% Text title            : shishirasamayAsavaH
% File name             : shishirasamayAsavaH.itx
% Category              : misc, sahitya
% Location              : doc\_z\_misc\_misc
% Author                : gAyatrisvarUpa brahmachari
% Transliterated by     : Venkata Krishna T
% Proofread by          : Venkata Krishna T
% Latest update         : February 26, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shishirasamayAsavaH ..}##
\itxtitle{.. shishirasamayAsavaH ..}##\endtitles ##
shAntireva jananI jayalakShmyAH shItalaM vijayate bhuvi shIlam |
eti sUchayitumetadayaM drAg  UShmakaM niyamaya~n shishirartuH || 1||
yuktameva tu tapastapasyayoH sa~nchakAsti madhumAdhavaM phalam |
uttarottaravaraM samAgamaM ko.abhinandatu naro na rochanaH ? || 2||
svAgataM tanumahe shishirasya yasya so.asti madhuraH pariNAmaH |
kiM sa eti subhagaH ? sahasA yaH paryavasyati tathAtidurantaH || 3||
sAdhushAntaprakR^itiH kamanIyaH sarvasharmasadano ramaNIyaH |
advitIyasuShamo bhuvi bhartuH shobhano vijayate shishirartuH || 4||
yadyapIha kusumAni na tAni santi santi kusumAni natAni |
vardhate tadapi kAlamahimnA hanta ! hanta ! kusumAshuga eShaH || 5||
padminIShu sumanaHsvirAsu smAbhiyAti madhupo.alaghu dhUrtaH |
yo hi so.ayamadhunA madhunAshAd dInadIna iva gachChati bhR^i~NgIm || 6||
ikShumiShTarasamApya samAnaM cha~nchalAlirasamApya sa mAnam |
gantumanyaphalinaM na samarthaH ko nu vA.avaramayed varaM tyajan ? || 7||
namrakamravadanotkalikAto chandrikAchChavasanena vR^itA~NgI |
sAbhisartumayate rajanIyaM mandamindudayitaM dayiteva || 8||
kAmuko.arddhanishi kAmayamAnaH kAminIM kalati kAmayamAnaH |
chitramatra pramadAsamudAyaH preyase yadayate samudAya || 6||
kAmanAta R^ituShu kva nu kAntaM kA manAgapi bhajeta samAnA ?
hanta ! kintu kamanAratameShA yAchate na kamanA rataveShA ? || 10||
tUlikA na, nahi kambalakaM vA, dhAtavo.alamatha no na, hasantI |
shItameShu divaseShu viloptuM sA yathAsti navayauvanaramyA || 11||
lAlanIyalalanAlalanIye ratnabheva taralA phalitA~Nge ||
sattuShArakadalIdalalolA chandrikA nishi chakAsti nitAntam || 12||
saumyayA suShamayA.asamayA tat sampatad himamathAnilalolam |
bhAgyabhAja iha te kR^itakR^ityAH satkalatramiva sa~Nkalayante || 13||
kampamAnavasano.adhikatAntaH kvApyasau pipatiShushchalapAdaH |
shItapItavadanashcha shayAlurdvArapAla iva ghUrNati chandraH || 14||
unnato navadhanaH sa himAnImaNDito ravikarairadhisandhyam |
kautukaM kR^itiShu ki~nchana kartuM kinnu pArayati no himashailaH ? || 16||

iti shishirasamayAsavaH sampUrNaH |

##

Encoded and proofread by Venkata Krishna T

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}