% Text title            : mahAkAlashanimRityunjayastotram
% File name             : mahAkAlashanimRityunjayastotra.itx
% Category              : navagraha, shataka
% Location              : doc\_z\_misc\_navagraha
% Source                : Martandabhairavatantra
% Latest update         : July 20, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri MahakAla Shanimrityunjaya Stotram ..}##
\itxtitle{.. shrImahAkAlashanimR^ityu~njayastotram ..}##\endtitles ##
athaH dhyAnam |
nIlAdrishobhA~nchitadivyamUrtiH khaDgI tridaNDI sharachApahastaH |
shambhurmahAkAlashaniH purArirjayatyasheShAsura nAshakArI ||
athaH viniyogaH |
OM asya shrImahAkAlashanimR^ityu~njaya stotramantrasya
pippalAdiR^iShiranuShTupChando mahAkAlashanirdevatA shaM bIjamAyaso shaktiH
kAlapuruShAyeti kIlakaM mamAkAlApamR^ityunivAraNArthe pAThe viniyogaH ||
atha R^iShyAdinyAsaH \-
OM pippalAdaR^iShaye namaH shirasi |
OM anuShTupaChandase namaH mukhe |
OM mahAkAlashani devatAyai namaH hR^ide |
OM shaM bIjAya namaH guhye |
OM AyasI shaktaye namaH pAdayoH |
OM kAlapuruShaM kIlakAya namaH nAbhau |
OM viniyogAya namaH sarvA~Nge ||
atha karanyAsaH \-
OM pippalAdaR^iShaye namaH a~NguShThAbhyAM namaH |
OM anuShTupaChandase namaH tarjanIbhyAM namaH |
OM mahAkAlashanidevatAyai namaH madhyamAbhyAM namaH |
OM shaM bIjAya namaH anAmikAbhyAM namaH |
OM AyasI shaktaye namaH kaniShThikAbhyAM namaH |
OM kAlapuruShaM kIlakAya namaH karatalakarapR^iShThAbhyAM namaH ||
atha hR^idayanyAsaH \-
OM pippalAdaR^iShaye hR^idayAya namaH |
OM anuShTupaChandase shirase svAhA |
OM mahAkAlashanidevatAyai shikhAyai vaShaT |
OM shaM bIje kavachAya hum |
OM AyasI shaktaye netratrayAya vauShaT |
OM kAlapuruShAya astrAya phaT ||
atha dehanyAsaH \-
OM mahograM mUrdhni | OM vaivasvataM mukhe | OM mandaM gale |
OM mahAgrahaM bAhavoH | OM mahAkAlaM hR^idaye | OM kR^ishatanuM guhye |
OM tuDucharaM jAnvo | OM shanaishcharaM pAdayoH ||

OM shrI gaNeshAya namaH | OM shrI shanaishcharAya namaH ||

atha shanaishcharamR^ityu~njayastotram |
OM mahAkAlashanimR^ityu~njAyAya namaH |
nIlAdrIshobhA~nchitadivyamUrtiH khaDgo tridaNDI sharachApahastaH |
shambhurmahAkAlashaniH purArirjayatyasheShAsuranAshakArI || 1||
merupR^iShThe samAsInaM sAmarasye sthitaM shivam |
praNamya shirasA gaurI pR^ichChatisma jagaddhitam || 2||
pArvatyuvAcha \-
bhagavan ! devadevesha ! bhaktAnugrahakAraka ! |
alpamR^ityuvinAshAya yattvayA pUrva sUchitam || 3||
tadevatvaM mahAbAho ! lokAnAM hitakArakam |
tava mUrti prabhedasya mahAkAlasya sAmpratam || 4||
shanermR^ityu~njayastotraM brUhi me netrajanmanaH |
akAla mR^ityuharaNamapamR^ityu nivAraNam || 5||
shanimantraprabhedA ye tairyuktaM yatstavaM shubham |
pratinAma chathuryantaM namontaM manunAyutam || 6||
shrIsha~Nkara uvAcha \-
nitye priyatame gauri sarvaloka\-hiterate |
guhyAdguhyatamaM divyaM sarvalokopakArakam || 7||
shanimR^ityu~njayastotraM pravakShyAmi tava.adhunA |
sarvama~NgalamA~NgalyaM sarvashatru vimardanam || 8||
sarvarogaprashamanaM sarvApadvinivAraNam |
sharIrArogyakaraNamAyurvR^iddhikaraM nR^iNAm || 9||
yadi bhaktAsi me gaurI gopanIyaM prayatnataH |
gopitaM sarvatantreShu tachChraNuShva maheshvarI ! || 10||
R^iShinyAsaM karanyAsaM dehanyAsaM samAcharet |
mahograM mUrghni vinyasya mukhe vaivasvataM nyaset || 11||
gale tu vinyasenmandaM bAhvormahAgrahaM nyaset |
hR^idi nyasenmahAkAlaM guhye kR^ishatanuM nyaset || 12||
jAnvomtUDucharaM nyasya pAdayostu shanaishcharam |
evaM nyAsavidhi kR^itvA pashchAt kAlAtmanaH shaneH || 13||
nyAsaM dhyAnaM pravakShyAmi tanau shyArvA paThennaraH |
kalpAdiyugabhedAMshcha karA~NganyAsarupiNaH || 14||
kAlAtmano nyased gAtre mR^ityu~njaya ! namo.astu te |
manvantarANi sarvANi mahAkAlasvarupiNaH || 15||
bhAvayetprati pratya~Nge mahAkAlAya te namaH |
bhAvayetprabhavAdyabdAn shIrShe kAlajite namaH || 16||
namaste nityasevyAya vinyasedayane bhruvoH |
sauraye cha namaste.atu gaNDayorvinyasedR^itUn || 17||
shrAvaNaM bhAvayedakShNornamaH kR^iShNanibhAya cha |
mahogrAya namo bhArdaM tathA shravaNayornyaset || 18||
namo vai durnirIkShyAya chAshvinaM vinyasenmukhe |
namo nIlamayUkhAya grIvAyAM kArtikaM nyaset || 19||
mArgashIrSha nyased\-bAhvormahAraudrAya te namaH |
Urdvaloka\-nivAsAya pauShaM tu hR^idaye nyaset || 20||
namaH kAlaprabodhAya mAghaM vai chodarenyaset |
mandagAya namo meDhre nyaserdvaphAlgunaM tathA || 21||
UrvornyasechchaitramAsaM namaH shivosbhavAya cha |
vaishAkhaM vinyasejjAnvornamaH saMvarttakAya cha || 22||
ja~NghayorbhAvayejjyeShThaM bhairavAya namastathA |
AShA.DhaM pAdyoshchaiva shanaye cha namastathA || 23||
kR^iShNapakShaM cha krUrAya namaH ApAdamastake |
nyasedAshIrShapAdAnte shuklapakShaM grahAya cha || 24||
nayasenmUlaM pAdayoshcha grahAya shanaye namaH |
namaH sarvajite chaiva toyaM sarvA~Ngulau nyaset || 25||
nyased\-gulpha\-dvaye vishvaM namaH shuShkatarAya cha |
viShNubhaM bhAvayejja~Nghobhaye shiShTatamAya te || 26||
jAnudvaye dhaniShThAM cha nyaset kR^iShNaruche namaH |
Urudvaye vArurNAnnyasetkAlabhR^ite namaH || 27||
pUrvabhAdraM nyasenmeDhre jaTAjUTadharAya cha |
pR^iShTha_uttarabhAdraM cha karAlAya namastathA || 28||
revatIM cha nyasennAbho namo mandacharAya cha |
garbhadeshe nyaseddastraM namaH shyAmatarAya cha || 29||
namo bhogisraje nityaM yamaM stanayuge nyaset |
nyesatkR^ittikAM hR^idaye namastailapriyAya cha || 30||
rohiNIM bhAvayeddhaste namaste khaDgadhArINe |
mR^igaM nyesatadvAma haste tridaNDollasitAya cha || 31||
dakShorddhva bhAvayedraudraM namo vai bANadhAriNe |
punarvasumUrddhva namo vai chApadhAriNe || 32||
tiShyaM nyaseddakShabAhau namaste hara manyave |
sArpaM nyasedvAmabAhau chograchApAya te namaH || 33||
maghAM vibhAvayetkaNThe namaste bhasmadhAriNe |
mukhe nyased\-bhagarkSha cha namaH krUragrahAya cha || 34||
bhAvayeddakShanAsAyAmaryamANashva yogine |
bhAvayedvAmanAsAyAM hastarkShaM dhAriNe namaH || 35||
tvAShTraM nyaseddakShakarNe kR^isarAnna priyAya te |
svAtIM nyesadvAmakarNe namo bR^ihmamayAya te || 36||
vishAkhAM cha dakShanetre namaste j~nAnadR^iShTaye |
maitraM nyasedvAmanetre namo.andhalochanAya te || 37||
shAkraM nyasechcha shirasi namaH saMvartakAya cha |
viShkumbhaM bhAvayechChIrShesandhau kAlAya te namaH || 38||
prItiyogaM bhruvoH sandhau mahAmandaM ! namo.astu te |
netrayoH sandhAvAyuShmadyogaM bhIShmAya te namaH || 39||
saubhAgyaM bhAvayennAsAsandhau phalAshanAya cha |
shobhanaM bhAvayetkarNe sandhau piNyAtmane namaH || 40||
namaH kR^iShNayAtigaNDaM hanusandhau vibhAvayet |
namo nirmAMsadehAya sukarmANaM shirodhare || 41||
dhR^itiM nyaseddakShavAhau pR^iShThe ChAyAsutAya cha |
tanmUlasandhau shUlaM cha nyasedugrAya te namaH || 42||
tatkUrpare nyasedagaNDe nityAnandAya te namaH |
vR^iddhiM tanmaNibandhe cha kAlaj~nAya namo nyaset || 43||
dhruvaM tad~NgulI\-mUlasandhau kR^iShNAya te namaH |
vyAghAtaM bhAvayedvAmabAhupR^iShThe kR^ishAya cha || 44||
harShaNaM tanmUlasandhau bhutasantApine namaH |
tatkUrpare nyasedvajraM sAnandAya namo.astu te || 45||
siddhiM tanmaNibandhe cha nyaset kAlAgnaye namaH |
vyatIpAtaM karAgreShu nyasetkAlakR^ite namaH || 46||
varIyAMsaM dakShapArshvasandhau kAlAtmane namaH |
parighaM bhAvayedvAmapArshvasandhau namo.astu te || 47||
nyaseddakShorusandhau cha shivaM vai kAlasAkShiNe |
tajjAnau bhAvayetsiddhiM mahAdehAya te namaH || 48||
sAdhyaM nyasechcha tad\-gulphasandhau ghorAya te namaH |
nyasettada~NgulIsandhau shubhaM raudrAya te namaH || 49||
nyasedvAmArusandhau cha shuklakAlavide namaH |
brahmayogaM cha tajjAno nyasetsadyogine namaH || 50||
aindraM tad\-gulphasandhau cha yogA.adhIshAya te namaH |
nyasettada~NgulIsandhau namo bhavyAya vaidhR^itim || 51||
charmaNi bavakaraNaM bhAvayedyajvane namaH |
bAlavaM bhAvayedrakte saMhAraka ! namo.astu te || 52||
kaulavaM bhAvayedasthni namaste sarvabhakShiNe |
taittilaM bhAvayenmasi AmamAMsapriyAya te || 53||
garaM nyasedvapAyAM cha sarvagrAsAya te namaH |
nyasedvaNijaM majjAyAM sarvAntaka ! namo.astu te || 54||
viryevibhAvayedviShTiM namo manyUgratejase |
rudramitra ! pitR^ivasuvArINyetAMshcha pa~ncha cha || 55||
muhUrtAMshcha dakShapAdanakheShu bhAvayennamaH |
khageshAya cha khasthAya khecharAya svarupiNe || 56||
puruhUtashatamakhe vishvavedho\-vidhUMstathA |
muhUrtAMshcha vAmapAdanakheShu bhAvayennamaH || 57||
satyavratAya satyAya nityasatyAya te namaH |
siddheshvara ! namastubhyaM yogeshvara ! namo.astu te || 58||
vahninakta~ncharAMshchaiva varuNAryamayonakAn |
muhUrtAMshcha dakShahastanakheShu bhAvayennamaH || 59||
lagnodayAya dIrghAya mArgiNe dakShadR^iShTaye |
vakrAya chAtikrUrAya namaste vAmadR^iShTaye || 60||
vAmahastanakheShvantyavarNeshAya namo.astu te |
girishAhirbudhnyapUShAjapaShddastrAMshcha bhAvayet || 61||
rAshibhoktre rAshigAya rAshibhramaNakAriNe |
rAshinAthAya rAshInAM phaladAtre namo.astu te || 62||
yamAgni\-chandrAditijavidhAtR^iMshcha vibhAvayet |
Urddhva\-hasta\-dakShanakheShvatyakAlAya te namaH || 63||
tulochchasthAya saumyAya nakrakumbhagR^ihAya cha |
samIratvaShTajIvAMshcha viShNu tigma dyutInnayaset || 64||
Urdhva\-vAmahasta\-nakheShvanyagraha nivAriNe |
tuShTAya cha variShThAya namo rAhusakhAya cha || 65||
ravivAraM lalATe cha nyased\-bhImadR^ishe namaH |
somavAraM nyasedAsye namo mR^itapriyAya cha || 66||
bhaumavAraM nyasetsvAnte namo brahma\-svarupiNe |
meDhraM nyasetsaumyavAraM namo jIva\-svarupiNe || 67||
vR^iShaNe guruvAraM cha namo mantra\-svarupiNe |
bhR^iguvAraM maladvAre namaH pralayakAriNe || 68||
pAdayoH shanivAraM cha nirmAMsAya namo.astu te |
ghaTikA nyasetkesheShu namaste sUkShmarupiNe || 69||
kAlarupinnamaste.astu sarvapApapraNAshakaH !|
tripurasya vadhArthAMya shambhujAtAya te namaH || 70||
namaH kAlasharIrAya kAlanunnAya te namaH |
kAlaheto ! namastubhyaM kAlanandAya vai namaH || 71||
akhaNDadaNDamAnAya tvanAdyantAya vai namaH |
kAladevAya kAlAya kAlakAlAya te namaH || 72||
nimeShAdimahAkalpakAlarupaM cha bhairavam |
mR^ityu~njayaM mahAkAlaM namasyAmi shanaishcharam || 73||
dAtAraM sarvabhavyAnAM bhaktAnAmabhaya~Nkaram |
mR^ityu~njayaM mahAkAlaM namasyAmi shanaishcharam || 74||
karttAraM sarvaduHkhAnAM duShTAnAM bhayavardhanam |
mR^ityu~njayaM mahAkAlaM namasyAmi shanaishcharam || 75||
harttAraM grahajAtAnAM phalAnAmaghakAriNAm |
mR^ityu~njayaM mahAkAlaM namasyAmi shanaishcharam || 76||
sarveShAmeva bhUtAnAM sukhadaM shAntamavyayam |
mR^ityu~njayaM mahAkAlaM namasyAmi shanaishcharam || 77||
kAraNaM sukhaduHkhAnAM bhAvA.abhAva\-svarupiNam |
mR^ityu~njayaM mahAkAlaM namasyAmi shanaishcharam || 78||
akAla\-mR^ityu\-haraNa.amapamR^ityu nivAraNam |
mR^ityu~njayaM mahAkAlaM namasyAmi shanaishcharam || 79||
kAlarupeNa saMsAra bhakShayantaM mahAgraham |
mR^ityu~njayaM mahAkAlaM namasyAmi shanaishcharam || 80||
durnirIkShyaM sthUlaromaM bhIShaNaM dIrgha\-lochanam |
mR^ityu~njayaM mahAkAlaM namasyAmi shanaishcharam || 81||
grahANAM grahabhUtaM cha sarvagraha\-nivAraNam |
mR^ityu~njayaM mahAkAlaM namasyAmi shanaishcharam || 82||
kAlasya vashagAH sarve na kAlaH kasyachidvashaH |
tasmAttvAM kAlapuruShaM praNato.asmi shanaishcharam || 83||
kAladeva jagatsarvaM kAla eva vilIyate |
kAlarupaM svayaM shambhuH kAlAtmA grahadevatA || 84||
chaNDIsho rudraDAkinyAkrAntashchaNDIsha uchyate |
vidyudAkalito nadyAM samAruDho rasAdhipaH || 85||
chaNDIshaH shukasaMyukto jihvayA lalitaH punaH |
kShatajastAmasI shobhI sthirAtmA vidyutA yutaH || 86||
namo.anto manurityeSha shanituShTikaraH shive |
Adyante.aShTottarashataM manumenaM japennaraH || 87||
yaH paThechChraNuyAdvApi dhyAttvA sampUjya bhaktitaH |
tasya mR^ityorbhayaM naiva shatavarShAvadhipriye !|| 88||
jvarAH sarve vinashyanti dadru\-visphoTakachChukAH |
divA sauriM smaret rAtrau mahAkAlaM yajan paTheta || 89||
janmarkShe cha yadA saurirjapedetatsahasrakam |
vedhage vAmavedhe vA japedarddhasahasrakam || 90||
dvitIye dvAdashe mande tanau vA chAShTame.api vA |
tattadrAshau bhavedyAvat paThettAvaddinAvadhi || 91||
chaturthe dashame vA.api saptame navapa~nchame |
gochare janmalagneshe dashAsvantardashAsu cha || 92||
gurulAghavaj~nAnena paThedAvR^ittisa~NkhyayA |
shatamekaM trayaM vAtha shatayugmaM kadAchana || 93||
Apadastasya nashyanti pApAni cha jayaM bhavet |
mahAkAlAlaye pIThe hyathavA jalasannidhau || 94||
puNyakShetre.ashvatthamUle tailakumbhAgrato gR^ihe |
niyamenaikabhaktena brahmacharyeNa mauninA || 95||
shrotavyaM paThitavyaM cha sAdhakAnAM sukhAvaham |
paraM svastyayanaM puNyaM stotraM mR^ityu~njayAbhidham || 96||
kAlakrameNa kathitaM nyAsakrama samanvitam |
prAtaHkAle shuchirbhUtvA pUjAyAM cha nishAmukhe || 97||
paThatAM naiva duShTebhyo vyAghrasarpAdito bhayam |
nAgnito na jalAdvAyordeshe deshAntare.athavA || 98||
nA.akAle maraNaM teShAM nA.apamR^ityubhayaM bhavet |
AyurvarShashataM sAgraM bhavanti chirajIvinaH || 99||
nA.ataH parataraM stotraM shanituShTikaraM mahat |
shAntikaM shIghraphaladaM stotrametanmayoditam || 100||
tasmAtsarvaprayatnena yadIchChedAtmano hitam |
kathanIyaM mahAdevi ! naivAbhaktasya kasyachit || 101||

|| iti mArtaNDabhairavatantre mahAkAlashanimR^ityu~njayastotraM sampUrNam ||
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}