% Text title            : yamakabhAratam by madhvAchArya
% File name             : yamakabhAratammadhvAchArya.itx
% Category              : major\_works, sAhitya, krishna
% Location              : doc\_z\_misc\_major\_works
% Author                : Madhvacharya
% Proofread by          : Vani V.
% Latest update         : January 24, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yamakabharatam ..}##
\itxtitle{.. yamakabhAratam ..}##\endtitles ##
dhyAyetparamAnandaM yanmAtA patimayadaparamAnandam | (dhyAyettaM paramAnandam)
ujjhitaparamAnaM dampatyAdyAdyAshramaissadaiva paramAnandam || 1||
yasya karAlo.alaM chakraM kAlaH parasya hi karAlolam |
yasya gadA pavamAnassan yo vyAso.abhavatsadApavamAnaH || 2||
yasya ramA na manogaM jagR^ihe vishvambharApi namano.agam |
yasya pumAnAnandaM bhu~Nkte yaddhAma kapatimAnAnandam || 3||
parameShu yadA tejaH parameShu chakAra vAsudevo.ajaH |
mAnadhi bibhratsu mano mA.anadhimAsInna vAsudevo.ajaH || 4||
so.ajani devakyante yasmAdanukampanAvadeva kyante |
avadandeva kyaM te bhuvanaM hi surAH sadaiva devakyante || 5||
nIto vasudevena svatatena sa gokulaM savasudevena | (suvasudevena)
tatra yashodA tanayaM mene kR^iShNaM svakIyamavadAtanayam || 6||
vavR^idhe gokulamadhyAdyo devo vishvamadbhutAkulamadhyAt |
tatra cha pUtanikAyA vadhamakarodyannijAH supUtanikAyAH || 7||
adhunochChakaTaM lolI pAdA~NguShThena vAtapeshashakaTaM lolI |
atanodrakShAmasya svAj~nAnAdgopikA saderakShAmasya || 8||
mukhalAlanalolA tanmukhagaM jagadachaShTa sAlanalolAtat |
nAdhyainmAyAmasya jagatprabhoH svadhikatatatamAyAmasya || 9|| (svAdhikatatatamAyAmasya)

tasya susharmANyakaro dariNo gargaH saduktikarmANyakarot |
avadannAmAnamayaM jagadAdiM vAsudevanAmAnamayam || 10||
tasya sakhA balanAmA jyeShTho bhrAtA.atha yannijAbalanA mA |
yasya cha parya~Nko.ayaM pUrvatano viShNumajasaparyaM ko.ayam || 11||
tena hato vAtarayastR^iNachakro nAma ditisuto.avAtarayaH |
haramANo bAlatamaM svAtmAnaM kaNTharodhinA.abAlatamam || 12||
so.avanimadhye ra~NgannaridarayugbAlarUpamadhyera~Ngan |
amuShannavanItamadaH svagokule gopikAsu navanItamadaH || 13|| (sagokule)

tanmAtA kopamitA tamanusasArAtmavAdavAkopamitA | (tamanusasArAtmavAkopamitA)
jagR^ihe sAnamanaM taM devaM tachchintayaiva sAnamanantam || 14||
atha sAntaritAmAnaM viShNuM vishvodbhavaM sadAntaritAmAnam |
anayaddAmodaratAM yo.aramayatsundarI nijAmodaratAm || 15||
chakre so.arjunanAshaM prApnoti yatsmR^itiH sadArjunanA sham |
tau cha gatau nijamokastenaiva nutena yannijAnijamokaH || 16||  (yannijo.anijamokaH)

atha vR^indAvanavAsaM gopAshchakrurjagatkShitA.avanavAsam |
tatra bakAsuramAraH shaurirabhUnnityasaMshritAsuramAraH || 17||
ahanadvatsatanUkaM yopAllokaM svayatnavatsatanUkam |
sopAdvatsAnamarassahAgrajo gopavatsavatsAnamaraH || 18||
sa vibhuH shrImAnahike nanarta yasya shramAnamAmAnahike |
akaronnadyudakAntaM kAntaM nItvoragaM sanAdyudakAntam || 19||
hatvA dhenukamUDhaM balAtpralambaM cha kheT sadhenukamUDham |
vrajamAvIdamR^itAshaH pItvA vahniM charasthitAdamR^itAshaH || 20|| (charasthirAdamR^itAshaH)

giriNA rakShApi kR^itA vrajasya tena svarakSharakShApikR^itA |
shakrAya vya~njayatA svAM shaktiM vishvamAtmanA.avya~njayatA || 21||
reme gopIShvarihA sa manmathAkrAntasundarIpIShvarihA |
pUrNAnandaikatanuH sa vishvarukpAvano.apyanandaikatanuH || 22|| (vishvarukpAvano.apyAnandaikatanuH)

atha hatayorgalikeshyoH shvaphalkajaprApitaH purI galikeshyoH |
bha~NktvA dhanurAjavaraM jaghAna tenaiva cha svayaM rAjavaram || 23||
mR^itnan gajamugrabalaM sabalo ra~NgaM vivesha sR^itimugrabalam | (shrutimugrabalam)
hatvA mallau balinau kaMsaM cha vimokShitau tatau lau balinau || 24|| (vimokShitA tatau rau balinau)

prAdAtsAndIpanaye mR^itaputraM j~nAnadIpasAndIpanaye |
gurvarthe.aj~nAnatamaHprabheditA nityasambhR^itA.a.aj~nAnatamaH || 25||
jitvA mAgadharAjaM toShitamakarotsadAtmayogadharAjam |
anukurvannijasadanaM chakre ramyAM puraM subodhanijasadanam || 26|| (ramyaM)

prasabhaM sagajabalasya kShatrasyochchaissamagadharAjabalasya |
mAnaM shishupAlavaraM hatvA bhaiShmImavApA shishupAlavaram || 27|| (bhaiShmImavApa)

haMso DibikashchapalAvamunA saMsUditau yavanakashcha palA |
kIrtirvimalA viratA pratatA vishvAdhipAvanIlAviratA || 28||
	
satyAjAmbavatIryA bhAryA vindAdyA bhAnusAmbavatIryAH |
pradyumnaM modarataH prApa jyeShThaM hariH sutaM modarataH || 29||
yatparivAratayeshA jAtA devA nR^ipAtmanA.aratayeshAH |
yadbharitaM viShasarpaprabhR^itidhvAntaM na mArutiM viShasarpa || 30||
yena hiDimbabakAdyA rakShodhIshA nipAtitA babakAdyAH |
bhIme prItimameyAM vya~njayatA tena sheShapAti mame yAm || 31||
atha kR^iShNAvaraNe tAn prAptAnrAj~no.ashR^iNotsadAvaraNetAn |
draShTuM yAtassabalastAM chAnaiShItpR^ithAsutAMstataH sabalaH || 32||
tAnindrasthalavAsAMshchakre kR^iShNaH puro nijasthalavAsAn |  (kR^iShNaH paro)
svabalodrechitamAnairjugopa dharmaM cha taiH parAchitamAnaiH || 33||
vAlivadhAnunayAya praNayI sakhyaM susandadhe.anunayAya |
vAsavajena visheShAt tenaiva punarnR^ijanmajena visheShAt || 34||
mAtuH paribhavahA.anyai rAj~nA dyusadAmitashcha paribhavahAnyai |
abhavannarakamurAriryo.avAsIdatsamastanarakamurAriH || 35|| (abhavannarakamurAriryo.avAtsI)

nIto divi devavarai reme satyAsamanvito.adevavaraiH |
sarvartuvane shashinA nishi satyAM vAsare vane.ashashinA || 36||
suratarumApAlimatAt prakAshayan shaktimAtmanaH pAlimatAt |
suravaravIreShu darI pradhAnajIveshvaraH pareShudarI || 37||
puramabhiyAyAridarI dattvA bhadrAM pR^ithAsutAyAridarI |
shakrapurImabhiyAtaH prAdAdvahnervanaM satAmabhiyAtaH || 38||
shivabhaktapravarAdyaM pumAnna sehe girI shavipravarAdyam | (giri)
taM svAtmendravareNa vyadhunodbhImena dhUtarudravareNa || 39||
yasyAj~nAbalasAraiH pArthairdigbhyo hR^itaM dhanaM balasAraiH |
jitvA kShmAmavisheShAM prasahya bhUpAn samastakAmavisheShAm || 40||
atha pArthAn kraturAjaM prApayadamareT sarudrashakraturAjam |
pUjA tenAvApi ChinnashchaidyaH sR^itiM gatenAvApi || 41||
nihatau saubhakarUshau shIto bhAtashcha yena tau bhakarUshau |
ajayadrudraM cha raNe bANArthe.avanatipatitakachandraM charaNe || 42||
asR^ijajjvaramugratamaHkShayaprado lIlayA.aghivaramugratamaH |
krIDAmAtraM vishvaM prakAshayannAtmanaH sa viharakamAtraM vishvam || 43||
yasyAveshorubalAnnyahanatpArtho.asurAnprajeshorubalAn |
varadAnAdasyaiva jagatprabhorIraNAtsamanugatanAdasyaiva || 44||
yasyAveshAtsabalaH prachakarSha puraM prasahya cheshAtsabalaH |
kurupatinAma nu yamunA.a.akR^iShTA yenAhurarhyamatanu yamunA(1) || 45|| (yenAhurarghyamatanu)
(1\. atanu yaM unA, ya arthAt pUjya, u arthAt rudraM)

yadbalavAn krodhavashAnninAya nAshaM vR^ikodaraH krodhavashAn |
lebhe.achAnyAgamyaM sthAnaM puShpANi dhAma chAnyAgamyam || 46||
yadvalabhAravahatvAnnAchaladuragAdibhiH subhAravahatvAt |
dharmAdarihA.api padaM bhImo yenaiva sAhasaM rihA.a.api padam || 47|| (lihA.a.api)

na hi nahuSho.alaM nahituM dharmo drauNistathetaro.alaM nahitum |
no rAT karNo brahmavarI yena dhvasto.astramagrahItsabrahmavarI || 48|| (subrahmavarI)

kShAtraM dharmaM svavatA guruvR^ittyai keshavAj~nayA cha charamaM svavatA |
sarvaM sehe.amanasA bhImenaishaikamAninA hemanasA || 49|| (bhImeneshaikamAninA)

yadbhaktapravareNa protaH svasmin sa kIchakaH pravareNa ||
patitAstasya sahAyAH kR^iShNArthe mAninaH samasya sahAyAH || 50||
yadbhaktyA.anugR^ihItau pArtho bhImashcha gonR^ipau nu gR^ihItau |
R^iNamuktyai suvyatyastyai kramasho vIrAvamu~nchatAM suvyatyastyai || 51||
yadbhaktyA.amitayAlaM kR^iShNA kArye vivesha kR^iShNA.a.akArye |
yAmIrArghatanutvAnnApAdbhImAdR^ite.api nA.apAdbhImAt || 52||
yAM spraShTumichChantamajAtashatruM nyavArayatsvaHsthamajAtashatrum |
shaMrUpA ne nityarateriyaM shrIriti sma deveDyaditeriyaM shrIH || 53|| (shaMrUpya)

manasAmanasA.amanasA manasA yamanantamajasramavedanuyA |
vilayaM vilayaM vilayaM vilayannikhilaM tvashubhaM prachakAra cha yA || 54|| (prachakAra cha yaH)

so.agAddUtamukhena pramuNedaM vartate yadUtamukhena |
pArthArthe bahutanutAM yatra prakAshayat svayaM sabahutanutAm || 55|| (prAkAshayat)

gurukarNanadIjAdInavadhIchchakShurbalena janadIjAdI | (janadIjAn)
shaktyA nijayA paravAn svajanAnudrechayannanantayA.aparavAn || 56||
yasya sunItisahAyAnna ripUnmene.arjunaH sametasahA yAn |
akarochchAsu parAsupratatiM senAsu dhAvanAsuparAsu || 57||
yena jayadrathamAraH pArthaH shatrUnavApatadrathamAraH | (pAtrA)
yadvirahAdapi dehe sa rathaH shashvat sthiteH sadAdapi dehe || 58||
yadbharito bharatAbhaH prabhurambhAbhAvito.abhibharatAbhaH |
bhImo rabhasA.abhibhavI prasabhaM bhAbhAbhibhUrbhAsA bhibhavI || 59||
yadanugrahapUrNatvAd bhImaH sarvAnarInanahipUrNatvA.a.at | (yadanugrahipUrNatvAd)
adahadbAhubalena krodhAgnAvAhitAnnijAhubalena || 60||
kR^iShNAbhImAptatamaH shIrNaM yena svakIyahR^idayamAptatamaH |
dhR^itarAShTrasutAnavadhId bhImena sthApito manasi susutAnavadhIt || 61||
bhImanipAtitadehAnadarshayatsvAnarIn vipAtitadehAn | (bhImavipATita, vipATitadehAn)
kR^iShNAyA hitakArI samyagghIrapriyaH sadA.ahitakArI || 62|| (samyaggIrapriyaH)

atha hariNA.apItabalaM drauNerastraM mahAriNA pItabalam |
dadhatA.avAsomaraNaM nItaM chakre.abhimanyujaM somaraNam || 63||
tasya cha rakShA sukR^itA janArdaneneshasheShakekShAsukR^itA |
pArtheShu premavatA nityaM bhartrA.asutAsuvipremavatA || 64||
j~nAnaM paramaM prAdAdbhIShmagataH sR^itivimokShacharamaM prAdAt |
pANDusutAnAmadhikaM chakre vedaM guNottaraM svanAmadhikam || 65||
tenAvApi sujAtairharimedhasturagAvartane.api sujAtaiH | (sujAtairhayamedhasturagAvartane.api)
pANDusutaiH savasUkairAptairvyAsAtmanA cha susavasUkaiH || 66||
tadanu supANDutanUjai reme kShmAM pAlayan supANDutanUjaiH |
anupamasukharUpo.ajaH paramaH shrIvallabhaH svadhikarUpojaH || 67|| (sati sukharUpojaH)

sugatiM paramAmadadAnnijayogyAM j~nAnisutatiparamAmadadAt |
(charamAmadadAnnijayogyAM j~nAnisutatimparamAmadadAt)
pArthAnAM sayadUnAM sa pitR^ipreShyAdinAminAM sayadUnAm || 68||
reme tatrApisukhI paramo.ananto nananda tatrApisukhI |
prANenendirayA cha prayuto nityaM mahAguNendirayA cha || 69||
evaM sarvANi hare rUpANi shrIpateH suparvANihareH |
pUrNasukhAni subhAnti pratatAni nirantarANi subhAnti || 70||
rAma rAma mahAbAho mAyA te sudurAsadA |
vAdasAdada ko loke pAdAveva tavAsajet || 71||
jetsavAtava vedApAkelokodada sAdavA |
dAsarAdusuteyAmAhobAhA mama rAma rA || 72|| (rAma rAH)

devAnAM patayo nityaM no mataM yasya jAnate | (mataM yasya na jAnate)
tasmai deva namasye.ahaM bhavate.asuramAraye || 73||
samastadevajana kavAsudevaparAmR^ita |
vAsudeva parAmR^ita j~nAnamUrte namo.astu te || 74||
devAde devalokapa pUrNAnandamahodaghe |
sarvaj~nesha ramAnAtha devA.a.adedevalokapa || 75||
yonirmamesheShapurANavidyAM yonirmamesheShapurANavidyAm |
yonirmamesheShapurANavidyAM yonirmamesheShapurANavidyAm || 76||
anantapArAmitavikramesha prabho ramApAramanantapAra |
mahAguNADhyAparimeyasattva ramAlayAsheShamahAguNADhya || 77||
bhAbhAbhAbhAbhAbhAbhAbhAbhAbhAbhAbhAbhAbhAbhAbhA |
bhAbhAbhAbhAbhAbhAbhAbhAbhAmAbhAbhAbhAbhAbhAbhA || 78||
naiva paraH keshavataH paramAdasmAtsamashcha sukeshavataH |
so.ayaM shapathavaro naH shashvatsandhAritaH sushapathavaro.anaH || 79||
kR^iShNakatheyaM yamitA sukhatIrthenoditA.anane ne yaM yamitA | (sukhatIrthenoditA.anene)
bhaktimatA parameshe sarvodrekAtsadAnutA.a.apa rameshe || 80|| (sarvodrekAtsadAvatA.a.apa)

iti nArAyaNanAmA sukhatIrthaMsupUjitaH surAyaNanA mA | (su.avakatIrthesupUjitaH nArAyaNanA)
pUrNaguNAdhika pUrNaj~nAnechChAbhaktibhiH svadhika pUrNa || 81||
(pUrNaguNairadhika pUrNaj~nAnechChAshaktibhiH svadhika pUrNaH)

|| iti shrImadmadhvAchAryavirachitaM yamakabhArataM sampUrNam ||

kR^iShNakathA
##

Proofread Vani V.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}