वेदोक्तसबीजनवग्रहमन्त्रजपप्रयोगः
अथ वेदोक्तसबीजनवग्रहमन्त्रजपप्रयोगः -
सूर्यः
अथ आदित्यमन्त्रः -
ॐ आकृष्णेति मन्त्रस्य हिरण्यस्तूपाङ्गिरस ऋषिस्त्रिष्टुप्छन्दः सूर्यो देवता सूर्यप्रीत्यर्थे जपे विनियोगः ॥
अथ देहाङ्गन्यासः -
आकृष्णेन शिरसि । रजसा ललाटे । वर्तमानो मुखे । निवेशयन् हृदये । अमृतं नाभौ । मर्त्यं च कट्याम् । हिरण्ययेन सविता ऊर्व्वोः । रथेना जान्वोः । देवो याति जङ्घयोः । भुवनानि पश्यन् पादयोः ॥
अथ करन्यासः -
आकृष्णेन रजसा अङ्गुष्ठाभ्यां नमः । वर्तमानो निवेशयन् तर्जनीभ्यां नमः । अमृतं मर्त्यं च मध्यमाभ्यां नमः । हिरण्ययेन अनामिकाभ्यां नमः । सविता रथेना कनिष्ठिकाभ्यां नमः । देवो याति भुवनानि पश्यन् करतलकरपृष्ठाभ्यां नमः ॥
एवं हृदयादिन्यासः -
आकृष्णेन रजसा हृदयाय नमः । वर्तमानो निवेशयन् शिरसे स्वाहा । अमृतं मर्त्यं च शिखायै वषट् । हिरण्येन कवचाय हुँ । सविता रथेना नेत्रत्रयाय वौषट् । देवो याति भुवनानि पश्यन् अस्त्राय फट् ।
अथ ध्यानं -
पद्मासनः पद्मकरो द्विबाहुः पद्मद्युतिः सप्ततुरङ्गवाहनः ।
दिवाकरो लोकगुरुः किरीटी मयि प्रसादं विदधातु देवः ॥
सूर्यगायत्री -
ॐ आदित्याय विद्महे दिवाकराय धीमहि तन्नः सूर्यः प्रचोदयात् ॥ १॥
जपमन्त्रः -
ॐ ह्राँ ह्रीं ह्रौं सः ॐ भूर्भुवः स्वः -
ॐ आकृष्णेन रजसा वर्तमानो निवेशयन्नमृतम्मर्त्यञ्च । हिरण्ययेन सविता रथेना देवो याति भुवनानि पश्यन् ॐ स्वः भुवः भूः ॐ सः ह्रौं ह्रीं ह्राँ ॐ सूर्याय नमः ॥ १॥
अस्य जपसङ्ख्या सप्तसहस्राणि ७०००, जपान्ते अर्कसमित्तिलपायसघृतैर्द्दशांशहोमः, तद्दशांशेन तर्पणं, तद्दशांशेन मार्जनं, तद्दशांशेन ब्राह्मणभोजनम् ।
अथ दानद्रव्याणि -
माणिक्यगोधूमसवत्सधेनुः कौसुम्भवासो गुडहेम ताम्रम् ।
आरक्तकं चन्दनमम्बुजञ्च वदन्ति दानं हि प्रदीप्तधाम्ने ॥
चन्द्रः
अथ चन्द्रमन्त्रः -
इमन्देवेतिमन्त्रस्य गौतम ऋषिः, सोमो देवता, विराट् छन्दः, सोमप्रीत्यर्थे जपे विनियोगः ।
अथ देहाङ्गन्यासः -
इमं देवा शिरसि । असपत्नꣳ ललाटे । सुवध्वं नासिकायाम् । महते क्षत्राय मुखे । महते ज्येष्ट्याय हृदये । महते जानराज्याय उदरे । इन्द्रस्येन्द्रियाय नाभौ । इमममुष्य कट्याम् । पुत्रममुष्यै मेढ्रे । पुत्रमस्यै ऊर्वोः । विशऽएष वो जान्वोः । मीराजा जङ्घयोः । सोमोऽस्माकं गुल्फयोः । ब्राह्मणानाꣳ राजा पादयोः ।
अथ कर न्यासः -
इमन्देवाऽअसपत्नꣳ सुवध्वं अङ्गुष्ठाभ्यां नमः । महते क्षत्राय महते ज्येष्ठ्याय तर्जनीभ्यां नमः । महते जानराज्यायेन्द्रस्येन्द्रियाय मध्यमाभ्यां नमः । इमममुष्य पुत्रममुष्यै पुत्रमस्यै अनामिकाभ्यां नमः । विशऽएष वो मीराजा कनिष्ठिकाभ्यां नमः । सोमोऽस्माकं ब्राह्मणानाꣳ राजा करतलकरपृष्ठाभ्यां नमः ।
एवं हृदयादिन्यासः -
इमन्देवाऽअसपत्नꣳ सुवध्वं हृदयाय नमः । महते क्षत्राय महते ज्येष्ठ्याय शिरसे स्वाहा । महते जानराज्यायेन्द्रस्येन्द्रियाय शिखायै वषट् । इमममुष्य पुत्रममुष्यै पुत्रमस्यै कवचाय हुँ । विशऽएष वो मी राजा नेत्रत्रयाय वौषट् । सोमोऽस्माकं ब्राह्मणानाꣳ राजा अस्त्राय फट् ।
अथ ध्यानं -
श्वेताम्बरः श्वेतविभूषणश्च श्वेतद्युतिर्दण्डधरो द्विबाहुः ।
चन्द्रोऽमृतात्मा वरदः किरीटी मयि प्रसादं विदधातु देवः ॥ १॥
चन्द्रगायत्री -
ॐ अत्रिपुत्राय विद्महे सागरोद्भवाय धीमहि तन्नश्चन्द्रः प्रचोदयात् ॥ १॥
जपमन्त्रः -
ॐ श्राँ श्रीं श्रौं सः ॐ भूर्भुवः स्वः ॐ इमन्देवाऽअसपत्नꣳ सुवध्वम्महते क्षत्राय महते ज्येष्ठ्याय महते जानराज्ज्यायेन्द्रस्येन्द्रियाय । इमममुष्य पुत्रममुष्यै पुत्रमस्यै विशऽएष वोऽमीराजा सोमोस्माकम्ब्राह्मणानाꣳ राजा । ॐ स्वः भुवः भूः ॐ सः श्रौं श्रीं श्राँ ॐ सोमाय नमः । जपसङ्ख्या एकादशसहस्राणि ११०००, जपान्ते पलाशसमित्तिलपायसघृतैर्दशांशहोमः, अन्यत्सर्वं पूर्ववत् ।
अथ दानद्रव्याणि -
सद्वंशपात्रस्थिततन्दुलाश्च कर्पूरमुक्ताफलशुभ्रवस्त्रम् ।
युगोपयुक्तं वृषभश्च रौप्यं चन्द्राय दद्याद् घृतपूर्णकुम्भम् ॥
भौमः
अथ भौममन्त्रः -
अग्निर्मूद्धेति मन्त्रस्य विरूपाङ्गिरस ऋषिः, अग्निर्देवता, गायत्री छन्दः, भौमप्रीत्यर्थे जपे विनियोगः
अथ देहाङ्गन्यासः -
अग्निः शिरसि । मूर्द्धा ललाटे । दिवः मुखे । ककुत् हृदये । पतिः उदरे । पृथिव्या नाभौ । अयं कट्याम् । अपाꣳ जान्वोः । रेताꣳ सि गुल्फयोः । जिन्वति पादयोः ।
अथ करन्यासः -
अग्निर्मूर्द्धा अङ्गुष्ठाभ्यां नमः । दिवः ककुत् तर्जनीभ्यां नमः । पतिः मध्यमाभ्यां नमः । पृथिव्या अयं अनामिकाभ्यां नमः । अपाꣳ रेताꣳ सि कनिष्ठिकाभ्यां नमः । जिन्वति करतलकरपृष्ठाभ्यां नमः ।
एवं हृदयादिन्यासः -
अग्निमूर्द्धा हृदयाय नमः । दिवः ककुत् शिरसे स्वाहा । पतिः शिखायै वषट् । पृथिव्या अयं कवचाय हुँ । अपाꣳ रेताꣳ सि नेत्रत्रयाय वौषट् । जिन्वति अस्त्राय फट् ॥
अथ ध्यानं -
रक्ताम्बरो रक्तवपुः किरीटी चतुर्भुजो मेषगतो गदाभृत् ।
धरासुतः शक्तिधरश्च शूली सदायमस्मद्वरदः प्रसन्नः ॥ १॥
भौमगायत्री -
ॐ क्षितिपुत्राय विद्महे लोहिताङ्गाय धीमहि तन्नो भौमः प्रचोदयात् ।
जपमन्त्रः -
ॐ क्राँ क्रीं क्रौं सः भूर्भुवः स्वः ॐ अग्निर्म्मूर्द्धा दिवः ककुत्पतिः पृथिव्याऽअयम् । अपाꣳ रेताꣳ सि जिन्न्वति । ॐ स्वः भवः भूः ॐ सः क्रौं क्रीं क्राँ ॐ भौमाय नमः ॥
जपसङ्ख्या - दशसहस्राणि १०००० जपान्ते खदिरसमित्तिलपायसघृतैर्दशांशहोमः, अन्यत्सर्वं पूर्ववत् ।
अथ दानद्रव्याणि -
प्रवालगोधूममसूरिकाश्च वृषोऽरुणश्चापि गुडः सुवर्णम् ।
आरक्तवस्त्रं करवीरपुष्पं ताम्रं च भौमाय वदन्ति दानम् ॥
बुधः
अथ सौम्यमन्त्रः -
उद्बुध्यस्वेति मन्त्रस्य परमेष्ठी प्रजापति ऋषिः त्रिष्टुप्छन्दः, बुधो देवता, बुधप्रीत्यर्थे जपे विनियोगः ।
अथ देहाङ्गन्यासः -
उद्बुध्यस्वेति शिरसि । अग्ने प्रति ललाटे । जागृहि त्वं मुखे । इष्टापूर्ते हृदये । सꣳ सृजेथामयञ्च नाभौ । अस्मिन्त्सधस्थे कट्याम् । अद्ध्युत्तरस्मिन् ऊर्वोः । विश्वे देवा जान्वोः । यजमानश्च गल्फयोः । सीदत पादयोः ॥
अथ करन्यासः -
उद्बुध्यस्वाग्ने प्रतिजागृहि त्वं अङ्गष्ठाभ्यां नमः । इष्टापूर्ते तर्जनीभ्यां नमः । सꣳ सृजेथामयं च मध्यमाभ्यां नमः । अस्मिन्त्सधस्थेऽद्ध्युत्तरस्मिन् अनामिकाभ्यां नमः । विश्वेदेवा यजमानश्च कनिष्ठिकाभ्यां नमः । सीदत करतलकरपृष्ठाभ्यां नमः ।
एवं हृदयादिन्यासः -
उद्बुध्यस्वाग्ने प्रतिजागृहि त्वं हृदयाय नमः । इष्टापूर्ते शिरसे स्वाहा । सꣳ सृजेथामयञ्च शिखायै वषट् । अस्मिन्त्सधस्थेऽअध्युत्तरस्मिन् कवचाय हुँ । विश्वेदेवा यजमानश्च नेत्रत्रयाय वौषट् । सीदत अस्त्राभ्यां नमः ।
अथ ध्यानं -
पीताम्बरः पीतवपुः किरीटी चतुर्भुजो दण्डधरश्च हारी ।
चर्मासिधृक् सोमसुतो गदाभृत् सिंहाधिरूढो वरदो बुधश्च ॥ १॥
बुधगायत्री -
ॐ चन्द्रपुत्राय विद्महे रोहिणीप्रियाय धीमहि तन्नो बुधः प्रचोदयात् ॥ १॥
जप मन्त्रः -
ॐ ब्राँ ब्रीं ब्रौं सः भूर्भुवः स्वः ॐ उद्बुध्यस्वाग्ने प्रतिजागृहि त्वमिष्टापूर्ते सꣳ सृजेथामयञ्च अस्मिन्त्सधस्थेऽअध्युत्तरस्मिन्न्विश्वे देवा यजमानश्च सीदत ॥
ॐ स्वः भुवः भूः ॐ सः ब्रौं ब्रीं ब्राँ ॐ सौम्याय नमः । जपसङ्ख्या - चतुः सहस्राणि ४०००, जपान्ते अपामार्गसमित्तिलपायसघृतैर्दशांशहोमः । अन्यत्सर्वं पूर्ववत् ।
अथ दानद्रव्याणि -
चैलं च नीलं कलधौतकांस्यं मुद्राज्यगारुत्मतसर्वपुष्यम् ।
दासी च दन्तो द्विरदस्य नूनं वदन्ति दानं बिधुनन्दनाय ॥
बृहस्पतिः
अथ बृहस्पतिमन्त्रः -
बृहस्पतेति मन्त्रस्य गृत्समद ऋषिः, अनुष्टुप्छन्दः, ब्रह्मा देवता, बृहस्पतिप्रीत्यर्थे जपे विनियोगाः
अथ देहाङ्गन्यासः -
बृहस्पते शिरसि । अतियदर्य्यो ललाटे । अर्हाद्युमत् मुखे । विभाति क्रतुमत् हृदये । जनेषु नाभौ । यद्दीदयत् कट्याम् । शवसऋतप्रजात ऊर्वोः । तदस्मासु द्रविणं जान्वोः । धेहि गुल्फयोः । चित्रं पादयोः ।
अथ करन्यासः -
बृहस्पतेऽ अतियदर्य्यो अङ्गुष्ठाभ्यां नमः । अर्हाद्युमत् तर्जनीभ्यां नमः । विभाति क्रतुमत् मध्यमाभ्यां नमः । जनेषु अनामिकाभ्यां नमः । यद्दीदयच्छवसऋतप्रजाततदस्मासु कनिष्ठिकाभ्यां नमः । द्रविणं धेहि चित्रं करतलकरपृष्ठाभ्यां नमः ।
एवं हृदयादिन्यासः -
बहस्पतेऽअतियदर्यो हृदयाय नमः । अर्हाद्युमत् शिरसे स्वाहा । विभाति क्रतुमत् शिखायै वषट् । जनेषु कवचाय हुँ । यद्दीदयच्छवसऋतप्रजाततदस्मासु नेत्रत्रयाय वौषट् । द्रविणं धेहि चित्रं अस्त्राय फट् ॥
अथ ध्यानं -
पीताम्बरः पीतवपुः किरीटी चतुर्भुजो देवगुरुः प्रशान्तः ।
तथाऽक्षसूत्रं च कमण्डलुञ्च दण्डञ्च बिभ्रद्वरदोऽस्तु मह्यम् ॥ १॥
गुरुगायत्री -
ॐ अङ्गिरोजाताय विद्महे वाचस्पतये धीमहि तन्नो गुरुः प्रचोदयात् ॥ १॥
जपमन्त्रः -
ॐ ह्राँ ह्रीं ह्रौं सः भूर्भुवः स्वः ॐ बृहस्पतेऽअतियदर्य्योऽअर्हाद्युमद्विभाति क्रतुमज्जनेषु यद्दीदयच्छवसऽऋत प्रजात तदस्मासु द्रविणन्धेहि चित्रम् । ॐ स्वः भवः भूः ॐ सः ह्रौं ह्रीं ह्राँ ॐ बृहस्पतये नमः ।
जपसङ्ख्या एकोनविंशतिसहस्राणि १९०००, जपान्ते अश्वत्थसमित्तिलपायसघृतैर्दशांशहोमः । अन्यत्सर्वं पूर्ववत् ।
अथ दानद्रव्याणि -
शर्करा च रजनीतुरङ्गमः पीतधान्यमपि पीतमम्बरम् ।
पुष्पराजलवणे च काञ्चनं प्रीतये सुरगुरोः प्रदीयताम् ॥
शुक्रः
अथ शुक्रमन्त्रः -
अन्नात्परिस्रुतेति मन्त्रस्य प्रजापतिऋषिः, अनुष्टुप् छन्दः, शुक्रो देवता, शुक्रप्रीत्यर्थे जपे विनियोगः
अथ देहाङ्गन्यासः -
अन्नात्परिस्रुतः शिरसि । रसं ब्रह्मणा ललाटे । व्यपिबत्क्षत्रं मुखे । पयः सोमं हृदये । प्रजापतिः नाभौ । ऋतेन सत्यं कट्याम् । इन्द्रियं विपानꣳ गुदे । शुक्रं वृषणे । अन्धस ऊर्वोः इन्द्रस्येन्द्रियं जानुनोः । इदं पयः गुल्फयोः । अमृतं मधु पादयोः
अथ करन्यासः -
अन्नात्परिस्रुतो रसं अङ्गुष्ठाभ्यां नमः । ब्रह्मणा व्यपिबत्क्षत्रं तर्ज्जनीभ्यां नमः । पयः सोमम्प्रजापतिः मध्यमाभ्यां ऋतेन सत्यमिन्द्रियं अनामिकाभ्यां नमः । विपानर्ठं शुक्रमन्धस कनिष्ठिकाभ्यां नमः । इन्द्रस्येन्द्रियमिदम्पयोमृतं मधु करतलकरपृष्ठाभ्यां नमः ।
एवं हृदयादिन्यासः -
अन्नात्परिस्रुतो रसं हृदयाभ्यां नमः । ब्रह्मणा व्यपिबत्क्षत्रं शिरसे स्वाहा । पयः सोमं प्रजापति शिखायै वषट् । ऋतेन सत्यमिन्द्रियं कवचाय हुँ । विपानर्ठं शुक्रमन्धस नेत्रत्रयाय वौषट् । इन्द्रस्येन्द्रियमिदम्पयोमृतम्मधु अस्त्राय फट् ।
अथ ध्यानं -
श्वेताम्बरः श्वेतवपुः किरीटी चतुर्भुजो दैत्यगरुः प्रशान्तः ।
तथाऽक्षसूत्रञ्च कमण्डलुञ्च दण्डञ्च बिभ्रद्वरदोऽस्तु मह्यम् ॥ १॥
भृगुगायत्री -
ॐ भृगुवंशजाताय विद्महे श्वेतवाहनाय धीमहि तन्नः कविः प्रचोदयात् ॥ १॥
जपमन्त्रः -
ॐ द्राँ द्रीं द्रौं सः भूर्भुवः स्वः ॐ अन्नात् परिस्रुतो रसम्ब्रह्मणा व्यपिबत्क्षत्रम्पयः सोमं प्रजापतिः । ऋतेन सत्यमिन्द्रियं विपानर्ठं शुक्रमन्धसऽइन्द्रस्येन्द्रियमिदम्पयो मृतम्मधु । ॐ स्वः भुवः भूः ॐ सः द्रौं द्रीं द्राँ ॐ शुक्राय नमः । जपसङ्ख्या षोडशसहस्राणि १६०००, जपान्ते औदुम्बरसमित्तिलपायसघृतैर्दशांशः होमः । अन्यत्सर्वं पूर्ववत् ।
अथ दानद्रव्याणि -
चित्राम्बरं शुभ्रतुरङ्गमश्च धेनुश्च वज्रं रजतं सुवर्णम् ।
सुतण्डुलानुत्तमगन्धयुक्तान् वदन्ति दानं भृगुनन्दनाय ॥
शनिः
अथ शनिमन्त्रः -
शन्नो देवीति मन्त्रस्य सिन्धुद्वीप ऋषिः, गायत्रीछन्दः आपो देवता, शनिप्रीत्यर्थे जपे विनियोगः ।
अथ न्यासः -
शन्नो शिरसि । देवीः ललाटे । अभिष्टय मुखे । आपो कण्ठे । भवन्तु हृदये । पीतये नाभौ । शं कट्याम् । योः ऊर्वोः । अभि जान्वोः । स्रवन्तु गुल्फयीः । नः पादयोः ।
अथ करन्यासः -
शन्नो देवीः अङ्गुष्ठाभ्यां नमः । अभिष्टये तर्ज्जनीभ्यां नमः । आपो भवन्तु मध्यमाभ्यां नमः । पीतये अनामिकाभ्यां नमः । शंय्योरभि कनिष्ठिकाभ्यां नमः । स्रवन्तु नः करतलकरपृष्ठाभ्यां नमः ।
एवं हृदयादिन्यासः -
शन्नो देवीः हृदयाय नमः । अभिष्टये शिरसे स्वाहा । आपो भवन्तु शिखायै वषट् । पीतये कवचाय हुँ । शन्थ्योरभि नेत्रत्रयाय वौषट् । स्रवन्तु नः अस्त्राय फट् ॥
अथ ध्यानं -
नीलाम्बरः शूलधरः किरीटी गृघ्रस्थितस्त्रासकरो धनुष्मान् ।
चतुर्भुजः सूर्यसुतः प्रशान्तः सदाऽस्तु मह्यं वरदोऽल्पगामी ॥ १॥
शनिगायत्री -
ॐ कृण्णाङ्गाय विद्महे रविपुत्राय धीमहि तन्नः सौरिः प्रचोदयात् ॥ १॥
जपमन्त्रः -
खाँ खीं खौं सः ॐ भूर्भुवः स्वः ॐ शन्नो देवीरभिष्टय।आपो भवन्तु पीतये शंय्योरभिस्रवन्तु नः । ॐ स्वः भुवः भूः ॐ सः खौं खीं खाँ ॐ शनैश्चराय नमः ॥
जपसङ्ख्या त्रयोविंशतिसहस्राणि २३०००, जपान्ते शमीसमित्तिलपायसघृतैर्दशांशहोमः । अन्यत्सर्वं पूर्ववत् ।
अथ दानद्रव्याणि -
भाषांश्च तैलं विमलेन्द्रनीलं तिलाः कुलित्था महिषी च लोहम् ।
कृष्णा च धेनुः प्रवदन्ति नूनं दुष्टाय दानं रविनन्दनाय ॥
राहुः
अथ राहुमन्त्रः -
कया नश्चित्रेति मन्त्रस्य वामदेव ऋषिः, गायत्री छन्दः, राहुर्देवताः, राहुप्रीत्यर्थे जपे विनियोगः ॥
अथ देहाङ्गन्यासः -
कया शिरसि । न ललाटे । चित्र मुखे । आ कण्ठे । भुव हृदये । दूती नाभौ । सदा कट्याम् । वृधः मेढ्रे । सखा ऊर्व्वो । कया जान्वोः । शचिष्ठया गुल्फयोः । वृता पादयोः ॥
अथ करन्यासः -
कया नः अङ्गुष्ठाभ्यां नमः । चित्र आ तर्ज्जनीभ्यां नमः । भुवदूती मध्यमाभ्यां नमः । सदावृधः सखा अनामिकाभ्यां नमः । कया कनिष्ठिकाभ्यां नमः ॥
शचिष्टया वृता करतलकरपृष्ठाभ्यां नमः । एवं हृदयादि न्यासः । कया नः हृदयाय नमः । चित्र आ शीरसे स्वाहा ।
भवदूती शिखायै वषट् । सदावृधः सखा कवचाय हुँ । कया नेत्रत्रयाय वौषट् । शचिष्ठया वृता अस्त्राय फट् ॥
अथ ध्यानं -
नीलाम्बरो नीलवपुः किरीटी करालवक्त्रः करवाल शूली । चतुर्भुजश्चक्रधरश्च राहुः सिंहाधिरूढो वरदोऽस्तु मह्यम् ॥ १॥ (सिंहासनस्थो)
राहुगायत्री -
नीलवर्णाय विद्महे सैहिकेयाय धीमहि तन्नो राहुः प्रचोदयात् ॥ १॥
जपमन्त्रः -
ॐ भ्राँ भ्रीं भ्रौं सः ॐ भूर्भुवः स्वः ॐ कया नश्चित्र।आभुवदूती सदावृधः सखा । कया शचिष्ठया व्वृता ॐ स्वः भुवः भूः ॐ सः भ्रौं भ्रीं भ्राँ ॐ राहवे नमः ।
जपसङ्ख्या साष्टदशसहस्राणि १८०००, जपान्ते दुर्वासमित्तिलपायसघृतैर्दशांशहोमः । अन्यत्सर्वं पूर्ववत् ।
अथ दानद्रव्याणि -
गोमेदरत्नं च तुरङ्गमश्च सुनीलचैलामलकम्बलञ्च ।
तिलाश्च तैलं खलु लोहमिश्रं स्वर्भानवे दानमिदं प्रदेयम् ॥
केतुः
अथ केतुमन्त्रः -
केतुं कृण्वन्निति मन्त्रस्य मधुच्छन्द ऋषिः, गायत्रीच्छन्दः, केतुर्देवता, केतुप्रीत्यर्थे जपे विनियोगः ।
अथ देहाङ्गन्यासः -
केतुं शिरसि । कृण्वन् ललाटे । अकेतवे मुखे । पेशो हृदये । मर्या नाभौ । अपेशसे कट्याम् । सं ऊर्व्वो । उषद्भिः जान्वोः । अजायथाः पादयोः ।
अथ करन्यासः -
केतुं कृण्वन् अङ्गुष्ठाभ्यां नमः । अकेतवे तर्ज्जनीभ्यां नमः । पेशोमर्या मध्यमाभ्यां नमः । अपेशसे अनामिकाभ्यां नमः । समुषद्भिः कनिष्ठिकाभ्यां नमः । अजायथाः करतलकरपृष्ठाभ्यां नमः ।
एवं हृदयादिन्यासः -
केतुङ्कृण्वन् हृदयाय नमः । अकेतवे शिरसे स्वाहा । पेशोमर्या शिखायै वषट् । अपेशसे कवचाय हुँ । समुषद्भिः नेत्रत्रयाय वौषट् । अजायथाः अस्त्राय फट् ॥
अथ ध्यानं -
धूम्रो द्विबाहुर्वरदो गदाधरो गृध्रासनस्थो विकृताननश्च ।
किरीटकेयूरविभूषितो यः सदाऽस्तु मे केतुगणः प्रशान्तः ॥ १॥
केतुगायत्री -
अत्रवाय (धूम्राय ) विद्महे कपोतवाहनाय धीमहि तन्नः केतुः प्रचोदयात् ।
अथ जपमन्त्रः -
ॐ प्राँ प्रीं प्रौं सः ॐ भूर्भुवः स्वः, ॐ केतुङ् कृण्वन्नकेतवे पेशो मर्य्याऽअपेशसे । समुषद्भिरजायथा । ॐ स्वः, भुवः, भूः, ॐ सः प्रौं प्रीं प्राँ ॐ केतवे नमः ॥
जपसङ्ख्या सप्तदशसहस्राणि १७०००, जपान्ते कुशसमित्तिलपायसघृतैर्दशांशहोमः, अन्यत्सर्वं पूर्ववत् ।
अथ दानद्रव्याणि -
वैडूर्यरत्नं सतिलं च तैलं सुकम्बलं चापि मदो मृगस्य ।
शस्त्रं च केतोः परितोषहेतोश्छागस्य दानं कथितं मुनीन्द्रैः ॥
इति वेदोक्तसबीजनवग्रहमन्त्रजपप्रयोगः सम्पूर्णः ।
Encoded and proofread by Paresh Panditrao