% Text title            : Pratahsmarana Shlokas
% File name             : prAtaHsmaraNashlokAni.itx
% Category              : misc, suprabhAta, suprabhAta
% Location              : doc\_z\_misc\_misc
% Proofread by          : PSA Easwaran
% Latest update         : April 25, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pratahsmarana Shlokas ..}##
\itxtitle{.. prAtaHsmaraNashlokAni ..}##\endtitles ##
karAgre vasate lakShmIH karamadhye sarasvatI |
karamUle bhave gaurI prabhAte karadarshanam || 1||
samudravasane devi parvatastanamaNDite |
viShNupatni namastubhyaM pAdasparshaM kShamasva me || 2||
brahmA murAristripurAntako vA
     bhAnushshashI bhUmisuto budhashcha |
gurushcha shukrashshanirAhuketavaH
     kurvantu sarve mama suprabhAtam || 3||
sanatkumArassanakassanandanaH
     sanAtano.apyAsuripi~Ngalau cha |
saptasvarAssaptarasAtalAni
     kurvantu sarve mama suprabhAtam || 4||
saptArNavAssaptakulAchalAshcha
     saptarShayo dvIpavanAni sapta |
bhUrAdikR^itvA bhuvanAni sapta
     kurvantu sarve mama suprabhAtam || 5||
pR^ithvI sagandhA sarasAstathA.a.apaH
     sparshI cha vAyurjvalanaH sa tejAH |
nabhassashabdaM mahatA sahaiva
     kurvantu sarve mama suprabhAtam || 6||
mahendro malayassahyo devatA.a.atmA himAlayaH |
dhyeyo raivatako vindhyo girishchArAvalistathA || 7||
ga~NgA sindhushcha kAverI yamunA cha sarasvatI |
revA mahAnadI godA brahmaputrA punAtu mAm || 8||
ayodhyA madhurA mAyA kAshI kA~nchI avantikA |
purI dvArAvatI chaiva saMsmR^itA mokShadAyikAH || 9||
prayAgaM pATalIputraM vijayInagaraM purIm |
indraprasthaM gayAM chaiva pratyUShe pratyahaM smaret || 10||
arundhatyanasUyA cha sAvitrI jAnakI satI |
tejasvinI cha pA~nchAlI vandanIyA nirantaram || 11||
lakShmIrahalyA channammA mIrA durgAvatI tathA |
kaNNagI cha mahAsAdhvI shAradA cha niveditA || 12||
vainyaM pR^ithuM haihayamarjunaM cha shAkuntaleyaM bharataM nalaM cha |
rAmaM cha vai yaH smarati prabhAte tasyArthalAbho vijayashcha haste || 13||
dadhya~N manurbhR^igurasau haripUrvachandro
     bhIShmArjunadhruvavasiShThashukAdayashcha |
prahlAdanAradabhagIrathavishvakarmA
     vAlmIkayo.atra chirachintyashubhAbhidhAnAH || 14||
ashvatthAmA balirvyAso hanumAMshcha vibhIShaNaH |
kR^ipaH parashurAmashcha saptaite chirajIvanaH || 15||
saptaitAn saMsmarennityaM mArkaNDeyamathAShTamam |
jIvedvarShashataM sAgramapamR^ityuvivarjitaH || 16||
puNyashloko nalo rAjA puNyashloko yudhiShThiraH |
puNyashloko videhashcha puNyashloko janArdanaH || 17||
buddho jinendro gorakShaH sha~Nkarashcha pata~njaliH |
rAmAnujo.atha chaitanyaH kabIro gurunAnakaH || 18||
j~nAneshvarastukArAmaH samaro madhyavallabhaH |
sarasistulasIdAsaH kambaH sAdhukulottamAH || 19||
nAyanArAlavArAshcha tiruvalluvarastathA |
vitarantu sadaivete daivIM me guNasampadam || 20||
agastyaH kambukauNDinyo rAjendrashcholabhUShaNaH |
sarve digjayinaH khyAtAH shailendro bapparAvalaH || 21||
chANakyashchandraguptashcha vikramashshAlivAhanaH |
ashokaH puShyamitrashcha khAravelaH sunItimAn || 22||
hUNajetA yashovarmaH samudro guptavaMshajaH |
shrIkR^iShNadevarAyashcha pradAtA harShavardhanaH || 23||
sAdhushsha~Nkaradevashcha tathA sAyaNamAdhavau |
pratApashshivarAjashcha | govindo basaveshvaraH | 24||
rAmakR^iShNo dayAnando ravIdro rAmamohanaH |
rAmatIrtho.aravindashcha vivekAnanda udyashAH || 25||
tilako ramaNashchaiva sudhIrnArAyaNo guruH |
mahAmanA mAlavIyo mahAtmAgAndhireva cha || 26||
anuktA ye bhaktA haricharaNasaMsaktahR^idayA
     avij~nAtA vIrA adhisamaramud.hdhvastaripavaH |
mahAtmAnassanto bharatabhuvi ye santi cha pare
     namastebhyo bhUyAduShasi sakalebhyaH pratidinam || 27||
ratnAkarAdhautapadAM himAlayakirITinIm |
brahmarAjarShiratnADhyAM vande bhAratamAtaram || 28||
prAtaHsmaraNametadyo viditvA.a.adarataH paThet |
sa samyagdharmaniShThaH syAtsaMsmR^itAkhaNDabhArataH || 29||

iti prAtaHsmaraNashlokAni samAptA |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}