% Text title            : Ketu Stotram
% File name             : ketustotram.itx
% Category              : navagraha, stotra
% Location              : doc\_z\_misc\_navagraha
% Transliterated by     : KSR Ramachandran
% Proofread by          : KSR Ramachandran
% Latest update         : May 31, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ketu Stotram ..}##
\itxtitle{.. ketustotram ..}##\endtitles ##
atha ketustotraprArambhaH |
OM asya shrIketustotramahAmantrasya vAmadeva R^IShiH |
anuShTupChandaH | keturdevatA |
ketuprasAdasiddhyarthe jape viniyogaH |
gautama uvAcha |
munIndra sUta tattvaj~na sarvashAstravishArada |
sarvarogaharaM brUhi ketoH stotramanuttamam || 1||
sUta uvAcha |
shR^iNu gautama vakShyAmi stotrametadanuttamam |
guhyAdguhyatamaM ketoH brahmaNA kIrtitaM purA || 2||
AdyaH karAlavadano dvitIyo raktalochanaH |
tR^itIyaH pi~NgalAkShashcha chaturtho j~nAnadAyakaH || 3||
pa~nchamaH kapilAkShashcha ShaShThaH kAlAgnisannibhaH |
saptamo himagarbhashcha dhUmravarNoShTamastathA || 4||
navamaH kR^ittakaNThashcha dashamaH narapIThagaH |
ekAdashastu shrIkaNThaH dvAdashastu gadAyudhaH || 5||
dvAdashaite mahAkrUrAH sarvopadravakArakAH |
parvakAle pIDayanti divAkaranishAkarau || 6||
nAmadvAdashakaM stotraM ketoretanmahAtmanaH |
paThanti ye.anvahaM bhaktyA tebhyaH ketuH prasIdati || 7||
kulukthadhAnye vilikhet ShaTkoNaM maNDalaM shubham |
padmamaShTadalaM tatra vilikhechcha vidhAnataH || 8||
nIlaM ghaTaM cha saMsthApya divAkaranishAkarau |
ketuM cha tatra nikShipya pUjayitvA vidhAnataH || 9||
stotrametatpaThitvA cha dhyAyan ketuM varapradam |
brAhmaNaM shrotriyaM shAntaM pUjayitvA kuTumbinam || 10||
ketoH karAlavaktrasya pratimAM vastrasaMyutAm |
kumbhAdibhishcha saMyuktAM chitrAtAre pradApayet || 11||
dAnenAnena suprItaH ketuH syAttasya saukhyadaH |
vatsaraM prayatA bhUtvA  pUjayitvA vidhAnataH || 12||
mUlamaShTottarashataM ye japanti narottamAH |
teShAM ketuprasAdena na kadAchidbhayaM bhavet || 13||

   iti ketustotraM sampUrNam |
##
Encoded and proofread by KSR Ramachandran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}