirahAt . agninA si~nchediti na pramANaM yogyatAvirahAt .
prahare prahare.asahochchAritAni gAmAnayetyAdipadAni na pramANaM
sA.nnidhyAbhAvAt .. 3..

     dIpikA
gaurashva iti .. ghaTakarmatvamityapyanAkA.nkShodAharaNaM draShTavyam .

vAkyaM dvividham . vaidikaM laukikaM cha . vaidikamIshvaroktatvAtsarvameva
pramANam . laukikaM tvAptoktaM pramANam . anyadapramANam .. 4..

     dIpikA
vAkyaM vibhajate ##---## vAkyamiti .. vaidikasya visheShamAha ##---##
vaidikamIshvaroktatvAditi .. nanu vedasyAnAditvAtkathamIshvaroktatvamiti chet
na . ##`## vedaH paurUSheyaH vAkyasamUhatvAt bhAratAdivat ##'## ityanumAnena
paurUSheyatvasiddheH . na cha smaryamANakartR^ikatvamupAdhiH\,
gautamAdibhiH shiShyaparamparayA vede.api sakartR^ikatvasmaraNena
sAdhanavyApakatvAt . ##`## tasmAttepAnAttrayo vedA ajAyanta ##'## iti
shruteshcha . nanu varNA nityAH\, sa evAyaM gakAra iti pratyabhij~nAbalAt .
tathA cha kathaM vedasyAnityatvamiti chet na\, ##`## utpanno gakAro
viniShTo gakAra## '## ityAdipratItyA varNAnAmanityatvAt\, ##`## so.ayaM
gakAra## '## iti pratyabhij~nAyAH ##`## seeyaM dIpajvAlA ##'##
itivatsAjAtyAvalambanatvAt\, varNAnAM
nityatve.apyAnupUrvAvishiShTavAkyasyAnityatvAchcha . tasmAdIshvaroktA vedAH .
manvAdismR^itInAmAchArANAM cha vedamUlakatayA pramANyam .
smR^itimUlavAkyAnAmidAnImanadhyayanAttanmUlabhUtA kAchichchhAravotsanneti
kalpyate . nanu paThyamAnavedavAkyotsAdanasya kalpayitumashakyatayA
viprakIrNavAdasyAyuktatvAnnityAnumeyo vedo mUlamiti chet na\, tathA sati
kadApi varNAnAmAnupUrvIj~nAnAsa.nbhavena bodhakatvAsa/nbhavAt .

vAkyArthaj~nAnaM shAbdaj~nAnam . tatkaraNaM shabdaH .. 5..

     dIpikA
nanu etAni padAni smAritArthasa.nsargavanti AkA.nkShAdimatpadakadambakatvAt
madvAkyavat ityanumAnAdeva sa.nsargaj~nAsa.nbhavAchchhabdo na
pramANAntaramiti chenna . anumityapekShayA vilakShaNasya shAbdaj~nAnasya
##`## shAbdAtpratyemi ##'## itvanuvyavasAya.nsAkShikasya sarvasa.nmatatvAt .
nanvarthApattirapi pramANAntaramasti ##`## pIno devadatto divA na bhu~Nkte
##'## iti dR^iShTe shrute vA pInatvAnyathAnupapattyA
rAtribhojanamarthApattyA kalpyata iti chenna . ##`## devadatto rAtrau
bhu~Nkte divA.abhu~njAnatve sati pInatvAt ##'## ityanumAnenaiva
rAtribhojanasya siddhatvAt . shate pa~nchAshaditi sambhavo.apyanumAnameva .
##`## iha vaTe yakShastiShThati ##'## ityaitihyamapi
aj~nAtamlavaktR^ikashabda eva . cheShTApi shabdAnumAnadvArA vyavahAraheturiti
na pramANAntaram . tasmAtpratyakShAnumAnopamAnashabdAshchatvAryeva pramANAni ..


\medskip\hrule\medskip
atha ashhTamo.adhyaaya | ##NaiyAyikA theory on epistemology##

j~nAnAnAM tadvati tatprakArakatvaM svatogrAhyaM parato veti vichAryate .
tatra vipratipattiH ##------## j~nAnaprAmANyaM
tadaprAmANyAgrAhakayAvajj~nAnagrAhakasAmagrIgrAhyaM na vA iti . atra
vidhikoTiH svatastvam . niShedhakoTiH paratastvam . anumAnAdigrAhyatvena
siddhasAdhanavAraNAya yAvaditi . ##'## idaM j~nAnamapramA ##`## iti j~nAnena
prAmANyAgrahAdvAdhavAraNAya ##-----## aprAmANyAgrAhaketi..
idaM j~nAnamapramA ityanuvyavasAyaniShThaprAmANyagrAhakasyApi
aprAmANyAgrAhakatvAbhAvAtsvatastvaM na syAdatastaditi .
tasmingrAhyaprAmANyAshraye.aprAmANyAgrAhiketyarthaH . udAhR^itasthale
vyavasAyAprAmANyagrAhakasyApyanuvyavasAye tadgrAhakatvAtsvatastvasiddhiH .
nanu svata eva prAmANyaM gR^ihyate\, ##`## ghaTamahaM jAnAmi ##'##
ityanuvyavasAyena ghaTaghaTatvayoriva tatsa.nbandhasyApi viShayIkaraNAt
vyavasAyarUpa pratyAsattestulyatvAt . purovartini prakArasa.nbandhasyaiva
pramAtvapadArthatvAditi chet na . svataHprAmANyagrahe ##`## jalaj~nAnaM pramA
na vA ##'## ityanabhyAsadashAyAM pramAtvasa.nshayo na syAt . anuvyavasAyena
prAmANasya nishchitatvAt . tasmAtsvatogrAhyatvAbhAvAtparato grAhyatvameva .
tathAhi . prathamaM jalaj~nAnAntaraM pravR^ittau satyAM jalalAbhe sati
pUrvotpannaM jalaj~nAnaM pramA saphalapravR^ittijanakatvAt yannaivaM
tannaivaM yathA apramA iti vyatirekiNA pramAtvaM nishchIyate .
dvitIyAdij~nAneShu pUrvaj~nAnadR^iShTAntena
tatsajAtIyatvali~NgenAnvayavyatirekiNApi gR^ihyate . pramAyA
guNajanyatvamutpattau paratastvam . pramAsAdhAraNakAraNaM guNaH\,
apramAsAdhAraNakAraNaM doShaH . tatra pratyakshe
visheShaNavadvisheShyasa.nnikarSho guNaH . anumitau vyApakavati
vyApyaj~nAnam . upamitau yathArthasAdR^ishyaj~nAnam . shAbdaj~nAne
yathArthayogyatAj~nAnam . ityAdyUhanIyam . purovartini
prakArAbhAvasyAnuvyavasAyenAnupasthitatvAdapramAtvaM parata eva gR^ihyate .
pittAdidoShajanyatvamutpattau paratastvam . nanu sarveShAM j~nAnAnAM
yathArthatvAdayathArthaj~nAnameva nAstIti . na cha ##`## shuktAvidaM rajatam
##'## iti j~nAnAtpravR^ittidarshanAdanyathAkhyAtisiddhiriti vAchyam .
rajatasmR^itipurovartij~nAnAbhyAmeva pravR^ittisa.nbhavAt .
svatantropasthiteShTabhedAgrahasyaiva sarvatra pravartakatvena ##`## nedaM
rajatam ##'## ityAdau atiprasa~NgAbhAvAditi chet na . satyarajasthale
purovartivisheShyakarajatatvaprakArakaj~nAnasya lAghavena
pravR^ittijanakatayA shuktAvapi rajatArthi pravR^ittijanakatvena
vishiShTaj~nAnasyaiva kalpanAt .
## \medskip \hrule \medskip
{\Large Encoded by Ashish Chandra ashish\_{}chandr70@hotmail.com
\hrule\medskip
The author of Tarka Sangraha, along with its Dipika is Annambhatta . This is
a very well known work and most Vedantins today consider it as the stepping
stone to understand the Nyaya-Vaisheshika, systems of logic.}
\medskip
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}