% Text title            : Adityastotrams hrImadappayyadIkShitavirachitaM mahAmahimAnvitaM
% File name             : AdityastotraAppayaDixit.itx
% Category              : navagraha, stotra, appayya-dIkShita
% Location              : doc\_z\_misc\_navagraha
% Author                : Appaya Dixit
% Transliterated by     : Usha Rani Sanka usharani dot sanka at gmail.com
% Proofread by          : Usha Rani Sanka usharani dot sanka at gmail.com
% Latest update         : August 16, 2014
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. mahAmahimAnvitaM Adityastotram ..}##
\itxtitle{.. mahAmahimAnvitaM Adityastotram ..}##\endtitles ##

atha shrImadappayyadIkShitavirachitaM mahAmahimAnvitaM Adityastotram ||

vistArAyAmamAnaM dashabhirupagato yojanAnAM sahasraiH
chakre pa~nchAranAbhitritayavati lasan nemiShaTke niviShTaH |
saptachChandastura~NgAhitavahanadhuro hAyanAMshatrivarga
vyaktAkLLiptAkhilA~NgaH sphuratu mama puraH syandanashchaNDabhAnoH || 1||
AdityairapsarobhirmunibhirahivarairgrAmaNIyAtudhAnaiH
gandharvairvAlakhilyaiH parivR^itadashamAMshasya kR^itsnaM rathasya |
madhyaM vyApyAdhitiShThan maNiriva nabhaso maNDalashchaNDarashmeH
brahmajyotirvivartaH shrutinikaraghanIbhAvarUpaH samindhe || 2||
nirgachChanto.arkabimbAn nikhilajanibhR^itAM hArdanADIpraviShTAH
nADyo vasvAdivR^indArakagaNamadhunastasya nAnAdigutthAH |
varShantastoyamuShNaM tuhinamapi jalAnyApibantaH samantAt
pitrAdInAM svadhauShadhyamR^itarasakR^ito bhAnti kAntiprarohAH|| 3||
shreShThAsteShAM sahasre tridivavasudhayoH pa~nchadigvyAptibhAjAM
shubhrAMshuM tArakaughaM shashitanayamukhAn pa~ncha chodbhAsayantaH |
Arogo bhrAjamukhyAstribhuvanadahane saptasUryA bhavantaH
sarvAn vyAdhIn suShumnAprabhR^itaya iha me sUryapAdAH kShipantu || 4||
AdityAnAshritAH ShaNNavatiguNasahasrAnvitA rashmayo.anye
mAse mAse vibhaktAstribhuvanabhavanaM pAvayantaH sphuranti |
yeShAM bhuvyaprachAre jagadavanakR^itAM saptarashmyutthitAnAM
saMsarpe chAdhimAse vratayajanamukhAH satkriyAH na kriyante || 5||
AdityaM maNDalAntaHsphuradaruNavapustejasA vyAptavishvaM
prAtarmadhyAhnasAyaM samayavibhajanAdR^igyajussAmasevyam |
prApyaM cha prApakaM cha prathitamatipathij~nAninAmuttarasmin
sAkShAd brahmetyupAsyaM sakalabhayaharAbhyudgamaM saMshrayAmi || 6||
yachChaktyA.adhiShThitAnAM tapanahimajalotsarjanAdirjagatyAm
AdityAnAmasheShaH prabhavati niyataH svasvamAsAdhikAraH |
yat prAdhAnyaM vyanakti svayamapi bhagavAn dvAdashasteShu bhUtvA
taM trailokyasya mUlaM praNamata paramaM daivataM saptasaptim || 7||
svaHstrIgandharvayakShA munivarabhujagA yAtudhAnAshcha nityaM
nR^ittairgItairabhIshugrahanutivahanairagrataH sevayA cha |
yasya prItiM vitanvantyamitaparikarA dvAdasha dvAdashaite
hR^idyAbhirvAlakhilyAH saraNibhaNitibhistaM bhaje lokabandhum || 8||
brahmANDe yasya janmoditamuShasi parabrahmamukhyAtmajasya
dhyeyaM rUpaM shirodoshcharaNapadajuShA vyAhR^itInAM trayeNa |
tat satyaM brahma pashyAmyaharahamabhidhaM nityamAdityarUpaM
bhUtAnAM bhUnabhassvaH prabhR^itiShu vasatAM prANasUkShmAMshamekam || 9||
Aditye lokachakShuShyavahitamanasAM yoginAM dR^ishyamantaH
svachChasvarNAbhamUrtiM vidalitanalinodAradR^ishyAkShiyugmam |
R^iksAmodgAnageShNaM niratishayalasallokakAmeshabhAvaM
sarvAvadyoditatvAduditasamuditaM brahma shambhuM prapadye || 10||
omityudgIthabhakteravayavapadavIM prAptavatyakShare.asmin
yasyopAstiH samastaM duritamapanayatvarkabimbe sthitasya |
yat pUjaikapradhAnAnyaghamakhilamapi ghnanti kR^ichChravratAni
dhyAtaH sarvopatApAn haratu parashivaH so.ayamAdyo bhiSha~NnaH || 11||
Aditye maNDalArchiH puruShavibhidayAdyantamadhyAgamAtma\-
nyAgopAlA~NganAbhyo nayanapathajuShA jyotiShA dIpyamAnam
gAyatrImantrasevyaM nikhilajanadhiyAM prerakaM vishvarUpam |
nIlagrIvaM trine(Ne)traM shivamanishamumAvallabhaM saMshrayAmi || 12||
abhrAkalpaH shatA~NgaH sthiraphaNitimayaM maNDalaM rashmibhedAH
sAhasrAsteShu sapta shrutibhirabhihitAH ki~nchidUnAshcha lakShAH |
ekaikeShAM chatasrastadanu dinamaNerAdidevasya tisraH
kLLiptAH tattatprabhAvaprakaTanamahitAH sragdharA dvAdashaitAH || 13||
duHsvapnaM durnimittaM duritamakhilamapyAmayAnapyasAdhyAn
doShAn duHsthAnasaMsthagrahagaNajanitAn duShTabhUtAn grahAdIn |
nirdhUnoti sthirAM cha shriyamiha labhate muktimabhyeti chAnte
sa~NkIrtya stotraratnaM sakR^idapi manujaH pratyahaM patyurahnAm || 14||

|| iti shrImadappayyadIkShitavirachitashrImadAdityastotraratnam ||
##
\medskip\hrule\medskip
Encoded and proofread by Usha Rani Sanka usharani dot sanka at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}