% Text title            : jayAdityastotramskandapurANa
% File name             : jayAdityastotramskandapurANa.itx
% Category              : navagraha, aShTaka
% Location              : doc\_z\_misc\_navagraha
% Transliterated by     : Sunder Hattangadi
% Proofread by          : Sunder Hattangadi
% Description/comments  : Skandamahapurna Maheshvarakhanda Kaumarikakhanda Adhyaya 51, verses 65-90 
% Latest update         : February 21, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. jayAdityastotram or jayAdityAShTakam ..}##
\itxtitle{.. jayAdityastotram athavA jayAdityAShTakam ..}##\endtitles ##
na tvaM kR^itaH kevalasaMshrutashcha yajuShyevaM vyAharatyAdideva! |
chaturvidhA bhAratI dUradUraM dhR^iShTaH staumi svArthakAmaH kShamaitat || 1||
mArtaNDasUryAMshuravistathendro bhAnurbhagashchA.aryamA svarNaretAH || 2||
divAkaro mitraviShNushcha deva! khyAtastvaM vai dvAdashAtmA namaste |
lokatrayaM vai tava garbhagehaM jalAdhAraH prochyase khaM samagram || 3||
nakShatramAlA kusumAbhimAlA tasmai namo vyomali~NgAya tubhyam || 4||
tvaM devadevastvamanAthanAthastvaM prApyapAlaH kR^ipaNe kR^ipAluH |
tvaM netranetraM janabuddhibuddhirAkAshakAsho jaya jIvajIvaH || 5||
dAridryadAridrya nidhe nidhInAmama~NgalAma~Ngala sharmasharma |
rogaprarogaH prathitaH pR^ithivyAM chiraM jayA.a.aditya! jayA.a.aprameya! || 6||
vyAdhigrastaM kuShTharogAbhibhUtaM bhagnaghrANaM shIrNadehaM visa.nj~nam |
mAtA pitA bAndhavAH santyajanti sarvaistyaktaM pAsi ko.asti tvadanyaH || 7||
tvaM me pitA tvaM jananI tvameva tvaM me gururbAndhavAshcha tvameva |
tvaM me dharmastva~ncha me mokShamArgo dAsastubhyaM tyaja vA rakSha deva! || 8||
pApo.asmi mUDho.asmi mahograkarmA raudro.asmi nA.a.achAranidhAnamasmi |
tathApi tubhyaM praNipatya pAdayorjayaM bhaktAnAmarpayaM shrIjayArka! || 9||

                 phalashrutiH
nArada uvAcha\-
evaM stuto jayAdityaH kamaThena mahAtmanA |
snigdhagambhIrayAvAchA prAha taM prahasanniva || 10||
jayAdityAShTakamidaM yattvayA parikIrtitam |
anenastoShyate yo mAmbhuvi tasya na durlabham || 11||
ravivAre visheSheNa mAM samabhyarchya yaH paThet |
tasya rogAnashiShyanti dAridrya~ncha na saMshayaH || 12||
tvayA cha toShitovatsatavadadmivarantvamum |
sarvaj~no bhuvi bhUtvA tvaM tato muktimavApsyasi || 13||
tvatpitA smR^itikArashcha bhaviShyati dvijArchitaH |
sthAnasyA.asya na nAshashcha kadAchitprabhaviShyati || 14||
na chaitatsthAnakaM vatsa parityakShyAmi karhichit |
evamuktvA sa bhagavAnbrAhmaNairarchitaH stutaH || 15||
anuj~nApya dvijendrAMstAMstatraivA.antardadhe prabhuH |
evaM pArtha samutpanno jayAdityo.atra bhUtale || 16||
Ashvine mAsi samprApte ravivAre cha suvrata!
Ashvine bhAnuvAreNa yo jayAdityamarchayet || 17||
koTitIrthe naraH snAtvA brahmahatyAM vyapohati |
pUjanAdraktamAlyaishcha raktachandanaku~NkumaiH || 18||
lepanAdgandhadhUpAdyairnaivedyairghR^itapAyasaiH |
brahmaghnashcha surApashcha steyI cha gurutalpagaH || 19||
muchyate sarvapApebhyaH sUryaloka~ncha gachChati |
putradAradhanAnyAyuH prApya sAMsArikaM sukham || 20||
iShTakAmaiH samAyuktaH sUryaloke chiraM vaset || 21||
sarveShu ravivAreShu jayAdityasya darshanam |
kIrtanaM smaraNaM vApi sarvarogopashAntikam || 22||
anAdinidhanaM devamavyaktaM tejasAnnidhim |
ye bhaktAste cha lIyante saurasthAne nirAmaye || 23||
sUryoparAge samprApte ravikUpe samAhitaH |
snAnaM yaH kurute pArtha homaM kuryAtprayatnataH || 24||
dAnaM chaiva yathAshaktyA jayAdityAgrataHsthitaH |
tasya puNyasya mAhAtmyaM shruNuShvaikamanAjaya || 25||
kurukShetreShu yatpuNyaM prabhAse puShkareShu cha |
vArANasyA~ncha yatpuNyaM prayAge naimiShe.api vA |
tatpuNyaM labhate martyo jayAdityaprasAdataH || 26||

iti shrIskAnde mahApurANe ekAshItisAhasryAM saMhitAyAM
prathame mAheshvarakhaNDe kaumArikAkhaNDe
jayAdityamAhAtmyavarNananAmaikapa~nchAshattamo.adhyAye
jayAdityAShTakam || 1||
##
Skandamahapurna Maheshvarakhanda Kaumarikakhanda Adhyaya 51, verses 65-90

Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}